Lucas 1
1
Deofilo nija Lucanö tä
oni lä shömöleno wei tä a̦
1Camiyä yamacö nijamö, Jesucristo a lä cuaano wei tä a̦ bluca onimabeje, bluca bä wabäo waiquiwä. 2Yamalecö yömölaöje ja bä lä cuno weinaja, inaja showawä tä a̦ oniblaö cadidiomaje. ¿Ö̦jö tawä? Tä bluca lä cuaano wei däjä, bä mamo lä showaono wei bä lä cuinö yamalecö yömölamaje, tä a̦ showadi lä wäyäno wejei bä lä cuinö. 3Camiyä ya ma cuinö, ya tä a̦ yanöcö wa̦liadalaö fa cuaanö, ya tä a̦ ca̦i oniblaö bufi doblaoma. Tä bluca lä cuaano wei, cafä Deofilo bada wa nija ya tä a̦ oni shömabä, ya tä a̦ oni jödödöbou lä cule, 4ei wa tä a̦ oni fa mönö, cafä nija tä a̦ lä wäyäno wejei wa bä a̦ bejedi dablabä.
Juan a nia lä cublono
wei a̦jele anö tä a̦ lä
wäyäno wei tä a̦
5Judea jamö Elode a bada lä läono wei däjä, nofi bäyäalewä Sacalia a bälöo mö feduoma. Bä suwäbö Elisabei e a̦fa cuoma. Ö̦jö a suwä lä cui, Aaloni nodiwä e suwä cuoma. ¿Ö̦jö tawä? Nofi bäyäalewä bä ojodamou lä nomöjono wei bä yaiblamoma. Sacalia a lä cui, Abiasi ebä nija a co̦caoma. 6Ö̦jö cäcöbö lä cui, Yai Bada nija cäcöbö cadidoma. Bada tänö tä tamaö lä bufii wei tä ja, showadi cäcöbö cadidoma yalo, cäcöbö a̦fa tamobä etä cuonomi. 7Ö̦jö ma cui Elisabei a shöbönabödalou fa mlacunö, cäcöbö badao ma waiquiono wei cäcöbö ijilubö cuonomi.
8Bei. Yai Bada etä yafi jamö Abiasi ebä ojodamou nomöjöobä tä lä cublaliyono wei däjä, täbä nofi bäyäabeje jamö Sacalia a läoma. Ö̦jamö a läo däjä, 9u̦eshi yano jamö a fabä a yaimolayoma, wa̦queshi bä nö cle̦deli lä u̦cucamou wei bä wacö döcäbä. ¿Ö̦jö tawä? Abinaja bä showadi cuaama. Nofi bäyäalewä bei bä a̦fa lä cublai bä a̦fa fa onimajenö, a nia lä yaiamou wei a wa̦fa oni wawäblou mömaje.
10¿Ö̦jö tawä? Sacalianö wa̦queshi bä nö cle̦deli lä u̦cucamou wei bä wacö döcäö däjä, Yai Bada etä yafi je̦fa jamö, bä bluca lä yododano wei bä nö bayeli nacao sibooma. 11Ö̦jö däjä, Bada tänö a̦jele etä fa shömöludunö, Sacalia nija etä wawälayoyoluma. Täbä nö wa̦queshi cle̦deli lä u̦cucamou wei täbä maqueobä defi ola jamö, a ublaa ajedequema.
12Ö̦jö tä fa dalalönö, Sacalia a bufi fa mablalunö, a fe taläblaliyoma. 13Ö̦jö ma cui abinaja a̦jelenö a nowa tama.
—A quili dijä, Sacalia. Yai Bada nija wa nö bayeli lä nacao wei tä a̦ ji̦lio culadi. Suwäböfä Elisabei a lä cuinö, ijilufä a nia tablaö. Juan wa wa̦fa nia jilaö. 14Ö̦jö nija wa bufi nia doblalou. Ai bä ma cui, ijilufä a oshe wawäblou cudeenö bä bufi nia bluca doblalou cuaaö. 15Bada dodijiwä a cuobä, Bada tänö a nia malä tablamaö wei. Nashiwä toubä nia coaimi. Ai toubä ma cui, täbä shi lä wa̦lii wei toubä nia coaimi dodijiwä. Bä nöö nija a didio showao däjä, Yai Bada tä Bufinö a nia jödödöbou showao.
16’Isaeli ebä nodiwä lä cui, Yai Bada nija bä bufi mö blucaobä, bluca bä bufi nia taamaö, a bufiblabeje a lä cui nija —a nowa tama—. 17Bada tä nijamö ijilufä a nia balöfälöö. Yai Bada a wa̦no wäyälewä Elia a bufi nö wa̦lojomabou lä cuono weinaja, inaja showawä ijilufä a bufi nö nia wa̦lojomabou cuo. Ö̦jö a wa̦ ja, bä fö̦ö ebänö bä ijilubö ebä nia nofiamaö co̦oje. Cama a wa̦ showawä ja, Yai Bada a wa̦ juaö lä mlajei bä ma cui, bä lä dodijaö wei bä bufi jaducuwä lä culenaja, bä bufi nia jaducuwä tablamaö mö feduo. Bada tä nia lä juu wei jamö a wa̦no nia taö balöablalou, a wa̦ ji̦liaö dodijidaobeje —a̦jelenö a nowa tama.
18Abinaja Sacalia a cuma.
—Wa wa̦ lä fafe, ¿wedi tänö bäfä a̦ nö li bejedi ö̦jöböabä? Wa̦lobada ya malä cui. Iba suwä a ma cui, a suwäbada waiquiwä —a cuma.
19Ö̦jö däjä, a̦jele abinaja e cuu mö feduoma.
—Camiyä Cablieli cä ya. Yai Bada tä lä cule jamö showadi ya e ajedeo. Cafä bäfä yömölabä wale shömöledayoma, ei dodijidawä ya tä a̦ wäyäyolubä. 20¿Ö̦jö tawä? Wale a̦ bejedi bufiimi dicoo tä nowa ja, wa wa̦ nia fablou jaöomi. Ya tä a̦ lä wäyäfe tä bejedi cublou däjä, wa wa̦ nia shino faö dodijidablou co̦o. Tä wawäblou bufio däjä, tä nia bejedi cublou —a̦jele bei a cuma.
21Je̦fa jamö bä lä yododoono wei bänö, Sacalia a faö co̦o nö dabomaje. Yai Bada etä yafi u̦eshi jamö a nö dededayou ja, bä bufi wedinajamoma. 22Ya̦cumö a faa fa co̦lunö, a wa̦ faö mlai ja, bei imicö juablalou cuaama. Bei imicönö bä lä yömölano wei ebä bufi fa möblalunö, “Yai Bada etä yafi u̦eshi jamö, ¡a̦jele a nofi wawäa yailayodayoma!”, bä bufi cudaliyoma.
23Yai Bada etä yafi jamö Sacalia a nia lä läono wei tä fa jödödöblalunö, a co̦layoma. 24Tä nö fa dedejedalunö, bä suwäbö Elisabei a shöbönabölayoma. A wawäblou mlai ja, belibo 5 bä famalanö, abinaja a suwä cuma.
25—Ijiluyä ya tablabä, Bada tänö wale bayeliblaleyoluma. Fei däjä wale a̦fa nia wayoaimije —a cuma.
Jesús e a̦fa wäa
lä balöqueno wei tä a̦
26Elisabei a lä shöbönabö wei, belibo 6 a famaö bäshäcuaö däjä, a̦jele Cablieli a lä cui, Yai Bada tänö a shömöa co̦lema. Calilea tä ulifi jamö, Nasaleteli bä shabonobö jamö, a shömöa nomöjöledayoma. 27Ö̦jamö lä María a wa̦fa moco lä cule nija, a shömölema. David nodiwä a José lä cuinö, ö̦jö a nia suwä däama. A wa̦fa boma ma cui, cäcöbö doayonomi showawä. A suwä jubamou dao lä mlai a suwä cuo showaoma. 28María nija abinaja a̦jele e cuyoluma.
—Cafä nija ya wa̦ nia faö, wa bayeliblabä wa nofi lä ojodaboladi wa nija. Bada tänö wa ca̦i cua lä cule —a cuma.
29Ö̦jö a wa̦ ja, María a bufi fa mablalunö, “¿Wedinaja wale nia fa taamanö, wale nowa li taö cule?”, a bufi cudaliyoma. 30Ö̦jö däjä, María nija abinaja a̦jele e cuma.
—A quili dijä, María. Yai Bada tänö wa bayeliblabä, wa nofi ojodabou waiquia lä cule. 31¿Ö̦jö tawä? Wa nia shöbönaböö. Ijilufä wa̦lo wa nia tablaö. Jesús wa wa̦fa nia jilaö. 32Bada a nia yai cuo. Yai Bada tä Bada lä ayai Ijilubö e a̦fa nia jilaöje. Yai Bada tänö bada tä David a bälöa lä lojodomabono weinaja, ijilufä a nia bälöa lojodomabou cuo nomöjöo. 33Jacobo ebä nija a nia Bada läo shi wa̦lii. A Bada bälöo lä dodijio wei etä nia mladoimi —e cuma.
34Abinaja a̦jele a nija María a cuma.
—¿Wedinaja ya li shöbönaböa cua bälayou? Ya jubamou dao lä mlai ya showawä —a cuma.
35Ö̦jö däjä, abinaja a̦jele e cuma.
—Yai Bada tä Bufinö wa fe walou däjä, Yai Bada tä Bada lä ayai tä lojodenö wa nia jo̦yablaö. Ö̦jö cudeenö ijilufä a nia yaio. Yai Bada Ijilubö e a̦fa nia jilamou. 36Abinaja ca̦i. Amiyofä Elisabei a suwäbada lä cui, a shöbönabö. Bä ijilubö wa̦lo a didibou. “A ijilubö nö cublobimi waiquiwä”, a nofi ma tabono wejei ma cui, a lä shöbönabö wei, belibo 6 a famaö bäshäcuaö waiquia lä cule. 37¿Ö̦jö tawä? Yai Bada tänö tä taö daö lä mlai, etä cua malä mlai —a cuma.
38Abinaja María a cuma.
—Inaja lä waiquiwä. Wa lä cufenaja tä yai cuobä. Bada a nosie juamobä ya e waiquiwä malä cui —a cuma.
Ö̦jö däjä, a̦jelenö a daa co̦quefälöma.
Maríanö Elisabei a
fe lä waloono wei tä a̦
39Tä fe fa weyadalunö, Judea tä ulifi lä jefubö wei jamö María a shi jalijiwä ca̦i ayofälöma. Ö̦jamö lä, ai bä shabonobö jamö a fa co̦blalunö, 40Sacalia a yai lä bälöle jamö a co̦blou majölayoma. A fa falönö, Elisabei nija a wa̦ fayoluma.
41María a wa̦ fa ji̦lilänö, Elisabei bä ijilubö e lä didibono wei e i̦cali qui̦blaliyoma. Ö̦jö däjä, Yai Bada tä Bufinö Elisabei a fa jödödöblalunö, 42a wa̦ bädaliyoma. María nija a wa̦ i̦cali faö ja, abinaja e cuma.
—Suwä bluca bämacö ma cule, Yai Bada tänö cafä wa bayelibobä wa yai. Ijilufä wa nia lä tablaö wei a ma cui, ö̦jö a nia ca̦i bayelibou fe balojoo. 43Iba Badayä bei bä nöö wa e lä cuinö, camiyä wale fe walobä ya mlai ma cui, ¡wale fe nofi waloo jäa dodijia yaiboyoi! 44Bäfä a̦ lä ji̦liaö wei däjä, ijiluyä ya lä didibole a bufi doblalou ja, i̦cali a malä qui̦blalufe. 45Bada wa wa̦ bejedi bufii lä showadaono wei wa lä cui, Yai Bada tänö wa nia yai bayelibou —Elisabei a cuma.
46Ö̦jö däjä, María a wa̦ bädaliyoma. Abinaja a cuma.
—Bei ya bufi cadidiwänö Bada ya nofi doablaö. 47Yai Bada nija bejedi lä ya bufi doblalou, wale lä jucäaö wei a lä cui nija. 48Ö̦jö a nosie juamobä ya e lä cui, wale nö bayeliblabö ya ma mlai, wale bayeliblaö. Fei däjä ma cui, obi ma cui, bä bälöaö lä nodiaö wei bä blucanö, wale a̦fa nia wayoaö nodiablalouje. “Yai Bada tänö ö̦jö a nofi yai bayelibou dodijiono wei”, bä nia cuu. 49A yai lä lojode weinö wale bayeliblaö fe malä balojoono wei. Yami a yaia. 50A nö quili lä taö wejei, showadi cama ebä nofi ojodabou nodiablalou. 51Cama a lojodenö a nö wa̦lojaö.
’“Camiyä cä yai”, bä nofi lä tamamou wei, Yai Bada tänö bä yashublaö shelelou. 52Bada bä yai bälöo lä dodijio wei bä ma waii wei ma cui, bä dodijidawä jömöo lä mlai bä nofi shino wawädowä tabou. 53Bä lä ofäö wei, dodijidawä tä ja bä ma dodijamaö däjä ma cui, bä nö lä madofibö wei bä lä cui, ö̦jö bä bloque shömaö co̦o. 54Isaeli bäma ecö lä cui, Yai Bada tänö bämalecö bayeliblaö, a nosie juamobä bäma ecö lä cui.
’A wa̦fa wäyämou lä balöono wei, tä a̦ nofi jaducubolanö bämalecö nofi ojodabou, 55bämacö nö badabö nija a wa̦ nö wäo lä balöono weinaja showawä. Ablaamö a ma cui, cama nodiwä bä ma cui, bä nofi nia bluca ojodabou nodiablalou showaoma —María a cuma.
56Elisabei nijamö Maríanö belibo jai 3 bä fa famalönö, a co̦a co̦layoma.
Juan a oshe lä
cublaliyono wei tä a̦
57Bei. Elisabeinö bä ijilubö e tablabä etä fa cublalunö, bä ijilubö wa̦lo e tablalema. 58Cama nija bä bälöo lä ajedeono wei bä ma cuinö, cama ebä mashi ma cuinö, tä a̦ ji̦lilemaje. Bada tänö a nofi ojodabou fe lä balojoono wei tä a̦ fa ji̦liläjenö, cama bä bufi ca̦i doblalou mö feduoma. 59Ijilu a wainö, 8 tä mö didi fa tablamalönö, a mosi sicö joyabeje, bada bä waloquema. Ö̦jö däjä, bä fö̦ö e nija Sacalia a wa̦fa mini ma yädäamano wejei ma cui, 60bä nöö e a̦ läoma.
—Ma —a cuma—. Juan a wa̦fa nia cuo.
61Cama nija abinaja bä cuma.
—Juan mlai —bä cuma—. Afä bä mashi nija Juan ai a wa̦fa cua malä mlai.
62Ö̦jö däjä bä fö̦ö e nija, bei bä imicönö bä ijilubö e a̦fa wa̦lii nomöjöomaje. 63A wa̦ oniabä, bä fö̦ö enö etä nacama. Etä fa jöböcöjenö, a wa̦fa oniquema. “Juan a wa̦fa cua”, tä oni fa möjenö, bä bufi bluca shädayaimoma.
64Ö̦jö lä däjä, bä fö̦ö e aca jayublou fa co̦lonö, a wa̦ jaba faö ja, Yai Bada a nofi doablama. 65¿Ö̦jö tawä? Bä bälöo lä ajedeono wei bä quililaliyoma. Judea tä ulifi lä jefubö wei jamö, bä bluca lä bälöblai bä lä cuinö, ö̦jö tä a̦fa bluca wayoamaje. 66Tä a̦ lä ji̦liano wejei, bä bufi bluca dayäo fe balojooma. Abinaja bä cuma.
—¿Wedinaja ei a nia ijilu cuaaö? —bä cuma.
Bada tänö a bayelibou malä wawädoono wei.
Sacalianö Yai Bada a
nofi lä doablano wei tä a̦
67Ö̦jö ijilu bä fö̦ö e a̦ falayoma, Sacalia a lä cui. Yai Bada tä Bufinö a fa jödödöblalunö, Yai Bada a wa̦no wäyäö ja, abinaja a cudaliyoma.
68—Isaeli bäma ecö nija a Bada lä bufiblamou wei a waloqueyoluma, cama bäma ecö nowa co̦amabä. ¡Bäma a nofi da doabla, ö̦jö lä! 69Bämalecö jucäabä, a nö lä wa̦lojaö wei a shömölema. Yai Bada a nosie lä juano wei a David lä cui, ö̦jö a nodiwä waiquiwä. 70Yedu jamö ma cui, cama a wa̦no wäyämobä ebä lä yaileno wei, inaja cama bä cuu balöo showadaoma, Yai Bada a wa̦no wäyälewä bä lä cui.
71’A nia lä shömano wei a lä cuinö, bä nö lä nabämou wei bä nija, bämalecö nia jo̦wa jucäaö co̦oma —a cuma—. Bämalecö nofi lä wa̦libou wejei bä bluca nija, bämalecö nia jo̦wa ca̦i nowamaö showaoma. 72Bämacö nö badabö nofi nia lä ojodabono wei tä ja, Yai Bada a yami lä yaile a wa̦ nö wäa balöquema. A wa̦ nö lä wäqueno wei tä a̦ nofi ca̦i jaducubou showawä.
73’¿Ö̦jö tawä? —a cuma—. Nö badabö Ablaamö nija a wa̦fa wäyäö lä balöono wei däjä, a wa̦ nö wäo wawädoo showaoma. 74Bämalecö nia jo̦wa bayeliblama. Bä nö lä nabämou wei bä nija bämalecö nia bayeliblaö läoma, quilii mlai ja, cama Yai Bada bäma a nosie yai juaabä. 75Bämacö demi cuo showao däjä, cama bäma ecö lä yaile, bämacö showadi dodijadibä. Cama nija bämacö yai cadidobä.
76’U̦asi —a cuma—. Cafä ijiluyä wa lä cui, Yai Bada tä Bada lä ayai a wa̦no wäyälewä wa wa̦fa nia jilabouje. Bada tä nia lä juu wei jamö, wa wa̦no nia taö balöablalou, a wa̦ yai ji̦liaö dodijidaobeje. 77Yai Bada ebä nia lä jucäamou wei tä ja, wa bä bufi nia jaducublamaö balöo. Täbä doblou lä mlai tä ma cule, tä nowa nia lä mladamaö wei tä ja, wa bä nia yömölaö. 78Yai Bada bäma a lä bufiblaö wei a lä cuinö, dodijidawä bämalecö nofi malä ojodabou wei. Bämalecö nofi ojodabou yalo, fedu jamö culanö tä shi̦i lä wacacai tä nia waloyoluu. 79Tä mö lä didi wei jamö bä lä bälöle, bä mini lä nomaö wei bä lä cui, ö̦jö bä nija tä mö nia wacacablamaö. Bämacö bufi yanöcöwä ca̦i bälöobä bämalecö nia lulubou —Sacalia a cuma.
80¿Ö̦jö tawä? Ö̦jö ijilu Juan a lä cui, a yawälayoma. A bufi lojodoblaliyoma. Isaeli ebä nija a wa̦ wawäblou showaa mlai, ulifi bloque jamö a cuo balöoma.
Currently Selected:
Lucas 1: GUU
Highlight
Share
Copy
Want to have your highlights saved across all your devices? Sign up or sign in
©2012, All Rights Reserved
Lucas 1
1
Deofilo nija Lucanö tä
oni lä shömöleno wei tä a̦
1Camiyä yamacö nijamö, Jesucristo a lä cuaano wei tä a̦ bluca onimabeje, bluca bä wabäo waiquiwä. 2Yamalecö yömölaöje ja bä lä cuno weinaja, inaja showawä tä a̦ oniblaö cadidiomaje. ¿Ö̦jö tawä? Tä bluca lä cuaano wei däjä, bä mamo lä showaono wei bä lä cuinö yamalecö yömölamaje, tä a̦ showadi lä wäyäno wejei bä lä cuinö. 3Camiyä ya ma cuinö, ya tä a̦ yanöcö wa̦liadalaö fa cuaanö, ya tä a̦ ca̦i oniblaö bufi doblaoma. Tä bluca lä cuaano wei, cafä Deofilo bada wa nija ya tä a̦ oni shömabä, ya tä a̦ oni jödödöbou lä cule, 4ei wa tä a̦ oni fa mönö, cafä nija tä a̦ lä wäyäno wejei wa bä a̦ bejedi dablabä.
Juan a nia lä cublono
wei a̦jele anö tä a̦ lä
wäyäno wei tä a̦
5Judea jamö Elode a bada lä läono wei däjä, nofi bäyäalewä Sacalia a bälöo mö feduoma. Bä suwäbö Elisabei e a̦fa cuoma. Ö̦jö a suwä lä cui, Aaloni nodiwä e suwä cuoma. ¿Ö̦jö tawä? Nofi bäyäalewä bä ojodamou lä nomöjono wei bä yaiblamoma. Sacalia a lä cui, Abiasi ebä nija a co̦caoma. 6Ö̦jö cäcöbö lä cui, Yai Bada nija cäcöbö cadidoma. Bada tänö tä tamaö lä bufii wei tä ja, showadi cäcöbö cadidoma yalo, cäcöbö a̦fa tamobä etä cuonomi. 7Ö̦jö ma cui Elisabei a shöbönabödalou fa mlacunö, cäcöbö badao ma waiquiono wei cäcöbö ijilubö cuonomi.
8Bei. Yai Bada etä yafi jamö Abiasi ebä ojodamou nomöjöobä tä lä cublaliyono wei däjä, täbä nofi bäyäabeje jamö Sacalia a läoma. Ö̦jamö a läo däjä, 9u̦eshi yano jamö a fabä a yaimolayoma, wa̦queshi bä nö cle̦deli lä u̦cucamou wei bä wacö döcäbä. ¿Ö̦jö tawä? Abinaja bä showadi cuaama. Nofi bäyäalewä bei bä a̦fa lä cublai bä a̦fa fa onimajenö, a nia lä yaiamou wei a wa̦fa oni wawäblou mömaje.
10¿Ö̦jö tawä? Sacalianö wa̦queshi bä nö cle̦deli lä u̦cucamou wei bä wacö döcäö däjä, Yai Bada etä yafi je̦fa jamö, bä bluca lä yododano wei bä nö bayeli nacao sibooma. 11Ö̦jö däjä, Bada tänö a̦jele etä fa shömöludunö, Sacalia nija etä wawälayoyoluma. Täbä nö wa̦queshi cle̦deli lä u̦cucamou wei täbä maqueobä defi ola jamö, a ublaa ajedequema.
12Ö̦jö tä fa dalalönö, Sacalia a bufi fa mablalunö, a fe taläblaliyoma. 13Ö̦jö ma cui abinaja a̦jelenö a nowa tama.
—A quili dijä, Sacalia. Yai Bada nija wa nö bayeli lä nacao wei tä a̦ ji̦lio culadi. Suwäböfä Elisabei a lä cuinö, ijilufä a nia tablaö. Juan wa wa̦fa nia jilaö. 14Ö̦jö nija wa bufi nia doblalou. Ai bä ma cui, ijilufä a oshe wawäblou cudeenö bä bufi nia bluca doblalou cuaaö. 15Bada dodijiwä a cuobä, Bada tänö a nia malä tablamaö wei. Nashiwä toubä nia coaimi. Ai toubä ma cui, täbä shi lä wa̦lii wei toubä nia coaimi dodijiwä. Bä nöö nija a didio showao däjä, Yai Bada tä Bufinö a nia jödödöbou showao.
16’Isaeli ebä nodiwä lä cui, Yai Bada nija bä bufi mö blucaobä, bluca bä bufi nia taamaö, a bufiblabeje a lä cui nija —a nowa tama—. 17Bada tä nijamö ijilufä a nia balöfälöö. Yai Bada a wa̦no wäyälewä Elia a bufi nö wa̦lojomabou lä cuono weinaja, inaja showawä ijilufä a bufi nö nia wa̦lojomabou cuo. Ö̦jö a wa̦ ja, bä fö̦ö ebänö bä ijilubö ebä nia nofiamaö co̦oje. Cama a wa̦ showawä ja, Yai Bada a wa̦ juaö lä mlajei bä ma cui, bä lä dodijaö wei bä bufi jaducuwä lä culenaja, bä bufi nia jaducuwä tablamaö mö feduo. Bada tä nia lä juu wei jamö a wa̦no nia taö balöablalou, a wa̦ ji̦liaö dodijidaobeje —a̦jelenö a nowa tama.
18Abinaja Sacalia a cuma.
—Wa wa̦ lä fafe, ¿wedi tänö bäfä a̦ nö li bejedi ö̦jöböabä? Wa̦lobada ya malä cui. Iba suwä a ma cui, a suwäbada waiquiwä —a cuma.
19Ö̦jö däjä, a̦jele abinaja e cuu mö feduoma.
—Camiyä Cablieli cä ya. Yai Bada tä lä cule jamö showadi ya e ajedeo. Cafä bäfä yömölabä wale shömöledayoma, ei dodijidawä ya tä a̦ wäyäyolubä. 20¿Ö̦jö tawä? Wale a̦ bejedi bufiimi dicoo tä nowa ja, wa wa̦ nia fablou jaöomi. Ya tä a̦ lä wäyäfe tä bejedi cublou däjä, wa wa̦ nia shino faö dodijidablou co̦o. Tä wawäblou bufio däjä, tä nia bejedi cublou —a̦jele bei a cuma.
21Je̦fa jamö bä lä yododoono wei bänö, Sacalia a faö co̦o nö dabomaje. Yai Bada etä yafi u̦eshi jamö a nö dededayou ja, bä bufi wedinajamoma. 22Ya̦cumö a faa fa co̦lunö, a wa̦ faö mlai ja, bei imicö juablalou cuaama. Bei imicönö bä lä yömölano wei ebä bufi fa möblalunö, “Yai Bada etä yafi u̦eshi jamö, ¡a̦jele a nofi wawäa yailayodayoma!”, bä bufi cudaliyoma.
23Yai Bada etä yafi jamö Sacalia a nia lä läono wei tä fa jödödöblalunö, a co̦layoma. 24Tä nö fa dedejedalunö, bä suwäbö Elisabei a shöbönabölayoma. A wawäblou mlai ja, belibo 5 bä famalanö, abinaja a suwä cuma.
25—Ijiluyä ya tablabä, Bada tänö wale bayeliblaleyoluma. Fei däjä wale a̦fa nia wayoaimije —a cuma.
Jesús e a̦fa wäa
lä balöqueno wei tä a̦
26Elisabei a lä shöbönabö wei, belibo 6 a famaö bäshäcuaö däjä, a̦jele Cablieli a lä cui, Yai Bada tänö a shömöa co̦lema. Calilea tä ulifi jamö, Nasaleteli bä shabonobö jamö, a shömöa nomöjöledayoma. 27Ö̦jamö lä María a wa̦fa moco lä cule nija, a shömölema. David nodiwä a José lä cuinö, ö̦jö a nia suwä däama. A wa̦fa boma ma cui, cäcöbö doayonomi showawä. A suwä jubamou dao lä mlai a suwä cuo showaoma. 28María nija abinaja a̦jele e cuyoluma.
—Cafä nija ya wa̦ nia faö, wa bayeliblabä wa nofi lä ojodaboladi wa nija. Bada tänö wa ca̦i cua lä cule —a cuma.
29Ö̦jö a wa̦ ja, María a bufi fa mablalunö, “¿Wedinaja wale nia fa taamanö, wale nowa li taö cule?”, a bufi cudaliyoma. 30Ö̦jö däjä, María nija abinaja a̦jele e cuma.
—A quili dijä, María. Yai Bada tänö wa bayeliblabä, wa nofi ojodabou waiquia lä cule. 31¿Ö̦jö tawä? Wa nia shöbönaböö. Ijilufä wa̦lo wa nia tablaö. Jesús wa wa̦fa nia jilaö. 32Bada a nia yai cuo. Yai Bada tä Bada lä ayai Ijilubö e a̦fa nia jilaöje. Yai Bada tänö bada tä David a bälöa lä lojodomabono weinaja, ijilufä a nia bälöa lojodomabou cuo nomöjöo. 33Jacobo ebä nija a nia Bada läo shi wa̦lii. A Bada bälöo lä dodijio wei etä nia mladoimi —e cuma.
34Abinaja a̦jele a nija María a cuma.
—¿Wedinaja ya li shöbönaböa cua bälayou? Ya jubamou dao lä mlai ya showawä —a cuma.
35Ö̦jö däjä, abinaja a̦jele e cuma.
—Yai Bada tä Bufinö wa fe walou däjä, Yai Bada tä Bada lä ayai tä lojodenö wa nia jo̦yablaö. Ö̦jö cudeenö ijilufä a nia yaio. Yai Bada Ijilubö e a̦fa nia jilamou. 36Abinaja ca̦i. Amiyofä Elisabei a suwäbada lä cui, a shöbönabö. Bä ijilubö wa̦lo a didibou. “A ijilubö nö cublobimi waiquiwä”, a nofi ma tabono wejei ma cui, a lä shöbönabö wei, belibo 6 a famaö bäshäcuaö waiquia lä cule. 37¿Ö̦jö tawä? Yai Bada tänö tä taö daö lä mlai, etä cua malä mlai —a cuma.
38Abinaja María a cuma.
—Inaja lä waiquiwä. Wa lä cufenaja tä yai cuobä. Bada a nosie juamobä ya e waiquiwä malä cui —a cuma.
Ö̦jö däjä, a̦jelenö a daa co̦quefälöma.
Maríanö Elisabei a
fe lä waloono wei tä a̦
39Tä fe fa weyadalunö, Judea tä ulifi lä jefubö wei jamö María a shi jalijiwä ca̦i ayofälöma. Ö̦jamö lä, ai bä shabonobö jamö a fa co̦blalunö, 40Sacalia a yai lä bälöle jamö a co̦blou majölayoma. A fa falönö, Elisabei nija a wa̦ fayoluma.
41María a wa̦ fa ji̦lilänö, Elisabei bä ijilubö e lä didibono wei e i̦cali qui̦blaliyoma. Ö̦jö däjä, Yai Bada tä Bufinö Elisabei a fa jödödöblalunö, 42a wa̦ bädaliyoma. María nija a wa̦ i̦cali faö ja, abinaja e cuma.
—Suwä bluca bämacö ma cule, Yai Bada tänö cafä wa bayelibobä wa yai. Ijilufä wa nia lä tablaö wei a ma cui, ö̦jö a nia ca̦i bayelibou fe balojoo. 43Iba Badayä bei bä nöö wa e lä cuinö, camiyä wale fe walobä ya mlai ma cui, ¡wale fe nofi waloo jäa dodijia yaiboyoi! 44Bäfä a̦ lä ji̦liaö wei däjä, ijiluyä ya lä didibole a bufi doblalou ja, i̦cali a malä qui̦blalufe. 45Bada wa wa̦ bejedi bufii lä showadaono wei wa lä cui, Yai Bada tänö wa nia yai bayelibou —Elisabei a cuma.
46Ö̦jö däjä, María a wa̦ bädaliyoma. Abinaja a cuma.
—Bei ya bufi cadidiwänö Bada ya nofi doablaö. 47Yai Bada nija bejedi lä ya bufi doblalou, wale lä jucäaö wei a lä cui nija. 48Ö̦jö a nosie juamobä ya e lä cui, wale nö bayeliblabö ya ma mlai, wale bayeliblaö. Fei däjä ma cui, obi ma cui, bä bälöaö lä nodiaö wei bä blucanö, wale a̦fa nia wayoaö nodiablalouje. “Yai Bada tänö ö̦jö a nofi yai bayelibou dodijiono wei”, bä nia cuu. 49A yai lä lojode weinö wale bayeliblaö fe malä balojoono wei. Yami a yaia. 50A nö quili lä taö wejei, showadi cama ebä nofi ojodabou nodiablalou. 51Cama a lojodenö a nö wa̦lojaö.
’“Camiyä cä yai”, bä nofi lä tamamou wei, Yai Bada tänö bä yashublaö shelelou. 52Bada bä yai bälöo lä dodijio wei bä ma waii wei ma cui, bä dodijidawä jömöo lä mlai bä nofi shino wawädowä tabou. 53Bä lä ofäö wei, dodijidawä tä ja bä ma dodijamaö däjä ma cui, bä nö lä madofibö wei bä lä cui, ö̦jö bä bloque shömaö co̦o. 54Isaeli bäma ecö lä cui, Yai Bada tänö bämalecö bayeliblaö, a nosie juamobä bäma ecö lä cui.
’A wa̦fa wäyämou lä balöono wei, tä a̦ nofi jaducubolanö bämalecö nofi ojodabou, 55bämacö nö badabö nija a wa̦ nö wäo lä balöono weinaja showawä. Ablaamö a ma cui, cama nodiwä bä ma cui, bä nofi nia bluca ojodabou nodiablalou showaoma —María a cuma.
56Elisabei nijamö Maríanö belibo jai 3 bä fa famalönö, a co̦a co̦layoma.
Juan a oshe lä
cublaliyono wei tä a̦
57Bei. Elisabeinö bä ijilubö e tablabä etä fa cublalunö, bä ijilubö wa̦lo e tablalema. 58Cama nija bä bälöo lä ajedeono wei bä ma cuinö, cama ebä mashi ma cuinö, tä a̦ ji̦lilemaje. Bada tänö a nofi ojodabou fe lä balojoono wei tä a̦ fa ji̦liläjenö, cama bä bufi ca̦i doblalou mö feduoma. 59Ijilu a wainö, 8 tä mö didi fa tablamalönö, a mosi sicö joyabeje, bada bä waloquema. Ö̦jö däjä, bä fö̦ö e nija Sacalia a wa̦fa mini ma yädäamano wejei ma cui, 60bä nöö e a̦ läoma.
—Ma —a cuma—. Juan a wa̦fa nia cuo.
61Cama nija abinaja bä cuma.
—Juan mlai —bä cuma—. Afä bä mashi nija Juan ai a wa̦fa cua malä mlai.
62Ö̦jö däjä bä fö̦ö e nija, bei bä imicönö bä ijilubö e a̦fa wa̦lii nomöjöomaje. 63A wa̦ oniabä, bä fö̦ö enö etä nacama. Etä fa jöböcöjenö, a wa̦fa oniquema. “Juan a wa̦fa cua”, tä oni fa möjenö, bä bufi bluca shädayaimoma.
64Ö̦jö lä däjä, bä fö̦ö e aca jayublou fa co̦lonö, a wa̦ jaba faö ja, Yai Bada a nofi doablama. 65¿Ö̦jö tawä? Bä bälöo lä ajedeono wei bä quililaliyoma. Judea tä ulifi lä jefubö wei jamö, bä bluca lä bälöblai bä lä cuinö, ö̦jö tä a̦fa bluca wayoamaje. 66Tä a̦ lä ji̦liano wejei, bä bufi bluca dayäo fe balojooma. Abinaja bä cuma.
—¿Wedinaja ei a nia ijilu cuaaö? —bä cuma.
Bada tänö a bayelibou malä wawädoono wei.
Sacalianö Yai Bada a
nofi lä doablano wei tä a̦
67Ö̦jö ijilu bä fö̦ö e a̦ falayoma, Sacalia a lä cui. Yai Bada tä Bufinö a fa jödödöblalunö, Yai Bada a wa̦no wäyäö ja, abinaja a cudaliyoma.
68—Isaeli bäma ecö nija a Bada lä bufiblamou wei a waloqueyoluma, cama bäma ecö nowa co̦amabä. ¡Bäma a nofi da doabla, ö̦jö lä! 69Bämalecö jucäabä, a nö lä wa̦lojaö wei a shömölema. Yai Bada a nosie lä juano wei a David lä cui, ö̦jö a nodiwä waiquiwä. 70Yedu jamö ma cui, cama a wa̦no wäyämobä ebä lä yaileno wei, inaja cama bä cuu balöo showadaoma, Yai Bada a wa̦no wäyälewä bä lä cui.
71’A nia lä shömano wei a lä cuinö, bä nö lä nabämou wei bä nija, bämalecö nia jo̦wa jucäaö co̦oma —a cuma—. Bämalecö nofi lä wa̦libou wejei bä bluca nija, bämalecö nia jo̦wa ca̦i nowamaö showaoma. 72Bämacö nö badabö nofi nia lä ojodabono wei tä ja, Yai Bada a yami lä yaile a wa̦ nö wäa balöquema. A wa̦ nö lä wäqueno wei tä a̦ nofi ca̦i jaducubou showawä.
73’¿Ö̦jö tawä? —a cuma—. Nö badabö Ablaamö nija a wa̦fa wäyäö lä balöono wei däjä, a wa̦ nö wäo wawädoo showaoma. 74Bämalecö nia jo̦wa bayeliblama. Bä nö lä nabämou wei bä nija bämalecö nia bayeliblaö läoma, quilii mlai ja, cama Yai Bada bäma a nosie yai juaabä. 75Bämacö demi cuo showao däjä, cama bäma ecö lä yaile, bämacö showadi dodijadibä. Cama nija bämacö yai cadidobä.
76’U̦asi —a cuma—. Cafä ijiluyä wa lä cui, Yai Bada tä Bada lä ayai a wa̦no wäyälewä wa wa̦fa nia jilabouje. Bada tä nia lä juu wei jamö, wa wa̦no nia taö balöablalou, a wa̦ yai ji̦liaö dodijidaobeje. 77Yai Bada ebä nia lä jucäamou wei tä ja, wa bä bufi nia jaducublamaö balöo. Täbä doblou lä mlai tä ma cule, tä nowa nia lä mladamaö wei tä ja, wa bä nia yömölaö. 78Yai Bada bäma a lä bufiblaö wei a lä cuinö, dodijidawä bämalecö nofi malä ojodabou wei. Bämalecö nofi ojodabou yalo, fedu jamö culanö tä shi̦i lä wacacai tä nia waloyoluu. 79Tä mö lä didi wei jamö bä lä bälöle, bä mini lä nomaö wei bä lä cui, ö̦jö bä nija tä mö nia wacacablamaö. Bämacö bufi yanöcöwä ca̦i bälöobä bämalecö nia lulubou —Sacalia a cuma.
80¿Ö̦jö tawä? Ö̦jö ijilu Juan a lä cui, a yawälayoma. A bufi lojodoblaliyoma. Isaeli ebä nija a wa̦ wawäblou showaa mlai, ulifi bloque jamö a cuo balöoma.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2012, All Rights Reserved