Marcos 14
14
Jesús a nofi lä
washuano wejei tä a̦
1Judio bänö bolacabö tä mö didi fa cublalunö, Yai Bada a waiteli lä jayuano wei a nofi nia co̦camoaö co̦omaje. Ö̦jö däjä, nii bä juluu lä mlai bä ja, bä jaba iyaö lä cuaano weinaja bä nia ca̦i cuaaö co̦oma, bä jaba lä cuaano wei tä nofi jaducubou showaobeje. Ö̦jö tä nö dabolajenö, bada bänö Jesús a nofi washuamaje. Nofi bäyäalewä blowäjäwä bä ma cuinö, Moisesi etä a̦ ja täbä lä damaö wejei bä ma cuinö, bä bufi moyawälanö a nia fa juwäajenö, a nia shämamaje. 2Abinaja ai bä malä cuno wei.
—Täbä iyaö ca̦i co̦camou showaono mlai ja bäma a yai shäö showadaobä, täbä nia lä co̦camou wei täbä shifilimoblalou dicoo wei.
Nö cle̦deli toubänö Jesús
a fe lä löbeno wei tä a̦
3Bedaniateli Simón e yafi jamö, Jesús a iyaö ca̦i loaliyoma. Ö̦jö a Simón lä cui, täbä sicö lä jodemaö wei tä wayunö a lä jaliliono wei, bei a li cuoma. Ö̦jö däjä, suwä anö toubä nö lä cle̦deli wei toubä besi ca̦i waloqueyoluma, toubä nowa bluca lä dodijii. Toubä fe fa caloblalönö, Jesús a iyaö ca̦i loo däjä a fe löblalema. 4Ö̦jö ma cui, ai bä lä coyocomono wei bä bufi fa jushujudalunö, abinaja bä bufi cudou dicolayoma. “Toubä nowa ma bluca wei ma cui, ¿wedi tabä toubä li wa̦lia bälei? 5Ö̦jö lä toubä ja ¿wedi tabä blada 300 bä li däanomi, bä lä jo̦li wei bä yai bayeliblamobä?”, bä bufi cudaliyoma. Inaja bä bufi cuolanö, a suwä wasöö showadaomaje.
6Ö̦jö ma cui, abinaja Jesúsnö bä nowa tama.
—A suwä wasöö dicoo dijejä. ¿Wedi tabä bei wama a bufi li suwä yabäcaö dicoblaa cule? Wale fe lä löbafe, tä dodijidawä waiquiwä. 7Bä lä jo̦li wei bä lä cui, cafä wamacö nijamö showadi bä nia malä cudio wei. Wama bä bayeliblaö bufi doblao ja, wama bä bayeliblaö juobä lä cäbä. Ö̦jö ma cui, camiyä ya yai nia cudiomi. 8Dodijidawä wale taamabobä toubä ca̦i waloquei lä cufe. Inaja lä yai. Toubä nö lä cle̦deli wei toubänö, showadi täbä nomawä lä jölöcaö wejeinaja, bei wale taamaö balöa lä cule. ¿Ö̦jö tawä? 9Cafä wamacö nija ei ya wa̦ lä cui, bejedi lä ya wa̦. Jödödöwä tä jamö ma cui, iba dodijidawä tä a̦ wäyämamou cuaabä jamö, ei a suwänö wale fe lä löblalöfe tä a̦fa nia ca̦i wäyämamou cuaaö mö feduo, a lä dodijano wei, tä nofi jaducubou nodiablalobeje —bä nowa tama.
Judanö Jesús a nia lä
nomojoliano wei tä a̦
10Ö̦jö däjä, nofi bäyäalewä blowäjäwä bä nijamö Juda Icaliode a alayoma. Ö̦jö bä nija a jömabä, Jesús a nia lä nomojoliano wei a wa̦fa wäamoma. ¿Ö̦jö tawä? Jesúsnö bä 12 lä nocamabono wei a Juda cuoma. 11Ö̦jö a wa̦ ja, nofi bäyäalewä bä bufi bada doblaloma. A nia lä jömaö wei tä nowa ja, blada ebä a̦fa wäa showadaquemaje. Ö̦jö däjä, Jesús a nia lä nomojoliano wei tä nofi dayäaö showadaoma.
Jödödö bä lä iyalayono wei tä a̦
12Nii bä juluu lä mlai bä ja, judio bä jaba iyaö ca̦i co̦camou co̦o däjä, oweja ocalo bä shäbeje tä mö jalu lä cuono wei däjä, cama ebä lä nocamabono wei bä lä cui, abinaja Jesús nija ebä cuma.
—¿Wedinaja wa bufi cuu? Yai Bada a waiteli lä jayuano wei bäma a nofi co̦camoaö co̦obä, ¿wedi jamö yafi lä cui jamö yama bä nii baabä? —ebä cuma.
13Ö̦jö cudeenö, cama ebä lä nocamabono wei ai cäcöbö shömöa balölema. Abinaja cäcöbö nowa tama.
—Bei. Shabono jamö wafäcö co̦blou ja, mau ubä befi ca̦i lä döcömabole wafä a mö nia wa̦lo baamadayou. Ö̦jö nija wafäcö fa nocalofälönö, 14cama a lä fale jamö, wafäcö falö. Ö̦jö a yafibö lä cui nija ya tä a̦ lä wäyäö wei ya lä cui, wafäle wa̦no wäabä. Wafä yano wa̦li. Ö̦jamö iba bämacö lä nocamabole wamacö sho bämacö nia iyaö, Yai Bada a waiteli lä jayuano wei bäma a nofi co̦camoaö co̦obä. 15A yano lä feyacale tä bada jömöaö wä, madofi bä befi ca̦i. Ö̦jamö lä bämacö iyabä wafä bä nii bacö —cäcöbö nowa tama.
16Ö̦jö däjä, cama ebä lä nocamabono wei cäcöbä lä cui, shabono jamö cäcöbö fa alufälönö, Jesús a lä cuu weinaja, inaja showawä tä dabölalema. Yai Bada a waiteli lä jayuano wei a nofi co̦camoaö co̦obeje, ö̦jö a yafi jamö täbä nii baböquema.
17Tä mö weyaaö däjä, ö̦jamö Jesúsnö cama 12 ebä ca̦i waloquema. 18Bä iyaö ca̦i loo däjä, abinaja Jesús a cuma.
—Cafä wamacö nija ei ya wa̦ lä cui, bejedi lä ya wa̦. Cafä wamacö ai a lä cuinö, camiyä bämacö nija a iyaö ca̦i lä co̦calenö, ö̦jönö wale nia nomojoliaö —a cuma.
19Cama a wa̦ ja bä nofi fa jalujublamolunö, abinaja ebä cudaliyoma.
—¿Camiyä inaja ya nia cuaaö tawä? —bä cudou nocalayoma.
20Abinaja Jesús e cuu nomöjöoma.
—Iba 12 wamacö nija ai a lä culenö wale nia taamaö. Ei nii ya lä ödäale jamö, a nii ca̦i ödäaö lä yädämole a lä cuinö. 21¿Ö̦jö tawä? —a cuma—. Camiyä ya lä yanowamöblaleyoluno wei ya lä cui, bejedi lä wale nia nomamaöje, Yai Bada etä a̦ oni jamö ya wa̦fa lä wäyämamou weinaja showawä. Ö̦jö ma cui, wale nia yai lä nomojoliaö wei a lä cui, ö̦jö a nö nia shino yai bleaaö fe balojoo. Bä nöönö a lä didibole jamö, a oshe wai mojodi nomaö showadao fa cunoja, etä nö shino yai doblaobö wei —a cuma.
22Bä iyaö showao däjä, nii a fa dälänö, Yai Bada nija a bufi a̦fa doblalou wäyämoma. Ö̦jö däjä, a fa joyolalönö, cama ebä nija bä jöbäö cuaama. Bä jöbödalanö abinaja e cuma.
—Ei nii a da dälöje. Ei nii a lä cui, camiyä ei bei ya ya̦ji nö owä —e cuma.
23Ö̦jö däjä ji̦shima a ja, nashiwä toubä befi ca̦i däa nomöjölema. Yai Bada nija a bufi a̦fa doblalou wäyämou fa balöonö, cama ebä nija toubä befi ca̦i fa jöböcönö, cama ebä blucanö toubä codaö cuaamaje. 24Ö̦jö däjä abinaja bä nowa tama.
—Yai Bada tänö tä a̦fa lä wäqueno wei tä a̦ bejedi cublobä, ö̦jö bei lä ya i̦yäbö nö owä. Bluca täbä bayeliblamobä, ya i̦yäbö läblalio. 25Cafä wamacö nija ei ya wa̦ lä cui, bejedi lä ya wa̦. Ei uba bäma toubä nashiwä lä coale, ya toubä nia coaö co̦o jaöomi. ¿Ö̦jö tawä? Obi, Yai Bada tänö cama ebä nia ca̦i lä cuo wei däjä, ö̦jö däjä ya toubä nia shino coaö co̦o —a cuma.
Pedronö Jesús a nofi nia
jole lä mojodubono wei tä a̦
26Ö̦jö däjä, bä amowamoa fa balölönö, Oliba tä balöcö jamö Jesúsnö cama ebä ca̦i aa co̦layofälöma. 27Abinaja Jesúsnö bä nowa tafälöma.
—Wamacö bluca fa quililalunö yamale nia daa dicoquei. ¿Ö̦jö tawä? Abinaja Yai Bada etä a̦ oni malä cuu wei.
Oweja bä ca̦i lä cule a lä cui, ö̦jö ya fa shämalönö, cama ebä nia sheleleblamodayou.
’Einaja tä a̦ oni cuu. 28Ö̦jö ma cui, ya demi jocädou fa co̦lonö, Calilea tä ulifi jamö bämacö möyou co̦obä ya nia balölayofälöö —Jesúsnö bä nowa tafälöma.
29Abinaja Pedronö a nowa taö nomöjöoma.
—Ei ai bä lä cuinö wa ma daquei wejei däjä, camiyä ya inaja cuaaö mlaicätä —a nowa tama.
30Jesúsnö abinaja a nowa tama.
—Cafä nija ei ya wa̦ lä cui, bejedi lä ya wa̦. Ei tä didi showawä ja, cadala a wa̦ faö showao mlao däjä, cafänö 3 wale nofi nia jole jole mojodubou cuo —a cuma.
31Ö̦jö ma cui, Pedro a wa̦ lojodoaö ja, abinaja e cuu fe yadioma.
—Ma. Cafä bäfä bayeliblaö ja, ya shämou mö feduobä tä ma cublole ma cui, bäfä nofi nia jole jole mojoduboimi —e cuma.
Inaja showawä cama ai ebä bluca cublalou mö feduo showaoma.
Oliba tä balöcö jamö Jesús a
nö bayeli lä nacaono wei tä a̦
32Jesemani tä a̦fa ulifi lä jilabou wejei jamö bä alayofälöma. Bä fa waloalunö, cama ebä lä nocamabono wei bä nija abinaja Jesús e cuma.
—Yai Bada nija ya nö bayeli nacao däjä, äyämö bä loa da balöicu —e cuma.
33Pedro, Santiago, Juan bä lä cui, ö̦jö bä shino nacalefälöma. Ö̦jö bä ca̦i fa bayäcäblaludunö, a bufi jalujublou dodijilayoma. A bufi ca̦i wajäblaliyoma. 34Abinaja e cuma.
—Bufi jalujou tänö jai ya nö nomaa showadalayobö, ya bufi cuaaö dicoa lä cuimadi. Eja bä jilaa da jeicu. Bä nö da daicu —bä nowa tama.
35Jesús a bayäcäblou fa co̦lodunö, a blaaledayoma. Yai Bada nija a nö bayeli nacao ja, abinaja a cuma.
—Fei däjä wale nö yai nia lä bleaamaö wejei tä lä cui, wa tä blajamabä tä cua ja, tä da blajamalö. 36Cafänö wa tä bluca taö daö malä cui. ¡Fabe! —a cuma—. ¡Fabemi! Wale nö nia lä bleaamaö wejei, ¡tä yai da blajamalö! Ö̦jö ma cui, wa tä nö blajamabimi waiquiwä ja, ö̦jö waiquiwä. Camiyä ya cuaaö bufi lä doblao weinaja mlai, cafänö wale taamaö bufi lä doblao weinaja wale da taama —a cuma.
37Ö̦jö däjä, cama ebä jilaa lä jäle jamö a waloa fa co̦iquiyonö, bä mia dalalema. Pedro nija abinaja e cudaleyoluma.
—Simón. ¿Wa midia dicoa mlalawä? Wa nö nia lä dao wei, wa nö dedejebloimi waiquiwä. 38Bä nö shino da daicu. Yai Bada nija bä nö ca̦i bayeli da nacao, Sadanasinö wamacö yabäcäblaö däjä, wama a wa̦ juaö yacläo dicoo mlaobä. Wamacö cadidou bufi ma doblao wei ma cui, wamacö ujuduu si ijejewä waiquiwä—Jesús e cuma.
39Ö̦jamö lä a aa fa co̦lufälönö, a jaba lä cuno weinaja a cuu co̦obä, a nö bayeli nacao co̦odayoma. 40Ö̦jö däjä, cama ebä jilao lä juono wei jamö, a waloa fa co̦iquiyonö, bä mia daa co̦laleyoluma. Bä malishama yalo, bä la̦diobä bä cuonomi. Ojö däjä, bä a̦ juobä etä cuo fa mlacunö, bä mamicai mamo li showajao buoma.
41Cama ebä nija 3 a waloo lä co̦le däjä, abinaja bä nowa tadaleyoluma.
—¡Uo! ¿Wamacö midia showaa cule? ¿Bei wamacö washimi jolou showawä tawä? Inaja lä waiquiwä. Bei. Fei däjä tä cublou waiquia lä cule. Ya lä yanowamöblaleyoluno wei wale nia nomojoliaö, wa̦lidiwä talewä bä nija wale jöböabä. 42¿Ö̦jö tawä? Bei. Bä da jocäcädalu. ¡Bämacö da jufälö! ¡Quiji, quiji, tä da möje! Wale nia lä nomojoliaö weinö wale nabä juu waiquia lä cuimi —bä nowa tama.
Jesús a lä juwäleno wejei tä a̦
43Jesúsnö inaja bä nowa taö showao däjä, bä lä toujublaliyono wei bä lä cui, yedu Judanö bä ca̦i blacädaleyoluma. Sibala bä showabomaje, nablushi bä ca̦i. ¿Ö̦jö tawä? Ö̦jö Juda a lä cui, Jesúsnö cama 12 ebä lä nocamabono wei ai e cuoma. Nofi bäyäalewä blowäjäwä bä ma cuinö, Moisesi etä a̦ ja täbä lä damaö wejei bä ma cuinö, judio ai bä bada ma cuinö, ö̦jö bänö bä wayu shömölemaje. 44Jesús a nia lä nomojoliaö weinö, abinaja bä nowa taö malä balöono wei.
—Ya mamocacö nia lä buyucaö wei, ö̦jö bei a waiquiwä. Wama a fa juwälönö, wama a documaö mlai ja, wama a öböafälöbä —bä nowa taa balölema.
45¿Ö̦jö tawä? Jesús a nabä cadidio showadaolanö abinaja Juda e cuma.
—¡Bada tä! —e fa cudalunö, mamocacö buyucaö showadaoma.
46Ö̦jö däjä, Jesús a nabä quea fa showadaicujenö, a juwälemaje.
47Ö̦jö ma cui, Jesús ai e ublao lä ajedeono wei a lä cuinö, sibala a fa ucädalönö, a ishoa mö balayoma. Nofi bäyäalewä bada a wa̦ juamobä e nabä fa queicunö, a yömöca baquequeblalema.
48Ö̦jö däjä, a nabä lä juno wejei bä nija abinaja a Jesús cuma.
—Tomömolewä bä nabä juu lä culajeinaja, ¿wedi tä tabä bei wamale nabä li juu cuaaö dicoo cufe? ¿Wedi tä tabä shocobi, nablushi wama bä ca̦i fa juimanö, bei wamale li juwämaö cuboyoi? 49Yai Bada etä yafi jamö showadi bämacö ca̦i looma. Ö̦jamö ya täbä yömölaö däjä, wamale juwäano malä mlai. Ö̦jö ma cui, Yai Bada etä a̦ oni jamö tä a̦ lä cuu weinaja tä a̦ bejedi cublobä, ei tä waiquiwä —a cuma.
50Ö̦jö däjä cama ebä lä cuinö, Jesús a fa dacöfälöjenö, bä docuolaliyoma. 51¿Ö̦jö tawä? Jesús nija ai a fiya nocaaö fe yadiofälöma. Camishi cäcö ja a didio mlai ja, acadafu cäcönö a shino jo̦yao bädaoma. Ö̦jö a nia juwäama ma cujei, 52bä imicö lä waliblaole däjä ecö acadafu icocolayoma. Ö̦jö cäcö tabi fa feiquefälönö, shinocu a doculayofälöma.
Nofi bäyäalewä a
bada nijamö Jesús a
lä öbölefälöno wejei tä a̦
53Ö̦jö däjä, nofi bäyäalewä blowäjäwä e yafi jamö, Jesús a öbölefälömaje. Nofi bäyäalewä blowäjäwä bä ma cui, judio ai bä bada ma cui, Moisesi etä a̦ ja täbä lä damaö wejei bä ma cui, ö̦jamö lä ö̦jö bä bluca co̦camoa waiquilayoma bä cuoma. 54Pedro a jäwäjäwä fa yauicunö, nofi bäyäalewä bada e yafi sibo lä ji̦coloi jamö, a lucäa jälayofälöma. Ö̦jamö Yai Bada tä yafi lä nowamano wejei bä sodado lä cui, ö̦jö bä si lä bomono wei jamö a ca̦i loa mö fedualiyoma, a si bomobä.
55Bei. Nofi bäyäalewä blowäjäwä bä ma cuinö, ai bä bada yododaö mö lä feduono wei bä ma cuinö, Jesús a wa̦fa jole wäyäbeje bä dayäamaje, ö̦jö lä bä a̦ ja, a shämaö showadaobeje. Bä ma dayäano wejei ma cui bä cuonomi. 56A wa̦fa jole lä wäyäno wejei bä ma blucaono wei ma cui, bä jolemoma yalo, bä a̦ faö fe usucublonomi. 57Ai bä fa ubladonö, a wa̦fa jole wäyäöje ja abinaja ebä cuma.
58—Ei a lä cui, yama a wa̦ ji̦lilei cublelei. Abinaja a cuma. “Ei Yai Bada etä yafi lä cui, yanowamö bänö a yafi lä tablaleno wejei a lä cui, ya e yafi nia wa̦liaö. Ö̦jö däjä bolacabö tä mö didi cublou fa co̦lonö, ai ya yafi nia tablaö co̦o majöo, yanowamö bänö a yafi tablaö daö lä mlajei a yafi lä cui.” Einaja a cuu cublelei —ebä cuma.
59Inaja a wa̦no wäyäö ma cuaano wejei ma cui, bä a̦ shomiablalou mö feduo fe yadioma.
60Ö̦jö däjä, nofi bäyälewä bada a ublaa fa möamoblalunö, Jesús a wa̦ nia fa wäamanö, a wa̦lii cadidioma.
—¿Wa wa̦ nia juomi tawä? ¿Wa wa̦fa lä wäyäfajei bä a̦ bejedi tawä? —e cuma ma cui, 61Jesús a wa̦ juo mlai ja, mamicai a ubladioma.
Nofi bäyäalewä bada anö a wa̦lii co̦oma.
—Yai Bada tänö a shömabä a lä yaileno wei, ¿ö̦jö lä cafä bei wa e waiquiwä tawä? A wa̦fa doblao lä talajei, ¿ö̦jö wa Ijilubö tawä?
62—Awei. Ö̦jö lä ya e —Jesús e cudaliyoma—. Ya lä yanowamöblaleyoluno wei ya lä cui, Yai Bada a nö wa̦lojaö lä ayao wei boco jayu mashi jamö, wamale nia ca̦i döcäa dabladayou. Ölajashi a jamö wamale ca̦i nia itou dablaö —a cuma.
63Ö̦jö a wa̦ ja, nofi bäyäalewä bada a lä cui, a nö wa̦lowä jushudaliyoma yalo a camishibö cacablamolayoma. Abinaja bä nowa bluca tama.
—¿Ö̦jö tawä? ¿Wedi tä tabä ai bäma bä a̦ li ji̦liaa co̦lei? 64Yai Bada a nö lä waiblafe, wama a wa̦ ji̦liaa waiquilei lä cufe. Yanowamö a ma cui, ¡Yai Bada a wa̦fa jilou! Fei däjä, ¿wedinaja wamacö bufi cuu dodijio? —bä nowa tama.
Ö̦jö a wa̦ ja, Jesús a shämaö showadao bufimaje.
65Ai bänö a nabä icua showadaquemaje. A mö cläshamaje. A ca̦i shädaamaje. Mamocu fa jo̦yabojenö, a nö waiblaöje ja, a ca̦i wa̦limaje.
—Yai Bada a wa̦no wäyälewä wa yalo, tä a̦fa wäa da cadidiba. ¿Wedinö bei wa shälei cufe? —a nowa tamaje.
Bä sodado lä läono wei bä ma cuinö a si ca̦i baimaje.
Pedronö Jesús a nofi jole
lä mojodubono wei tä a̦
66Yano lä feyacale jamö, Jesús a wa̦lijilayouje däjä, bäfätä jamö Pedro a loo juoma, yafi sibo lä ji̦coloi jamö. Ö̦jamö a loo däjä a suwä waloquema, nofi bäyäalewä bada a wa̦ juamobä a suwä lä cui. 67Pedro a si bomou fa dalalönö, a möö dodijolanö abinaja e cuma.
—Nasaleteli Jesús a lä cui nija cafä wa ca̦i cuoma —a cuma.
68Ö̦jö ma cui, a wa̦ jole mojodumoma. Abinaja Pedro a cuma.
—Cuwi. Camiyä nija wa lä cufe ya tä daimi —suwä nija a cuma.
Einaja e fa cunö, yoca lä joleono wei jamö a icua cublou majölayoma. 69Ö̦jamö lä a cuo majöo däjä, bada a wa̦ juamobä a suwä lä cuinö a daa fa co̦lalönö, a wa̦ faö co̦oma, ai bä ublao lä ajedeono wei bä nija.
—Fei a lä cui, ö̦jö lä bä nija a ca̦i co̦caoma —a cuma.
70Öjö ma cui, a wa̦ jole mojodumou co̦oma.
Tä nö dedejedou fa co̦lonö, bä ublao lä ajedeono wei bä lä cui, abinaja Pedro nija bä cuu co̦oma.
—Bejedi lä ö̦jö bä nija cafä wa ca̦i co̦caoma. Calileateli wa malä cui —bä cuma.
71Ö̦jö ma cui, Pedro a wa̦ jole mojodumou co̦oma. Yai Bada a wa̦fa ca̦i jayumama, a jolemou bädao ja, a nö bleaamamou showadaobä.
—Ö̦jö wa wa̦fa lä wäyäfe a wa̦lo lä cui, ya daimi —a jole cuma.
72Inaja Pedro a lä cuno wei däjä, yedu cadala a wa̦ nocablaliyoma. A wa̦ cadala faö co̦o waiquioma yalo, Jesúsnö a nowa lä tano wei, Pedronö tä nofi jaducudalema. “Cadala a wa̦ faö co̦o showao mlao däjä, 3 wale nofi nia jole mojodubou”, a nowa malä tano wei. Ö̦jö däjä a bufi fa wajäblalunö, a ö̦cöma.
Currently Selected:
Marcos 14: GUU
Highlight
Share
Copy
Want to have your highlights saved across all your devices? Sign up or sign in
©2012, All Rights Reserved
Marcos 14
14
Jesús a nofi lä
washuano wejei tä a̦
1Judio bänö bolacabö tä mö didi fa cublalunö, Yai Bada a waiteli lä jayuano wei a nofi nia co̦camoaö co̦omaje. Ö̦jö däjä, nii bä juluu lä mlai bä ja, bä jaba iyaö lä cuaano weinaja bä nia ca̦i cuaaö co̦oma, bä jaba lä cuaano wei tä nofi jaducubou showaobeje. Ö̦jö tä nö dabolajenö, bada bänö Jesús a nofi washuamaje. Nofi bäyäalewä blowäjäwä bä ma cuinö, Moisesi etä a̦ ja täbä lä damaö wejei bä ma cuinö, bä bufi moyawälanö a nia fa juwäajenö, a nia shämamaje. 2Abinaja ai bä malä cuno wei.
—Täbä iyaö ca̦i co̦camou showaono mlai ja bäma a yai shäö showadaobä, täbä nia lä co̦camou wei täbä shifilimoblalou dicoo wei.
Nö cle̦deli toubänö Jesús
a fe lä löbeno wei tä a̦
3Bedaniateli Simón e yafi jamö, Jesús a iyaö ca̦i loaliyoma. Ö̦jö a Simón lä cui, täbä sicö lä jodemaö wei tä wayunö a lä jaliliono wei, bei a li cuoma. Ö̦jö däjä, suwä anö toubä nö lä cle̦deli wei toubä besi ca̦i waloqueyoluma, toubä nowa bluca lä dodijii. Toubä fe fa caloblalönö, Jesús a iyaö ca̦i loo däjä a fe löblalema. 4Ö̦jö ma cui, ai bä lä coyocomono wei bä bufi fa jushujudalunö, abinaja bä bufi cudou dicolayoma. “Toubä nowa ma bluca wei ma cui, ¿wedi tabä toubä li wa̦lia bälei? 5Ö̦jö lä toubä ja ¿wedi tabä blada 300 bä li däanomi, bä lä jo̦li wei bä yai bayeliblamobä?”, bä bufi cudaliyoma. Inaja bä bufi cuolanö, a suwä wasöö showadaomaje.
6Ö̦jö ma cui, abinaja Jesúsnö bä nowa tama.
—A suwä wasöö dicoo dijejä. ¿Wedi tabä bei wama a bufi li suwä yabäcaö dicoblaa cule? Wale fe lä löbafe, tä dodijidawä waiquiwä. 7Bä lä jo̦li wei bä lä cui, cafä wamacö nijamö showadi bä nia malä cudio wei. Wama bä bayeliblaö bufi doblao ja, wama bä bayeliblaö juobä lä cäbä. Ö̦jö ma cui, camiyä ya yai nia cudiomi. 8Dodijidawä wale taamabobä toubä ca̦i waloquei lä cufe. Inaja lä yai. Toubä nö lä cle̦deli wei toubänö, showadi täbä nomawä lä jölöcaö wejeinaja, bei wale taamaö balöa lä cule. ¿Ö̦jö tawä? 9Cafä wamacö nija ei ya wa̦ lä cui, bejedi lä ya wa̦. Jödödöwä tä jamö ma cui, iba dodijidawä tä a̦ wäyämamou cuaabä jamö, ei a suwänö wale fe lä löblalöfe tä a̦fa nia ca̦i wäyämamou cuaaö mö feduo, a lä dodijano wei, tä nofi jaducubou nodiablalobeje —bä nowa tama.
Judanö Jesús a nia lä
nomojoliano wei tä a̦
10Ö̦jö däjä, nofi bäyäalewä blowäjäwä bä nijamö Juda Icaliode a alayoma. Ö̦jö bä nija a jömabä, Jesús a nia lä nomojoliano wei a wa̦fa wäamoma. ¿Ö̦jö tawä? Jesúsnö bä 12 lä nocamabono wei a Juda cuoma. 11Ö̦jö a wa̦ ja, nofi bäyäalewä bä bufi bada doblaloma. A nia lä jömaö wei tä nowa ja, blada ebä a̦fa wäa showadaquemaje. Ö̦jö däjä, Jesús a nia lä nomojoliano wei tä nofi dayäaö showadaoma.
Jödödö bä lä iyalayono wei tä a̦
12Nii bä juluu lä mlai bä ja, judio bä jaba iyaö ca̦i co̦camou co̦o däjä, oweja ocalo bä shäbeje tä mö jalu lä cuono wei däjä, cama ebä lä nocamabono wei bä lä cui, abinaja Jesús nija ebä cuma.
—¿Wedinaja wa bufi cuu? Yai Bada a waiteli lä jayuano wei bäma a nofi co̦camoaö co̦obä, ¿wedi jamö yafi lä cui jamö yama bä nii baabä? —ebä cuma.
13Ö̦jö cudeenö, cama ebä lä nocamabono wei ai cäcöbö shömöa balölema. Abinaja cäcöbö nowa tama.
—Bei. Shabono jamö wafäcö co̦blou ja, mau ubä befi ca̦i lä döcömabole wafä a mö nia wa̦lo baamadayou. Ö̦jö nija wafäcö fa nocalofälönö, 14cama a lä fale jamö, wafäcö falö. Ö̦jö a yafibö lä cui nija ya tä a̦ lä wäyäö wei ya lä cui, wafäle wa̦no wäabä. Wafä yano wa̦li. Ö̦jamö iba bämacö lä nocamabole wamacö sho bämacö nia iyaö, Yai Bada a waiteli lä jayuano wei bäma a nofi co̦camoaö co̦obä. 15A yano lä feyacale tä bada jömöaö wä, madofi bä befi ca̦i. Ö̦jamö lä bämacö iyabä wafä bä nii bacö —cäcöbö nowa tama.
16Ö̦jö däjä, cama ebä lä nocamabono wei cäcöbä lä cui, shabono jamö cäcöbö fa alufälönö, Jesús a lä cuu weinaja, inaja showawä tä dabölalema. Yai Bada a waiteli lä jayuano wei a nofi co̦camoaö co̦obeje, ö̦jö a yafi jamö täbä nii baböquema.
17Tä mö weyaaö däjä, ö̦jamö Jesúsnö cama 12 ebä ca̦i waloquema. 18Bä iyaö ca̦i loo däjä, abinaja Jesús a cuma.
—Cafä wamacö nija ei ya wa̦ lä cui, bejedi lä ya wa̦. Cafä wamacö ai a lä cuinö, camiyä bämacö nija a iyaö ca̦i lä co̦calenö, ö̦jönö wale nia nomojoliaö —a cuma.
19Cama a wa̦ ja bä nofi fa jalujublamolunö, abinaja ebä cudaliyoma.
—¿Camiyä inaja ya nia cuaaö tawä? —bä cudou nocalayoma.
20Abinaja Jesús e cuu nomöjöoma.
—Iba 12 wamacö nija ai a lä culenö wale nia taamaö. Ei nii ya lä ödäale jamö, a nii ca̦i ödäaö lä yädämole a lä cuinö. 21¿Ö̦jö tawä? —a cuma—. Camiyä ya lä yanowamöblaleyoluno wei ya lä cui, bejedi lä wale nia nomamaöje, Yai Bada etä a̦ oni jamö ya wa̦fa lä wäyämamou weinaja showawä. Ö̦jö ma cui, wale nia yai lä nomojoliaö wei a lä cui, ö̦jö a nö nia shino yai bleaaö fe balojoo. Bä nöönö a lä didibole jamö, a oshe wai mojodi nomaö showadao fa cunoja, etä nö shino yai doblaobö wei —a cuma.
22Bä iyaö showao däjä, nii a fa dälänö, Yai Bada nija a bufi a̦fa doblalou wäyämoma. Ö̦jö däjä, a fa joyolalönö, cama ebä nija bä jöbäö cuaama. Bä jöbödalanö abinaja e cuma.
—Ei nii a da dälöje. Ei nii a lä cui, camiyä ei bei ya ya̦ji nö owä —e cuma.
23Ö̦jö däjä ji̦shima a ja, nashiwä toubä befi ca̦i däa nomöjölema. Yai Bada nija a bufi a̦fa doblalou wäyämou fa balöonö, cama ebä nija toubä befi ca̦i fa jöböcönö, cama ebä blucanö toubä codaö cuaamaje. 24Ö̦jö däjä abinaja bä nowa tama.
—Yai Bada tänö tä a̦fa lä wäqueno wei tä a̦ bejedi cublobä, ö̦jö bei lä ya i̦yäbö nö owä. Bluca täbä bayeliblamobä, ya i̦yäbö läblalio. 25Cafä wamacö nija ei ya wa̦ lä cui, bejedi lä ya wa̦. Ei uba bäma toubä nashiwä lä coale, ya toubä nia coaö co̦o jaöomi. ¿Ö̦jö tawä? Obi, Yai Bada tänö cama ebä nia ca̦i lä cuo wei däjä, ö̦jö däjä ya toubä nia shino coaö co̦o —a cuma.
Pedronö Jesús a nofi nia
jole lä mojodubono wei tä a̦
26Ö̦jö däjä, bä amowamoa fa balölönö, Oliba tä balöcö jamö Jesúsnö cama ebä ca̦i aa co̦layofälöma. 27Abinaja Jesúsnö bä nowa tafälöma.
—Wamacö bluca fa quililalunö yamale nia daa dicoquei. ¿Ö̦jö tawä? Abinaja Yai Bada etä a̦ oni malä cuu wei.
Oweja bä ca̦i lä cule a lä cui, ö̦jö ya fa shämalönö, cama ebä nia sheleleblamodayou.
’Einaja tä a̦ oni cuu. 28Ö̦jö ma cui, ya demi jocädou fa co̦lonö, Calilea tä ulifi jamö bämacö möyou co̦obä ya nia balölayofälöö —Jesúsnö bä nowa tafälöma.
29Abinaja Pedronö a nowa taö nomöjöoma.
—Ei ai bä lä cuinö wa ma daquei wejei däjä, camiyä ya inaja cuaaö mlaicätä —a nowa tama.
30Jesúsnö abinaja a nowa tama.
—Cafä nija ei ya wa̦ lä cui, bejedi lä ya wa̦. Ei tä didi showawä ja, cadala a wa̦ faö showao mlao däjä, cafänö 3 wale nofi nia jole jole mojodubou cuo —a cuma.
31Ö̦jö ma cui, Pedro a wa̦ lojodoaö ja, abinaja e cuu fe yadioma.
—Ma. Cafä bäfä bayeliblaö ja, ya shämou mö feduobä tä ma cublole ma cui, bäfä nofi nia jole jole mojoduboimi —e cuma.
Inaja showawä cama ai ebä bluca cublalou mö feduo showaoma.
Oliba tä balöcö jamö Jesús a
nö bayeli lä nacaono wei tä a̦
32Jesemani tä a̦fa ulifi lä jilabou wejei jamö bä alayofälöma. Bä fa waloalunö, cama ebä lä nocamabono wei bä nija abinaja Jesús e cuma.
—Yai Bada nija ya nö bayeli nacao däjä, äyämö bä loa da balöicu —e cuma.
33Pedro, Santiago, Juan bä lä cui, ö̦jö bä shino nacalefälöma. Ö̦jö bä ca̦i fa bayäcäblaludunö, a bufi jalujublou dodijilayoma. A bufi ca̦i wajäblaliyoma. 34Abinaja e cuma.
—Bufi jalujou tänö jai ya nö nomaa showadalayobö, ya bufi cuaaö dicoa lä cuimadi. Eja bä jilaa da jeicu. Bä nö da daicu —bä nowa tama.
35Jesús a bayäcäblou fa co̦lodunö, a blaaledayoma. Yai Bada nija a nö bayeli nacao ja, abinaja a cuma.
—Fei däjä wale nö yai nia lä bleaamaö wejei tä lä cui, wa tä blajamabä tä cua ja, tä da blajamalö. 36Cafänö wa tä bluca taö daö malä cui. ¡Fabe! —a cuma—. ¡Fabemi! Wale nö nia lä bleaamaö wejei, ¡tä yai da blajamalö! Ö̦jö ma cui, wa tä nö blajamabimi waiquiwä ja, ö̦jö waiquiwä. Camiyä ya cuaaö bufi lä doblao weinaja mlai, cafänö wale taamaö bufi lä doblao weinaja wale da taama —a cuma.
37Ö̦jö däjä, cama ebä jilaa lä jäle jamö a waloa fa co̦iquiyonö, bä mia dalalema. Pedro nija abinaja e cudaleyoluma.
—Simón. ¿Wa midia dicoa mlalawä? Wa nö nia lä dao wei, wa nö dedejebloimi waiquiwä. 38Bä nö shino da daicu. Yai Bada nija bä nö ca̦i bayeli da nacao, Sadanasinö wamacö yabäcäblaö däjä, wama a wa̦ juaö yacläo dicoo mlaobä. Wamacö cadidou bufi ma doblao wei ma cui, wamacö ujuduu si ijejewä waiquiwä—Jesús e cuma.
39Ö̦jamö lä a aa fa co̦lufälönö, a jaba lä cuno weinaja a cuu co̦obä, a nö bayeli nacao co̦odayoma. 40Ö̦jö däjä, cama ebä jilao lä juono wei jamö, a waloa fa co̦iquiyonö, bä mia daa co̦laleyoluma. Bä malishama yalo, bä la̦diobä bä cuonomi. Ojö däjä, bä a̦ juobä etä cuo fa mlacunö, bä mamicai mamo li showajao buoma.
41Cama ebä nija 3 a waloo lä co̦le däjä, abinaja bä nowa tadaleyoluma.
—¡Uo! ¿Wamacö midia showaa cule? ¿Bei wamacö washimi jolou showawä tawä? Inaja lä waiquiwä. Bei. Fei däjä tä cublou waiquia lä cule. Ya lä yanowamöblaleyoluno wei wale nia nomojoliaö, wa̦lidiwä talewä bä nija wale jöböabä. 42¿Ö̦jö tawä? Bei. Bä da jocäcädalu. ¡Bämacö da jufälö! ¡Quiji, quiji, tä da möje! Wale nia lä nomojoliaö weinö wale nabä juu waiquia lä cuimi —bä nowa tama.
Jesús a lä juwäleno wejei tä a̦
43Jesúsnö inaja bä nowa taö showao däjä, bä lä toujublaliyono wei bä lä cui, yedu Judanö bä ca̦i blacädaleyoluma. Sibala bä showabomaje, nablushi bä ca̦i. ¿Ö̦jö tawä? Ö̦jö Juda a lä cui, Jesúsnö cama 12 ebä lä nocamabono wei ai e cuoma. Nofi bäyäalewä blowäjäwä bä ma cuinö, Moisesi etä a̦ ja täbä lä damaö wejei bä ma cuinö, judio ai bä bada ma cuinö, ö̦jö bänö bä wayu shömölemaje. 44Jesús a nia lä nomojoliaö weinö, abinaja bä nowa taö malä balöono wei.
—Ya mamocacö nia lä buyucaö wei, ö̦jö bei a waiquiwä. Wama a fa juwälönö, wama a documaö mlai ja, wama a öböafälöbä —bä nowa taa balölema.
45¿Ö̦jö tawä? Jesús a nabä cadidio showadaolanö abinaja Juda e cuma.
—¡Bada tä! —e fa cudalunö, mamocacö buyucaö showadaoma.
46Ö̦jö däjä, Jesús a nabä quea fa showadaicujenö, a juwälemaje.
47Ö̦jö ma cui, Jesús ai e ublao lä ajedeono wei a lä cuinö, sibala a fa ucädalönö, a ishoa mö balayoma. Nofi bäyäalewä bada a wa̦ juamobä e nabä fa queicunö, a yömöca baquequeblalema.
48Ö̦jö däjä, a nabä lä juno wejei bä nija abinaja a Jesús cuma.
—Tomömolewä bä nabä juu lä culajeinaja, ¿wedi tä tabä bei wamale nabä li juu cuaaö dicoo cufe? ¿Wedi tä tabä shocobi, nablushi wama bä ca̦i fa juimanö, bei wamale li juwämaö cuboyoi? 49Yai Bada etä yafi jamö showadi bämacö ca̦i looma. Ö̦jamö ya täbä yömölaö däjä, wamale juwäano malä mlai. Ö̦jö ma cui, Yai Bada etä a̦ oni jamö tä a̦ lä cuu weinaja tä a̦ bejedi cublobä, ei tä waiquiwä —a cuma.
50Ö̦jö däjä cama ebä lä cuinö, Jesús a fa dacöfälöjenö, bä docuolaliyoma. 51¿Ö̦jö tawä? Jesús nija ai a fiya nocaaö fe yadiofälöma. Camishi cäcö ja a didio mlai ja, acadafu cäcönö a shino jo̦yao bädaoma. Ö̦jö a nia juwäama ma cujei, 52bä imicö lä waliblaole däjä ecö acadafu icocolayoma. Ö̦jö cäcö tabi fa feiquefälönö, shinocu a doculayofälöma.
Nofi bäyäalewä a
bada nijamö Jesús a
lä öbölefälöno wejei tä a̦
53Ö̦jö däjä, nofi bäyäalewä blowäjäwä e yafi jamö, Jesús a öbölefälömaje. Nofi bäyäalewä blowäjäwä bä ma cui, judio ai bä bada ma cui, Moisesi etä a̦ ja täbä lä damaö wejei bä ma cui, ö̦jamö lä ö̦jö bä bluca co̦camoa waiquilayoma bä cuoma. 54Pedro a jäwäjäwä fa yauicunö, nofi bäyäalewä bada e yafi sibo lä ji̦coloi jamö, a lucäa jälayofälöma. Ö̦jamö Yai Bada tä yafi lä nowamano wejei bä sodado lä cui, ö̦jö bä si lä bomono wei jamö a ca̦i loa mö fedualiyoma, a si bomobä.
55Bei. Nofi bäyäalewä blowäjäwä bä ma cuinö, ai bä bada yododaö mö lä feduono wei bä ma cuinö, Jesús a wa̦fa jole wäyäbeje bä dayäamaje, ö̦jö lä bä a̦ ja, a shämaö showadaobeje. Bä ma dayäano wejei ma cui bä cuonomi. 56A wa̦fa jole lä wäyäno wejei bä ma blucaono wei ma cui, bä jolemoma yalo, bä a̦ faö fe usucublonomi. 57Ai bä fa ubladonö, a wa̦fa jole wäyäöje ja abinaja ebä cuma.
58—Ei a lä cui, yama a wa̦ ji̦lilei cublelei. Abinaja a cuma. “Ei Yai Bada etä yafi lä cui, yanowamö bänö a yafi lä tablaleno wejei a lä cui, ya e yafi nia wa̦liaö. Ö̦jö däjä bolacabö tä mö didi cublou fa co̦lonö, ai ya yafi nia tablaö co̦o majöo, yanowamö bänö a yafi tablaö daö lä mlajei a yafi lä cui.” Einaja a cuu cublelei —ebä cuma.
59Inaja a wa̦no wäyäö ma cuaano wejei ma cui, bä a̦ shomiablalou mö feduo fe yadioma.
60Ö̦jö däjä, nofi bäyälewä bada a ublaa fa möamoblalunö, Jesús a wa̦ nia fa wäamanö, a wa̦lii cadidioma.
—¿Wa wa̦ nia juomi tawä? ¿Wa wa̦fa lä wäyäfajei bä a̦ bejedi tawä? —e cuma ma cui, 61Jesús a wa̦ juo mlai ja, mamicai a ubladioma.
Nofi bäyäalewä bada anö a wa̦lii co̦oma.
—Yai Bada tänö a shömabä a lä yaileno wei, ¿ö̦jö lä cafä bei wa e waiquiwä tawä? A wa̦fa doblao lä talajei, ¿ö̦jö wa Ijilubö tawä?
62—Awei. Ö̦jö lä ya e —Jesús e cudaliyoma—. Ya lä yanowamöblaleyoluno wei ya lä cui, Yai Bada a nö wa̦lojaö lä ayao wei boco jayu mashi jamö, wamale nia ca̦i döcäa dabladayou. Ölajashi a jamö wamale ca̦i nia itou dablaö —a cuma.
63Ö̦jö a wa̦ ja, nofi bäyäalewä bada a lä cui, a nö wa̦lowä jushudaliyoma yalo a camishibö cacablamolayoma. Abinaja bä nowa bluca tama.
—¿Ö̦jö tawä? ¿Wedi tä tabä ai bäma bä a̦ li ji̦liaa co̦lei? 64Yai Bada a nö lä waiblafe, wama a wa̦ ji̦liaa waiquilei lä cufe. Yanowamö a ma cui, ¡Yai Bada a wa̦fa jilou! Fei däjä, ¿wedinaja wamacö bufi cuu dodijio? —bä nowa tama.
Ö̦jö a wa̦ ja, Jesús a shämaö showadao bufimaje.
65Ai bänö a nabä icua showadaquemaje. A mö cläshamaje. A ca̦i shädaamaje. Mamocu fa jo̦yabojenö, a nö waiblaöje ja, a ca̦i wa̦limaje.
—Yai Bada a wa̦no wäyälewä wa yalo, tä a̦fa wäa da cadidiba. ¿Wedinö bei wa shälei cufe? —a nowa tamaje.
Bä sodado lä läono wei bä ma cuinö a si ca̦i baimaje.
Pedronö Jesús a nofi jole
lä mojodubono wei tä a̦
66Yano lä feyacale jamö, Jesús a wa̦lijilayouje däjä, bäfätä jamö Pedro a loo juoma, yafi sibo lä ji̦coloi jamö. Ö̦jamö a loo däjä a suwä waloquema, nofi bäyäalewä bada a wa̦ juamobä a suwä lä cui. 67Pedro a si bomou fa dalalönö, a möö dodijolanö abinaja e cuma.
—Nasaleteli Jesús a lä cui nija cafä wa ca̦i cuoma —a cuma.
68Ö̦jö ma cui, a wa̦ jole mojodumoma. Abinaja Pedro a cuma.
—Cuwi. Camiyä nija wa lä cufe ya tä daimi —suwä nija a cuma.
Einaja e fa cunö, yoca lä joleono wei jamö a icua cublou majölayoma. 69Ö̦jamö lä a cuo majöo däjä, bada a wa̦ juamobä a suwä lä cuinö a daa fa co̦lalönö, a wa̦ faö co̦oma, ai bä ublao lä ajedeono wei bä nija.
—Fei a lä cui, ö̦jö lä bä nija a ca̦i co̦caoma —a cuma.
70Öjö ma cui, a wa̦ jole mojodumou co̦oma.
Tä nö dedejedou fa co̦lonö, bä ublao lä ajedeono wei bä lä cui, abinaja Pedro nija bä cuu co̦oma.
—Bejedi lä ö̦jö bä nija cafä wa ca̦i co̦caoma. Calileateli wa malä cui —bä cuma.
71Ö̦jö ma cui, Pedro a wa̦ jole mojodumou co̦oma. Yai Bada a wa̦fa ca̦i jayumama, a jolemou bädao ja, a nö bleaamamou showadaobä.
—Ö̦jö wa wa̦fa lä wäyäfe a wa̦lo lä cui, ya daimi —a jole cuma.
72Inaja Pedro a lä cuno wei däjä, yedu cadala a wa̦ nocablaliyoma. A wa̦ cadala faö co̦o waiquioma yalo, Jesúsnö a nowa lä tano wei, Pedronö tä nofi jaducudalema. “Cadala a wa̦ faö co̦o showao mlao däjä, 3 wale nofi nia jole mojodubou”, a nowa malä tano wei. Ö̦jö däjä a bufi fa wajäblalunö, a ö̦cöma.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2012, All Rights Reserved