Zazu Ria Apostoloro 12
12
Iri Lete Vasasakata Napu Ne Qira Vano Iri Vaogoto Go
1Torana ṉalu ro nae, batu lavata Erode Aqripa i vatupia to vasasakata ne qira vano na eklesia ne. 2I sine ne qira basoero ia, tarina vae vale ze peqi loda Jemisi, iru tamakena go Jon. 3Ṉalu Erode Aqripa i mia, pataro i zazu ne go iva kula qira vano batubatu na Jiu, ia i pala napua Pita. 4Taramuzina iri pala Pita, iri taru ze ia loborona bara ne, de go i koe to vari miasoka ria kavasi koko na kavasi soldia. Erode i nanao tina vazao ze Pita loborona varitanae, mana vae vale ia taramuzina kelo nanao taruna bureri i kaega go Isiti na. 5Iago soldia ro ne irimiasoka ze Pita loborona bara ne, do basoero lotu, iri pene vakaraputa ne ia de ikoego Batu ne.
Aqelo Ne I Vasiporo Ze Pita Loborona Bara Ne
6Kuse na nae ne tarakenaqana, go Erode tinara vazao ze ia de iri koego basoero, Pita i kamukue vari lobori qiru karua soldia. Iri qolo taru ze ia karua seni, mana iri ko napu soldia ro iri mia tarua go siporaṉa na bara ne. 7Goso nae kaki aqelo ia Batu ne, i za degere de gogo ne, mana tatavata i damara e kova ne. Aqelo ne i vizu zeqe avarana Pita mana, iva dogare ia, i sine ne, “Katikili! Degere!” iki rove so kaega ia, karua seni iri qolo zego ia i talupase karua karisina. 8Gonae aqelo ne i sine ne ia, “Vanadua beloto aro mana va soma ne makebotu aro.” Pita i zazu ne, mana aqelo ne i sine napu ne ia, “Vakeba ne roku aro, mana lulu ava era.” 9Pita i lulu ne ia, iru siporo kasi ne bara ne, do Pita iki rove so kaega pata ni zazu ne aqelo ne i pata ogoto go, do i nanao i kukureka so. 10Iru sivale siporaṉa kenaqa iri miasoka go vano soldia, mana varuana siporaṉa go iru lama napue siporaṉa aeana ni siporo za go komala lavata ne, kokoqu ne i papaqa bana so tanuna, mana iru siporo za. Iru lulua kakia zuka na komala lavata ne mana aqelo ne katikili so i kasi ne Pita.
11Goto nae Pita iara mia rove pata ni sadake go, mana igo, “Ninidena qa rove to, i pata ogoto bana! Batu ne i turine aqelo ia, go tina vakavele ve era karaputa ia Erode, mana osina ro pata iri nanao go vano Jiu tina dokava go era.”
12Ṉalu i rove velake to pata ni doka go tanuna, Pita i zae pade ia Maria, sinana Jon Maka, de go topu na basoero iri teṉoe mana iri pepene. 13Pita i za kekeqere siporaṉa pekapeka na pade ne, mana kameka qole vitoṉona Roda i lama, go mara mia kake ni kekeqere go. 14Iza gata soba ovaṉaṉa Pita, mana i lete kula sivala, iki papaqa kaega siporaṉa ne, do i ule napu za loboro pade ne mana i sine ne qira basoero iri teṉo go, igo, “Pita i degere go pekapeka ne!” 15Iri sine ne ia, “Aro qo bulaṉoe”, do qole ne i vataule ne qira igo, “Pata ogoto to”, do iri sine napu ne qole ne, kadego madau na so bago.
16Torana iri ara vari valegu go ria ne, Pita i kekegere so, goto nae iri za papaqa siporaṉa ne, mana ṉalu iri miasoba ia iri lete nureke. 17Pita gonae i vizu vanoto qirae karisi na, go tariniki poro seko, mana i sine lupasa ne qira, de igogo Batu ne i vasiporo ze ia loborona bara ne. Mana i sine ne qira, “Va qata qirae Jemisi mana kero ne vano vaogoto sauna pataro dena.” Goto nae i kasi ne qira mana i za napue kaki dia go.
18Sarusaruku na ne, vano soldia ro iri miasoka go Pita, iri lete poloso, mana iri vari valegu, iri lete tutuqu, mana i topu to nanaoqira, sauna kapata ni doka go Pita? 19Erode gonae i vazao tamana, tarina taqia Pita, do iriki soba so kaega ia, iago i pala qira soldia ro irimiasoka go Pita, i tana ne qira, mana i sine tarina vaevale qira. Taramuzina pataro dena Erode i kasi ne Judia mana i za ko va umate Kaesaria.
Pepeu Na Dego Ni Le Go Erode
20Erode i lete muma ne qira basoero na Taea mana Saidon, iago basoero na karua kena igogo ne, iri qoqoṉo, go tarina za mia Erode. Iri za kenaqe de ikoego Balastus, valeke ni miasoka go pade Lavata ia Erode, go tina tavisi ne qira. Goto nae iri zae de ikoego Erode mana iri za pene bule, tanego tepa vudu ia so batu lavata Erode iri pala ze go pata gege ria.
21Musaqara i vine go tanuna Erode i doka, ia i vakeba ne malemale ni vavazao go musaqara lavata ro, i kolokue de koko batubatu ia, mana i seko e de iri koego basoero ne. 22Vano in gatagata go iri koru, iri go, “Iki gere kaega seko na basoe volomo, i gere so sekoseko na god.” 23Goso nae, aqelo ia Batu ne, i lama vae va mokose ia, tanego iki va mazale kaega God. Dodole ro iri ge loborona sopana mana ile.
24Tarama Velaka ia God, i zaza mana podo popoka go.
25Banabasi mana Sol iru valupo to zazu riru mana iru ule za Jerusalema, iru lulua Jon Maka go.
Currently Selected:
Zazu Ria Apostoloro 12: VRSNT
Highlight
Share
Copy
Want to have your highlights saved across all your devices? Sign up or sign in
The New Testament in Varisi, Solomon Islands © Bible Society of the South Pacific, 1994, 2004.
Zazu Ria Apostoloro 12
12
Iri Lete Vasasakata Napu Ne Qira Vano Iri Vaogoto Go
1Torana ṉalu ro nae, batu lavata Erode Aqripa i vatupia to vasasakata ne qira vano na eklesia ne. 2I sine ne qira basoero ia, tarina vae vale ze peqi loda Jemisi, iru tamakena go Jon. 3Ṉalu Erode Aqripa i mia, pataro i zazu ne go iva kula qira vano batubatu na Jiu, ia i pala napua Pita. 4Taramuzina iri pala Pita, iri taru ze ia loborona bara ne, de go i koe to vari miasoka ria kavasi koko na kavasi soldia. Erode i nanao tina vazao ze Pita loborona varitanae, mana vae vale ia taramuzina kelo nanao taruna bureri i kaega go Isiti na. 5Iago soldia ro ne irimiasoka ze Pita loborona bara ne, do basoero lotu, iri pene vakaraputa ne ia de ikoego Batu ne.
Aqelo Ne I Vasiporo Ze Pita Loborona Bara Ne
6Kuse na nae ne tarakenaqana, go Erode tinara vazao ze ia de iri koego basoero, Pita i kamukue vari lobori qiru karua soldia. Iri qolo taru ze ia karua seni, mana iri ko napu soldia ro iri mia tarua go siporaṉa na bara ne. 7Goso nae kaki aqelo ia Batu ne, i za degere de gogo ne, mana tatavata i damara e kova ne. Aqelo ne i vizu zeqe avarana Pita mana, iva dogare ia, i sine ne, “Katikili! Degere!” iki rove so kaega ia, karua seni iri qolo zego ia i talupase karua karisina. 8Gonae aqelo ne i sine ne ia, “Vanadua beloto aro mana va soma ne makebotu aro.” Pita i zazu ne, mana aqelo ne i sine napu ne ia, “Vakeba ne roku aro, mana lulu ava era.” 9Pita i lulu ne ia, iru siporo kasi ne bara ne, do Pita iki rove so kaega pata ni zazu ne aqelo ne i pata ogoto go, do i nanao i kukureka so. 10Iru sivale siporaṉa kenaqa iri miasoka go vano soldia, mana varuana siporaṉa go iru lama napue siporaṉa aeana ni siporo za go komala lavata ne, kokoqu ne i papaqa bana so tanuna, mana iru siporo za. Iru lulua kakia zuka na komala lavata ne mana aqelo ne katikili so i kasi ne Pita.
11Goto nae Pita iara mia rove pata ni sadake go, mana igo, “Ninidena qa rove to, i pata ogoto bana! Batu ne i turine aqelo ia, go tina vakavele ve era karaputa ia Erode, mana osina ro pata iri nanao go vano Jiu tina dokava go era.”
12Ṉalu i rove velake to pata ni doka go tanuna, Pita i zae pade ia Maria, sinana Jon Maka, de go topu na basoero iri teṉoe mana iri pepene. 13Pita i za kekeqere siporaṉa pekapeka na pade ne, mana kameka qole vitoṉona Roda i lama, go mara mia kake ni kekeqere go. 14Iza gata soba ovaṉaṉa Pita, mana i lete kula sivala, iki papaqa kaega siporaṉa ne, do i ule napu za loboro pade ne mana i sine ne qira basoero iri teṉo go, igo, “Pita i degere go pekapeka ne!” 15Iri sine ne ia, “Aro qo bulaṉoe”, do qole ne i vataule ne qira igo, “Pata ogoto to”, do iri sine napu ne qole ne, kadego madau na so bago.
16Torana iri ara vari valegu go ria ne, Pita i kekegere so, goto nae iri za papaqa siporaṉa ne, mana ṉalu iri miasoba ia iri lete nureke. 17Pita gonae i vizu vanoto qirae karisi na, go tariniki poro seko, mana i sine lupasa ne qira, de igogo Batu ne i vasiporo ze ia loborona bara ne. Mana i sine ne qira, “Va qata qirae Jemisi mana kero ne vano vaogoto sauna pataro dena.” Goto nae i kasi ne qira mana i za napue kaki dia go.
18Sarusaruku na ne, vano soldia ro iri miasoka go Pita, iri lete poloso, mana iri vari valegu, iri lete tutuqu, mana i topu to nanaoqira, sauna kapata ni doka go Pita? 19Erode gonae i vazao tamana, tarina taqia Pita, do iriki soba so kaega ia, iago i pala qira soldia ro irimiasoka go Pita, i tana ne qira, mana i sine tarina vaevale qira. Taramuzina pataro dena Erode i kasi ne Judia mana i za ko va umate Kaesaria.
Pepeu Na Dego Ni Le Go Erode
20Erode i lete muma ne qira basoero na Taea mana Saidon, iago basoero na karua kena igogo ne, iri qoqoṉo, go tarina za mia Erode. Iri za kenaqe de ikoego Balastus, valeke ni miasoka go pade Lavata ia Erode, go tina tavisi ne qira. Goto nae iri zae de ikoego Erode mana iri za pene bule, tanego tepa vudu ia so batu lavata Erode iri pala ze go pata gege ria.
21Musaqara i vine go tanuna Erode i doka, ia i vakeba ne malemale ni vavazao go musaqara lavata ro, i kolokue de koko batubatu ia, mana i seko e de iri koego basoero ne. 22Vano in gatagata go iri koru, iri go, “Iki gere kaega seko na basoe volomo, i gere so sekoseko na god.” 23Goso nae, aqelo ia Batu ne, i lama vae va mokose ia, tanego iki va mazale kaega God. Dodole ro iri ge loborona sopana mana ile.
24Tarama Velaka ia God, i zaza mana podo popoka go.
25Banabasi mana Sol iru valupo to zazu riru mana iru ule za Jerusalema, iru lulua Jon Maka go.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Varisi, Solomon Islands © Bible Society of the South Pacific, 1994, 2004.