Mateyu 23
23
Yesu wachenjezga ndi ŵasambizgi ŵamarangu ndi ŵaFarisi
(Marko 12.28-39; Luka 11.43, 46; 20.45-46)
1Sono Yesu wangurongoro ndi mizinda ndi ndi ŵasambizi ŵake, wakuti, 2“Pa chitengo chaku Mosese ŵajapo ŵalembi ndi ŵaFarisi, 3viyo vyenivyo vyose ŵangakuneniyani, chitani ndi phwereni: kweni nchitu zawo mungachitanga cha; chifukwa ŵakamba, kweni kuti ŵachita cha. 4Wamanga mphingu zizitundi zambura mapingika, ndi kuziŵika pa maphewa gha ŵanthu; zenizo iwo ŵeneko kuti ŵangazinderezga ndi munwi cha. 5Kweni nchitu zawo zose ŵachitiya kuti ŵaŵoneke ku ŵanthu: chifukwa ŵasanuska mphonji zawo, ndipo ŵakuzga mikanu ya minjirira yawo, 6ndipo ŵatanja chakujapo chapachanya, pa madghera, ndi vitengo vyakudanga mu masinagoge, 7ndi matauzgo mu maluluwa gha maronda, ndi kutamulika ndi ŵanthu, Rabi. 8Kweni imwe mungatamulika Rabi cha: chifukwa yumoza ndi msambizgi winu, ndipo mose imwe mwe ŵabali. 9Ndipo mungamtamula yumoza wiskemwe panupasi cha: chifukwa yumoza ndiyo wiskemwe, yo wakuchanya. 10Ndipo mungatamulika ambuya cha chifukwa yumoza ndi Mbuyamwe, ndiyo Kristu. 11Kweni muraku waku imwe wakaŵanga mteŵeti winu. 12Ndipo yose yo wajikuzgenge, wayuyulikenge; ndipo yose yo wajiyuyuwenge, wakuzgikenge.
Yesu wasuska upusikizge wawo
(Marko 12.40; Luka 11.39-42, 44, 52; 20.47)
13“Kweni owe kwaku imwe, mwa ŵalembi mwa ŵaFarisi, mwaŵakufuvya! Pakuti mujariya ŵanthu ufumu wakuchanya; chifukwa mwaŵeni kuti museremo cha, chingana nkhuti muŵazomerezga akusere kuseremo cha. [ 14Owe kwaku imwe, ŵasambizgi ŵa dangu ndi mwa ŵaFarisi! Mwaŵakufuvya! Mugorele vyoko ndi kuŵapoka nyumba zawo, ndi mujirongo mukuromba marombo ghatali! Chifukwa chaku ichi kulangika kwinu kukaŵanga kuheniku!] 15Okwe kwaku imwe, mwa ŵalembi ndi ŵaFarisi, mwaŵakufuvya! Pakuti muzunguliya nyanja ndi mtunda kwaching'anamuska mukhozi yumoza; ndipo penipo waŵa waviyo, mumsanduskamwana waku Gehena ukongwa kwakuruska mwaŵeni.
16“Owe kwaku imwe, mwaŵarongozgi ŵachiburumutiya, mwakukamba, ‘Yo wangarapiya pa kasopi, kuti nkhanthu cha; kweni yo wangarapiya pa golide la kasopi wamangika ndi rapu lo.’ 17Mwaŵakupusa ndi ŵachiburumutiya chifukwa ndi nichi chikuru, golide, pamwenga kasopi yo wapatuliska golide lo? 18Ndipo, mutiti, ‘Yo wangarapiya pa jochero, kuti nkhanthu cha; kweni yo wangarapiya mpasku wo wapachanya pake wamangika.’ 19Mwaŵachiburumutiya chifukwa ndi nichi chikuru, mpasku wo, pamwenga jochero lo lipatuliska mpasku wo? 20Viyo wakurapiya jochero lo, warapiya lo ndi vyose vyapake. 21Ndipo wakurapiya kasopi yo, warapiya ndi mweniyo waja mwake. 22Ndipo wakurapiya kuchanya, warapiya chitengo chaku Chiuta, ndi mweniyo waja paku cho.
23“Owe, mwa ŵalembi ndi mwa ŵaFarisi imwe, mwaŵakufuvya, pakuti cha chichumi nge ndi maŵe, mapira, ndi chitoŵe mupereka, kweni mureka vizitu vyakuzirwa vya langulu, cheruzgu, lisungu, ndi chivwanu: ivi ndivyo mungwenere kuchita, sono pavuli musazgiyeko vinyake vyo. 24Mwa ŵarongozgi ŵachiburumutiya kanyezi mutimbinyuwa, kweni gamila ndiyo mumeza.
25“Owe, mwa ŵalembi ndi mwa ŵaFarisi, mwaŵakufuvya! Pakuti mutozga kubwaro kwa chandi ndi mbale, kweni mukati vizala unkhungu ndi kuwura kujitintha. 26MuFarisi wachiburumutiya iwe, tozga danga mukati mu chandi ndi mbale, alinga kuti kubwaro kwake nako kuŵe kwakutowa.
27“Owe, mwa ŵalembi ndi mwa ŵaFarisi, mwaŵakufuvya! Mukozgana ndi miunda yakupakika utoto, yo kubwaro nadi yiwoneka yakutowa, kweni mukati yizaza viwanga vya ŵakufwa ndi ukazuzi wose. 28Imwe namwe kubwaro nadi muwoneka ŵarunji ku ŵanthu, kweni mukati mwe ŵakuzala fuzi ndi uchikana marangu.
Yesu wakambiya nkhani ndi kurangika kwawo
(Luka 11.47-51)
29“Owe kwaku imwe, mwa ŵalembi ndi mwa ŵaFarisi mwaŵakufuvya! Pakuti muzenga miunda ya ŵamchimi, ndipo mudghoŵeska masano gha ŵarunji, 30ndipo mutiti, ‘Asani tengapo ifwe mu mazuŵa gha auskefwe, mphanyi kuti taŵanga ŵasangazi nawo mu ndopa za ŵamchimi wo cha.’ 31Viyo mutijiŵiya ŵakaboni mwaŵeni, kuti mwe ŵana ŵaku wo ŵangubaya ŵamchimi. 32Zazani namwe mwesowa auskemwe. 33Mwazinjoka, mphapu ya vipiriŵiza, mungathaŵa uli cheruzgu cha Gehena? 34Chifukwa chenichi, wonani, nditumizga kwaku imwe ŵamchimi ndi ŵazeru ndi ŵalembi: ŵaku wo mubayengepo ndi mupayikenge, ŵaku wo mukwechuwengepo ŵanyake mu masinagoge ghinu, ndipo muŵadikiskenge ku muzi ndi muzi, 35viyo kuti ziziyenge paku imwe ndopa zose zirunji zakudikiya pa charu, kutuwa ku ndopa zo zaku Abelu murunji yo mpaka ku ndopa zaku Zekariya mwana waku Barakiya, yo mungukosore pakati pa kasopi ndi jochero. 36Nadidi ndikuneniyani, vyose ivi vizenge pa mgonezi uwu.
Chanju chaku Yesu pa Yerusalemu
(Luka 13.34-35)
37“Yerusalemu, Yerusalemu we, wakubaya ŵamchimi, ndi wakuŵapong'a mya wo ŵatumizgika kwako! Kwakaringa ndakhumba kuwunjika pamoza twana twako, nge ndimo nyakhutu waunjikiya twapiyupiyu twake kusi ku mapapiku ghake, ndipo kuti ungukhumba cha! 38Awonani, nyumba yinu yirekeka ndipo njamapopa. 39Chifukwa ndikuneniyani, kutuwa ku sono kuti mukawonanga ine so cha, mpaka penipo mwazamunena, ‘Ngwakutumbikika yo watuza mu zina la Ambuya!’ ”
Currently Selected:
Mateyu 23: TongaMw
Highlight
Share
Compare
Copy
Want to have your highlights saved across all your devices? Sign up or sign in
Bible Society of Malawi
Mateyu 23
23
Yesu wachenjezga ndi ŵasambizgi ŵamarangu ndi ŵaFarisi
(Marko 12.28-39; Luka 11.43, 46; 20.45-46)
1Sono Yesu wangurongoro ndi mizinda ndi ndi ŵasambizi ŵake, wakuti, 2“Pa chitengo chaku Mosese ŵajapo ŵalembi ndi ŵaFarisi, 3viyo vyenivyo vyose ŵangakuneniyani, chitani ndi phwereni: kweni nchitu zawo mungachitanga cha; chifukwa ŵakamba, kweni kuti ŵachita cha. 4Wamanga mphingu zizitundi zambura mapingika, ndi kuziŵika pa maphewa gha ŵanthu; zenizo iwo ŵeneko kuti ŵangazinderezga ndi munwi cha. 5Kweni nchitu zawo zose ŵachitiya kuti ŵaŵoneke ku ŵanthu: chifukwa ŵasanuska mphonji zawo, ndipo ŵakuzga mikanu ya minjirira yawo, 6ndipo ŵatanja chakujapo chapachanya, pa madghera, ndi vitengo vyakudanga mu masinagoge, 7ndi matauzgo mu maluluwa gha maronda, ndi kutamulika ndi ŵanthu, Rabi. 8Kweni imwe mungatamulika Rabi cha: chifukwa yumoza ndi msambizgi winu, ndipo mose imwe mwe ŵabali. 9Ndipo mungamtamula yumoza wiskemwe panupasi cha: chifukwa yumoza ndiyo wiskemwe, yo wakuchanya. 10Ndipo mungatamulika ambuya cha chifukwa yumoza ndi Mbuyamwe, ndiyo Kristu. 11Kweni muraku waku imwe wakaŵanga mteŵeti winu. 12Ndipo yose yo wajikuzgenge, wayuyulikenge; ndipo yose yo wajiyuyuwenge, wakuzgikenge.
Yesu wasuska upusikizge wawo
(Marko 12.40; Luka 11.39-42, 44, 52; 20.47)
13“Kweni owe kwaku imwe, mwa ŵalembi mwa ŵaFarisi, mwaŵakufuvya! Pakuti mujariya ŵanthu ufumu wakuchanya; chifukwa mwaŵeni kuti museremo cha, chingana nkhuti muŵazomerezga akusere kuseremo cha. [ 14Owe kwaku imwe, ŵasambizgi ŵa dangu ndi mwa ŵaFarisi! Mwaŵakufuvya! Mugorele vyoko ndi kuŵapoka nyumba zawo, ndi mujirongo mukuromba marombo ghatali! Chifukwa chaku ichi kulangika kwinu kukaŵanga kuheniku!] 15Okwe kwaku imwe, mwa ŵalembi ndi ŵaFarisi, mwaŵakufuvya! Pakuti muzunguliya nyanja ndi mtunda kwaching'anamuska mukhozi yumoza; ndipo penipo waŵa waviyo, mumsanduskamwana waku Gehena ukongwa kwakuruska mwaŵeni.
16“Owe kwaku imwe, mwaŵarongozgi ŵachiburumutiya, mwakukamba, ‘Yo wangarapiya pa kasopi, kuti nkhanthu cha; kweni yo wangarapiya pa golide la kasopi wamangika ndi rapu lo.’ 17Mwaŵakupusa ndi ŵachiburumutiya chifukwa ndi nichi chikuru, golide, pamwenga kasopi yo wapatuliska golide lo? 18Ndipo, mutiti, ‘Yo wangarapiya pa jochero, kuti nkhanthu cha; kweni yo wangarapiya mpasku wo wapachanya pake wamangika.’ 19Mwaŵachiburumutiya chifukwa ndi nichi chikuru, mpasku wo, pamwenga jochero lo lipatuliska mpasku wo? 20Viyo wakurapiya jochero lo, warapiya lo ndi vyose vyapake. 21Ndipo wakurapiya kasopi yo, warapiya ndi mweniyo waja mwake. 22Ndipo wakurapiya kuchanya, warapiya chitengo chaku Chiuta, ndi mweniyo waja paku cho.
23“Owe, mwa ŵalembi ndi mwa ŵaFarisi imwe, mwaŵakufuvya, pakuti cha chichumi nge ndi maŵe, mapira, ndi chitoŵe mupereka, kweni mureka vizitu vyakuzirwa vya langulu, cheruzgu, lisungu, ndi chivwanu: ivi ndivyo mungwenere kuchita, sono pavuli musazgiyeko vinyake vyo. 24Mwa ŵarongozgi ŵachiburumutiya kanyezi mutimbinyuwa, kweni gamila ndiyo mumeza.
25“Owe, mwa ŵalembi ndi mwa ŵaFarisi, mwaŵakufuvya! Pakuti mutozga kubwaro kwa chandi ndi mbale, kweni mukati vizala unkhungu ndi kuwura kujitintha. 26MuFarisi wachiburumutiya iwe, tozga danga mukati mu chandi ndi mbale, alinga kuti kubwaro kwake nako kuŵe kwakutowa.
27“Owe, mwa ŵalembi ndi mwa ŵaFarisi, mwaŵakufuvya! Mukozgana ndi miunda yakupakika utoto, yo kubwaro nadi yiwoneka yakutowa, kweni mukati yizaza viwanga vya ŵakufwa ndi ukazuzi wose. 28Imwe namwe kubwaro nadi muwoneka ŵarunji ku ŵanthu, kweni mukati mwe ŵakuzala fuzi ndi uchikana marangu.
Yesu wakambiya nkhani ndi kurangika kwawo
(Luka 11.47-51)
29“Owe kwaku imwe, mwa ŵalembi ndi mwa ŵaFarisi mwaŵakufuvya! Pakuti muzenga miunda ya ŵamchimi, ndipo mudghoŵeska masano gha ŵarunji, 30ndipo mutiti, ‘Asani tengapo ifwe mu mazuŵa gha auskefwe, mphanyi kuti taŵanga ŵasangazi nawo mu ndopa za ŵamchimi wo cha.’ 31Viyo mutijiŵiya ŵakaboni mwaŵeni, kuti mwe ŵana ŵaku wo ŵangubaya ŵamchimi. 32Zazani namwe mwesowa auskemwe. 33Mwazinjoka, mphapu ya vipiriŵiza, mungathaŵa uli cheruzgu cha Gehena? 34Chifukwa chenichi, wonani, nditumizga kwaku imwe ŵamchimi ndi ŵazeru ndi ŵalembi: ŵaku wo mubayengepo ndi mupayikenge, ŵaku wo mukwechuwengepo ŵanyake mu masinagoge ghinu, ndipo muŵadikiskenge ku muzi ndi muzi, 35viyo kuti ziziyenge paku imwe ndopa zose zirunji zakudikiya pa charu, kutuwa ku ndopa zo zaku Abelu murunji yo mpaka ku ndopa zaku Zekariya mwana waku Barakiya, yo mungukosore pakati pa kasopi ndi jochero. 36Nadidi ndikuneniyani, vyose ivi vizenge pa mgonezi uwu.
Chanju chaku Yesu pa Yerusalemu
(Luka 13.34-35)
37“Yerusalemu, Yerusalemu we, wakubaya ŵamchimi, ndi wakuŵapong'a mya wo ŵatumizgika kwako! Kwakaringa ndakhumba kuwunjika pamoza twana twako, nge ndimo nyakhutu waunjikiya twapiyupiyu twake kusi ku mapapiku ghake, ndipo kuti ungukhumba cha! 38Awonani, nyumba yinu yirekeka ndipo njamapopa. 39Chifukwa ndikuneniyani, kutuwa ku sono kuti mukawonanga ine so cha, mpaka penipo mwazamunena, ‘Ngwakutumbikika yo watuza mu zina la Ambuya!’ ”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Bible Society of Malawi