Abhaëfësö 5
5
Pauro araraghërrya abhakumya bhabhe na eteemo eno Waryobha akutuna
1Mbe, ku bhuyö ni-igha mweghe eteemo iya Waryobha, ko bhoora igha bhëënyu, m-baana abhaghonshe abha Waryobha mörë. 2Mohanshe abhantö abhandë, kya bhono Yëësu Kiristo yaatohanshirë akatukwera, akabha esadaaka na ikimwenso ikyëtö ikya ukurumbaasa bhuuya ku-Waryobha.
3Kasi motakaakora amangʼana ghano gharaaghere abhantö bhabhaghambe igha, m-basooraare mörë, m-banyanku mörë, handë igha m-bahobhaaru mötë, ko bhoora igha, amangʼana ghayö teghaingʼarëëyë ko-bhantö abha Waryobha abhahörëëru kya bhëënyu. 4Kora amangʼana agha sënsöni na agha ubhusheema handë senkaani, ghayö teghakokorwa na abhantö kya bhëënyu hë, kasi bhoono engʼana iya okokora, nu-kukumya Waryobha ko-keno yaabhakorra.#5:4 Maaha mo-ketabho ikya Abhaëfësö 5:20; Abhakorosaai 3:15, 3:17. 5Omohoobhaaru, uyö n-kya ono akosengerra amasambwa. Ku bhuyö momanye igha, ömöntö kya uyö, bhaana omosooraare na umunyanku, tebhaana umwandö ghwoghwonswe ghoora hë mo-Bhokama ubhwa Yëësu Kiristo na Waryobha.
6Motakaikërrya ömöntö wowonswe oora, abhangʼaine ko amangʼana aghaaye agha obhokangi ghano akoghamba. Ko bhoora igha, Waryobha narishibhya abhantö bhano bhatakumwighwera, bhano bhakokora amangʼana amaghogho kya ghayö ngambirë. 7Ku bhuyö motakaaghootana na abhantö bhano bhakokora amangʼana kya ghayö. 8Nokaanyoora igha kare hayö mmu-kisuntë mwaarë, kasi bhoono igho mösöhirë mo-bhorabhu ko bhoora mobhaayë na öbhömwë na Omonene Yëësu Kiristo. Ku bhuyö mokore amangʼana kya abhantö bhano bharëngë mo-bhorabhu. 9Ndabhatëëbhya igho ko bhoora igha, ëbhëntö ibhiiya bhyonswe igho, ibhya heene na ibhya obhoheene, no-bhorabhu bhokobhereeta. 10Mokore omotono ughwa okomanya na okokora amangʼana ghano ghakushomera Omonene. 11Motakaaghootana okokora amangʼana ghano ghataana ubhwera, ghano ghakokorwa na abhantö abha mu-kisuntë,#5:11 Abhantö abha mu-kisuntë. Bhayö na abhantö bhano bhakokora amangʼana ghano ghataana ubhwera ku-Waryobha. kasi mohamere amangʼana kya ghayö. 12Amangʼana ghano ghakokorwa bhubhise mo-bhatëëyu bhayö, nkösöökya gharë, në-nsöni okoghaghamba. 13Hano obhorabhu bhwamërëkya ëkëntö, abhantö bhonswe igho nkomaaha bharë kya bhono kërë, 14nkyo kekoghera eraghambwa igha,
“Bhooka uwe ono oraayë,
uryoke urwe mo-bhaku
na obhorabhu ubhwa Yëësu Kiristo mboraakömërëkëri.”#5:14 Amangʼana ghayö te-agha mo-Maandeko Amahörëëru agha kare ghaara hë. Kasi na Abhakiristo abha mbere bhaara bhaarëëtyanga. Ku-rirëëtyö reno hano amangʼana agha-ko nkurwera gharë mo-ketabho ikya Isaaya 26:19 na 60:1. Maaha mo-ketabho ikya Abharuumi 13:11.
15Ku bhuyö mwiyangarre eteemo iyëënyu, motakaabha na eteemo iya ekekangi, kasi mongʼainihe. 16Mokore emeremo bhuuya ko-nkaagha eno, ko bhoora igha, ikyaro reero eno kyasareka. 17Ku bhuyö motakaakangiha, kasi mongʼainihe, mokore omotono ughwa okomanya keno Omonene Yëësu akutuna igha mokore. 18Motakaaghootwa na amarwa,#5:18 Motakaaghootwa na amarwa. Amarwa agha enkaagha iyö ghaabherekerwanga igha, idivai handë mvinyo. ko bhoora okoghootwa na amarwa nkoghera körë ömöntö akora amangʼana agha sënsöni. Kasi bhëënyu mutighe Umwika Ömöhörëëru abhatangate ko amangʼana ghonswe igho. 19Mushumaasheranenga ko-sezabhuri, amarëëtyö na sëtënzi isya mo-nkoro. Mushomerwenga na ökörëëtërya Omonene Yëësu. 20Mukuminga Taata uwëëtö Waryobha nkaagha syonswe igho, ko amangʼana ghonswe igho, ko okoghera iya amangʼana ghano Omonene uwëëtö Yëësu Kiristo yaakora.
Pauro araraghërrya abhashaasha na bhakaabho
21Mwihooterane bhëënyu abheene ko bheene, ko bhoora igha, nkosooka mörë Yëësu Kiristo.#5:21 Maaha mo-ketabho ikya 1 Peetero 5:5.
22Bhëënyu abhakari, ni-igha mwihoote ko-bhashaasha abhëënyu kya bhano mukwihoota ko-Monene,#5:22 Maaha mo-ketabho ikya Okosemoka 3:16; Abhakorosaai 3:18; 1 Peetero 3:1. 23ko bhoora igha, umushaasha n-kya omotwe ko mokaaye, naana ubhwera ko mokaaye. N-kya bhoora Yëësu Kiristo aana ubhwera ko-kanisa iyaaye, na ekanisa n-kya ömöbhërë ughwa Yëësu Kiristo, na uyö we yaaghëtöörya. 24Mbe, kya bhono ekanisa ekosooka Yëësu Kiristo, abhakari bhonswe ighoigho, bhaighwere bhashaasha abhaabho, ko amangʼana ghonswe igho.
25Bhëënyu abhatëti, ni-igha mohanshe bhakëënyu#5:25 Maaha mo-ketabho ikya Abhakorosaai 3:19; 1 Peetero 3:7. kya bhono Yëësu Kiristo yaahanshirë ekanisa iyaaye, kora akaikwera. 26Yaaghikwërëëyë, okore aghesaabhuure. Yaasaabhuurrë ekanisa ko engʼana iya Waryobha na ukughyöghya na amanshë agha obhobhatiisyo,#5:26 Maaha mo-ketabho ikya Tiito 3:5. 27okore anyoore ekanisa inshiiya, ëhörëëru, eno etaana risoro ryoryonswe reera.#5:27 Maaha mo-ketabho ikya Zabhuri 45:13; 2 Abhakörintö 11:2. 28Abhashaasha bhonswe ighoigho, ni-igha bhahanshe bhakaabho kya bhono bhahanshirë ëmëbhërë ighyabho. Ömöntö ono akohansha mokaaye, nkunyoora örë aihanshirë umwene. 29Taaho ömöntö ono arëghirë ömöbhërë ughwaye hë, kasi nkughwangarra arë na okoghohaana ibhyakorya, n-kya bhono Yëësu Kiristo wonswe akwangarra ekanisa iyaaye. 30Nkutwangarra arë bhëëtö abhantö abhaaye ko bhoora igha, n-kya ömöbhërë ughwaye törë. 31N-kya bhono yandëkirwë mo-Maandeko Amahörëëru igha, “Ku bhuyö umushaasha naraatighe suwaabho na nyakuwaabho, aghootane na mokaaye. Abhantö abhabhërë bhayö, nkobha bharë kya ömöbhërë öghömwë.”#5:31 Maaha mo-ketabho ikya Okosemoka 2:24. 32Amangʼana ghano m-marito, te-mahöhö hë. Kasi öni keno nkushumaashera, nu-bhwighwerrani ubhwa Yëësu Kiristo na ekanisa iyaaye, igha n-kya ömöntö na mokaaye.
33Ndamarërrya amangʼana aghaane ko okoghamba igha, ni-igha umushaasha ahanshe mokaaye, kya bhono ahanshirë ömöbhërë ughwaye umwene, na omokari wonswe asooke mushaasha uwaaye.
Currently Selected:
Abhaëfësö 5: ssc
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.
Abhaëfësö 5
5
Pauro araraghërrya abhakumya bhabhe na eteemo eno Waryobha akutuna
1Mbe, ku bhuyö ni-igha mweghe eteemo iya Waryobha, ko bhoora igha bhëënyu, m-baana abhaghonshe abha Waryobha mörë. 2Mohanshe abhantö abhandë, kya bhono Yëësu Kiristo yaatohanshirë akatukwera, akabha esadaaka na ikimwenso ikyëtö ikya ukurumbaasa bhuuya ku-Waryobha.
3Kasi motakaakora amangʼana ghano gharaaghere abhantö bhabhaghambe igha, m-basooraare mörë, m-banyanku mörë, handë igha m-bahobhaaru mötë, ko bhoora igha, amangʼana ghayö teghaingʼarëëyë ko-bhantö abha Waryobha abhahörëëru kya bhëënyu. 4Kora amangʼana agha sënsöni na agha ubhusheema handë senkaani, ghayö teghakokorwa na abhantö kya bhëënyu hë, kasi bhoono engʼana iya okokora, nu-kukumya Waryobha ko-keno yaabhakorra.#5:4 Maaha mo-ketabho ikya Abhaëfësö 5:20; Abhakorosaai 3:15, 3:17. 5Omohoobhaaru, uyö n-kya ono akosengerra amasambwa. Ku bhuyö momanye igha, ömöntö kya uyö, bhaana omosooraare na umunyanku, tebhaana umwandö ghwoghwonswe ghoora hë mo-Bhokama ubhwa Yëësu Kiristo na Waryobha.
6Motakaikërrya ömöntö wowonswe oora, abhangʼaine ko amangʼana aghaaye agha obhokangi ghano akoghamba. Ko bhoora igha, Waryobha narishibhya abhantö bhano bhatakumwighwera, bhano bhakokora amangʼana amaghogho kya ghayö ngambirë. 7Ku bhuyö motakaaghootana na abhantö bhano bhakokora amangʼana kya ghayö. 8Nokaanyoora igha kare hayö mmu-kisuntë mwaarë, kasi bhoono igho mösöhirë mo-bhorabhu ko bhoora mobhaayë na öbhömwë na Omonene Yëësu Kiristo. Ku bhuyö mokore amangʼana kya abhantö bhano bharëngë mo-bhorabhu. 9Ndabhatëëbhya igho ko bhoora igha, ëbhëntö ibhiiya bhyonswe igho, ibhya heene na ibhya obhoheene, no-bhorabhu bhokobhereeta. 10Mokore omotono ughwa okomanya na okokora amangʼana ghano ghakushomera Omonene. 11Motakaaghootana okokora amangʼana ghano ghataana ubhwera, ghano ghakokorwa na abhantö abha mu-kisuntë,#5:11 Abhantö abha mu-kisuntë. Bhayö na abhantö bhano bhakokora amangʼana ghano ghataana ubhwera ku-Waryobha. kasi mohamere amangʼana kya ghayö. 12Amangʼana ghano ghakokorwa bhubhise mo-bhatëëyu bhayö, nkösöökya gharë, në-nsöni okoghaghamba. 13Hano obhorabhu bhwamërëkya ëkëntö, abhantö bhonswe igho nkomaaha bharë kya bhono kërë, 14nkyo kekoghera eraghambwa igha,
“Bhooka uwe ono oraayë,
uryoke urwe mo-bhaku
na obhorabhu ubhwa Yëësu Kiristo mboraakömërëkëri.”#5:14 Amangʼana ghayö te-agha mo-Maandeko Amahörëëru agha kare ghaara hë. Kasi na Abhakiristo abha mbere bhaara bhaarëëtyanga. Ku-rirëëtyö reno hano amangʼana agha-ko nkurwera gharë mo-ketabho ikya Isaaya 26:19 na 60:1. Maaha mo-ketabho ikya Abharuumi 13:11.
15Ku bhuyö mwiyangarre eteemo iyëënyu, motakaabha na eteemo iya ekekangi, kasi mongʼainihe. 16Mokore emeremo bhuuya ko-nkaagha eno, ko bhoora igha, ikyaro reero eno kyasareka. 17Ku bhuyö motakaakangiha, kasi mongʼainihe, mokore omotono ughwa okomanya keno Omonene Yëësu akutuna igha mokore. 18Motakaaghootwa na amarwa,#5:18 Motakaaghootwa na amarwa. Amarwa agha enkaagha iyö ghaabherekerwanga igha, idivai handë mvinyo. ko bhoora okoghootwa na amarwa nkoghera körë ömöntö akora amangʼana agha sënsöni. Kasi bhëënyu mutighe Umwika Ömöhörëëru abhatangate ko amangʼana ghonswe igho. 19Mushumaasheranenga ko-sezabhuri, amarëëtyö na sëtënzi isya mo-nkoro. Mushomerwenga na ökörëëtërya Omonene Yëësu. 20Mukuminga Taata uwëëtö Waryobha nkaagha syonswe igho, ko amangʼana ghonswe igho, ko okoghera iya amangʼana ghano Omonene uwëëtö Yëësu Kiristo yaakora.
Pauro araraghërrya abhashaasha na bhakaabho
21Mwihooterane bhëënyu abheene ko bheene, ko bhoora igha, nkosooka mörë Yëësu Kiristo.#5:21 Maaha mo-ketabho ikya 1 Peetero 5:5.
22Bhëënyu abhakari, ni-igha mwihoote ko-bhashaasha abhëënyu kya bhano mukwihoota ko-Monene,#5:22 Maaha mo-ketabho ikya Okosemoka 3:16; Abhakorosaai 3:18; 1 Peetero 3:1. 23ko bhoora igha, umushaasha n-kya omotwe ko mokaaye, naana ubhwera ko mokaaye. N-kya bhoora Yëësu Kiristo aana ubhwera ko-kanisa iyaaye, na ekanisa n-kya ömöbhërë ughwa Yëësu Kiristo, na uyö we yaaghëtöörya. 24Mbe, kya bhono ekanisa ekosooka Yëësu Kiristo, abhakari bhonswe ighoigho, bhaighwere bhashaasha abhaabho, ko amangʼana ghonswe igho.
25Bhëënyu abhatëti, ni-igha mohanshe bhakëënyu#5:25 Maaha mo-ketabho ikya Abhakorosaai 3:19; 1 Peetero 3:7. kya bhono Yëësu Kiristo yaahanshirë ekanisa iyaaye, kora akaikwera. 26Yaaghikwërëëyë, okore aghesaabhuure. Yaasaabhuurrë ekanisa ko engʼana iya Waryobha na ukughyöghya na amanshë agha obhobhatiisyo,#5:26 Maaha mo-ketabho ikya Tiito 3:5. 27okore anyoore ekanisa inshiiya, ëhörëëru, eno etaana risoro ryoryonswe reera.#5:27 Maaha mo-ketabho ikya Zabhuri 45:13; 2 Abhakörintö 11:2. 28Abhashaasha bhonswe ighoigho, ni-igha bhahanshe bhakaabho kya bhono bhahanshirë ëmëbhërë ighyabho. Ömöntö ono akohansha mokaaye, nkunyoora örë aihanshirë umwene. 29Taaho ömöntö ono arëghirë ömöbhërë ughwaye hë, kasi nkughwangarra arë na okoghohaana ibhyakorya, n-kya bhono Yëësu Kiristo wonswe akwangarra ekanisa iyaaye. 30Nkutwangarra arë bhëëtö abhantö abhaaye ko bhoora igha, n-kya ömöbhërë ughwaye törë. 31N-kya bhono yandëkirwë mo-Maandeko Amahörëëru igha, “Ku bhuyö umushaasha naraatighe suwaabho na nyakuwaabho, aghootane na mokaaye. Abhantö abhabhërë bhayö, nkobha bharë kya ömöbhërë öghömwë.”#5:31 Maaha mo-ketabho ikya Okosemoka 2:24. 32Amangʼana ghano m-marito, te-mahöhö hë. Kasi öni keno nkushumaashera, nu-bhwighwerrani ubhwa Yëësu Kiristo na ekanisa iyaaye, igha n-kya ömöntö na mokaaye.
33Ndamarërrya amangʼana aghaane ko okoghamba igha, ni-igha umushaasha ahanshe mokaaye, kya bhono ahanshirë ömöbhërë ughwaye umwene, na omokari wonswe asooke mushaasha uwaaye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.