Kutoma 36

Pidzukulu pya Esau

(1Mbi. 1.34-37)

1Ipi mphidzukulu pya Esau wakuchemerwa pontho Edomu. 2Esau adasemba akazi a mu Kanani: Ada, mwana Eloni wa Chihiti; Oholibama mwana Anahi, mdzukuluache#36.2 mdzukuluache: Pyakuthumbusula pinango pyakale pyalonga mwana wamamuna; m'Chiheberi muna mwana wamkazi; penu mdzukuluache wamkazi. Zibeoni wa Chihivi,#Kut. 26.34. 3na Basemati, mwana Ishimaele, pontho ule ndi nyamaingache Nebaioti.#Kut. 28.9. 4Ada adabala Elifazi; Basemati adabala Reuele; 5Oholibama adabalambo Yeushi, Yalamu na Kora. Ana achimuna onsenewa babawo akhali Esau. Iwo adabalwa m'dziko ya Kanani.

6Tenepo Esau adakwata akazache, anache achimuna na achikazi ene, anthu onsene akhali na iye, pifuyo pyache pyonsene pontho na pyonsene pidagumana iye m'dziko ya Kanani mbaenda kudziko inango kutali na mbaleache Yakobo. 7Iye adabuluka thangwi dziko ikhakhala iye pabodzi na Yakobo hikhali yakukwana tayu, thangwi onsene awiri akhali na pifuyo pizinji, natenepo nee mbadakwanisa kukhala pabodzi pene tayu. 8Natenepo Esau adakhala m'dziko ya mapiri ya Seiri.

9Ipi mphidzukulu pya Esau, kholo wa Aedomu ale akhakhala m'dziko ya mapiri ya Seiri. 10-13Ada, mkazi Esau, adabala mwana mbodzi basi wamamuna dzinache Elifazi; tenepo Elifazi akhali na ana ashanu achimuna: Temani, Omara, Zefo, Gatamu na Kenazi. Pontho mkazache unango dzinache Timina akhali na mwana unango wamamuna dzinache Amaleki.

Basemati, mkazi Esau, adabala mwana mbodzi basi wamamuna dzinache Reuele. Tenepo Reuele akhali na ana anayi achimuna: Nahati, Zera, Shama na Miza.

14Oholibama, mkazi Esau wachitatu, mwana Anahi, pontho mdzukuluache#36.14 mdzukuluache: Pyakuthumbusula pinango pyakale pyalonga mwana wamamuna; m'Chiheberi muna mwana wamkazi; penu mdzukuluache wamkazi. wa Zibeoni, adabala ana atatu achimuna: Yeushi, Yalamu na Kora.

15Awa ndi mafumu akubulukira muna Esau. Mwana Esau wautombo dzinache Elifazi ndiye akhali kholo wa mafumu awa: Temani, Omara, Zefo, Kenazi, 16Kora, Gatamu na Amaleki. Pyonsenepi ndiye pikhali pidzukulu pya Esau na mkazache Ada.

17Mwana Esau dzinache Reuele ndiye akhali kholo wa mafumu awa: Nahati, Zera, Shama na Miza. Pyonsenepi ndiye pikhali pidzukulu pya Esau na mkazache Basemati.

18Mafumu ali m'tchindemu mbana a Esau na mkazache Oholibama, mwana Anahi: Yeushi, Yalamu na Kora. 19Mafumu onsenewa adabulukira muna Esau.

Pidzukulu pya Seiri

(1Mbi. 1.38-42)

20Awa mbana achimuna a Seiri wa Chihori, ale akhakhala m'nthemba mule: Lotani, Shobali, Zibeoni, Anahi, 21Dishoni, Ezeri na Dishoni. Ana enewa a Seiri mu Edomu akhali mafumu a Chihori.

22Lotani adabala ana awiri achimuna, Hori na Hemani. Lotani akhali na nyamainga dzinache Timina.

23Shobali adabala ana achimuna Alivani, Manahati, Ebali, Shefo na Onamu.

24Zibeoni adabala ana achimuna Aia na Anahi. Anahi weneyu ngule adagumana mchera wa madzi akupisa m'thando yatchetcha pandzidzi ukhadyesa iye mabulu a babache Zibeoni.

25Anahi adabala mwana wamamuna dzinache Dishoni, pontho mwana wamkazi dzinache Oholibama. 26Dishoni adabala ana anayi achimuna, Hemidani, Eshibani, Ithirani na Kerani.

27Ezeri adabala ana atatu achimuna, Bilihani, Zaavani, na Akani.

28Dishani adabala ana awiri achimuna, Uzi na Arani.

29-30Mafumu a Chihori mbawa: Lotani, Shobali, Zibeoni, Ana, Dishoni, Ezeri na Dishani. Enewa ndiye akhali mafumu a Chihori malingana na mbumba zawo m'dziko ya Seiri.

Mafumu a Edomu

(1Mbi. 1.43-54)

31Mafumu, ale akhatonga mu Edomu, mfumu wa Israele adzati tonga tayu mbawa: 32Bela mwana Beori ndiye akhali mfumu wa Edomu. Mzindache udathulwa Dinihaba. 33Pidafa Bela, Yobabu, mwana Zera wa kumzinda wa Bozira ndiye adapita m'mbuto mwache. 34Pidafa Yobabu, mwana Hushamu wa kunthemba ya Temani ndiye adapita ufumu m'mbuto mwache. 35Pidafa Hushamu, Hadadi, mwana Bedadi ule adakunda Amidiani m'dziko ya Moabu ndiye adapita ufumu m'mbuto mwache. Mzindache udathulwa Aviti. 36Pidafa Hadadi, Samula, wa ku Masireka ndiye adapita ufumu m'mbuto mwache. 37Pidafa Samula, Shauli, wa ku Rehoboti, gombe ya mkulo wa Yufurate, ndiye adapita ufumu m'mbuto mwache. 38Pidafa Shauli, Baala-Hanani, mwana Akibori ndiye adapita ufumu m'mbuto mwache. 39Pidafa Baala-Hanani, mwana Akibori, Hadari ndiye adapita ufumu m'mbuto mwache. Mzindache udathulwa Pau. Pontho dzina ya mkazache ikhali Mehetabele mwana Matiredi mdzukuluache Mezahabu. 40Madzina a mafumu akubalwa na Esau malingana na mbumba pontho nthembache mbawa: Timina, Aliva, Yeteti, 41Oholibama, Ela, Pinoni, 42Kenazi, Temani, Mibizari, 43Magidiele na Iramu. Enewa ndiye akhali mafumu a Edomu malingana na kukhazikika kwawo m'dziko ikhakhala iwo. Esau akhali kholo wa Aedomu.

Currently Selected:

Kutoma 36: SenaMw

Highlight

Copy