लूका 11
11
चेलै जो प्रार्थना करना सखाणा
(मत्ती 6:9-13)
1यीशु अक्की जगह प्रार्थना करू करदा थू। जैहणै सो प्रार्थना करी बैहु ता तसेरै अक्की चेलै तैस सितै बल्लू, “हे प्रभु, जियां यूहन्नै अपणै चेलै जो प्रार्थना करना सखऊरी थी तियां ही तुहै असिओ भी सखा।”
2ता यीशुऐ वल्लु, “जैहणै तुहै प्रार्थना करलै ता इआं करै,
“हे इन्दै पिता, तू जैडा स्वर्गा मन्ज हा,
तेरा नां पवित्र मनया गच्छा,
तेरा राज्य अईआ।
तेरी इच्छा जियां स्वर्गा मन्ज पूरी भून्दिआ,
तियां ही धरती पुर भी भोआ।
3इन्दी दिन भरी री रोटी अज असिओ देआ।
4अतै इन्दै पापा जो माफ करै,
क्ओकि अहै भी तियां जो माफ करदै
जैड़ै इन्दै विरोधी हिन,
इन्दा कदी भी इम्तेहान मत लैंदा।”
प्रार्थना करनै री हिम्मत मत हारदै
(मत्ती 7:7-11)
5ता यीशुऐ तिआंओ वल्लु, “सोचा तून्दा कोई मित्र भोआ, जैस वलै तुहै अध्धी राती गिच्ची करी बलन कि, मिन्जो त्राई रोटी दे भला। 6क्ओकि अक्क मुसाफिर मित्र मिन्जो वलै आ अतै ऐस टैमैं मिन्जो वलै तैसिओ खुआणै तांयें कुछ निया।”
7ता जरा सोचा कि सो अन्दरा थऊँ ऐह जवाव देआ कि, “मिन्जो तंग मत कर क्ओकि अऊँ दारा-भिता दिकरी अपणै टबरा सोगी सुतुरा अतै अऊँ उूठी करी तिजो कुछ ना दी सकदा” 8यीशुऐ वल्लु, “अऊँ तुसिओ बलदा कि भलै ही सो तसेरा मित्र भूच्ची करी भी तैसिओ उूठी करी कुछ न देआ, फिरी भी वेशर्म भूच्ची करी घड़ी-घड़ी मंगणै री वजह थऊँ तैस तसेरी जरूरता रै मुताबक उूठी करी दिणा।”
9“अऊँ तुसिओ बलदा कि मंगलै, ता तुसिओ दिणा, तोपलै ता तुसिओ मुळना अतै दारा खटखटालै ता तूसु तांयें खुलणा। 10क्ओकि जैडा कोई मंगदा, तैसिओ दिन्दै, जैडा कोई तोपदा, सो पान्दा अतै जैडा खटखटान्दा, तैस तांयें खोलया गाणा।”
11“तूसु मन्ज ऐसा कुण पिता भोल्ला, जैडा अपणै पुत्रा जो रोटी मंगणै पुर पत्थर देला, जे मच्छी मंगला, ता कीड़ा देला 12या अण्ड़ा मंगला ता बिच्छु देला? 13हेरा जे, तुहै बुरै भूच्ची करी अपणी औलादा जो खरी चिजा दिणा जाणदै, ता तून्दा स्वर्गीय पिता अपणै मंगणै बाळै जो पवित्र आत्मा कओ न देला।”
यीशु अतै दुष्टात्मा रा सरदार शैतान
(मत्ती 12:22-30; मरकुस 3:20-27)
14फिरी यीशुऐ अक्क गुँन्गी दुष्टात्मा गुँन्गे मणु थऊँ कड़ी। जैहणै दुष्टात्मा निकळी गई ता गुँन्गा कणैणा लगी पैऊ ऐह हेरी करी मणु हैरान भूच्ची गै 15पर तियां मणु मन्ज कुछ बलणा लगै, “ऐह ता शैतान री मदद सोगी मणु थऊँ दुष्टात्मा जो कड़दा।” 16कैई मणुऐ यीशु जो परखणै तांयें तैसिओ बल्लू असिओ कोई स्वर्गीय चमत्कार दस्स। 17पर यीशुऐ तंयारै मना री गला जाणी करी तिआंओ वल्लु, “जैस भी देशा मन्ज फूट पैई गच्छा ता सो कियां टिकी सकदा हा? ईयां ही जैस घरा मन्ज फूट पैई गच्छा सो भी उजड़ी गान्दा। 18ता जे अगर शैतान अपणा ही वरोधी भूच्ची गल्ला ता तसेरा राज्य कियां चलना क्ओकि तुहै मेरै बारै मन्ज ता बलदै कि अऊँ शैतान री मदद सितै दुष्टात्मा जो कड़दा। 19भला जे अऊँ शैतान री मदद सितै दुष्टात्मा कडदा ता तून्दै चेलै-जोगी कसेरी मदद सोगी दुष्टात्मा कड़दै हिन? ठेरै बारै मन्ज सो ही तून्दा न्याय करलै। 20पर जे अगर अऊँ प्रमात्मैं री सामर्थ सितै दुष्टात्मा जो कडदा, ता समझा प्रमात्मां रा राज्य तूसु बलै ईच्ची पुजुरा हा। 21जैहणै तिकर ताकतवर मणु हथियारा सितै लदूरा अपणै घरा री पैहरैदारी करदा, तैहणै तिकर तसेरी जायदात बची रैहन्दी हा। 22पर जैहणै कोई तैस थऊँ भी ज्यादा ताकतवर तसेरै हथियारा जो जिआं पुर सो भरोसा करदा थू, तैतिओ खुस्सी करी तैसिओ जित्ती लैन्दा अतै तसेरी जायदात भी लुटी लैन्दै। 23जैडा मिन्जो सोगी नियां सो मेरा विरोधी हा अतै जैडा मिन्जो सोगी मणु जो प्रमात्मैं री कनारी ना फेरदा सो तियां मणु जो वगाड़दा।
अधुरा सुधार मुसिवता रा घर
(मत्ती 12:43-45)
24“जैहणै कोई दुष्टात्मा मणु थऊँ नकैई गान्दीआ ता सो सुनसान जगह मन्ज घुमदी-फिरदी आराम करनै जो जगह तोपदीआ, पर जगह न मुळन पुर बलदिआ, ‘मुँ तैस मणु मन्ज फिरी चली गाणा जैस थऊँ अऊँ नकैऊरी थी।’ 25अतै सो ईच्ची करी तैसिओ झाडूरा-झमुंरा अतै सजुरा-सजाऊरा अतै खाली हैरदीआ। 26सो फिरी करी अप्पू थऊँ भी ज्यादा बुरी सत होर दुष्टात्मा जो लेई इन्दीआ अतै सो तैस मन्ज वास करदी हिन अतै तैस मणु री दशा पैहली दशा थऊँ भी ज्यादा खराब भूच्ची गान्दी हा।”
धन्य कुण हा?
27जैहणै यीशु इआं गल्ला कणैऊ करदा थू ता भिड़ा थऊँ अक्क जनानी जोरा सितै बलणा लगी, “धन्य हा सो माँ जैहै तिजो जन्म दिता अतै दुध पिआऊ।” 28ता यीशुऐ वल्लु, “ऐह गल ता ठीक हा पर धन हिन सो मणु जैड़ै प्रमात्मैं रा बचन हुणदै अतै तैतिओ मन्दै।”
स्वर्गा रै सबूता री मांग
(मत्ती 12:38-42)
29जिआं भीड़ बदणा लगी ता यीशु बलणा लगा, “ऐह बुरै मणु रा युग हा, ऐह चमत्कार हेरना चाहन्दै हिन पर योना भविष्यवक्ता री नशाणी जो छड़ी करी होर कोई चिन्ह तियां जो ना दसया गाणा। 30क्ओकि जिआं योना नीनवे शहरा रै मणु तांई चिन्ह थू, तियां ही ऐस युग रै मणु तांई मणु रा पुत्र ही चिन्ह भूणा। 31जैहणै दक्षिण दिशा री राणी न्याय बाळै दिन ऐस युगा रै मणु सोगी उूठी करी, तियां जो दोषी ठहराणा क्ओकि सो धरती री दूई दिशा थऊँ राजा सुलैमान रा ज्ञान हुणनै तांयें आई अतै अबै हेरा ऐठी ता कोई सुलैमान थऊँ भी बड़ा हा। 32नीनवे शहर रै मणु न्याय बाळै दिन ऐस युगा रै मणु सोगी उूठी करी तियां जो दोषी ठहराणा, क्ओकि तियैं योना रा बचना जो हुणी करी मन फिराऊरा थू। अतै ऐठी ता सो हा जैडा योना थऊँ भी बड़ा हा।”
शरीरा रा दीया
(मत्ती 5:15; 6:22,23)
33कोई भी मणु दीयै जो बाळी करी टोकरू थलै ढ़की ना रखदा, बल्कि उच्ची जगह पुर रखदा ताकि अन्दरा जो ईणै बाळैओ लौ भोआ। 34शरीरा रा दीया हाख्री हिन ठेरैतांये अगर तेरी हाख्री साफ हिन, ता तेरा पुरा शरीर भी उजियाला भूणा, पर जे तून्दा हेरना बुरा ता तून्दा पुरा शरीर हिहुरै दीयै सांई हा। 35ठेरै तांयें चौकनै रेआ ताकि जैड़ी लौ तूसु मन्ज हा सो बूझी ना गच्छा। 36जे तेरा पुरा शरीर चमकदार हा अतै ठेरा कोई भी हिस्सा नैहरै नियां ता पूरै रा पुरा शरीर ईयां चमकणा चहिन्दा जियां कि बळुरा दीया अपणी चमकदार लौ तिजो पुर दिन्दा।
शास्त्री अतै फरीसी जो यीशु री फटकार
(मत्ती 23:1-36; मरकुस 12:38-40)
37जैहणै यीशु गल्ला करू करदा थू ता, अक्की फरीसीये यीशु सितै बिनती करी कि, “मेरै घरै खाण खाणा चला।” ता यीशु तसेरै घरा जो खाण खाणा गो। 38फरीसी ऐह हेरी करी हैरान भूच्ची गै कि यीशु बिना हत्थ धोऐ रोटी खाणा बैही गो हा। 39प्रभुऐ तैसिओ वल्लु, “हे फरीसीयों, तुहै अप्पू जो कटोरै अतै थाली सांईं बाहरा थऊँ ता मांजदै हिन, पर तून्दै अन्दर कपट अतै लालच भरूरा। 40हे मूर्खा, जिनी बाहरा रा हिस्सा बणाऊरा, कै तिनी अन्दरा रा हिस्सा ना बणाऊरा? 41पर हाँ जे तुसै अन्दरा बाळी चिजा रा दान करी दीन, ता हेरा सब कुछ तूसु तांयें शुद्ध अतै पवित्र भूच्ची गाणा।”
42“पर हे फरीसीयों, हाय तूसु पुर! तुसै पुदिनै, ब्रह्मी अतै कईआ किस्मां रै सागा सब्जी रा ता दसवां हिस्सा दान करदै हिन, पर न्याय अतै प्रमात्मैं रै प्रेमा जो टाळी दिन्दै हिन, तूसु जो ता ईयां करना चहिन्दा थू कि तुसै ईयां दुनीं कमां करदै रैहन्दै। 43हे फरीसीयों, तूसु पुर धिक्कार हा! तुहै ता चाहन्दै कि यहूदी रै सभागार मन्ज मणु तुसिओ नमस्कार अतै तुन्दी जय जय करन। 44तूसु पुर हाय! क्ओकि तुहै तियां कब्रा साईयें हिन जियां पुर मणु चलदै, पर सो ना जाणदै कि थलै कै दभिऊरा।”
45ता अक्क शास्त्री बलणा लगा, “हे गुरू, तुहै ईयां गल्ला कणैई करी इन्दी बुराई करू करदै हिन।”
46ता यीशुऐ वल्लु, “हे शास्त्री, धिक्कार हा तूसु पुर! तुहै ऐतना भार मणु पुर लद्दी दिन्दै हिन जैतियो चुकणा मुसकिल हा, पर अप्पू ता तैस भारा जो अपणी उँगळी सोगी सरकाणा भी ना चाहन्दै।”
47“तूसु पुर हाय! तुसै प्रमात्मैं रै भविष्यवक्ता री कब्रा जो सँवारदै हिन, जंयारा कत्ल तून्दै ही बजुर्गे करूरा थू। 48ईयां कमाई करी तुसै ऐह दसणा चाहन्दै हिन कि तुसै अपणै बजुर्गा रै कमां थऊँ सहमत हिन कओकि तियैं ता तंयारा कत्ल ही करू पर तुसै ता इन्यारी कब्रा खोदू करदै हिन। 49ऐत तांई प्रमात्मैं रा ज्ञान भी दसदा कि, मुँ भविष्यवक्ता अतै प्रेरित तियां बलै भैजणै हिन, पर कुछ जो ता तियां दुख दिणा अतै कुछ तियां मारी दिणै हिन। 50ता संसारा रै शुरू थऊँ जैतूणै भी भविष्यवक्ता रा खून भच्छुरा तटेरा हिसाब कताब ऐसा पीढ़ी रै मणु थऊँ लैणा। 51यानी की हाबील रै खूना थऊँ लेई करी जकरिया री हत्या तिकर जैडा कि प्रमात्मैं रै मन्दरा मन्ज वेदि रै सामणै भूई थी। हाँ अऊँ तूसु सितै सच बल्दा, कि ऐसा पीढ़ी रै मणु थऊँ ही ऐसा गल्ला रा लेखा जोखा लैणा।”
52“हा शास्त्री हाय हा तूसु पुर! तूसु बल्लै ज्ञान ता हा पर ऐत सितै ना ता तुहै प्रमात्मां रै राज्य मन्ज हाजर भुन्दै अतै जैड़ै कि ऐत मन्ज हाजर भूणा चाहन्दै हिन तिआंओ भी तुसै भूणा ना दिन्दै तियां तांई तां तुसै रोड़ा बणी गांन्दै हिन।”
53जैहणै यीशु तैठी थऊँ चली गो, ता शास्त्री अतै फरीसी तैस सितै बैर रखणा लगी पै कि यीशु तंयारै प्रश्ना रा जवाव देआ। 54सो ऐसा गल्ला री खोज-बीन करू करदै थियै कि कहणै जिन्नै यीशु रै मुँह री कोई गप्प पकडन अतै दोषी बणान।
Currently Selected:
लूका 11: GBKNT
Highlight
Share
Copy
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.
लूका 11
11
चेलै जो प्रार्थना करना सखाणा
(मत्ती 6:9-13)
1यीशु अक्की जगह प्रार्थना करू करदा थू। जैहणै सो प्रार्थना करी बैहु ता तसेरै अक्की चेलै तैस सितै बल्लू, “हे प्रभु, जियां यूहन्नै अपणै चेलै जो प्रार्थना करना सखऊरी थी तियां ही तुहै असिओ भी सखा।”
2ता यीशुऐ वल्लु, “जैहणै तुहै प्रार्थना करलै ता इआं करै,
“हे इन्दै पिता, तू जैडा स्वर्गा मन्ज हा,
तेरा नां पवित्र मनया गच्छा,
तेरा राज्य अईआ।
तेरी इच्छा जियां स्वर्गा मन्ज पूरी भून्दिआ,
तियां ही धरती पुर भी भोआ।
3इन्दी दिन भरी री रोटी अज असिओ देआ।
4अतै इन्दै पापा जो माफ करै,
क्ओकि अहै भी तियां जो माफ करदै
जैड़ै इन्दै विरोधी हिन,
इन्दा कदी भी इम्तेहान मत लैंदा।”
प्रार्थना करनै री हिम्मत मत हारदै
(मत्ती 7:7-11)
5ता यीशुऐ तिआंओ वल्लु, “सोचा तून्दा कोई मित्र भोआ, जैस वलै तुहै अध्धी राती गिच्ची करी बलन कि, मिन्जो त्राई रोटी दे भला। 6क्ओकि अक्क मुसाफिर मित्र मिन्जो वलै आ अतै ऐस टैमैं मिन्जो वलै तैसिओ खुआणै तांयें कुछ निया।”
7ता जरा सोचा कि सो अन्दरा थऊँ ऐह जवाव देआ कि, “मिन्जो तंग मत कर क्ओकि अऊँ दारा-भिता दिकरी अपणै टबरा सोगी सुतुरा अतै अऊँ उूठी करी तिजो कुछ ना दी सकदा” 8यीशुऐ वल्लु, “अऊँ तुसिओ बलदा कि भलै ही सो तसेरा मित्र भूच्ची करी भी तैसिओ उूठी करी कुछ न देआ, फिरी भी वेशर्म भूच्ची करी घड़ी-घड़ी मंगणै री वजह थऊँ तैस तसेरी जरूरता रै मुताबक उूठी करी दिणा।”
9“अऊँ तुसिओ बलदा कि मंगलै, ता तुसिओ दिणा, तोपलै ता तुसिओ मुळना अतै दारा खटखटालै ता तूसु तांयें खुलणा। 10क्ओकि जैडा कोई मंगदा, तैसिओ दिन्दै, जैडा कोई तोपदा, सो पान्दा अतै जैडा खटखटान्दा, तैस तांयें खोलया गाणा।”
11“तूसु मन्ज ऐसा कुण पिता भोल्ला, जैडा अपणै पुत्रा जो रोटी मंगणै पुर पत्थर देला, जे मच्छी मंगला, ता कीड़ा देला 12या अण्ड़ा मंगला ता बिच्छु देला? 13हेरा जे, तुहै बुरै भूच्ची करी अपणी औलादा जो खरी चिजा दिणा जाणदै, ता तून्दा स्वर्गीय पिता अपणै मंगणै बाळै जो पवित्र आत्मा कओ न देला।”
यीशु अतै दुष्टात्मा रा सरदार शैतान
(मत्ती 12:22-30; मरकुस 3:20-27)
14फिरी यीशुऐ अक्क गुँन्गी दुष्टात्मा गुँन्गे मणु थऊँ कड़ी। जैहणै दुष्टात्मा निकळी गई ता गुँन्गा कणैणा लगी पैऊ ऐह हेरी करी मणु हैरान भूच्ची गै 15पर तियां मणु मन्ज कुछ बलणा लगै, “ऐह ता शैतान री मदद सोगी मणु थऊँ दुष्टात्मा जो कड़दा।” 16कैई मणुऐ यीशु जो परखणै तांयें तैसिओ बल्लू असिओ कोई स्वर्गीय चमत्कार दस्स। 17पर यीशुऐ तंयारै मना री गला जाणी करी तिआंओ वल्लु, “जैस भी देशा मन्ज फूट पैई गच्छा ता सो कियां टिकी सकदा हा? ईयां ही जैस घरा मन्ज फूट पैई गच्छा सो भी उजड़ी गान्दा। 18ता जे अगर शैतान अपणा ही वरोधी भूच्ची गल्ला ता तसेरा राज्य कियां चलना क्ओकि तुहै मेरै बारै मन्ज ता बलदै कि अऊँ शैतान री मदद सितै दुष्टात्मा जो कड़दा। 19भला जे अऊँ शैतान री मदद सितै दुष्टात्मा कडदा ता तून्दै चेलै-जोगी कसेरी मदद सोगी दुष्टात्मा कड़दै हिन? ठेरै बारै मन्ज सो ही तून्दा न्याय करलै। 20पर जे अगर अऊँ प्रमात्मैं री सामर्थ सितै दुष्टात्मा जो कडदा, ता समझा प्रमात्मां रा राज्य तूसु बलै ईच्ची पुजुरा हा। 21जैहणै तिकर ताकतवर मणु हथियारा सितै लदूरा अपणै घरा री पैहरैदारी करदा, तैहणै तिकर तसेरी जायदात बची रैहन्दी हा। 22पर जैहणै कोई तैस थऊँ भी ज्यादा ताकतवर तसेरै हथियारा जो जिआं पुर सो भरोसा करदा थू, तैतिओ खुस्सी करी तैसिओ जित्ती लैन्दा अतै तसेरी जायदात भी लुटी लैन्दै। 23जैडा मिन्जो सोगी नियां सो मेरा विरोधी हा अतै जैडा मिन्जो सोगी मणु जो प्रमात्मैं री कनारी ना फेरदा सो तियां मणु जो वगाड़दा।
अधुरा सुधार मुसिवता रा घर
(मत्ती 12:43-45)
24“जैहणै कोई दुष्टात्मा मणु थऊँ नकैई गान्दीआ ता सो सुनसान जगह मन्ज घुमदी-फिरदी आराम करनै जो जगह तोपदीआ, पर जगह न मुळन पुर बलदिआ, ‘मुँ तैस मणु मन्ज फिरी चली गाणा जैस थऊँ अऊँ नकैऊरी थी।’ 25अतै सो ईच्ची करी तैसिओ झाडूरा-झमुंरा अतै सजुरा-सजाऊरा अतै खाली हैरदीआ। 26सो फिरी करी अप्पू थऊँ भी ज्यादा बुरी सत होर दुष्टात्मा जो लेई इन्दीआ अतै सो तैस मन्ज वास करदी हिन अतै तैस मणु री दशा पैहली दशा थऊँ भी ज्यादा खराब भूच्ची गान्दी हा।”
धन्य कुण हा?
27जैहणै यीशु इआं गल्ला कणैऊ करदा थू ता भिड़ा थऊँ अक्क जनानी जोरा सितै बलणा लगी, “धन्य हा सो माँ जैहै तिजो जन्म दिता अतै दुध पिआऊ।” 28ता यीशुऐ वल्लु, “ऐह गल ता ठीक हा पर धन हिन सो मणु जैड़ै प्रमात्मैं रा बचन हुणदै अतै तैतिओ मन्दै।”
स्वर्गा रै सबूता री मांग
(मत्ती 12:38-42)
29जिआं भीड़ बदणा लगी ता यीशु बलणा लगा, “ऐह बुरै मणु रा युग हा, ऐह चमत्कार हेरना चाहन्दै हिन पर योना भविष्यवक्ता री नशाणी जो छड़ी करी होर कोई चिन्ह तियां जो ना दसया गाणा। 30क्ओकि जिआं योना नीनवे शहरा रै मणु तांई चिन्ह थू, तियां ही ऐस युग रै मणु तांई मणु रा पुत्र ही चिन्ह भूणा। 31जैहणै दक्षिण दिशा री राणी न्याय बाळै दिन ऐस युगा रै मणु सोगी उूठी करी, तियां जो दोषी ठहराणा क्ओकि सो धरती री दूई दिशा थऊँ राजा सुलैमान रा ज्ञान हुणनै तांयें आई अतै अबै हेरा ऐठी ता कोई सुलैमान थऊँ भी बड़ा हा। 32नीनवे शहर रै मणु न्याय बाळै दिन ऐस युगा रै मणु सोगी उूठी करी तियां जो दोषी ठहराणा, क्ओकि तियैं योना रा बचना जो हुणी करी मन फिराऊरा थू। अतै ऐठी ता सो हा जैडा योना थऊँ भी बड़ा हा।”
शरीरा रा दीया
(मत्ती 5:15; 6:22,23)
33कोई भी मणु दीयै जो बाळी करी टोकरू थलै ढ़की ना रखदा, बल्कि उच्ची जगह पुर रखदा ताकि अन्दरा जो ईणै बाळैओ लौ भोआ। 34शरीरा रा दीया हाख्री हिन ठेरैतांये अगर तेरी हाख्री साफ हिन, ता तेरा पुरा शरीर भी उजियाला भूणा, पर जे तून्दा हेरना बुरा ता तून्दा पुरा शरीर हिहुरै दीयै सांई हा। 35ठेरै तांयें चौकनै रेआ ताकि जैड़ी लौ तूसु मन्ज हा सो बूझी ना गच्छा। 36जे तेरा पुरा शरीर चमकदार हा अतै ठेरा कोई भी हिस्सा नैहरै नियां ता पूरै रा पुरा शरीर ईयां चमकणा चहिन्दा जियां कि बळुरा दीया अपणी चमकदार लौ तिजो पुर दिन्दा।
शास्त्री अतै फरीसी जो यीशु री फटकार
(मत्ती 23:1-36; मरकुस 12:38-40)
37जैहणै यीशु गल्ला करू करदा थू ता, अक्की फरीसीये यीशु सितै बिनती करी कि, “मेरै घरै खाण खाणा चला।” ता यीशु तसेरै घरा जो खाण खाणा गो। 38फरीसी ऐह हेरी करी हैरान भूच्ची गै कि यीशु बिना हत्थ धोऐ रोटी खाणा बैही गो हा। 39प्रभुऐ तैसिओ वल्लु, “हे फरीसीयों, तुहै अप्पू जो कटोरै अतै थाली सांईं बाहरा थऊँ ता मांजदै हिन, पर तून्दै अन्दर कपट अतै लालच भरूरा। 40हे मूर्खा, जिनी बाहरा रा हिस्सा बणाऊरा, कै तिनी अन्दरा रा हिस्सा ना बणाऊरा? 41पर हाँ जे तुसै अन्दरा बाळी चिजा रा दान करी दीन, ता हेरा सब कुछ तूसु तांयें शुद्ध अतै पवित्र भूच्ची गाणा।”
42“पर हे फरीसीयों, हाय तूसु पुर! तुसै पुदिनै, ब्रह्मी अतै कईआ किस्मां रै सागा सब्जी रा ता दसवां हिस्सा दान करदै हिन, पर न्याय अतै प्रमात्मैं रै प्रेमा जो टाळी दिन्दै हिन, तूसु जो ता ईयां करना चहिन्दा थू कि तुसै ईयां दुनीं कमां करदै रैहन्दै। 43हे फरीसीयों, तूसु पुर धिक्कार हा! तुहै ता चाहन्दै कि यहूदी रै सभागार मन्ज मणु तुसिओ नमस्कार अतै तुन्दी जय जय करन। 44तूसु पुर हाय! क्ओकि तुहै तियां कब्रा साईयें हिन जियां पुर मणु चलदै, पर सो ना जाणदै कि थलै कै दभिऊरा।”
45ता अक्क शास्त्री बलणा लगा, “हे गुरू, तुहै ईयां गल्ला कणैई करी इन्दी बुराई करू करदै हिन।”
46ता यीशुऐ वल्लु, “हे शास्त्री, धिक्कार हा तूसु पुर! तुहै ऐतना भार मणु पुर लद्दी दिन्दै हिन जैतियो चुकणा मुसकिल हा, पर अप्पू ता तैस भारा जो अपणी उँगळी सोगी सरकाणा भी ना चाहन्दै।”
47“तूसु पुर हाय! तुसै प्रमात्मैं रै भविष्यवक्ता री कब्रा जो सँवारदै हिन, जंयारा कत्ल तून्दै ही बजुर्गे करूरा थू। 48ईयां कमाई करी तुसै ऐह दसणा चाहन्दै हिन कि तुसै अपणै बजुर्गा रै कमां थऊँ सहमत हिन कओकि तियैं ता तंयारा कत्ल ही करू पर तुसै ता इन्यारी कब्रा खोदू करदै हिन। 49ऐत तांई प्रमात्मैं रा ज्ञान भी दसदा कि, मुँ भविष्यवक्ता अतै प्रेरित तियां बलै भैजणै हिन, पर कुछ जो ता तियां दुख दिणा अतै कुछ तियां मारी दिणै हिन। 50ता संसारा रै शुरू थऊँ जैतूणै भी भविष्यवक्ता रा खून भच्छुरा तटेरा हिसाब कताब ऐसा पीढ़ी रै मणु थऊँ लैणा। 51यानी की हाबील रै खूना थऊँ लेई करी जकरिया री हत्या तिकर जैडा कि प्रमात्मैं रै मन्दरा मन्ज वेदि रै सामणै भूई थी। हाँ अऊँ तूसु सितै सच बल्दा, कि ऐसा पीढ़ी रै मणु थऊँ ही ऐसा गल्ला रा लेखा जोखा लैणा।”
52“हा शास्त्री हाय हा तूसु पुर! तूसु बल्लै ज्ञान ता हा पर ऐत सितै ना ता तुहै प्रमात्मां रै राज्य मन्ज हाजर भुन्दै अतै जैड़ै कि ऐत मन्ज हाजर भूणा चाहन्दै हिन तिआंओ भी तुसै भूणा ना दिन्दै तियां तांई तां तुसै रोड़ा बणी गांन्दै हिन।”
53जैहणै यीशु तैठी थऊँ चली गो, ता शास्त्री अतै फरीसी तैस सितै बैर रखणा लगी पै कि यीशु तंयारै प्रश्ना रा जवाव देआ। 54सो ऐसा गल्ला री खोज-बीन करू करदै थियै कि कहणै जिन्नै यीशु रै मुँह री कोई गप्प पकडन अतै दोषी बणान।
Currently Selected:
:
Highlight
Share
Copy
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.