Matayo 19
19
Nkiteng'ena naipirita arata e nkauti
(Marko 10:1–12)
1Kore payie eidip Yeso atejo kuna baa, neing'uaa Galilaya, nebaki nkop ee Lyiaudi natii teidialo sere e Yordan. 2Neirukurukore ninye ꞉lturrurri kumo, neichiunyie ninche teinie.
3Netii apa lkuti Parisayo ootuo neti aatem. Neipar ninye aajoki, <<Amaa! Keichiaakino tenear ꞉lpayian nkauti e mparratut enye ta mbae naje?>>
4 #
Ng'as 1:27, 5:2 Newoliki ajoki, <<Eitu isomsom too Lkigerot aajo, <Kore ta ng'asunoto naa keitibira ꞉Laitibirani ninche, lee o lipong?> >> 5#Ng'as 2:24Neitoki ajo, << <Kore tankaraki inia, naa keing'uaa lee ng'otonye o menye, neibung'are mparratut enye, neaku pukura sesen obo.> 6Metaa merekure era seseni oare, kake sesen obo. Neaku, kore inia naitutumo Nkai, mincho ltung'ani eor.>>
7 #
Nkit 24:1–4; Mat 5:31 Neitoki aaipar aajoki, <<Aanyo naa payie eitanapichie apa Musa ajo keidim lee aichoo ntomononi enye mpalai naitodolu ajo ketara nkauti, nemiraa mechomo?>>
8Newoliki Yeso ajoki, <<Kore tankaraki nagol ltauja linchi, neichoo apa Musa ntae entar nkauti ee ntomonok inchi. Kake metiu nejia apake ta ng'asunoto. 9#Mat 5:32; 1Lkor 7:10,11Kajoki ntae nchere, kore pooki ng'ae oar nkauti e mparratut enye mara ake tankaraki loloito, neigil ayemicho, naa etaasa loloito.>> 10Nejoki ꞉looiteng'eni, <<Tanaa inji etiu mbaa terichet lpayian o mparratut naa naikach payie meyemichoe.>>
11Newoliki ꞉Yeso ajoki, <<Mara ltung'ana pooki ooning'u ele rerei, kake lolo ake ooidimieki metining'u apake. 12Amu keatae ltung'ana ootiiwuaki era lmong'i, netii looidong'oki metaa lmong'i, o lkulie ooitaa ate lmong'i tankaraki nkitoria e chumata. Kore ilo oidim atining'u ana, nchoo ening'u!>>
Yeso o nkera kunini
(Marko 10:13–16; Luka 18:15–17)
13Kore tesiedi inia, neyauni nkera kunini netii Yeso meiteleki nkaik, netum atoomono. Neicho looiteng'eni, nebuaaki aaing'ode lolo oyeutua nkera.
14Kake nejo Yeso, <<Enchoo nkera kunini epuonu nati nanu, emimbooyo, amu kore nkitoria e chumata, naa noo lolo ootuwuana ninche.>> 15Neiteleki ninche nkaik, nelo aing'uaa inie.
Kegol ltung'ani parakuoni payie ejing nkitoria e Nkai
(Marko 10:17–27; Luka 18:18–27)
16Netii apa inia kata ltung'ani obo oyewuo netii Yeso, nejoki, <<Laiteng'enani kaa bae supat eyiere naas, paatum nkichon nemeiting?>>
17Newoliki Yeso ajoki, <<Aanyo payie ikimparita mbae naipirita ntoki supat? Lobo ake supat! Kore tiniyieu nijing atua nkichon, mbung'a nkitanapat.>>
18 #
Nai 20:13; Nkit 5:17,
Nai 20:14; Nkit 5:18,
Nai 20:15; Nkit 5:19,
Nai 20:16; Nkit 5:20 Neipar ꞉ilo tung'ani ajoki, <<Akua?>> Newoliki ꞉Yeso ajoki, << <Miar metua, miloloito, mipurrucho, minteeniki likae sapare, 19#Nai 20:12; Nkit 5:16, Lal 19:18iyanyita papa lino o ng'utunyi> naa <Tachama le latia ino ana koon.> >>
20Nejo ilo barnoti, <<Kaibung'a kuna pooki. Nyo nkae newuon aang'oriki?>>
21Newoliki Yeso ajoki, <<Tiniyieu niaku loitabayie pooki, chomo timira ntokitin niata, nincho laisinak, naa itum iyie parakuoicho te chumata, nikilotu taa airukurukore nanu.>>
22Kore payie ening ilo barnoti ele rerei, neipung alo etanyamala, amu keiparakuoni apa ninye oleng.
23Nejoki ꞉Yeso looiteng'eni lenyena, <<Kedede kajoki ntae, kegol payie ejing ltung'ani parakuoni nkitoria e chumata. 24Kajoki aitoki ntae, kelelek payie eim ntames udoto e ltudu alang ltung'ani parakuoni tenejing nkitoria e Nkai.>> 25Kore payie ening looiteng'eni ele rerei, neing'asia ninche oleng, nejo, <<Ng'ae naa eidimi aaitejeu?>>
26Neing'or ꞉Yeso ninche nejo, <<Kore too ltung'ana, nemeidimai ana, kake kore ta Nkai, naa keidimai ntokitin pooki.>> 27Neng'amaa ꞉Petero ajoki, <<Ng'ura, ikitung'aitie ntokitin pooki, nikirukurukore iyie! Nyo naa kitum iyioo?>> 28#Mat 25:31, Luka 22:30Nejoki ꞉Yeso ninche, <<Kedede kajoki ntae, kore kenya teneiteng'ejuki ntokitin pooki, inia kata ewuon Nkerai e Ltung'ani to lorika lenye le nkitoo oipilpil te nkitoo enye, naa iwuenini sii ntae /likirukurukore nanu too lorikan tomon o oare, ninguanarere loochi mareita tomon o oare le Isirael. 29Naa kore pooki ng'ae otung'ayie nkajijik anaa lalachera anaa nkanachera anaa papa lenye anaa ng'otonye anaa nkera anaa lchampai, tankaraki nanu naa keng'amaa nkatitin ip alang naatung'ayie apa, nejung nkichon nemeiting. 30#Mat 20:16; Luka 13:30Kake kore lkumo oara lekue tana kop, naa keaku kenya le siedi, naa kore le siedi tana kop, neaku kenya lekue.>>
Currently Selected:
Matayo 19: saq
Highlight
Share
Copy
Want to have your highlights saved across all your devices? Sign up or sign in
© 2021, Bible Translation and Literacy
Matayo 19
19
Nkiteng'ena naipirita arata e nkauti
(Marko 10:1–12)
1Kore payie eidip Yeso atejo kuna baa, neing'uaa Galilaya, nebaki nkop ee Lyiaudi natii teidialo sere e Yordan. 2Neirukurukore ninye ꞉lturrurri kumo, neichiunyie ninche teinie.
3Netii apa lkuti Parisayo ootuo neti aatem. Neipar ninye aajoki, <<Amaa! Keichiaakino tenear ꞉lpayian nkauti e mparratut enye ta mbae naje?>>
4 #
Ng'as 1:27, 5:2 Newoliki ajoki, <<Eitu isomsom too Lkigerot aajo, <Kore ta ng'asunoto naa keitibira ꞉Laitibirani ninche, lee o lipong?> >> 5#Ng'as 2:24Neitoki ajo, << <Kore tankaraki inia, naa keing'uaa lee ng'otonye o menye, neibung'are mparratut enye, neaku pukura sesen obo.> 6Metaa merekure era seseni oare, kake sesen obo. Neaku, kore inia naitutumo Nkai, mincho ltung'ani eor.>>
7 #
Nkit 24:1–4; Mat 5:31 Neitoki aaipar aajoki, <<Aanyo naa payie eitanapichie apa Musa ajo keidim lee aichoo ntomononi enye mpalai naitodolu ajo ketara nkauti, nemiraa mechomo?>>
8Newoliki Yeso ajoki, <<Kore tankaraki nagol ltauja linchi, neichoo apa Musa ntae entar nkauti ee ntomonok inchi. Kake metiu nejia apake ta ng'asunoto. 9#Mat 5:32; 1Lkor 7:10,11Kajoki ntae nchere, kore pooki ng'ae oar nkauti e mparratut enye mara ake tankaraki loloito, neigil ayemicho, naa etaasa loloito.>> 10Nejoki ꞉looiteng'eni, <<Tanaa inji etiu mbaa terichet lpayian o mparratut naa naikach payie meyemichoe.>>
11Newoliki ꞉Yeso ajoki, <<Mara ltung'ana pooki ooning'u ele rerei, kake lolo ake ooidimieki metining'u apake. 12Amu keatae ltung'ana ootiiwuaki era lmong'i, netii looidong'oki metaa lmong'i, o lkulie ooitaa ate lmong'i tankaraki nkitoria e chumata. Kore ilo oidim atining'u ana, nchoo ening'u!>>
Yeso o nkera kunini
(Marko 10:13–16; Luka 18:15–17)
13Kore tesiedi inia, neyauni nkera kunini netii Yeso meiteleki nkaik, netum atoomono. Neicho looiteng'eni, nebuaaki aaing'ode lolo oyeutua nkera.
14Kake nejo Yeso, <<Enchoo nkera kunini epuonu nati nanu, emimbooyo, amu kore nkitoria e chumata, naa noo lolo ootuwuana ninche.>> 15Neiteleki ninche nkaik, nelo aing'uaa inie.
Kegol ltung'ani parakuoni payie ejing nkitoria e Nkai
(Marko 10:17–27; Luka 18:18–27)
16Netii apa inia kata ltung'ani obo oyewuo netii Yeso, nejoki, <<Laiteng'enani kaa bae supat eyiere naas, paatum nkichon nemeiting?>>
17Newoliki Yeso ajoki, <<Aanyo payie ikimparita mbae naipirita ntoki supat? Lobo ake supat! Kore tiniyieu nijing atua nkichon, mbung'a nkitanapat.>>
18 #
Nai 20:13; Nkit 5:17,
Nai 20:14; Nkit 5:18,
Nai 20:15; Nkit 5:19,
Nai 20:16; Nkit 5:20 Neipar ꞉ilo tung'ani ajoki, <<Akua?>> Newoliki ꞉Yeso ajoki, << <Miar metua, miloloito, mipurrucho, minteeniki likae sapare, 19#Nai 20:12; Nkit 5:16, Lal 19:18iyanyita papa lino o ng'utunyi> naa <Tachama le latia ino ana koon.> >>
20Nejo ilo barnoti, <<Kaibung'a kuna pooki. Nyo nkae newuon aang'oriki?>>
21Newoliki Yeso ajoki, <<Tiniyieu niaku loitabayie pooki, chomo timira ntokitin niata, nincho laisinak, naa itum iyie parakuoicho te chumata, nikilotu taa airukurukore nanu.>>
22Kore payie ening ilo barnoti ele rerei, neipung alo etanyamala, amu keiparakuoni apa ninye oleng.
23Nejoki ꞉Yeso looiteng'eni lenyena, <<Kedede kajoki ntae, kegol payie ejing ltung'ani parakuoni nkitoria e chumata. 24Kajoki aitoki ntae, kelelek payie eim ntames udoto e ltudu alang ltung'ani parakuoni tenejing nkitoria e Nkai.>> 25Kore payie ening looiteng'eni ele rerei, neing'asia ninche oleng, nejo, <<Ng'ae naa eidimi aaitejeu?>>
26Neing'or ꞉Yeso ninche nejo, <<Kore too ltung'ana, nemeidimai ana, kake kore ta Nkai, naa keidimai ntokitin pooki.>> 27Neng'amaa ꞉Petero ajoki, <<Ng'ura, ikitung'aitie ntokitin pooki, nikirukurukore iyie! Nyo naa kitum iyioo?>> 28#Mat 25:31, Luka 22:30Nejoki ꞉Yeso ninche, <<Kedede kajoki ntae, kore kenya teneiteng'ejuki ntokitin pooki, inia kata ewuon Nkerai e Ltung'ani to lorika lenye le nkitoo oipilpil te nkitoo enye, naa iwuenini sii ntae /likirukurukore nanu too lorikan tomon o oare, ninguanarere loochi mareita tomon o oare le Isirael. 29Naa kore pooki ng'ae otung'ayie nkajijik anaa lalachera anaa nkanachera anaa papa lenye anaa ng'otonye anaa nkera anaa lchampai, tankaraki nanu naa keng'amaa nkatitin ip alang naatung'ayie apa, nejung nkichon nemeiting. 30#Mat 20:16; Luka 13:30Kake kore lkumo oara lekue tana kop, naa keaku kenya le siedi, naa kore le siedi tana kop, neaku kenya lekue.>>
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Bible Translation and Literacy