Zazu Ria Apostoloro 8
8
1Mana Sol i toqe ne vae vale na Sitivini.
Sol I Vasasakata Ne Qira Vano Na Eklesia
Torana musaqara ro nae eklesia i koe Jerusalema iri ko makuru, tanego basoero ne iri lete vasasakata ne qira, osiqira ria iri vaogote go Kristo ne iri soso tapero lupoe kena na Judia mana Samaria, do apostoloro ne so iri ko go. 2Kakiaro vano iri pada ne lulu na vatovato velaka ia God iri vovua go Sitivini mana iri dae valavata tanego iri maqata.
3Do Sol i pada ne vasakata na eklesia, i kebae padepade ro, i raqasa vasiporo qira vano iri vaogoto go, valeke ro mana qolero, mana i vana qira qe loborona bara ne.
Iri Za Tarama Ne Tarama Velaka Ne Loborona Samaria
4Vano iri vaogote go Jesu iri repe lupoe osina dia ro, iri za tarama ne Tarama Velaka ne. 5Pilipi i zae komala lavata na Samaria, mana i za tarama ne qira basoero ne, de igogo Mesia. 6Basoero ne iri vavaroṉo va velaka ne pata i sine go Pilipi, iri gata pata ro i sine mana iri mia zazu mazala ro iva sadake go. 7Manuru sakata ro, iri koru valavata mana iri siporo kasi ne qira basoe topu ro ne, vano i pala qira mokoso, i makuru qira zaza, mana vano taveqo go, iri velaka lupo. 8Mana loborona komala lavata igogo ne, iri lete kula sivala.
9Kameka valeke vitoṉona Saimon, i koe komala ni gogo ne, kakiaro ṉalu i lete vapoloso qira basoero na Samaria, de igo i vazazua manumanuru ro ia. Ia igo, tanuna i kaki basoe mazala, 10mana osiqira basoero na komala igogo ne, iri va mazale ia, vano batubatu mana basoero volomo go, iri go, “Iato i karaputa na God iri vitoṉo ze karaputa mazala.” 11Iri padapadae de ikoego ia, tanego i umata sakata to kotavisi i vae ne qira go, mana i va sadaka ne qira zazu manumanuru ro ia. 12Do ṉalu basoero ne iri vaogote go Tarama Velaka na de i koego vari miasoka ia God, mana Jesu Kristo ni tarama nego Pilipi, topu ria valeke ro mana qolero iri bapitema. 13Saimon, do ivaogoto napu mana taramuzina ia i bapitema i ko garogaro so Pilipi mana i lete poloso, ṉalu i mia zazu mazala ro mana zazu vari va poloso ro i zazu ne go Pilipi.
14Ria apostoloro iri koego Jerusale-ma, iri gata soba basoero na Samaria iri toqe ne vaogote na seko ia God, iago iri turine qiru Pita mana Jon tiruna za mia qira go. 15Ṉalu iru za dokae Samaria, iri pepene ne qira vano iri vaogoto go, go tarina toṉove go Spirit tabo ne. 16Tanego Spirit tabo ne, iara kaebo lama na de iri koego, iri ara bapitema neso vitoṉona Batu Jesu Kristo. 17Ṉalu Pita mana Jon iru va kapata ze karisi qiru de iri koego, ria iri toṉove Spirit tabo ne.
18I mia igo Saimon vano iri vaogoto go, iri toṉove go Spirit tabo ne ṉalu Pita mana Jon iru va kapata ze karisiqiru de iri koego basoero ne, ia i soko mara teke ne qiru kesa Pita mana Jon 19mana i sine ne qiru, “Teke nava era karaputa nae, go ṉalu tuna vakapata ze karisiqu era de iri koego kero ne basoero ne, ria mara mazala pala na Spirit tabo.”
20Do Pita i vataule ne ia, “Aro mana kesa aro aburuna zae nako ne, avigo qo nanao qo mazala voli ze kesa sosovolomo ia God! 21Aro iki tora go kaega tono zazu tavise go zazu dena, tanego puṉumu aro iki totoloṉo e kaega tarakenaqana God. 22Nanao ule ne nanao sakata ro aro, mana pene Batu ne go mara nanao ule nigo, mana nanao qa pala go nae go. 23Tanego qa mia go aro qo lete qora mana i qolo so vasakata pata.”
24Saimon i sine ne qiru Pita mana Jon, “Ke! Pene nava me Batu ne, go kaega kaki pata qaburu sine go mara doka va era.”
25Pita mana Jon iru tarama ne Kristo de iri koego basoero ne, iru sine vasadake seko ia God, goto nae iru gado ule za Jerusalema. Loborona zaza gado iru vae go, iru tarama lulu e komakomala na Samaria Tarama Velaka ia Batu ne.
Pilipi Mana Kameka Valeke Batu Na Itiopi
26Aqelo ia Batu ne i sine ne Pilipi, “Vanama mana zae tepa saot, zuka i reqe mego Jerusalema ni zae go Qaza.” Zuka dena iriki vazazua to kaega ninidena. 27-28Gonae Pilipi i vanama mana i za. Aria kameka valeke batu na Itiopi i za banae Jerusalema, i za vazaka God mana i gado ule, i age pata ageage ia, valeke dena i kaki valeke lavata, imiasoka pata vavagado ia gole batu na Itiopi, mana loborona zaza gado ia, i toere lulua buka i karo go propeta Isaia. 29Spirit tabo ne i turine Pilipi, “Ziki za mana za garogaro pata ageage dona.” 30Pilipi i teteṉe za mana i gata basoena Itiopi i toere go buka i karo go propeta Isaia. Pilipi gonae i tana ne ia, “Avigo qo nanao rove talupasana pata qo toere go ba?”
31Valeke na Itiopi i vataule, “Avigo tuna nanao rove go era ṉalu ka basoe iki vatalupasa nava go kaega?” Gonae i pene Pilipi tina keba me mana koloku tavisi ze ia loborona pata ageage ia. 32Iato dena takoboro na seko i toere ze go Buka tabo ne,
“I gere kaki sipi iri pala, go mara vae vale,
i gere kaki tunana sipi iki dae go kaega ṉalu iri puta go uruguna ro.
33Iri va maqate ia, do i kaega ka basoe tina vine go pata ni totoloṉo go.
I kaega ka basoe tina pepeu soma go popodo ia,
tanego too ia, i lupo banae pua dena.”
34Valeke na Itiopi i tana ne Pilipi, “Sine nava era, i sauna akena tane propeta dena i sine ze go seko dena? I pepeua de igo tanuna, ba i pepeua kaki basoe kakavata?” 35Gonae Pilipi ivatupia to sine ne na ia, Tarama Velaka ia Jesu, ireqe go takoborona seko tabo igogo ne. 36Loborona zaza iru vaego zuka ne, iru lama dokae de i koe kaki besi, valeke na Itiopi i sine ne Pilipi, “Besi to dena. Avana tane tinara va makuru ava go era go tuniki bapitema go kaega?” [ 37Pilipi i sine ne ia, “Ṉalu qo vaogote Jesu mana qo mamaligara ze ia osina puṉumu, qo mazala to bapitema,” valeke ne i vataule, “Era qa vaogote Jesu Kristo i Tuna God.”]
38Valeke batu na Itiopi i sine mara va noto pata iri age go, gonae Pilipi mana valeke na Itiopi iru zae de ikoego besi ne, mana Pilipi i bapitema ia. 39Ṉalu iri kasi me besi ne Spirit tabo ne i pala vakuziki ne Pilipi, valeke na Itiopi iki miasoba napua kaega Pilipi, do i lulua zuka ne mana puṉuna i lete kula sivala. 40Pilipi i mia rove i lama doka Azotus, gonae i zae komakomala ro ne, i tamana ne Tarama Velaka ne, go iara za doka e go Kaesaria.
Currently Selected:
Zazu Ria Apostoloro 8: VRSNT
Highlight
Share
Copy
Want to have your highlights saved across all your devices? Sign up or sign in
The New Testament in Varisi, Solomon Islands © Bible Society of the South Pacific, 1994, 2004.
Zazu Ria Apostoloro 8
8
1Mana Sol i toqe ne vae vale na Sitivini.
Sol I Vasasakata Ne Qira Vano Na Eklesia
Torana musaqara ro nae eklesia i koe Jerusalema iri ko makuru, tanego basoero ne iri lete vasasakata ne qira, osiqira ria iri vaogote go Kristo ne iri soso tapero lupoe kena na Judia mana Samaria, do apostoloro ne so iri ko go. 2Kakiaro vano iri pada ne lulu na vatovato velaka ia God iri vovua go Sitivini mana iri dae valavata tanego iri maqata.
3Do Sol i pada ne vasakata na eklesia, i kebae padepade ro, i raqasa vasiporo qira vano iri vaogoto go, valeke ro mana qolero, mana i vana qira qe loborona bara ne.
Iri Za Tarama Ne Tarama Velaka Ne Loborona Samaria
4Vano iri vaogote go Jesu iri repe lupoe osina dia ro, iri za tarama ne Tarama Velaka ne. 5Pilipi i zae komala lavata na Samaria, mana i za tarama ne qira basoero ne, de igogo Mesia. 6Basoero ne iri vavaroṉo va velaka ne pata i sine go Pilipi, iri gata pata ro i sine mana iri mia zazu mazala ro iva sadake go. 7Manuru sakata ro, iri koru valavata mana iri siporo kasi ne qira basoe topu ro ne, vano i pala qira mokoso, i makuru qira zaza, mana vano taveqo go, iri velaka lupo. 8Mana loborona komala lavata igogo ne, iri lete kula sivala.
9Kameka valeke vitoṉona Saimon, i koe komala ni gogo ne, kakiaro ṉalu i lete vapoloso qira basoero na Samaria, de igo i vazazua manumanuru ro ia. Ia igo, tanuna i kaki basoe mazala, 10mana osiqira basoero na komala igogo ne, iri va mazale ia, vano batubatu mana basoero volomo go, iri go, “Iato i karaputa na God iri vitoṉo ze karaputa mazala.” 11Iri padapadae de ikoego ia, tanego i umata sakata to kotavisi i vae ne qira go, mana i va sadaka ne qira zazu manumanuru ro ia. 12Do ṉalu basoero ne iri vaogote go Tarama Velaka na de i koego vari miasoka ia God, mana Jesu Kristo ni tarama nego Pilipi, topu ria valeke ro mana qolero iri bapitema. 13Saimon, do ivaogoto napu mana taramuzina ia i bapitema i ko garogaro so Pilipi mana i lete poloso, ṉalu i mia zazu mazala ro mana zazu vari va poloso ro i zazu ne go Pilipi.
14Ria apostoloro iri koego Jerusale-ma, iri gata soba basoero na Samaria iri toqe ne vaogote na seko ia God, iago iri turine qiru Pita mana Jon tiruna za mia qira go. 15Ṉalu iru za dokae Samaria, iri pepene ne qira vano iri vaogoto go, go tarina toṉove go Spirit tabo ne. 16Tanego Spirit tabo ne, iara kaebo lama na de iri koego, iri ara bapitema neso vitoṉona Batu Jesu Kristo. 17Ṉalu Pita mana Jon iru va kapata ze karisi qiru de iri koego, ria iri toṉove Spirit tabo ne.
18I mia igo Saimon vano iri vaogoto go, iri toṉove go Spirit tabo ne ṉalu Pita mana Jon iru va kapata ze karisiqiru de iri koego basoero ne, ia i soko mara teke ne qiru kesa Pita mana Jon 19mana i sine ne qiru, “Teke nava era karaputa nae, go ṉalu tuna vakapata ze karisiqu era de iri koego kero ne basoero ne, ria mara mazala pala na Spirit tabo.”
20Do Pita i vataule ne ia, “Aro mana kesa aro aburuna zae nako ne, avigo qo nanao qo mazala voli ze kesa sosovolomo ia God! 21Aro iki tora go kaega tono zazu tavise go zazu dena, tanego puṉumu aro iki totoloṉo e kaega tarakenaqana God. 22Nanao ule ne nanao sakata ro aro, mana pene Batu ne go mara nanao ule nigo, mana nanao qa pala go nae go. 23Tanego qa mia go aro qo lete qora mana i qolo so vasakata pata.”
24Saimon i sine ne qiru Pita mana Jon, “Ke! Pene nava me Batu ne, go kaega kaki pata qaburu sine go mara doka va era.”
25Pita mana Jon iru tarama ne Kristo de iri koego basoero ne, iru sine vasadake seko ia God, goto nae iru gado ule za Jerusalema. Loborona zaza gado iru vae go, iru tarama lulu e komakomala na Samaria Tarama Velaka ia Batu ne.
Pilipi Mana Kameka Valeke Batu Na Itiopi
26Aqelo ia Batu ne i sine ne Pilipi, “Vanama mana zae tepa saot, zuka i reqe mego Jerusalema ni zae go Qaza.” Zuka dena iriki vazazua to kaega ninidena. 27-28Gonae Pilipi i vanama mana i za. Aria kameka valeke batu na Itiopi i za banae Jerusalema, i za vazaka God mana i gado ule, i age pata ageage ia, valeke dena i kaki valeke lavata, imiasoka pata vavagado ia gole batu na Itiopi, mana loborona zaza gado ia, i toere lulua buka i karo go propeta Isaia. 29Spirit tabo ne i turine Pilipi, “Ziki za mana za garogaro pata ageage dona.” 30Pilipi i teteṉe za mana i gata basoena Itiopi i toere go buka i karo go propeta Isaia. Pilipi gonae i tana ne ia, “Avigo qo nanao rove talupasana pata qo toere go ba?”
31Valeke na Itiopi i vataule, “Avigo tuna nanao rove go era ṉalu ka basoe iki vatalupasa nava go kaega?” Gonae i pene Pilipi tina keba me mana koloku tavisi ze ia loborona pata ageage ia. 32Iato dena takoboro na seko i toere ze go Buka tabo ne,
“I gere kaki sipi iri pala, go mara vae vale,
i gere kaki tunana sipi iki dae go kaega ṉalu iri puta go uruguna ro.
33Iri va maqate ia, do i kaega ka basoe tina vine go pata ni totoloṉo go.
I kaega ka basoe tina pepeu soma go popodo ia,
tanego too ia, i lupo banae pua dena.”
34Valeke na Itiopi i tana ne Pilipi, “Sine nava era, i sauna akena tane propeta dena i sine ze go seko dena? I pepeua de igo tanuna, ba i pepeua kaki basoe kakavata?” 35Gonae Pilipi ivatupia to sine ne na ia, Tarama Velaka ia Jesu, ireqe go takoborona seko tabo igogo ne. 36Loborona zaza iru vaego zuka ne, iru lama dokae de i koe kaki besi, valeke na Itiopi i sine ne Pilipi, “Besi to dena. Avana tane tinara va makuru ava go era go tuniki bapitema go kaega?” [ 37Pilipi i sine ne ia, “Ṉalu qo vaogote Jesu mana qo mamaligara ze ia osina puṉumu, qo mazala to bapitema,” valeke ne i vataule, “Era qa vaogote Jesu Kristo i Tuna God.”]
38Valeke batu na Itiopi i sine mara va noto pata iri age go, gonae Pilipi mana valeke na Itiopi iru zae de ikoego besi ne, mana Pilipi i bapitema ia. 39Ṉalu iri kasi me besi ne Spirit tabo ne i pala vakuziki ne Pilipi, valeke na Itiopi iki miasoba napua kaega Pilipi, do i lulua zuka ne mana puṉuna i lete kula sivala. 40Pilipi i mia rove i lama doka Azotus, gonae i zae komakomala ro ne, i tamana ne Tarama Velaka ne, go iara za doka e go Kaesaria.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Varisi, Solomon Islands © Bible Society of the South Pacific, 1994, 2004.