Mateyu 10
10
Ŵasambizi chumi ndi ŵaŵi
(Marko 3.13-19; Luka 6.12-16)
1Ndipo wakudana ŵasambizi ŵake chumi ndi ŵaŵi, wanguŵapaska mtufu wapa mizimu yawiyu, kwachiyituzga, ndi kwachichizga nthenda zose ndi urwali wose. 2Mazina gha ŵakutumika chumi ndi ŵaŵi ndi yagha: wachimoza, Simoni, wakudanika Petro, ndi Andreya, mhurwa wake; Yakobe, mwana waku Zebediya, ndi Yohane, mhurwa wake; 3Filipu, ndi Bartolomeyu; Tomase, ndi Mateyu, wa msonkho yo; Yakobe, mwana waku Alifeyu, ndi Tadeyu; 4Simone, mKanane, ndi Yuda mKeriote, yo wangumumpachiya.
Kutumika kwa ŵasambizi chumi ndi ŵaŵi (12)
(Marko 6.7-13; Luka 9.1-6)
5Wo chumi ndi ŵaŵi Yesu wangutuma, wakuŵalanguliya, wakuti, “Mungarutanga mukati mu ŵamitundu cha, ndi mu muzi wa ŵaSamaria mungaserengemo cha; 6kweni ukongwa mukenge ku mberere zakutayika za nyumba yaku Yisraele. 7Ndipo muchiruta memezani, ŵakuti, ‘Waŵandika ufumu wakuchanya.’ 8Chizgani ŵakutama, ŵakufwa yuskani, ŵamakhate tozgani, ŵademone tuzgani. Kwawezi mwaronde, kwawezi paskani. 9Mungajitole golide cha, chingana ndi siliva cha, chingana ndi tambala mu malikwamba ghinu cha: 10katiri#10.10 katiri: ndiku kuti thumba. wapa nthowa cha, chingana ndi minjirira yiŵi cha, chingana ndi viyatucha, chingana ndi ndodu cha: chifukwa wanchitu ngwakwenere mpaku wake. 11Ndipo mu msumba we wose, chingana ndi muzi, mo mungasere, penjanimo yo ngwakwenere; ndipo tandarani ndi mweniyo, mpaka po mutuwamo. 12Ndipo muchisere mu nyumba, muyitauzge. 13Ndipo asani nyumba yo njakwenere, chimangu chinu chiziye paku yo: kweni asani kuti njakwenere cha, chiwere kwaku imwe chimangu chinu. 14Ndipo mweniyo yose wangamrondeni cha, chingana nkhuvwa mazu ghinu, muchituwamo mu nyumba yo pamwenga muzi wo, kung'unthani fuvu la marwayo ghinu. 15Nadidi ndinene imwe, mu zuŵa la cheruzgu kuŵenge kwamakunthirikako ku charu cha Sodomu ndi Gomora, kwakuruska ku muzi muwa.
Kuza kwa viŵembu
(Marko 13.9-13; Luka 21.12-17)
16“Awonani, ndikutumani imwe nge ndi mberere mukati mu zimphumphi. Viyo muŵe ŵachinjeru nge ndi zinjoka, ndi ŵakuzika nge ndi zinkhunda. 17Kweni ŵacheŵeni ŵanthu: chifukwa ŵamkomboleninge ku maupu, ndipo mu masinagoge ghawo ŵamkumukwechuwani, 18ndipo so ku zinduna ndi ŵakaronga mutolekiyenge pa chifwa chaku ine, kwachiŵiya iwo ndi ŵaMitundu chisimikizgu. 19Kweni penipo ŵamukumweruzgani, mungakweŵeka ndi mo mungakambiya pamwenga cho murongoronge cha, chifukwa kupaskikenge kwaku imwe mu ora lenilo chenicho murongoronge. 20Chifukwa kuti ndimwe cha mwamurongoro, kweni Mzimu wa Auskemwe ndiyo wamrongorore mwinu. 21Ndipo mbali wapachiyenge mbali ku nyifwa, ndi wiske mwana: ndipo ŵana ŵayukiyenge pa ŵapapi, ndi ŵaŵabayiskenge. 22Ndipo muŵenge ŵakutinkhika ndi wose pa chifwa cha zina langu: kweni wakukunthiyapo mpaka umari, ndiyo wakataskikanga. 23Ndipo ŵachimundondoroskani mu muzi uwu, thaŵiyani ku unyake; chifukwa nadi ndinene imwe kuti mukafiskanga mizi yose yaku Yisraele cha, wenga wandazi Mwana wa munthu.
24“Kuti msambizi we pachanya pa msambizgi wake cha, chingana ndi mteŵeti pachanya pa mbuyake cha. 25Nkhwakukwaniya msambizi kuti waŵe nge ndi msambizgi wake, ndi mteŵeti nge ndi mbuyake. Asani mweninyumba ŵatimzumbuwa Belzebule, uli ukongwa kwakuruska ŵamunyumba yake?
Yo ngwakwenere kopeka
(Luka 12.2-7)
26“Viyo mungopanga wo cha: chifukwa palive kakuvunikirika ko karekenge kuvunulika; ndi kakubisika ko karekenge kuziŵikwa. 27Cho ndikuneniyani mu mdima, kambani pakweru, ndipo cho mutuvwa mu makutu kwakutokotezga memezani pa mabagha. 28Ndipo mungopanga cha ŵakubaya liŵavu, kweni mbakuwara nthazi kubaya mzimu: ukongwa mopenge yo ngwanthazi kwananga mzimu nawo ndi liŵavu mu gehena. 29Asi twaphwitu tuŵi tugurika katambala kamoza? Ndipo kuti kamoza kaku to kawenge pasi cha, kwambura khumbo la Auskemwe. 30Kweni masisi nagho gha mutu winu ghaŵerengeka ghose. 31Mungopanga cha; imwe muruska twaphwitu tunandi?
Kuzomera ndi kukana Kristu
(Luka 12.8-9)
32“Viyo yose yo wakazomeranga ine paurongo pa ŵanthu, nane so ndakumzomera paurongo pa Ada wo ŵakuchanya. 33Ndipo yose yo wangakana ine paurongo pa ŵanthu, nane so ndamkumukana paurongo pa Ada wo ŵakuchanya.
Chimangu cha kweni lipanga
(Luka 12.51-53; 14.26-27)
34“Mungarungurukanga cha kuti ndikuziya kwazipaska chimangu pa charu; kuti ndikuziya kwazipaska chimangu cha; kweni lipanga. 35Chifukwa ndikuziya kwazigawuskana mwana munthurumi ku wiske, ndi mwana munthukazi ku nyina, mkumwana ku mpongozi wake; 36ndipo ŵamawongu ŵa munthu ŵaŵenge ŵamunyumba yake. 37Yo ngwakwanja wiske pamwenga nyina kwakuruska ine kuti ngwakwenere ine cha; ndipo yo ngwakwanja mwana munthurumi pamwenga mwana munthukazi kwakuruska ine, kuti ngwakwenere ine cha. 38Ndipo yose yo wareka kujitole mphinjika yake ndi kurondo ine, kuti ngwakwenere ine cha. 39Yo wasaniya umoyo wake, wawutayenge; ndipo wakutaya umoyo wake pa chifukwa chaku ine, wawusaniyenge.
Mphoto
(Marko 9.41)
40“Wakuronde imwe waronde ine, ndipo wakuronde ine waronde wakundituma. 41Yo waronde mchimi mu zina la umchimi, warondenge mphotu ya mchimi; ndipo yo waronde mrunji mu zina la urunji wake, mphotu ya mrunji warondenge. 42Ndipo yose yo wangamweska yumoza wa ŵamana yaŵa chingana ndi chandi cha maji ghakuzizira mu zina la msambizi, ndikuneneskiyani, kuti wangataya mphotu yake cha.”
Currently Selected:
Mateyu 10: TongaMw
Highlight
Share
Compare
Copy
Want to have your highlights saved across all your devices? Sign up or sign in
Bible Society of Malawi
Mateyu 10
10
Ŵasambizi chumi ndi ŵaŵi
(Marko 3.13-19; Luka 6.12-16)
1Ndipo wakudana ŵasambizi ŵake chumi ndi ŵaŵi, wanguŵapaska mtufu wapa mizimu yawiyu, kwachiyituzga, ndi kwachichizga nthenda zose ndi urwali wose. 2Mazina gha ŵakutumika chumi ndi ŵaŵi ndi yagha: wachimoza, Simoni, wakudanika Petro, ndi Andreya, mhurwa wake; Yakobe, mwana waku Zebediya, ndi Yohane, mhurwa wake; 3Filipu, ndi Bartolomeyu; Tomase, ndi Mateyu, wa msonkho yo; Yakobe, mwana waku Alifeyu, ndi Tadeyu; 4Simone, mKanane, ndi Yuda mKeriote, yo wangumumpachiya.
Kutumika kwa ŵasambizi chumi ndi ŵaŵi (12)
(Marko 6.7-13; Luka 9.1-6)
5Wo chumi ndi ŵaŵi Yesu wangutuma, wakuŵalanguliya, wakuti, “Mungarutanga mukati mu ŵamitundu cha, ndi mu muzi wa ŵaSamaria mungaserengemo cha; 6kweni ukongwa mukenge ku mberere zakutayika za nyumba yaku Yisraele. 7Ndipo muchiruta memezani, ŵakuti, ‘Waŵandika ufumu wakuchanya.’ 8Chizgani ŵakutama, ŵakufwa yuskani, ŵamakhate tozgani, ŵademone tuzgani. Kwawezi mwaronde, kwawezi paskani. 9Mungajitole golide cha, chingana ndi siliva cha, chingana ndi tambala mu malikwamba ghinu cha: 10katiri#10.10 katiri: ndiku kuti thumba. wapa nthowa cha, chingana ndi minjirira yiŵi cha, chingana ndi viyatucha, chingana ndi ndodu cha: chifukwa wanchitu ngwakwenere mpaku wake. 11Ndipo mu msumba we wose, chingana ndi muzi, mo mungasere, penjanimo yo ngwakwenere; ndipo tandarani ndi mweniyo, mpaka po mutuwamo. 12Ndipo muchisere mu nyumba, muyitauzge. 13Ndipo asani nyumba yo njakwenere, chimangu chinu chiziye paku yo: kweni asani kuti njakwenere cha, chiwere kwaku imwe chimangu chinu. 14Ndipo mweniyo yose wangamrondeni cha, chingana nkhuvwa mazu ghinu, muchituwamo mu nyumba yo pamwenga muzi wo, kung'unthani fuvu la marwayo ghinu. 15Nadidi ndinene imwe, mu zuŵa la cheruzgu kuŵenge kwamakunthirikako ku charu cha Sodomu ndi Gomora, kwakuruska ku muzi muwa.
Kuza kwa viŵembu
(Marko 13.9-13; Luka 21.12-17)
16“Awonani, ndikutumani imwe nge ndi mberere mukati mu zimphumphi. Viyo muŵe ŵachinjeru nge ndi zinjoka, ndi ŵakuzika nge ndi zinkhunda. 17Kweni ŵacheŵeni ŵanthu: chifukwa ŵamkomboleninge ku maupu, ndipo mu masinagoge ghawo ŵamkumukwechuwani, 18ndipo so ku zinduna ndi ŵakaronga mutolekiyenge pa chifwa chaku ine, kwachiŵiya iwo ndi ŵaMitundu chisimikizgu. 19Kweni penipo ŵamukumweruzgani, mungakweŵeka ndi mo mungakambiya pamwenga cho murongoronge cha, chifukwa kupaskikenge kwaku imwe mu ora lenilo chenicho murongoronge. 20Chifukwa kuti ndimwe cha mwamurongoro, kweni Mzimu wa Auskemwe ndiyo wamrongorore mwinu. 21Ndipo mbali wapachiyenge mbali ku nyifwa, ndi wiske mwana: ndipo ŵana ŵayukiyenge pa ŵapapi, ndi ŵaŵabayiskenge. 22Ndipo muŵenge ŵakutinkhika ndi wose pa chifwa cha zina langu: kweni wakukunthiyapo mpaka umari, ndiyo wakataskikanga. 23Ndipo ŵachimundondoroskani mu muzi uwu, thaŵiyani ku unyake; chifukwa nadi ndinene imwe kuti mukafiskanga mizi yose yaku Yisraele cha, wenga wandazi Mwana wa munthu.
24“Kuti msambizi we pachanya pa msambizgi wake cha, chingana ndi mteŵeti pachanya pa mbuyake cha. 25Nkhwakukwaniya msambizi kuti waŵe nge ndi msambizgi wake, ndi mteŵeti nge ndi mbuyake. Asani mweninyumba ŵatimzumbuwa Belzebule, uli ukongwa kwakuruska ŵamunyumba yake?
Yo ngwakwenere kopeka
(Luka 12.2-7)
26“Viyo mungopanga wo cha: chifukwa palive kakuvunikirika ko karekenge kuvunulika; ndi kakubisika ko karekenge kuziŵikwa. 27Cho ndikuneniyani mu mdima, kambani pakweru, ndipo cho mutuvwa mu makutu kwakutokotezga memezani pa mabagha. 28Ndipo mungopanga cha ŵakubaya liŵavu, kweni mbakuwara nthazi kubaya mzimu: ukongwa mopenge yo ngwanthazi kwananga mzimu nawo ndi liŵavu mu gehena. 29Asi twaphwitu tuŵi tugurika katambala kamoza? Ndipo kuti kamoza kaku to kawenge pasi cha, kwambura khumbo la Auskemwe. 30Kweni masisi nagho gha mutu winu ghaŵerengeka ghose. 31Mungopanga cha; imwe muruska twaphwitu tunandi?
Kuzomera ndi kukana Kristu
(Luka 12.8-9)
32“Viyo yose yo wakazomeranga ine paurongo pa ŵanthu, nane so ndakumzomera paurongo pa Ada wo ŵakuchanya. 33Ndipo yose yo wangakana ine paurongo pa ŵanthu, nane so ndamkumukana paurongo pa Ada wo ŵakuchanya.
Chimangu cha kweni lipanga
(Luka 12.51-53; 14.26-27)
34“Mungarungurukanga cha kuti ndikuziya kwazipaska chimangu pa charu; kuti ndikuziya kwazipaska chimangu cha; kweni lipanga. 35Chifukwa ndikuziya kwazigawuskana mwana munthurumi ku wiske, ndi mwana munthukazi ku nyina, mkumwana ku mpongozi wake; 36ndipo ŵamawongu ŵa munthu ŵaŵenge ŵamunyumba yake. 37Yo ngwakwanja wiske pamwenga nyina kwakuruska ine kuti ngwakwenere ine cha; ndipo yo ngwakwanja mwana munthurumi pamwenga mwana munthukazi kwakuruska ine, kuti ngwakwenere ine cha. 38Ndipo yose yo wareka kujitole mphinjika yake ndi kurondo ine, kuti ngwakwenere ine cha. 39Yo wasaniya umoyo wake, wawutayenge; ndipo wakutaya umoyo wake pa chifukwa chaku ine, wawusaniyenge.
Mphoto
(Marko 9.41)
40“Wakuronde imwe waronde ine, ndipo wakuronde ine waronde wakundituma. 41Yo waronde mchimi mu zina la umchimi, warondenge mphotu ya mchimi; ndipo yo waronde mrunji mu zina la urunji wake, mphotu ya mrunji warondenge. 42Ndipo yose yo wangamweska yumoza wa ŵamana yaŵa chingana ndi chandi cha maji ghakuzizira mu zina la msambizi, ndikuneneskiyani, kuti wangataya mphotu yake cha.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Bible Society of Malawi