Matalikilo 50
50
1Mpawo Josefa wakaliwaala amubili wawisi, wakalila akumumyonta kubusyu. 2Amane Josefa wakalailila basilisi, bakali kumubelekela kuti bananike mubili wawisi musamu wakuti utaboli. Eelyo basilisi bakananika mutumba wa Isilayeli, 3Cakabatolela mazuba aali makumi one kumana mulimo ooyu, nkaambo eeci nceciindi ceelede kucita mulimo ooyu. Baijipiti bakalila Jakobo kwa mazuba aali makumi aali ciloba.
4Lyakamana dilwe lya wisi, Josefa wakaambila babelesi balupati-pati ba Falo kuti, “Naa mulandifwida luzyalo, amundaambilile makani aaya kuli Falo. 5Mukati, ‘Taata naakali aafwiifwi kufwa, wakandicita kuti ndikonkezye kulinguwe kuti njomuzikkila mucuumbwe ncaakalibambila mwini cili munyika ya Kenani. Ino mbuti kuti ndainka nkazike taata, ndaakumana njooboola kuno alimwi.’” 6Naakaambilwa Falo wakati, “Pe, mbubo kamuzikke uso, mbubonya mbuli mbwaakakulailila.”
7Aboobo Josefa wakainka kuyoozikka wisi. Boonse babelesi ba Falo abapati bankuta yakwe, alimwi boonse balupati-pati bamwi bamu Ijipiti bakasindikila Josefa antoomwe abamukwasyi wakwe, abanabokwabo, alimwi abamukwasyi wawisi. 8Munyika ya Gosyeni kwakasyaala buyo bana baniini, mbelele, mpongo zyabo, alimwi aŋombe zyabo. 9Basima-bbiza abalo bakainka, yakali nkamu mpati yabantu.
10Lino nibakasika kulubuwa luuminwa maila lwaku Atadi, kujwe lyamulonga wa Jolodani, bakalila akoomoka kapati, aawa Josefa wakabusya dilwe lya wisi kwamazuba aali ciloba. 11Basicisi, Bakenani nibakamvwa kulila ooku ku Atadi bakati, “Ooku nkulila kupati kwa Baijipiti.” Aaka nkakaambo busena oobu ncibwakaitwa kuti Abela-mizilaimu. Buli kujwe lya Jolodani.
12Nkaako bana ba Jakobo bakacitila wisi mbubonya mbuli mbwaakabalailila. 13Bakamubweza akumutola ku Kenani, akuyoomuzikka mumpangala yamumuunda wa Makipela, kujwe lya Mamule, eeyo mpangala njaakaula Abulahamu antoomwe amuunda kuzwa kuli Efuloni Muhiti, kuti ibe namaumbwe. 14Amane buyo kuzikka wisi, Josefa wakajokela ku Ijipiti antoomwe abanabokwabo alimwi abantu boonse bakamusindikilide kudilwe.
Josefa mbwaakasyomezya banabokwabo kuti uyoobabamba
15Musule akufwa kwawisi, banabokwabo Josefa bakalyaambauzya kuti, “Ambweni Josefa ucitusulaikide, alimwi ambweni inga ulayanda kuti atuboozezye bubi mbutwakamucitila.” 16Nkabela bakatumina mulomo kuli Josefa wakuti, “Uso katanafwa wakatulailila 17kuti tukwaambile kuti, ‘Ndakomba akaka, ubalekelele bapati bako mulandu wacibi eeco ncibakakucitila.’ Akaka twakomba swebo tobazike ba Leza wauso kuti utulekelele bubi mbotwakakucitila.” Nkabela Josefa wakatalika kulila nibakamwaambila boobu.
18Mpoonya balo banabokwabo lwabo beni bakaza kulinguwe akuzoovuntama kumbele lyakwe, bakati, “Bona, twalibikka kunsi lyako, akuba bazike bako.” 19Pele Josefa wakabaambila kuti, “Mutayoowi pe, sena mebo ndakonzya kulibikka mubusena bwa Leza? 20Nywebo mwakali kuyanda kundicita cibi, pele Leza wakasandula cibi canu kuti cibe cibotu, kutegwa buumi bwabantu banji bufutulwe, mbubonya mbuli mbomubwene sunu. 21Nkaako mutayoowi pe, ndiyoomubamba nywebo abana banu boonse.” Mbombuboobu mbwaakabayumya-yumya amajwi aalubomba aayo akakkazika myoyo yabo!
Lufu lwa Josefa
22Lino Josefa wakalikkede mu Ijipiti abamukwasyi wawisi, wakali aamyaka iili mwaanda akkumi lyomwe. 23Wakapona mane wakababona bana ba Efulemu bazyukulu bakwe abazyukululwa ba Efulemu. Nibakazyalwa bana ba Makee, mwana mulombe wa Manase, Josefa wakabatambula mumukwasyi wakwe.
24Lino Josefa wakati kubanabokwabo, “Mebo ndaafwiifwi kufwa, nikuba boobo Leza uyoomubamba nywebo akuyoomugwisya munyika iino, akumutola kunyika eeyo njaakasyomezya naakakonka kuli Abulahamu, akuli Izaka, akuli Jakobo.” 25Mpoonya Josefa wakakumbila banabokwabo kuti. “Amusyomezye kuti ciindi Leza aakumuyeeya, muyoobweza mafuwa aangu kuzwa munyika iino mukaatolelezye.” 26Aboobo Josefa wakafwa kasikide myaka iili mwaanda akkumi lyomwe. Nkabela mutumba wakwe bakuunanika amusamu uutabozyi, mpoonya, bakuubamba mubbokesi.
Currently Selected:
Matalikilo 50: Tonga96
Highlight
Share
Copy
Want to have your highlights saved across all your devices? Sign up or sign in
Tonga Bible © United Bible Societies, 1994.
Matalikilo 50
50
1Mpawo Josefa wakaliwaala amubili wawisi, wakalila akumumyonta kubusyu. 2Amane Josefa wakalailila basilisi, bakali kumubelekela kuti bananike mubili wawisi musamu wakuti utaboli. Eelyo basilisi bakananika mutumba wa Isilayeli, 3Cakabatolela mazuba aali makumi one kumana mulimo ooyu, nkaambo eeci nceciindi ceelede kucita mulimo ooyu. Baijipiti bakalila Jakobo kwa mazuba aali makumi aali ciloba.
4Lyakamana dilwe lya wisi, Josefa wakaambila babelesi balupati-pati ba Falo kuti, “Naa mulandifwida luzyalo, amundaambilile makani aaya kuli Falo. 5Mukati, ‘Taata naakali aafwiifwi kufwa, wakandicita kuti ndikonkezye kulinguwe kuti njomuzikkila mucuumbwe ncaakalibambila mwini cili munyika ya Kenani. Ino mbuti kuti ndainka nkazike taata, ndaakumana njooboola kuno alimwi.’” 6Naakaambilwa Falo wakati, “Pe, mbubo kamuzikke uso, mbubonya mbuli mbwaakakulailila.”
7Aboobo Josefa wakainka kuyoozikka wisi. Boonse babelesi ba Falo abapati bankuta yakwe, alimwi boonse balupati-pati bamwi bamu Ijipiti bakasindikila Josefa antoomwe abamukwasyi wakwe, abanabokwabo, alimwi abamukwasyi wawisi. 8Munyika ya Gosyeni kwakasyaala buyo bana baniini, mbelele, mpongo zyabo, alimwi aŋombe zyabo. 9Basima-bbiza abalo bakainka, yakali nkamu mpati yabantu.
10Lino nibakasika kulubuwa luuminwa maila lwaku Atadi, kujwe lyamulonga wa Jolodani, bakalila akoomoka kapati, aawa Josefa wakabusya dilwe lya wisi kwamazuba aali ciloba. 11Basicisi, Bakenani nibakamvwa kulila ooku ku Atadi bakati, “Ooku nkulila kupati kwa Baijipiti.” Aaka nkakaambo busena oobu ncibwakaitwa kuti Abela-mizilaimu. Buli kujwe lya Jolodani.
12Nkaako bana ba Jakobo bakacitila wisi mbubonya mbuli mbwaakabalailila. 13Bakamubweza akumutola ku Kenani, akuyoomuzikka mumpangala yamumuunda wa Makipela, kujwe lya Mamule, eeyo mpangala njaakaula Abulahamu antoomwe amuunda kuzwa kuli Efuloni Muhiti, kuti ibe namaumbwe. 14Amane buyo kuzikka wisi, Josefa wakajokela ku Ijipiti antoomwe abanabokwabo alimwi abantu boonse bakamusindikilide kudilwe.
Josefa mbwaakasyomezya banabokwabo kuti uyoobabamba
15Musule akufwa kwawisi, banabokwabo Josefa bakalyaambauzya kuti, “Ambweni Josefa ucitusulaikide, alimwi ambweni inga ulayanda kuti atuboozezye bubi mbutwakamucitila.” 16Nkabela bakatumina mulomo kuli Josefa wakuti, “Uso katanafwa wakatulailila 17kuti tukwaambile kuti, ‘Ndakomba akaka, ubalekelele bapati bako mulandu wacibi eeco ncibakakucitila.’ Akaka twakomba swebo tobazike ba Leza wauso kuti utulekelele bubi mbotwakakucitila.” Nkabela Josefa wakatalika kulila nibakamwaambila boobu.
18Mpoonya balo banabokwabo lwabo beni bakaza kulinguwe akuzoovuntama kumbele lyakwe, bakati, “Bona, twalibikka kunsi lyako, akuba bazike bako.” 19Pele Josefa wakabaambila kuti, “Mutayoowi pe, sena mebo ndakonzya kulibikka mubusena bwa Leza? 20Nywebo mwakali kuyanda kundicita cibi, pele Leza wakasandula cibi canu kuti cibe cibotu, kutegwa buumi bwabantu banji bufutulwe, mbubonya mbuli mbomubwene sunu. 21Nkaako mutayoowi pe, ndiyoomubamba nywebo abana banu boonse.” Mbombuboobu mbwaakabayumya-yumya amajwi aalubomba aayo akakkazika myoyo yabo!
Lufu lwa Josefa
22Lino Josefa wakalikkede mu Ijipiti abamukwasyi wawisi, wakali aamyaka iili mwaanda akkumi lyomwe. 23Wakapona mane wakababona bana ba Efulemu bazyukulu bakwe abazyukululwa ba Efulemu. Nibakazyalwa bana ba Makee, mwana mulombe wa Manase, Josefa wakabatambula mumukwasyi wakwe.
24Lino Josefa wakati kubanabokwabo, “Mebo ndaafwiifwi kufwa, nikuba boobo Leza uyoomubamba nywebo akuyoomugwisya munyika iino, akumutola kunyika eeyo njaakasyomezya naakakonka kuli Abulahamu, akuli Izaka, akuli Jakobo.” 25Mpoonya Josefa wakakumbila banabokwabo kuti. “Amusyomezye kuti ciindi Leza aakumuyeeya, muyoobweza mafuwa aangu kuzwa munyika iino mukaatolelezye.” 26Aboobo Josefa wakafwa kasikide myaka iili mwaanda akkumi lyomwe. Nkabela mutumba wakwe bakuunanika amusamu uutabozyi, mpoonya, bakuubamba mubbokesi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tonga Bible © United Bible Societies, 1994.