Chiyambo 40
40
Yosefe mukaidi wang'anamuwa maloto gha ŵakaidi ŵanyake
1Yinguti yarutapo nyengo, pavuli paku ichi, wakupereka vinyo wa karonga wa Egipiti ndi wakubika wake ŵangunangiya mbuya wawo karonga wa Egipiti. 2Ndipo Farao wangukaripa ndi ŵanchitu ŵaŵi yaŵa, mura waŵakupereka vinyo ndi mura wa ŵakubika, 3ndipo wanguŵaŵika mu ukaidi mu nyumba ya nduna ya ŵalonda mu ukaidi mwenimo wangumangikiya Yosefe. 4Nduna ya ŵalonda yinguŵaŵika pasi paku Yosefe, ndipo iyo wanguŵalonda, ndipo ŵangujamu nyengo yitali mu ukaidi. 5Ndipo usiku umoza ŵaŵi viyo ŵangulota maloto. Wakupereka vinyo ndi wakubika wa karonga wa Egipiti ŵeniwo ŵangusungika mu ukaidi we yose loto lake, ndipo loto lose ndi kang'anamulidu kake. 6Penipo Yosefe wanguza kwaku wo ndi mlenji wanguŵawona, kuti ŵenga ŵakusuzgika. 7Viyo iyo wangufumba nduna zo zaku Farao zo wenga nazo pamoza mu ukaidi mu nyumba ya mbuya wake, “Chifukwa chine visku vinu vyazimbwa msana wale?” 8Iwo ŵanguti kwaku iyo, “Talotanga maloto, ndipo palivi nanga njumoza Wakughang'anamuwa.” Ndipo Yosefe wanguti kwaku wo. “Kumbi mang'anamulidu kuti ngaku Chiuta cha? Ndineniyeni, nditukuŵeyereni.” 9Viyo wakupereka vinyo mura wangumunene Yosefe loto lake, ndi wanguti, “Mu loto langu paurongo pangu penga muti wa mphereska, 10ndipo mu muti wo mwenga mphanda zitatu, ndipo po unguti ŵaka buske mani maluŵa ghake ghangutuwa ndipo makhoroza ghangufya kuŵa vipasi. 11Kapu waku Farao wenga mu janja langu, ndipo ndinguto vipasi ndinguvikamiya mu kapu waku Farao, ndipo ndinguŵika kapu waku Farao mu janja lake.” 12Sono Yosefe wanguti kwaku iyo. “Kung'anamuwa ndi uku: mphanda zo zitatu ndi mazuŵa ghatatu; 13mu mazuŵa ghatatu Farao wakasoskanga mutu wako ndipo wakakuwerezgiyanga pa nchitu yako; ndipo ukaŵikanga kapu waku Farao mu janja lake nge ndi kale, penipo wenga wakupereka vinyo wake. 14Kweni ukandikumbuke ine, penipo kwakujaliya umampha, ndipo ukandichitiye lisungu, nditukuŵeyere, kwachindizumbuwa kwaku Farao viyo kuti ndituzgike mu nyumba iyi. 15Pakuti kwakuneneska ndingubika ku charu cha ŵaHebere; ndipo muno namo ndilivi kuchitamo kanthu kakuti wandiŵikiye mu zenje.” 16Penipo wakubika mura wanguwona kuti kang'anamulidu kenga kamampha, wanguti kwaku Yosefe, “Ine nane ndingulota loto; penga vise vitatu vya keki pa mutu wangu, 17ndipo mu chise cha pachanya ukongwa mwenga mitundu yose ya kurgha kwa kocha kwaku Farao, kweni tiyuni twarghanga kurgha ko kuto mu chise pa mutu wangu.” 18Ndipo Yosefe wangwamuka, “Kang'anamulidu kake ndi yaka: vise vyo vitatu ndi mazuŵa ghatatu; 19mu mazuŵa ghatatu Farao wasoskenge mutu wako kuwutuzgako kwako! Ndi kukupayika pa chimuti; ndipo tiyuni tukarghanga nyama yako.” 20Pa zuŵa la chitatu lenilo lenga zuŵa la kawi kaku Farao wangubikiya vyakurgha ŵateŵeti ŵake wose, ndipo wangusoska mutu wa wakupereka vinyo mura ndi mutu wa wakubika mura mukati mu ŵateŵeti ŵake. 21Wanguwezge mura wa wakupereka vinyo kwake, ndipo iyo wanguŵika kapu waku Farao mu janja lake; 22kweni wangupayika wakubika uli ndimo Yosefe wanguŵang'anamuliya maloto ghawo. 23Ndipuuli mura wa wakupereka vinyo kuti wangumukumbuka Yosefe cha kweni wangumuruwa.
Currently Selected:
Chiyambo 40: TongaMw
Highlight
Share
Copy
Want to have your highlights saved across all your devices? Sign up or sign in
Bible Society of Malawi
Chiyambo 40
40
Yosefe mukaidi wang'anamuwa maloto gha ŵakaidi ŵanyake
1Yinguti yarutapo nyengo, pavuli paku ichi, wakupereka vinyo wa karonga wa Egipiti ndi wakubika wake ŵangunangiya mbuya wawo karonga wa Egipiti. 2Ndipo Farao wangukaripa ndi ŵanchitu ŵaŵi yaŵa, mura waŵakupereka vinyo ndi mura wa ŵakubika, 3ndipo wanguŵaŵika mu ukaidi mu nyumba ya nduna ya ŵalonda mu ukaidi mwenimo wangumangikiya Yosefe. 4Nduna ya ŵalonda yinguŵaŵika pasi paku Yosefe, ndipo iyo wanguŵalonda, ndipo ŵangujamu nyengo yitali mu ukaidi. 5Ndipo usiku umoza ŵaŵi viyo ŵangulota maloto. Wakupereka vinyo ndi wakubika wa karonga wa Egipiti ŵeniwo ŵangusungika mu ukaidi we yose loto lake, ndipo loto lose ndi kang'anamulidu kake. 6Penipo Yosefe wanguza kwaku wo ndi mlenji wanguŵawona, kuti ŵenga ŵakusuzgika. 7Viyo iyo wangufumba nduna zo zaku Farao zo wenga nazo pamoza mu ukaidi mu nyumba ya mbuya wake, “Chifukwa chine visku vinu vyazimbwa msana wale?” 8Iwo ŵanguti kwaku iyo, “Talotanga maloto, ndipo palivi nanga njumoza Wakughang'anamuwa.” Ndipo Yosefe wanguti kwaku wo. “Kumbi mang'anamulidu kuti ngaku Chiuta cha? Ndineniyeni, nditukuŵeyereni.” 9Viyo wakupereka vinyo mura wangumunene Yosefe loto lake, ndi wanguti, “Mu loto langu paurongo pangu penga muti wa mphereska, 10ndipo mu muti wo mwenga mphanda zitatu, ndipo po unguti ŵaka buske mani maluŵa ghake ghangutuwa ndipo makhoroza ghangufya kuŵa vipasi. 11Kapu waku Farao wenga mu janja langu, ndipo ndinguto vipasi ndinguvikamiya mu kapu waku Farao, ndipo ndinguŵika kapu waku Farao mu janja lake.” 12Sono Yosefe wanguti kwaku iyo. “Kung'anamuwa ndi uku: mphanda zo zitatu ndi mazuŵa ghatatu; 13mu mazuŵa ghatatu Farao wakasoskanga mutu wako ndipo wakakuwerezgiyanga pa nchitu yako; ndipo ukaŵikanga kapu waku Farao mu janja lake nge ndi kale, penipo wenga wakupereka vinyo wake. 14Kweni ukandikumbuke ine, penipo kwakujaliya umampha, ndipo ukandichitiye lisungu, nditukuŵeyere, kwachindizumbuwa kwaku Farao viyo kuti ndituzgike mu nyumba iyi. 15Pakuti kwakuneneska ndingubika ku charu cha ŵaHebere; ndipo muno namo ndilivi kuchitamo kanthu kakuti wandiŵikiye mu zenje.” 16Penipo wakubika mura wanguwona kuti kang'anamulidu kenga kamampha, wanguti kwaku Yosefe, “Ine nane ndingulota loto; penga vise vitatu vya keki pa mutu wangu, 17ndipo mu chise cha pachanya ukongwa mwenga mitundu yose ya kurgha kwa kocha kwaku Farao, kweni tiyuni twarghanga kurgha ko kuto mu chise pa mutu wangu.” 18Ndipo Yosefe wangwamuka, “Kang'anamulidu kake ndi yaka: vise vyo vitatu ndi mazuŵa ghatatu; 19mu mazuŵa ghatatu Farao wasoskenge mutu wako kuwutuzgako kwako! Ndi kukupayika pa chimuti; ndipo tiyuni tukarghanga nyama yako.” 20Pa zuŵa la chitatu lenilo lenga zuŵa la kawi kaku Farao wangubikiya vyakurgha ŵateŵeti ŵake wose, ndipo wangusoska mutu wa wakupereka vinyo mura ndi mutu wa wakubika mura mukati mu ŵateŵeti ŵake. 21Wanguwezge mura wa wakupereka vinyo kwake, ndipo iyo wanguŵika kapu waku Farao mu janja lake; 22kweni wangupayika wakubika uli ndimo Yosefe wanguŵang'anamuliya maloto ghawo. 23Ndipuuli mura wa wakupereka vinyo kuti wangumukumbuka Yosefe cha kweni wangumuruwa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Malawi