KUBULUKA 17
17
Madzi akubuluka m'mwala
(Kal. 20.1-13)
1Anthu onsene a dzinza ya Israele adabuluka kuthando yatchetcha ya Sini mbaenda mbuto na mbuto ninga mukhaatongera MBUYA. Iwo adamanga msasa pa Refidimu, mbwenye kweneko kudasowa madzi akumwa. 2Iwo adadungunya kuna Mose mbati, “Ngatipase madzi akumwa.”
Mose adatawira mbati, “Mwatani munadungunya? Mwatani munayesa MBUYA?”
3Mbwenye anthu akhali na nyota pyakwanga mbathimiza kudungunya kuna Mose mbati, “Udatibulusiranji ku Iguputo? Kadi ukufuna ife, anathu, pabodzi pene na pifuyo pyathu kuti tife na nyota?”
4Mose adalira kuna MBUYA mbati, “Ndinachita tani na anthuwa? Iwo ali chifupi kundiponyera miyala.”
5MBUYA adalonga kuna Mose mbati, “Kwata akadamu anango a Aisraele, uende nawo patsogolo pang'ono pa anthu. Kwata ndodo idamenya na iwe madzi mumkulo wa Nailo ku Iguputo ile. 6Ndinaimira pamaso pako pamwala paphiri ya Sinai. Umenye pamwala, tenepo madzi anabuluka m'mwalamo kuti anthu amwe.” Mose adachita tenepo pamaso pa akadamu a Aisraele.
7Mbuto yeneyo idathulwa Masa pontho Meriba,#17.7 Masa…Meriba: Madzina enewa m'Chiheberi nkhulonga kuti, “kuyesa” na “kudungunya.” thangwi Aisraele adadungunya mbayesa MBUYA na pidavunza iwo kuti, “Ayi MBUYA ali nafe penu tayu?”
Aisraele amenya nkhondo na Aamaleki
8Aamaleki adadza dzasosa Aisraele pa Refidimu. 9Mose adalonga kuna Yoswa mbati, “Sankhula amuna anango kuti mangwana akamenye nkhondo na Aamaleki. Ine ndinaimira pansonga ya phiri kuphatira ndodo idandipanga Mulungu kuti ndikwate ile.” 10Yoswa adachita ninga mudampangira Mose mbaenda kamenya nkhondo na Aamaleki, uku Mose, Aroni na Huri adenda pansonga ya phiri. 11Ndzidzi ukhaphatira Mose ndodo yache m'dzulu, Aisraele akhakunda anyamalwawo, mbwenye pikhatchithisa iye mikono yache pansi, Aisraele akhakundwa na Aamaleki. 12Pidatopa mikono ya Mose, Aroni na Huri adamdzesera mwala kuti iye akhalepo, uku iwo akhaimira m'khundu mwache mbaphatira m'dzulu mikono yache, kuiphatira mpakana kunja kudadoka. 13Penepa Yoswa adakundiratu Aamaleki.
14Tenepo MBUYA adalonga kuna Mose mbati, “Lemba pya kukunda kweneku, towera kukumbukwe. Panga Yoswa kuti ine ndinavungiratu Aamaleki.”#Deut. 25.17-19; 1Sam. 15.2-9.
15Mose adamangapo guwa yansembe mbaithula kuti, “MBUYA ndi Banderanga.” 16Iye adalonga mbati, “Kwizani m'dzulu bandera ya MBUYA! MBUYA anathimiza kutimenyera nkhondo kuna Aamaleki ndzidzi onsene!”
Currently Selected:
KUBULUKA 17: SenaMw
Highlight
Share
Copy
Want to have your highlights saved across all your devices? Sign up or sign in
© Bible Society of Malawi
KUBULUKA 17
17
Madzi akubuluka m'mwala
(Kal. 20.1-13)
1Anthu onsene a dzinza ya Israele adabuluka kuthando yatchetcha ya Sini mbaenda mbuto na mbuto ninga mukhaatongera MBUYA. Iwo adamanga msasa pa Refidimu, mbwenye kweneko kudasowa madzi akumwa. 2Iwo adadungunya kuna Mose mbati, “Ngatipase madzi akumwa.”
Mose adatawira mbati, “Mwatani munadungunya? Mwatani munayesa MBUYA?”
3Mbwenye anthu akhali na nyota pyakwanga mbathimiza kudungunya kuna Mose mbati, “Udatibulusiranji ku Iguputo? Kadi ukufuna ife, anathu, pabodzi pene na pifuyo pyathu kuti tife na nyota?”
4Mose adalira kuna MBUYA mbati, “Ndinachita tani na anthuwa? Iwo ali chifupi kundiponyera miyala.”
5MBUYA adalonga kuna Mose mbati, “Kwata akadamu anango a Aisraele, uende nawo patsogolo pang'ono pa anthu. Kwata ndodo idamenya na iwe madzi mumkulo wa Nailo ku Iguputo ile. 6Ndinaimira pamaso pako pamwala paphiri ya Sinai. Umenye pamwala, tenepo madzi anabuluka m'mwalamo kuti anthu amwe.” Mose adachita tenepo pamaso pa akadamu a Aisraele.
7Mbuto yeneyo idathulwa Masa pontho Meriba,#17.7 Masa…Meriba: Madzina enewa m'Chiheberi nkhulonga kuti, “kuyesa” na “kudungunya.” thangwi Aisraele adadungunya mbayesa MBUYA na pidavunza iwo kuti, “Ayi MBUYA ali nafe penu tayu?”
Aisraele amenya nkhondo na Aamaleki
8Aamaleki adadza dzasosa Aisraele pa Refidimu. 9Mose adalonga kuna Yoswa mbati, “Sankhula amuna anango kuti mangwana akamenye nkhondo na Aamaleki. Ine ndinaimira pansonga ya phiri kuphatira ndodo idandipanga Mulungu kuti ndikwate ile.” 10Yoswa adachita ninga mudampangira Mose mbaenda kamenya nkhondo na Aamaleki, uku Mose, Aroni na Huri adenda pansonga ya phiri. 11Ndzidzi ukhaphatira Mose ndodo yache m'dzulu, Aisraele akhakunda anyamalwawo, mbwenye pikhatchithisa iye mikono yache pansi, Aisraele akhakundwa na Aamaleki. 12Pidatopa mikono ya Mose, Aroni na Huri adamdzesera mwala kuti iye akhalepo, uku iwo akhaimira m'khundu mwache mbaphatira m'dzulu mikono yache, kuiphatira mpakana kunja kudadoka. 13Penepa Yoswa adakundiratu Aamaleki.
14Tenepo MBUYA adalonga kuna Mose mbati, “Lemba pya kukunda kweneku, towera kukumbukwe. Panga Yoswa kuti ine ndinavungiratu Aamaleki.”#Deut. 25.17-19; 1Sam. 15.2-9.
15Mose adamangapo guwa yansembe mbaithula kuti, “MBUYA ndi Banderanga.” 16Iye adalonga mbati, “Kwizani m'dzulu bandera ya MBUYA! MBUYA anathimiza kutimenyera nkhondo kuna Aamaleki ndzidzi onsene!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Bible Society of Malawi