E’doza 23

Iburahimuni angu jezu Sarani sazuri

1Ewu Sarani ovuzu idriruri ovu dria eli turu alu drini kali iri drini aziri; idri Sarani ma eli ’dipi. 2#Yoh 11:31, 35Sara nga dra Kiriati-aribaa (pari nde Hebironi’i) angu Kananini ma alia; Iburahimu nga emu ani Sarani wuzu imvosi. 3Iburahimu nga enga avu driarisi, nga ’yo anzi Hetini ma tia kini, 4#Ebra 11:9, 13; ’Yeta 7:16; E’do 17:8; 1 Sur 29:15; Zab 39:12; 105:12; 2 Kor 5:6, 7; 1 Pet 1:17; 2:11; E’do 49:30 Ma juruni,ma emi eselia ani’boru; te emi fe ma dri pari maniru emi vile angua mani avu sazu ani, ma ma sa ra, ma ovu ma milia ’dani ’dani ku fo! 5Anzi Hetini nga e’yo omvi Iburahimu ma tia ’yozu eri ma tia ’dini kini. 6#E’do 13:2; 14:14Mi eri e’yo amani, opi la; mi Opi amboru ama eselia. Mi sa avu miniri pari amani adrizu avu sazu ’diyi ma azi ma alia, mini pelerile; ama azi aluni ngani pari amani avu sazuri oga mi dri ku, te eri nga a’i mini avu sazu ra. 7#Rum 13:7Iburahimu nga enga ra, nga avu va ’ba angu nde ma e’ipiru ’diyi ma drilia, yi anzi Hetini ’diyi. 8Eri nga ti eci yi be kini, Ka ovu emi ma asia kini ma ma sa avu’maniri, ma ma ndre eri dika ku beni, emi eri e’yo mani, emi ’ba matu masi Efironi Zohari mvi vu, 9eri ma fe ma dri oni gule Makipelani, erini ovuzu eri be, ovupi amvu erini ma kalatini asizurialeruri; eri ma fe eri ma dri aje adarusi, ma ovu afa mani emi vile angu ma eselia, mani avu sazuriru. 10#E’do 34:20, 24; Rut 4:4Isu Efironini de riria anzi Hetini ma eselia; Efironi ’ba Hitini nga e’yo onwi Iburahimu ma tia anzi Hetini ma bilea, ada ’ba dria fipi aku erini ma kalitilea ’diyi ma bilea, kini, 11#2 Sam 24:20-24’Dini yo, opi mani la, mi eri e’yo mani; ma fe amvu ’dari pi mi dri toko, oni gule ovupi aleniari ma fe indi;ma fe eri mi dri ’ba mani ma anzipi ma milia; mi sa di avu mini. 12Iburahimu nga i avu va ’ba angu nde ma e’ipiru ’diyi ma drilia. 13#Fil 4:5-8Eri nga ’yo Efironi ma tia, ’ba angu nde ma e’ipiru ’diyi ma bibea, kini, Te mi ka le ra, mi eri ma, ma zi mi tia; ma nga amvu nde ma aje fe ra; mi a’i eri ma dri, ma nga avu maniri sa ’dale ani. 14Efironi nga e’yo omvi Iburahimu ma tia, ’yozu eri tia kini, 15#Efu 30:13; Eze 45:12Opi mani, mi eril e’yo mani; angu werearu te ecopi sekeli dahaburu turu susi ’diri, e’yoni amboru ama eselia mi be ya? Mi sa di avu miniri fo. 16#Yer 32:9-12Iburahimu nga e’yo Efironini eri ra; nga dahabu erini ’yole mgboru anzi Hetini ma bileari o’bi eri dri, ada sekeli dahaburu turu su, yi afa silingiru azi ngapi ’ba afa ozipi ’diyi ma eselia ewu nderisi ’diyi.

17 # E’do 25:9; 49:30; ’Yeta 7:16 ’Dini amvu Efironini ovupi Makipela ma alia, Mamire ma driliari, amvu nde ma ada pi, oni gule ovupi aleniari pie, pati dria amvu nde ma alia azini ovupi kalatiniasi kuru ’diyi pie dria, yi fe. 18Iburahimu dri ovuzu eri ma afaru, anzi Hetini ma milia azini ’ba dria fipi aku erini ma kalitilea ’diyi ma drilia indi. 19#E’do 35:29E’yo ’diri ma vutia Iburahimu nga oku erini Sara ma avu sa oni gule amvu Makipelani Mamire ma driliaria (pari nderi Hebiroli’i) angu Kananini ma alia. 20#Rut 4:7-10; Yer 32:10, 11’Dini anzi Hetini fe di amvu nderi pi oni gule ovupi aleniari be Iburahimu dri ovuzu eri ma afaru pari erini avu sazuriru.

Currently Selected:

E’doza 23: LB66

Highlight

Copy