Mateyu 22
22
Ntharika ya chiphikiro cha nthengwa
(Luka 14.15-24)
1Ndipo Yesu wanguŵakambiya so mu zintharika, wakuti, 2“Ufumu wa kuchanya ukozgana ndi munthu karonga, mweniyo wangubikiya mwana wake zowara, 3wangutuma ŵaŵanda ŵake kwachiŵadana ŵakudanika ku zowara zo: kweni kuti ŵangukhumba kuzako cha. 4Wangutuma so ŵaŵanda ŵanyake, wakuti, ‘Kaŵaneniyeni ŵakudanika wo, Onani, mrauku wangu ndarongoso; ng'ombe zangu ndi vyakununa vyangu vyabayika, ndipo vyose vyarongosoreka: zaninga ku zowara.’ 5Kweni iwo, ŵakuyeya, ŵangutuwako, uyu ku munda wake, yuwa ku maronda ghake; 6ndipo ŵakujapo ŵanguŵako ŵaŵanda ŵake, ŵanguŵachitiya uheni, ndi ŵanguŵabaya. 7Karonga wangukalipa; ndipo wati watuma nkhondu zake, wangwananga ŵambandaŵa, ndipo wangocha muzi wawo. 8Sono watiti ku ŵaŵanda ŵake, ‘Nthengwa yarongosoleka kale, kweni ŵakudanika ŵengavi kwene. 9Viyo kaninga mu nthowa zamu utuliye; ndipo wose wo mungasaniya, ŵadaniyeni ku zowara zo.’ 10Ndipo ŵachituwa ŵaŵanda ŵa ku nthowa zo wanguto wose wo ŵangusaniya, ŵaheni ndi ŵamampha: ndipo nthengwa yo yinguzara nawo ŵazowara.
11“Kweni wachisere karonga kwachiŵawona ŵazowara, wanguwona mwenimo munthu wambura kuvwara chivwaru cha nthengwa: 12ndipo watiti kwaku iyo, ‘Bwezi, wasere uli muno wambura chivwaru cha nthengwa?’ Ndipo wanguchetama chete. 13Sono karonga yo wangunene ŵakuteŵeta, ‘Mumangeni marundi ndi manja, ndi mpong'eni ku mdima wakubwaro; kweniko kuŵenge nkhuta ndi mkukutu wa minyu.’ 14Chifukwa mbanandi ŵakudanika, kweni ŵakusankhika mbamanavi.”
Fumbo la kasonkhedu ka msonkhu
(Marko 12.13-17; Luka 20.20-26)
15Penipo ŵaFarisi ŵanguruta ndipo ŵangupangana upu, mo ŵangamkole mu mazu. 16Ndipo ŵangumtumiya ŵasambizi ŵawo pamoza ndi ŵaHerode, wo ŵanguti, “Msambizi, tiziŵa kuti mwe ŵaneneska, ndipo nthowa yaku Chiuta musambizga mu uneneska, ndipo kuti muphwere ndi yumoza cha, chifukwa kuti mulereska chisku cha ŵanthu cha. 17Viyo tineniyeni, Mupima uli? Kumbi kuyamu kupereka msonkhu kwaku Kaisare, pamwenga awa?” 18Kweni Yesu, pakuziŵa uheni wawo, wanguti, “Mutindesiyanji, mwaŵakufuvya? 19Ndirongoni ndrama ya msonkhu.” Ndipo ŵangumtole tambala. 20Ndipo Yesu wanguŵafumba, “Vyaku yani chithuzituzi ichi ndi kalembedu yaka?” 21Ŵamnene, “Vyaku Kaisare.” Sono waŵanene, “Wezgani viyo vyaku Kaisare kwaku Kaisare; ndi vyaku Chiuta kwaku Chiuta.” 22Ndipo ŵati ŵavwa, ŵanguzizwa, ndipo ŵakumleka ŵangutuwako.
Fumbu lapa chiyuka
(Marko 12.18-27; Luka 20.27-40)
23Pa zuŵa lenilo pe ŵangumziya ŵaSaduki wo ŵatiti, Chiyuka kulive: ndipo ŵangumfumba, 24kuti, “Msambizgi, Mosese wangukamba, ‘Asani munthu wafwa wambura ŵana, mhurwa wake wahare muwoli wake, mwakuti wamyuskiye mkuwake mbeu.’ 25Kwidu kwenga ŵabali ŵankhonde ndi ŵaŵi; wakudanga, wati wato, wangufwa, ndipo waku ŵavi mwana, wangusiya muwoli wake ku mhurwa wake. 26Kwakulingana wachiŵi nayo, ndi wachitatu, mpaka ku ŵankhonde ndi ŵaŵi wo. 27Ndipo pavuli paku wose wangufwa munthukazi nayo. 28Mu chiyuka viyo wakaŵanga muwoli waku nunju waku wo ŵankhonde ndi ŵaŵi? Chifukwa wose ŵenga nayo.” 29Kweni Yesu wakwamuka wanguti kwaku wo, “Muranda, pakureka kuziŵa malembo, chingana ndi nthazi yaku Chiuta. 30Chifukwa mu chiyuka kuti ŵato cha, chingana nkhuti ŵaŵirwa cha, kweni ŵe nge mbangelo kuchanya. 31Kweni kwakulingana ndi chiyuka cha ŵakufwa asi mwaŵerenga chakukambikiya imwe ndi Chiuta, 32yo watiti, ‘Ine ndine Chiuta waku Abrahamu, Chiuta waku Yisaki, ndi Chiuta waku Yakobe?’ Chiuta kuti nchiuta wa ŵakufwa cha, kweni wa ŵamoyo.” 33Ndipo yinguti yavwa mizinda, yo, yingurwita pa chisambizgu chake.
Dangu likuru
(Marko 12.28-34; Luka 10.25-28)
34ŴaFarisi, ŵati ŵavwa kuti waŵachetamiska ŵaSaduki, ŵanguwungana pamoza. 35Ndipo yumoza waku wo, wamarangu, wakumwesa, wangufumba, 36“Msambizgi, dangu nili ndikuru mu chilangulu?” 37Ndipo wangumnene, “Ukamwanjanga Mbuya Chiuta wako ndi mtima wako wose, ndi ndi mzimu wako wose, ndi ndi chinjeru chako chose. 38Lenili ndi dangu likuru ndi lachimoza. 39Ndipo lachiŵi, lakukozgana nalo, ndenili, Ukamwanjanga munyako nge ndiwe wamweni. 40Mu marangu gho ghaŵi mupayikika chilangulu chose, ndi ŵamchimi.”
Fumbu lapaku Mesiya
(Marko 12.35-37; Luka 20.41-44)
41Kweni ŵachiwungana ŵaFarisi wo, Yesu wanguŵafumba, 42wakuti, “Mutitinji ndi Kristu? Ndi mwana waku yani?” Ŵamnene, “Waku Davidi.” 43Waŵanene, “Na, Davidi pakuzazika ndi Mzimu wamtamula uli Mbuya, wakuti,
44‘Mbuya wamnene Mbuyangu,
Uje ku janja langu la marghe,
mpaka po ndiŵika ŵarwani ŵako
kusi ku marwayo ghako?’
45“Viyo asani Davidi wamtamula Mbuya, na ndi mwana wake uli?” 46Ndipo pengavi yumoza wanguŵa wanthazi kumwamuka mazu, chingana nkhuti yumoza wangukhwima mtima cha kumfumbapo so kutuwa ku zuŵa liya.
Currently Selected:
Mateyu 22: TongaMw
Highlight
Share
Compare
Copy
Want to have your highlights saved across all your devices? Sign up or sign in
Bible Society of Malawi
Mateyu 22
22
Ntharika ya chiphikiro cha nthengwa
(Luka 14.15-24)
1Ndipo Yesu wanguŵakambiya so mu zintharika, wakuti, 2“Ufumu wa kuchanya ukozgana ndi munthu karonga, mweniyo wangubikiya mwana wake zowara, 3wangutuma ŵaŵanda ŵake kwachiŵadana ŵakudanika ku zowara zo: kweni kuti ŵangukhumba kuzako cha. 4Wangutuma so ŵaŵanda ŵanyake, wakuti, ‘Kaŵaneniyeni ŵakudanika wo, Onani, mrauku wangu ndarongoso; ng'ombe zangu ndi vyakununa vyangu vyabayika, ndipo vyose vyarongosoreka: zaninga ku zowara.’ 5Kweni iwo, ŵakuyeya, ŵangutuwako, uyu ku munda wake, yuwa ku maronda ghake; 6ndipo ŵakujapo ŵanguŵako ŵaŵanda ŵake, ŵanguŵachitiya uheni, ndi ŵanguŵabaya. 7Karonga wangukalipa; ndipo wati watuma nkhondu zake, wangwananga ŵambandaŵa, ndipo wangocha muzi wawo. 8Sono watiti ku ŵaŵanda ŵake, ‘Nthengwa yarongosoleka kale, kweni ŵakudanika ŵengavi kwene. 9Viyo kaninga mu nthowa zamu utuliye; ndipo wose wo mungasaniya, ŵadaniyeni ku zowara zo.’ 10Ndipo ŵachituwa ŵaŵanda ŵa ku nthowa zo wanguto wose wo ŵangusaniya, ŵaheni ndi ŵamampha: ndipo nthengwa yo yinguzara nawo ŵazowara.
11“Kweni wachisere karonga kwachiŵawona ŵazowara, wanguwona mwenimo munthu wambura kuvwara chivwaru cha nthengwa: 12ndipo watiti kwaku iyo, ‘Bwezi, wasere uli muno wambura chivwaru cha nthengwa?’ Ndipo wanguchetama chete. 13Sono karonga yo wangunene ŵakuteŵeta, ‘Mumangeni marundi ndi manja, ndi mpong'eni ku mdima wakubwaro; kweniko kuŵenge nkhuta ndi mkukutu wa minyu.’ 14Chifukwa mbanandi ŵakudanika, kweni ŵakusankhika mbamanavi.”
Fumbo la kasonkhedu ka msonkhu
(Marko 12.13-17; Luka 20.20-26)
15Penipo ŵaFarisi ŵanguruta ndipo ŵangupangana upu, mo ŵangamkole mu mazu. 16Ndipo ŵangumtumiya ŵasambizi ŵawo pamoza ndi ŵaHerode, wo ŵanguti, “Msambizi, tiziŵa kuti mwe ŵaneneska, ndipo nthowa yaku Chiuta musambizga mu uneneska, ndipo kuti muphwere ndi yumoza cha, chifukwa kuti mulereska chisku cha ŵanthu cha. 17Viyo tineniyeni, Mupima uli? Kumbi kuyamu kupereka msonkhu kwaku Kaisare, pamwenga awa?” 18Kweni Yesu, pakuziŵa uheni wawo, wanguti, “Mutindesiyanji, mwaŵakufuvya? 19Ndirongoni ndrama ya msonkhu.” Ndipo ŵangumtole tambala. 20Ndipo Yesu wanguŵafumba, “Vyaku yani chithuzituzi ichi ndi kalembedu yaka?” 21Ŵamnene, “Vyaku Kaisare.” Sono waŵanene, “Wezgani viyo vyaku Kaisare kwaku Kaisare; ndi vyaku Chiuta kwaku Chiuta.” 22Ndipo ŵati ŵavwa, ŵanguzizwa, ndipo ŵakumleka ŵangutuwako.
Fumbu lapa chiyuka
(Marko 12.18-27; Luka 20.27-40)
23Pa zuŵa lenilo pe ŵangumziya ŵaSaduki wo ŵatiti, Chiyuka kulive: ndipo ŵangumfumba, 24kuti, “Msambizgi, Mosese wangukamba, ‘Asani munthu wafwa wambura ŵana, mhurwa wake wahare muwoli wake, mwakuti wamyuskiye mkuwake mbeu.’ 25Kwidu kwenga ŵabali ŵankhonde ndi ŵaŵi; wakudanga, wati wato, wangufwa, ndipo waku ŵavi mwana, wangusiya muwoli wake ku mhurwa wake. 26Kwakulingana wachiŵi nayo, ndi wachitatu, mpaka ku ŵankhonde ndi ŵaŵi wo. 27Ndipo pavuli paku wose wangufwa munthukazi nayo. 28Mu chiyuka viyo wakaŵanga muwoli waku nunju waku wo ŵankhonde ndi ŵaŵi? Chifukwa wose ŵenga nayo.” 29Kweni Yesu wakwamuka wanguti kwaku wo, “Muranda, pakureka kuziŵa malembo, chingana ndi nthazi yaku Chiuta. 30Chifukwa mu chiyuka kuti ŵato cha, chingana nkhuti ŵaŵirwa cha, kweni ŵe nge mbangelo kuchanya. 31Kweni kwakulingana ndi chiyuka cha ŵakufwa asi mwaŵerenga chakukambikiya imwe ndi Chiuta, 32yo watiti, ‘Ine ndine Chiuta waku Abrahamu, Chiuta waku Yisaki, ndi Chiuta waku Yakobe?’ Chiuta kuti nchiuta wa ŵakufwa cha, kweni wa ŵamoyo.” 33Ndipo yinguti yavwa mizinda, yo, yingurwita pa chisambizgu chake.
Dangu likuru
(Marko 12.28-34; Luka 10.25-28)
34ŴaFarisi, ŵati ŵavwa kuti waŵachetamiska ŵaSaduki, ŵanguwungana pamoza. 35Ndipo yumoza waku wo, wamarangu, wakumwesa, wangufumba, 36“Msambizgi, dangu nili ndikuru mu chilangulu?” 37Ndipo wangumnene, “Ukamwanjanga Mbuya Chiuta wako ndi mtima wako wose, ndi ndi mzimu wako wose, ndi ndi chinjeru chako chose. 38Lenili ndi dangu likuru ndi lachimoza. 39Ndipo lachiŵi, lakukozgana nalo, ndenili, Ukamwanjanga munyako nge ndiwe wamweni. 40Mu marangu gho ghaŵi mupayikika chilangulu chose, ndi ŵamchimi.”
Fumbu lapaku Mesiya
(Marko 12.35-37; Luka 20.41-44)
41Kweni ŵachiwungana ŵaFarisi wo, Yesu wanguŵafumba, 42wakuti, “Mutitinji ndi Kristu? Ndi mwana waku yani?” Ŵamnene, “Waku Davidi.” 43Waŵanene, “Na, Davidi pakuzazika ndi Mzimu wamtamula uli Mbuya, wakuti,
44‘Mbuya wamnene Mbuyangu,
Uje ku janja langu la marghe,
mpaka po ndiŵika ŵarwani ŵako
kusi ku marwayo ghako?’
45“Viyo asani Davidi wamtamula Mbuya, na ndi mwana wake uli?” 46Ndipo pengavi yumoza wanguŵa wanthazi kumwamuka mazu, chingana nkhuti yumoza wangukhwima mtima cha kumfumbapo so kutuwa ku zuŵa liya.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Bible Society of Malawi