1 ŴaKorinte 16
16
Vyawanangwa vyakutuwa ku ŵaKristu ŵanyidu
1Kweni nge nkhu mpasku wo wapa chifukwa cha wakupaturika, uli ndimo ndingulanguliya mipingu yaku Galatia, imwe namwe chitani viyo. 2Pa zuŵa lakudanga la sabata munthu yose waku imwe wajiŵikiye mbiku yake pade uli ndimo wasakatiya, alinga kuti vyakupereka vinu vireke kwazichitika ndichiza ine. 3Ndipo ndichiza ine wo mungatondo ndiŵatumenge ndi kalata kuti ŵakapereke vyawanangwa vinu ku Yerusalemu. 4Ndipo asani kungayiyamu ndichiruta ine ŵangaruta pamoza nane.
5Kweni nkhazanga kwinu, pakutuliya ku Makedonia; chifukwa ndikhumba kwachifika danga ku Makedonia, 6kweni akhumba ndazamja namwe, pamwenga kutandara namwe muchipwepwe, alinga kuti imwe muzindiperekezge mu nthowa kweniko kose ndazamruta. 7Chifukwa kuti ndikhumba kuwona imwe sono pakurutiriya mu nthowa pe cha; ndigomekezga kwazitandara namwe nyengo yakuti, asani Ambuya azomera. 8Kweni nkhajanga mu Efeso mpaka Pentekoste, 9chifukwa khumo likuru la mlimu likujurikiya ine, ndipo ŵamphindikwa pe mbanandi.
10Kweni asani wazenge kwinu Timote, lereni kuti waŵe kwinu kwambura ofi, chifukwa watakataka mlimu wa Mbuya ulaka ndine. 11Viyo wangamyuyuwanga munthu cha. Kweni muperekezgeni pa nthowa mu chimangu, kuti wawere so kunu: chifukwa ine pamoza ndi ŵabalitirindizga iyo.
12Kweni nge nkhu mbali Apolo, ndingumuŵeyere ukongwa kuti wazi kwinu pamoza ndi ŵabali wo: ndipo kuti lenga khumbo lake cha kuti wazi ko nyengo yinu; kweni wakazanga asani wangaŵa ndi nyengo yakwenere.
Mazu ghakumariya
13Khazgani, ngangamikani mu chivwanu chinu muŵe ulaka mbanthurumi. 14Vyose vyo muchita, vichitikiye mu chanju.
15Sono ndikuŵeyereni, mwa ŵabali-uyiziŵa nyumba yaku Stefano, kuti ndiwo ŵakudanga kuŵa ŵaKristu mu Akhaia, ndipo ŵakujipatuliya ku kuteŵete wakupaturika, 16iku namwe mujithereske ku ŵaviyo, ndi kwaku yose wakusanganamo mu mlimu wo ndi ŵakutakataka. 17Ndipo ndikondwere pa kuza kwaku Stefano ndi Fortunata ndi Akaiku; pakuti vyo ndingusauka mwinu ŵakwaniska iwo. 18Chifukwa ŵawerezga mo mzimu wangu ndi winu so. Waphwereni ukongwa ŵaviyo.
19Mipingu yaku Asia yakutauzgani. Akula ndi Priskila, pamoza ndi ŵampingu ŵamu nyumba yawo ŵakutauzgani ukongwa mu Mbuya. 20Ŵakutauzgani ŵabali wose. Tauzgani ndi mfyofyonthu ukhovu.
21Tauzgo lenilo lilembeka ndi janja laku ndamweni nda Paulo. 22Asani munthu wareka kwanja Ambuya, waŵe wakutembeka. Ambuyafwe ŵatuza. 23Wezi wa Ambuya Yesu Kristu uŵe namwe. 24Chanju changu chiŵe ndi imwe mose mwaku Kristu Yesu. Ameni.
Currently Selected:
1 ŴaKorinte 16: TongaMw
Highlight
Copy
Compare
Share
Want to have your highlights saved across all your devices? Sign up or sign in
Bible Society of Malawi