Luka 1
1
Seko Kenaqa
1Ke! Tiopilus. Era qa mia ria iri pada ne karo na pepeu na, deni gogo pataro isadaka e de qata koego ita. 2Iri karo va lulu ze so, pataro iri sine bana ne qita go, ria iri za mia bana mego, kokoso va tupiana na me, mana ria iri vasadake go seko ro dena. 3Iago, era qa lete toere mana qa nanao luluse pataro dena, deni go bana me kokoso vatupiana na me. Mana qa nanao itora to tuna karo nigo aro de igogo zazao na pataro dena. 4Go ia tono rove go aro, de igo ogoto sivala na pataro qo gata bana go.
Va Sadakena De Go Podona Jon Na Bapitema
5Torana batu lavata ivae go Judia Erode, iko kakia patere vitoṉo na Zakaria. I koe ria sinaqe patere ia Abaiza, mana iko qole ia vitoṉo na Elizabet, iza reqe me sinaqe patere ia Aron. 6Too riru ne, i totoloṉo e loborona nanao na God, iru lete lulua seko ia God mana tamana ro ia. 7Do i kaega ne qiru sale, tanego Elizabet i kakara, mana osiqiru ne iru valaka mana maqota go.
8Ṉalu nae i ṉalu ria to tepa ia Zakaria tarina zazu go mana Zakaria i patere na bana so Pade Lotu igogo ne, osina musaqara. 9De go vatovato na iri lulua go ria vano Patere ne, iri va qiso daisi mana iri vine Zakaria. Iago, Zakaria i keba za pade ia Batu ne, go tina za subia go insenisi, popoko na aletare ne. 10Torana ṉalu insenisi nae ne, basoero ne iri teṉoe pekapeka ne mana iri pene go. 11Gonae aqelo ia Batu ne i lama sadake ia, i degere tepa matauna aletare ne, deni subie go insenisi ne. 12Ṉalu Zakaria i miasoba go aqelo ne, iki rove to kaega kade tina gogo, mana i sareki go. 13Do aqelo ne i sine ne ia igo, “Zakaria, oniki sareki, God i gata pene ro aro. Qole aro Elizabet tina tonovo nigo kameka sale valeke, mana ono vitoṉo ze Jon. 14Tina vakula go, mana topu ria tarina kula ne podo tina vae go. 15Tina lete lavate de ikoego loborona nanao ia God, tiniki besia kaega vino, ba ge kaega loka ni karaputa go. Tupiana kokoso ko tina vae go sopana sinana ne, ia tina purake Spirit tabo. 16Ia tina pala vaule qira me topu ria basoero na Izirel, de i koego God, Batu ria. 17Ia tina za kenaqa ne Batu ne, moqere mana lavata gerena propeta Ilaiza. Tina va kameka napu ne qira, salero de iri koego tamaqira ro, mana tina vatabali va totoloṉo qira vano legulegu tarina nanao totoloṉo. Jon tina vanama ne qira basoero ia Batu ne, sauna lama na ia.” 18Zakaria i tana ne aqelo ne, “Avigo tuna rove go era pataro dena? Era qa valaka mana qole era do i maqota to.”
19Aqelo ne i vataule igo, “Era to Qaprel, qa degere tarakenaqa na God, ituri nava era tuna seko tabe go aro, mana sine nigo aro tarama velake dena. 20Tanego qoki vaogote kaega seko ro era tina lama sadaka ogoto go, aro tina makuri go seko, tono ko mana duduli so go tina za doka so ṉalu pata qa pui nego era tina sadaka vaogoto go.”
21Pasi nae basoero ne iri piri neso Zakaria, mana iri va zazao so nanao qira, avigo tane i lete zako vaumate go loborona Pade Lotu ne Zakaria. 22Ṉalu iza siporo me, Zakaria i makure seko tabe qira basoero ne iago basoero ne iri nanao rove, kade go iza mia ze kaki pata loborona Pade Lotu ne iri go. I makure to seko do iva seko karisi so.
23Ṉalu i valupo to zazu ia loborona Pade Lotu ne, Zakaria i gado ule zato komala ia. 24Taramuzina osina pataro dena ne qole ia Zakaria i kakate, mana torana kalima inaqa Elizabet iki kasi ne so kaega pade ia. 25Elizabet igo, “Batu ne izazu ne pata dena de qa koego era. Ninidena i vakula ava era, i vakuziki ne agava era de iri koego basoero topu.”
Aqelo Ne I Vagata Ze Maria Tina Sinana Go Jesu
26I kaonomo inaqa kakate nivae go Elizabet, God i turine aqelo Qaprel, ivazao ze kaki komala suka na Qalili vitoṉo na Nazaret. 27I pala za seko go tina va gata ze kaki kameka qole suka, i tamatura kameka valeke vitoṉo na Josepo. Valeke na sinaqi ia batu lavata Davita. Vitono na qole suka ne Maria. 28Aqelo ne izae dekoe Maria i sine ne ia igo, “Dalo ina ko tavisi go, Batu ne iko tavisi go aro mana i lete vatabo go.”
29Maria iki rove to kaega avana tane ni sine go aqelo ne, mana i taqia ava patana tane ni vatalupasa ze go seko ro dena. 30Do aqelo ne i sine ne ia, igo, “Maria oniki sareki, God iva tabo go aro. 31Aro tono kakate mana tono vapodo kameka sale valeke, mana ono vitoṉo ze Jesu. 32Ia tina lete mazala mana vitoṉo ze sale ia Batu ne, ni lete zakazaka go. God Batu ne tina va Batu lavate ia gerena Davita, vanovano bana ia. 33Mana iato tina batu ne go sinaqi ia Jekop osina ṉalu, mana vari miasoka ia tiniki rove kaega za lupo.”
34Maria i tana ne aqelo ne, “Era qara kaebo soba na valeke. Ia ava tina go tina sadaka go seko ro qo sine go aro?”
35Aqelo ne, i vataule igo, “Spirit tabo tina lamae de qo koego aro, mana karaputa ia Batu ne tina ko tavisi go aro. Sauna to ia dena sale tabo ne tina vitoṉo ze Sale ia God. 36Ono nanao zaqe onotomu Elizabet, ia i maqota to, do ia ninidena i kakate kameka sale, basoero ne iri go i kakara, do ia ninidena i kaonomo to inaqa na. 37Tanego i kaega kaki pata ni makure go God.”
38Maria igo, “Era qa qole zazu ia Batu ne, pata qo sine go aro ne, mara zazu ne ze to deqa koego era.” Mana aqelo ne i kasi ne ia.
Maria Iza Tove Elizabet
39Taramuzina so nae, Maria i vanama, mana i katikili izae kaki komala lavata tepa kubolo na Judia. 40Izae loborona pade ia Zakaria, mana i seko tabe Elizabet. 41Pasi Elizabet i gata seko na Maria, sale ni koego sopana Elizabet i vizu, mana Elizabet i purake Spirit tabo. 42Elizabet i seko valavata mana igo, “God iva tabo go aro, sivala ne qira kero ne qolero ne, mana i lete va tabo sale ni koego sopamu. 43Avigo tane pata lavata dena ni lama doka ava go era, tanego sinana Batu era i lama tove ava go? 44Tanego pasi qara gata go sekomu aro, sale ni koego sopaqu ne, i soqa mana ikula. 45Ava igoto ka kulamu aro, qo vaogote go seko ia Batu ne tina lama sadaka ogoto e go de qo koego!”
Kera Vazaka Ia Maria
46Mana igo,
“Puṉuqu i vazaka Batu ne.
47Madauqu i kula tanego God i bauru nava.
48Tanego i nanao taru ava era seka ia!
Pasi ninidena popoka gogo ne osiqira basoero ne tarina koru ve era makaolo.
49Tanego sauna pata lavata ro, i zazu ze deqa koego era.
God i moqere sivala go vitoṉo na i Tabo go.
50Reqe kaki takopo doka e kene takopo go, i manava ne qira ria iri va batua go ia.
51I kazara ne karisi karaputa na, mana i repene qira vano vazaka napu,
mana i pero vakuziki lupo ne osina to vivine ria.
52I vakuziki ne moqere ria batu lavata ro, de kolokoloku ria,
mana iva zakazaka qira vano iri ko qoqoro go.
53Ria iri saqo go, i teke ne qira topu na pata velaka ro
mana ria iri vavagado go, ituri vazao qira mana kapata iriki pala kaega.
54Ia i vanadua so pui ni zazu bana ze go de iri koego vano ṉalu bana ro ita ne,
tina lama go tina tavisi ne Izirel vano zazu ia.
55I nanao tarua, mana iva mia ze manava ia dekoe Abra-am,
mana osina to sinaqe ro ia, osina to ṉalu!”
56Maria iko tavise Elizabet torana kapisa inaqa, goto nae ia, niara gado ule go komala ia.
Podo Na Jon Na Bapitema
57I doka to ṉalu Elizabet tina pala go sale ne, ia i vapodo kaki sale valeke. 58Basoero iri ko va garogaro go mana onotona ro go iri qata pata velaka Batu ne i zazu ne ze go ia, basoero ne iri lete kula ne ia.
59Ṉalu sale ne i kavitu to musaqara na, basoero ne iri lama ko tavisi, ṉalu tina kosi go sale ne, mana iri soko tarina vitoṉo ze Zakaria, vitoṉo soka na tamana. 60Do sinana igo, “Kaega! Ia tina vitoṉo ze Jon!”
61Do iri sine ne ia iri go, “Do i kaega kaki onotomu ni pala bana go vitoṉo nae!” 62Goto nae iri va seko karisi ne tamana, iri tana ne, ade vitoṉo tina teke nego sale ne.
63Zakaria i pene pepa mana i karo, “Vitoṉo na Jon,” mana osiqira ne iri lete poloso sivala. 64Pasi nae to Zakaria iara malumua to seko mana i vazaka God. 65Osiqira basoero ne iri lete sareki, mana tarama na pataro dena, ilupo eto komala kubokubolo naro Judia. 66Osiqira ria iri gata go iri va zazao ze nanao qira, mana iri tana, “Ava tina zago tane sale dena, ṉalu tina za lavata go?” Osiqira ne iri mia bana to karaputa ia Batu ne, ikoe de ikoego ia.
Kera Vazaka Ia Zakaria
67Tamana Jon, Zakaria i purake Spirit tabo mana i sine seko ia God igo.
68“Mata vazaka Batu, God na Izirel!
Tanego i lama tavisi qira basoero ia, mana iva kavale qira go.
69I valame kakia basoe tina vakavele qita.
Ia i valeke, ireqe me sinaqe ia Davita valeke seka ia.
70I pui bana e de iri koe ria propeta tabo ro ia ṉalu bana ne.
71Go ia tina vakavele qitae, de iri koe ria vano iri kana ne qita,
mana tina lupasa qitae karaputa ria vano iriki soko qita go kaega.
72Ia i vasadaka bana de igogo vari mamaligara ia, deirikoego ria kazigarata ro ita,
mana i nanao tarua pui tabo ia ne.
73I odoodo banae de ikoego kazigarata bana ita Abra-am.
74I pui bana tina vakavele qitae, de iri koego vano iri kana ne qita
mana i vamalumu ne qita tatana ke ia, mana mata kasi sareki ne ia.
75Go tatana tabo mana totoloṉoe tarakenaqa na ia,
osina to musaqara loborona too ita.
76Aro sale era, tarina koru ge propeta ia God ni zakazaka sivala go,
tono za kenaqa ne Batu ne mana za vanama ne zuka ia.
77Ia tina sine ne qira basoero ne tarina kavele,
ṉalu ia tina va talupase go vasakata pata ro ria.
78God ita i lete manava mana vari nanao,
ia tina va tatavata mego de qata koego ita, tatavata na vari vakavele ia.
79Go tina teke qira tatavata ria iri koego rodoko mana dudulena le.
Tina kenaqa ne makeqita, go tatana zukae loborona dalo.”
Too Pipika Ia Jon Na Bapitema
80Sale ne, ilavata ziki tokamana loborona too tabo ia mana i nanao tarove go.
Currently Selected:
Luka 1: VRSNT
Highlight
Share
Copy
Want to have your highlights saved across all your devices? Sign up or sign in
The New Testament in Varisi, Solomon Islands © Bible Society of the South Pacific, 1994, 2004.
Luka 1
1
Seko Kenaqa
1Ke! Tiopilus. Era qa mia ria iri pada ne karo na pepeu na, deni gogo pataro isadaka e de qata koego ita. 2Iri karo va lulu ze so, pataro iri sine bana ne qita go, ria iri za mia bana mego, kokoso va tupiana na me, mana ria iri vasadake go seko ro dena. 3Iago, era qa lete toere mana qa nanao luluse pataro dena, deni go bana me kokoso vatupiana na me. Mana qa nanao itora to tuna karo nigo aro de igogo zazao na pataro dena. 4Go ia tono rove go aro, de igo ogoto sivala na pataro qo gata bana go.
Va Sadakena De Go Podona Jon Na Bapitema
5Torana batu lavata ivae go Judia Erode, iko kakia patere vitoṉo na Zakaria. I koe ria sinaqe patere ia Abaiza, mana iko qole ia vitoṉo na Elizabet, iza reqe me sinaqe patere ia Aron. 6Too riru ne, i totoloṉo e loborona nanao na God, iru lete lulua seko ia God mana tamana ro ia. 7Do i kaega ne qiru sale, tanego Elizabet i kakara, mana osiqiru ne iru valaka mana maqota go.
8Ṉalu nae i ṉalu ria to tepa ia Zakaria tarina zazu go mana Zakaria i patere na bana so Pade Lotu igogo ne, osina musaqara. 9De go vatovato na iri lulua go ria vano Patere ne, iri va qiso daisi mana iri vine Zakaria. Iago, Zakaria i keba za pade ia Batu ne, go tina za subia go insenisi, popoko na aletare ne. 10Torana ṉalu insenisi nae ne, basoero ne iri teṉoe pekapeka ne mana iri pene go. 11Gonae aqelo ia Batu ne i lama sadake ia, i degere tepa matauna aletare ne, deni subie go insenisi ne. 12Ṉalu Zakaria i miasoba go aqelo ne, iki rove to kaega kade tina gogo, mana i sareki go. 13Do aqelo ne i sine ne ia igo, “Zakaria, oniki sareki, God i gata pene ro aro. Qole aro Elizabet tina tonovo nigo kameka sale valeke, mana ono vitoṉo ze Jon. 14Tina vakula go, mana topu ria tarina kula ne podo tina vae go. 15Tina lete lavate de ikoego loborona nanao ia God, tiniki besia kaega vino, ba ge kaega loka ni karaputa go. Tupiana kokoso ko tina vae go sopana sinana ne, ia tina purake Spirit tabo. 16Ia tina pala vaule qira me topu ria basoero na Izirel, de i koego God, Batu ria. 17Ia tina za kenaqa ne Batu ne, moqere mana lavata gerena propeta Ilaiza. Tina va kameka napu ne qira, salero de iri koego tamaqira ro, mana tina vatabali va totoloṉo qira vano legulegu tarina nanao totoloṉo. Jon tina vanama ne qira basoero ia Batu ne, sauna lama na ia.” 18Zakaria i tana ne aqelo ne, “Avigo tuna rove go era pataro dena? Era qa valaka mana qole era do i maqota to.”
19Aqelo ne i vataule igo, “Era to Qaprel, qa degere tarakenaqa na God, ituri nava era tuna seko tabe go aro, mana sine nigo aro tarama velake dena. 20Tanego qoki vaogote kaega seko ro era tina lama sadaka ogoto go, aro tina makuri go seko, tono ko mana duduli so go tina za doka so ṉalu pata qa pui nego era tina sadaka vaogoto go.”
21Pasi nae basoero ne iri piri neso Zakaria, mana iri va zazao so nanao qira, avigo tane i lete zako vaumate go loborona Pade Lotu ne Zakaria. 22Ṉalu iza siporo me, Zakaria i makure seko tabe qira basoero ne iago basoero ne iri nanao rove, kade go iza mia ze kaki pata loborona Pade Lotu ne iri go. I makure to seko do iva seko karisi so.
23Ṉalu i valupo to zazu ia loborona Pade Lotu ne, Zakaria i gado ule zato komala ia. 24Taramuzina osina pataro dena ne qole ia Zakaria i kakate, mana torana kalima inaqa Elizabet iki kasi ne so kaega pade ia. 25Elizabet igo, “Batu ne izazu ne pata dena de qa koego era. Ninidena i vakula ava era, i vakuziki ne agava era de iri koego basoero topu.”
Aqelo Ne I Vagata Ze Maria Tina Sinana Go Jesu
26I kaonomo inaqa kakate nivae go Elizabet, God i turine aqelo Qaprel, ivazao ze kaki komala suka na Qalili vitoṉo na Nazaret. 27I pala za seko go tina va gata ze kaki kameka qole suka, i tamatura kameka valeke vitoṉo na Josepo. Valeke na sinaqi ia batu lavata Davita. Vitono na qole suka ne Maria. 28Aqelo ne izae dekoe Maria i sine ne ia igo, “Dalo ina ko tavisi go, Batu ne iko tavisi go aro mana i lete vatabo go.”
29Maria iki rove to kaega avana tane ni sine go aqelo ne, mana i taqia ava patana tane ni vatalupasa ze go seko ro dena. 30Do aqelo ne i sine ne ia, igo, “Maria oniki sareki, God iva tabo go aro. 31Aro tono kakate mana tono vapodo kameka sale valeke, mana ono vitoṉo ze Jesu. 32Ia tina lete mazala mana vitoṉo ze sale ia Batu ne, ni lete zakazaka go. God Batu ne tina va Batu lavate ia gerena Davita, vanovano bana ia. 33Mana iato tina batu ne go sinaqi ia Jekop osina ṉalu, mana vari miasoka ia tiniki rove kaega za lupo.”
34Maria i tana ne aqelo ne, “Era qara kaebo soba na valeke. Ia ava tina go tina sadaka go seko ro qo sine go aro?”
35Aqelo ne, i vataule igo, “Spirit tabo tina lamae de qo koego aro, mana karaputa ia Batu ne tina ko tavisi go aro. Sauna to ia dena sale tabo ne tina vitoṉo ze Sale ia God. 36Ono nanao zaqe onotomu Elizabet, ia i maqota to, do ia ninidena i kakate kameka sale, basoero ne iri go i kakara, do ia ninidena i kaonomo to inaqa na. 37Tanego i kaega kaki pata ni makure go God.”
38Maria igo, “Era qa qole zazu ia Batu ne, pata qo sine go aro ne, mara zazu ne ze to deqa koego era.” Mana aqelo ne i kasi ne ia.
Maria Iza Tove Elizabet
39Taramuzina so nae, Maria i vanama, mana i katikili izae kaki komala lavata tepa kubolo na Judia. 40Izae loborona pade ia Zakaria, mana i seko tabe Elizabet. 41Pasi Elizabet i gata seko na Maria, sale ni koego sopana Elizabet i vizu, mana Elizabet i purake Spirit tabo. 42Elizabet i seko valavata mana igo, “God iva tabo go aro, sivala ne qira kero ne qolero ne, mana i lete va tabo sale ni koego sopamu. 43Avigo tane pata lavata dena ni lama doka ava go era, tanego sinana Batu era i lama tove ava go? 44Tanego pasi qara gata go sekomu aro, sale ni koego sopaqu ne, i soqa mana ikula. 45Ava igoto ka kulamu aro, qo vaogote go seko ia Batu ne tina lama sadaka ogoto e go de qo koego!”
Kera Vazaka Ia Maria
46Mana igo,
“Puṉuqu i vazaka Batu ne.
47Madauqu i kula tanego God i bauru nava.
48Tanego i nanao taru ava era seka ia!
Pasi ninidena popoka gogo ne osiqira basoero ne tarina koru ve era makaolo.
49Tanego sauna pata lavata ro, i zazu ze deqa koego era.
God i moqere sivala go vitoṉo na i Tabo go.
50Reqe kaki takopo doka e kene takopo go, i manava ne qira ria iri va batua go ia.
51I kazara ne karisi karaputa na, mana i repene qira vano vazaka napu,
mana i pero vakuziki lupo ne osina to vivine ria.
52I vakuziki ne moqere ria batu lavata ro, de kolokoloku ria,
mana iva zakazaka qira vano iri ko qoqoro go.
53Ria iri saqo go, i teke ne qira topu na pata velaka ro
mana ria iri vavagado go, ituri vazao qira mana kapata iriki pala kaega.
54Ia i vanadua so pui ni zazu bana ze go de iri koego vano ṉalu bana ro ita ne,
tina lama go tina tavisi ne Izirel vano zazu ia.
55I nanao tarua, mana iva mia ze manava ia dekoe Abra-am,
mana osina to sinaqe ro ia, osina to ṉalu!”
56Maria iko tavise Elizabet torana kapisa inaqa, goto nae ia, niara gado ule go komala ia.
Podo Na Jon Na Bapitema
57I doka to ṉalu Elizabet tina pala go sale ne, ia i vapodo kaki sale valeke. 58Basoero iri ko va garogaro go mana onotona ro go iri qata pata velaka Batu ne i zazu ne ze go ia, basoero ne iri lete kula ne ia.
59Ṉalu sale ne i kavitu to musaqara na, basoero ne iri lama ko tavisi, ṉalu tina kosi go sale ne, mana iri soko tarina vitoṉo ze Zakaria, vitoṉo soka na tamana. 60Do sinana igo, “Kaega! Ia tina vitoṉo ze Jon!”
61Do iri sine ne ia iri go, “Do i kaega kaki onotomu ni pala bana go vitoṉo nae!” 62Goto nae iri va seko karisi ne tamana, iri tana ne, ade vitoṉo tina teke nego sale ne.
63Zakaria i pene pepa mana i karo, “Vitoṉo na Jon,” mana osiqira ne iri lete poloso sivala. 64Pasi nae to Zakaria iara malumua to seko mana i vazaka God. 65Osiqira basoero ne iri lete sareki, mana tarama na pataro dena, ilupo eto komala kubokubolo naro Judia. 66Osiqira ria iri gata go iri va zazao ze nanao qira, mana iri tana, “Ava tina zago tane sale dena, ṉalu tina za lavata go?” Osiqira ne iri mia bana to karaputa ia Batu ne, ikoe de ikoego ia.
Kera Vazaka Ia Zakaria
67Tamana Jon, Zakaria i purake Spirit tabo mana i sine seko ia God igo.
68“Mata vazaka Batu, God na Izirel!
Tanego i lama tavisi qira basoero ia, mana iva kavale qira go.
69I valame kakia basoe tina vakavele qita.
Ia i valeke, ireqe me sinaqe ia Davita valeke seka ia.
70I pui bana e de iri koe ria propeta tabo ro ia ṉalu bana ne.
71Go ia tina vakavele qitae, de iri koe ria vano iri kana ne qita,
mana tina lupasa qitae karaputa ria vano iriki soko qita go kaega.
72Ia i vasadaka bana de igogo vari mamaligara ia, deirikoego ria kazigarata ro ita,
mana i nanao tarua pui tabo ia ne.
73I odoodo banae de ikoego kazigarata bana ita Abra-am.
74I pui bana tina vakavele qitae, de iri koego vano iri kana ne qita
mana i vamalumu ne qita tatana ke ia, mana mata kasi sareki ne ia.
75Go tatana tabo mana totoloṉoe tarakenaqa na ia,
osina to musaqara loborona too ita.
76Aro sale era, tarina koru ge propeta ia God ni zakazaka sivala go,
tono za kenaqa ne Batu ne mana za vanama ne zuka ia.
77Ia tina sine ne qira basoero ne tarina kavele,
ṉalu ia tina va talupase go vasakata pata ro ria.
78God ita i lete manava mana vari nanao,
ia tina va tatavata mego de qata koego ita, tatavata na vari vakavele ia.
79Go tina teke qira tatavata ria iri koego rodoko mana dudulena le.
Tina kenaqa ne makeqita, go tatana zukae loborona dalo.”
Too Pipika Ia Jon Na Bapitema
80Sale ne, ilavata ziki tokamana loborona too tabo ia mana i nanao tarove go.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Varisi, Solomon Islands © Bible Society of the South Pacific, 1994, 2004.