Zekariya 3

Chiwona cha mzukuru mura

1Viyo wangundirongo Yoswa mzukuru mura wakuma panthazi pa mungelo wa Ambuya, ndi Satana wakuma ku janja lake la marghe. 2Ndipo Ambuya anguti kwaku Satana, “Ambuya akuchenye iwe Satana! Ambuya wo asankha Yerusalemu akuchenye! Kumbi ndatinge ichi nchisindi chakubulika ku moto?”

3Sono Yoswa wamanga panthazi pa mungelo wa Ambuya, wakuvwalikika vyakuvwala vyakufipa. 4Ndipo mungelo wa Ambuya wakambanga ndi wo ŵanguma panthazi pake, kuti, “Mzuweni vyakuvwala vyakufipa”; ndipo kwaku iyo wanguti, “Nadi, ndatuzgako kwananga kwako kwaku iwe, ndipo ndikuvwalikenge vyakuzirwa.” 5Ndipo ndinguti, “Waŵike chilemba chamampha pa mutu wake.” Viyo ŵanguŵika chilemba chifya pa mutu wake ndi kumuvwalika vyakuvwala; ndipo mungelo wa Ambuya wamanga pafupi.

6Ndipo mungelo wa Ambuya wangumukambiya Yoswa, kuti, 7“Viyo atiti Ambuya ŵa maŵanja: Asani wendenge mu nthowa zangu, ndi kusunga dangu langu lakumikika, yipo ukausanga nyumba yangu, ndi kweruzga mabwalo ghangu, ndipo ndikupaskenge nthowa yakuziyamo mukati mwaku yaŵa ŵanthu ŵatuma yapa. 8Yivwa sono, iwe Yoswa mzukuru mura, iwe ndi ŵanyako wo ŵaja pasi panthazi pako, chifukwa mbanthu ŵa marumbu; ndizenge nayo mteŵeti wangu, ndiyo Mphanda. 9Chifukwa wona pa mwa wo ndaŵika paku Yoswa, pa mwa umoza wo wendi vigaŵa vinkhonde ndi viŵi ndirembengepo mazu, atiti Ambuya ŵa maŵanja, ndipo ndituzgengepo ulakwi wa charu ichi mu zuŵa limoza. 10Mu zuŵa lo, atiti Ambuya ŵa maŵanja, munthu yose wadanenge mwanase wake kuja pasi mu mphereska yake ndi mkuyu wake.”

Currently Selected:

Zekariya 3: TongaMw

Highlight

Copy

Compare