Matalikilo 48
48
Jakobo mbwaakaleleka Efulemu a Manase
1Nikwakamana ciindi ceelede, Josefa wakaambilwa kuti, “Uso ulaciswa.” Mpawo wakatola bana bakwe balombe bobilo, Manase a Efulemu, kuyoobona wisi. 2Lino Jakobo naakaambilwa kuti, “Josefa waboola kuzoomubona.” Wakaliyumya-yumya, wabuka, wakkala abulo. 3Jakobo wakati kuli Josefa. “Leza Singuzuzyoonse wakalibonya kulindime nindakali kumunzi wa Luzi mu Kenani akundileleka. 4Wakandaambila kuti, ‘Ndiyookupa bana banji, cakuti lunyungu lwako luyooba misyobo minji. Nyika eeyi njooipa kulunyungu lwako kuti lukakkale muno akutamani!’ 5Lino aaba bana bako balombe Efulemu a Manase bakazyalilwa muno mu Ijipiti nketanasika kuno, mbibangu mbubonya mbuli ba Lubeni a Simiyoni. 6Pele bana mboyoozyala musule abaaba aabo bayooba bako, bayootambula lukono lwabo kwiindila mukukkala antoomwe abanabokwabo. 7Ooku ndakucita nkaambo nindakapiluka kuzwida kunyika ya Padanalamu, mukuusa kwangu kupati, banyoko, Lacelo bakafwa mu Kenani, kakucili kasinzo kuti tusike kumunzi wa Efulata. Ndakabazikka ooko munsi aa mugwagwa” Efulata ngo Betelehemu.
8Isilayeli naakabona bana ba Josefa wakabuzya kuti, “Ino aaba balombe mbaani?” 9Josefa wakaingula kuti, “Aaba mbabana mbaakandipa Leza omuno mucisi ca Ijipiti.” Mpoonya Isilayeli wakati, “Balete aafwiifwi mbaleleke.” 10Meso aa Isilayeli akali kuya boofwaala akaambo kabudaala, nkabela taakacili kukonzya kubona kabotu. Aboobo Josefa wakaleta bana munsi lyakwe, mpoonya wakabafumbata akubamyonta. 11Lino Isilayeli wakati kuli Josefa, “Tiindacili kulangila kuti ndiciyookubona alimwi yebo pe. Pele lino Leza wandizumizya kuti ndikubone abana bako.” 12Mpoonya Josefa wakabagwisya bana kuzwa amaulu aa Isilayeli, amane wakakotamina wisi.
13Josefa wakajata bana bakwe boonse bobilo mumaanza, Efulemu wakamujata janza lyalulyo, kutegwa Isilayeli amutambuzye ajanza lyalumwensi, nkabela Manase wakamujata ajanza lyalumwensi kutegwa Isilayeli amutambuzye lyalulyo, eelyo wakabapa kuli Isilayeli. 14Pele Isilayeli wakaimpanya maboko aakwe, wakabikka janza lyakwe lyalulyo amutwe wa Efulemu, wakali ngomuniini, janza lyakwe lyalumwensi wakalibikka amutwe wa Manase, wakali ngomupati. 15Mpawo wakaleleka Josefa akuti,
“Leza abaleleke balombe aaba, Leza wakasolwedela bamatata Abulahamu a Izaka.
Leza uundisolweda mane kusikila sunu.
16Mungelo wa Leza ooyo wakandivuna kuzwa muntenda zyabubi,
abaleleke balombe aaba.
Kwiindila mulimbabo zina lyangu alikakkalilile akutamani,
amazina aabamatata Abulahamu a Izaka.
Abakazyale bana banji, bakazuzye nyika.”
17Lino Josefa naakabona kuti wisi wabikka janza lyakwe lyalulyo amutwe wa Efulemu, wakabijilwa aboobo wakajata janza lyawisi kuti aligwisye amutwe wa Efulemu akulibikka amutwe wa Manase. 18Wakati kuli wisi, “Tabusyi oobu pe taata. Kayi ooyu ngomupati. Bikka janza lyako lyalulyo amutwe wakwe.” 19Pele wisi wakakaka, wakati, “Ndilizi mwanaangu, ndilizi. Abalo balunyungu lwa Manase bayooba bantu basinguzu. Pele musyoonto wakwe uyookomena akuba anguzu kwiinda nguwe, alimwi bana balunyungu lwakwe bayooba misyobo mipati minji.”
20Wakabaleleka bana aabo mubuzuba oobo kati, “Baisilayeli bayoobanda mazina aanu mukuleleka. Bayooti, ‘Leza amuleleke mbuli Efulemu a Manase.’ Munzila iili boobu Isilayeli wakasolozya Efulemu akusyaalizya Manase.”
21Mpoonya Isilayeli wakaambila Josefa kuti, “Wabona kuti mebo ndili aafwiifwi kufwa, pele Leza uyooba ayebo, uyookubweedezya kunyika yauso. 22Lino cisi ca Syekemu ndacipa kulinduwe kutali kubapati bako, cipaanzi canyika ncindakanyanzya Baamoli apanga abuta bwangu.”
Currently Selected:
Matalikilo 48: Tonga96
Highlight
Share
Copy
Want to have your highlights saved across all your devices? Sign up or sign in
Tonga Bible © United Bible Societies, 1994.
Matalikilo 48
48
Jakobo mbwaakaleleka Efulemu a Manase
1Nikwakamana ciindi ceelede, Josefa wakaambilwa kuti, “Uso ulaciswa.” Mpawo wakatola bana bakwe balombe bobilo, Manase a Efulemu, kuyoobona wisi. 2Lino Jakobo naakaambilwa kuti, “Josefa waboola kuzoomubona.” Wakaliyumya-yumya, wabuka, wakkala abulo. 3Jakobo wakati kuli Josefa. “Leza Singuzuzyoonse wakalibonya kulindime nindakali kumunzi wa Luzi mu Kenani akundileleka. 4Wakandaambila kuti, ‘Ndiyookupa bana banji, cakuti lunyungu lwako luyooba misyobo minji. Nyika eeyi njooipa kulunyungu lwako kuti lukakkale muno akutamani!’ 5Lino aaba bana bako balombe Efulemu a Manase bakazyalilwa muno mu Ijipiti nketanasika kuno, mbibangu mbubonya mbuli ba Lubeni a Simiyoni. 6Pele bana mboyoozyala musule abaaba aabo bayooba bako, bayootambula lukono lwabo kwiindila mukukkala antoomwe abanabokwabo. 7Ooku ndakucita nkaambo nindakapiluka kuzwida kunyika ya Padanalamu, mukuusa kwangu kupati, banyoko, Lacelo bakafwa mu Kenani, kakucili kasinzo kuti tusike kumunzi wa Efulata. Ndakabazikka ooko munsi aa mugwagwa” Efulata ngo Betelehemu.
8Isilayeli naakabona bana ba Josefa wakabuzya kuti, “Ino aaba balombe mbaani?” 9Josefa wakaingula kuti, “Aaba mbabana mbaakandipa Leza omuno mucisi ca Ijipiti.” Mpoonya Isilayeli wakati, “Balete aafwiifwi mbaleleke.” 10Meso aa Isilayeli akali kuya boofwaala akaambo kabudaala, nkabela taakacili kukonzya kubona kabotu. Aboobo Josefa wakaleta bana munsi lyakwe, mpoonya wakabafumbata akubamyonta. 11Lino Isilayeli wakati kuli Josefa, “Tiindacili kulangila kuti ndiciyookubona alimwi yebo pe. Pele lino Leza wandizumizya kuti ndikubone abana bako.” 12Mpoonya Josefa wakabagwisya bana kuzwa amaulu aa Isilayeli, amane wakakotamina wisi.
13Josefa wakajata bana bakwe boonse bobilo mumaanza, Efulemu wakamujata janza lyalulyo, kutegwa Isilayeli amutambuzye ajanza lyalumwensi, nkabela Manase wakamujata ajanza lyalumwensi kutegwa Isilayeli amutambuzye lyalulyo, eelyo wakabapa kuli Isilayeli. 14Pele Isilayeli wakaimpanya maboko aakwe, wakabikka janza lyakwe lyalulyo amutwe wa Efulemu, wakali ngomuniini, janza lyakwe lyalumwensi wakalibikka amutwe wa Manase, wakali ngomupati. 15Mpawo wakaleleka Josefa akuti,
“Leza abaleleke balombe aaba, Leza wakasolwedela bamatata Abulahamu a Izaka.
Leza uundisolweda mane kusikila sunu.
16Mungelo wa Leza ooyo wakandivuna kuzwa muntenda zyabubi,
abaleleke balombe aaba.
Kwiindila mulimbabo zina lyangu alikakkalilile akutamani,
amazina aabamatata Abulahamu a Izaka.
Abakazyale bana banji, bakazuzye nyika.”
17Lino Josefa naakabona kuti wisi wabikka janza lyakwe lyalulyo amutwe wa Efulemu, wakabijilwa aboobo wakajata janza lyawisi kuti aligwisye amutwe wa Efulemu akulibikka amutwe wa Manase. 18Wakati kuli wisi, “Tabusyi oobu pe taata. Kayi ooyu ngomupati. Bikka janza lyako lyalulyo amutwe wakwe.” 19Pele wisi wakakaka, wakati, “Ndilizi mwanaangu, ndilizi. Abalo balunyungu lwa Manase bayooba bantu basinguzu. Pele musyoonto wakwe uyookomena akuba anguzu kwiinda nguwe, alimwi bana balunyungu lwakwe bayooba misyobo mipati minji.”
20Wakabaleleka bana aabo mubuzuba oobo kati, “Baisilayeli bayoobanda mazina aanu mukuleleka. Bayooti, ‘Leza amuleleke mbuli Efulemu a Manase.’ Munzila iili boobu Isilayeli wakasolozya Efulemu akusyaalizya Manase.”
21Mpoonya Isilayeli wakaambila Josefa kuti, “Wabona kuti mebo ndili aafwiifwi kufwa, pele Leza uyooba ayebo, uyookubweedezya kunyika yauso. 22Lino cisi ca Syekemu ndacipa kulinduwe kutali kubapati bako, cipaanzi canyika ncindakanyanzya Baamoli apanga abuta bwangu.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tonga Bible © United Bible Societies, 1994.