1 ŴaKorinte 5
5
Ulakwi mu mpingu
1Nadidi kuvwika kuti mwinu mwe ureŵi; ureŵi wakuti chingana ndi mu ŵamtundu kuti ulipo wa viyo cha, kuti munthu walakwenge ndi muwoli wa awiske! 2Ndipo imwe mutukumuka, kumbi kuti mungwenere kuchita chitima cha? Wakuchita ichi mutuzgeni mukati mwinu.
3Chifukwa ine chingana nde kunyake mu liŵavu kweni nde namwe pamoza mu mzimu, viyo pakuŵapo namwe mu mzimu, 4ndamweruzga kali mu zina la Ambuya yo wachita chenichi. Penipo mwaungana imwe, ndi mzimu wangu pamoza namwe, mu zina ndi nthazi ya Ambuyafwe Yesu, 5muperekeni waviyo kwaku Satana ku wanangiku wa liŵavu mpaka penipo warapa, alinga kuti wataske mzimu wake mu zuŵa la Ambuya Yesu.
6Kuti nchamampha cha chitumbwa chinu. Asi muziŵa kuti mtupu umanavi utupiska burunga lose? 7Photoni mtupu wakali wo, kuti muŵe burunga lifya, nge ndimo muliri ŵazira mtupu. Chifukwa phaska lidu nalo labayika, ndilo Kristu. 8Viyo tiyeni tichite dghera, ndi mtupu wakali cha, chingana ndi mtupu wa uheni ndi utimbanizi cha, kweni ndi viŵande vizira-mtupu vya urunji ndi uneneska.
9Ndingukulembiyani mu kalata wangu, kusangana ndi ŵareŵi cha; 10posepose ndi ŵareŵi ŵa charu chino cha, pamwenga ndi ŵachiŵinu, pamwenga ndi ŵachipanira, pamwenga ndi ŵakusopangoza; iku mphanyi mungwenere kutuwa mu charu. 11Kweni ndingukulembiyani kusangana nayo cha, asani yumoza wakuzumbulika mbali ndi mreŵi, pamwenga wachi ŵinu, pamwenga msopangoza, pamwenga wakutuka, pamwenga wakuloŵe, pamwenga wachipanira; waviyo chingana nkhurghanayo nako cha. 12Chifukwa nchine kwaku ine kuweruzga wakubwaro? Asi imwe muteruzga wamukati mu eklesiya? 13Wakubwaro ndi Chiuta yo waweruzgenge? “Msezgeni mtimbanizi yo mukati mwinu.”
Currently Selected:
1 ŴaKorinte 5: TongaMw
Highlight
Share
Compare
Copy
Want to have your highlights saved across all your devices? Sign up or sign in
Bible Society of Malawi