Marcos 13
13
Yai Bada etä yafi nia
lä waliano wejei tä a̦
1Yai Bada etä yafi jamö a faö co̦o däjä, cama ebä lä nocamabono wei ai a lä cui, abinaja e cuma.
—Tä a̦ wäyäle. ¡Tä da mö! Yai Bada etä yafi mömou yai liyäjäwä dodijiwä. ¿Ö̦jö tawä? Maa dodijidawä mabänö, ¡bä yafi baushi liyäjäwä dodijiwä! —e cuma.
2Abinaja Jesús e cuu nomöjöoma.
—Jö̦ö. Ei wa bä yafi bada dablaö, ¿ö̦jö tawä? Ö̦jö ma cui, ei wa bä yafi lä möle, wama bä nofi dobou ma bäle ma cui, bä nia obi wa̦liaöje. Ö̦jö däjä ai ma jamö, moli ma cui, ma nia maqueo feibloimi —a cuma.
3Oliba tä balöcö jamö Jesús a dolequea fa majöbofälönö, Yai Bada etä yafi mö lä yaile jamö, a loa mö yabaa fa co̦bojolunö, cama ai ebä yami cuo däjä a wa̦limaje. Pedro, Santiago, Juan, Andrés bä lä cuinö a wa̦liije ja, abinaja bä cuma.
4—Yamalecö da yömölalö. ¿Wedinaja tä nö fa cublalunö, a yafi nia yai wa̦liaöje? ¿Wedi cä däjä, ö̦jö bei tä nia yai wawäblou? Tä tamou lä bufiole däjä, ¿wedi tä dodijiwänö yamacö nia yai moyawäo? —bä cuma.
5Bä nowa taö ja, abinaja Jesús a cuma.
—Bä da moyaweicu, ö̦jö lä, wamacö yabäcaö fa dicoojenö, wamacö yaclämaö mlaobeje. 6Obi, bluca bä nia wawäblou. Camiyä ya wa̦fa nia ma wäyämou wei ma cui, bä möla dijä. “Ö̦jö ya”, bä nia cuu. “Tä bluca waicou bufio lä cule”, bä nia ca̦i ma cuu wei ma cui, ö̦jö bä nija bä nocao dijä.
7’Ai bä lä bälöblai ba nabä nia queayou. Inaja showawä, ai bä wa̦no ca̦i nia ji̦liamou cuo mö feduo. Ö̦jö wama tä a̦ ji̦liaö däjä, bä quili dijä. Ö̦jö tämi. Ö̦jö tä nia bluca ma cublou wei ma cui, tä nia bluca waicou showadaomi. 8Bä shomi lä cublai bä nabä nia queayou balöo. Bä bälöblawä lä yaiblai bä ca̦i. Bluca täbä ulifibö lä cublai jamö, mashita a ca̦i nia bada qui̦da qui̦damou nö quiliaö. Ofi tä ca̦i nia blaucublou. Ijilu bä nini jaba cuo däjä, bä nö bleaaö lä culenaja, inaja showawä bä nö nia jaba bleaaö cuo. Ö̦jö jaba cätä bädawä.
9’¿Ö̦jö tawä? Bä da moyaweicu, wamacö nowamöo fe yadiobä —bä nowa tama—. Judio bä bada lä yododoblai bä nijamö wamacö noshi nia ö̦jödabouje, wamacö nö bleaamabeje. Judio bä yododabä yafi bä jamö ma cui, wamacö si nia ca̦i yafelimaöje. Iba wamacö yalo, bada bä bälöo lä dodijio wei bä nijamö wamacö nia icuamaöje, wamacö dobloimi jömabeje. Cama ebä lämabou mö lä feduo wejei bä ma cui nijamö, inaja showawä. Ö̦jö ma cui, ö̦jö bä nija wamale a̦fa wäyäbä, ö̦jö tä nia cuo. 10¿Ö̦jö tawä? Yai Bada tänö täbä jödödöwä waicaö showao mlao däjä, iba dodijidawä tä a̦ ja, täbä jödödöwä bälöjöwä lä yaiblai, bä nia yömölamou balöo.
11’¿Ö̦jö tawä? —Jesús a cuma—. Wamacö fa juwäablajenö, bada bä nija wamacö noshi ö̦jödabouje däjä, wamacö nofi nia lä bäyäo wei tä a̦ ja, bä bufi jo̦lijou dicoo dijä. Wamacö wa̦liije däjä, wamacö a̦ moyawe juobä, wamacö a̦ nia bayeliblamou. Cafä wamacö bufi lä cuu wei mlai, Yai Bada tä Bufinö wamacö a̦ nia malä macocamaö wei. 12Tä nia wa̦lidiblou. Cama bä mashi ma cuinö bä noshi nia ö̦jödabouje, bä shäbeje. Bä fö̦ö bä ma cuinö bä ijilubö ebä noshi nia ö̦jödabouje. Bä ijilubö ebä ma cuinö, bä fö̦ö, bä nöö ebä nabä nia shömaöje, bä shäbeje. 13Iba wamacö yalo, bluca bä bälöjöwä lä yaiblai bä ma cuinö, wamacö nofi nia wa̦libouje. Ö̦jö ma cui, a shämobä etä ma cuo däjä ma cui, a nö wa̦lojaö fe lä yadio wei a lä cui, ö̦jö a nia jucäamou fe yadio.
Jesúsnö bä moyawämaö
lä bufino wei tä a̦
14’Ö̦jö ma cui, bä da moyaweicu —Jesús a cuma—. Tä yai lä wa̦lidii tä lä cui, tä nö cuobö lä mlai jamö tä nia ublamabou fe yadioje, Yai Bada etä yafi jamö. Täbä bluca nia yai lä wa̦lidiblamaö wei, ö̦jö bei tä. ¿Ö̦jö tawä? Ei ya wa̦ ja, wamacö bufi ca̦i jaducuwä cuobä wamacö. Yai Bada a wa̦no wäyälewä bä lä cui, inaja bä cuu malä balöono wei. Ö̦jamö lä täbä lä wa̦lidiblamaö wei wama tä ublaa dablaö däjä, Judea jamö wamacö lä bälöle, tä lä jefubö wei jamö bä docuo cuo da showadaomobodu. 15Wamacö siboa waiquilayou ja, yafi jamö bä lucäö co̦daa dijä. Madofi wama bä co̦ablaö mlai ja, bä docua da showaolalu. 16Ficali ca jamö wamacö juu lä waiquile däjä, camishifä wama bä co̦ablaö mö yabao mlai ja, ö̦jamö lä showawä wamacö nia docublou cuaaö.
17’Bä lä shöbönabö wei, ¡bejedi lä ö̦jö bä nö nia bleaaö fe balojoo —a cuma—. Ijilu bä lä shadimabou wejei, inaja showawä bä nö nia bleaaö cuo. 18Maa däjä tä cublou mlaobä, Yai Bada nija bä da naco, ö̦jö lä. 19Täbä nö nia yai malä bleaaö wei. Yedu ja Yai Bada tänö täbä bluca lä tablaleno wei däjä, täbä nö bleaaö ma showaono wei ma cui, ö̦jö tä lä cublole däjä täbä nö nia shino yai bleaaö. Inaja täbä nia ca̦i cuaaö co̦o ma mlai ma cui, ö̦jö lä däjä moli bei bä nö nia shino yai bleaaö dodijio. 20Ö̦jö tä lä cublole däjä, Bada tänö tä ja̦mabou bufio mlao fa cunoja, moli ma cui täbä nö demi feio buobö mlai. Ö̦jö ma cui, cama ebä lä yaimabole bä feimabou fe yadiobä, tä nö nia dedejeblamanomi.
21’Ai bä a̦ ja, bä möla dijä —a cuma—. “¡Bei, bei! Yai Bada tänö a shömabä a lä yaileno wei a lä cui, ¡quijamö a wawälayou lä cufe!”, ai bä ma cuu wei ma cui, “¡Bei, bei! ¡Äyämö a waloqueyoluu lä cufe!”, ai bä ma cuu wei ma cui, ö̦jö bä a̦ bejedi bufibla dijejä. 22Bä lä jolemou wei bä nia wawäblou. Abinaja bä nia jole cuu. “Yai Bada tänö wale shömabä camiyä wale yailema”, bä nia jole cuu. Yai Bada a wa̦no jole jole lä wäyäö wejei bä ma cui, ö̦jö bä nia ca̦i wawäö mö feduo. Yai Bada a mayo nia jole wawämaöje. Tä nö lä quilijii tä nia ca̦i bluca wawämaö fe yadioje, täbä bufi fa taamajenö täbä yaclämabeje. Yai Bada ebä lä yaimabole bä ma cui, ö̦jö bä bufi taamaö fe yadiobeje bä nia wabäodii. 23¿Ö̦jö tawä? Ö̦jö ma cui bä da moyaweicu. Bluca tä nia lä cublou wei tä ja, bämacö yömölaö waiquia lä cule.
Jesús a nia itou lä
co̦oyoluu wei tä a̦
24’Ö̦jö ma cui, einaja täbä nö nia yai bleaaö lä cuo wei tä jödödöblou fa balölonö, motoca shi̦i nia luaaö majöo. Belibo a ma cui, inaja showawä a shi̦i nia cuomi majöo. 25Shidicali bä ma cui, bä nia bläläö. ¿Ö̦jö tawä? Judu mösö jamö bä lä shadiladi bä nia layäcäbladayou. 26Ö̦jö lä däjä, camiyä ya lä yanowamöblaleyoluno wei ya nia shino yai bädoyoluu. Ölajashi a jamö ya shi̦i ca̦i fa itoimadunö, wale nia yai lojode dablaöje. 27Ö̦jö däjä, iba a̦jele ya bä nia shömaö cuaaö, jödödöwä bä lä bälöblai jamö, iba ya bä lä yaileno wei bä co̦ablaö cuaabeje.
Ico fibä a̦fa wäyäö
lä ja̦loono wei tä a̦
28’Ico fibä ja, showadi wamacö bufi dao talei —Jesús a cuma—. Defi jenabä ducuu däjä, “Fei däjä motoca shi̦i ajeo co̦a nö culai”, wamacö bufi shino cuu. 29Inaja showawä, ei ya tä a̦ bluca lä wäyäfe, tä wawäblou däjä, wamacö bufi daobä cätä. “Fei däjä a itou ajedewä”, wamale nofi tabobä. 30Cafä wamacö nija ei ya wa̦ lä cui, bejedi lä ya wa̦. Wamacö fei däjä lä bälöblai wamacö bluca nomaö showaono mlai ja, ö̦jö tä nia bluca wawäblou balöo. 31Judu mösö ma cui, bita a ma cui, ö̦jö bä bluca ma mlaolaliyo wei ma cui, camiyä ya wa̦ nia mladoimi.
32’Ö̦jö ma cui, ya tä a̦ lä wäyäfe tä nia yai lä cubloyoluu wei, yanowamö täbänö ö̦jö lä tä yai daimije —a cuma—. Yai Bada a̦jele bä lä culadi bä ma cuinö, inaja showawä tä ca̦i daimi cuweje. Yai Bada bei Ijilubö ya e ma cuinö, inaja showawä ya tä ca̦i daimi cuwä. Fayänö ö̦jö tä shino yai daö ayawä. 33¿Ö̦jö tawä? Bä nö da daicu, ö̦jö lä. Wamacö bufi cuu mlao däjä, camiyä ya lä yanowamöblaleyoluno wei ya nia malä bädou wei.
34’Abinaja tä ca̦i cuwä —Jesús a cuma—. Shomi jamö bada a alayono wei ja, cama a nosie lä juamou wei ebä nö dablalou juo. A juu showao mlao däjä, cama ebä yömölaö balöo. Bä ojodamou juobä, bä nowa bluca taö cuaaö. Yoca lä jolemabou wei a lä cui, a nö dao juobä, a nosiemölefälöö. 35¿Ö̦jö tawä? Bä nö da daicu, ö̦jö lä. “Ö̦jö däjä Bada a yai nia wawäö”, wama a nofi tabou malä mlai. A weyade ca̦i nia lä co̦blou wei, wama tä daimi. Bäshäcuoladi tä ca̦i mlai. Cadala bä a̦ faö fe lä jaluu wei däjä ma cui, ö̦jö wama tä ca̦i daimi. A nia lä fenao wei, inaja showawä. 36A bädou bädalayou ja, wamacö mia dablajalou mlaobä, bä nö da daicu. 37Cafä bämacö nowa lä talenaja, bluca täbä nowa ca̦i tamamou mö feduobä ya wa̦. Bä nö da daicu, ö̦jö lä.
Currently Selected:
Marcos 13: GUU
Highlight
Share
Copy
Want to have your highlights saved across all your devices? Sign up or sign in
©2012, All Rights Reserved
Marcos 13
13
Yai Bada etä yafi nia
lä waliano wejei tä a̦
1Yai Bada etä yafi jamö a faö co̦o däjä, cama ebä lä nocamabono wei ai a lä cui, abinaja e cuma.
—Tä a̦ wäyäle. ¡Tä da mö! Yai Bada etä yafi mömou yai liyäjäwä dodijiwä. ¿Ö̦jö tawä? Maa dodijidawä mabänö, ¡bä yafi baushi liyäjäwä dodijiwä! —e cuma.
2Abinaja Jesús e cuu nomöjöoma.
—Jö̦ö. Ei wa bä yafi bada dablaö, ¿ö̦jö tawä? Ö̦jö ma cui, ei wa bä yafi lä möle, wama bä nofi dobou ma bäle ma cui, bä nia obi wa̦liaöje. Ö̦jö däjä ai ma jamö, moli ma cui, ma nia maqueo feibloimi —a cuma.
3Oliba tä balöcö jamö Jesús a dolequea fa majöbofälönö, Yai Bada etä yafi mö lä yaile jamö, a loa mö yabaa fa co̦bojolunö, cama ai ebä yami cuo däjä a wa̦limaje. Pedro, Santiago, Juan, Andrés bä lä cuinö a wa̦liije ja, abinaja bä cuma.
4—Yamalecö da yömölalö. ¿Wedinaja tä nö fa cublalunö, a yafi nia yai wa̦liaöje? ¿Wedi cä däjä, ö̦jö bei tä nia yai wawäblou? Tä tamou lä bufiole däjä, ¿wedi tä dodijiwänö yamacö nia yai moyawäo? —bä cuma.
5Bä nowa taö ja, abinaja Jesús a cuma.
—Bä da moyaweicu, ö̦jö lä, wamacö yabäcaö fa dicoojenö, wamacö yaclämaö mlaobeje. 6Obi, bluca bä nia wawäblou. Camiyä ya wa̦fa nia ma wäyämou wei ma cui, bä möla dijä. “Ö̦jö ya”, bä nia cuu. “Tä bluca waicou bufio lä cule”, bä nia ca̦i ma cuu wei ma cui, ö̦jö bä nija bä nocao dijä.
7’Ai bä lä bälöblai ba nabä nia queayou. Inaja showawä, ai bä wa̦no ca̦i nia ji̦liamou cuo mö feduo. Ö̦jö wama tä a̦ ji̦liaö däjä, bä quili dijä. Ö̦jö tämi. Ö̦jö tä nia bluca ma cublou wei ma cui, tä nia bluca waicou showadaomi. 8Bä shomi lä cublai bä nabä nia queayou balöo. Bä bälöblawä lä yaiblai bä ca̦i. Bluca täbä ulifibö lä cublai jamö, mashita a ca̦i nia bada qui̦da qui̦damou nö quiliaö. Ofi tä ca̦i nia blaucublou. Ijilu bä nini jaba cuo däjä, bä nö bleaaö lä culenaja, inaja showawä bä nö nia jaba bleaaö cuo. Ö̦jö jaba cätä bädawä.
9’¿Ö̦jö tawä? Bä da moyaweicu, wamacö nowamöo fe yadiobä —bä nowa tama—. Judio bä bada lä yododoblai bä nijamö wamacö noshi nia ö̦jödabouje, wamacö nö bleaamabeje. Judio bä yododabä yafi bä jamö ma cui, wamacö si nia ca̦i yafelimaöje. Iba wamacö yalo, bada bä bälöo lä dodijio wei bä nijamö wamacö nia icuamaöje, wamacö dobloimi jömabeje. Cama ebä lämabou mö lä feduo wejei bä ma cui nijamö, inaja showawä. Ö̦jö ma cui, ö̦jö bä nija wamale a̦fa wäyäbä, ö̦jö tä nia cuo. 10¿Ö̦jö tawä? Yai Bada tänö täbä jödödöwä waicaö showao mlao däjä, iba dodijidawä tä a̦ ja, täbä jödödöwä bälöjöwä lä yaiblai, bä nia yömölamou balöo.
11’¿Ö̦jö tawä? —Jesús a cuma—. Wamacö fa juwäablajenö, bada bä nija wamacö noshi ö̦jödabouje däjä, wamacö nofi nia lä bäyäo wei tä a̦ ja, bä bufi jo̦lijou dicoo dijä. Wamacö wa̦liije däjä, wamacö a̦ moyawe juobä, wamacö a̦ nia bayeliblamou. Cafä wamacö bufi lä cuu wei mlai, Yai Bada tä Bufinö wamacö a̦ nia malä macocamaö wei. 12Tä nia wa̦lidiblou. Cama bä mashi ma cuinö bä noshi nia ö̦jödabouje, bä shäbeje. Bä fö̦ö bä ma cuinö bä ijilubö ebä noshi nia ö̦jödabouje. Bä ijilubö ebä ma cuinö, bä fö̦ö, bä nöö ebä nabä nia shömaöje, bä shäbeje. 13Iba wamacö yalo, bluca bä bälöjöwä lä yaiblai bä ma cuinö, wamacö nofi nia wa̦libouje. Ö̦jö ma cui, a shämobä etä ma cuo däjä ma cui, a nö wa̦lojaö fe lä yadio wei a lä cui, ö̦jö a nia jucäamou fe yadio.
Jesúsnö bä moyawämaö
lä bufino wei tä a̦
14’Ö̦jö ma cui, bä da moyaweicu —Jesús a cuma—. Tä yai lä wa̦lidii tä lä cui, tä nö cuobö lä mlai jamö tä nia ublamabou fe yadioje, Yai Bada etä yafi jamö. Täbä bluca nia yai lä wa̦lidiblamaö wei, ö̦jö bei tä. ¿Ö̦jö tawä? Ei ya wa̦ ja, wamacö bufi ca̦i jaducuwä cuobä wamacö. Yai Bada a wa̦no wäyälewä bä lä cui, inaja bä cuu malä balöono wei. Ö̦jamö lä täbä lä wa̦lidiblamaö wei wama tä ublaa dablaö däjä, Judea jamö wamacö lä bälöle, tä lä jefubö wei jamö bä docuo cuo da showadaomobodu. 15Wamacö siboa waiquilayou ja, yafi jamö bä lucäö co̦daa dijä. Madofi wama bä co̦ablaö mlai ja, bä docua da showaolalu. 16Ficali ca jamö wamacö juu lä waiquile däjä, camishifä wama bä co̦ablaö mö yabao mlai ja, ö̦jamö lä showawä wamacö nia docublou cuaaö.
17’Bä lä shöbönabö wei, ¡bejedi lä ö̦jö bä nö nia bleaaö fe balojoo —a cuma—. Ijilu bä lä shadimabou wejei, inaja showawä bä nö nia bleaaö cuo. 18Maa däjä tä cublou mlaobä, Yai Bada nija bä da naco, ö̦jö lä. 19Täbä nö nia yai malä bleaaö wei. Yedu ja Yai Bada tänö täbä bluca lä tablaleno wei däjä, täbä nö bleaaö ma showaono wei ma cui, ö̦jö tä lä cublole däjä täbä nö nia shino yai bleaaö. Inaja täbä nia ca̦i cuaaö co̦o ma mlai ma cui, ö̦jö lä däjä moli bei bä nö nia shino yai bleaaö dodijio. 20Ö̦jö tä lä cublole däjä, Bada tänö tä ja̦mabou bufio mlao fa cunoja, moli ma cui täbä nö demi feio buobö mlai. Ö̦jö ma cui, cama ebä lä yaimabole bä feimabou fe yadiobä, tä nö nia dedejeblamanomi.
21’Ai bä a̦ ja, bä möla dijä —a cuma—. “¡Bei, bei! Yai Bada tänö a shömabä a lä yaileno wei a lä cui, ¡quijamö a wawälayou lä cufe!”, ai bä ma cuu wei ma cui, “¡Bei, bei! ¡Äyämö a waloqueyoluu lä cufe!”, ai bä ma cuu wei ma cui, ö̦jö bä a̦ bejedi bufibla dijejä. 22Bä lä jolemou wei bä nia wawäblou. Abinaja bä nia jole cuu. “Yai Bada tänö wale shömabä camiyä wale yailema”, bä nia jole cuu. Yai Bada a wa̦no jole jole lä wäyäö wejei bä ma cui, ö̦jö bä nia ca̦i wawäö mö feduo. Yai Bada a mayo nia jole wawämaöje. Tä nö lä quilijii tä nia ca̦i bluca wawämaö fe yadioje, täbä bufi fa taamajenö täbä yaclämabeje. Yai Bada ebä lä yaimabole bä ma cui, ö̦jö bä bufi taamaö fe yadiobeje bä nia wabäodii. 23¿Ö̦jö tawä? Ö̦jö ma cui bä da moyaweicu. Bluca tä nia lä cublou wei tä ja, bämacö yömölaö waiquia lä cule.
Jesús a nia itou lä
co̦oyoluu wei tä a̦
24’Ö̦jö ma cui, einaja täbä nö nia yai bleaaö lä cuo wei tä jödödöblou fa balölonö, motoca shi̦i nia luaaö majöo. Belibo a ma cui, inaja showawä a shi̦i nia cuomi majöo. 25Shidicali bä ma cui, bä nia bläläö. ¿Ö̦jö tawä? Judu mösö jamö bä lä shadiladi bä nia layäcäbladayou. 26Ö̦jö lä däjä, camiyä ya lä yanowamöblaleyoluno wei ya nia shino yai bädoyoluu. Ölajashi a jamö ya shi̦i ca̦i fa itoimadunö, wale nia yai lojode dablaöje. 27Ö̦jö däjä, iba a̦jele ya bä nia shömaö cuaaö, jödödöwä bä lä bälöblai jamö, iba ya bä lä yaileno wei bä co̦ablaö cuaabeje.
Ico fibä a̦fa wäyäö
lä ja̦loono wei tä a̦
28’Ico fibä ja, showadi wamacö bufi dao talei —Jesús a cuma—. Defi jenabä ducuu däjä, “Fei däjä motoca shi̦i ajeo co̦a nö culai”, wamacö bufi shino cuu. 29Inaja showawä, ei ya tä a̦ bluca lä wäyäfe, tä wawäblou däjä, wamacö bufi daobä cätä. “Fei däjä a itou ajedewä”, wamale nofi tabobä. 30Cafä wamacö nija ei ya wa̦ lä cui, bejedi lä ya wa̦. Wamacö fei däjä lä bälöblai wamacö bluca nomaö showaono mlai ja, ö̦jö tä nia bluca wawäblou balöo. 31Judu mösö ma cui, bita a ma cui, ö̦jö bä bluca ma mlaolaliyo wei ma cui, camiyä ya wa̦ nia mladoimi.
32’Ö̦jö ma cui, ya tä a̦ lä wäyäfe tä nia yai lä cubloyoluu wei, yanowamö täbänö ö̦jö lä tä yai daimije —a cuma—. Yai Bada a̦jele bä lä culadi bä ma cuinö, inaja showawä tä ca̦i daimi cuweje. Yai Bada bei Ijilubö ya e ma cuinö, inaja showawä ya tä ca̦i daimi cuwä. Fayänö ö̦jö tä shino yai daö ayawä. 33¿Ö̦jö tawä? Bä nö da daicu, ö̦jö lä. Wamacö bufi cuu mlao däjä, camiyä ya lä yanowamöblaleyoluno wei ya nia malä bädou wei.
34’Abinaja tä ca̦i cuwä —Jesús a cuma—. Shomi jamö bada a alayono wei ja, cama a nosie lä juamou wei ebä nö dablalou juo. A juu showao mlao däjä, cama ebä yömölaö balöo. Bä ojodamou juobä, bä nowa bluca taö cuaaö. Yoca lä jolemabou wei a lä cui, a nö dao juobä, a nosiemölefälöö. 35¿Ö̦jö tawä? Bä nö da daicu, ö̦jö lä. “Ö̦jö däjä Bada a yai nia wawäö”, wama a nofi tabou malä mlai. A weyade ca̦i nia lä co̦blou wei, wama tä daimi. Bäshäcuoladi tä ca̦i mlai. Cadala bä a̦ faö fe lä jaluu wei däjä ma cui, ö̦jö wama tä ca̦i daimi. A nia lä fenao wei, inaja showawä. 36A bädou bädalayou ja, wamacö mia dablajalou mlaobä, bä nö da daicu. 37Cafä bämacö nowa lä talenaja, bluca täbä nowa ca̦i tamamou mö feduobä ya wa̦. Bä nö da daicu, ö̦jö lä.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2012, All Rights Reserved