Luka 21

Afa awuzini feleri

1 # Mar 12:41-44 Eri enga i mile uru, nga ’ba afa e’ipi ’diyi ndre yini afa feza yini o’beria sanduku silingi ta mbazuria; 2eri ndre vini awuziou alioru erini sente iri ’be ria ’daa indi. 3#2 Kor 8:12Eri ’yo ra, Ma ’yo emi tia adaru awuzi alioru ’diri ’be afa alenia aga yi dria ra; 4te ’ba ’diyi dria o’be afa feza yini engazu afa yini kakau ma eselia, te eri’i eri ’be alenia afa i erini adrizu ani idriruri dria engazu alio eriniri ma alia.

Dri jaza hekaluni pi eceta ewu tini asizuri-ecezu ’diyi be

5 # Mat 24:1-21; Mar 13:1-19 ’Ba azini yini e’yo hekaluni ’yoria, kini yi ede eri ndrizaru oni i ndrizaru ’diyi pisi afa feza be, eri ’yo ra, 6#Luk 19:44Afa emini ndrele ’diyi ma e’yo ’dini, o’duni nga emu ra, o’du ndesi yi ngani oni alu ku adrozaru agyi dria asukokoru va ku. 7Yi zi eri tia kini, ’Ba ’ba Imbapiri, e’yo ’diyi nga yi ’ye a’dungare ya? E’yo, ’diyi ka ’ba yi ’ye ra, ecetani nga ovu ngoni ya? 8#Dan 7:22Eri ’yo ra, Emi ovu mile be, ’ba ma ici emi ku; te ’ba kakau nga emu ma rusi ’yozu kini, Ma eri’i! azini, Ewu eca ogogo ’bo! Emi mu yi vutia ku. 9#Dan 2:28Emi ka e’yo a’di ’diza pini eri omba ’baza be, uri ma bi emi ani ku; te di e’yo ’diyi ma ’ye yi oko raka, te ewu asizaniri ngani nga i ’ye mbele ku.

10 # Isa 19:2; 2 Sur 15:6 Eri nga di ’yo yi tia, Suruni, nga enga suru azini be, opi nyazani nga enga opi nyaza azini be, dria ombaru; 11oyakia amboru yi nga ovu indi, liki pi dra muaruri be nga ovu anguasi ndu ndu, afa uriuriru ’diyi pi nga ovu indi eceta amboru, engapi ’bua ’diyi be. 12#Luk 12:11Te de ngai e’yo ’diyi dria ’yeni yi ku, yi nga emi obi yi drisi, yi nga emi inza, yini emi jiria pari ’bani yi okuzu ’diyi pi ma, alia, arujo pie, yini emi jiria opi pi ma milia gavena be ma rusi. 13Eri nga i oja emi dri e’yo eti nzezuriru. 14#Luk 12:11-12#Mat 10:19E’yo ’disi emi ede e’yo emi asia kini emi ma ega e’yo emini ngale omvileri oko ku; 15#’Yeta 6:10a’disiku ma nga emi dri ti ’yoza pi fe ondua be, ’dini e’yo nde ’diyisi ari’ba emini dria ngani eco emi dri aruzaru, kani agata gazu emi be ku. 16Te ’ba emi tipi ’divi, emi adrini pie ori’ba pie, agyi pie, nga emi fe ’ba dri, yi nga ’ba azini emi eselia ’diyi ofe dra drini; 17#Mat 10:21, 22’ba dria yi nga emi ngu onzi ma rusi. 18#Luk 12:7; 1 Sam 14:45Te dribiefi emi dria ’diyi ma aluni ngani dri ja ku. 19#2 Sur 15:7; Ebra 10:36Te asi teza eminiri nga fe idri emini pani.

20Te emi ka asikari ongulumuru ’ndre yini Yerusalemuni aceria, emi ma ni ani kini dri jaza erini eca ogogo. 21Etu ’dasi ’ba dria ovupi Yudiaa ’diyi ma apa oni ambo ambo ’diyia, azini ’ba ovupi eri ma alia ’diyi ma fu asea amve, ’ba ovupi asea ’diyi ma fi alenia ku. 22#Hos 9:7; Azi 32:35; Yer 5:29Te ewu ’diri eri ewu e’yo lizaniri, ’dini e’yo dria ovupi sizaru ’diyini yi ’yezu yi pariari’i. 23#1 Kor 7:26Candi oku okporovuru ’diyi dri, oku odekua endrupi ’o’du ’dayisi ’diyi be! A’disiku candi amboruni nga ovu angua, adrani nga ovu suru ’diri ma dria; 24#Azi 28:64; Zek 12:3; Isa 63:18; Zab 79:1; Dan 8:10; Rum 11:25; Eceza 11:2yi nga odra seisi, yi nga yi obi ati’baru suru dria ma alia; ’ba Jururu ’diyi nga Yerusalemuni otu yi pasi va, de nga ewu ’ba ururu ’diyiniri deni i ku.

E’yo Mvi ’banini ngazu emuzu dikari

25 # Mat 24:29, 30; Mar 13:24-26 # Isa 13:10; Eze 32:7; Yoe 2:31; Eceza 6:12-13; Zab 65:7 Eceta yi nga ovu indi etu pi ma ruaa, mba pie, ’bi’bio pie; asi otiza nga ovu nyakua indi suru ma eselia, yi nga aba mirini wulerisi adilerisi indi; 26#Isa 34:4’ba yi nga eca ’ba avule urisi, azini yini e’yo ngapi ecapi angu wudrikuru ma dria ’diyi telerisi; te okpo ’bua ’diyi nga yi oya oya. 27#Dan 7:13; Eceza 1:7; Mat 26:64Etu ’dasi yi nga Mvi ’bani ndre erini emuria okpo be dizaru tu iriti ma eselia. 28#Fil 4:4, 5Te e’yo ’diyini ’baria yi ’yeria, emi edre emi uru, emi enga emi andreti uru indi, onzeza eminirini ecale ogogorisi.

29 # Mat 24:32-35; Mar 13:28-31 Eri ’yo yi tia e’yo o’bezani ’dini: Emi ndre elio pati pi pati azini be dria; 30yi ka-’ba bi ru ’bo, emi ka ndre ra, emi ngulupi ni indi kini ewu nyakani kazuri ecea di ogogo ’bo. 31Ekile ’dinile emi alu indi, emi ka ndre e’yo ’diyini yi ’yeria, emi ma ni suru Munguni eca ogogo. 32Ma ’yo emi tia ndi ndi, a’bianzi ewu ’dosi ’diyi ngani yi de ku, de nga e’yo ’diyi dria ’yeni yi ku. 33#Luk 16:17’Bu pi nyaku be nga yi de ra, te e’yo mani ngani yi de aluani ku.

34 # Luk 17:27; Mar 4:19; Mat 24:49 Te emi te emi ngulupi ma, agei, emi asi kazu ovuzu nzizaru emini nyaka nyale tu azini ewa mvule turisi ku, kani emini asisile drole idri ’dori ma e’yosirisi ku indi, o’du ’dari kazu ecazu emi dria rugbu ekile gbagbale ku; 35#Isa 24:17; 1 Tes 5:3te eri nga eca ’ba ovupi angu wudrikuru drisi dria ’diyi ma dria dria. 36#Mar 13:33; Eceza 6:17Emi te emi agei mile be ewu dria, Mungu zizu matu be, emi ma isu okpo emini ngazu apazu e’yo dria ngapi yi ’yepi ’diyisi, azini emini ngazu pa sozu Mvi ’bani ma milia ani beni.

37 # Luk 19:47; Yoh 8:1 Etu vusi eri adri ’ba imba hekalua; ini vusi ini vusi eri fu amve, la oni yini runi omvele Mizeituniri ma dria. 38’Ba dria yi emu eri vu o’biti kula kula hekalua, eri ma e’yo erizu.

Currently Selected:

Luka 21: LB66

Highlight

Copy