Mateyu 24
24
Yesu wakamba ndi kubwanganduka kwa kasopi
(Marko 13.1-2; Luka 21.5-6)
1Ndipo Yesu wangutuwako kukasopi, ndi warutanga; ndipo wasambizi ŵake ŵanguza kwaku iyo kumurongo mazengedu gha kasopi yo. 2Kweni wakwamuka wanguŵanene, “Asi muwona vyose vyenivi? Ndikuneneskiyani, kuti usiyikengepo cha panu mwa pa mwa, wo urekenge kupong'eka pasi.”
Visuzgu ndi viŵembu
(Marko 13.3-13; Luka 21.7-19)
3Ndipo wachija pasi pa phiri la Olivete, ŵanguza kwake wasambizi wo kuubende, ŵakuti, “Tineniyeni, viŵengepo vyenivyo zuŵanji? Ndipo chiŵenge chine chisimikizgu cha uzi winu, ndi cha umari wa mgonezi wo?” 4Ndipo Yesu wakwamuka wanguŵanene, “Chenjeni vinu yumoza wangakurandizgani. 5Chifukwa ŵanandi ŵaziyenge mu zina langu, ŵakuti, ‘Ine ndine Kristu yo’: ndipo ŵarandizgenge ŵanandi. 6Ndipo muvwenge zinkhondo ndi mbiri za zinkhondo; wonani, mungopanga cha: chifukwa vikaŵangapo vyenivyo; kweni kamaridu kuti ndikeniko cha. 7Chifukwa mtundu uyukiyenge pa mtundu, ndi ufumu pa ufumu: ndipo viŵengepo vilala ndi viyeuyeu mu malo ndi malo; 8vyose ivi nchiyambo cha maurwirwi.
9“Penipo ŵamkukukomboleni ku suzgu, ŵamkukubayani: ndipo muŵenge ŵakutinkhika ndi mitundu yose pa chifukwa cha zina langu. 10Ndipo penipo ŵaguŵiskikenge ŵanandi, ŵapachiyanenge, ndipo ŵatinkhanenge. 11Ndipo ŵamchimi ŵatesi ŵanandi ŵayukenge, ndipo ŵarandizgenge ŵanandi. 12Ndipo pakuti wandaniskikenge uchikana marangu, chizizirenge chanju cha ŵanandi. 13Kweni wakukunthiyapo mpaka umari, mweniyo wataskikenge. 14Ndipo evangeli wenuwu wa ufumu umemezekenge mu charu chose chapasi uli mbukaboni ku mitundu yose; pavuli ndipo ukazanga umari wo.
Chimutimbaheka chakofya
(Marko 13.14-23; Luka 21.20-24)
15“Viyo penipo muwonenge unyakazi wa mapopa, wakukambika ndi Danyele mchimi yo, uchima mu malo ghakupaturika (yo waŵerenga wawemo), 16po ndipo ŵamu Yuda ŵathaŵiyenge ku mapiri; 17wapa nyumba pachanya wangasika cha kwachito vyamu nyumba yake; 18ndipo wamu munda wangawere vuli cha kwachito munjirira wake. 19Kweni owe kwaku wo mbanthumbo ndi ŵakonkheska mu mazuŵa ghenigha! 20Ndipo murombe kuti kuthaŵa kwinu kungaŵako mu chipwepwe cha, chingana mpha Sabata cha. 21Chifukwa chiŵengeko penipo chisuzgu chikuru, chakuti chengavi kuŵapo chaviyo kutuwa ku mtendeku wa charu mpaka kuno ku le, chingana nkhuti chikaŵangapo so cha. 22Ndipo asani ghengavi kufupiskika mazuŵa gha, mphanyi kuti chingana njumoza watinge wataskikenge cha: kweni chifukwa cha ŵakusankhika ghafupiskikenge mazuŵa gha. 23Penipo asani yumoza wangakuneniyani, ‘Awonani, panu pe Kristu’; pamwenga, ‘Panu ndipo’; mungavwananga cha. 24Chifukwa ŵayukenge ŵanthu ŵanyake wo ŵajiŵikengemo kuti ndiwo Kristu ndi ŵanyake kuti mbamchimi. Ndipo wapaskenge visimikizgu vikuru ndi minthondwe, kwachirandizga (asani kwenga kwamachitika chingana mbakusankhika nawo) 25onani, ndakukambiyani limu. 26Viyo asani ŵangakuneniyani, ‘Onani, wemu bozwa’; mungatuliyangako cha: ‘Onani, we muvipinda vyamukati’; mungavwananga cha. 27Chifukwa uli ndimo limphezi limwetukiya ku utuli wa dazi, ndipo liwoneka mpaka kuuserere; viyo ndimu uŵiyenge uzi wa Mwana wa munthu. 28Kose ko chingaŵa chiŵanda, kweniko ndiku ghaunjikanenge makuŵi.
Kuza kwa Mwana wa munthu
(Marko 13.24-27; Luka 21.25-28)
29“Kweni sosonukweni pavuli pa suzgu ya mazuŵa gho dazi lifipiskikenge, mwezi urekenge kupaska kuŵala kwake, ndipo nyenyezi zimbotokenge kuchanya, ndi vyanthazi vyamu machanya visukuniskikenge; 30sono chiwonekenge chisimikizgu cha Mwana wa munthu kuchanya: ndipo mafuku ghose gha charu ghatenjenge, ndipo ghawonenge Mwana wa munthu wachiza pa mitambo ya kuchanya ndi nthazi ndi unkhankhu ukuru. 31Ndipo watumenge ŵangelo ŵake ndi chizozu chikuru cha mbata, ndipo ŵawungang'enge ŵakusankhika ŵake ku mphepu zinayi, kutuwa ku vigoti vyakuti vya machanya mpaka ku vigoti vinyake.
Chisambizgu cha chimuti cha mkuyu
(Marko 13.28-31; Luka 21.29-33)
32“Kweni ku mkuyu sambiraniko ntharika yake: penipo mphanda yake njakutefwatefwa, ndi yibuska liwondwe, muziŵa kuti chihanya che pafupi. 33Kwakulingana namwe so penipo muwona vyenivyo vyose, ziŵani kuti we pafupi, pa khomu ipu. 34Nadidi ndikuneniyani, mgonezi uwu kuti urutengepo cha, mpaka penipo ivi vyose vyafiskika. 35Kuchanya ndi pasi virutenge, kweni mazu ghangu kuti gharutenge cha.
Palivi yo waziŵa zuŵa ndi ora
(Marko 13.32-37; Luka 17.26-30, 34-36)
36“Kweni vya zuŵa lo ndi ora lake palive yumoza waziŵa, chingana mbangelo ŵa kuchanya, chingana ndi Mwana iyo, kweni Ada pe ŵija. 37Kweni uli ndi mu mazuŵa ghaku Nowa, viyo ndimu uŵiyenge uzi wa Mwana wa munthu. 38Chifukwa mu mazuŵa gho, chengachindaze chazandi cho ŵarghanga, ŵamwanga, ŵatonga ndi ŵaŵirwanga, mpaka ku zuŵa lo wanguserere Nowa mu chingaraŵa cho, 39ndipo kuti ŵanguziŵa kanthu cha mpaka chazandi cho chinguza, ndi chinguŵakukurwiska wose; viyo ndimu uŵiyenge uzi wa Mwana wa munthu. 40Muŵenge ŵanthurumi ŵaŵi mu munda; yumoza watolekenge, ndipo yumoza wasiyikenge, 41ŵanthukazi ŵaŵi ŵaperenge pa mphe; yumoza watolekenge, ndipo yumoza wasiyikenge. 42Viyo khazgani: pakuti mulive kuziŵa zuŵa mwaku lenilo Ambuyamwe ŵaziyenge. 43Kweni chenichi ziŵani, kuti asani mweni-nyumba wanguziŵa lindu mwaku lenilo munkhungu wangaziya mphanyi wangukhazga, ndipo kuti watinge wazomerezgenge cha kubukutulika nyumba yake. 44Chifukwa chenichi imwe namwe muŵe ŵakurongosoleka: chifukwa Mwana wa munthu wazenge mu ora lenilo mulive kurunguruka.
Mteŵete wamagomekezgeka, ndi wambura magomekezgeka
(Luka 12.41-48)
45“Na, ndiyani muŵanda wamagomekezgeka yo ndi wakuwamo, asi ndimweniyo mbuyake wamuŵika pa ŵamunyumba yake kwachiŵapaska chaukurgha pa nyengo yake? 46Ngwamwaŵi muŵanda yo, mweniyo mbuyake wachiza wamsaniyenge ngwakuchita viyo! 47Nadidi ndikuneniyani kuti wamuŵikenge pa vyake vyose. 48Kweni asani muŵanda mweniyo mheni wanenenge mu mtima wake, ‘Ambuya ŵaswera,’ 49ndipo wambenge kuŵapuma ŵaŵanda ŵanyake, ndi warghenge ndi kumwa pamoza ndi ŵaloŵevu, 50wazenge mbuya wa muŵanda yo muzuŵa lenilo walive kulereze, ndi mu ora lenilo walive kuziŵa. 51Ndipo wamulangenge, ndi wamtemiyenge chigaŵa chake pamoza ndi ŵafuzi: kweniko kukaŵanga kuliya ndi mkukutu wa minyu.
Currently Selected:
Mateyu 24: TongaMw
Highlight
Share
Compare
Copy
Want to have your highlights saved across all your devices? Sign up or sign in
Bible Society of Malawi
Mateyu 24
24
Yesu wakamba ndi kubwanganduka kwa kasopi
(Marko 13.1-2; Luka 21.5-6)
1Ndipo Yesu wangutuwako kukasopi, ndi warutanga; ndipo wasambizi ŵake ŵanguza kwaku iyo kumurongo mazengedu gha kasopi yo. 2Kweni wakwamuka wanguŵanene, “Asi muwona vyose vyenivi? Ndikuneneskiyani, kuti usiyikengepo cha panu mwa pa mwa, wo urekenge kupong'eka pasi.”
Visuzgu ndi viŵembu
(Marko 13.3-13; Luka 21.7-19)
3Ndipo wachija pasi pa phiri la Olivete, ŵanguza kwake wasambizi wo kuubende, ŵakuti, “Tineniyeni, viŵengepo vyenivyo zuŵanji? Ndipo chiŵenge chine chisimikizgu cha uzi winu, ndi cha umari wa mgonezi wo?” 4Ndipo Yesu wakwamuka wanguŵanene, “Chenjeni vinu yumoza wangakurandizgani. 5Chifukwa ŵanandi ŵaziyenge mu zina langu, ŵakuti, ‘Ine ndine Kristu yo’: ndipo ŵarandizgenge ŵanandi. 6Ndipo muvwenge zinkhondo ndi mbiri za zinkhondo; wonani, mungopanga cha: chifukwa vikaŵangapo vyenivyo; kweni kamaridu kuti ndikeniko cha. 7Chifukwa mtundu uyukiyenge pa mtundu, ndi ufumu pa ufumu: ndipo viŵengepo vilala ndi viyeuyeu mu malo ndi malo; 8vyose ivi nchiyambo cha maurwirwi.
9“Penipo ŵamkukukomboleni ku suzgu, ŵamkukubayani: ndipo muŵenge ŵakutinkhika ndi mitundu yose pa chifukwa cha zina langu. 10Ndipo penipo ŵaguŵiskikenge ŵanandi, ŵapachiyanenge, ndipo ŵatinkhanenge. 11Ndipo ŵamchimi ŵatesi ŵanandi ŵayukenge, ndipo ŵarandizgenge ŵanandi. 12Ndipo pakuti wandaniskikenge uchikana marangu, chizizirenge chanju cha ŵanandi. 13Kweni wakukunthiyapo mpaka umari, mweniyo wataskikenge. 14Ndipo evangeli wenuwu wa ufumu umemezekenge mu charu chose chapasi uli mbukaboni ku mitundu yose; pavuli ndipo ukazanga umari wo.
Chimutimbaheka chakofya
(Marko 13.14-23; Luka 21.20-24)
15“Viyo penipo muwonenge unyakazi wa mapopa, wakukambika ndi Danyele mchimi yo, uchima mu malo ghakupaturika (yo waŵerenga wawemo), 16po ndipo ŵamu Yuda ŵathaŵiyenge ku mapiri; 17wapa nyumba pachanya wangasika cha kwachito vyamu nyumba yake; 18ndipo wamu munda wangawere vuli cha kwachito munjirira wake. 19Kweni owe kwaku wo mbanthumbo ndi ŵakonkheska mu mazuŵa ghenigha! 20Ndipo murombe kuti kuthaŵa kwinu kungaŵako mu chipwepwe cha, chingana mpha Sabata cha. 21Chifukwa chiŵengeko penipo chisuzgu chikuru, chakuti chengavi kuŵapo chaviyo kutuwa ku mtendeku wa charu mpaka kuno ku le, chingana nkhuti chikaŵangapo so cha. 22Ndipo asani ghengavi kufupiskika mazuŵa gha, mphanyi kuti chingana njumoza watinge wataskikenge cha: kweni chifukwa cha ŵakusankhika ghafupiskikenge mazuŵa gha. 23Penipo asani yumoza wangakuneniyani, ‘Awonani, panu pe Kristu’; pamwenga, ‘Panu ndipo’; mungavwananga cha. 24Chifukwa ŵayukenge ŵanthu ŵanyake wo ŵajiŵikengemo kuti ndiwo Kristu ndi ŵanyake kuti mbamchimi. Ndipo wapaskenge visimikizgu vikuru ndi minthondwe, kwachirandizga (asani kwenga kwamachitika chingana mbakusankhika nawo) 25onani, ndakukambiyani limu. 26Viyo asani ŵangakuneniyani, ‘Onani, wemu bozwa’; mungatuliyangako cha: ‘Onani, we muvipinda vyamukati’; mungavwananga cha. 27Chifukwa uli ndimo limphezi limwetukiya ku utuli wa dazi, ndipo liwoneka mpaka kuuserere; viyo ndimu uŵiyenge uzi wa Mwana wa munthu. 28Kose ko chingaŵa chiŵanda, kweniko ndiku ghaunjikanenge makuŵi.
Kuza kwa Mwana wa munthu
(Marko 13.24-27; Luka 21.25-28)
29“Kweni sosonukweni pavuli pa suzgu ya mazuŵa gho dazi lifipiskikenge, mwezi urekenge kupaska kuŵala kwake, ndipo nyenyezi zimbotokenge kuchanya, ndi vyanthazi vyamu machanya visukuniskikenge; 30sono chiwonekenge chisimikizgu cha Mwana wa munthu kuchanya: ndipo mafuku ghose gha charu ghatenjenge, ndipo ghawonenge Mwana wa munthu wachiza pa mitambo ya kuchanya ndi nthazi ndi unkhankhu ukuru. 31Ndipo watumenge ŵangelo ŵake ndi chizozu chikuru cha mbata, ndipo ŵawungang'enge ŵakusankhika ŵake ku mphepu zinayi, kutuwa ku vigoti vyakuti vya machanya mpaka ku vigoti vinyake.
Chisambizgu cha chimuti cha mkuyu
(Marko 13.28-31; Luka 21.29-33)
32“Kweni ku mkuyu sambiraniko ntharika yake: penipo mphanda yake njakutefwatefwa, ndi yibuska liwondwe, muziŵa kuti chihanya che pafupi. 33Kwakulingana namwe so penipo muwona vyenivyo vyose, ziŵani kuti we pafupi, pa khomu ipu. 34Nadidi ndikuneniyani, mgonezi uwu kuti urutengepo cha, mpaka penipo ivi vyose vyafiskika. 35Kuchanya ndi pasi virutenge, kweni mazu ghangu kuti gharutenge cha.
Palivi yo waziŵa zuŵa ndi ora
(Marko 13.32-37; Luka 17.26-30, 34-36)
36“Kweni vya zuŵa lo ndi ora lake palive yumoza waziŵa, chingana mbangelo ŵa kuchanya, chingana ndi Mwana iyo, kweni Ada pe ŵija. 37Kweni uli ndi mu mazuŵa ghaku Nowa, viyo ndimu uŵiyenge uzi wa Mwana wa munthu. 38Chifukwa mu mazuŵa gho, chengachindaze chazandi cho ŵarghanga, ŵamwanga, ŵatonga ndi ŵaŵirwanga, mpaka ku zuŵa lo wanguserere Nowa mu chingaraŵa cho, 39ndipo kuti ŵanguziŵa kanthu cha mpaka chazandi cho chinguza, ndi chinguŵakukurwiska wose; viyo ndimu uŵiyenge uzi wa Mwana wa munthu. 40Muŵenge ŵanthurumi ŵaŵi mu munda; yumoza watolekenge, ndipo yumoza wasiyikenge, 41ŵanthukazi ŵaŵi ŵaperenge pa mphe; yumoza watolekenge, ndipo yumoza wasiyikenge. 42Viyo khazgani: pakuti mulive kuziŵa zuŵa mwaku lenilo Ambuyamwe ŵaziyenge. 43Kweni chenichi ziŵani, kuti asani mweni-nyumba wanguziŵa lindu mwaku lenilo munkhungu wangaziya mphanyi wangukhazga, ndipo kuti watinge wazomerezgenge cha kubukutulika nyumba yake. 44Chifukwa chenichi imwe namwe muŵe ŵakurongosoleka: chifukwa Mwana wa munthu wazenge mu ora lenilo mulive kurunguruka.
Mteŵete wamagomekezgeka, ndi wambura magomekezgeka
(Luka 12.41-48)
45“Na, ndiyani muŵanda wamagomekezgeka yo ndi wakuwamo, asi ndimweniyo mbuyake wamuŵika pa ŵamunyumba yake kwachiŵapaska chaukurgha pa nyengo yake? 46Ngwamwaŵi muŵanda yo, mweniyo mbuyake wachiza wamsaniyenge ngwakuchita viyo! 47Nadidi ndikuneniyani kuti wamuŵikenge pa vyake vyose. 48Kweni asani muŵanda mweniyo mheni wanenenge mu mtima wake, ‘Ambuya ŵaswera,’ 49ndipo wambenge kuŵapuma ŵaŵanda ŵanyake, ndi warghenge ndi kumwa pamoza ndi ŵaloŵevu, 50wazenge mbuya wa muŵanda yo muzuŵa lenilo walive kulereze, ndi mu ora lenilo walive kuziŵa. 51Ndipo wamulangenge, ndi wamtemiyenge chigaŵa chake pamoza ndi ŵafuzi: kweniko kukaŵanga kuliya ndi mkukutu wa minyu.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Bible Society of Malawi