DUUCA 1
1
Duuca wwä Teóojido wwadäädä imennä’jödö
1Jooje anejjacoomo cönoonejaicho wätunnä imennädö, yää ñaa antawä cöneeja’dätäichö jäcä. 2Tönwanno cömmennoicho Wanaadi a’deddu owaanomannamo wwäiñe towaanoma’jocoomo nönge dea, ñanno yaajäntä’jödö jonnoto’jödöödä yää enennamo’jödö wwäiñe. 3Yääje yeijäcä, öwö mmaja tameedä yää jäcä ecamma’jo’jödö weijäcä öwwä yaajäntä’jödö jonno, aashicha cöntö’taacä öwwä yää wätunnä imennädö äwwadäädä, sa’donna jeene, amäädä Teóojido, aashichaato. 4Edä wimenna chäänönge jeene odhoowanääcä yeichö wetä yää odhoowanooma’jödö.
Juan Wautiita wennutoojo ecamma’jödö
5Yaawä Judheea ña Edoodhe cajiichaanaje yeichö, töweiye cönä’jaacä Wanaadi wwono wa’deuwödö, Saacadía täätö. Töwö cönä’jaacä Awía sotoi jimmäje. Ijiiñamo mmaja cönä’jaacä Aadón weichö, Ediisawé töwö chäätö. 6A’nädä töweiye cönä’ja’to chäänöngeiñe Wanaadi owaadäädä. Tönnöe töweiye cönä’ja’to tameedä Cajiichaana waanontädö, tameedä iiñöjoodö mmaja. Yääje yeijäcä tämentämje’da tönwanno cönä’ja’to. 7Tönwanno iiñacontoncomo ’je’da cönä’jaacä, Ediisawé ennecaajai’cha yeijäcä. Inchomje cönä’jaacä Saacadía, ijiiñamo mmaja no’samje.
8Yaawä cönä’jaacä Saacadía jimmä wetaadawa’cajooto’como cu’nädö. Töwö Saacadía Wanaadi wwono wa’deuwödööje cöneetadaawa’cajaacä yaawä. 9Tönnöeetöcoomojeedä wä’cana’canä döa’jäcä Wanaadi wwä töwa’deuwaamo wwäiñe, Wanaadi weichojo taca juu shimi’jotoojo yau’cwa Saacadía womontojo cönoojodöi. 10Yaawä Saacadía womonga’jäcä, tameedä soto tujuumä cönä’ja’to jödo’na, Wanaadi wwä wa’deunäje, juu shimi’jotoojo yau’cwatoojo cu’nädaawä. 11Yaawä Cajiichaana amoodedö cönäänejoi Saacadía wwä. Juu shimi’jotoojo yau’cwatoojo a’täi ñäcä cönä’jaacä, jiidi, ämu’demjönö dö’se. 12Saacadía cönääcatoncai ñäädä eneedö’jo. Jooje tösaade cönä’jaacä. 13Amoode cönä’döaacä chäwwä:
—Määcatoncai, Saacadía. Wanaadi cöneetai töwwä awa’deuwö’jödö. Ajiiñamo Ediisawé acä adhennecaato’de dhanwaje. Juanje e’täcä’de. 14Ta’cwaiñe ma’de amäädä yaawä; jooje soto ta’cwaiñe naato’dede, ännedö wennudu weijäcä. 15Wanaadi wwä täneejuque na’de ännedö. Töwö aneenö’da na’de chääjedöödö eccudu, tödäu’cwato aneenö’da mmaja. Epíiditu Santo ’je na’de töwennudu owaajodä’jödöödä. 16Töwö niiñacaanö’jaato’de jooje iisadaaediitacoomo Tädhaajotoncomo Wanaadi wwadäädä. 17Ñäädä Juan Cajiichaana owaajo necammajä’a’de. Edía jäduudu cönä’ja’dö wa’cä mmaja ijäädudu na’de, chö’tajäätödö chäänönge mmaja. Töwö soto niyäätuujaato’de töwenneca’como tötö’tajäätödööcomo iiñacaiyeto tönnacontoncomo wwadäädä, Wanaadi waanontädö tödö’semjöncomo mmaja oowanoomaiyeto Wanaadi woije töweichöcoomo jäcä. Mädääje töwö soto nichoonecaato’de Cajiichaana weejödö owaajo; quee cönä’döaacä amoode Saacadía wwä.
18Yaawä Saacadía cönä’döaacä amoode wwä:
—¿Aaquene mädä chäänönge yeichö yoowanääcä eijai ñai? Inchomje dajaane wa, no’samje mmaja jiiñamo; quee cönä’döaacä.
19Amoode cönä’döaacä chäwwä:
—Caawidiyeede dajaane öwö, Wanaadi je’tacaano. Töwö dea yaanontäi äwwä a’deuwe, mädä aashichaato wätunnä ecamma äwwä. 20Eduuwa ta’deude’da ma’de. A’deuwö’da ma’de ännedö wennudu wa’cä, ya’deddu aneecamjö’da awei’jödö weijäcä. Neecamma’jödö nönge neja’dä’a’de chu’nädö aca yä’döa’jäcä; quee cönä’döaacä amoode.
21Yaawä Saacadía womoocödööje soto cönä’ja’to. Tönwanno cönääcatonca’to numa eja’ca’da yeijäcä Wanaadi weichojo tacanno. 22Yaawä töweeja’ca’jäcä Saacadía a’deujai’cha cönä’jaacä chäwwäiñe. Tönwanno dhowaanäcäiñe cönä’jaacä yaawä tönoiñato ene’jödö chäwwä Wanaadi weichojo taca. Töwö täneejojä’e mma cöneenejoojä’acä, ta’deude’da töweijäcä.
23Tötaadawaajui dödö töwä’ca’jäcä Saacadía tömmai chaca cönennacai yaawä. 24Yää ncäcäädä ijiiñamo Ediisawé cönwensu’tai. Töwö tömmai chawä töweiye cönä’jaacä ijaatoodea nuunä, eja’cajäätö’da. 25Edääje tötö’tajä’e cönä’jaacä ñäädä Ediisawé: “Aashicha mädääje yöödöne Cajiichaana Wanaadi, töjöiye’da weichö wetä soto antawäiñe,” quee tötö’tajä’e cönä’jaacä.
Jesuuquidiito wennutoojo ecamma’jödö
26Yääje mma yaawä tooni amoojato nuunä yä’döa’jäcä Wanaadi cönaanontäi tanoonö Caawidiyeede Naasade ña, Caadideea ñano jataaca, 27ajei’choto’jaato döiña. Ñäädä wodi cönä’jaacä dhanwa acä eijönö, Madía täätö. Töwäätöiñonoomöje töwö cönä’jaacä José jadä, töwäätäcamma’jo’jocoomo weijäcä. Dawí weichö cönä’jaacä ñäädä José. 28Ñäädä amoode cönä’döi yaawä Madía döiña; cönä’döaacä chäwwä:
—Ta’cwaiñe eijai ma amäädä Madía. Cajiichaana ajaadä na. Wanaadi nutuudu aashichaato äwwä na, anejjacoomo wodiiñamo wwäiñe yeichö e’jodhe; quee cönä’döaacä amoode.
29Ñäädä eneea’jäcä Madía wwä töwö cönääcatoncai dha’deddu etaadö’jo. “ ¿Aaquene mädääje mä’dä na’deuwanä;” quee cöntö’tajä’acä. 30Yaawä amoode cönä’döaacä chäwwä:
—Tösaade’daane eichä Madía. Wanaadi aashichaato nödööa äjääcä. 31Awensu’ta’de; ännedö nennua’de dhanwa’cä. Jesuuquidiitoje e’täcä’de. 32Töwö täneejuque na’de. O’jodhaato nnedööje nätä’täja’de. Cajiichaana Wanaadi nu’a’de chäwwä cajiichaanaje yeichojo, dhadai’jödö Dawí cönä’ja’döje mmaja. 33Töwö yeichöje na’de iisadaaediitacoomo Cajiichaanaichomooje. Cajiichaanaje yeichö ataame’da na’de; quee cönä’döaacä amoode Madía wwä.
34Yaawä Madía cönä’döaacä amoode wwä:
—¿Aaquene mädääje eijai ñai, töiñoque weichöjöönö?
35Amoode cönä’döaacä:
—Epíiditu Santo nä’ta’de äjääcä; O’jodhaato jäduudu aneejonta’de. Yääje yeijäcä ñäädä ännedö töwennueemö Aashichaatoje nätä’täja’de, Wanaadi nnedööje. 36Aweichacoono Ediisawé mmaja töwensu’de na dea, no’samje töweichaame, dhanwa’cä wensucu’tädööje. Tooni amoojato nuunä na eduuwa töwensu’de yeichö, ñäädä töwennecamjönööje täcammaamö’jödö. 37Wanaadi tödööjaichojöönö ’je’da na; quee cönä’döaacä amoode Madía wwä.
38Yaawä Madía cönä’döaacä:
—Cajiichaana Wanaadi anoonö öwö. Yöödöa mma’ne, mecammannöje; quee cönä’döaacä.
Yaawä amoode cöntämä choojonno.
Ediisawé döiña Madía wötä’jödö
39Yää anooto awä dea mma Madía cönääma’täi; jöö jona cöntämä, Judheea ñano jataaca. 40Cönoomomoi yaawä Saacadía mmai chaca; Ediisawé cöna’dejjai. 41Madía wa’deuwödö eta’jäcä Ediisawé wwä, iiñedo cönä’jimiichöi iwenwaca. Epíiditu Santo ’je Ediisawé cönä’döi yaawä. 42Töwö töcä’de cöna’deuwöi; cönä’döaacä Madía wwä:
—Wanaadi nutuudu aashichaato äwwä na, tameedä wodiiñamo wwäiñe yeichö e’jodhe. Ännedö wwä mmaja aashichaato u’ajä na’dede, ñäädä awenwaca naadö. 43¿Aaquene mädä wa’cä aashichaato nä’tuaanä öwwä, Yeedhajä dhenö öwwadäädä neejädö naane’ ? 44Yaawä dea mma, äwwä ya’dejjadö etaadö jadä mma, shiichu’cä nä’jimiichöi wenwaca, ta’cwaiñe töweijäcä. 45Ta’cwaiñe eijai ma amäädä ecaanö’nei. Chäänönge neja’dä’a’de Cajiichaana necamma’jödö äwwä; quee cönä’döaacä Ediisawé.
46Yaawä Madía cönä’döaacä:
Cajiichaana jäcä aashicha tö’tajä’a;
47yeewanö jäcä ta’cwaiñe wa Wanaadi jäcä, ñäädä Yeewanaacanei,
48wentumje yeene’jödö weijäcä chäwwä, dho’noncomooje weichaame öwö dhanoonö.
Eduuwa naadö jonno tameedä soto ye’taato’de Wanaadi ni’wa’tädööje,
49adai’jä tödö’jödö weijäcä jääcä ñäädä Wanaadi jäduujato wwä;
aashichaato töwö.
50Töwö yeichöödäje wentumje töneeneiñe weneene tönontännamo.
51Töwö tönnödö que jäduuje töweichö cöneenejoi.
Töwö cöne’jodheinchaicho ñanno o’jodha’como wa’cä tö’tajäätödö.
52Ñanno jäduuja’como töwö cunu’caicho cajiichaanaje yeichöcoomo jonno.
Dho’noncomo tö’tajäätödö mmaane cajiichaanaje cönnöicho.
53Ämiija’como wwä aashichaato cuntui, imjummadööcomo wa’cä.
Tönsomaaca’como mmaane tänwase’da cönenno’jaicho.
54Töwö cöni’wa’toicho tösootoi iisadaaediitacoomo,
töneecamma’jödö jäcä chö’taqueejö’da töweijäcä, yää wentumje eneeto’como.
55Cadai’choncomo wwä yeichöödotooje töwö yää aashichaato cöneecammai,
ñanno Aawadán wwä, dhatöödö wwäiñe mmaja; quee cönä’döaacä Madía.
56Yäätä Madía cönä’jaacä Ediisawé jadä aaduwaawä nuunä. Yää ’jeje cönennacai chea tömmai chaca.
Juan Wautiita wennu’jödö
57Yaawä Ediisawé nnedö wennutoojo cu’nädö aca yä’döa’jäcä, cönennui iiñedö, dhanwa’cä. 58Wanaadi wwä Ediisawé jäcä aashichaato tödö’jödö eta’jäcä ñanno Ediisawé jataawoncomo wwäiñe, ijimmä wwäiñe mmaja, tönwanno cöna’cwainchaicho chääjadä. 59Aaduwaawä amoojato anooto yä’döa’jäcä, soto cöneejoto yaawä shiichu’cä siicunsidaadoje tödööe. Saacadíaje e’tä’se cönä’ja’to, yuumö eetö joi. 60Yeenö mmaane cönä’döaacä:
—Ng’jn, Juanje nei’ñojo; quee cönä’döaacä.
61Tönwanno cönä’döa’to chäwwä:
—¿Ane’que’nei? A’que dajaane na ajimmotoncomo mädääjato täätö.
62Yuumö cöneecamma’joicho yaawä, täneejojä’e: “ ¿Aaquene ännedö e’täjo’se manä;” quee. 63Saacadía tömennäämö cöne’catäi yaawä. Edääje cömmennäi: “Juan täätö mä’dä;” quee. Tameedä soto cöneeta’jöjäätöicho yaawä. 64Yaawä dea mma Saacadía cöna’deutai. Töwö cönaajäntai yaawä Wanaadi jäcä aashicha töwa’deuwödö. 65Tameedä ijimmotoncomo cönääcatoncaicho yaawä. Yää jäcä töwa’deuwe cönä’ja’to tameedä Judheea ñancomo, ñanno jöö de’cäconcomo. 66Tameedä etannamo’jödö jooje cöntö’tajä’a’to:
—¿Aaquene töwä’döeemö määdhä mude’cä’cä? quee cönä’döa’to.
Tönwanno yääje töwä’döe cönä’ja’to Wanaadi ni’wa’tädööje yei’jödö weijäcä.
Saacadía wecanta’ñä’jödö
67Yääje mma yaawä yuumö Saacadía Epíiditu Santo ’je cönä’döi; Wanaadi woije cöna’deuwacä; cönä’döaacä:
68Aashicha wa’deutojooje na töwö Wanaadi, iisadaaediitacoomo Edhaajotoncomo,
tösootoi jäcä tötö’tajä’e yeijäcä, cäwaanaca’jocoomo weijäcä mmaja.
69Töwö cuntui Cäwaanacaaneichomo jäduujato,
ñäädä dhanoonö Dawí wä’jimmä’tädö dea.
70Jenaadä dea töwö Wanaadi mädä cöneecammajoi töwa’deuwödö ecammannamo aashicha’como wwäiñe.
71Töwö cöneecammajoi cutu’de’tännamo jonnoiñe cäwaanacaadöcoomo, cöquimmajä’nenaamo jonnoiñe cäwaanacaadöcoomo mmaja.
72Töwö mädääje cödööato wentumje cadai’choncomo ene’jocoomo weijäcä töwwä,
chäänönge tödöödö wetä mmaja töneecamma’jödö aashichaato,
73yää cadai’choncomo Aawadán wwä cöneecammaichö.
74Töwö Wanaadi cöneecammai Aawadán wwä cutu’de’tännamo jonnoiñe cäwaanacaadöcoomo,
tösaade’da yaanontädö tödöödö wetä yaawä cöwwäiñe,
75aashicha dhowaadäädä cöweichöcoomo wetä, chäänönge cöweichöcoomo wetä mmaja, cöweichöcoomoodäje.
76Amäädä shiichu’cä, Wanaadi o’jodhaato wa’deuwödö ecammaneije mätä’täja’de,
Cajiichaana owaajo töötäämöje aweijäcä, chäämadö choonecaaneije,
77shootoi owaanomaadöcoomo wetä wääwanaacatoojo jäcä,
choone’nadiiyöcoomo encwanno’jotoojo jäcä mmaja.
78Ñäädä Cöwaanadiiyöcoomo cujummatäiñe yeijäcä, wentumje cäneetäiñe yeijäcä mmaja,
caju ñano weiyu que cöweijaato.
79Yää na’de ñanno tööjano’taca naatoodö weiyuuducoomoje, ñanno töwä’ja’aamo;
täncanoode’da weiñä ai cä’se’täneichomooje mmaja yää na’dede; quee cönä’döaacä Saacadía.
80Yaawä Juan nnejeedö’cä cönaatö’nä’acä; cönsejjeta’dea. Jata ’jemjönö aca töweiye cönä’jaacä iisadaaediitacoomo wwäiñe töwäänejootojo cu’nädö aca töwä’dödö wa’cä.
Currently Selected:
DUUCA 1: MCH
Highlight
Share
Copy
Want to have your highlights saved across all your devices? Sign up or sign in
© 2014 Reservados todos los derechos
DUUCA 1
1
Duuca wwä Teóojido wwadäädä imennä’jödö
1Jooje anejjacoomo cönoonejaicho wätunnä imennädö, yää ñaa antawä cöneeja’dätäichö jäcä. 2Tönwanno cömmennoicho Wanaadi a’deddu owaanomannamo wwäiñe towaanoma’jocoomo nönge dea, ñanno yaajäntä’jödö jonnoto’jödöödä yää enennamo’jödö wwäiñe. 3Yääje yeijäcä, öwö mmaja tameedä yää jäcä ecamma’jo’jödö weijäcä öwwä yaajäntä’jödö jonno, aashicha cöntö’taacä öwwä yää wätunnä imennädö äwwadäädä, sa’donna jeene, amäädä Teóojido, aashichaato. 4Edä wimenna chäänönge jeene odhoowanääcä yeichö wetä yää odhoowanooma’jödö.
Juan Wautiita wennutoojo ecamma’jödö
5Yaawä Judheea ña Edoodhe cajiichaanaje yeichö, töweiye cönä’jaacä Wanaadi wwono wa’deuwödö, Saacadía täätö. Töwö cönä’jaacä Awía sotoi jimmäje. Ijiiñamo mmaja cönä’jaacä Aadón weichö, Ediisawé töwö chäätö. 6A’nädä töweiye cönä’ja’to chäänöngeiñe Wanaadi owaadäädä. Tönnöe töweiye cönä’ja’to tameedä Cajiichaana waanontädö, tameedä iiñöjoodö mmaja. Yääje yeijäcä tämentämje’da tönwanno cönä’ja’to. 7Tönwanno iiñacontoncomo ’je’da cönä’jaacä, Ediisawé ennecaajai’cha yeijäcä. Inchomje cönä’jaacä Saacadía, ijiiñamo mmaja no’samje.
8Yaawä cönä’jaacä Saacadía jimmä wetaadawa’cajooto’como cu’nädö. Töwö Saacadía Wanaadi wwono wa’deuwödööje cöneetadaawa’cajaacä yaawä. 9Tönnöeetöcoomojeedä wä’cana’canä döa’jäcä Wanaadi wwä töwa’deuwaamo wwäiñe, Wanaadi weichojo taca juu shimi’jotoojo yau’cwa Saacadía womontojo cönoojodöi. 10Yaawä Saacadía womonga’jäcä, tameedä soto tujuumä cönä’ja’to jödo’na, Wanaadi wwä wa’deunäje, juu shimi’jotoojo yau’cwatoojo cu’nädaawä. 11Yaawä Cajiichaana amoodedö cönäänejoi Saacadía wwä. Juu shimi’jotoojo yau’cwatoojo a’täi ñäcä cönä’jaacä, jiidi, ämu’demjönö dö’se. 12Saacadía cönääcatoncai ñäädä eneedö’jo. Jooje tösaade cönä’jaacä. 13Amoode cönä’döaacä chäwwä:
—Määcatoncai, Saacadía. Wanaadi cöneetai töwwä awa’deuwö’jödö. Ajiiñamo Ediisawé acä adhennecaato’de dhanwaje. Juanje e’täcä’de. 14Ta’cwaiñe ma’de amäädä yaawä; jooje soto ta’cwaiñe naato’dede, ännedö wennudu weijäcä. 15Wanaadi wwä täneejuque na’de ännedö. Töwö aneenö’da na’de chääjedöödö eccudu, tödäu’cwato aneenö’da mmaja. Epíiditu Santo ’je na’de töwennudu owaajodä’jödöödä. 16Töwö niiñacaanö’jaato’de jooje iisadaaediitacoomo Tädhaajotoncomo Wanaadi wwadäädä. 17Ñäädä Juan Cajiichaana owaajo necammajä’a’de. Edía jäduudu cönä’ja’dö wa’cä mmaja ijäädudu na’de, chö’tajäätödö chäänönge mmaja. Töwö soto niyäätuujaato’de töwenneca’como tötö’tajäätödööcomo iiñacaiyeto tönnacontoncomo wwadäädä, Wanaadi waanontädö tödö’semjöncomo mmaja oowanoomaiyeto Wanaadi woije töweichöcoomo jäcä. Mädääje töwö soto nichoonecaato’de Cajiichaana weejödö owaajo; quee cönä’döaacä amoode Saacadía wwä.
18Yaawä Saacadía cönä’döaacä amoode wwä:
—¿Aaquene mädä chäänönge yeichö yoowanääcä eijai ñai? Inchomje dajaane wa, no’samje mmaja jiiñamo; quee cönä’döaacä.
19Amoode cönä’döaacä chäwwä:
—Caawidiyeede dajaane öwö, Wanaadi je’tacaano. Töwö dea yaanontäi äwwä a’deuwe, mädä aashichaato wätunnä ecamma äwwä. 20Eduuwa ta’deude’da ma’de. A’deuwö’da ma’de ännedö wennudu wa’cä, ya’deddu aneecamjö’da awei’jödö weijäcä. Neecamma’jödö nönge neja’dä’a’de chu’nädö aca yä’döa’jäcä; quee cönä’döaacä amoode.
21Yaawä Saacadía womoocödööje soto cönä’ja’to. Tönwanno cönääcatonca’to numa eja’ca’da yeijäcä Wanaadi weichojo tacanno. 22Yaawä töweeja’ca’jäcä Saacadía a’deujai’cha cönä’jaacä chäwwäiñe. Tönwanno dhowaanäcäiñe cönä’jaacä yaawä tönoiñato ene’jödö chäwwä Wanaadi weichojo taca. Töwö täneejojä’e mma cöneenejoojä’acä, ta’deude’da töweijäcä.
23Tötaadawaajui dödö töwä’ca’jäcä Saacadía tömmai chaca cönennacai yaawä. 24Yää ncäcäädä ijiiñamo Ediisawé cönwensu’tai. Töwö tömmai chawä töweiye cönä’jaacä ijaatoodea nuunä, eja’cajäätö’da. 25Edääje tötö’tajä’e cönä’jaacä ñäädä Ediisawé: “Aashicha mädääje yöödöne Cajiichaana Wanaadi, töjöiye’da weichö wetä soto antawäiñe,” quee tötö’tajä’e cönä’jaacä.
Jesuuquidiito wennutoojo ecamma’jödö
26Yääje mma yaawä tooni amoojato nuunä yä’döa’jäcä Wanaadi cönaanontäi tanoonö Caawidiyeede Naasade ña, Caadideea ñano jataaca, 27ajei’choto’jaato döiña. Ñäädä wodi cönä’jaacä dhanwa acä eijönö, Madía täätö. Töwäätöiñonoomöje töwö cönä’jaacä José jadä, töwäätäcamma’jo’jocoomo weijäcä. Dawí weichö cönä’jaacä ñäädä José. 28Ñäädä amoode cönä’döi yaawä Madía döiña; cönä’döaacä chäwwä:
—Ta’cwaiñe eijai ma amäädä Madía. Cajiichaana ajaadä na. Wanaadi nutuudu aashichaato äwwä na, anejjacoomo wodiiñamo wwäiñe yeichö e’jodhe; quee cönä’döaacä amoode.
29Ñäädä eneea’jäcä Madía wwä töwö cönääcatoncai dha’deddu etaadö’jo. “ ¿Aaquene mädääje mä’dä na’deuwanä;” quee cöntö’tajä’acä. 30Yaawä amoode cönä’döaacä chäwwä:
—Tösaade’daane eichä Madía. Wanaadi aashichaato nödööa äjääcä. 31Awensu’ta’de; ännedö nennua’de dhanwa’cä. Jesuuquidiitoje e’täcä’de. 32Töwö täneejuque na’de. O’jodhaato nnedööje nätä’täja’de. Cajiichaana Wanaadi nu’a’de chäwwä cajiichaanaje yeichojo, dhadai’jödö Dawí cönä’ja’döje mmaja. 33Töwö yeichöje na’de iisadaaediitacoomo Cajiichaanaichomooje. Cajiichaanaje yeichö ataame’da na’de; quee cönä’döaacä amoode Madía wwä.
34Yaawä Madía cönä’döaacä amoode wwä:
—¿Aaquene mädääje eijai ñai, töiñoque weichöjöönö?
35Amoode cönä’döaacä:
—Epíiditu Santo nä’ta’de äjääcä; O’jodhaato jäduudu aneejonta’de. Yääje yeijäcä ñäädä ännedö töwennueemö Aashichaatoje nätä’täja’de, Wanaadi nnedööje. 36Aweichacoono Ediisawé mmaja töwensu’de na dea, no’samje töweichaame, dhanwa’cä wensucu’tädööje. Tooni amoojato nuunä na eduuwa töwensu’de yeichö, ñäädä töwennecamjönööje täcammaamö’jödö. 37Wanaadi tödööjaichojöönö ’je’da na; quee cönä’döaacä amoode Madía wwä.
38Yaawä Madía cönä’döaacä:
—Cajiichaana Wanaadi anoonö öwö. Yöödöa mma’ne, mecammannöje; quee cönä’döaacä.
Yaawä amoode cöntämä choojonno.
Ediisawé döiña Madía wötä’jödö
39Yää anooto awä dea mma Madía cönääma’täi; jöö jona cöntämä, Judheea ñano jataaca. 40Cönoomomoi yaawä Saacadía mmai chaca; Ediisawé cöna’dejjai. 41Madía wa’deuwödö eta’jäcä Ediisawé wwä, iiñedo cönä’jimiichöi iwenwaca. Epíiditu Santo ’je Ediisawé cönä’döi yaawä. 42Töwö töcä’de cöna’deuwöi; cönä’döaacä Madía wwä:
—Wanaadi nutuudu aashichaato äwwä na, tameedä wodiiñamo wwäiñe yeichö e’jodhe. Ännedö wwä mmaja aashichaato u’ajä na’dede, ñäädä awenwaca naadö. 43¿Aaquene mädä wa’cä aashichaato nä’tuaanä öwwä, Yeedhajä dhenö öwwadäädä neejädö naane’ ? 44Yaawä dea mma, äwwä ya’dejjadö etaadö jadä mma, shiichu’cä nä’jimiichöi wenwaca, ta’cwaiñe töweijäcä. 45Ta’cwaiñe eijai ma amäädä ecaanö’nei. Chäänönge neja’dä’a’de Cajiichaana necamma’jödö äwwä; quee cönä’döaacä Ediisawé.
46Yaawä Madía cönä’döaacä:
Cajiichaana jäcä aashicha tö’tajä’a;
47yeewanö jäcä ta’cwaiñe wa Wanaadi jäcä, ñäädä Yeewanaacanei,
48wentumje yeene’jödö weijäcä chäwwä, dho’noncomooje weichaame öwö dhanoonö.
Eduuwa naadö jonno tameedä soto ye’taato’de Wanaadi ni’wa’tädööje,
49adai’jä tödö’jödö weijäcä jääcä ñäädä Wanaadi jäduujato wwä;
aashichaato töwö.
50Töwö yeichöödäje wentumje töneeneiñe weneene tönontännamo.
51Töwö tönnödö que jäduuje töweichö cöneenejoi.
Töwö cöne’jodheinchaicho ñanno o’jodha’como wa’cä tö’tajäätödö.
52Ñanno jäduuja’como töwö cunu’caicho cajiichaanaje yeichöcoomo jonno.
Dho’noncomo tö’tajäätödö mmaane cajiichaanaje cönnöicho.
53Ämiija’como wwä aashichaato cuntui, imjummadööcomo wa’cä.
Tönsomaaca’como mmaane tänwase’da cönenno’jaicho.
54Töwö cöni’wa’toicho tösootoi iisadaaediitacoomo,
töneecamma’jödö jäcä chö’taqueejö’da töweijäcä, yää wentumje eneeto’como.
55Cadai’choncomo wwä yeichöödotooje töwö yää aashichaato cöneecammai,
ñanno Aawadán wwä, dhatöödö wwäiñe mmaja; quee cönä’döaacä Madía.
56Yäätä Madía cönä’jaacä Ediisawé jadä aaduwaawä nuunä. Yää ’jeje cönennacai chea tömmai chaca.
Juan Wautiita wennu’jödö
57Yaawä Ediisawé nnedö wennutoojo cu’nädö aca yä’döa’jäcä, cönennui iiñedö, dhanwa’cä. 58Wanaadi wwä Ediisawé jäcä aashichaato tödö’jödö eta’jäcä ñanno Ediisawé jataawoncomo wwäiñe, ijimmä wwäiñe mmaja, tönwanno cöna’cwainchaicho chääjadä. 59Aaduwaawä amoojato anooto yä’döa’jäcä, soto cöneejoto yaawä shiichu’cä siicunsidaadoje tödööe. Saacadíaje e’tä’se cönä’ja’to, yuumö eetö joi. 60Yeenö mmaane cönä’döaacä:
—Ng’jn, Juanje nei’ñojo; quee cönä’döaacä.
61Tönwanno cönä’döa’to chäwwä:
—¿Ane’que’nei? A’que dajaane na ajimmotoncomo mädääjato täätö.
62Yuumö cöneecamma’joicho yaawä, täneejojä’e: “ ¿Aaquene ännedö e’täjo’se manä;” quee. 63Saacadía tömennäämö cöne’catäi yaawä. Edääje cömmennäi: “Juan täätö mä’dä;” quee. Tameedä soto cöneeta’jöjäätöicho yaawä. 64Yaawä dea mma Saacadía cöna’deutai. Töwö cönaajäntai yaawä Wanaadi jäcä aashicha töwa’deuwödö. 65Tameedä ijimmotoncomo cönääcatoncaicho yaawä. Yää jäcä töwa’deuwe cönä’ja’to tameedä Judheea ñancomo, ñanno jöö de’cäconcomo. 66Tameedä etannamo’jödö jooje cöntö’tajä’a’to:
—¿Aaquene töwä’döeemö määdhä mude’cä’cä? quee cönä’döa’to.
Tönwanno yääje töwä’döe cönä’ja’to Wanaadi ni’wa’tädööje yei’jödö weijäcä.
Saacadía wecanta’ñä’jödö
67Yääje mma yaawä yuumö Saacadía Epíiditu Santo ’je cönä’döi; Wanaadi woije cöna’deuwacä; cönä’döaacä:
68Aashicha wa’deutojooje na töwö Wanaadi, iisadaaediitacoomo Edhaajotoncomo,
tösootoi jäcä tötö’tajä’e yeijäcä, cäwaanaca’jocoomo weijäcä mmaja.
69Töwö cuntui Cäwaanacaaneichomo jäduujato,
ñäädä dhanoonö Dawí wä’jimmä’tädö dea.
70Jenaadä dea töwö Wanaadi mädä cöneecammajoi töwa’deuwödö ecammannamo aashicha’como wwäiñe.
71Töwö cöneecammajoi cutu’de’tännamo jonnoiñe cäwaanacaadöcoomo, cöquimmajä’nenaamo jonnoiñe cäwaanacaadöcoomo mmaja.
72Töwö mädääje cödööato wentumje cadai’choncomo ene’jocoomo weijäcä töwwä,
chäänönge tödöödö wetä mmaja töneecamma’jödö aashichaato,
73yää cadai’choncomo Aawadán wwä cöneecammaichö.
74Töwö Wanaadi cöneecammai Aawadán wwä cutu’de’tännamo jonnoiñe cäwaanacaadöcoomo,
tösaade’da yaanontädö tödöödö wetä yaawä cöwwäiñe,
75aashicha dhowaadäädä cöweichöcoomo wetä, chäänönge cöweichöcoomo wetä mmaja, cöweichöcoomoodäje.
76Amäädä shiichu’cä, Wanaadi o’jodhaato wa’deuwödö ecammaneije mätä’täja’de,
Cajiichaana owaajo töötäämöje aweijäcä, chäämadö choonecaaneije,
77shootoi owaanomaadöcoomo wetä wääwanaacatoojo jäcä,
choone’nadiiyöcoomo encwanno’jotoojo jäcä mmaja.
78Ñäädä Cöwaanadiiyöcoomo cujummatäiñe yeijäcä, wentumje cäneetäiñe yeijäcä mmaja,
caju ñano weiyu que cöweijaato.
79Yää na’de ñanno tööjano’taca naatoodö weiyuuducoomoje, ñanno töwä’ja’aamo;
täncanoode’da weiñä ai cä’se’täneichomooje mmaja yää na’dede; quee cönä’döaacä Saacadía.
80Yaawä Juan nnejeedö’cä cönaatö’nä’acä; cönsejjeta’dea. Jata ’jemjönö aca töweiye cönä’jaacä iisadaaediitacoomo wwäiñe töwäänejootojo cu’nädö aca töwä’dödö wa’cä.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2014 Reservados todos los derechos