Maka Vakavakaku
Vakavakaku
Vo Maka o rikiekema Uri ama Bazu ta ko tanita eri kio sama pesio kale, “Komia Uri ama Bazu ta Jisu Karisito, Baṉara vo Meqora ko kasevako,” kikolako. Jisu ta kasa o evake koa riki kale ta vota pizato sala maba o pesio kale ni o iruruputo kale. Voko pizato ta kasa ko eva voko nianiiekato kale, ni voko zara iko ko ziolo poso kale, ni maba madu ko sarueko poso tama akoeko kale. Ni Jisu ta o kaseike o ṉavi ta vota vo maba o eveni nio, vo o kuevini tu oma vou se maba poso tu o rupasimo maba poso seko sarueko kale azo.
Maka ta o rikiekake vo Jisu ko bazu sidopu avole ni piza kama keve kale, ni koko matuma quli vo okai bazutako ta Jisu ko iruruputo o erekema, sai kazo inio voko bazubazuto ni nianiiekato. Koko tanitanila kale ama vota o rikiekake puju ama bazu vo Jone Bapitaiso ko, ni Jisu ko bapitaiso elo ko ni voko zolizolievo ko, ni koko tova vo Maka ta koa ziole o rikiekake Jisu ko urikato ni nianiiekato ko iruruputo. Ni vota o bazuemake koa taku kobeta olako kale inio oluoluavole seke luluevani vo Jisu ta kevai uria nianiike vo, melai se kevai kaikuapani vo Jisu ta ke tanitake matu vai kaikuapo. Tovatovama kata poso kale ta o bazuemake Jisu ko tovatovama vuiki puliako vou kale ko ereima quli, ni koko matuma bazu ta voko vou korosi topi ama ni voko mota saevo.
Riki ko poro kale ko evako quli
Uri ama Bazu ko tanitanila 1:1—1:13
Jisu ko ubutianiama iruruputo Qalili 1:14—9:50
Qalili azo ti Jerusalema 10:1—10:52
Jisu ko tovatovama vuiki Jerusalema ni koko levoano 11:1—15:47
Jisu ko matu saevo 16:1—16:8
Vo mata o tova saeveni Lekasa Jisu ko purapurataito ni voko koilo aukale 16:9—16:20
Currently Selected:
Maka Vakavakaku: BLBNT
Highlight
Share
Copy
Want to have your highlights saved across all your devices? Sign up or sign in
The New Testament in the Bilua language, Solomon Islands © The Bible Society of the South Pacific, 1995.