Mateyu 11
11
Ŵakutumika ndi Yohane Mbatizi
(Luka 7.18-35)
1Ndipo kunguŵa kuti wati wamara Yesu kuŵalanguliya wasambizi ŵake chumi ndi ŵaŵi, wangutuwako kweniko wanguruta kwachisambizga ndi kutaula mu mizi yawo. 2Kweni Yohane wanguvwa mu ulinda machitidu ghaku Kristu, wangutuma ŵasambizi ŵake, 3wakufumba, “Kumbi imwe ndimwe yo watuza, pamwenga tilereziyenge munyake?” 4Ndipo yesu wangwamuka ndi wanguŵanene, “Kaninga kamtauliyeni Yohane vyo mutuvwa ndi muwona; 5ŵachiburumutiya ŵalereska, ŵakuganthiya ŵatenda, ŵamakhate ŵatozgeka, ŵamgota ŵatuvwa, ŵakufwa ŵayuskika, ndipo ŵakavu ŵataulikiya makani ghakunozga. 6Kweni ngwakutumbikika yose yo kuti ŵaguŵiskika mwaku ine cha.”
7Ndipo ŵachiruta iwo, wangwamba Yesu kukambiya mizinda yo gha paku Yohane, “Munguturiya kubozwa lo kwachiwona chine? Dete lakusukuniskika ndi mphepu kumbi? 8Kweni mungutuliya kwachiwona chine? Munthu wakuvwara minjirira yakuworofoka mbamu nyumba za mafumu. 9Kumbi mungutuliya chine? Kwachiwona mchimi? Inyadi, ndinene imwe, ndi wakuruska mchimi, 10ndi mweniyo kwalembeka paku iyo,
‘Awonani, ine ndituma thenga langu
paurongo pa chisku chako,
mweniyo warongosonge nthowa yako paurongo pako.’
11Nadidi ndikuneniyani, mu ŵakupapika ndi ŵanthukazi kuti wayuka cha muraku kwakuruska Yohane Mbatizi: kweni mumanako yo mu ufumu wakuchanya ndi mura kwaku iyo. 12Ndipo kutuwa ku mazuŵa ghaku Yohane Mbatizi mpaka ku sono ufumu wakuchanya wakomwa ndi masuzgu, ndipo ŵanthu ŵa viwawa ŵati wupoka ndi nthazi. 13Chifukwa ŵamchimi wose, ndi langulu lo, ŵanguloska ndi vinthu vyo vikazanga mpaka paku Yohane. 14Ndipo asani mukhumba kuwuronde, Yohane, ndiyo Eliya yo wazanga. 15Wakuŵa nagho makutu kuvwa wavwe. 16“Kweni ndilinganizgenge mgonezi uwu ndi chine? Ulingana ndi ŵana ŵakuteka pasi mu maluluwa, ndi ŵakubongore ku ŵanyawo, ŵakuti,
17‘Tingufyororoske imwe,
ndipo kuti munguvina cha;
tinguliriya imwe,
ndipo kuti mungutenje cha.’
18Chifukwa wanguza Yohane wakurgha cha chingana nkhumwa cha, ndipo ŵatiti, ‘We ndi demone.’ 19Wanguza mwana wa munthu wakurgha ndi wakumwa, ndipo ŵatiti, ‘Awonani, munthu nkharghi, ndi nkhamwi, bwezi la ŵamsonkho ndiŵalakwi!’ Ndikweni zeru yirunjiskika ndi machitidu ghake.”
Mizi yitatu yambura kurapa
(Luka 10.13-15)
20Sono wangwanda kuchenya mizi mwenimo vyanthazi vyake vinandi vinguchitika, chifukwa kuti yingung'anamuka cha. 21“Owe, Korazine we! Owe Betesaida we! Pakuti ne mu Turo ndi Sidoni vinguchitikamo vyanthazi vyakuchitika mwinu, mphanyi mu chigudulu ndi choto ŵakung'anamuka kali. 22Kweni ndikuneniyani, mu zuŵa la cheruzgu kuŵiyenge Turo ndi Sidoni kwamakunthirikako kwakuruska kwaku imwe. 23Ndipo iwe, Kapernaumu, utumphulikiyenge mpaka kuchanya, nthu? Mpaka ku Hadesi upawuskikiyenge. Chifukwa asani mu Sodomu vinguchitika vyanthazi vyakuchitika mwako, mphanyi wungujaririya mpaka kuno ku le. 24Kwenidi ndinene imwe, kuti mu zuŵa la cheruzgu ku charu cha Sodomu kuŵenge kwamakunthirika kwakuruska kwaku imwe.”
Goŵa laku Kristu
(Luka 10.21-22)
25Pa nyengo yeniyo, Yesu wanguti, “Ndikuwongani, Ada, mweni kuchanya ndi pasi, kuti munguvibisa ivi ku ŵazeru ndi ŵakuwamo, ndipo munguvivumbuliya ku ŵamjedu. 26Inya, Ada, pakuti viyo ndimu kunguwoneke umampha mu maso ghinu. 27Vyose vyaperekeka kwaku ine ndi Ada: ndipo palive yumoza yo waziŵa Mwana kweni Ada pe, ndipo palive yumoza yo waziŵa Dada kweni Mwana pe, ndi so mweniyo yose Mwana wakhumba kumvumbuliya. 28Zani kwaku ine, mose mwaŵakudinirwa ndi mwaŵakuzitiskika, ndipo ine ndikupumuzganinge; 29jitoleni pinu goŵa langu, ndi sambirani kwaku ine; pakuti ndine mpovu ndi wakujiyuyuwa mu mtima: ndipo musaniyenge chipumulu ku mizimu yinu. 30Chifukwa goŵa langu ndakoroŵa, ndi chifinga changu nchiyuyu.”
Currently Selected:
Mateyu 11: TongaMw
Highlight
Share
Compare
Copy
Want to have your highlights saved across all your devices? Sign up or sign in
Bible Society of Malawi
Mateyu 11
11
Ŵakutumika ndi Yohane Mbatizi
(Luka 7.18-35)
1Ndipo kunguŵa kuti wati wamara Yesu kuŵalanguliya wasambizi ŵake chumi ndi ŵaŵi, wangutuwako kweniko wanguruta kwachisambizga ndi kutaula mu mizi yawo. 2Kweni Yohane wanguvwa mu ulinda machitidu ghaku Kristu, wangutuma ŵasambizi ŵake, 3wakufumba, “Kumbi imwe ndimwe yo watuza, pamwenga tilereziyenge munyake?” 4Ndipo yesu wangwamuka ndi wanguŵanene, “Kaninga kamtauliyeni Yohane vyo mutuvwa ndi muwona; 5ŵachiburumutiya ŵalereska, ŵakuganthiya ŵatenda, ŵamakhate ŵatozgeka, ŵamgota ŵatuvwa, ŵakufwa ŵayuskika, ndipo ŵakavu ŵataulikiya makani ghakunozga. 6Kweni ngwakutumbikika yose yo kuti ŵaguŵiskika mwaku ine cha.”
7Ndipo ŵachiruta iwo, wangwamba Yesu kukambiya mizinda yo gha paku Yohane, “Munguturiya kubozwa lo kwachiwona chine? Dete lakusukuniskika ndi mphepu kumbi? 8Kweni mungutuliya kwachiwona chine? Munthu wakuvwara minjirira yakuworofoka mbamu nyumba za mafumu. 9Kumbi mungutuliya chine? Kwachiwona mchimi? Inyadi, ndinene imwe, ndi wakuruska mchimi, 10ndi mweniyo kwalembeka paku iyo,
‘Awonani, ine ndituma thenga langu
paurongo pa chisku chako,
mweniyo warongosonge nthowa yako paurongo pako.’
11Nadidi ndikuneniyani, mu ŵakupapika ndi ŵanthukazi kuti wayuka cha muraku kwakuruska Yohane Mbatizi: kweni mumanako yo mu ufumu wakuchanya ndi mura kwaku iyo. 12Ndipo kutuwa ku mazuŵa ghaku Yohane Mbatizi mpaka ku sono ufumu wakuchanya wakomwa ndi masuzgu, ndipo ŵanthu ŵa viwawa ŵati wupoka ndi nthazi. 13Chifukwa ŵamchimi wose, ndi langulu lo, ŵanguloska ndi vinthu vyo vikazanga mpaka paku Yohane. 14Ndipo asani mukhumba kuwuronde, Yohane, ndiyo Eliya yo wazanga. 15Wakuŵa nagho makutu kuvwa wavwe. 16“Kweni ndilinganizgenge mgonezi uwu ndi chine? Ulingana ndi ŵana ŵakuteka pasi mu maluluwa, ndi ŵakubongore ku ŵanyawo, ŵakuti,
17‘Tingufyororoske imwe,
ndipo kuti munguvina cha;
tinguliriya imwe,
ndipo kuti mungutenje cha.’
18Chifukwa wanguza Yohane wakurgha cha chingana nkhumwa cha, ndipo ŵatiti, ‘We ndi demone.’ 19Wanguza mwana wa munthu wakurgha ndi wakumwa, ndipo ŵatiti, ‘Awonani, munthu nkharghi, ndi nkhamwi, bwezi la ŵamsonkho ndiŵalakwi!’ Ndikweni zeru yirunjiskika ndi machitidu ghake.”
Mizi yitatu yambura kurapa
(Luka 10.13-15)
20Sono wangwanda kuchenya mizi mwenimo vyanthazi vyake vinandi vinguchitika, chifukwa kuti yingung'anamuka cha. 21“Owe, Korazine we! Owe Betesaida we! Pakuti ne mu Turo ndi Sidoni vinguchitikamo vyanthazi vyakuchitika mwinu, mphanyi mu chigudulu ndi choto ŵakung'anamuka kali. 22Kweni ndikuneniyani, mu zuŵa la cheruzgu kuŵiyenge Turo ndi Sidoni kwamakunthirikako kwakuruska kwaku imwe. 23Ndipo iwe, Kapernaumu, utumphulikiyenge mpaka kuchanya, nthu? Mpaka ku Hadesi upawuskikiyenge. Chifukwa asani mu Sodomu vinguchitika vyanthazi vyakuchitika mwako, mphanyi wungujaririya mpaka kuno ku le. 24Kwenidi ndinene imwe, kuti mu zuŵa la cheruzgu ku charu cha Sodomu kuŵenge kwamakunthirika kwakuruska kwaku imwe.”
Goŵa laku Kristu
(Luka 10.21-22)
25Pa nyengo yeniyo, Yesu wanguti, “Ndikuwongani, Ada, mweni kuchanya ndi pasi, kuti munguvibisa ivi ku ŵazeru ndi ŵakuwamo, ndipo munguvivumbuliya ku ŵamjedu. 26Inya, Ada, pakuti viyo ndimu kunguwoneke umampha mu maso ghinu. 27Vyose vyaperekeka kwaku ine ndi Ada: ndipo palive yumoza yo waziŵa Mwana kweni Ada pe, ndipo palive yumoza yo waziŵa Dada kweni Mwana pe, ndi so mweniyo yose Mwana wakhumba kumvumbuliya. 28Zani kwaku ine, mose mwaŵakudinirwa ndi mwaŵakuzitiskika, ndipo ine ndikupumuzganinge; 29jitoleni pinu goŵa langu, ndi sambirani kwaku ine; pakuti ndine mpovu ndi wakujiyuyuwa mu mtima: ndipo musaniyenge chipumulu ku mizimu yinu. 30Chifukwa goŵa langu ndakoroŵa, ndi chifinga changu nchiyuyu.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Bible Society of Malawi