Matalikilo 49
49
Jakobo mbwaakaleleka bana bakwe
1Lino Jakobo wakaita bana bakwe balombe wati,
“Amuboole nyoonse kuti ndimwaambile,
ndimwaambile zintu ziyoomucitikila mumazuba aaboola.
2Amubungane nywebo nobana ba Jakobo.
Amuswiilile majwi aa Isilayeli uso.
3Yebo Lubeni, nduwe mwanaangu mutaanzi,
nduwe nguzu zyangu,
nduwe wabusankwa bwangu,
nduwe mwana wiinda bana bangu,
uubainda boonse mubulemu anguzu.
4Uli mbuli maanzi aakukulula,
maanzi amulonga uuzwide.
Pele tookooyooba nduwe mupati,
tokooyooba mupati nkaambo wakatanta abulo bwauso.
Wakasofwaazya bulo bwangu, wakoona amukauso.
5Simiyoni a Levi mbabunyina.
Babelesya mapanga aabo,
balaabelesya mukubusya manyongwe.
6Nsikooyoonjila mumakanze aabo.
Nsikooyoosangana mutubunga twabo pe,
Bakajaya bantu mubukali,
bakatyoloola basune mulunya.
7Bukali bwabo abusinganyizigwe.
Abusinganyizigwe nkaambo bulayoosya.
Abasubulwe nkaambo kakunyema kwabo.
Njoobamwaisya munyika ya Jakobo yoonse.
Njoobatantaanya mu Isilayeli.
8Yebo Juda, bayookutembaula banabokwanu.
Uyoobajata mumukosi basinkondonyoko.
Bana bauso bayookuvuntamina.
9Juda mwana wasyuumbwa,
wajaya ulapilulukila kumpangala yakwe, mwanaangu.
Ulayubilila mbuli syuumbwa,
mbuli syuumbwa muzyazi.
Nguni uunga wamusokomona?
10Juda ujatilila musako wabwami,
musako ooyo tuukazwi kulinguwe kusikila,
kusikila akasike ooyo ulaawo.
Ngonguwe ooyo bantu ngobayooswiilila.
11Ulasunga kambongolo kakwe kucisiko camusaansa,
kumusaansa mubotu kapati.
Ulasanzya zisani zyakwe awaini uusalala pyu,
Uusalala pyu mbuli bulowa.
12Meso aakwe alasalala kwiindila mukunywa waini,
meno aakwe alatuba buu kwiindila mukunywa mukupa.
13Zebuloni uyookkala kumbali aalwizi.
Zito zyakwe ziyooba makoba aamato.
Cisi cakwe ciyoosika kumunzi wa Sidoni.
14Isakaa nimbongolo njumu, ulalala akati kamikuli.
15Naakabona kubota kwabusena bwakulyookezya
akubona kuti ayalo nyika nimbotu,
wakadyaamika musana kuti abweze mukuli,
wakazumina kuba muzike wakucita milimo miyumu.
16Dani uyooba mubetesi wabantu bakwe,
mbuli misyobo imwi ya Isilayeli.
17Dani uyooba nzoka iili mumbali aanzila,
cipile wabukali mumbali aakazila,
uuluma nsumba zyabbiza,
kuziluma kutegwa uutantide awide musule.
18Lino ndilindila lufutuko lwako, O Mwami Leza.
19Gadi uyoosaalwa ankamu yabasikusaala,
uyoobalwana akubatandaanya.
20Inyika ya Asya iyoozyala zilyo zibotu,
uyoolima zilyo zibotu zyeelede mwami.
21Nafutali ninsya iilizuzaanina cakwaangunuka,
iizyala bana beebeka.
22Josefa mutabi wansaansa uuzyalisya,
uumenede kumbali aakasensa.
Mitabi yawo ilatandabala aabwaanda.
23Bavwimi bakamulwana cabukali,
bakamufusa amata aabo akumupenzya.
24Pele buta bwakwe bwakaima nji,
maboko aakwe akayumizigwa,
nkaambo kamaanza aa Singuzu wa Jakobo,
zina lya Mweembezi, Mwaala wa Isilayeli,
25nkaambo ka Leza wauso uukugwasya,
Leza Singuzuzyoonse, ngonguwe uukuleleka.
Ulakupa zileleko zyamvula kuzwa kujulu,
azyamaanzi manji aazwa kunsi aanyika,
azileleko zyamatanga abana.
26Zileleko zyauso zili aanguzu kwiinda,
kwiinda zileleko zyamalundu aaciindi,
zileleko zyamalundu aateeli,
zileleko eezyo zibe kuli Josefa,
iiyi, zibe ankumo yayooyo,
ooyo wakaandeene abanabokwabo.
27Benjamini nguumpe wabutambo.
Cifumo-fumo ulalya eezyo nzyaakajaya,
kumangolezya ulaabanya eezyo nzyaakajata.”
28Lino eeyi njemisyobo iili kkumi aibili ya Isilayeli, alimwi mbombuboobu mbwaakabaambila wisi. Wakabaleleka, wakapa kuli umwi aumwi wabo cileleko cimweelede.
Lufu lwa Jakobo akuzikkwa kwakwe
29Mpawo Jakobo wakabalailila kuti, “Lino mebo ndainka kuli basikale bangu. Mukandizikke kubusena ooko kulede matata, mumpangala iili mumuunda wa Efuloni Muhiti, 30ku Makipela, kujwe lya Mamule, mu Kenani. Abulahamu nguwakaula mpangala eeyi antoomwe amuunda oomo mwiibede kuzwa kuli Efuloni Muhiti, kuti ube namaumbwe. 31Nkonkuko ooko nkobakazikkila Abulahamu amukaintu wakwe Sala, nkonkuko ooko nkobakamuzikkila Izaka amukaintu wakwe Labeka, alimwi nkonkuko ooko nkondakaakumuzikkila Leya. 32Muunda alimwi ampangala iili mulinguwo zyakaulwa kuzwa ku Bahiti.” 33Lino Jakobo naakamana kupa kulailila ooku kubana bakwe, wakagonya maulu aakwe abulo, wafwa, waakuswaangana abasikale bakwe.
Currently Selected:
Matalikilo 49: Tonga96
Highlight
Share
Copy
Want to have your highlights saved across all your devices? Sign up or sign in
Tonga Bible © United Bible Societies, 1994.
Matalikilo 49
49
Jakobo mbwaakaleleka bana bakwe
1Lino Jakobo wakaita bana bakwe balombe wati,
“Amuboole nyoonse kuti ndimwaambile,
ndimwaambile zintu ziyoomucitikila mumazuba aaboola.
2Amubungane nywebo nobana ba Jakobo.
Amuswiilile majwi aa Isilayeli uso.
3Yebo Lubeni, nduwe mwanaangu mutaanzi,
nduwe nguzu zyangu,
nduwe wabusankwa bwangu,
nduwe mwana wiinda bana bangu,
uubainda boonse mubulemu anguzu.
4Uli mbuli maanzi aakukulula,
maanzi amulonga uuzwide.
Pele tookooyooba nduwe mupati,
tokooyooba mupati nkaambo wakatanta abulo bwauso.
Wakasofwaazya bulo bwangu, wakoona amukauso.
5Simiyoni a Levi mbabunyina.
Babelesya mapanga aabo,
balaabelesya mukubusya manyongwe.
6Nsikooyoonjila mumakanze aabo.
Nsikooyoosangana mutubunga twabo pe,
Bakajaya bantu mubukali,
bakatyoloola basune mulunya.
7Bukali bwabo abusinganyizigwe.
Abusinganyizigwe nkaambo bulayoosya.
Abasubulwe nkaambo kakunyema kwabo.
Njoobamwaisya munyika ya Jakobo yoonse.
Njoobatantaanya mu Isilayeli.
8Yebo Juda, bayookutembaula banabokwanu.
Uyoobajata mumukosi basinkondonyoko.
Bana bauso bayookuvuntamina.
9Juda mwana wasyuumbwa,
wajaya ulapilulukila kumpangala yakwe, mwanaangu.
Ulayubilila mbuli syuumbwa,
mbuli syuumbwa muzyazi.
Nguni uunga wamusokomona?
10Juda ujatilila musako wabwami,
musako ooyo tuukazwi kulinguwe kusikila,
kusikila akasike ooyo ulaawo.
Ngonguwe ooyo bantu ngobayooswiilila.
11Ulasunga kambongolo kakwe kucisiko camusaansa,
kumusaansa mubotu kapati.
Ulasanzya zisani zyakwe awaini uusalala pyu,
Uusalala pyu mbuli bulowa.
12Meso aakwe alasalala kwiindila mukunywa waini,
meno aakwe alatuba buu kwiindila mukunywa mukupa.
13Zebuloni uyookkala kumbali aalwizi.
Zito zyakwe ziyooba makoba aamato.
Cisi cakwe ciyoosika kumunzi wa Sidoni.
14Isakaa nimbongolo njumu, ulalala akati kamikuli.
15Naakabona kubota kwabusena bwakulyookezya
akubona kuti ayalo nyika nimbotu,
wakadyaamika musana kuti abweze mukuli,
wakazumina kuba muzike wakucita milimo miyumu.
16Dani uyooba mubetesi wabantu bakwe,
mbuli misyobo imwi ya Isilayeli.
17Dani uyooba nzoka iili mumbali aanzila,
cipile wabukali mumbali aakazila,
uuluma nsumba zyabbiza,
kuziluma kutegwa uutantide awide musule.
18Lino ndilindila lufutuko lwako, O Mwami Leza.
19Gadi uyoosaalwa ankamu yabasikusaala,
uyoobalwana akubatandaanya.
20Inyika ya Asya iyoozyala zilyo zibotu,
uyoolima zilyo zibotu zyeelede mwami.
21Nafutali ninsya iilizuzaanina cakwaangunuka,
iizyala bana beebeka.
22Josefa mutabi wansaansa uuzyalisya,
uumenede kumbali aakasensa.
Mitabi yawo ilatandabala aabwaanda.
23Bavwimi bakamulwana cabukali,
bakamufusa amata aabo akumupenzya.
24Pele buta bwakwe bwakaima nji,
maboko aakwe akayumizigwa,
nkaambo kamaanza aa Singuzu wa Jakobo,
zina lya Mweembezi, Mwaala wa Isilayeli,
25nkaambo ka Leza wauso uukugwasya,
Leza Singuzuzyoonse, ngonguwe uukuleleka.
Ulakupa zileleko zyamvula kuzwa kujulu,
azyamaanzi manji aazwa kunsi aanyika,
azileleko zyamatanga abana.
26Zileleko zyauso zili aanguzu kwiinda,
kwiinda zileleko zyamalundu aaciindi,
zileleko zyamalundu aateeli,
zileleko eezyo zibe kuli Josefa,
iiyi, zibe ankumo yayooyo,
ooyo wakaandeene abanabokwabo.
27Benjamini nguumpe wabutambo.
Cifumo-fumo ulalya eezyo nzyaakajaya,
kumangolezya ulaabanya eezyo nzyaakajata.”
28Lino eeyi njemisyobo iili kkumi aibili ya Isilayeli, alimwi mbombuboobu mbwaakabaambila wisi. Wakabaleleka, wakapa kuli umwi aumwi wabo cileleko cimweelede.
Lufu lwa Jakobo akuzikkwa kwakwe
29Mpawo Jakobo wakabalailila kuti, “Lino mebo ndainka kuli basikale bangu. Mukandizikke kubusena ooko kulede matata, mumpangala iili mumuunda wa Efuloni Muhiti, 30ku Makipela, kujwe lya Mamule, mu Kenani. Abulahamu nguwakaula mpangala eeyi antoomwe amuunda oomo mwiibede kuzwa kuli Efuloni Muhiti, kuti ube namaumbwe. 31Nkonkuko ooko nkobakazikkila Abulahamu amukaintu wakwe Sala, nkonkuko ooko nkobakamuzikkila Izaka amukaintu wakwe Labeka, alimwi nkonkuko ooko nkondakaakumuzikkila Leya. 32Muunda alimwi ampangala iili mulinguwo zyakaulwa kuzwa ku Bahiti.” 33Lino Jakobo naakamana kupa kulailila ooku kubana bakwe, wakagonya maulu aakwe abulo, wafwa, waakuswaangana abasikale bakwe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tonga Bible © United Bible Societies, 1994.