Romanɛ Otugba Ibui
Otugba Ibui
Paulo afɔnɔ yɛahũ dzadzã eplukpa alɛ asɛsɛ Romanɛ sɛ tɛ babalɛ akɔ yɛɔha tiɖiɖi nɛ Roma. Yɛtɛtɔtɔɖɔ nu ɔsɛ tɛ awɔa axɔ̃ɛ nɛ bagɛ ayɛkɛ Kristo abha aŋãa nɛ kibe gulũi tili mɛ, kɛlɛ tɛ baplɛ nii tɛ avɛ Spania. Nɛ ebui dadalɛ mɛɛ, Paulo afɔnɔ keplukpa alɔkɔ ebu ebui mɛ akɔ Romanɛ nɛ kilũ gɛ elũ Kristo yɛabha tɛyɛyɛkɛŋã niesi, nɛ̀ ebuiɛ mɛ gɛ Kristoanɛ bazagã nɛ balɛ ɛkpã mɛ. Romanɛ eplukpa alɛ ebu Paulo yɛebuiɖɔɖɔ pete akasɛ.
Gɛ asɛnɔ Romanɛ ɔha pɛ akɔ beti nɛ kikulu gɛ ezekulu Owusoso Akaa nɛ balɛ ɛtakpu niedeɛ, Paulo avɛ kɛlɛ abha ebu kibui osiɛ akɔ eplukpa asɛ, “Ɔmɔsɛ gana kibui gbangbã mɛɛ, Owusoso Akaa ebu yɛtɛzazã piapi nɛ̀ banɔdzyrame akasɛ. Tɛzazã piapii lɛ nu tɛyɛyɛkɛŋã ibui odenɔ kibeɛ gɛiputɔ ɔvɛnɔ kibe gɔgɔ̃ɛ nɔ.” (1.17)
Paulo azavɛ ɛlɛ abha nɛ̀ kibui osi ɔlɛ. Ebu ɛlɛ mɛ asɛ, kɛlɛ sɛ tɛ Owusoso Akaa alɔkɔ banɔdzyrameeyiɛ pete, Yudanɛ nɛ̀ bagɛ betinu Yudanɛ tɛ bazã piapii nɛ̀ Owusoso Akaa, ɔmɔsɛ nɛ balɛ pete tɛzazã mɛɛ, balɛ ebui kpa bhɛbhɛtɛ ohumi esi. Owusoso Akaa alɔkɔ anɔ asɛ alɛ piapii onupɛ ayɛkɛ Yesu Kristo abha aŋãa. Kidegba azaɖɔ kaɖɔ nɛ ɛkpã vɔvɔ gɛlɛ tenikpo nɛ̀ Kristoɔ shu, gɛ kide kishopo vɔvɔ kpɛkpɛ nɛ̀ Owusoso Akaa mɛ. Anunɔ gɛ ayɛkɛ aŋãa amɔ tɛyɔyɔ nɛ̀ Owusoso Akaa kɛlɛ yɛɔfɔfuĩa nɔ lobu ayɛyɛkɛŋã odenɔ ebui kpa bhɛbhɛtɛ ohumi nɛ̀ butsi ahɔɛ mɛ. Nɛ kɛtakpu 5-8 miɛ mɛ̀ɛ, azaɖɔ kaɖɔ nɛ kɛgi nu Owusoso Akaa yɛɔsha nɛ̀ yɛɔfɔfuĩa nɔ ohumi nɛ ayɛyɛkɛŋã yɛkpã mɛ. Anɔkpɛkpɛ Paulo azawlɔãkɛ ebui bibisi nɛ kana gɛ Yudanɛ nɛ̀ bagɛ betinu Yudanɛ tsyɛ eku Owusoso Akaa tɛtɔtɔɖɔ lɛ mɛ ɔkɔ banɔdzyrameeyiɛ petee. Gɔgɔ̃ɛ nɔ aɖɔ asɛ, Yudanɛ Kristo mayɛkɛ mayɛkɛ, nu Owusoso Akaa tɛtɔtɔɖɔ awɔ̃pɛ tieli, kɛlɛ gana kidzo ɛlɛ nabha sɛ tɛ banɔdzyrameeyiɛ pete amɔ Owusoso Akaa yɛanɔ tibhui bhuibu nɛ Yesu Kristo mɛ, kɛlɛ Yudanɛ Yesu mayɛkɛ mayɛkɛ tɛbazã kɛlɛ abha ɔvɛnɔ tihɔɔ. Paulo afɔnɔ kɛlɛ ehu utɔ̃ nɛ kɛzã gɛ kɛlɛ sɛ Kristo abha tɛyɛyɛkɛŋã zãa shu, kɛlɛ kɛgɛ zɛdɛɛ, balɛ tɛdɛdɛmɛ nɔ nɛ̀ bagɔlɔ nɛ̀ tenikpo bhɛbhɛtɛ mɛ. Aɖɔaɖɔ atɔ̃ nɛ kɛzã gɛ anɔ abazã asɛ axɔ̃ɛdɛ akɔ Owusoso Akaa, nɛ kesiakpa abha ekusiɛ nɛ̀ ɔhagbo, ɔplɛnɔ ishu bibisi olũ ɔsɛ, kiɖuwoe lu gɛpɛ ɔkɔ tɛbhɛtɛ. Gɔgɔ̃ɛ nɔ, Paulo afɔnɔ yɛahɔɛ ebui teli nɛ̀ ebui gɛ alɔkɔ akpɛ Owusoso Akaa nɛinye nɛitití nɔ.
Keplukpa Mɛ Ebuiɛ
Otugba ebuiɛ nɛ̀ kibui osiɛ 1.1-17
Tibubu idzo tɛpɛpɛɛ 1.18—3.20
Owusoso Akaa idzo ɔkɔ anɔ tibubu 3.21—4.25
Ɛkpã vɔvɔ nɛ Kristo mɛ 5.1—8.39
Owusoso Akaa tɛtɔtɔɖɔ ɔkɔ Israelanɛ 9.1—11.36
Kristoanɛ ɛkpã zazãna 12.1—15.13
Paulo ebui gɔgɔ̃ɛ nɛ̀ bɔdɔ̃ sɛsɛnɔ 15.14—16.27
Currently Selected:
Romanɛ Otugba Ibui: nyb
Highlight
Share
Copy
Want to have your highlights saved across all your devices? Sign up or sign in
© (Active), Ghana Institute of Linguistics, Literacy and Bible Translation. All rights reserved.