Zazu Ria Apostoloro 11
11
Pita I Vagado Tarama E Eklesia I Koe Go Jerusalema
1Ria apostoloro mana vano lotu iri koe go kolabana Judia, iri gata vano iriki Jiu go kaega iri pala mana vaogote seko ia God. 2Iago, ṉalu Pita izae Jerusalema kakiaro vano lotu iri lete vamazale go kosi ne, iri vari valegue de ikoego Pita 3iri go, “Aro qo zae pade ria vano iriki Jiu go kaega, iriki kosi go kaega mana qo za ṉaṉa tavisi napu qira go.” 4Gonae Pita i sine vasadaka lupo ne qira osina pataro i sadaka bana mego kokosona ne.
5“Ṉalu era qa lotue komala Jopa, qa miadua kameka pata igere kameka poqa lavata iri dokia kavasi maqana, iri vaqoqoro me rani ne mana ilama notoe tarakenaqaqu era. 6Era qa reṉa velake loborona, mana qa mia pata pupuara manakama ro, pata qaraqara piru ro mana soso sinaqena pale ro go. 7Gonae qa gata kameka ovaṉa iseko me igo dena, ‘Degere Pita! Vae vale qira pataro nae mana ge go.’ 8Do era qa go, ‘Kaega Batu! era qaki ge kaega pata iki dalo go kaega mana pataro iki torago kaega gena go.’ 9Ovaṉa i reqe mego rani ne igo, ‘Osina pata ro i zazu ne go God iri dalo luposo, oniki nanao aro iriki dalo kaega.’ 10Kapisa to sadaka i vaego pataro dena, mana pataro igogo ne i popoka ule za rani ne. 11Torana so nae kapisa basoe iri turine me, qirae Kaesaria iri lama kebae pade qa koego era. 12Spirit tabo i sine nava oniki kasimu luluqiraiago taraonomo ria vano lotu iri luluava, qimu zaego Kaesaria mana osiqemu qimu za kebae loborona pade ia Konilias. 13Ia i sine ne qemu de igogo i mia kameka aqelo, i degere go loborona pade ia, mana i sine ne ia, ‘Ono turine kakia basoe go mara za lulume kameka valeke vitoṉona Saimon Pita. 14Ia tina sine nigo aro sekoro go tina vakaveligo aro mana ria iri koego pade aro go.’ 15Mana ṉalu era qa vatupiana ne to seko, Spirit tabo i qoqoro me i lama koe de iri koego ria, gerena siporo nivae bana mego, ilama koego de qata koego ita kokosona ne. 16Gonae era qa nanao zaqe to pata ni sine bana go Batu ne, igo, ‘Jon i bapitema qamue ramu besi, do era tuna bapitema qamue ramu Spirit tabo.’ 17I tatavata velaka meso, God iteke napu ne qira so vano iriki Jiu go kaega sosovolomo i teke ne qita go ita, ṉalu gata vaogote go Jesu Kristo. Ia go akena tane era, gogo tuna pada ne go va mamanava na God na?”
18Ṉalu iri gata go seko ia Pita ne, iri mamanava to vari valegu. Iri vazaka God mana iri go dena, “Pata ogoto, God iteke napu ne qira so vano iriki Jiu go kaega nanao uleule mana too voru go!”
Eklesia Na Komala Antiok
19Kavia ro ria iri paqa bana torana ṉalu iri vaevale go Sitivini iri za dokae kena Ponisia mana Saeprus mana komala lavata Antiok go. Mana iri tarama ne Tarama Velaka de iri koego so vano Jiu. 20Mana kakia ro napu vano lotu iri koego Saeprus mana Saerina iri za dokae de iri koego vano iriki Jiu go kaega, mana iri tamana qirae Tarama Velaka ia Jesu Batu ne. 21Karaputa ia Batu ne iko tavisi qira mana i topu sasakata to basoero iri lama vaogote mana tabali de ikoego Batu ne.
22Tarama na pataro dena idokae de iri koego vano lotu iri koe go Jerusalema. Iago iri turi vazao ze Banabasi komala Antiok. 23Ṉalu i zadoka i mia de igogo God i vamakolo qira go basoero ne, ia i kula sivala, mana i seko vatalasara ne qira. I vane qira dena muma ko vanadu mana ruqe ze Batu ne loborona puṉuqamu. 24Banabasi i kameka valeke velaka sivala mana Spirit tabo ikotavise ia mana vaogoto ia ilete karaputa, mana torana nae basoero ne iri lete vaogote to Batu ne.
25Taramuzina nae Banabasi izae Tarsus iza taqia Sol. 26Ṉalu i za soba go ia, ilulu vaule me ze ia Antiok. Mana tutukununa kameka ave nae iru kotavisi qira vano na komala igogo, ne iru vari vatatana de iri koego basoero topu. Mana vano na to komala lavata Antiok iri koru kenaqa qirae go vano vaogoto.
27Torana ṉalu nae kakiaro propeta ro iri reqeme Jerusalema iri lamae Antiok. 28Mana kaki kameka ria propetaro nae, vitoṉona Aqabus, loborona karaputa ia Spirit tabo, ia i degere, mana i sine vasadake kaki kameka saqo lavata i garogaro lama dokae na vudu pua. Mana saqo nae ilama ogoto to ṉalu Kolodias i batu lavata ego Rom ave nae. 29Iago nogoto qira disipoloro ne, iri toqe ne vazao na kesa, go tina tavisi ne qirae go vano lotu iri koego Judia. 30Gonae iri qoqone kesa, mana iri vapala qirue Banabasi mana Sol mana iru za teke ne qira to kazigarata na ro lotu iri koego Jerusalema.
Currently Selected:
Zazu Ria Apostoloro 11: VRSNT
Highlight
Share
Copy
Want to have your highlights saved across all your devices? Sign up or sign in
The New Testament in Varisi, Solomon Islands © Bible Society of the South Pacific, 1994, 2004.
Zazu Ria Apostoloro 11
11
Pita I Vagado Tarama E Eklesia I Koe Go Jerusalema
1Ria apostoloro mana vano lotu iri koe go kolabana Judia, iri gata vano iriki Jiu go kaega iri pala mana vaogote seko ia God. 2Iago, ṉalu Pita izae Jerusalema kakiaro vano lotu iri lete vamazale go kosi ne, iri vari valegue de ikoego Pita 3iri go, “Aro qo zae pade ria vano iriki Jiu go kaega, iriki kosi go kaega mana qo za ṉaṉa tavisi napu qira go.” 4Gonae Pita i sine vasadaka lupo ne qira osina pataro i sadaka bana mego kokosona ne.
5“Ṉalu era qa lotue komala Jopa, qa miadua kameka pata igere kameka poqa lavata iri dokia kavasi maqana, iri vaqoqoro me rani ne mana ilama notoe tarakenaqaqu era. 6Era qa reṉa velake loborona, mana qa mia pata pupuara manakama ro, pata qaraqara piru ro mana soso sinaqena pale ro go. 7Gonae qa gata kameka ovaṉa iseko me igo dena, ‘Degere Pita! Vae vale qira pataro nae mana ge go.’ 8Do era qa go, ‘Kaega Batu! era qaki ge kaega pata iki dalo go kaega mana pataro iki torago kaega gena go.’ 9Ovaṉa i reqe mego rani ne igo, ‘Osina pata ro i zazu ne go God iri dalo luposo, oniki nanao aro iriki dalo kaega.’ 10Kapisa to sadaka i vaego pataro dena, mana pataro igogo ne i popoka ule za rani ne. 11Torana so nae kapisa basoe iri turine me, qirae Kaesaria iri lama kebae pade qa koego era. 12Spirit tabo i sine nava oniki kasimu luluqiraiago taraonomo ria vano lotu iri luluava, qimu zaego Kaesaria mana osiqemu qimu za kebae loborona pade ia Konilias. 13Ia i sine ne qemu de igogo i mia kameka aqelo, i degere go loborona pade ia, mana i sine ne ia, ‘Ono turine kakia basoe go mara za lulume kameka valeke vitoṉona Saimon Pita. 14Ia tina sine nigo aro sekoro go tina vakaveligo aro mana ria iri koego pade aro go.’ 15Mana ṉalu era qa vatupiana ne to seko, Spirit tabo i qoqoro me i lama koe de iri koego ria, gerena siporo nivae bana mego, ilama koego de qata koego ita kokosona ne. 16Gonae era qa nanao zaqe to pata ni sine bana go Batu ne, igo, ‘Jon i bapitema qamue ramu besi, do era tuna bapitema qamue ramu Spirit tabo.’ 17I tatavata velaka meso, God iteke napu ne qira so vano iriki Jiu go kaega sosovolomo i teke ne qita go ita, ṉalu gata vaogote go Jesu Kristo. Ia go akena tane era, gogo tuna pada ne go va mamanava na God na?”
18Ṉalu iri gata go seko ia Pita ne, iri mamanava to vari valegu. Iri vazaka God mana iri go dena, “Pata ogoto, God iteke napu ne qira so vano iriki Jiu go kaega nanao uleule mana too voru go!”
Eklesia Na Komala Antiok
19Kavia ro ria iri paqa bana torana ṉalu iri vaevale go Sitivini iri za dokae kena Ponisia mana Saeprus mana komala lavata Antiok go. Mana iri tarama ne Tarama Velaka de iri koego so vano Jiu. 20Mana kakia ro napu vano lotu iri koego Saeprus mana Saerina iri za dokae de iri koego vano iriki Jiu go kaega, mana iri tamana qirae Tarama Velaka ia Jesu Batu ne. 21Karaputa ia Batu ne iko tavisi qira mana i topu sasakata to basoero iri lama vaogote mana tabali de ikoego Batu ne.
22Tarama na pataro dena idokae de iri koego vano lotu iri koe go Jerusalema. Iago iri turi vazao ze Banabasi komala Antiok. 23Ṉalu i zadoka i mia de igogo God i vamakolo qira go basoero ne, ia i kula sivala, mana i seko vatalasara ne qira. I vane qira dena muma ko vanadu mana ruqe ze Batu ne loborona puṉuqamu. 24Banabasi i kameka valeke velaka sivala mana Spirit tabo ikotavise ia mana vaogoto ia ilete karaputa, mana torana nae basoero ne iri lete vaogote to Batu ne.
25Taramuzina nae Banabasi izae Tarsus iza taqia Sol. 26Ṉalu i za soba go ia, ilulu vaule me ze ia Antiok. Mana tutukununa kameka ave nae iru kotavisi qira vano na komala igogo, ne iru vari vatatana de iri koego basoero topu. Mana vano na to komala lavata Antiok iri koru kenaqa qirae go vano vaogoto.
27Torana ṉalu nae kakiaro propeta ro iri reqeme Jerusalema iri lamae Antiok. 28Mana kaki kameka ria propetaro nae, vitoṉona Aqabus, loborona karaputa ia Spirit tabo, ia i degere, mana i sine vasadake kaki kameka saqo lavata i garogaro lama dokae na vudu pua. Mana saqo nae ilama ogoto to ṉalu Kolodias i batu lavata ego Rom ave nae. 29Iago nogoto qira disipoloro ne, iri toqe ne vazao na kesa, go tina tavisi ne qirae go vano lotu iri koego Judia. 30Gonae iri qoqone kesa, mana iri vapala qirue Banabasi mana Sol mana iru za teke ne qira to kazigarata na ro lotu iri koego Jerusalema.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Varisi, Solomon Islands © Bible Society of the South Pacific, 1994, 2004.