Marcos 12
12
Ficali ca jamö shomi bä
lämabou lä juono wei tä a̦
1Bluca täbä nija, shominaja Jesúsnö tä a̦ wäyäö yaclämou ja, abinaja a cudaliyoma.
—Ai anö uba totobä bluca fa döalalönö, etäca ji̦coloblalema. Ö̦jö däjä, uba bä nia wacä lä cadicaö wejei täca tablaö nomöjölayoma. Tä möö cuaabeje yafi ösöwä a ca̦i tablaö fa nomöjölonö, cama ficali etäca jamö shomi täbä bälömaquefälöma, etäca nowamaö juobeje. Ö̦jö däjä shomi tä ulifi jamö a aa nomöjölayofälöma.
2’Uba a fabä tä cublou däjä, ficali ca ja bä lä bälöblamabole bä nija, a nosie lä juaö wei ai e fa shömölönö, uba bä yefiamaö co̦o bufima. 3Ö̦jö ma cui, täca nowamaö lä juono wejei bä lä cuinö a nabä quea mö fa baicujenö, a si yafelilalemaje. A shinoco ca̦i shömöa mö yabaa co̦lemaje. 4Cama ai e shömöa ma co̦leno wei ma cui, bä doblou co̦o fa mlacunö a fe shäbemaje. 5Ö̦jö däjä, ai e shömöa ma co̦leno wei ma cui, a shälemaje. Inaja showawä, ai ebä shömaö ma co̦ono wei ma cui, ai bä si yafelilalemaje, ai bä shäalalemaje.
6’Ö̦jö ma cui, bada a lä cui, ai moli e feioma —Jesús a cuma—, bä ijilubö e yai lä cuono wei. Ö̦jö a yai nofimaö dodijioma. Ya̦cumö, ö̦jö a shömöa nomöjölema. “Ijiluyä ei a yai lä cui, a nofi yai tabobeje”, a bufi cuma yalo, a shömöa nomöjölema. 7Ö̦jö ma cui, bä lä bälöblamabole bä lä cuinö, bada tä ijilubö e cadidiwä fa dalalöjenö, abinaja bä nowa tayolayoma. “Ei bada tä ijilubö cadidiwä, ficali ca nia obi tabou lä juo wei. Fei däjä bäma a shäa fa showadalönö, camiyä bämacönö bäma täca yai ficali tabou juo nomöjöobä”, bä nowa tayolayoma. 8Ö̦jö däjä, a juwäa mö fa balöjenö, a shälemaje. A fa shälöjenö, ficali ca sibo jamö a nomawä shäyäblaquemaje.
9’¿Ö̦jö tawä? —Jesús a cuma—. ¿Wedinaja wamacö bufi cuu cule? Cama a ficalibö ca lä cui, ¿wedinaja a yai nia cuaaö? Wedinaja mlai. Bä nia waicaö mö juimaö. Shomi täbä nija täca nia jöböamou majöo. 10Yai Bada etä a̦ oni jamö, ¿ei bei wama tä a̦ oni daö mlaa cule? Abinaja tä a̦ cuu.
Maa mabä ja a yafi nia lä i̦tamaö wejei bä lä cuinö, ma wailemaje. Ö̦jö ma cui, ma lä waileno wejei ma lä cui, a yafi colo lojodoobä ma yai li cublaliyoma. 11Bada tänö inaja tä taamama. Ö̦jö yama tä dablaö ja, ¡yamacö bufi yai shädayaimou!
’Einaja tä a̦ cuu —Jesús a cuma.
12Shominaja tä a̦ wäyäö lä ja̦lomono wei tä a̦ ja, cama bada bä a̦fa yai lä wayoano wei tä damaje yalo, a mini juwäamaö showadaoma. Ö̦jö ma cui, yanowamö täbä nö quili tamaje. Ö̦jö cudeenö, a fa dacöfälöjenö, shomi jamö bä alayoma.
Jesús nija bada a befi
bä blada lä wa̦lino wejei tä a̦
13Bada bänö Jesús a wa̦fa jolemou nia fa jömajenö, faliseo bä shömöquemaje, bada tä Elode ai ebä ca̦i mö feduwä. A jole jole nofimalajenö a wa̦ nia ji̦limaje, a wa̦no wäyäö co̦ojolobeje. 14Jesús a wa̦liyoluuje ja, abinaja bä cuma.
—Tä a̦ wäyäle. Wa lä bejedimou wei bäfä dablaö. Yanowamö wa bä nö quili taimi. Bada bä ma cui, bada bä lä mlai bä ma cui, wa bä nofi tabou fe usucuo fa showadaonö, Yai Bada tänö bämalecö taamaö lä bufii wei, quilii mlai ja wa tä a̦ shino yai wäyäö shalilou. ¿Ö̦jö tawä? Ö̦jö cudeenö, bäfä wa̦lii lä cule. Lomateli bada Sesa a lä cui, ö̦jö befi bä blada lä nacaö wejei, camiyä bämacö ma cuinö, ¿bäma bä blada jöböabä tawä? ¿Tä a̦ läami daanö? Ma, ¿tä a̦ läa tawä? 15Judio bämacö lä cuinö, ¿blada bä ja bäma bä dobäbä, bämacö daanö? Ma, camiyä bämacönö, blada bäma bä jöböaö mlaobä, ¿ö̦jö bei bämacö?—ebä cuma.
Ö̦jö ma cui, bä jole jole dodijaö lä buono wei bä daö waiquilanö, abinaja Jesús e cuma.
—¿Wedi tabä wamale a̦ bejedi wabaö? Ja̦o. Blada a da jöböbaje, ya möblaabä —e cuma.
16Blada a fa jöböquiojenö, bä wa̦lima.
—Ei ¿wedi bei fe nö e̦le? ¿Wedi bei a wa̦fa oni cua cule? —a cuma.
—Lomateli bada tä Sesa —bä cuu mö feduoma.
17—Ja̦o —Jesús a cuma—. Sesa cama etäbä ja, wama a li dobäbä. Yai Bada cama etäbä mö feduwä lä cui täbä ja, cama wama a li dobäö mö feduobä —a Jesús cuma.
A wa̦ shaliliablalou dodijioma cudeenö, bä bufi yai shädayaimolayoma.
Bä demi nia jocädou lä co̦o wei tä ja a lä wa̦lino wejei tä a̦
18Jesús a wa̦libeje, saduseo bä bada lä cuinö, Jesús a nabä icua nomöjöquemaje. Ö̦jö bä saduseo lä cui, abinaja bä bufi shino cuu. “Täbä lä nomaö wei bä demi jocädou co̦o mlaicätä”, bä bufi shino cuu. Inaja bä bufi cuu waiquiwä cudeenö, a wa̦ nia fa yaclämajenö, a wa̦limaje. Jesús nija abinaja ebä cuma.
19—Tä a̦ wäyäle. Moisesi tä a̦ oni jamö, abinaja judio bämalecö nowa tama. A ijilubö cuo showao mlao däjä, ai e mashi nomaö dicoo ja, bä suwäbö e lä feiblou wei a nia däaö nomöjöo. Ö̦jö a suwä nija bä ijilubö ebä fa tacönö, a lä nomalayono wei a lä cui, ö̦jö bä ijilubö ebä a̦fa nia jilabou nodio juoje. ¿Ö̦jö tawä?
20’Bei —bada bä cuma, Jesús nija—. Cama cäbä mashi 7 cuoma. Jaba a lä cui, a suwä lä däleno wei a ijilubö cua showaa mlai ja, a mladaliyoma. 21Ö̦jö a mashinö e däa nomöjölema. Ö̦jö ma cui, bei ijilubö e cuo showao mlao däjä, cama ma cui, a ca̦i nomaa majölayoma. Cama a mashinö e däa ma nomöjöleno wei ma cui, inaja showawä. 22¿Ö̦jö tawä? Jödödöwä bä 7 lä cuinö a suwä däa ma nodiadalano wejei ma cui, bä ijilubö cublou showao mlao däjä, bä bluca nomalaliyoma. Ya̦cumö, suwä a ma cui, a ca̦i mladaliyoma.
23’¿Ö̦jö tawä? —ebä cuma—. Inaja tä cuoma cudeenö, bäfä wa̦lii lä cule. Yai Bada tänö täbä demi nia jo̦wa jocädamaö lä co̦o wei däjä, ¿wedi jamö a lä cui, bei a suwäbö yai nia cuodayou, ö̦jö lä? Bluca bä 7 wa̦lo lä cuinö a däadalaö malä cuaano wejei —ebä cuma.
24Abinaja Jesúsnö bä nowa taö nomöjöoma.
—Yai Bada wama etä a̦ daimi yalo, wama etä lojode ca̦i daimi cudeenö, wamacö a̦ yacäblalodii lä cule. ¿Ö̦jö tawä? 25Yai Bada tänö täbä demi jocädamaö co̦o däjä, täbä nia doayou malä mlai. Täbä nia ca̦i suwäbö jöböamou co̦daaimi. A̦jele täbä doayou lä mlainaja täbä li cublou showadalayou.
26’¿Ö̦jö tawä? —Jesús a cuma—. Täbä demi nia jocädou lä co̦o wei, Moisesi a ma cuinö tä a̦ jaba wawämaö balöoma. ¿Ö̦jö bei wama tä a̦ oni daö mlaa cule? Fii defi wacö lä waono wei defi jamö, Yai Bada a wa̦fa wäamou däjä, abinaja a malä cuno wei.
Ablaamö a ma cui nija, Isaacö a ma cui nija, Jacobo a ma cui nija, ö̦jö bä nija ya lä bufiblamou wei ya.
’Einaja Yai Bada a cuma. 27¿Ö̦jö tawä? —bä nowa tama—. Bä demi cua showaa yalo, ö̦jö bä nija a jo̦wa bufiblamou showawä malä cui. Nomawä täbä nija a bufiblamou dao malä mlai. Wamacö a̦ yacläö dodijiwä.
Tä a̦ yai lä lojode wei tä a̦
28Jesús nija täbä a̦ bluca lämou waiquio däjä, Moisesi tä a̦ ja täbä lä damaö wei ai a lä cui, a icuquema. Jesús a wa̦ dodijaö fa ji̦lilänö, a wa̦lii bufi doblaoma.
—Moisesinö tä tamaö lä bufino wei tä a̦ bluca ja, ¿wedi jamö tä a̦ lä cui, tä a̦ shino yai lojode dodijiwä? —e cuma.
29Abinaja Jesús e cuu nomöjöoma.
—Yai Bada tä a̦ shino yai lä lojode wei, ei lä tä a̦.
Bei. Bä yömöca da daicu, Isaeli wama ecö lä cui. Bada tä lä cui, camiyä bämacö nija a bufiblamobä a lä cui, ö̦jö yami tä Yai Bada cua ayaa. 30Bada wama tä yai nia nofimaö, cafä wamacö nija a bufiblamobä a lä cui. Bufi jaduculanö wama a nia nofimaö, bei wamacö bufi yainö. Wamacö bufi lä cuaablalou wei tä ma cuinö, wamacö nö lä wa̦lojoablalou wei tä ma cuinö, wama a nia ca̦i nofimaö fe balojoo.
’¿Ö̦jö tawä? —Jesús a cuma—. 31Ei tä a̦ ca̦i lojode cua mö fedua.
Cafä wa nofi jo̦lio lä culenaja, inaja showawä, aifä wa bä nofi tabolanö wa bä nia nofimaö.
’¿Ö̦jö tawä? —Jesús e cuma—. Moisesi nija Yai Bada tänö bluca tä nabä ma shömöqueno wei ma cui, ö̦jö lä ya täcö a̦ lä wäyäfe, täcö a̦ shino yai lojode dodijiwä —a cuma.
32Moisesi tä a̦ ja täbä lä damaö wei a lä cui, abinaja Jesús nija e cuu nomöjöoma.
—Tä a̦ wäyäle. Bejedi lä wa wa̦. Yami tä Yai Bada cua ayaa, wa lä cufenaja showawä. Tä bufiblamobä, ö̦jö lä a waiquiwä, ai tä cuami. 33Yai Bada nija yalo comi bä bluca ö̦shö dodobou ma cujei, bä yalo bluca shämou ma läo wei ma cui, ö̦jö tä nowa ca̦i cua ma bäle ma cui, wa tä a̦ lä wäyäfe, tä a̦ nowa shino yai bluca. Bufi jaduculanö Yai Bada a nofimaöje ja, ö̦jö tä nowa shino yai cua, bei bufi yainö a nofimaöje ja. Bä nö lä wa̦lojoablalou wei tä ca̦inö. Cama bä nofi jo̦lio lä culenaja, inaja showawä, cama ai ebä nofi tabolajenö bä nofimaö cuo mö feduoje ja, ö̦jö tä nowa shino yai cua —a cuma.
34Jesúsnö a wa̦ faö moyawäablalou fa ji̦lilänö, abinaja e cuma.
—Yai Bada tänö cama ebä ca̦i lä cuo wei jamö, bei wa ajedou lä cuimadi —e cuma.
Ö̦jö däjä, bä fa quililalunö, a wa̦lii co̦daanomije. Moli ma cui, a wa̦ fanomi.
David nodiwä a lä
wa̦lino wei tä a̦
35Yai Bada etä yafi jamö Jesúsnö täbä damalanö, abinaja a cuma.
—A shömabä Yai Bada tänö a lä yaileno wei a lä cui, Bada tä David nodiwä e jo̦wa. Moisesi etä a̦ ja täbä lä damaö wejei bä lä cui, inaja bä shino cuu talei. ¿Ö̦jö tawä? ¿Wedinaja bä bufi li fa cunö, David nodiwä bei a wa̦fa li jilabouje? 36Yai Bada bei tä Bufinö a wa̦ famaö cadidou ja, David cama a showawä ma cui, a wa̦ nö malä wäono wei. Abinaja a cuma.
Iba Badayä a nija, abinaja Bada tä yai lä cui a cuma. “Äyämö, camiyä jayu ya boco mashi jamö, a döcäa da balöiquiyo. Bä nö lä nabämou wei bä lä cui, cafä nija ya bä möfe nia quilili bomabou.”
’Einaja David a cuma. 37¿Ö̦jö tawä? —Jesús a cuma—. Bada tä David a lä cuinö a nofi ma badabole ma cui, ¿bei e jo̦wa nia li nodiblou majöo tawä? Bä bufi da dayäo, ö̦jö lä —a cuma.
Täbä bluca lä co̦camono wei bä lä cuinö, bufi doblalolanö a wa̦ ji̦liamaje. Bada bä a̦ ma fano wei ma cui, Jesús a wa̦ shino yai lojodoaö ayaoma yalo, a wa̦ ji̦liaö bufi doblaomaje.
Bada bä a̦fa lä wäyäno wei tä a̦
38Täbä damalanö, abinaja Jesús a ca̦i cuma.
—Moisesi tä a̦ ja täbä lä damaö wejei bä nija bä da moyaweicu. Camishi labe bä ja bä shino didio bufi doblao talei, bä nowa lä bluca wei bä ja. Nii bä lä lulaö wejei jamö, bä nö bada ca̦i ö̦jöböamou bufi doblao. 39Judio bämacö yododabä jamö, bada bä lä döcäo wei jamö ö̦jamö bä döcäo bufi ca̦i doblao mö feduo. Täbä iyaö ca̦i co̦camobä jamö ma cui, bada bä nijamö bä loo coyocaö bufi ca̦i doblao. 40Ö̦jö bä lä cuinö, suwä bä lä feiblou wei bä fa mölamajenö, bä madofibö bluca däablaö läoje. Ö̦jö däjä, bä mömou nia liyäjäo fe fa yadionö, Yai Bada nija bä nö bayeli nacao ja, bä a̦ jole jole labaaö bädao. Yai Bada tänö ö̦jö bä nö nia shino yai bleaamaö fe balojoo.
Suwä a lä jo̦li wei a
lä dodijano wei tä a̦
41Yai Bada nija bä blada jöbööje ja, bä blada lä didiblaaö wejei tä mashi jamö Jesús a döcöaliyoma. Ö̦jamö lä bluca täbä lä co̦camou wei täbänö bä blada didiabeje jamö, bä nö daama. Bä nö lä madofibö wei ai bä bluca lä cuinö, blada bluca bä didiblamaje. 42Ö̦jö däjä, suwä a yami nö jo̦lili lä bleaano wei a fa waloicunö, blada cäcöbö wai nowa lä bolacami wei cäcöbö wai didia mö feduquema.
43Ö̦jö däjä, cama ebä lä nocamabono wei bä nacaa fa ajedelönö, abinaja Jesús e cuma.
—Cafä wamacö nija ei ya wa̦ lä cui, bejedi lä ya wa̦. Ai bä bluca lä cuinö, blada bä bluca ma didiaö wejei ma cui, fei suwä a yami nö jo̦lili lä bleaale a lä cui, ö̦jö lä a shi shino yai ö̦jöde fe balojowä. 44Ai bä lä cuinö, bluca bä li blada tabouje yalo, Yai Bada a malä dobälufajei. Ö̦jö ma cui, fei a suwä nö jo̦lili lä bleaale a lä cuinö, nii bä luluabä cäcöbö shino wai ma tabono wei ma cui, ö̦jö cä lä cäcöbö nö wai jöböa mlaquei lä cufe —Jesús e cuma.
Currently Selected:
Marcos 12: GUU
Highlight
Share
Copy
Want to have your highlights saved across all your devices? Sign up or sign in
©2012, All Rights Reserved
Marcos 12
12
Ficali ca jamö shomi bä
lämabou lä juono wei tä a̦
1Bluca täbä nija, shominaja Jesúsnö tä a̦ wäyäö yaclämou ja, abinaja a cudaliyoma.
—Ai anö uba totobä bluca fa döalalönö, etäca ji̦coloblalema. Ö̦jö däjä, uba bä nia wacä lä cadicaö wejei täca tablaö nomöjölayoma. Tä möö cuaabeje yafi ösöwä a ca̦i tablaö fa nomöjölonö, cama ficali etäca jamö shomi täbä bälömaquefälöma, etäca nowamaö juobeje. Ö̦jö däjä shomi tä ulifi jamö a aa nomöjölayofälöma.
2’Uba a fabä tä cublou däjä, ficali ca ja bä lä bälöblamabole bä nija, a nosie lä juaö wei ai e fa shömölönö, uba bä yefiamaö co̦o bufima. 3Ö̦jö ma cui, täca nowamaö lä juono wejei bä lä cuinö a nabä quea mö fa baicujenö, a si yafelilalemaje. A shinoco ca̦i shömöa mö yabaa co̦lemaje. 4Cama ai e shömöa ma co̦leno wei ma cui, bä doblou co̦o fa mlacunö a fe shäbemaje. 5Ö̦jö däjä, ai e shömöa ma co̦leno wei ma cui, a shälemaje. Inaja showawä, ai ebä shömaö ma co̦ono wei ma cui, ai bä si yafelilalemaje, ai bä shäalalemaje.
6’Ö̦jö ma cui, bada a lä cui, ai moli e feioma —Jesús a cuma—, bä ijilubö e yai lä cuono wei. Ö̦jö a yai nofimaö dodijioma. Ya̦cumö, ö̦jö a shömöa nomöjölema. “Ijiluyä ei a yai lä cui, a nofi yai tabobeje”, a bufi cuma yalo, a shömöa nomöjölema. 7Ö̦jö ma cui, bä lä bälöblamabole bä lä cuinö, bada tä ijilubö e cadidiwä fa dalalöjenö, abinaja bä nowa tayolayoma. “Ei bada tä ijilubö cadidiwä, ficali ca nia obi tabou lä juo wei. Fei däjä bäma a shäa fa showadalönö, camiyä bämacönö bäma täca yai ficali tabou juo nomöjöobä”, bä nowa tayolayoma. 8Ö̦jö däjä, a juwäa mö fa balöjenö, a shälemaje. A fa shälöjenö, ficali ca sibo jamö a nomawä shäyäblaquemaje.
9’¿Ö̦jö tawä? —Jesús a cuma—. ¿Wedinaja wamacö bufi cuu cule? Cama a ficalibö ca lä cui, ¿wedinaja a yai nia cuaaö? Wedinaja mlai. Bä nia waicaö mö juimaö. Shomi täbä nija täca nia jöböamou majöo. 10Yai Bada etä a̦ oni jamö, ¿ei bei wama tä a̦ oni daö mlaa cule? Abinaja tä a̦ cuu.
Maa mabä ja a yafi nia lä i̦tamaö wejei bä lä cuinö, ma wailemaje. Ö̦jö ma cui, ma lä waileno wejei ma lä cui, a yafi colo lojodoobä ma yai li cublaliyoma. 11Bada tänö inaja tä taamama. Ö̦jö yama tä dablaö ja, ¡yamacö bufi yai shädayaimou!
’Einaja tä a̦ cuu —Jesús a cuma.
12Shominaja tä a̦ wäyäö lä ja̦lomono wei tä a̦ ja, cama bada bä a̦fa yai lä wayoano wei tä damaje yalo, a mini juwäamaö showadaoma. Ö̦jö ma cui, yanowamö täbä nö quili tamaje. Ö̦jö cudeenö, a fa dacöfälöjenö, shomi jamö bä alayoma.
Jesús nija bada a befi
bä blada lä wa̦lino wejei tä a̦
13Bada bänö Jesús a wa̦fa jolemou nia fa jömajenö, faliseo bä shömöquemaje, bada tä Elode ai ebä ca̦i mö feduwä. A jole jole nofimalajenö a wa̦ nia ji̦limaje, a wa̦no wäyäö co̦ojolobeje. 14Jesús a wa̦liyoluuje ja, abinaja bä cuma.
—Tä a̦ wäyäle. Wa lä bejedimou wei bäfä dablaö. Yanowamö wa bä nö quili taimi. Bada bä ma cui, bada bä lä mlai bä ma cui, wa bä nofi tabou fe usucuo fa showadaonö, Yai Bada tänö bämalecö taamaö lä bufii wei, quilii mlai ja wa tä a̦ shino yai wäyäö shalilou. ¿Ö̦jö tawä? Ö̦jö cudeenö, bäfä wa̦lii lä cule. Lomateli bada Sesa a lä cui, ö̦jö befi bä blada lä nacaö wejei, camiyä bämacö ma cuinö, ¿bäma bä blada jöböabä tawä? ¿Tä a̦ läami daanö? Ma, ¿tä a̦ läa tawä? 15Judio bämacö lä cuinö, ¿blada bä ja bäma bä dobäbä, bämacö daanö? Ma, camiyä bämacönö, blada bäma bä jöböaö mlaobä, ¿ö̦jö bei bämacö?—ebä cuma.
Ö̦jö ma cui, bä jole jole dodijaö lä buono wei bä daö waiquilanö, abinaja Jesús e cuma.
—¿Wedi tabä wamale a̦ bejedi wabaö? Ja̦o. Blada a da jöböbaje, ya möblaabä —e cuma.
16Blada a fa jöböquiojenö, bä wa̦lima.
—Ei ¿wedi bei fe nö e̦le? ¿Wedi bei a wa̦fa oni cua cule? —a cuma.
—Lomateli bada tä Sesa —bä cuu mö feduoma.
17—Ja̦o —Jesús a cuma—. Sesa cama etäbä ja, wama a li dobäbä. Yai Bada cama etäbä mö feduwä lä cui täbä ja, cama wama a li dobäö mö feduobä —a Jesús cuma.
A wa̦ shaliliablalou dodijioma cudeenö, bä bufi yai shädayaimolayoma.
Bä demi nia jocädou lä co̦o wei tä ja a lä wa̦lino wejei tä a̦
18Jesús a wa̦libeje, saduseo bä bada lä cuinö, Jesús a nabä icua nomöjöquemaje. Ö̦jö bä saduseo lä cui, abinaja bä bufi shino cuu. “Täbä lä nomaö wei bä demi jocädou co̦o mlaicätä”, bä bufi shino cuu. Inaja bä bufi cuu waiquiwä cudeenö, a wa̦ nia fa yaclämajenö, a wa̦limaje. Jesús nija abinaja ebä cuma.
19—Tä a̦ wäyäle. Moisesi tä a̦ oni jamö, abinaja judio bämalecö nowa tama. A ijilubö cuo showao mlao däjä, ai e mashi nomaö dicoo ja, bä suwäbö e lä feiblou wei a nia däaö nomöjöo. Ö̦jö a suwä nija bä ijilubö ebä fa tacönö, a lä nomalayono wei a lä cui, ö̦jö bä ijilubö ebä a̦fa nia jilabou nodio juoje. ¿Ö̦jö tawä?
20’Bei —bada bä cuma, Jesús nija—. Cama cäbä mashi 7 cuoma. Jaba a lä cui, a suwä lä däleno wei a ijilubö cua showaa mlai ja, a mladaliyoma. 21Ö̦jö a mashinö e däa nomöjölema. Ö̦jö ma cui, bei ijilubö e cuo showao mlao däjä, cama ma cui, a ca̦i nomaa majölayoma. Cama a mashinö e däa ma nomöjöleno wei ma cui, inaja showawä. 22¿Ö̦jö tawä? Jödödöwä bä 7 lä cuinö a suwä däa ma nodiadalano wejei ma cui, bä ijilubö cublou showao mlao däjä, bä bluca nomalaliyoma. Ya̦cumö, suwä a ma cui, a ca̦i mladaliyoma.
23’¿Ö̦jö tawä? —ebä cuma—. Inaja tä cuoma cudeenö, bäfä wa̦lii lä cule. Yai Bada tänö täbä demi nia jo̦wa jocädamaö lä co̦o wei däjä, ¿wedi jamö a lä cui, bei a suwäbö yai nia cuodayou, ö̦jö lä? Bluca bä 7 wa̦lo lä cuinö a däadalaö malä cuaano wejei —ebä cuma.
24Abinaja Jesúsnö bä nowa taö nomöjöoma.
—Yai Bada wama etä a̦ daimi yalo, wama etä lojode ca̦i daimi cudeenö, wamacö a̦ yacäblalodii lä cule. ¿Ö̦jö tawä? 25Yai Bada tänö täbä demi jocädamaö co̦o däjä, täbä nia doayou malä mlai. Täbä nia ca̦i suwäbö jöböamou co̦daaimi. A̦jele täbä doayou lä mlainaja täbä li cublou showadalayou.
26’¿Ö̦jö tawä? —Jesús a cuma—. Täbä demi nia jocädou lä co̦o wei, Moisesi a ma cuinö tä a̦ jaba wawämaö balöoma. ¿Ö̦jö bei wama tä a̦ oni daö mlaa cule? Fii defi wacö lä waono wei defi jamö, Yai Bada a wa̦fa wäamou däjä, abinaja a malä cuno wei.
Ablaamö a ma cui nija, Isaacö a ma cui nija, Jacobo a ma cui nija, ö̦jö bä nija ya lä bufiblamou wei ya.
’Einaja Yai Bada a cuma. 27¿Ö̦jö tawä? —bä nowa tama—. Bä demi cua showaa yalo, ö̦jö bä nija a jo̦wa bufiblamou showawä malä cui. Nomawä täbä nija a bufiblamou dao malä mlai. Wamacö a̦ yacläö dodijiwä.
Tä a̦ yai lä lojode wei tä a̦
28Jesús nija täbä a̦ bluca lämou waiquio däjä, Moisesi tä a̦ ja täbä lä damaö wei ai a lä cui, a icuquema. Jesús a wa̦ dodijaö fa ji̦lilänö, a wa̦lii bufi doblaoma.
—Moisesinö tä tamaö lä bufino wei tä a̦ bluca ja, ¿wedi jamö tä a̦ lä cui, tä a̦ shino yai lojode dodijiwä? —e cuma.
29Abinaja Jesús e cuu nomöjöoma.
—Yai Bada tä a̦ shino yai lä lojode wei, ei lä tä a̦.
Bei. Bä yömöca da daicu, Isaeli wama ecö lä cui. Bada tä lä cui, camiyä bämacö nija a bufiblamobä a lä cui, ö̦jö yami tä Yai Bada cua ayaa. 30Bada wama tä yai nia nofimaö, cafä wamacö nija a bufiblamobä a lä cui. Bufi jaduculanö wama a nia nofimaö, bei wamacö bufi yainö. Wamacö bufi lä cuaablalou wei tä ma cuinö, wamacö nö lä wa̦lojoablalou wei tä ma cuinö, wama a nia ca̦i nofimaö fe balojoo.
’¿Ö̦jö tawä? —Jesús a cuma—. 31Ei tä a̦ ca̦i lojode cua mö fedua.
Cafä wa nofi jo̦lio lä culenaja, inaja showawä, aifä wa bä nofi tabolanö wa bä nia nofimaö.
’¿Ö̦jö tawä? —Jesús e cuma—. Moisesi nija Yai Bada tänö bluca tä nabä ma shömöqueno wei ma cui, ö̦jö lä ya täcö a̦ lä wäyäfe, täcö a̦ shino yai lojode dodijiwä —a cuma.
32Moisesi tä a̦ ja täbä lä damaö wei a lä cui, abinaja Jesús nija e cuu nomöjöoma.
—Tä a̦ wäyäle. Bejedi lä wa wa̦. Yami tä Yai Bada cua ayaa, wa lä cufenaja showawä. Tä bufiblamobä, ö̦jö lä a waiquiwä, ai tä cuami. 33Yai Bada nija yalo comi bä bluca ö̦shö dodobou ma cujei, bä yalo bluca shämou ma läo wei ma cui, ö̦jö tä nowa ca̦i cua ma bäle ma cui, wa tä a̦ lä wäyäfe, tä a̦ nowa shino yai bluca. Bufi jaduculanö Yai Bada a nofimaöje ja, ö̦jö tä nowa shino yai cua, bei bufi yainö a nofimaöje ja. Bä nö lä wa̦lojoablalou wei tä ca̦inö. Cama bä nofi jo̦lio lä culenaja, inaja showawä, cama ai ebä nofi tabolajenö bä nofimaö cuo mö feduoje ja, ö̦jö tä nowa shino yai cua —a cuma.
34Jesúsnö a wa̦ faö moyawäablalou fa ji̦lilänö, abinaja e cuma.
—Yai Bada tänö cama ebä ca̦i lä cuo wei jamö, bei wa ajedou lä cuimadi —e cuma.
Ö̦jö däjä, bä fa quililalunö, a wa̦lii co̦daanomije. Moli ma cui, a wa̦ fanomi.
David nodiwä a lä
wa̦lino wei tä a̦
35Yai Bada etä yafi jamö Jesúsnö täbä damalanö, abinaja a cuma.
—A shömabä Yai Bada tänö a lä yaileno wei a lä cui, Bada tä David nodiwä e jo̦wa. Moisesi etä a̦ ja täbä lä damaö wejei bä lä cui, inaja bä shino cuu talei. ¿Ö̦jö tawä? ¿Wedinaja bä bufi li fa cunö, David nodiwä bei a wa̦fa li jilabouje? 36Yai Bada bei tä Bufinö a wa̦ famaö cadidou ja, David cama a showawä ma cui, a wa̦ nö malä wäono wei. Abinaja a cuma.
Iba Badayä a nija, abinaja Bada tä yai lä cui a cuma. “Äyämö, camiyä jayu ya boco mashi jamö, a döcäa da balöiquiyo. Bä nö lä nabämou wei bä lä cui, cafä nija ya bä möfe nia quilili bomabou.”
’Einaja David a cuma. 37¿Ö̦jö tawä? —Jesús a cuma—. Bada tä David a lä cuinö a nofi ma badabole ma cui, ¿bei e jo̦wa nia li nodiblou majöo tawä? Bä bufi da dayäo, ö̦jö lä —a cuma.
Täbä bluca lä co̦camono wei bä lä cuinö, bufi doblalolanö a wa̦ ji̦liamaje. Bada bä a̦ ma fano wei ma cui, Jesús a wa̦ shino yai lojodoaö ayaoma yalo, a wa̦ ji̦liaö bufi doblaomaje.
Bada bä a̦fa lä wäyäno wei tä a̦
38Täbä damalanö, abinaja Jesús a ca̦i cuma.
—Moisesi tä a̦ ja täbä lä damaö wejei bä nija bä da moyaweicu. Camishi labe bä ja bä shino didio bufi doblao talei, bä nowa lä bluca wei bä ja. Nii bä lä lulaö wejei jamö, bä nö bada ca̦i ö̦jöböamou bufi doblao. 39Judio bämacö yododabä jamö, bada bä lä döcäo wei jamö ö̦jamö bä döcäo bufi ca̦i doblao mö feduo. Täbä iyaö ca̦i co̦camobä jamö ma cui, bada bä nijamö bä loo coyocaö bufi ca̦i doblao. 40Ö̦jö bä lä cuinö, suwä bä lä feiblou wei bä fa mölamajenö, bä madofibö bluca däablaö läoje. Ö̦jö däjä, bä mömou nia liyäjäo fe fa yadionö, Yai Bada nija bä nö bayeli nacao ja, bä a̦ jole jole labaaö bädao. Yai Bada tänö ö̦jö bä nö nia shino yai bleaamaö fe balojoo.
Suwä a lä jo̦li wei a
lä dodijano wei tä a̦
41Yai Bada nija bä blada jöbööje ja, bä blada lä didiblaaö wejei tä mashi jamö Jesús a döcöaliyoma. Ö̦jamö lä bluca täbä lä co̦camou wei täbänö bä blada didiabeje jamö, bä nö daama. Bä nö lä madofibö wei ai bä bluca lä cuinö, blada bluca bä didiblamaje. 42Ö̦jö däjä, suwä a yami nö jo̦lili lä bleaano wei a fa waloicunö, blada cäcöbö wai nowa lä bolacami wei cäcöbö wai didia mö feduquema.
43Ö̦jö däjä, cama ebä lä nocamabono wei bä nacaa fa ajedelönö, abinaja Jesús e cuma.
—Cafä wamacö nija ei ya wa̦ lä cui, bejedi lä ya wa̦. Ai bä bluca lä cuinö, blada bä bluca ma didiaö wejei ma cui, fei suwä a yami nö jo̦lili lä bleaale a lä cui, ö̦jö lä a shi shino yai ö̦jöde fe balojowä. 44Ai bä lä cuinö, bluca bä li blada tabouje yalo, Yai Bada a malä dobälufajei. Ö̦jö ma cui, fei a suwä nö jo̦lili lä bleaale a lä cuinö, nii bä luluabä cäcöbö shino wai ma tabono wei ma cui, ö̦jö cä lä cäcöbö nö wai jöböa mlaquei lä cufe —Jesús e cuma.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2012, All Rights Reserved