Zazu Ria Apostoloro 9
9
Kokosona Tabali Ia Sol De Ikoego Jesu
(Zazu Ria Apostoloro 22.6-16; 26.12-18)
1Torana dena Sol iara lete ṉiṉiri ne so mara vaevale qira vano iri vaogote go Jesu Batu ne. Izae de iri koego batu ria patere ro, 2mana i za pene mara karo ne kakia ro leta go mara pala za Pade Lotu ria vano Jiu iri koe go komala Damaskus, go leta ro dena to tina vamazale ia, go ṉalu tina soba qirae de igogo ne basoero iri vaogote Jesu Batu, tina pala qira mana vazao qirae Jerusalema.
3Ṉalu Sol i lulua zuka na Damaskus ilama garogaro to komala lavata ne, goso nae kameka tatavata ireqe me varioka ne i lama iqolo koloso ia. 4Ia i sorue pua ne, mana i gata kameka ovaṉa igo dena, “Sol, Sol, avigo tane qo lete vasasakata nava go era?”
5Sol i seko aqe, “Ake aro na Batu?” “Era to Jesu qo lete vasasakata nava go, 6do ono degere mana gado za loborona komala lavata ne, mana nae tono soba ze kameka valeke tina sine nigo pata tono zazu ne go.”
7Ria basoero iri zaza tavise go Sol, iri degere mana noto mana iriki sine to kaega kapata. Ovaṉa ne iri gata do iriki mia kaega ka basoe. 8Sol i tapa degere me pua ne, mana ivola matana do iki mia kaega kapata. Iago iri toqo karisina mana kenaqa ne zaqe ia komala Damaskus. 9Torana kapisa musaqara iki mimia kaega, iki ṉaṉa kaega mana ge besi kaega go.
10Komala Damaskus ikoe kameka valeke vitona Ananaisi i vaogote Jesu mana loborona kameka miadua, Jesu i seko tabo ia, igo dena, “Ananaisi.” Ia i vataule, igo, “Avana Batu! Era to dena.”
11Batu ne i sine ne ia, igo, “Ono vanama mana lulua zuka iri vitoṉo ze go ‘totoloṉo’, i zae go pade ia Jiudas, ono za tanane ze kaki valeke ireqeme Tarsus vitoṉona Sol, tanego torana dena ia iara lotu. 12Mana loborona miadua ia imia bana kaki valeke vitoṉona Ananaisi ilama mana sapu ze karisina go ia tina mimia napu.”
13Ananaisi ivataule, igo, “Batu! Topu basoero iri sine bana nava era zazao na valeke dena, sauna topu pata sakata sivala ro i zazu bana ne ze go basoero aro iri koego komala lavala Jerusalema. 14Iago ilamae go Damaskus dena ipala karaputae de iri koego vano patere, go tina pala qira basoero iri vazaka go aro.”
15Do Batu ne i sine ne ia, “Ono za aro, tanego era qa vine, ia tina basoe zazu era, mana ia tina varove qira basoero iriki Jiu go kaega mana batu lavataro mana vano na Izirel sauna vitoṉoqu era. 16Mana era tanuqu tunara vamia ze ia topuna pata makuru tina soba go ṉalu ia tina tarama nego sauqu era.”
17Gonae Ananaisi i zaza, iza kebae pade ikoe go Sol, mana i sapu ze karisina, igo dena, “Turaqu Sol! Batu ne i turi nava era, iato Jesu i sadaka zigoe zuka ne lama qo vae go dena. Turi iato go ga lama nego, go tono mimia napu aro, mana Spirit tabo tina puraki go.” 18Goso nae katikili so kaki pata i gere go sine na iṉana ne, i soru kasi ne karua matana Sol, mana iara mimia napu go. Ia i degere mana iri bapitema ia. 19Mana taramuzina i ṉaṉa lupo tokamana iara karaputa ule napu go. Sol Itamanae Komala Damaskus Sol iko napu aqe kavia musaqara de iri koego vano iri vogote go Jesu iri koego komala Damaskus. 20Iza totoloṉe so Pade Lotu ria vano Jiu, mana i tamana ne, Jesu i Tuna ogoto to God.
21Osiqira basoero iri gata go ia iri lete poloso mana iri varitanae tanuqira, “Avigo valeke dena kaega tane ikoego Jerusalema, i vaevale qira go basoero iri vazaka go vitoṉona Jesu ba? Mana iki ia kaega tane i lamae komala dena go na pala qira basoero ne mana vaule qira qe de iri koego vano batu ria patere ro ba?”
22Do Sol ilete zaza popoka to karaputa na tamana ia, ilete vasadake to ogotona Jesu i valeke tavine bana meto de ikoe go God. Mana imakuru qira to vano Jiu iri koego Damaskus tarina valegu ze go ia kaki pata.
23Topu musaqara i sivala ia, batu batu ria vano Jiu iri teṉo pepeu, iri vanadua tarina vaevale Sol iri go. 24Do sekoro dena i dokae de ikoego Sol, musaqara ro mana kuse gogone vano iri kana ne go Sol iri mia tarua so siporaṉa na komala lavata ne, go mara vaevale ia iri go. 25Do kaki kameka kuse vano iri vakitaka nego Sol iri roku ze ia kuza lavata mana iri vasiporo ze ia talopana posa ne, mafia iri vaqoqoro zaqe ia pekapeka na komala lavata ne mana iri vapaqa.
Sol I Koe Komala Lavata Jerusalema
26Sol lama dokae Jerusalema, mana i pada ne ko tavisi qira vano iri vaogoto go. Do ria iriki vaogote kaega ia ni vaogote go Jesu, mana osiqira iri sareki. 27Gonae Banabasi i lama tavisi ne ia, i lulu vazao ze ia de iri koego apostoloro ne. Banabasi i sine lupasa ne qira ria de, igogo Sol i mia ze go Batu ne loborona zuka ne, mana Batu ne i seko tabe go ia, mana i sine napu ne qira de igogo karaputana Sol i tamana ne go vitoṉona Jesu komala na Damaskus. 28Pasi tonae ia Sol iara ko tavisi qira go ria mana i goe osina dia komala na Jerusalema i tamana vakaraputa ne vitoṉona Batu ne. 29Gonae Sol i seko mana i vari valegu napue de iri koego vano Jiu iri seko va Qrik go, do ria iri taqia zuka go tarina vaevale Sol. 30Ṉalu kakiaro napu vano lotu iri gata go pata dena, iri lulu vazao ze Sol, Kaesaria mana turi vapaqa zaqe ia Tarsus go.
31Pasi nae to ia eklesia ikoe go osina dia kolabana Judia, Qalili mana Samaria iri koe bule desuka. Loborona tavisi ia Spirit tabo eklesia ikaraputa, mana i zaza popoka. Topuna basoero iri vaogote go Kristo mana osiqira iri vazaka God.
Pita Izae Komala Lida Mana Jopa
32Pita izae osina dia, mana kaki kameka musaqara i za tove qira basoero ia God iri koe go Lida. 33Komala igogo ne i za soba ze kameka valeke vitoṉona Enias ile tokamana, torana kazalu ave i kekele so vesu ne. 34Pita i vane dena ia, “Enias! Jesu Kristo tina va velaki go aro. Ono degere mana vavelake vesu aro.” Goso nae Enias i degere me to. 35Osina.
36Komala Jopa i koe kaki kameka qole vitoṉona Tabita i vaogote Jesu Kristo. Seko Qrik Dokasi iri vane vitoṉona. Topuna ṉalu qole dena izazu ne zazu velakaro mana i tavisi ne qira vano situ. 37Torana ṉalu nae ia i lete mokoso mana ile. Gonae iri seqe sinarana mana iri vakekele ze kaki kova na pade zakazaka ne. 38Jopa iki laqalaqa ne kaega komala Lida, mana ṉalu vano lotu iri gata Pita ikoe komala Lida, iri turine qiru karua basoe iru pala seko ria, mana za sine ne Pita, “Ke ono katikili lamae komala remu,” iru go. 39Gonae Pita ivanama mana ilulu qiru to riru. Ṉalu i za doka go, iri lulu vazao ze ia kova zakazaka ne, topu qole ro nanaro iri teṉo kolo Pita, iri dae mana vamia ze ia roku ro i sira bana ne qira go Dokasi torana ara too ivae go. 40Pita gonae i vasiporo lupo qirae ria kova ne mana i koloku tutuṉui pene. Itabali za de ikoe go sinara na qole ne, igo dena, “Tabita, ono degere!” Ivola matana mana ṉalu ireṉa ne Pita ia i tapa degere me. 41Pita i tavisi ne toqo vadegerena ia. Gonae ikoru qira osiqira qolero nanaro mana vano lotu, i vamao ne qira to tarina mia Tabita i too napu go. 42Tarama na pata dena i zadava lupoe komala Jopa mana topu to basoero iri lete vaogote go Jesu. 43Pita iko vaumate komala Jopa pade ia Saimon valeke i vazazazua kapotona buluka.
Currently Selected:
Zazu Ria Apostoloro 9: VRSNT
Highlight
Share
Copy
Want to have your highlights saved across all your devices? Sign up or sign in
The New Testament in Varisi, Solomon Islands © Bible Society of the South Pacific, 1994, 2004.
Zazu Ria Apostoloro 9
9
Kokosona Tabali Ia Sol De Ikoego Jesu
(Zazu Ria Apostoloro 22.6-16; 26.12-18)
1Torana dena Sol iara lete ṉiṉiri ne so mara vaevale qira vano iri vaogote go Jesu Batu ne. Izae de iri koego batu ria patere ro, 2mana i za pene mara karo ne kakia ro leta go mara pala za Pade Lotu ria vano Jiu iri koe go komala Damaskus, go leta ro dena to tina vamazale ia, go ṉalu tina soba qirae de igogo ne basoero iri vaogote Jesu Batu, tina pala qira mana vazao qirae Jerusalema.
3Ṉalu Sol i lulua zuka na Damaskus ilama garogaro to komala lavata ne, goso nae kameka tatavata ireqe me varioka ne i lama iqolo koloso ia. 4Ia i sorue pua ne, mana i gata kameka ovaṉa igo dena, “Sol, Sol, avigo tane qo lete vasasakata nava go era?”
5Sol i seko aqe, “Ake aro na Batu?” “Era to Jesu qo lete vasasakata nava go, 6do ono degere mana gado za loborona komala lavata ne, mana nae tono soba ze kameka valeke tina sine nigo pata tono zazu ne go.”
7Ria basoero iri zaza tavise go Sol, iri degere mana noto mana iriki sine to kaega kapata. Ovaṉa ne iri gata do iriki mia kaega ka basoe. 8Sol i tapa degere me pua ne, mana ivola matana do iki mia kaega kapata. Iago iri toqo karisina mana kenaqa ne zaqe ia komala Damaskus. 9Torana kapisa musaqara iki mimia kaega, iki ṉaṉa kaega mana ge besi kaega go.
10Komala Damaskus ikoe kameka valeke vitona Ananaisi i vaogote Jesu mana loborona kameka miadua, Jesu i seko tabo ia, igo dena, “Ananaisi.” Ia i vataule, igo, “Avana Batu! Era to dena.”
11Batu ne i sine ne ia, igo, “Ono vanama mana lulua zuka iri vitoṉo ze go ‘totoloṉo’, i zae go pade ia Jiudas, ono za tanane ze kaki valeke ireqeme Tarsus vitoṉona Sol, tanego torana dena ia iara lotu. 12Mana loborona miadua ia imia bana kaki valeke vitoṉona Ananaisi ilama mana sapu ze karisina go ia tina mimia napu.”
13Ananaisi ivataule, igo, “Batu! Topu basoero iri sine bana nava era zazao na valeke dena, sauna topu pata sakata sivala ro i zazu bana ne ze go basoero aro iri koego komala lavala Jerusalema. 14Iago ilamae go Damaskus dena ipala karaputae de iri koego vano patere, go tina pala qira basoero iri vazaka go aro.”
15Do Batu ne i sine ne ia, “Ono za aro, tanego era qa vine, ia tina basoe zazu era, mana ia tina varove qira basoero iriki Jiu go kaega mana batu lavataro mana vano na Izirel sauna vitoṉoqu era. 16Mana era tanuqu tunara vamia ze ia topuna pata makuru tina soba go ṉalu ia tina tarama nego sauqu era.”
17Gonae Ananaisi i zaza, iza kebae pade ikoe go Sol, mana i sapu ze karisina, igo dena, “Turaqu Sol! Batu ne i turi nava era, iato Jesu i sadaka zigoe zuka ne lama qo vae go dena. Turi iato go ga lama nego, go tono mimia napu aro, mana Spirit tabo tina puraki go.” 18Goso nae katikili so kaki pata i gere go sine na iṉana ne, i soru kasi ne karua matana Sol, mana iara mimia napu go. Ia i degere mana iri bapitema ia. 19Mana taramuzina i ṉaṉa lupo tokamana iara karaputa ule napu go. Sol Itamanae Komala Damaskus Sol iko napu aqe kavia musaqara de iri koego vano iri vogote go Jesu iri koego komala Damaskus. 20Iza totoloṉe so Pade Lotu ria vano Jiu, mana i tamana ne, Jesu i Tuna ogoto to God.
21Osiqira basoero iri gata go ia iri lete poloso mana iri varitanae tanuqira, “Avigo valeke dena kaega tane ikoego Jerusalema, i vaevale qira go basoero iri vazaka go vitoṉona Jesu ba? Mana iki ia kaega tane i lamae komala dena go na pala qira basoero ne mana vaule qira qe de iri koego vano batu ria patere ro ba?”
22Do Sol ilete zaza popoka to karaputa na tamana ia, ilete vasadake to ogotona Jesu i valeke tavine bana meto de ikoe go God. Mana imakuru qira to vano Jiu iri koego Damaskus tarina valegu ze go ia kaki pata.
23Topu musaqara i sivala ia, batu batu ria vano Jiu iri teṉo pepeu, iri vanadua tarina vaevale Sol iri go. 24Do sekoro dena i dokae de ikoego Sol, musaqara ro mana kuse gogone vano iri kana ne go Sol iri mia tarua so siporaṉa na komala lavata ne, go mara vaevale ia iri go. 25Do kaki kameka kuse vano iri vakitaka nego Sol iri roku ze ia kuza lavata mana iri vasiporo ze ia talopana posa ne, mafia iri vaqoqoro zaqe ia pekapeka na komala lavata ne mana iri vapaqa.
Sol I Koe Komala Lavata Jerusalema
26Sol lama dokae Jerusalema, mana i pada ne ko tavisi qira vano iri vaogoto go. Do ria iriki vaogote kaega ia ni vaogote go Jesu, mana osiqira iri sareki. 27Gonae Banabasi i lama tavisi ne ia, i lulu vazao ze ia de iri koego apostoloro ne. Banabasi i sine lupasa ne qira ria de, igogo Sol i mia ze go Batu ne loborona zuka ne, mana Batu ne i seko tabe go ia, mana i sine napu ne qira de igogo karaputana Sol i tamana ne go vitoṉona Jesu komala na Damaskus. 28Pasi tonae ia Sol iara ko tavisi qira go ria mana i goe osina dia komala na Jerusalema i tamana vakaraputa ne vitoṉona Batu ne. 29Gonae Sol i seko mana i vari valegu napue de iri koego vano Jiu iri seko va Qrik go, do ria iri taqia zuka go tarina vaevale Sol. 30Ṉalu kakiaro napu vano lotu iri gata go pata dena, iri lulu vazao ze Sol, Kaesaria mana turi vapaqa zaqe ia Tarsus go.
31Pasi nae to ia eklesia ikoe go osina dia kolabana Judia, Qalili mana Samaria iri koe bule desuka. Loborona tavisi ia Spirit tabo eklesia ikaraputa, mana i zaza popoka. Topuna basoero iri vaogote go Kristo mana osiqira iri vazaka God.
Pita Izae Komala Lida Mana Jopa
32Pita izae osina dia, mana kaki kameka musaqara i za tove qira basoero ia God iri koe go Lida. 33Komala igogo ne i za soba ze kameka valeke vitoṉona Enias ile tokamana, torana kazalu ave i kekele so vesu ne. 34Pita i vane dena ia, “Enias! Jesu Kristo tina va velaki go aro. Ono degere mana vavelake vesu aro.” Goso nae Enias i degere me to. 35Osina.
36Komala Jopa i koe kaki kameka qole vitoṉona Tabita i vaogote Jesu Kristo. Seko Qrik Dokasi iri vane vitoṉona. Topuna ṉalu qole dena izazu ne zazu velakaro mana i tavisi ne qira vano situ. 37Torana ṉalu nae ia i lete mokoso mana ile. Gonae iri seqe sinarana mana iri vakekele ze kaki kova na pade zakazaka ne. 38Jopa iki laqalaqa ne kaega komala Lida, mana ṉalu vano lotu iri gata Pita ikoe komala Lida, iri turine qiru karua basoe iru pala seko ria, mana za sine ne Pita, “Ke ono katikili lamae komala remu,” iru go. 39Gonae Pita ivanama mana ilulu qiru to riru. Ṉalu i za doka go, iri lulu vazao ze ia kova zakazaka ne, topu qole ro nanaro iri teṉo kolo Pita, iri dae mana vamia ze ia roku ro i sira bana ne qira go Dokasi torana ara too ivae go. 40Pita gonae i vasiporo lupo qirae ria kova ne mana i koloku tutuṉui pene. Itabali za de ikoe go sinara na qole ne, igo dena, “Tabita, ono degere!” Ivola matana mana ṉalu ireṉa ne Pita ia i tapa degere me. 41Pita i tavisi ne toqo vadegerena ia. Gonae ikoru qira osiqira qolero nanaro mana vano lotu, i vamao ne qira to tarina mia Tabita i too napu go. 42Tarama na pata dena i zadava lupoe komala Jopa mana topu to basoero iri lete vaogote go Jesu. 43Pita iko vaumate komala Jopa pade ia Saimon valeke i vazazazua kapotona buluka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Varisi, Solomon Islands © Bible Society of the South Pacific, 1994, 2004.