Luka 2
2
Jesu I Podo Mana Vano Miasoka Sipi Iri Za Tove Ia
(Matiu 1.18-25)
1Torana ṉalu nae batu lavata Aqustus i vazao seko ne qira, osiqira basoero iri koego deni miasoka go, go tarina karo vitoṉo qira mana tina qana qira go. 2Kenaqana qana niri vae bana ne qira go, torana ara ko nivae go Quirinus, ni batue go Siria. 3Osiqira basoero ne, tarina zae so komala ria tanuqira, go tarina qana qira go.
4Josepo gonae i reqe me komala Nazaret tepa Qalili, i zae Judia kaki komala iri vitoṉo ze Betelema, komala ia Davita. Josepo izae Betelema tanego ia i reqe me sinaqe ia Davita. 5Mana i lulu ne Maria, ni pui bana ne go tina qole ia ni pala sale go, go tina za karo tavise vitoṉo na. 6Mana torana to zako iru vae go Betelema, Maria i doka to ṉalu ia tina vapodo sale ne. 7Gonae i vapodo sale valeke kenaqa ia, i kade ze poga ne mana iva kekele ze ia moki iri ura go, tanego i kaega to kade tataqalana ka pade, go tarina za koego.
Aqelo Ro Iri Sadaka Qira Vano Iri Miasoka Sipi
8Garogaro na deni gogo ne, iri koe kavia vano miasoka sipi, iri miasoka go sipi ro ria loborona sasaniqa deni sagare go, torana kuse nigogo ne. 9Aqelo ia Batu ne, ilama sadaka qira mana tatavata ia Batu ne i lama damara qira, mana iri lete sareki. 10Do aqelo ne i sine ne qira igo, “Kasi sareki! Gata, Era qa lama go dena, qa pala me de qamu koego ramu Tarama Velaka sivala. Tina vakula qamu ramu mana kero ne basoero napu go. 11Ninidena to tepa komala ia Davita, ia tina vakavele qamu i podo, iato Kristo Batu ne! 12Iato dena lala go tamuna za mia rove ze go ia, muna za mia sale medara ne, iri kade ze poga ne, i kekele go loborona moki iri ura go.”
13Iki umata so kaega, topu ria aqelo ro na rani ne iri lulu ne aqelo ne, iri kera vazaka God.
14“Vazaka God ikoego zakazaka ne,
mana dalo ina koe pua ne,
de iri koego ria basoero
i kula ne qira go.”
15Ṉalu aqelo ro ne iri kasi ne qira, iri popoka za rani, vano miasoka sipi iri vari sine ne, “Mata zae Betelema go mata za mia pataro ni sadaka go, ni sine go Batu ne.”
16Gonae iri katikili za mana iri za soba qiru Maria mana Josepo, mana iri mia sale medara ni kekele go loborona moki iri ura go. 17Ṉalu iri za mia go sale ne, iri pepeua so pataro ni sine bana ne qira go aqelo ne, sauna sale dena. 18Mana osiqira ria iri gata go, iri lete nureke sasakata ne, pataro iri sine go vano miasoka sipi ne. 19Maria i nanao tarua osina pataro, dena, mana i nanao vamazale go. 20Vano miasoka sipi iri ule mana iri kera vazaka God, sauna osina pataro iri gata go mana iri mia go, gerena so deni sine bana ne qira go aqelo ne.
Ṉalu Iri Tekene Vitono Na Jesu
21Taramuzina kavitu musaqara, iri pala za sale medara ne go tarina kosia go, mana iri tekene vitoṉo na, iri vitoṉo ze Jesu. Gerena so ni sine bana go aqelo ne tarakenaqana kakate nivae nego sinana.
Jesu Iri Vazao Ze Pade Lotu
22I lama doka to ṉalu Maria mana Josepo tiruna vatabo go sale riru, gerena so ni koego Tamana ia Mosese. Iago iru pala vazao ze Jerusalema sale ne, go tiruna za tavatavara ne zaqe Batu ne. 23Ni karo banae go Buka tabo ia Batu ne, “Osina sale valeke kenaqa ne tarina tavatavara bana ne zaqe so God.” 24Iru pala karua tunana kurukuru, go tiruna sosovolomo nego sauna tavatavara ne, ni ko banae go Tamana ia Batu ne.
25Torana ṉalu nae, iko kameka valeke vitoṉo na Simion ikoe Jerusale-ma. I valeke velaka mana i vaogote God, mana i piri neso ṉalu God tina vakavele qira basoero na Izirel. Spirit tabo ne ikoe de ikoe ia. 26Spirit tabo ne iva rove bana ze dekoe Simion, mana ia tiniki mazala kaega le, go za doka so ṉalu tina miasoba go Kristo Batu ne. 27Spirit tabo ne ituri ne Simion go izae go Pade Lotu ne. Torana so nae Josepo mana Maria iru za lulu me Jesu go tiruna va lulu zego vatovato ikoego tamana ne. 28Simion i sua ze karisina sale ne, mana i seko velaka zaqe God
29Nimdena Batue, seko aro qo pui bana nego ilama ogoto mana ninidena qo mazala to vamao nava era seka aro, ma ziṉoe to dalo aro.
30Tanego karua mataqu tanuqu era qa mia to valeke qo turi ne mego, tina vakavele qemu go.
31Iato qo vanama bana go aro, tarakenaqa qira basoero ne,
32Ia i tatavata tina vasadake nanao mu aro, go tina va tatavata ne qira vano iriki Jiu go kaega mana
va zakazaka qira basoero na Izirel.”
33Tamana mana sinana, iru lete nureke ne seko ro ia Simion ni sine go, sauna sale ne. 34Simion i vatabo qiru mana i sine ne Maria ni sinana go. “Sale dena i vivine bana iaso God tina vasakata qira basoero topu, mana tina vakavele qira basoero topu. Iato tina lalana God mana topu na basoero ne tarina seko tolia ia, go nanao pupuika ria basoero ne tinara sadaka me. 35Mana maqata tina gere go bele zogoto tinara paqo go puṉumu.”
36Iko napu kaki qole propeta i nanaro vitoṉo na Ana, sale qole ia Panuela i sinaqe ia Asa. Ia i busi so torana kavitu ave, mana torana dena ne, i zaluṉaulu kavasi to ave na. 37Ia iki kasi ne so kaega Pade Lotu ne, kuse musaqara go i vazaka so God, i qaniqani mana pene go. 38I vavoto napua so ṉalu nae propeta Ana i lama doka, mana i seko velaka zaqe God, mana i pepeu ne qira ria iri piri nego God tina vakavele go Jerusalema. 39Ṉalu Josepo mana Maria iru valupo to zazu na vatovato ni koego Tamana ia Batu ne, iru gado ule zato komala ria Nazaret tepa Qalili. 40Sale ne i lavata mana i moqere, ia i purake tarove mana vari miasoka ia God, ikoe de ikoego ia.
Jesu Iko Tavisi Qira Vano Batubatu Ro Na Tamana
41Osina to ave vanovano ia Jesu iri zae Jerusalema, iri teṉo ne musaqara lavata ria, sauna kelo na Pasova. 42I manoga karua to avena Jesu, iri zae Jerusalema, sauna teṉo na musaqara lavata iri za zazu bana ne go. 43Ṉalu iri valupo to teṉo na musaqara lavata ria ne, iri gado ule to komakomala ro ria, do sale valeke Jesu iza ko sivala me Jerusalema. Vanovano ia iruki rove kaega. 44Iru nanao bana i lulu ne qira so kakiaro basoero iri zaza go, iru go, mana iri zaza torana kameka musaqara do raravi na to ia, iru ara vatupia tataqiena de iri koego vanovano ria mana vakitaka ro ria go. 45Iruki miasoba kaega, iago iru ule napu zato Jerusalema. 46Vapisana to musaqara, iru za soba ze loborona Pade Lotu ne, iza koloku tavisi qira vano tarove na tamana i gatagata mana i tana ne qira kavia ro tana go. 47Ria iri gata go seko ro ia ne, iri lete nureke sivala ne tarove ia Jesu, mana de go iva taule ne qira go seko ro ria. 48Vanovano ia iru nureke napu, pasi iru miasoba go ia, mana sinana i sine ne ia, “Tuqu, avigo tane qo zazu ne go iadena, deqaru koego raru? Raru tamamu qaru lete maqata qaru taqi go aro.”
49Iva taule ne qiru igo, “Avigo tane qaburu taqi ava go era? Qaburu ki rove kaega, era tuna ko banae so pade ia Mamae.” 50Do iruki nanao rove so kaega talupasana pata ni sine ne qiru go Jesu.
51Jesu i lulu ne qiru, goto nae iri gado ule za Nazaret, mana iza osaka ne qiru, mana sinana i babana ze so puṉuna osina to seko ro ni gogo ne. 52Jesu izaza popoka tokamana mana torove ia. God mana basoero go iri kula ne ia.
Currently Selected:
Luka 2: VRSNT
Highlight
Share
Copy
Want to have your highlights saved across all your devices? Sign up or sign in
The New Testament in Varisi, Solomon Islands © Bible Society of the South Pacific, 1994, 2004.
Luka 2
2
Jesu I Podo Mana Vano Miasoka Sipi Iri Za Tove Ia
(Matiu 1.18-25)
1Torana ṉalu nae batu lavata Aqustus i vazao seko ne qira, osiqira basoero iri koego deni miasoka go, go tarina karo vitoṉo qira mana tina qana qira go. 2Kenaqana qana niri vae bana ne qira go, torana ara ko nivae go Quirinus, ni batue go Siria. 3Osiqira basoero ne, tarina zae so komala ria tanuqira, go tarina qana qira go.
4Josepo gonae i reqe me komala Nazaret tepa Qalili, i zae Judia kaki komala iri vitoṉo ze Betelema, komala ia Davita. Josepo izae Betelema tanego ia i reqe me sinaqe ia Davita. 5Mana i lulu ne Maria, ni pui bana ne go tina qole ia ni pala sale go, go tina za karo tavise vitoṉo na. 6Mana torana to zako iru vae go Betelema, Maria i doka to ṉalu ia tina vapodo sale ne. 7Gonae i vapodo sale valeke kenaqa ia, i kade ze poga ne mana iva kekele ze ia moki iri ura go, tanego i kaega to kade tataqalana ka pade, go tarina za koego.
Aqelo Ro Iri Sadaka Qira Vano Iri Miasoka Sipi
8Garogaro na deni gogo ne, iri koe kavia vano miasoka sipi, iri miasoka go sipi ro ria loborona sasaniqa deni sagare go, torana kuse nigogo ne. 9Aqelo ia Batu ne, ilama sadaka qira mana tatavata ia Batu ne i lama damara qira, mana iri lete sareki. 10Do aqelo ne i sine ne qira igo, “Kasi sareki! Gata, Era qa lama go dena, qa pala me de qamu koego ramu Tarama Velaka sivala. Tina vakula qamu ramu mana kero ne basoero napu go. 11Ninidena to tepa komala ia Davita, ia tina vakavele qamu i podo, iato Kristo Batu ne! 12Iato dena lala go tamuna za mia rove ze go ia, muna za mia sale medara ne, iri kade ze poga ne, i kekele go loborona moki iri ura go.”
13Iki umata so kaega, topu ria aqelo ro na rani ne iri lulu ne aqelo ne, iri kera vazaka God.
14“Vazaka God ikoego zakazaka ne,
mana dalo ina koe pua ne,
de iri koego ria basoero
i kula ne qira go.”
15Ṉalu aqelo ro ne iri kasi ne qira, iri popoka za rani, vano miasoka sipi iri vari sine ne, “Mata zae Betelema go mata za mia pataro ni sadaka go, ni sine go Batu ne.”
16Gonae iri katikili za mana iri za soba qiru Maria mana Josepo, mana iri mia sale medara ni kekele go loborona moki iri ura go. 17Ṉalu iri za mia go sale ne, iri pepeua so pataro ni sine bana ne qira go aqelo ne, sauna sale dena. 18Mana osiqira ria iri gata go, iri lete nureke sasakata ne, pataro iri sine go vano miasoka sipi ne. 19Maria i nanao tarua osina pataro, dena, mana i nanao vamazale go. 20Vano miasoka sipi iri ule mana iri kera vazaka God, sauna osina pataro iri gata go mana iri mia go, gerena so deni sine bana ne qira go aqelo ne.
Ṉalu Iri Tekene Vitono Na Jesu
21Taramuzina kavitu musaqara, iri pala za sale medara ne go tarina kosia go, mana iri tekene vitoṉo na, iri vitoṉo ze Jesu. Gerena so ni sine bana go aqelo ne tarakenaqana kakate nivae nego sinana.
Jesu Iri Vazao Ze Pade Lotu
22I lama doka to ṉalu Maria mana Josepo tiruna vatabo go sale riru, gerena so ni koego Tamana ia Mosese. Iago iru pala vazao ze Jerusalema sale ne, go tiruna za tavatavara ne zaqe Batu ne. 23Ni karo banae go Buka tabo ia Batu ne, “Osina sale valeke kenaqa ne tarina tavatavara bana ne zaqe so God.” 24Iru pala karua tunana kurukuru, go tiruna sosovolomo nego sauna tavatavara ne, ni ko banae go Tamana ia Batu ne.
25Torana ṉalu nae, iko kameka valeke vitoṉo na Simion ikoe Jerusale-ma. I valeke velaka mana i vaogote God, mana i piri neso ṉalu God tina vakavele qira basoero na Izirel. Spirit tabo ne ikoe de ikoe ia. 26Spirit tabo ne iva rove bana ze dekoe Simion, mana ia tiniki mazala kaega le, go za doka so ṉalu tina miasoba go Kristo Batu ne. 27Spirit tabo ne ituri ne Simion go izae go Pade Lotu ne. Torana so nae Josepo mana Maria iru za lulu me Jesu go tiruna va lulu zego vatovato ikoego tamana ne. 28Simion i sua ze karisina sale ne, mana i seko velaka zaqe God
29Nimdena Batue, seko aro qo pui bana nego ilama ogoto mana ninidena qo mazala to vamao nava era seka aro, ma ziṉoe to dalo aro.
30Tanego karua mataqu tanuqu era qa mia to valeke qo turi ne mego, tina vakavele qemu go.
31Iato qo vanama bana go aro, tarakenaqa qira basoero ne,
32Ia i tatavata tina vasadake nanao mu aro, go tina va tatavata ne qira vano iriki Jiu go kaega mana
va zakazaka qira basoero na Izirel.”
33Tamana mana sinana, iru lete nureke ne seko ro ia Simion ni sine go, sauna sale ne. 34Simion i vatabo qiru mana i sine ne Maria ni sinana go. “Sale dena i vivine bana iaso God tina vasakata qira basoero topu, mana tina vakavele qira basoero topu. Iato tina lalana God mana topu na basoero ne tarina seko tolia ia, go nanao pupuika ria basoero ne tinara sadaka me. 35Mana maqata tina gere go bele zogoto tinara paqo go puṉumu.”
36Iko napu kaki qole propeta i nanaro vitoṉo na Ana, sale qole ia Panuela i sinaqe ia Asa. Ia i busi so torana kavitu ave, mana torana dena ne, i zaluṉaulu kavasi to ave na. 37Ia iki kasi ne so kaega Pade Lotu ne, kuse musaqara go i vazaka so God, i qaniqani mana pene go. 38I vavoto napua so ṉalu nae propeta Ana i lama doka, mana i seko velaka zaqe God, mana i pepeu ne qira ria iri piri nego God tina vakavele go Jerusalema. 39Ṉalu Josepo mana Maria iru valupo to zazu na vatovato ni koego Tamana ia Batu ne, iru gado ule zato komala ria Nazaret tepa Qalili. 40Sale ne i lavata mana i moqere, ia i purake tarove mana vari miasoka ia God, ikoe de ikoego ia.
Jesu Iko Tavisi Qira Vano Batubatu Ro Na Tamana
41Osina to ave vanovano ia Jesu iri zae Jerusalema, iri teṉo ne musaqara lavata ria, sauna kelo na Pasova. 42I manoga karua to avena Jesu, iri zae Jerusalema, sauna teṉo na musaqara lavata iri za zazu bana ne go. 43Ṉalu iri valupo to teṉo na musaqara lavata ria ne, iri gado ule to komakomala ro ria, do sale valeke Jesu iza ko sivala me Jerusalema. Vanovano ia iruki rove kaega. 44Iru nanao bana i lulu ne qira so kakiaro basoero iri zaza go, iru go, mana iri zaza torana kameka musaqara do raravi na to ia, iru ara vatupia tataqiena de iri koego vanovano ria mana vakitaka ro ria go. 45Iruki miasoba kaega, iago iru ule napu zato Jerusalema. 46Vapisana to musaqara, iru za soba ze loborona Pade Lotu ne, iza koloku tavisi qira vano tarove na tamana i gatagata mana i tana ne qira kavia ro tana go. 47Ria iri gata go seko ro ia ne, iri lete nureke sivala ne tarove ia Jesu, mana de go iva taule ne qira go seko ro ria. 48Vanovano ia iru nureke napu, pasi iru miasoba go ia, mana sinana i sine ne ia, “Tuqu, avigo tane qo zazu ne go iadena, deqaru koego raru? Raru tamamu qaru lete maqata qaru taqi go aro.”
49Iva taule ne qiru igo, “Avigo tane qaburu taqi ava go era? Qaburu ki rove kaega, era tuna ko banae so pade ia Mamae.” 50Do iruki nanao rove so kaega talupasana pata ni sine ne qiru go Jesu.
51Jesu i lulu ne qiru, goto nae iri gado ule za Nazaret, mana iza osaka ne qiru, mana sinana i babana ze so puṉuna osina to seko ro ni gogo ne. 52Jesu izaza popoka tokamana mana torove ia. God mana basoero go iri kula ne ia.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Varisi, Solomon Islands © Bible Society of the South Pacific, 1994, 2004.