S. Matiu 24
24
1Anun Yisa minikhi na misidi ni, anun a yi sigama a kha; anun a kharandine fakhi a khon na misidina ti kina yitade a ra.
2Kono a yabikhi anun a a fala e kha, e mu se itoe dama to? nyondi in a fala e kha, geme keden mi luma a bode fari be, nakhan mi rabirama.
3Anun a to dokhi Olibisi geai gbe fari, a kharandine fakhi a khon doin, e nakha, a fala unkhu kha fe itoe ligama nan yanyi, anun dunia ranyanna misala?
4Anun Yisa yabikhi anun a fala e kha, e nyokhon lu mukhu‐o‐mukhu na ma e rafananfanan ai.
5Katugu wiakhi fama in khilla ma, e a falamane, na Masia nan in na; anun e wiakhi rafananfananmaine.
6Anun e galli fe memane anun galli kibarine: e nyokhon lu e kwi na ma sa ifu: katugu a dakha fe itoe kha liga; kono a ranyanna mu ma a li.
7Katugu siya kelimane siya ra, anun mangeya kelimane mangeya ra: anun khame fitina famane anun bokho khurukhurumane yire wodime.
8Kono tinna dokho folo nan fe itoe dama ra.
9Na yanyi e e fima toro ma, anun e e fakhamane:
10Anun wiakhi biramane, anun e e bode fimane, anun e ranyakhumane e bode ma.
11Anun onabi wulekhine wiakhi kelimane, anun e a wiakhi rafananfananmaine.
12Anun katugu yulubi to gbomane, wiakhi e marafanna khumbelimane.
13Kono nakhan na dinye ha a ranyanna, atan nan kisimane.
14Anun na mangeya kibari fanyi ito a kawandi bamane dunia birin ni, hake a kha findi serena siyane birin kha; anun na khambi a ranyanna famane.
15E na fe manyakhukhina a kasarina to dema, onabi Danieli nakhan ma fe falakhi, a tima na yire serienkhi ni (nakhan na a kharan a kha a baien kolon).
16Na yanyi nakhe Yudia ni e kha siga e gie geai gbene khon:
17Atan nakhan bankhi fari na ma godo sene raminide nakhe a bankhina kwi:
18Anun atan nakhan khe ma a na ma khate a domana tongode.
19Kono ah etan nakhe fudikan anun nakhe di raminma ne yanyine!
20Anun e sali e gi fe na ma lan nyemena, hama matabu lokho ma:
21Katugu na yanyi toro gbe biramane, nakhan nyokhon mu ma liga khabi dunia folona ha iki, aide, a mi sa ligamane.
22Anun fo kha ne lokhone radungikhai, mukhu‐o‐mukhu mi yi kise: kono a yematongokhine e fera ne lokhone radungimaine.
23Ba, kha mukhu‐o‐mukhu na a fala e kha, a mato, na Masia be, hama be; e na ma la a ra.
24Katugu Masia wulekhine kelimane, anun onabi wulikhine, anun e misale gbe nun fe makhabekhine mayitama; alogo e kha inde rafananfanan ai, kha e a noe, hali a yematongokhine.
25A mato, in bata a fala e kha sima.
26Nanara kha e fala e kha, e mato, a sa wula ni; e na ma siga na de: e mato, a sa konkone kwi; e na ma la a ra.
27Katugu alo kwie salunsalunna kelima telebo ni ki nakhai, anun e toe ha telegi, na munadabaden di khemena a famana lumane na ki ni.
28Bimbina sa de nakhai yibane e khunlanma na ni.
29Kono nanunnai na toro yanyine dangu khambi ni, sogona raforomane, anun kike mu degemane, anun sarene birama kwie, anun kwie a sembene mamakhamane:
30Anun na yanyi na munadabaden di khemena a misala tomane kwie: anun na yanyi dunia siya birin wugamane, anun e na munadabaden di tomane a fama sembe nun dalaya gbe ra kwie khundana ma.
31Anun a a malekane khemane e nun kota khwi gbe, anun e a yematongokhine khunlanmane keli foye balakha nani ne khon, khabi kwie fokho keden ha sa bona li.
32Ba, e kha khode billa a talina kharan: a balakhane ne a nyorena, anun a nyonkholle raminima, e a kolon sogo fure bata maso;
33Etan fan na ki ni, e fe itoe dama to dema, e kha a kolon na a bata maso, ha sorodene ra.
34Nyondi in a fala e kha, siya ito mi dangumane ha fe itoe dama na liga.
35Kwie nun bokhona dangumane, kono ma falane mi dangumane.
36Kono na lokho nun na wakatina fe mukhu‐o‐mukhu ma a kolon, hali arianna malekane bete, hama na di khemena, fo Fafe gbansan.
37Anun alo Noe a yanyine yi ki nakhai na munadabaden di khemena a famana lue na ki ni.
38Katugu alo ne yanyine nakhe yi na bambarana yera e donma nun e minma, e nyakhalla tongoma anun e nyakhalla fima, ha Noe so lokho ni na kunki gbe kwi,
39Anun e mi fe kolon ha na bambarana fa anun a siga e dama khale; na munadabaden dina a famana lue na ki ni.
40Na yanyi kheme mukhu fidin ne khe ma; keden tonge, anun keden lue na:
41Nyakhalle mukhu fidin ne se dinma wulin de ni; keden tonge, anun keden lue na.
42Nanara e nyokhon lu: katugu e mu e Marigi fa lokhona kolon.
43Kono e kha ito kolon, kha bankhi kanna yi munyatina a fa wakati kolon, a yi a nyokhon lumane, anun a mi yi tinye a bankhi kha kala.
44Nanara etan fan kha keli: katugu e nyokhon mi a ma wakati nakhai na munadabaden di kheme fama na nan ma.
45Na konyina tinkhin nun a kotakhina mundu na, a Marigi nakhan lu a bankhi khun ma, e donse fide e ma a yanyi ni?
46Na konyina dubakhi nakhan a marigi na fa a a toma a ligama na ki ni,
47Nyondi in a fala e kha, na a a luma a sene dama khun ma.
48Kono kha na konyi nyakhina a falama a nyete kwi, in marigina madigankhi;
49Anun a fa a konyi bode bombo folo, anun a luma donye anun a minye beremintone khon;
50Na konyina marigi famane a yengi mu fa a ma lokho nakhai, anun a ma a kolon wakati nakhai.
51Anun a a segemane a tagi ni, anun a lu de fa findimane mukhu mayendene koni: wuga nun nyinna khinna sa na ni.
Currently Selected:
S. Matiu 24: YAL
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1907.
