Matye 22
22
Sasafë yi cikaanvu ci mëkweelë
(Lik 14.15-24)
1Yeesu wusë bëkambilooso mu sisasafë i wusë tubë : 2« Lwaangu lu mëyilu fwiifu si n'tinu wum'belikë n'saangu mëkweelë më mwanaandi. 3Naandi kufilë biseelu byaandi mu kutelë banë bëtelu ku cikaanvu, i baawu bësye zolë kwiisë ko. 4Naandi kubëfilë biseelu bin'ka i wusë tubë : “Ye kaambaanu banë batelu: Miinu yabelikë cikaanvu cyaami, yavangisi kuvoondë singoombi syaami i bibulu byaami bivoongë. Byakë byooso byabeliminë. Yisaanu mu kwambulë!” » 5Kasi banë bëtelu mbilë bësye lisilë n'ciinzë ko. Baawu ke yendaangë kwaawu: awuuwu ku solaandi, awunaani ku lungoosu lwaandi, 6i bën'ka ke bwiilë biseelu, kubënyokulë i bisë bëvoondë. 7N'tinu wusë ba mu likaanzi. Naandi kufilë mësodaadi maandi mu kuvoondë bibaabi i wusë viikë livulë lyaawu mbaasu. 8Naandi wusë kaambë biseelu byaandi : « Cikaanvu cyabelëmë, kasi banë batelu kwaawu bësye fwanëkënë ko. 9Lyekilë obo, yendyaanu mu mëvaambu më nzilë i kaambaanu bakë booso lun'dyengënë biisë mu kwambulë ku cikaanvu. » 10Biseelu beenë bisë kweendë mu sinzilë syooso, bisë kucikë bangë mitimë yi mboti i mitimë yi mbi. Boobo, n'zo n'saangu yisë waalë baatu. 11N'tinu wusë kotë mu kumonë banë bëtelu ku cikaanvu. Naandi wumonë wun'viipë wukaambu n'vwaatu wu n'saangu. 12Naandi wusë n'kaambë : « A mwa, njeeyi buni wakotilë aku kukaambu n'vwaatu n'saangu? » Kasi muutu beenë wusye n'vutulilë mbeembu ko. 13Oboobo, n'tinu wusë kaambë biseelu : « N'kaanjyaanu myooko i maalu i n'lacyaanu ku ngaandë ku citoombi, mati kwaawu kun'lililë i kun'kwetikinyi meeno. » 14Licyelikë mpaapë bëtelu, kasi banë bësoolu bëcyeeci.
Mpaku bën'futilë ke n'tinu Sezaalë
(Mak 12.13-17; Lik 20.20-26)
15Mu bwaawu, Sifalisyaanu bisë kotë fuundu yikubwililë Yeesu mu libuungu lyaandi. 16Baawu bisë n'filë bilaanzi byaawu yimunë bo bëke mu cinguuku ci Eloodë#22.16 cinguuku ci Eloodë: Mak 3.6., bisë n'kaambë : « A N'loonji, beeso tuzabisi ti njeeyi cyelikë wukeeli i wulë mu ke longilaangë nzilë Nzaambi mu bucyelikë. Boomë ve mu wosuku muutu, cibilë njeeyi wusë n'talaangë bunaangë bu muutu ko. 17Mu boobo, we tukaambi buni wum'balilë mu aliili: n'swa wukeeli mu n'kaakiitu wukufutilë mpaku ke n'tinu Sezaalë? Vo moniko? » 18Kasi Yeesu, wuzaabë simbalulu syaawu simbi, wusë bëvutulilë : « A bimpilë-mpiipi mbici lwakun'sokilë? 19N'desyaanu mpilë lu mboongo lun'futilaangë mpaku. » Baawu bisë n'leesi cinkongulu cimweekë ci mboongo. 20Naandi kube bëyufulë : « Ciinyi i bisonë bi nani bike mu cinkongulu ocye? » 21Baawu kun'vutulilë : « Bi n'tinu Sezaalë. » Naandi wusë bëkaambë : « Oboobo, vutulaanu ke Sezaalë binë bi Sezaalë i ke Nzaambi, binë bi Nzaambi. » 22Bunë ban'yuwu, baawu bisë bwa libobo, bisë m'biikë i bisë ke yendaangë.
Cyuufu mu luvulumuku lu baatu
(Mak 12.18-27; Lik 20.27-40)
23Mo mu cilumbu beenë, Sisadusyaanu bisë m'belëmë. – Baawu bën'tubaangë ti luvulumuku#22.23 Mëv 23.8. lu bo bëfwa lukeeli ko. – Bisë n'yufulë : 24« A N'loonji, Moyiizë wutubë : “Ningë libakëlë libe fwa wusye biikë mwaanë ko, nkoombaandi fwanëkënë kukweelë n'fwiili, mu kum'butilë baanë#22.24 Ntn 38.8; Det 25.5-6..” 25Kosuku mu nkoongiitu, mwabë saambwali li baanë bë nguli. N'kuluutu kukweelë i wusë fwa. Kasi abu kukaambu mwaanë, naandi wubiikë n'fwiili ke nkombaandi. 26Bubeelë bo bumweekë mu mwaanë nguli wumwaali, wun'tatu tee wusaambwali. 27Fë mbusë bakë booso, n'cyeetu wusë kufwa yivaandi. 28Fanë cilumbu ci luvulumuku, na n'cyeetu wum'ba n'kasi nanye? Cibilë lisaambwali lyooso lin'citulë n'kasyaawu! » 29Yeesu wusë bëvutulilë : « Beeno lwavitu, cibilë lusye zaabë ko libuungu li Nzaambi, kaambofo luleendo tu Nzaambi. 30Licyelikë, fë cilumbu ci luvulumuku, bëbakëlë i bëcyeetu bisë bën'kweelë ko, Kasi bën'zingilë buke siyaanzi ku yilu. 31Mu lyaambu li luvulumuku lu baatu bëfwa, beeno lusye taangë ko lyo Nzaambi kulukaambë? Naandi wutubë : 32“Miinu yilë Nzaambi yi Abalaamë, Nzaambi yi Isaakë i Nzaambi yi Zakoobë#22.32 Lub 3.6,15-16..” Nzaambi wukeeli Nzaambi yi bëfwa ko, kasi yi bo bëke moonyi. » 33Bakë booso bën'yuwu, bisë bwa libobo mu nsinunwaandi.
Lutumu luvyokili bunenë
(Mak 12.28-34; Lik 10.25-28)
34Bunë Sifalisyaanu bayuwu ti Yeesu wuvosi Sisadusyaanu bitu, baawu kukukumë fë cimweekë. 35Wun'viipë mu nkoongaawu, n'loonji n'kaakë, kun'yufulë mu kun'sokë : 36« A N'loonji, mu tutumu twakë tooso, lutumu mbici luvyokilili bunenë mu n'kaakë? »
37Yeesu kun'cikuninë : « “Zolë Fumu Nzaambyaaku yi n'timaaku wooso, yi ciluunzi cyaaku cyooso, yi simbalulu syaaku syooso#22.37 Det 6.5..” 38Mati lwaawu lutumu lun'tetë i luvyokisi bunenë. 39Lutumu lumwaali lwaawu alu : “Wufwenikini kuzolë mbaasyaaku buke njeveekë#22.39 Lev 19.18..” 40Mu tutumu tutwaali oto, mwaawu mu zitiminë tutumu tooso tu n'kaakë Moyiizë i mibici. » #22.40 7.12.
Kliistu i Daviidë
(Mak 12.35-37; Lik 20.41-44)
41Sifalisyaanu syabë sikukumë fë cimweekë, Yeesu wusë bëyufulë : 42« Beeno buni lum'balilë mu Kliistu? Naandi wuli mwaanë nani? » Baawu kun'vutulilë : « Wu Daviidë. » 43Mu bwaawu, Yeesu wusë bëkaambë : « Kwisilë buni ti, Daviidë, mu cyeesi ci Ciluunzi ci Saantu, kun'telilë “Fumu”? Fanë kutubë :
44“Fumu Nzaambi wukaambë Fumwaami:
Yisë kalë ku mëbakëlë maami,
tee yi fanë yin'tuulë simbeenyi syaaku bilyatulu byaaku bi maalu#22.44 Twi 110.1..” »
45« Ningë ti Daviidë wukun'teelë “Fumu”, buni Kliistu kum'podyooso kube beelë ndaandwaandi? » 46Wun'viipë ve wulëpodi kun'vutulilë libuungu. Kutoonë cilumbu be ciinë, muutu ve wusë be podi kun'yufulë cyuufu.
Currently Selected:
Matye 22: NTVIL
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. and © Alliance Biblique du Congo. All rights reserved.
Matye 22
22
Sasafë yi cikaanvu ci mëkweelë
(Lik 14.15-24)
1Yeesu wusë bëkambilooso mu sisasafë i wusë tubë : 2« Lwaangu lu mëyilu fwiifu si n'tinu wum'belikë n'saangu mëkweelë më mwanaandi. 3Naandi kufilë biseelu byaandi mu kutelë banë bëtelu ku cikaanvu, i baawu bësye zolë kwiisë ko. 4Naandi kubëfilë biseelu bin'ka i wusë tubë : “Ye kaambaanu banë batelu: Miinu yabelikë cikaanvu cyaami, yavangisi kuvoondë singoombi syaami i bibulu byaami bivoongë. Byakë byooso byabeliminë. Yisaanu mu kwambulë!” » 5Kasi banë bëtelu mbilë bësye lisilë n'ciinzë ko. Baawu ke yendaangë kwaawu: awuuwu ku solaandi, awunaani ku lungoosu lwaandi, 6i bën'ka ke bwiilë biseelu, kubënyokulë i bisë bëvoondë. 7N'tinu wusë ba mu likaanzi. Naandi kufilë mësodaadi maandi mu kuvoondë bibaabi i wusë viikë livulë lyaawu mbaasu. 8Naandi wusë kaambë biseelu byaandi : « Cikaanvu cyabelëmë, kasi banë batelu kwaawu bësye fwanëkënë ko. 9Lyekilë obo, yendyaanu mu mëvaambu më nzilë i kaambaanu bakë booso lun'dyengënë biisë mu kwambulë ku cikaanvu. » 10Biseelu beenë bisë kweendë mu sinzilë syooso, bisë kucikë bangë mitimë yi mboti i mitimë yi mbi. Boobo, n'zo n'saangu yisë waalë baatu. 11N'tinu wusë kotë mu kumonë banë bëtelu ku cikaanvu. Naandi wumonë wun'viipë wukaambu n'vwaatu wu n'saangu. 12Naandi wusë n'kaambë : « A mwa, njeeyi buni wakotilë aku kukaambu n'vwaatu n'saangu? » Kasi muutu beenë wusye n'vutulilë mbeembu ko. 13Oboobo, n'tinu wusë kaambë biseelu : « N'kaanjyaanu myooko i maalu i n'lacyaanu ku ngaandë ku citoombi, mati kwaawu kun'lililë i kun'kwetikinyi meeno. » 14Licyelikë mpaapë bëtelu, kasi banë bësoolu bëcyeeci.
Mpaku bën'futilë ke n'tinu Sezaalë
(Mak 12.13-17; Lik 20.20-26)
15Mu bwaawu, Sifalisyaanu bisë kotë fuundu yikubwililë Yeesu mu libuungu lyaandi. 16Baawu bisë n'filë bilaanzi byaawu yimunë bo bëke mu cinguuku ci Eloodë#22.16 cinguuku ci Eloodë: Mak 3.6., bisë n'kaambë : « A N'loonji, beeso tuzabisi ti njeeyi cyelikë wukeeli i wulë mu ke longilaangë nzilë Nzaambi mu bucyelikë. Boomë ve mu wosuku muutu, cibilë njeeyi wusë n'talaangë bunaangë bu muutu ko. 17Mu boobo, we tukaambi buni wum'balilë mu aliili: n'swa wukeeli mu n'kaakiitu wukufutilë mpaku ke n'tinu Sezaalë? Vo moniko? » 18Kasi Yeesu, wuzaabë simbalulu syaawu simbi, wusë bëvutulilë : « A bimpilë-mpiipi mbici lwakun'sokilë? 19N'desyaanu mpilë lu mboongo lun'futilaangë mpaku. » Baawu bisë n'leesi cinkongulu cimweekë ci mboongo. 20Naandi kube bëyufulë : « Ciinyi i bisonë bi nani bike mu cinkongulu ocye? » 21Baawu kun'vutulilë : « Bi n'tinu Sezaalë. » Naandi wusë bëkaambë : « Oboobo, vutulaanu ke Sezaalë binë bi Sezaalë i ke Nzaambi, binë bi Nzaambi. » 22Bunë ban'yuwu, baawu bisë bwa libobo, bisë m'biikë i bisë ke yendaangë.
Cyuufu mu luvulumuku lu baatu
(Mak 12.18-27; Lik 20.27-40)
23Mo mu cilumbu beenë, Sisadusyaanu bisë m'belëmë. – Baawu bën'tubaangë ti luvulumuku#22.23 Mëv 23.8. lu bo bëfwa lukeeli ko. – Bisë n'yufulë : 24« A N'loonji, Moyiizë wutubë : “Ningë libakëlë libe fwa wusye biikë mwaanë ko, nkoombaandi fwanëkënë kukweelë n'fwiili, mu kum'butilë baanë#22.24 Ntn 38.8; Det 25.5-6..” 25Kosuku mu nkoongiitu, mwabë saambwali li baanë bë nguli. N'kuluutu kukweelë i wusë fwa. Kasi abu kukaambu mwaanë, naandi wubiikë n'fwiili ke nkombaandi. 26Bubeelë bo bumweekë mu mwaanë nguli wumwaali, wun'tatu tee wusaambwali. 27Fë mbusë bakë booso, n'cyeetu wusë kufwa yivaandi. 28Fanë cilumbu ci luvulumuku, na n'cyeetu wum'ba n'kasi nanye? Cibilë lisaambwali lyooso lin'citulë n'kasyaawu! » 29Yeesu wusë bëvutulilë : « Beeno lwavitu, cibilë lusye zaabë ko libuungu li Nzaambi, kaambofo luleendo tu Nzaambi. 30Licyelikë, fë cilumbu ci luvulumuku, bëbakëlë i bëcyeetu bisë bën'kweelë ko, Kasi bën'zingilë buke siyaanzi ku yilu. 31Mu lyaambu li luvulumuku lu baatu bëfwa, beeno lusye taangë ko lyo Nzaambi kulukaambë? Naandi wutubë : 32“Miinu yilë Nzaambi yi Abalaamë, Nzaambi yi Isaakë i Nzaambi yi Zakoobë#22.32 Lub 3.6,15-16..” Nzaambi wukeeli Nzaambi yi bëfwa ko, kasi yi bo bëke moonyi. » 33Bakë booso bën'yuwu, bisë bwa libobo mu nsinunwaandi.
Lutumu luvyokili bunenë
(Mak 12.28-34; Lik 10.25-28)
34Bunë Sifalisyaanu bayuwu ti Yeesu wuvosi Sisadusyaanu bitu, baawu kukukumë fë cimweekë. 35Wun'viipë mu nkoongaawu, n'loonji n'kaakë, kun'yufulë mu kun'sokë : 36« A N'loonji, mu tutumu twakë tooso, lutumu mbici luvyokilili bunenë mu n'kaakë? »
37Yeesu kun'cikuninë : « “Zolë Fumu Nzaambyaaku yi n'timaaku wooso, yi ciluunzi cyaaku cyooso, yi simbalulu syaaku syooso#22.37 Det 6.5..” 38Mati lwaawu lutumu lun'tetë i luvyokisi bunenë. 39Lutumu lumwaali lwaawu alu : “Wufwenikini kuzolë mbaasyaaku buke njeveekë#22.39 Lev 19.18..” 40Mu tutumu tutwaali oto, mwaawu mu zitiminë tutumu tooso tu n'kaakë Moyiizë i mibici. » #22.40 7.12.
Kliistu i Daviidë
(Mak 12.35-37; Lik 20.41-44)
41Sifalisyaanu syabë sikukumë fë cimweekë, Yeesu wusë bëyufulë : 42« Beeno buni lum'balilë mu Kliistu? Naandi wuli mwaanë nani? » Baawu kun'vutulilë : « Wu Daviidë. » 43Mu bwaawu, Yeesu wusë bëkaambë : « Kwisilë buni ti, Daviidë, mu cyeesi ci Ciluunzi ci Saantu, kun'telilë “Fumu”? Fanë kutubë :
44“Fumu Nzaambi wukaambë Fumwaami:
Yisë kalë ku mëbakëlë maami,
tee yi fanë yin'tuulë simbeenyi syaaku bilyatulu byaaku bi maalu#22.44 Twi 110.1..” »
45« Ningë ti Daviidë wukun'teelë “Fumu”, buni Kliistu kum'podyooso kube beelë ndaandwaandi? » 46Wun'viipë ve wulëpodi kun'vutulilë libuungu. Kutoonë cilumbu be ciinë, muutu ve wusë be podi kun'yufulë cyuufu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. and © Alliance Biblique du Congo. All rights reserved.