लूका 12
12
पांखड़ तांऐ चेतावनी
(मत्ती 10:26,27)
1तूणै ही टैमां मन्ज तैठी मणु री भीड़ ऐतनी भारी भूच्ची गई कि सो अक्की दुऐ पुर चड़ी चलू करदै थियै, ता यीशु सबी थऊँ पहलै अपणै चेलै सितै बलणा लगा कि, “तुसै ईयां फरीसी री कपट रूपी सोचा थऊँ जैड़ी कि, खमीरा सांई हा, चौकस रेय्आ।” “ठेरा अर्थ ऐह हा कि तुहै तंयारी गलत शिक्षा थऊँ बची करी रेय्आ। 2कजो कि कुछ भी ऐसा निआ जैडा छिपुरा हा अतै ना ही कुछ ऐसा जैडा छिपाई रखूरा, कि जैतियो कोई जाणी ना सका। 3ठेरैतांये जे कुछ भी तूसु सोगी नैहरै मन्ज कणैऊरा, सो उजालै मन्ज हुणना अतै जे कुछ तुसै औवरी मन्ज कना सितै कन लगाई करी कणैऊरा, सो उच्ची जगहा थऊँ हुणाणा।”
कस थऊँ डरना?
(मत्ती 10:28-31)
4“मेरै मित्रो अऊँ तुसिओ बलदा कि, जैड़ै शरीरा जो मारदै हिन पर आत्मा जो ना मारी सकदै, तियां थऊँ मत डरदै। 5अऊँ तूसु जो दसदा कि, सिर्फ तैस प्रमात्मैं थऊँ ही डरा जैस जो मारनै थऊँ बाद नरका मन्ज फैंकणै रा भी अधिकार हा, अऊँ फिरी बलदा, तैस थऊँ ही डरा। 6कै दूँ पैसै री पँज चिड़ी ना बिकदी? फिरी भी प्रमात्मां तियां कसी जो ना भूलदा। 7तून्दै ता हैरा रै बाळ भी सब गीणुरै हिन। डरा मत, तुन्दी किमत प्रमात्मैं रै सामणै मती चिड़ी री किमत थऊँ भी ज्यादा हा।
यीशु जो मनणा या ना मनणा
(मत्ती 10:32,33; 12:32; 10:19,20)
8“अऊँ तूसु जो बल्दा कि जैस कसी मिन्जो मणु सामणै मनी लैणा, सो मुँ भी प्रमात्मैं रै स्वर्गदूता रै सामणै मनी लैणा। 9पर जैस कसी मणु सामणै मेरा इन्कार करना मुँ भी सो प्रमात्मैं रै स्वर्गदूता रै सामणै नकारी दिणा।
10“जैडा कोई मणु रै पुत्रा री निन्दा करला ता सो ता माफ भुच्ची गाणा, पर जैडा पवित्र आत्मा रा वरोध करला सो माफ ना भूणा।
11“जैहणै तुसिओ मणु पकड़ी करी यहूदी रै सभागार अतै राजा अतै अफसरा रै सामणै लेई गाहलै ता चिन्ता मत करदै कि तूसु के बलणा अतै कै जवाव दिणा। 12क्ओकि पवित्र आत्मा तैहणै ही तूसु जो दसि दिणा कि तूसु कै कणैणा।”
अक्क अमीर मूर्ख मणु रा उदाहरण
13फिरी भिड़ा थऊँ अक्की मणुऐ यीशु सितै वल्लु, “हे गुरू, मेरै भाई सितै बल्ला कि सो पितै री जायदात मिन्जो सोगी बण्ड़ी लेआ।” 14यीशुऐ तैस सितै वल्लु, “ओ भलेया-मणुआ मिन्जो तेरा न्याय अतै जायदात रा बंड़-बड़ारा करनै तांयें कुणी बणाऊरा?”#निर्ग. 2:14. 15“चौकनै रेआ अतै सबी किस्मां रै लोभ-लालच थऊँ अपणै आपाओ बचाई करी रखा, क्ओकि जरूरता थऊँ ज्यादा जायदात भूणै पर जिन्दगी रा मतलब ऐह निआ कि तैतिओ होर कठेरा।”
16फिरी यीशुऐ मणुओ अक्क उदाहरण हुणाऊ, “कसकि मणु री जिंमी मन्ज बड़ी पैदावार भूई। 17ऐह हेरी करी सो अपणै मना मन्ज सोच-विचार करना लगु, अबै अऊँ कै करला? मिन्जो वलै ऐतिओ रखणै तांयें जगह निआ।”
18तिनी वल्लु, “अबै मुँ ऐसा करना, कि अपणै पेडू भनी करी होर मोटै पेडू बनाणै अतै तैत मन्ज सब अनाज रखणा। 19अतै फिरी अपणै मना जो बलणा कि ओ मेरेआ मना, तिजो तांयें कई साला तिकर अनाज कठेरी रखुआ, खा-पी अतै सुखा-चैना सितै रैह।”
20पर प्रमात्मैं तैस सितै वलु, “ओ मूर्खा! तेरै प्राण-पखेरू ता अज राती ही उडरी गाणै अतै जैडा कुछ तैंई कठेरूरा सो कसेरा भूणा?”
21“ऐस ही तरीकै सो मणु भी हा जैडा अप्पू तांयें जायदात कठेरी करी अमीर ता बणदा पर प्रमात्मैं री नजरा मन्ज गरीब हा।”
प्रमात्मैं पुर भरोसा रखा
(मत्ती 6:25-34)
22फिरी तिनी अपणै खास चेलै सितै वल्लु, “कि अपणै प्राणा तांयें ऐह चिन्ता मत करदै कि असु कै खाणा? अतै कै पीणा? अतै न अपणै शरीरा तांयें कि कै लाणा? कै प्राण खाणै थऊँ, अतै शरीर कपड़ै थऊँ बदिकरी 23क्ओकि प्राण खाणै थऊँ, अतै शरीर कपड़ै थऊँ बदिकरी हा। 24काऑ री कनारी धैन देआ, ना ता सो बान्दै, ना ता सो कटदै, ना ता सो कठेरदै अतै ना ही इन्यारै पेडू हिन, फिरी भी पिता प्रमात्मां तियां जो खुआन्दा ता तुन्दी ता किमत इआं काऑ थऊँ कई गुणा ज्यादा हा#भज. 147:9.। 25तूसु मन्ज ऐसा कुणआ जैडा चिन्द करीके उमरा री अक्क घड़ी बधाई सका?”
26जे तुहै छोटा जिन्ना कम ना करी सकदै ता, जिन्दगी री होरी गला तांयें कओ चिन्द-फिकर करदै?
27“जंगली फूला री कनारी ध्यान देय्आ सो कियां फूलदै हिन। सो ना ता मेहनत करदै, ना कतदै ता भी अऊँ तुसिओ बलदा कि राजा सुलैमान भी अपणी पूरी वैभवी जिन्दगी मन्ज ईयां फूला सैईं ना सजी सकू। 28प्रमात्मां जमीना रै घा जो, जैडा कि अज हा अतै दोतै सो अगी मन्ज फूकी दिणा, ईना छैळ सजान्दा ता हे अल्पविस्वासिओ तुसिओ ऐत थऊँ ज्यादा छैळ कजो ना सजाला? 29ठेरैतांये चिन्ता करीके ऐह मत बलदै, कि असु कै खाणा, या कै पीणा, या कै लाणा? 30कओकि संसार ईयां चिजा री खोज मन्ज रैहन्दा पर तून्दा पिता प्रमात्मां जाणदा कि तुसिओ ईयां चिजा री जरूरत हा। 31ठेरैतांये पैहलै तुहै तसेरै राज्य अतै धर्मा री तोप करा ता ऐह सब चिजा भी तुसिओ मुळी गाणी।”
जैड़ी धन तैड़ी मन
(मत्ती 6:19-21)
32“हे हल्कै झुण्ड़, मत ड़रा, क्ओकि तून्दै पिता प्रमात्मां री ऐह इच्छा हा, कि तुहै राज्य करन। 33अपणी जायदात बेचीकरी दान करी देआ अतै अपणै तांयें इन्नै बटुए बणा जैड़ै कदी भी पूराणै ना भुन्दै, मेरी गला रा मतलब ऐह हा कि स्वर्गा तांयें ईनी कमाई करा जैड़ी कदी भी ना घटदी, ना चोर तैसिओ चोरी सकदा अतै ना ही कीड़ा तैसिओ खाई सकदा। 34क्ओकि जैड़ी तेरा धन हा तैड़ी ही तेरा मन भी लगी रैहणा।”
जागदै रेय्आ
35“सेवा करनै तांई तुसै हमेशा तैयार रेय्आ अतै तून्दै दीयै सदा बळदै रैहन।”#निर्ग. 12:11; 2 राजा 4:29; इफि. 6:14; मत्ती 5:16. 36यीशुऐ बल्लू, “तुसै तियां मणु सांईं बणा, जैड़ै अपणै मालका री बैह थऊँ फिरी करी ईणै री भाळ करदै हिन, कि जैहणै सो ईच्ची करी दारा बजा ता सो झट खोलण। 37धन्य हा सो नौकर जैस जो तसेरा मालक ईच्ची करी जागदा हेरदा। अऊँ तूसु सितै सच बलदा कि, तैस नौकरा तसेरी सेवा तांई कमर कसी करी तैयार रैहणा अतै तैस जो खाणा खोआणा। 38जे सो अध्धी राती या भ्यागा रै टैमैं अईआ अतै अपणै नौकरा जो जागदा हेरला, ता सो नौकर धन्य हा। 39पर तुहै ऐह गप्प जाणी लेय्आ कि अगर घरा रा मालका जो पता भोआ कि चोरा कैहणै चोरी करना ईणा ता तैस जागदै रैहणा अतै अपणै घरा मन्ज चोरी ना भूणा दिणी। 40तुसै भी तैयार रेय्आ क्ओकि जैस टैमां रै बारै मन्ज तुहै सोचदै भी ना हिन तैस ही टैमैं मणु रै पुत्रा ईच्ची रैहणा।”
विस्वासा लायक अतै अविस्वासी दास
(मत्ती 24:45-51)
41ता पतरस बलणा लगा, “प्रभु जी, कै ऐह उदाहरण तुसै असु जो ही हुणाऊ करदै हिन कि सबी जो हुणाऊ करदै हिन?” 42यीशुऐ बल्लू, “सो विस्वास लायक अतै अक्लमंद खजांची कुण भोला जसेरा मालक तैस जो अपणै नौकरा-चाकरा पुर चौंकीदार बणाई देआ अतै सो भी मालका जो ठीक-ठीक हिसाब दसा।” 43धन्य हा सो दास, जैस जो तसेरा मालक इन्नी साभै कम करदा हेरदा। 44अऊँ तूसु सोगी सच बलदा कि, तैस मालका सो दास अपणी पूरी जायदात पुर अधिकारी बणाई दिणा। 45पर जे सो दास सोचणा लगा कि हल्ली तिकर ता मालका रै ईणै जो देर हा अतै सो होरी नौकरा-चाकरा जो मारा जक्का अतै खाई-पी करी मतबाळा रैहणा लगी पेआ, 46ता तैस दासा रा मालक ऐसै टैमैं चली ईणा जैहणै तैस दासा जो मालका री भाळ ना भोआ या तैस ऐसी घड़ी ईणा जैतियो सो जाणदा भी ना भूणा, तैस टैमैं मालका दासा जो फटकार मारी करी सो अविस्वासी सोगी करी दिणा। 47फिरी यीशु बलदा, “ऐसा नौकर जैडा कि मालका री ईच्छा जाणदै भी तैयार ना रैहन्दा अतै जियां मालक चाहन्दा तियां ना करदा ता तैस नौकरा जो बड़ी मार पैणीआ 48पर जैडा नौकर जैसिओ पता ना भोआ कि मालक कै चाहन्दा, अतै ऐसा कोई कम करा जैडा मालका जो पसन्द ना भोआ, ता तैस जो थोड़ी मार पैणी हा। ठेरैतांये जैस जो ज्यादा दितुरा हा, तैस थऊँ ज्यादा हिसाब लैणा अतै जैस जो ज्यादा सम्भाळणै जो दितुरा तसेरा ज्यादा हिसाब भूणा।”
यीशु रै ईणै रा परिणाम
(मत्ती 10:34-36)
49यीशुऐ बल्लू, “अऊँ धरती पुर अग लाणा छूरा अतै अऊँ चाहन्दा कि ऐह अग जतूणी तोऊळी भड़की सकदी हा भड़का! 50मिन्जो अक्क बड़ा ज्यादा दुख भरा बपतिस्मा लैणा हा अतै जैहणै तिकर ऐह भुच्ची ना गान्दा, अऊँ परेशान हा! 51तुसै के समझदै कि अऊँ धरती पुर मेल मिलाप करवाणा छूरा? अऊँ तूसु जो बलदा कि अऊँ ता अक्की दुऐ थऊँ तूसु जो दूर कराणा छूरा। 52अजा थऊँ बाद हर घरा रा हर सदस्य अक्की दुऐ रा वरोधी भूणा। अगर घरा मन्ज पँज सदस्य हिन ता त्रीं मिन्जो पुर विस्वास करना दूँ ना करना। 53पिता पुत्रा रा अतै पुत्रा पिता रा वरोध करना, मौआ कुल्ळी सितै अतै कुल्ळी मौआ सितै बैर रखणा, हहुआ नुहहा सितै अतै नुहहा हहुआ सितै बैर रखणा।”#मीका 7:6.
टैमां रा लक्षण
(मत्ती 16:2,3)
54यीशुऐ भिड़ा सितै भी बल्लू, “जैहणै तुसै घरिन्दी कनारी बदळा जो हेरदै हिन ता तुसै झट बलदै हिन कि बरखा भुणीआ अतै ईयां ही भुन्दा। 55जैहणै तुसै दक्षिणी हवा हेरी करी बल्दै हिन कि अबै लू चलणीआ अतै ईयांईं ही भुन्दा। 56हे कपटिओ, तुसै अम्बरा अतै धरती रै रंगा जो हेरी करी तसेरै भेदा जो जाणी सकदै हिन, ता तुसै ऐस युगा रै बारै मन्ज भेद करना कजो ना जाणदै?”
57यीशुऐ बल्लू कि, “तुसै अपणै बारै मन्ज अप्पू ही फैसला करा कि तूसु तांई कै ठीक हा? 58जैहणै तुसै अपणै विरोधी सोगी कोर्ट कचैहरी जो मुकदमैं तांई गांदै हिन ता तैस सितै रस्तै मन्ज ही समझौता करनै री सोची लेआ, ईयां ना भोआ कि सो तिजो जजा बलै लेई गच्छा अतै जज तिजो सपाई रै हवालै दी करी तिजो जेला मन्ज पाई देआ 59अतै अऊँ तूसु सोगी सच बलदा कि जैहणै तक तू पाई पाई ना भरी देला तैहणै तक तैड़ी थऊँ ना छुटी सकदा।”
Currently Selected:
लूका 12: GBKNT
Highlight
Share
Copy
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.
लूका 12
12
पांखड़ तांऐ चेतावनी
(मत्ती 10:26,27)
1तूणै ही टैमां मन्ज तैठी मणु री भीड़ ऐतनी भारी भूच्ची गई कि सो अक्की दुऐ पुर चड़ी चलू करदै थियै, ता यीशु सबी थऊँ पहलै अपणै चेलै सितै बलणा लगा कि, “तुसै ईयां फरीसी री कपट रूपी सोचा थऊँ जैड़ी कि, खमीरा सांई हा, चौकस रेय्आ।” “ठेरा अर्थ ऐह हा कि तुहै तंयारी गलत शिक्षा थऊँ बची करी रेय्आ। 2कजो कि कुछ भी ऐसा निआ जैडा छिपुरा हा अतै ना ही कुछ ऐसा जैडा छिपाई रखूरा, कि जैतियो कोई जाणी ना सका। 3ठेरैतांये जे कुछ भी तूसु सोगी नैहरै मन्ज कणैऊरा, सो उजालै मन्ज हुणना अतै जे कुछ तुसै औवरी मन्ज कना सितै कन लगाई करी कणैऊरा, सो उच्ची जगहा थऊँ हुणाणा।”
कस थऊँ डरना?
(मत्ती 10:28-31)
4“मेरै मित्रो अऊँ तुसिओ बलदा कि, जैड़ै शरीरा जो मारदै हिन पर आत्मा जो ना मारी सकदै, तियां थऊँ मत डरदै। 5अऊँ तूसु जो दसदा कि, सिर्फ तैस प्रमात्मैं थऊँ ही डरा जैस जो मारनै थऊँ बाद नरका मन्ज फैंकणै रा भी अधिकार हा, अऊँ फिरी बलदा, तैस थऊँ ही डरा। 6कै दूँ पैसै री पँज चिड़ी ना बिकदी? फिरी भी प्रमात्मां तियां कसी जो ना भूलदा। 7तून्दै ता हैरा रै बाळ भी सब गीणुरै हिन। डरा मत, तुन्दी किमत प्रमात्मैं रै सामणै मती चिड़ी री किमत थऊँ भी ज्यादा हा।
यीशु जो मनणा या ना मनणा
(मत्ती 10:32,33; 12:32; 10:19,20)
8“अऊँ तूसु जो बल्दा कि जैस कसी मिन्जो मणु सामणै मनी लैणा, सो मुँ भी प्रमात्मैं रै स्वर्गदूता रै सामणै मनी लैणा। 9पर जैस कसी मणु सामणै मेरा इन्कार करना मुँ भी सो प्रमात्मैं रै स्वर्गदूता रै सामणै नकारी दिणा।
10“जैडा कोई मणु रै पुत्रा री निन्दा करला ता सो ता माफ भुच्ची गाणा, पर जैडा पवित्र आत्मा रा वरोध करला सो माफ ना भूणा।
11“जैहणै तुसिओ मणु पकड़ी करी यहूदी रै सभागार अतै राजा अतै अफसरा रै सामणै लेई गाहलै ता चिन्ता मत करदै कि तूसु के बलणा अतै कै जवाव दिणा। 12क्ओकि पवित्र आत्मा तैहणै ही तूसु जो दसि दिणा कि तूसु कै कणैणा।”
अक्क अमीर मूर्ख मणु रा उदाहरण
13फिरी भिड़ा थऊँ अक्की मणुऐ यीशु सितै वल्लु, “हे गुरू, मेरै भाई सितै बल्ला कि सो पितै री जायदात मिन्जो सोगी बण्ड़ी लेआ।” 14यीशुऐ तैस सितै वल्लु, “ओ भलेया-मणुआ मिन्जो तेरा न्याय अतै जायदात रा बंड़-बड़ारा करनै तांयें कुणी बणाऊरा?”#निर्ग. 2:14. 15“चौकनै रेआ अतै सबी किस्मां रै लोभ-लालच थऊँ अपणै आपाओ बचाई करी रखा, क्ओकि जरूरता थऊँ ज्यादा जायदात भूणै पर जिन्दगी रा मतलब ऐह निआ कि तैतिओ होर कठेरा।”
16फिरी यीशुऐ मणुओ अक्क उदाहरण हुणाऊ, “कसकि मणु री जिंमी मन्ज बड़ी पैदावार भूई। 17ऐह हेरी करी सो अपणै मना मन्ज सोच-विचार करना लगु, अबै अऊँ कै करला? मिन्जो वलै ऐतिओ रखणै तांयें जगह निआ।”
18तिनी वल्लु, “अबै मुँ ऐसा करना, कि अपणै पेडू भनी करी होर मोटै पेडू बनाणै अतै तैत मन्ज सब अनाज रखणा। 19अतै फिरी अपणै मना जो बलणा कि ओ मेरेआ मना, तिजो तांयें कई साला तिकर अनाज कठेरी रखुआ, खा-पी अतै सुखा-चैना सितै रैह।”
20पर प्रमात्मैं तैस सितै वलु, “ओ मूर्खा! तेरै प्राण-पखेरू ता अज राती ही उडरी गाणै अतै जैडा कुछ तैंई कठेरूरा सो कसेरा भूणा?”
21“ऐस ही तरीकै सो मणु भी हा जैडा अप्पू तांयें जायदात कठेरी करी अमीर ता बणदा पर प्रमात्मैं री नजरा मन्ज गरीब हा।”
प्रमात्मैं पुर भरोसा रखा
(मत्ती 6:25-34)
22फिरी तिनी अपणै खास चेलै सितै वल्लु, “कि अपणै प्राणा तांयें ऐह चिन्ता मत करदै कि असु कै खाणा? अतै कै पीणा? अतै न अपणै शरीरा तांयें कि कै लाणा? कै प्राण खाणै थऊँ, अतै शरीर कपड़ै थऊँ बदिकरी 23क्ओकि प्राण खाणै थऊँ, अतै शरीर कपड़ै थऊँ बदिकरी हा। 24काऑ री कनारी धैन देआ, ना ता सो बान्दै, ना ता सो कटदै, ना ता सो कठेरदै अतै ना ही इन्यारै पेडू हिन, फिरी भी पिता प्रमात्मां तियां जो खुआन्दा ता तुन्दी ता किमत इआं काऑ थऊँ कई गुणा ज्यादा हा#भज. 147:9.। 25तूसु मन्ज ऐसा कुणआ जैडा चिन्द करीके उमरा री अक्क घड़ी बधाई सका?”
26जे तुहै छोटा जिन्ना कम ना करी सकदै ता, जिन्दगी री होरी गला तांयें कओ चिन्द-फिकर करदै?
27“जंगली फूला री कनारी ध्यान देय्आ सो कियां फूलदै हिन। सो ना ता मेहनत करदै, ना कतदै ता भी अऊँ तुसिओ बलदा कि राजा सुलैमान भी अपणी पूरी वैभवी जिन्दगी मन्ज ईयां फूला सैईं ना सजी सकू। 28प्रमात्मां जमीना रै घा जो, जैडा कि अज हा अतै दोतै सो अगी मन्ज फूकी दिणा, ईना छैळ सजान्दा ता हे अल्पविस्वासिओ तुसिओ ऐत थऊँ ज्यादा छैळ कजो ना सजाला? 29ठेरैतांये चिन्ता करीके ऐह मत बलदै, कि असु कै खाणा, या कै पीणा, या कै लाणा? 30कओकि संसार ईयां चिजा री खोज मन्ज रैहन्दा पर तून्दा पिता प्रमात्मां जाणदा कि तुसिओ ईयां चिजा री जरूरत हा। 31ठेरैतांये पैहलै तुहै तसेरै राज्य अतै धर्मा री तोप करा ता ऐह सब चिजा भी तुसिओ मुळी गाणी।”
जैड़ी धन तैड़ी मन
(मत्ती 6:19-21)
32“हे हल्कै झुण्ड़, मत ड़रा, क्ओकि तून्दै पिता प्रमात्मां री ऐह इच्छा हा, कि तुहै राज्य करन। 33अपणी जायदात बेचीकरी दान करी देआ अतै अपणै तांयें इन्नै बटुए बणा जैड़ै कदी भी पूराणै ना भुन्दै, मेरी गला रा मतलब ऐह हा कि स्वर्गा तांयें ईनी कमाई करा जैड़ी कदी भी ना घटदी, ना चोर तैसिओ चोरी सकदा अतै ना ही कीड़ा तैसिओ खाई सकदा। 34क्ओकि जैड़ी तेरा धन हा तैड़ी ही तेरा मन भी लगी रैहणा।”
जागदै रेय्आ
35“सेवा करनै तांई तुसै हमेशा तैयार रेय्आ अतै तून्दै दीयै सदा बळदै रैहन।”#निर्ग. 12:11; 2 राजा 4:29; इफि. 6:14; मत्ती 5:16. 36यीशुऐ बल्लू, “तुसै तियां मणु सांईं बणा, जैड़ै अपणै मालका री बैह थऊँ फिरी करी ईणै री भाळ करदै हिन, कि जैहणै सो ईच्ची करी दारा बजा ता सो झट खोलण। 37धन्य हा सो नौकर जैस जो तसेरा मालक ईच्ची करी जागदा हेरदा। अऊँ तूसु सितै सच बलदा कि, तैस नौकरा तसेरी सेवा तांई कमर कसी करी तैयार रैहणा अतै तैस जो खाणा खोआणा। 38जे सो अध्धी राती या भ्यागा रै टैमैं अईआ अतै अपणै नौकरा जो जागदा हेरला, ता सो नौकर धन्य हा। 39पर तुहै ऐह गप्प जाणी लेय्आ कि अगर घरा रा मालका जो पता भोआ कि चोरा कैहणै चोरी करना ईणा ता तैस जागदै रैहणा अतै अपणै घरा मन्ज चोरी ना भूणा दिणी। 40तुसै भी तैयार रेय्आ क्ओकि जैस टैमां रै बारै मन्ज तुहै सोचदै भी ना हिन तैस ही टैमैं मणु रै पुत्रा ईच्ची रैहणा।”
विस्वासा लायक अतै अविस्वासी दास
(मत्ती 24:45-51)
41ता पतरस बलणा लगा, “प्रभु जी, कै ऐह उदाहरण तुसै असु जो ही हुणाऊ करदै हिन कि सबी जो हुणाऊ करदै हिन?” 42यीशुऐ बल्लू, “सो विस्वास लायक अतै अक्लमंद खजांची कुण भोला जसेरा मालक तैस जो अपणै नौकरा-चाकरा पुर चौंकीदार बणाई देआ अतै सो भी मालका जो ठीक-ठीक हिसाब दसा।” 43धन्य हा सो दास, जैस जो तसेरा मालक इन्नी साभै कम करदा हेरदा। 44अऊँ तूसु सोगी सच बलदा कि, तैस मालका सो दास अपणी पूरी जायदात पुर अधिकारी बणाई दिणा। 45पर जे सो दास सोचणा लगा कि हल्ली तिकर ता मालका रै ईणै जो देर हा अतै सो होरी नौकरा-चाकरा जो मारा जक्का अतै खाई-पी करी मतबाळा रैहणा लगी पेआ, 46ता तैस दासा रा मालक ऐसै टैमैं चली ईणा जैहणै तैस दासा जो मालका री भाळ ना भोआ या तैस ऐसी घड़ी ईणा जैतियो सो जाणदा भी ना भूणा, तैस टैमैं मालका दासा जो फटकार मारी करी सो अविस्वासी सोगी करी दिणा। 47फिरी यीशु बलदा, “ऐसा नौकर जैडा कि मालका री ईच्छा जाणदै भी तैयार ना रैहन्दा अतै जियां मालक चाहन्दा तियां ना करदा ता तैस नौकरा जो बड़ी मार पैणीआ 48पर जैडा नौकर जैसिओ पता ना भोआ कि मालक कै चाहन्दा, अतै ऐसा कोई कम करा जैडा मालका जो पसन्द ना भोआ, ता तैस जो थोड़ी मार पैणी हा। ठेरैतांये जैस जो ज्यादा दितुरा हा, तैस थऊँ ज्यादा हिसाब लैणा अतै जैस जो ज्यादा सम्भाळणै जो दितुरा तसेरा ज्यादा हिसाब भूणा।”
यीशु रै ईणै रा परिणाम
(मत्ती 10:34-36)
49यीशुऐ बल्लू, “अऊँ धरती पुर अग लाणा छूरा अतै अऊँ चाहन्दा कि ऐह अग जतूणी तोऊळी भड़की सकदी हा भड़का! 50मिन्जो अक्क बड़ा ज्यादा दुख भरा बपतिस्मा लैणा हा अतै जैहणै तिकर ऐह भुच्ची ना गान्दा, अऊँ परेशान हा! 51तुसै के समझदै कि अऊँ धरती पुर मेल मिलाप करवाणा छूरा? अऊँ तूसु जो बलदा कि अऊँ ता अक्की दुऐ थऊँ तूसु जो दूर कराणा छूरा। 52अजा थऊँ बाद हर घरा रा हर सदस्य अक्की दुऐ रा वरोधी भूणा। अगर घरा मन्ज पँज सदस्य हिन ता त्रीं मिन्जो पुर विस्वास करना दूँ ना करना। 53पिता पुत्रा रा अतै पुत्रा पिता रा वरोध करना, मौआ कुल्ळी सितै अतै कुल्ळी मौआ सितै बैर रखणा, हहुआ नुहहा सितै अतै नुहहा हहुआ सितै बैर रखणा।”#मीका 7:6.
टैमां रा लक्षण
(मत्ती 16:2,3)
54यीशुऐ भिड़ा सितै भी बल्लू, “जैहणै तुसै घरिन्दी कनारी बदळा जो हेरदै हिन ता तुसै झट बलदै हिन कि बरखा भुणीआ अतै ईयां ही भुन्दा। 55जैहणै तुसै दक्षिणी हवा हेरी करी बल्दै हिन कि अबै लू चलणीआ अतै ईयांईं ही भुन्दा। 56हे कपटिओ, तुसै अम्बरा अतै धरती रै रंगा जो हेरी करी तसेरै भेदा जो जाणी सकदै हिन, ता तुसै ऐस युगा रै बारै मन्ज भेद करना कजो ना जाणदै?”
57यीशुऐ बल्लू कि, “तुसै अपणै बारै मन्ज अप्पू ही फैसला करा कि तूसु तांई कै ठीक हा? 58जैहणै तुसै अपणै विरोधी सोगी कोर्ट कचैहरी जो मुकदमैं तांई गांदै हिन ता तैस सितै रस्तै मन्ज ही समझौता करनै री सोची लेआ, ईयां ना भोआ कि सो तिजो जजा बलै लेई गच्छा अतै जज तिजो सपाई रै हवालै दी करी तिजो जेला मन्ज पाई देआ 59अतै अऊँ तूसु सोगी सच बलदा कि जैहणै तक तू पाई पाई ना भरी देला तैहणै तक तैड़ी थऊँ ना छुटी सकदा।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.