Myeelwe 7
7
Milumbo yabasololi
1Lino Mozesi naakamana kwiimika tente lyakukombela, wakalinanika mafuta, walisalazya azibelesyo zyoonse zili mulindilyo, acipaililo azibelesyo zyaco. 2Eelyo bapati ba Baisilayeli, nkokuti basololi bamikwasyi amisyobo bakali kweendelezya mulimo wakubalwa, bakaleta milumbo yabo. 3Bakaleta milumbo yabo eeyi kubusena bwa Mwami Leza, ŋola zili cisambomwe zivumbidwe, abasune bali kkumi ababili, musololi omwe-omwe wakapa musune omwe, basololi bobilo bakapa ŋola yomwe. Eezi zyakapedwa kutente lyakukombela.
4Lino Mwami Leza wakaambila Mozesi kuti, 5“Itambule milumbo eeyi kuti ibelesegwe milimo iicitwa kutente lyakuswaanganina, wiipe ku Balevi mbubonya mbuli buyandika mulimo waumwi aumwi.”
6Nkaako Mozesi wakatambula ŋola abasune, wapa Balevi. 7Wakapa ŋola zyobilo abasune bone ku Bagesyoni mbubweelede milimo yabo. 8Azimwi zyone abasune bali lusele wakapa Bamelali mbubweelede milimo yabo. Wakali kubalanga ngu Itamaa mwana wa Aloni mupaizi. 9Pele taakwe wakapegwa ku Bakohati nkaambo kakuti milimo yabo yakali yakuyumuna zintu zisalala nzibakapegwa.
10Lino basololi bakaleta milumbo yakupa cipaililo kuli Leza buzuba nicakananikwa. 11Nkaambo Mwami Leza wakaambilide Mozesi kuti, “Buzuba bumwi abumwi kwamazuba aali kkumi aabili kufumbwa musololi alete mulumbo wakwe wakupa cipaililo ku Mwami Leza.”
12Lino mubuzuba butaanzi Nasyoni mwana wa Aminadabu wamusyobo wa Juda nguwakaleta milumbo yakwe. 13Wakapa mutiba wansiliva uulema masyekeli aali mwaanda amakumi otatwe, amutiba wanindi wansiliva wakusansaizya uulema masyekeli aali ciloba, mbubonya mbuli mweelwe wakuŋanda ya Leza. Yoonse yobilo yakazwide busu bunante bwakavweledwe amafuta bube cituuzyo camaila. 14Alimwi wakapa acipampuzyo cangolida cilema masyekeli aali kkumi cakazwide tununkilizyo. 15Wakapa kapoho komwe, mugutu omwe, akabelele kali aamwaka omwe, zibe cipaizyo cakutenta. 16Wakapa asijembwe omwe wacipaizyo cazinyonyoono. 17Kumane wakapa basune bobilo, bagutu bosanwe, basijembwe bosanwe, atubelele tosanwe tuli aamwaka omwe, zibe cipaizyo calumvwano. Eeyi njemilumbo ya Nasyoni mwana wa Aminadabu.
18Lino mubuzuba bwabili Netaneli mwanaa Zuwaa, wamusyobo wa Isakaa, nguwakaleta milumbo yakwe. 19Wakapa mutiba wansiliva uulema masyekeli aali mwaanda amakumi otatwe, amutiba wanindi wansiliva wakusansaizya uulema masyekeli aali makumi aali ciloba, mbubonya mbuli mweelwe wakuŋanda ya Leza. Yoonse yobilo yakazwide busu bunante bwakavweledwe mafuta, bube cituuzyo camaila. 20Alimwi wakapa acipampuzyo cangolida cilema masyekeli aali kkumi cakazwide tununkilizyo. 21Wakapa kapoho komwe, mugutu omwe, akabelele kali aamwaka omwe, zibe cipaizyo cakutenta. 22Wakapa asijembwe omwe wacipaizyo cazinyonyoono. 23Kumane wakapa basune bobilo, bagutu bosanwe, basijembwe bosanwe, atubelele tosanwe twamwaka omwe, kuba cipaizyo calumvwano. Eeyi njemilumbo ya Netaneli mwanaa Zuwaa.
24Mubuzuba bwatatu Eliyabu mwanaa Heloni, wamusyobo wa Zebuluni, nguwakaleta milumbo yakwe. 25Wakapa mutiba wansiliva uulema masyekeli aali mwaanda amakumi otatwe, amutiba wanindi wansiliva uulema masyekeli aali mwaanda amakumi otatwe, amutiba wanindi wansiliva wakusansaizya uulema masyekeli aali makumi aali ciloba, mbubonya mbuli mweelwe wakuŋanda ya Leza, yoonse yobilo yakazwide busu bunante bwakavweledwe amafuta, bube cituuzyo camaila. 26Alimwi wakapa acipampuzyo cangolida cilema masyekeli aali kkumi cakazwide tununkilizyo. 27Wakapa kapoho komwe, mugutu omwe, akabelele komwe kuti zibe cipaizyo cakutenta. 28Wakapa sijembwe wacipaizyo cazinyonyoono. 29Kumane wakapa basune bobilo, bagutu bosanwe, basijembwe bosanwe atubelele tosanwe twamwaka omwe zibe cipaizyo calumvwano. Eeyi njemilumbo ya Eliyabu mwanaa Heloni.
30Lino mubuzuba bwane Elizuu mwanaa Syedeyuu, wamusyobo wa Lubeni nguwakaleta milumbo yakwe. 31Wakapa mutiba wansiliva uulema masyekeli aali mwaanda amakumi otatwe, amutiba wanindi wansiliva wakusansaizya uulema masyekeli aali makumi aali ciloba, mbubonya mbuli mweelwe wakuŋanda ya Leza. Yoonse yobilo yakazwide busu bunante bwakavweledwe mafuta, bube cituuzyo camaila. 32Alimwi wakapa cipampuzyo cangolida cilema masyekeli aali kkumi cakazwide tununkilizyo. 33Wakapa kapoho komwe, mugutu omwe, akabelele kali aamwaka omwe, zibe cipaizyo cakutenta. 34Wakapa asijembwe omwe wacipaizyo cazinyonyoono. 35Kumane wakapa basune bobilo, bagutu bosanwe, basijembwe bosanwe, atubelele tosanwe twamwaka omwe, zibe cipaizyo calumvwano. Eeyi njemilumbo ya Elizuu mwanaa Syedeyuu.
36Lino mubuzuba bwamusanu Syelumiyeli mwanaa Zulisyadayi wamusyobo wa Simiyoni nguwakaleta milumbo yakwe. 37Wakapa mutiba wansiliva uulema masyekeli aali mwaanda amakumi otatwe, alimwi amutiba wanindi wansiliva wakusansaizya uulema masyekeli aali makumi aali ciloba, mbubonya mbuli mweelwe wakuŋanda ya Leza. Yoonse yobilo yakazwide busu bunante bwakavweledwe mafuta, bube cituuzyo camaila. 38Alimwi wakapa cipampuzyo cangolida cilema masyekeli aali kkumi cakazwide tununkilizyo. 39Wakapa kapoho komwe, mugutu omwe, akabelele kali aamwaka omwe, zibe cipaizyo cakutenta. 40Wakapa asijembwe omwe wacipaizyo cazinyonyoono. 41Kumane wakapa basune bobilo, bagutu bosanwe, basijembwe bosanwe, atubelele tosanwe tuli aamwaka omwe, zibe cipaizyo calumvwano. Eeyi njemilumbo ya Syelumiyeli mwanaa Zulisyadayi.
42Lino mubuzuba bwacisambomwe Eliyasafu mwanaa Deyuweli wamusyobo wa Gadi nguwakaleta milumbo yakwe. 43Wakapa mutiba wansiliva uulema masyekeli aali mwaanda amakumi otatwe amutiba wanindi wansiliva wakusansaizya uulema masyekeli aali makumi aali ciloba, mbubonya mbuli mweelwe wakuŋanda ya Leza. Yoonse yobilo yakazwide busu bunante bwakavweledwe mafuta, bube cituuzyo camaila. 44Alimwi wakapa acipampuzyo cangolida cilema masyekeli aali kkumi cakazwide tununkilizyo. 45Wakapa kapoho komwe, mugutu omwe, akabelele komwe kali aamwaka omwe, zibe cipaizyo cakutenta. 46Wakapa asijembwe omwe acipaizyo cazinyonyoono. 47Kumane wakapa basune bobilo, bagutu bosanwe, basijembwe bosanwe, atubelele tosanwe tuli aamwaka omwe zibe cipaizyo calumvwano. Eeyi njemilumbo ya Eliyasafu mwanaa Deyuweli.
48Lino mubuzuba bwaciloba Elisyama mwana wa Amihudi waciinga ca Efulemu nguwakaleta milumbo yakwe. 49Wakapa mutiba wansiliva uulema masyekeli aali mwaanda amakumi otatwe, alimwi amutiba wanindi wansiliva wakusansaizya uulema masyekeli aali makumi aali ciloba, mbubonya mbuli mweelwe wakuŋanda ya Leza. Yoonse yobilo yakazwide busu bunante bwakavweledwe amafuta, bube cituuzyo camaila. 50Alimwi wakapa cipampuzyo cangolida cilema masyekeli aali kkumi cakazwide tununkilizyo. 51Wakapa kapoho komwe, mugutu omwe, akabelele kali aamwaka omwe, zibe cipaizyo cakutenta. 52Wakapa asijembwe wacipaizyo cazinyonyoono. 53Kumane wakapa basune bobilo, bagutu bosanwe, basijembwe bosanwe, atubelele tosanwe tuli aamwaka omwe zibe cipaizyo calumvwano. Eeyi njemilumbo ya Elisyama mwana wa Amihudi.
54Lino mubuzuba bwalusele, Gamaliyeli mwanaa Pedazuu musololi waciinga ca Manase nguwakaleta milumbo yakwe. 55Wakapa mutiba wansiliva uulema masyekeli aali mwaanda amakumi otatwe, alimwi amutiba wanindi wansiliva wakusansaizya uulema masyekeli aali makumi aali ciloba, mbubonya mbuli mweelwe wakuŋanda ya Leza. Yoonse yobilo yakazwide busu bunante bwakavweledwe mafuta, bube cituuzyo camaila. 56Alimwi wakapa cipampuzyo cangolida cilema masyekeli aali kkumi cakazwide tununkilizyo.
57Wakapa kapoho komwe, mugutu omwe akabelele kali aamwaka omwe, zibe cipaizyo cakutenta. 58Wakapa asijembwe omwe wacipaizyo cazinyonyoono. 59Kumane wakapa basune bobilo, bagutu bosanwe, basijembwe bosanwe, atubelele tosanwe tuli aamwaka omwe zibe cipaizyo calumvwano. Eeyi njemilumbo ya Gamaliyeli mwanaa Pedazuu.
60Lino mubuzuba bwafuka, Abidani mwanaa Gideyoni waciinga ca Benjamini nguwakaleta milumbo yakwe. 61Wakapa mutiba wansiliva uulema masyekeli aali mwaanda amakumi otatwe, alimwi amutiba wanindi wansiliva wakusansaizya uulema masyekeli aali makumi aali ciloba, mbubonya mbuli mweelwe wakuŋanda ya Leza. Yoonse yobilo yakazwide busu bunante bwakavweledwe amafuta bube cituuzyo camaila. 62Alimwi wakapa acipampuzyo cangolida cilema masyekeli aali kkumi cakazwide tununkilizyo. 63Wakapa kapoho komwe, mugutu omwe, akabelele kali aamwaka omwe, zibe cipaizyo cakutenta. 64Kumane wakapa basune bobilo, bagutu bosanwe, basijembwe bosanwe, atubelele tosanwe tuli aamwaka omwe, 65zibe cipaizyo calumvwano. Eeyi njemilumbo ya Abidani mwanaa Gideyoni.
66Lino mubuzuba bwakkumi, Ahiyeza mwana wa Amisyadayi wamusyobo wa Dani, nguwakaleta milumbo yakwe. 67Wakapa mutiba wansiliva uulema masyekeli aali mwaanda amakumi otatwe, alimwi amutiba wanindi wansiliva wakusansaizya uulema masyekeli aali makumi aali ciloba, mbubonya mbuli mweelwe wakuŋanda ya Leza. Yoonse yobilo yakazwide busu bunante bwakavweledwe mafuta, bube cituuzyo camaila. 68Alimwi wakapa cipampuzyo cangolida cilema masyekeli aali kkumi cakazwide tununkilizyo. 69Wakapa kapoho komwe, mugutu omwe, akabelele komwe kali aamwaka omwe, zibe cipaizyo cakutenta. 70Wakapa asijembwe omwe wacipaizyo cazinyonyoono. 71Kumane wakapa basune bobilo, bagutu bosanwe, basijembwe bosanwe atubelele tosanwe tuli aamwaka omwe zibe cipaizyo calumvwano. Eeyi njemilumbo ya Ahiyeza mwana wa Amisyadayi.
72Lino mubuzuba bwakkumi abumwi Pagiyeli mwana wa Okulani musololi wamusyobo wa Asya nguwakaleta milumbo yakwe. 73Wakapa mutiba wansiliva uulema masyekeli aali mwaanda amakumi otatwe, alimwi amutiba wanindi wansiliva wakusansaizya uulema masyekeli aali makumi aali ciloba, mbubonya mbuli mweelwe wakuŋanda ya Leza. Yoonse yobilo yakazwide busu bunante bwakavweledwe mafuta, bube cituuzyo camaila. 74Alimwi wakapa cipampuzyo cangolida cilema masyekeli aali kkumi cakazwide tununkilizyo. 75Wakapa kapoho komwe, mugutu omwe, akabelele kali aamwaka omwe, zibe cipaizyo cakutenta. 76Wakapa asijembwe omwe wacipaizyo cacinyonyoono. 77Kumane wakapa basune bobilo, bagutu bosanwe, basijembwe bosanwe atubelele tosanwe tuli amwaka omwe. Eeyi njemilumbo ya Pagiyeli mwana wa Okulani.
78Lino mubuzuba bwakkumi aabili, Ahina mwana wa Enani, wamusyobo wa Nafutali nguwakaleta milumbo yakwe. 79Wakapa mutiba wansiliva uulema masyekeli aali mwaanda amakumi otatwe, alimwi amutiba wanindi wansiliva wakusansaizya uulema masyekeli aali makumi aali ciloba, mbubonya mbuli mweelwe wakuŋanda ya Leza. Yoonse yobilo yakazwide busu bunante bwakavweledwe mafuta, bube cituuzyo camaila. 80Alimwi wakapa cipampuzyo cangolida cilema masyekeli aali kkumi cakazwide tununkilizyo. 81Wakapa kapoho komwe, mugutu omwe akabelele komwe kali aamwaka omwe, zibe cipaizyo cakutenta. 82Wakapa asijembwe omwe wacipaizyo cazinyonyoono. 83Wakapa basune bobilo, bagutu bosanwe, basijembwe bosanwe atubelele tosanwe tuli aamwaka omwe, zibe cipaizyo calumvwano. Eeyi njemilumbo ya Ahila mwana wa Enani.
84Lino eeyi njiyakali milumbo yabasololi ba Baisilayeli ciindi cipaililo nicakananikwa kuti cipegwe ku Mwami Leza. Eezi mmitiba yansiliva iili kkumi aibili, mitiba yanindi yansiliva yakusansaizya iili kkumi aibili, zipampuzyo zyangolida zili kkumi azibili. 85Mutiba omwe-omwe wansiliva wakali kulema masyekeli aali mwaanda amakumi otatwe, nkabela mutiba wanindi wansiliva wakusansaizya omwe-omwe wakali kulema masyekeli aali makumi aali ciloba. Antoomwe mitiba yansiliva yakali kulema masyekeli aali zyuulu zyobilo amyaanda yone, mbubonya mbuli mweelwe wakuŋanda ya Leza. 86Cipampuzyo comwe-comwe cangolida cakazwide tununkilizyo cakali kulema masyekeli aali kkumi, mbubonya mbuli bulema masyekeli aali mwaanda amakumi otatwe. Antoomwe zipampuzyo zyangolida zyakazwide tununkilizyo zyakali kulema masyekeli aali mwaanda amakumi obilo. 87Mubanyama boonse bakali bacipaizyo cakutenta kwakali tupoho tuli kkumi atubili, bagutu bali kkumi ababili, atubelele tuli kkumi atubili twamwaka omwe, antoomwe acituuzyo camaila. Basijembwe bali kkumi ababili bakali bacipaizyo cazinyonyoono. 88Eelyo banyama boonse bacipaizyo calumvwano bakali bapoho bali makumi obilo abane, bagutu bali makumi aali cisambomwe, basijembwe bali makumi aali cisambomwe, atubelele tuli makumi aali cisambomwe twamwaka omwe. Eezi nzezyakali milumbo yakaletwa ciindi cipaililo nicakananikwa kuti cipegwe ku Mwami Leza.
89Lino Mozesi naakanjila mutente kuti aambaule a Mwami Leza, wakamvwa Mwami Leza kaambaula kulinguwe kuzwa atala aacivunisyo cabbokesi lyacizuminano akati kabakelibu bobilo.
Currently Selected:
Myeelwe 7: Tonga96
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.