Matayo 20
20
Nkitanyanyukoto ee laisiaayiak la lchampa loo lmusabibu
1<<Amu kore nkitoria e chumata naa inji etuwuana ana lkitok apa openy nkang, oterriaa ta siran alo aiger laisiaayiak metaasa siaai ta lchampa lenye loo lmusabibu. 2Kore payie ening'okino o laisiaayiak lenyena ajo dinari nabo elak ninche ta mparri, nereu ninche mechomo aasicho te ilo champa lenye. 3Kore peaku, matejo saai uni, neitoki aipung alo aiger laisiaayiak, nedol lkulie tung'ana to ng'oji nemirichiereki, meitoki easita. 4Nejoki ninche, <Enchom sii ntae entaas siaai ta lchampa lai, naa kaicho ntae ntoki nairirikino.> 5Nepuo ninche inie.
<<Neitoki ake aipung, matejo, saai ile o saai saal, neas naduo nataasa tekue. 6Kore payie ebaki, matejo, saai tomon o obo, neipung, netum aitoki lkulie eitachoo. Neipar ninche ajoki, <Aanyo payie intachoo ta mparri pooki, meitoki iasitata?> 7Newoliki aajoki, <Tankaraki meatae naa ltung'ani oigero iyioo mataas siaai.> Nejoki ninche, <Enchom abaki ntae, entaas siaai ta lchampa lai.>
8 #
Lal 19:13; Nkit 24:15 <<Kore payie ebaki teipa, nejoki ꞉lopeny lchampa laitachekinoni, <Mpoto laisiaayiak, nilak ninche ang'asunyie lootisiraki tesiedi ana metabaki looigeroki tekue.>
9<<Kore payie epuonu lolo aisiaayiak ootisiraki saai tomon o obo, meata leitu elaaki dinari nabo. 10Naa kore payie epuonu lolo ootisiraki tekue, nejo kebaki nelaki ninche nkumo, kake meata sii leitu eichori dinari nabo. 11Kore payie eng'amaa inia dinari, neng'asu aaing'unyung'unyaki lopeny lchampa, 12ejo, <Kore kulo tung'ana ootisiraki tesiedi, naa saa nabo ake etaasa siaai, kake intirisioka iyioo ooting'iria nkirochi e siaai e mparri pooki o nkirewuaj e ndama.>
13<<Newoliki ꞉ninye lobo loo lolo aisiaayiak ajoki, <Lchore, maaitarruokita! Mara ikitining'ore duo payie ias siaai te dinari nabo? 14Iwa ntoki nara nino, chomo! Nanu ake oyieu paaicho ele tung'ani otisiraki tesiedi narisiere naaichoo iyie. 15Meichiaakino payie aitaas ntokitin ainien ana nayieu? Tana iata lom tankaraki ltung'ani supat ara?> 16#Mat 19:30; Mrk 10:31; Luka 13:30Nejia naa etiu, keaku le siedi lekue, neaku lekue le siedi.>>
Eigila Yeso alimu lkiye lenye nkata e uni
(Marko 10:32–34; Luka 18:31–34)
17Kore eloito Yeso Yerusalem, neiwuang'ie looiteng'eni pukura tomon o oare nejoki, 18<<Entining! Ikiliepita aapuo Yerusalem, naa kepiki Nkerai e Ltung'ani nkaik ee lkutuaa laa laitainok la lasar o naa laiteng'enak loo nkitanapat. Nedung'oki nkiguana e lkiye, 19nepiki aitoki ninye nkaik ee laitoriak loo Rroman meikordodo, neidong, nechei to lmusalaba. Kore ta mparri e uni, nepiu.>>
Ng'ae lkitok te nkitoria e chumata?
(Marko 10:35–45; Luka 22:24–27)
20Nelotu nkitok e Sebedayo tenebo o layiok lenyena oare netii Yeso, negilaki kung, neomon metaasaki ntoki nabo.
21Neipar ꞉Yeso ajoki, <<Nyo iyieu?>> Nejo, <<Nchoo metaa kore kenya te nkitoria ino, kewuon layieni lai obo ta nkaina ino e tetene, newuon likae ta nkaina e kidienye.>> 22Nejoki Yeso ninche, <<Miyielolo ntoki niomonutata! Indimdim aaimai sina lalo kenya aimaa?#20:22 Kore Indimdim aaimai sina lalo kenya aimaa? te kipirte e Matayo naa kejo Indimdim aatamatie lkikompe lamatie nanu? >> Neng'amaa aajoki, <<Ee, ikindim.>> 23Nejoki, <<Ee, iimaa dei sina lai, kake kore wuanata nawuenie tetene o kidienye ai, naa maitore nanu, amu noo lolo ooitibiraka Papa lai.>>
24Kore payie ening ꞉lolo kulie ooiteng'eni lenyena tomon inia, negoro ninche tankaraki lolo alachera oare. 25#Luka 22:25,26Neipotu ꞉Yeso ninche nejoki, <<Iyielolo naa aajo kore laitoriak loo loreren naa keibooki ninche nkop, nebuaaki sii ꞉lkutuaa lenche. 26#Mat 23:11; Mrk 9:35; Luka 22:26Kake kore taa ntae, naa metiu nejia. Amu kore loyieu neaku kitok taa ntae, naa keyiere payie eaku laisiaayiani linchi. 27Naa kore pooki ng'ae oyieu neaku lekue, naa keyiere payie eaku rrindik linchi, 28ana neikuna Nkerai e Ltung'ani. Eitu elotu ninye meisiaai, kake keyewuo aisiaaicho, neitai nkichui enye alakunyie lkumo.>>
Etodolichete lmodook oare
(Marko 10:46–52; Luka 18:35–43)
29Kore eloito Yeso o looiteng'eni lenyena aaing'uaa Yeriko, neirukurukore ninye lturrur kitok. 30Netii lmodook oare oowueni tabata inia oitiei. Kore payie ening aajo keimita Yeso inie, nebuak to ltoilo aajo, <<Laitoriani, Layieni le Daudi, ng'erru iyioo!>> 31Kore ꞉ilo turrur, nebuaaki ninche aaing'ode metigirata, kake nebuak lolo modook to ltoilo sapuk oleng aajo, <<Laitoriani, Layieni le Daudi ng'erru iyioo!>> 32Neitache Yeso neipot ninche. Neipar ajoki, <<Nyo iyieuu naitaas ntae?>> 33Newoliki aajoki, <<Laitoriani ikiyieu nibol iyioo nkonyek.>> 34Neing'erru ꞉Yeso ninche, neiseyie nkonyek enche, nedolichoi ninche nabokata, neirukurukore ninye.
Currently Selected:
Matayo 20: saq
Highlight
Share
Copy
Want to have your highlights saved across all your devices? Sign up or sign in
© 2021, Bible Translation and Literacy
Matayo 20
20
Nkitanyanyukoto ee laisiaayiak la lchampa loo lmusabibu
1<<Amu kore nkitoria e chumata naa inji etuwuana ana lkitok apa openy nkang, oterriaa ta siran alo aiger laisiaayiak metaasa siaai ta lchampa lenye loo lmusabibu. 2Kore payie ening'okino o laisiaayiak lenyena ajo dinari nabo elak ninche ta mparri, nereu ninche mechomo aasicho te ilo champa lenye. 3Kore peaku, matejo saai uni, neitoki aipung alo aiger laisiaayiak, nedol lkulie tung'ana to ng'oji nemirichiereki, meitoki easita. 4Nejoki ninche, <Enchom sii ntae entaas siaai ta lchampa lai, naa kaicho ntae ntoki nairirikino.> 5Nepuo ninche inie.
<<Neitoki ake aipung, matejo, saai ile o saai saal, neas naduo nataasa tekue. 6Kore payie ebaki, matejo, saai tomon o obo, neipung, netum aitoki lkulie eitachoo. Neipar ninche ajoki, <Aanyo payie intachoo ta mparri pooki, meitoki iasitata?> 7Newoliki aajoki, <Tankaraki meatae naa ltung'ani oigero iyioo mataas siaai.> Nejoki ninche, <Enchom abaki ntae, entaas siaai ta lchampa lai.>
8 #
Lal 19:13; Nkit 24:15 <<Kore payie ebaki teipa, nejoki ꞉lopeny lchampa laitachekinoni, <Mpoto laisiaayiak, nilak ninche ang'asunyie lootisiraki tesiedi ana metabaki looigeroki tekue.>
9<<Kore payie epuonu lolo aisiaayiak ootisiraki saai tomon o obo, meata leitu elaaki dinari nabo. 10Naa kore payie epuonu lolo ootisiraki tekue, nejo kebaki nelaki ninche nkumo, kake meata sii leitu eichori dinari nabo. 11Kore payie eng'amaa inia dinari, neng'asu aaing'unyung'unyaki lopeny lchampa, 12ejo, <Kore kulo tung'ana ootisiraki tesiedi, naa saa nabo ake etaasa siaai, kake intirisioka iyioo ooting'iria nkirochi e siaai e mparri pooki o nkirewuaj e ndama.>
13<<Newoliki ꞉ninye lobo loo lolo aisiaayiak ajoki, <Lchore, maaitarruokita! Mara ikitining'ore duo payie ias siaai te dinari nabo? 14Iwa ntoki nara nino, chomo! Nanu ake oyieu paaicho ele tung'ani otisiraki tesiedi narisiere naaichoo iyie. 15Meichiaakino payie aitaas ntokitin ainien ana nayieu? Tana iata lom tankaraki ltung'ani supat ara?> 16#Mat 19:30; Mrk 10:31; Luka 13:30Nejia naa etiu, keaku le siedi lekue, neaku lekue le siedi.>>
Eigila Yeso alimu lkiye lenye nkata e uni
(Marko 10:32–34; Luka 18:31–34)
17Kore eloito Yeso Yerusalem, neiwuang'ie looiteng'eni pukura tomon o oare nejoki, 18<<Entining! Ikiliepita aapuo Yerusalem, naa kepiki Nkerai e Ltung'ani nkaik ee lkutuaa laa laitainok la lasar o naa laiteng'enak loo nkitanapat. Nedung'oki nkiguana e lkiye, 19nepiki aitoki ninye nkaik ee laitoriak loo Rroman meikordodo, neidong, nechei to lmusalaba. Kore ta mparri e uni, nepiu.>>
Ng'ae lkitok te nkitoria e chumata?
(Marko 10:35–45; Luka 22:24–27)
20Nelotu nkitok e Sebedayo tenebo o layiok lenyena oare netii Yeso, negilaki kung, neomon metaasaki ntoki nabo.
21Neipar ꞉Yeso ajoki, <<Nyo iyieu?>> Nejo, <<Nchoo metaa kore kenya te nkitoria ino, kewuon layieni lai obo ta nkaina ino e tetene, newuon likae ta nkaina e kidienye.>> 22Nejoki Yeso ninche, <<Miyielolo ntoki niomonutata! Indimdim aaimai sina lalo kenya aimaa?#20:22 Kore Indimdim aaimai sina lalo kenya aimaa? te kipirte e Matayo naa kejo Indimdim aatamatie lkikompe lamatie nanu? >> Neng'amaa aajoki, <<Ee, ikindim.>> 23Nejoki, <<Ee, iimaa dei sina lai, kake kore wuanata nawuenie tetene o kidienye ai, naa maitore nanu, amu noo lolo ooitibiraka Papa lai.>>
24Kore payie ening ꞉lolo kulie ooiteng'eni lenyena tomon inia, negoro ninche tankaraki lolo alachera oare. 25#Luka 22:25,26Neipotu ꞉Yeso ninche nejoki, <<Iyielolo naa aajo kore laitoriak loo loreren naa keibooki ninche nkop, nebuaaki sii ꞉lkutuaa lenche. 26#Mat 23:11; Mrk 9:35; Luka 22:26Kake kore taa ntae, naa metiu nejia. Amu kore loyieu neaku kitok taa ntae, naa keyiere payie eaku laisiaayiani linchi. 27Naa kore pooki ng'ae oyieu neaku lekue, naa keyiere payie eaku rrindik linchi, 28ana neikuna Nkerai e Ltung'ani. Eitu elotu ninye meisiaai, kake keyewuo aisiaaicho, neitai nkichui enye alakunyie lkumo.>>
Etodolichete lmodook oare
(Marko 10:46–52; Luka 18:35–43)
29Kore eloito Yeso o looiteng'eni lenyena aaing'uaa Yeriko, neirukurukore ninye lturrur kitok. 30Netii lmodook oare oowueni tabata inia oitiei. Kore payie ening aajo keimita Yeso inie, nebuak to ltoilo aajo, <<Laitoriani, Layieni le Daudi, ng'erru iyioo!>> 31Kore ꞉ilo turrur, nebuaaki ninche aaing'ode metigirata, kake nebuak lolo modook to ltoilo sapuk oleng aajo, <<Laitoriani, Layieni le Daudi ng'erru iyioo!>> 32Neitache Yeso neipot ninche. Neipar ajoki, <<Nyo iyieuu naitaas ntae?>> 33Newoliki aajoki, <<Laitoriani ikiyieu nibol iyioo nkonyek.>> 34Neing'erru ꞉Yeso ninche, neiseyie nkonyek enche, nedolichoi ninche nabokata, neirukurukore ninye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Bible Translation and Literacy