S. Matiu 5
5
1Anun a setene to dema, a te na geai gbena fari: anun a to bata dokho, a kharandine fakhi a khon,
2Anun a a dena bi, anun a e kharan, a nakha,
3E dubakhi nakhe ni magodokhi, katugu etan nan gbe arianna mangeyana ra.
4E dubakhi nakhe torokhi; katugu e madendenmane.
5E dubakhi nakhe makhumbelikhi: katugu etan nan dunia sotomane,
6E dubakhi fe tinkhinna a kame nun a minkholla nakhe sukhuma, katugu e lugomane.
7E dubakhi nakhe kininkininma, katugu e kininkinin sotomane.
8E dubakhi nakhe khakhille serienkhi, katugu e ALLA tomane.
9E dubakhi nakhe findi tagi‐ba‐mukhune: katugu etan nan khillimane ALLA dine.
10E dubakhi nakhe bata toro fe tinkhin a fe ra: katugu etan nan gbe arianna mangeyana ra.
11E dubakhi mukhune na e rayagi, anun e na e toro, anun e na kansun siya dama sa e khun ma intan ma fe ra.
12E nyankhan anun e sewa ki fanyi; katugu e kontonna gbo arianna ni, katugu onabine nakhe e ye ra e ne fan toro na ki ni.
13Dunia fokho etan nan na, kono kha fokho bata bekhi, nanse a makhatema? a mu fefe fanmane sono, fo a rawolai, anun mukhune luma a mabodonye e sanne bun.
14Dunia mayelan etan nan na. Tai nakhan tikhi geai fari mi lukhunye.
15Anun mukhune mu lampu radege, anun e sa a sa debena bun, fo a dokho sena fari, anun a degemane birin kha nakhe bankhi ni.
16E mayelanna kha mayilen na ki ni mukhune yera, alogo e kha e kewali fanyine to, anun e e Fafe matokhomane nakhan arianna ni.
17E na ma inyokhon in fakhi na tonna anun onabine kalade: intan mi fakhi fe kalade, kono e khun sode.
18Katugu nyondi in a fala e kha; ha kwie nun bokhona dangu, hali a siya dondorondi bete mu bama ne tonne ma, ha fe dama liga.
19Nakhan o nakhan na yamari khunkhuri itoe keden bete kala, anun a mukhune kharan na ki ni, a khilli dondorondi nan sotomane na arianna mangeya ni: kono nakhan o nakhan na e ligama anun a e rabirama, a khilli gbe sotomane na arianna mangeya ni.
20Katugu intan a fala e kha, fo kha e fe tinkhinne danguma kaidisebene anun Farisine gbene kha, e mi soma na arianna mangeya ni foma.
21E batayi a me e fala e kha a singe ni: i na ma fakhanati anun nakhan o nakhan na fakhanati a khaminmane kitisa yanyi ni:
22Kono intan a fala e kha, nakhan o nakhan na khollo a lanfa ma, a khaminmane kitisa yanyi ni, anun nakhan o nakhan na a fala a lanfa ma, i kobi, a khaminmane siranna yera: anun nakhan o nakhan na a fala, itan murute mukhuna a khaminmane yahanama tena yera.
23Kha i nun se radanguma misidina kwi, anun fe nakhan yi itan nun i lanfa tagi fa a rabira i ma na,
24I kha ia se lu misidi ni na, anun khate, itan nun i lanfa kha lan singe, anun na khambi fa ia se radangude.
25Itan nun i yengefana kha lan mafure, e to mon kirai khon, atan yengefana na ma fa i so kitisana yi kode, anun kitisana fa i radangu kapin ma, anun e fa i rawoli gelli.
26Nyondi in a fala e kha, i mu minima na ne foma, ha i a siya donkena fi.
27E batayi a me e nakha, i na ma yanga sukhu,
28Kono intan a fala e kha, nakhan o nakhan na nyakhalla inde to anun a sukhu kholli a ma, nanunnai a bata yanga sukhu a ra a khakhilli ma.
29Anun kha i yifari ma yena nan i rabirama, a rate anun i a rawolai, katugu a fisa ia se keden kha kala i fatina ma, anun i fatina dama na ma sa bira yahanama ni.
30Anun kha i yifanna nan i rabirama, a sege a ra anun a rawolai, katugu a fisa ia se keden kha kala i fatina ma, anun i fatina dama na ma siga yahanama ni.
31Anun a falakhi sono, nakhan o nakhan na me a nyakhalla ra, a kha a rame‐kaidina so a yi,
32Kono intan a fala e kha, nakhan o nakhan na me a nyakhalla ra, fo kha yanga sukhu fe gbansan, a bata a findi yalun gilena, anun nakhan na a tongo na yanyi e to bata e me a ra, a bata yanga sukhu.
33Anun sono e batayi a me e fala e kha a singe ni, i na ma kollona ti i nyete ma, kono i kha ia kollona liga na MARIGI ye ra,
34Kono intan a fala e kha, i na ma kollo ti foma, arianna bete, katugu ALLA dokhode nan a ra,
35Bokhona bete ra, katugu a santide nan a ra: Yerusalima bete ra, katugu mange gbe tai nan a ra.
36Anun i na ma kollo i khunna bete ra, katugu i mi noma khunsekhe keden nafalade, a fikhe hama a forena,
37Kono e falana kha lu, yo, yo, mai, mai, anun nakhan o nakhan na dangu itoe ra, a nyakhina gbe nan a ra.
38E batayi a me a falakhi, ye keden a nyokhon ye keden, nyin keden a nyokhon nyin keden,
39Kono intan a fala e kha, i na ma a nyakhina nyokhon sa, kono nakhan o nakhan na i yifari ma khadena garin, bona fan nafindi a ma.
40Anun kha mukhu o mukhu na i khilli siran ni, anun a ia doma bun godona tongo, a kha ia domana fan soto.
41Anun nakhan o nakhan na i marasa sigade sagara keden, fidin masiga a fokhora.
42Nakhan na i khandi, a ki: nakhan na wugama se dollide i ma a dankhun ne.
43E batayi a me a falakhi, i nomofa kha rafan i ma, anun i yakhu kha ranyakhu i ma.
44Kono intan a fala e kha, i yakhune kha rafan i ma; anun nakhe i toroma, i kha sali e kha,
45E kha findi e Fafe nakhan arianna ni, a dine: katugu atan nan a sogona raminima mukhu nyakhine anun mukhu fanyine ma, anun atan nan tule rafama tinkhin mukhune anun kalabante mukhune ma.
46Katugu kha e rafan nakhe ma ne nan nafankhi e ma, e nanse konton soto? duti ma khilline fan ma a ligama na ki ni?
47Anun kha e na e barine gbansan konton, e nanse liga dangu bone ra?
48Etan serienmane alo e arianna Fafe serienkhi ki nakhai.
Currently Selected:
S. Matiu 5: YAL
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1907.
