Matye 23
23
Yeesu wabikinyi miloonji n'kaakë i Sifalisyaanu
(Mak 12.38-39; Lik 11.43,46; 20.45-46)
1Oboobo, Yeesu wukaambë nkoongë baatu yi bilaanzi byaandi. 2« Miloonji n'kaakë i Sifalisyaanu bëke lizitë li kuzimunë n'kaakë Moyiizë. 3Lufwenikini kubëlenvukilë i kusalilë makë mooso bëlukaambë mu kuvaangë. Kasi keelë lulëkukililë sinsalulu syaawu, cibilë baawu bisë n'salilaangë ko manë bën'loongaangë. 4Baawu bën'kaangaangë bifundë bizitë i kubituulaangë fë yilu mëvangëti më baatu, kasi baveekë, kuzolë ve kunyikunë luzalë lu kooko mu kubëzudi mu kunyikunë bizitu byaawu. 5Mëvaangë maawu mooso, bën'vaangaangë bwiinji baatu be bëmonë. Oboobo, baawu bën'natë mëbuungu mësemu fë mbuunzu kaambofo mu kooko, baawu bëke bipingëlë biyangililë#23.5 Sizwiifë sisulëmë bëlëvwaataangë bipingëlë mu n'vwaatwaawu, bëziilë mu n'siingë bëbuundë ndiimbë yibeengë yimunë yifyootë. Lut 15.38-41. bën'kusyaangë biyuungë byaawu. 6Baawu kuzolaangë biikë bi ntwaalë mu bikaanvu i sibaaku si ntwaalë mu bizutununu. 7Baawu kuzolaangë bëbëbilaangë yi luciinzu looso fë ciyalëlë i kutelwaangë “N'loonji” ke baatu. 8Kasi beeno, lwe leembwaanu kuteelu “N'loonji”, cibilë benubooso lukeeli baanë bë nguli i luke N'loonji mweekë. 9Nutelyaanu ko wosuku muutu fë n'toto “Taatë”, cibilë beeno luke tokë yi Taatë mweekë vwiili, wunë wuke ku yilu. 10Nuyiteelyaangë ko “Fumu”, cibilë Fumu mweekë tokë vwiili ke yiinu : Kliistu. 11Wunë vyokisi bunenë mu nkoongiinu, naandi wum'ba ciseelu ciinu. 12Wunë wuyizanjikë, wum'byesëmë, i wunë wum'besëmë wun'zanjiku. »
Yeesu wabikinyi bumpilë-mpiipi bu miloonji n'kaakë i Sifalisyaanu
(Mak 12.40; Lik 11.39-52; 20.45-47)
13« Lusifu lwiinu olo, beeno miloonji n'kaakë i Sifalisyaanu, bimpilë-mpiipi! Cibilë beeno lun'zibikaangë Lwaangu lu mëyilu fë twaalë baatu. Licyelikë beeno lusë n'kotë ko i lusë m'biikë kukotë ko banë bën'tiisi kukotë. »
14« Lusifu lwiinu olo, beeno miloonji n'kaakë i beeno Sifalisyaanu, bimpilë-mpiipi! Cibilë beeno ke vokënaangë lifwa li bëfwiili mu sinzo syaawu i ke vaangaangë mëfukë-nyeembo mu misaambu yikulë-yikulë, bwiinji baatu bëlumonaangë. Mati bwaawu beeno lun'fuundusu mu mëseembu më kwaatë-yekë#23.14 Mak 12.40.! »
15« Lusifu lwiinu olo, beeno miloonji n'kaakë i beeno Sifalisyaanu, bimpilë-mpiipi! Cibilë beeno lun'taabaangë m'bu i n'toto mu kubakë cita maanë cimweekë i mooti lwam'bakë, beeno lukun'vangisi kuba mwaanë buluunji bu mbaasu, fë vyaasi wali kuvyokililë yi beeno. »
16« Lusifu lwiinu olo, bileesi-nzilë bifwa-meeso! Beeno lun'tubaangë : “Ningë wun'viipë wun'lefilë mpesë mu n'zo-Nzaambi, lyaawu olyo lisë ntaangu kwaandi ko. Kasi ningë wun'lefilë mpesë mu woolë yi n'zo-Nzaambi, naandi wufwenikini kulicinzikë.” 17Biyimbu i bifwa-meeso! Bivyokilili mbicye? Woolë, voo n'zo-Nzaambi yin'vangisi woolë kuba yisemu? 18Benuviinu lun'tubaangë : “Ningë wun'viipë wun'lefilë mpesë mu civakululu, olyoolyo lisë ntaangu ko, kasi ningë bëlefilë mpesë mu mpaku yike fë yilu civakululu, naandyoowo wufwenikini kuvaangë lyo kwalefilë mpesë.” » 19A bifwa-meeso! Licyelikë, linë livyokilili? Mpaku voo civakululu cin'vangisi mpaku kuba yisemu? 20Wunë wun'lefilë mpesë mu civakululu, wun'lefilë mpesë mu naveekë i byakë byooso mu naandi. 21Wunë wun'lefilë mpesë mu civingë ci saantu, wun'lefilë mpesë mu cyaawu i mu byakë byooso bike faawu. 22Wunë wun'lefë mpesë mu li yilu, wun'lefilë mpesë mu ntaanji Nzaambi i mu wo wukalë faawu#23.22 Ezy 66.1; Mat 5.34..
23« Lusifu lwiinu olo, beeno miloonji n'kaakë i Sifalisyaanu, bimpilë-mpiipi! Cibilë beeno lun'futilaangë ke Nzaambi cikuuku cimweekë ci likuumi mu bikunë buke mëluundu më mputu i mimpoko i mëkayi mëfiimbu#23.23 Lev 27.30; Det 14.22., kasi beeno kulekulë sinsinunu sivyokili n'ciinzë mu n'kaakë, buke : n'sulumunu, bwalëkisi i ciminu. Nkanë maawu ma mëvangënë ntetë i mëmesë kuzimbëkënë ve. 24A bileesi-nzilë bifwa-meeso! Beeno lun'cyeenzë masi mu kubotulë lubu, akasi lum'minë cibulu cinenë! »
25« Lusifu lwiinu olo, beeno miloonji n'kaakë i Sifalisyaanu, bimpilë-mpiipi abi! Cibilë beeno lun'cyeesyaangë lingaandë li simbuungu i li tubuci, kosuku munë kati mu waalë biimë lwakwiibë i bideenzë biinu bibi. 26Falisyaanu mpofo! Lyoomisyoobo cin'tetë likati li mbuungu i li lubuci bwiinji lingaandë yivaandi licya. »
27« Lusifu lwiinu olo, miloonji n'kaakë i Sifalisyaanu, bimpilë-mpiipi! Cibilë beeno lufwaanë buke mëbuumbë bëviindë ndiimbë yi mpeembi#23.27 mëbuumbë ku palestiinë bëlëviindaangë maawu mu ndiimbë yi mpeembi mu kumaangë baatu kumësiimbë yi bwiilu. . Lingaandë linyeefë, akasi likati liwaalë mivesi baatu bëfwa i yosuku mpilë biimë bibolë. 28Bwaawu beeno yiviinu, ku ngaandë lum'monikë baatu bësulëmë, kasi ku kati beeno luwaalë bumpilë-mpiipi i busafu. »
29« Lusifu lwiinu olo beeno miloonji n'kaakë i Sifalisyaanu, beeno bimpilë-mpiipi! Cibilë lun'tuungë mëbuumbë më mibici i lun'cyemunë mëbuumbë më baatu bësulëmë fë meeso më Nzaambi, 30i beeno lun'tubë : “Ningë twabë tuzingilë mu ntaangu sinkaakë siitu, beeso tulë ba n'timë mweekë ko i baawu mu kuvoondë mibici!” 31Mu bwaawu, benuveekë lun'tubë cimbaanji cibilë beeno sindaandu lukeeli mu banë bëvoondë mibici. 32Mu lyaawu, lwe bweelyaanu kuvaangë linë sinkaakë siinu bëtoonë! 33Sinyokë, liloongu li simpili! Buni lum'podi kutininë cinaanu fë lufundusu lu buluunji bu mbaaswe? 34Mu lyalyooli: Miinu yakun'filë ke beeno mibici, bangë bungelë i miloonji n'kaakë. Lun'voondë bëmesë i lum'baandë bën'ka i lum'bulooso bën'ka mu bizutununu biinu i beeno lubëkukë ntiinu bwendi mëvulë. 35Bwiinji mëbwiilë mu beeno meengë mooso më mpeembi yi mpeeso, mëkwitikë bwendi n'nyalu n'toto, kutoonë fë meengë më Abeelë n'zitu, tee meengë më Zakaali, mwaanë Balaki, awu luvoondë fë meeyi civingë ci saantu i civakululu#23.35 Ntn 4.8; 2 Lu 24.20-22.. 36Licyelikë yilukaambë, makë mooso omo, mëm'bwiilë mboongu baatu yi bubwayi. »
Yeesu i Yelusaleemë
(Lik 13.34-35)
37« Yelusaleemë, Yelusaleemë! Njeeyi mungë kuvoondë mibici i kupiindë mëmanyi kuke banë Nzaambi wukufilë! Vyaasi kwa miinu yazolaangë kukucikë baanë baaku dedë mweekë susu yin'kucikaangë baanë baandi ku si mëvafë, kasi beeno lusye livitikë ko. 38Talaanu, n'zwiinu mëlooku yisyaalë yukutii#23.38 Zel 22.5. . 39Licyelikë, yilukaambë : kutatikilë mu ntaangu ayi lusë be n'kumonooso ko tee ntaangu lun'tubilë : “Kwe sakumuni awu wun'kwisilë mu lizinë li Fumu#23.39 Twi 118.26.!” »
Currently Selected:
Matye 23: NTVIL
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. and © Alliance Biblique du Congo. All rights reserved.
Matye 23
23
Yeesu wabikinyi miloonji n'kaakë i Sifalisyaanu
(Mak 12.38-39; Lik 11.43,46; 20.45-46)
1Oboobo, Yeesu wukaambë nkoongë baatu yi bilaanzi byaandi. 2« Miloonji n'kaakë i Sifalisyaanu bëke lizitë li kuzimunë n'kaakë Moyiizë. 3Lufwenikini kubëlenvukilë i kusalilë makë mooso bëlukaambë mu kuvaangë. Kasi keelë lulëkukililë sinsalulu syaawu, cibilë baawu bisë n'salilaangë ko manë bën'loongaangë. 4Baawu bën'kaangaangë bifundë bizitë i kubituulaangë fë yilu mëvangëti më baatu, kasi baveekë, kuzolë ve kunyikunë luzalë lu kooko mu kubëzudi mu kunyikunë bizitu byaawu. 5Mëvaangë maawu mooso, bën'vaangaangë bwiinji baatu be bëmonë. Oboobo, baawu bën'natë mëbuungu mësemu fë mbuunzu kaambofo mu kooko, baawu bëke bipingëlë biyangililë#23.5 Sizwiifë sisulëmë bëlëvwaataangë bipingëlë mu n'vwaatwaawu, bëziilë mu n'siingë bëbuundë ndiimbë yibeengë yimunë yifyootë. Lut 15.38-41. bën'kusyaangë biyuungë byaawu. 6Baawu kuzolaangë biikë bi ntwaalë mu bikaanvu i sibaaku si ntwaalë mu bizutununu. 7Baawu kuzolaangë bëbëbilaangë yi luciinzu looso fë ciyalëlë i kutelwaangë “N'loonji” ke baatu. 8Kasi beeno, lwe leembwaanu kuteelu “N'loonji”, cibilë benubooso lukeeli baanë bë nguli i luke N'loonji mweekë. 9Nutelyaanu ko wosuku muutu fë n'toto “Taatë”, cibilë beeno luke tokë yi Taatë mweekë vwiili, wunë wuke ku yilu. 10Nuyiteelyaangë ko “Fumu”, cibilë Fumu mweekë tokë vwiili ke yiinu : Kliistu. 11Wunë vyokisi bunenë mu nkoongiinu, naandi wum'ba ciseelu ciinu. 12Wunë wuyizanjikë, wum'byesëmë, i wunë wum'besëmë wun'zanjiku. »
Yeesu wabikinyi bumpilë-mpiipi bu miloonji n'kaakë i Sifalisyaanu
(Mak 12.40; Lik 11.39-52; 20.45-47)
13« Lusifu lwiinu olo, beeno miloonji n'kaakë i Sifalisyaanu, bimpilë-mpiipi! Cibilë beeno lun'zibikaangë Lwaangu lu mëyilu fë twaalë baatu. Licyelikë beeno lusë n'kotë ko i lusë m'biikë kukotë ko banë bën'tiisi kukotë. »
14« Lusifu lwiinu olo, beeno miloonji n'kaakë i beeno Sifalisyaanu, bimpilë-mpiipi! Cibilë beeno ke vokënaangë lifwa li bëfwiili mu sinzo syaawu i ke vaangaangë mëfukë-nyeembo mu misaambu yikulë-yikulë, bwiinji baatu bëlumonaangë. Mati bwaawu beeno lun'fuundusu mu mëseembu më kwaatë-yekë#23.14 Mak 12.40.! »
15« Lusifu lwiinu olo, beeno miloonji n'kaakë i beeno Sifalisyaanu, bimpilë-mpiipi! Cibilë beeno lun'taabaangë m'bu i n'toto mu kubakë cita maanë cimweekë i mooti lwam'bakë, beeno lukun'vangisi kuba mwaanë buluunji bu mbaasu, fë vyaasi wali kuvyokililë yi beeno. »
16« Lusifu lwiinu olo, bileesi-nzilë bifwa-meeso! Beeno lun'tubaangë : “Ningë wun'viipë wun'lefilë mpesë mu n'zo-Nzaambi, lyaawu olyo lisë ntaangu kwaandi ko. Kasi ningë wun'lefilë mpesë mu woolë yi n'zo-Nzaambi, naandi wufwenikini kulicinzikë.” 17Biyimbu i bifwa-meeso! Bivyokilili mbicye? Woolë, voo n'zo-Nzaambi yin'vangisi woolë kuba yisemu? 18Benuviinu lun'tubaangë : “Ningë wun'viipë wun'lefilë mpesë mu civakululu, olyoolyo lisë ntaangu ko, kasi ningë bëlefilë mpesë mu mpaku yike fë yilu civakululu, naandyoowo wufwenikini kuvaangë lyo kwalefilë mpesë.” » 19A bifwa-meeso! Licyelikë, linë livyokilili? Mpaku voo civakululu cin'vangisi mpaku kuba yisemu? 20Wunë wun'lefilë mpesë mu civakululu, wun'lefilë mpesë mu naveekë i byakë byooso mu naandi. 21Wunë wun'lefilë mpesë mu civingë ci saantu, wun'lefilë mpesë mu cyaawu i mu byakë byooso bike faawu. 22Wunë wun'lefë mpesë mu li yilu, wun'lefilë mpesë mu ntaanji Nzaambi i mu wo wukalë faawu#23.22 Ezy 66.1; Mat 5.34..
23« Lusifu lwiinu olo, beeno miloonji n'kaakë i Sifalisyaanu, bimpilë-mpiipi! Cibilë beeno lun'futilaangë ke Nzaambi cikuuku cimweekë ci likuumi mu bikunë buke mëluundu më mputu i mimpoko i mëkayi mëfiimbu#23.23 Lev 27.30; Det 14.22., kasi beeno kulekulë sinsinunu sivyokili n'ciinzë mu n'kaakë, buke : n'sulumunu, bwalëkisi i ciminu. Nkanë maawu ma mëvangënë ntetë i mëmesë kuzimbëkënë ve. 24A bileesi-nzilë bifwa-meeso! Beeno lun'cyeenzë masi mu kubotulë lubu, akasi lum'minë cibulu cinenë! »
25« Lusifu lwiinu olo, beeno miloonji n'kaakë i Sifalisyaanu, bimpilë-mpiipi abi! Cibilë beeno lun'cyeesyaangë lingaandë li simbuungu i li tubuci, kosuku munë kati mu waalë biimë lwakwiibë i bideenzë biinu bibi. 26Falisyaanu mpofo! Lyoomisyoobo cin'tetë likati li mbuungu i li lubuci bwiinji lingaandë yivaandi licya. »
27« Lusifu lwiinu olo, miloonji n'kaakë i Sifalisyaanu, bimpilë-mpiipi! Cibilë beeno lufwaanë buke mëbuumbë bëviindë ndiimbë yi mpeembi#23.27 mëbuumbë ku palestiinë bëlëviindaangë maawu mu ndiimbë yi mpeembi mu kumaangë baatu kumësiimbë yi bwiilu. . Lingaandë linyeefë, akasi likati liwaalë mivesi baatu bëfwa i yosuku mpilë biimë bibolë. 28Bwaawu beeno yiviinu, ku ngaandë lum'monikë baatu bësulëmë, kasi ku kati beeno luwaalë bumpilë-mpiipi i busafu. »
29« Lusifu lwiinu olo beeno miloonji n'kaakë i Sifalisyaanu, beeno bimpilë-mpiipi! Cibilë lun'tuungë mëbuumbë më mibici i lun'cyemunë mëbuumbë më baatu bësulëmë fë meeso më Nzaambi, 30i beeno lun'tubë : “Ningë twabë tuzingilë mu ntaangu sinkaakë siitu, beeso tulë ba n'timë mweekë ko i baawu mu kuvoondë mibici!” 31Mu bwaawu, benuveekë lun'tubë cimbaanji cibilë beeno sindaandu lukeeli mu banë bëvoondë mibici. 32Mu lyaawu, lwe bweelyaanu kuvaangë linë sinkaakë siinu bëtoonë! 33Sinyokë, liloongu li simpili! Buni lum'podi kutininë cinaanu fë lufundusu lu buluunji bu mbaaswe? 34Mu lyalyooli: Miinu yakun'filë ke beeno mibici, bangë bungelë i miloonji n'kaakë. Lun'voondë bëmesë i lum'baandë bën'ka i lum'bulooso bën'ka mu bizutununu biinu i beeno lubëkukë ntiinu bwendi mëvulë. 35Bwiinji mëbwiilë mu beeno meengë mooso më mpeembi yi mpeeso, mëkwitikë bwendi n'nyalu n'toto, kutoonë fë meengë më Abeelë n'zitu, tee meengë më Zakaali, mwaanë Balaki, awu luvoondë fë meeyi civingë ci saantu i civakululu#23.35 Ntn 4.8; 2 Lu 24.20-22.. 36Licyelikë yilukaambë, makë mooso omo, mëm'bwiilë mboongu baatu yi bubwayi. »
Yeesu i Yelusaleemë
(Lik 13.34-35)
37« Yelusaleemë, Yelusaleemë! Njeeyi mungë kuvoondë mibici i kupiindë mëmanyi kuke banë Nzaambi wukufilë! Vyaasi kwa miinu yazolaangë kukucikë baanë baaku dedë mweekë susu yin'kucikaangë baanë baandi ku si mëvafë, kasi beeno lusye livitikë ko. 38Talaanu, n'zwiinu mëlooku yisyaalë yukutii#23.38 Zel 22.5. . 39Licyelikë, yilukaambë : kutatikilë mu ntaangu ayi lusë be n'kumonooso ko tee ntaangu lun'tubilë : “Kwe sakumuni awu wun'kwisilë mu lizinë li Fumu#23.39 Twi 118.26.!” »
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. and © Alliance Biblique du Congo. All rights reserved.