Matayo 27
27
Ewaki ꞉Yeso netii Pilato
(Marko 15:1; Luka 23:1)
1Kore payie eaku tasiran, nedung lkutuaa laa laitainok la lasar o lpayiani pooki nkiguana aajo kear Yeso metua. 2Neen ninye, nepuo aarik, nepik nkaik e lkitok loo Rroman oitoreicho to nkop e Yudea, oji Pilato.
Lkiye le Yudas
(Asat 1:18–19)
3 #
Asat 1:18,19 Kore payie edol ꞉Yudas, ilo otilikoyie ninye, ajo ketudung'okaki Yeso nkiguana e lkiye, nenyau inia nataasa. Nerrinyoki lkutuaa laa laitainok la lasar o lpayiani ropiyiani osom,#27:3 Kore ropiyiani osom naa ng'ura 26:15. 4ejoito, <<Kataasa ng'oki alikoo ltung'ani lemeata ntioto.#27:4 Kore ltung'ani lemeata ntioto naa lodo lemeata ntioto ta Matayo. Kore lodo naa ninye eti nkichui e ltung'ani ana nejo Bibilia. Ng'ura Ng'asunoto 4:10–11.>> Nejo ninche, <<Nyo taa inia tee iyioo? Todua iyie makoon.>> 5Nenang'aki nenia ropiyiani nkaji e Nkai, neipung, nelo ailili koon agor to lgiita.
6Kore lkutuaa laa laitainok la lasar, nerrapu nejo, <<Meichiaakino nepiki ng'oji neisudorieki ropiyiani te nkaji e Nkai, amu ne lodo kuna ropiyiani.>> 7Kore payie eiguana ninche, neinyiang'u tee nenia ropiyiani ng'oji neji <<Lchampa la laitibirani loo ntokitin e mparpar>> payie enukarie ltung'ana leiching'a. 8Tankaraki inia payie etejoki inie ng'oji, <<Lchampa lo lodo>> ana o taata. 9#Sak 11:12,13Kore te inia kata, nebaya nairoro apa Nkai aimu loiboni lenye Yeremia ejoito, <<Neya ninche nenia ropiyiani osom, naairirikino naaitami ilo otipikakita apa ꞉ltung'ana le Isirael naairirikino te nkinyiang'a. 10Neinyiang'unyie nenia ropiyiani <Lchampa la laitibirani loo ntokitin e mparpar> ana naaiparaka nanu Laitoriani.>>
Eiparichiere ꞉Pilato Yeso
(Marko 15:2–5; Luka 23:3–5; Yoana 18:33–38)
11Kore inia kata eitache Yeso tekue ilo kitok loo Rroman oitoreicho te Yudea, neipar ꞉ilo kitok ajoki, <<Amaa, iyie dei lkinkii loo Lyiaudi?>> Newoliki Yeso ajoki, <<Iyie ojoito.>>
12Kake kore payie eitar kusaka ꞉lkutuaa laa laitainok la lasar o lpayiani, neitu ewoliki ninche hoo toki. 13Nejoki inia kata ꞉Pilato ninye, <<Mining'ito newua mbaa nikipikitae?>> 14Kake eitu eicho wolet, abaki e mbae nabo naiteenikaki. Kore tankaraki inia neing'asia ilo kitok oitoreicho oleng.
Etudung'okaki Yeso nkiguana e lkiye
(Marko 15:6–15; Luka 23:13–25; Yoana 18:39—19:16)
15Kore nkata pooki e ntasim e Pasaka, naa keata ilo kitok lkerreti olakunyie ltung'ani obo oena, ogelu ꞉lturrur. 16Kore apa te inia kata neatae ltung'ani yieloti oena oji Barabas. 17Nchoo Pilato, eidipa ltung'ana aaiturrurroto, nejoki ninche, <<Ng'ae iyieuu nalaaki ntae, Barabas tana Yeso, ilo oipoti aajo Kristo?>> 18Amu keteyielo ajo keyeutua ꞉ninche Yeso netii ninye tankaraki lom. 19Kore ewuon Pilato to lorika le nkiguana, nerewaki ꞉ntomononi enye lkilikuai ajoki, <<Meatae hooyia niatayie ilo tung'ani loosipat, amu katumo duo sina oleng te nkidetidetata tankaraki ninye.>>
20Kake kore lkutuaa laa laitainok la lasar o lpayiani, nelej ltung'ana metoomonu metalakuni Barabas neichooyo Yeso metari.
21Neitoki taa loitoreicho aipar ltung'ana ajoki, <<Amaa, alo too kulo pukura oare iyieuu nalaaki ntae?>> Nejo ninche, <<Talaaki iyioo Barabas.>>
22Nejoki ꞉Pilato ninche, <<Naaku kaa iyieuu naitaas Yeso, ilo oipoti aajo Kristo?>> Nejo pooki, <<Nchoo echei to lmusalaba!>>
23Nejoki Pilato ninche, <<Aa, kaa torno etaasa?>> Kake nebuak ninche oleng nalang duo ejo, <<Nchoo echei!>>
24 #
Nkit 21:6–9
Kore payie edol ꞉Pilato ajo meatae neidim ataasa, neng'asuta ltung'ana aaing'olng'ola, nerrapu nkare neituk nkaik enyena tekue lturrur, nejo, <<Maata nanu ntioto to lodo le ele tung'ani loosipat. Entodol ntae inia maate!>>
25Newolu ltung'ana pooki ejo, <<Nchoo lodo lenye eaku te keper iyioo o nkera ang!>>
26Nelaaki ninche ꞉Pilato Barabas, naa kore payie eidipi aaidong'o Yeso te liche naenikino loik oopi, neichooyo ninye metechei to lmusalaba.
Eikordodita ꞉sikarini Yeso
(Marko 15:16–21; Yoana 19:2–3)
27Nerik sikarini lo loitoreicho Yeso atua lgilata le nkaji oji Praitoria, neiturrur lturrur pooki loo sikarini tekue ninye. 28Neitai nankan, neichopoki lkila onyiekie#27:28 Kore lkila onyiekie naa lkila ogol nkinyiang'a ooichop apa lkinkii. , 29neitibir nkopiyia ee lkuku, neichopoki nkue enye, nepik sobua nkaina enye e tetene, negilaki kung neikordodoo ninye ejo, <<Supa lkinkii loo Lyiaudi!>>#27:29 Kore nkopiyia netuwuana apa noo laitoriak, neitodolu aitoki sobua nkitoo e lkinkii. 30Nenataki ninye nkamlak, neoru sobua neidong'ie nkue enye. 31Kore payie eidip aaikordodo ninye, neitai naduo anka, neichopoki nankan enyena, nerik aapuo aache to lmusalaba.
Etechoki Yeso to lmusalaba
(Marko 15:21–32; Luka 23:26–43; Yoana 19:17–27)
32Kore eipung'uto aapuo aache ninye nenang'are ltung'ani le Kirene oji Simon, neisimaki ninye metanapa lmusalaba le Yeso. 33Kore payie ebaya ng'oji neji Golgota, aa keji <<Ng'oji e mborbor e nkue,>> 34#SNk 69:21neicho ꞉ninche Yeso naichuo e lmusabibu nachulakino lodua metamata, kake kore payie eichamcham naaku meyieu nemat. 35#SNk 22:18Kore payie eidip aateche, neor nankan enyena enuk nkuko. 36Nejo siap aarrip ninye te inie. 37Nepik te keper nkue enye lkigerot oaatarieki oojo, <<ele yeso, lkinkii loo lyiaudi .>> 38Nechei sii te inia kata lapurrok ooricho oare tenebo o ninye, lobo te tetene enye o lobo te kidienye. 39#SNk 22:7, 109:25Kore lolo ooimita nkoitiei nedek ninye, eipirpir nkuechi enche 40#Mat 26:61; Yoa 2:19ejoito, <<Iuroo nkaji e Nkai nichet too mperot uni! Kore tanaa Nkerai e Nkai ira, ntejeu koon, nidou to lmusalaba.>> 41Nejia sii aitoki etaasa lkutuaa laa laitainok la lasar o laiteng'enak loo nkitanapat o lpayiani aaikordodoo ejoito, 42<<Keitejewua lkulie, kake meidim aitejeu koon. Mara lkinkii le Isirael dei ninye? Nchoo naa taata edou to lmusalaba, payie kiruk ninye. 43#SNk 22:8Keisilig Nkai, nchoo naa taata meitejeu ninye tanaa keyieu, amu ketejo ninye, <Kara Nkerai e Nkai.> >> 44Kore abaki laaduo apurrok ootechoki o ninye nedek ninye ana duo neikuna ꞉lkulie.
Lkiye le Yeso
(Marko 15:33–41; Luka 23:44–49; Yoana 19:28–30)
45Kore payie eaku saai ile, neaku naimin to nkop pooki ana metabaki saai saal. 46#SNk 22:1Kore nochi naaku saai saal, neichir Yeso abuak to ltoilo sapuk ejo, <<Eli, Eli, lema sabaktani.>> Kore nautu inia naa ana, <<Nkai ai, Nkai ai, aanyo payie kitung'ayie?>>
47Kore lkuti tung'ana ooitachoo te inie, nening inia nejokino maate, <<Elija eipotu ele tung'ani.>>
48 #
SNk 69:21
Nejo kar lobo lenche neyau mputaput. Neiput naichuo naisiicho, neremoki inia putaput loperriai neicho metamata. 49Kake nejo lolo lkulie, <<Tung'ai! Mataanyu aadol tanaa kelotu Elija aitejeu ninye.>> 50Neitoki Yeso abuak to ltoilo sapuk, nedung'o tau. 51#Nai 26:31–33Kore inia kata, nekija nochi anka naisiapaa nkutuk e Ng'oji Sinyati naaisul pooki ta nkaji e Nkai nkatitin are, ang'asu te keper ana meipung'o, neikirikiro nkop, nebaa ndadapo. 52Nebolo sii nkurare, neitipiuni seseni kumo loo lolo sinyat apa ooteperio. 53Naa kore eidipa Yeso atipiu, neipung ninche too nkuraren, nepuo lochi kerenket sinyati, neipung'oki lkumo.
54Kore payie ening ꞉lkitok loo sikarini o lolo otii tenebo o ninye aarripito Yeso nkikirikiroto e nkop, nedol mbaa naataasate, neiputukuny oleng nejo, <<Kedede, Nkerai e Nkai ana.>> 55#Luka 8:2,3Keti sii apa ntomonok kumo inie naaing'oricho elakua, ꞉nenia naairukurukore apa Yeso ang'asu te Galilaya payie eisiai ninye. 56Kore taatua ninche netii Maria Magadalena o Maria ng'otonye Yakobo o Yosep, o ng'otonye layiok le Sebedayo.
Nukaroto e Yeso
(Marko 15:42–47; Luka 23:50–56; Yoana 19:38–42)
57Kore payie emutu nelotu ltung'ani garsis oing'uaa Arimataya, oji Yosep, oataa apa loiteng'eni le Yeso. 58Nelo ninye neti Pilato, neomon sesen le Yeso, neitanapicho Pilato meichori. 59Neya Yosep sesen neirin ta nanka supat napuyiapui, 60neiteper to nkurarei enye ng'ejuk, natuturo ninye to soit. Kore payie eidip aibeleleng'oki soit sapuk nkutuk e nkurarei, nelo aing'uaa. 61Netii inie Maria Magadalena o nochi Maria nkae, ewueni aaitalang'akinere inia kurarei.
Neikunaki tenerripi nkurarei
62Kore teisiere ta mparri e Sabato, neiturrurro lkutuaa la laitainok la lasar o Lparisayo tekue Pilato 63#Mat 16:21, 17:23, 20:19; Mrk 8:31, 9:31, 10:33,34; Luka 9:22, 18:31–33nejo, <<Lokitok, ikitaparrutua aajo ketejo ele asapani ewuon apa eichu, nchere, <Kore eicha mperot uni naa kapiu aitoki.> 64Naaku naa, ntanapicho metirripi nkurarei ana metabaki mparri e uni, payie mepuonu looiteng'eni lenyena aapurroo, nejoki ltung'ana nchere ketipiwua aing'uaa lootuata, naa kerepaa sapare e siedi inia apa ekue.>> 65Nejoki Pilato ninche, <<Iatata sikarini, enchom entirrip aitibiraki ana nindimdim.>> 66Nepuo ninche aaing'uaa inie, nerrip nkurarei aitirrichaki aapik soit ntoki naitodolu teneigutugutieki, nepik sii sikarini oorrip.
Currently Selected:
Matayo 27: saq
Highlight
Share
Copy
Want to have your highlights saved across all your devices? Sign up or sign in
© 2021, Bible Translation and Literacy
Matayo 27
27
Ewaki ꞉Yeso netii Pilato
(Marko 15:1; Luka 23:1)
1Kore payie eaku tasiran, nedung lkutuaa laa laitainok la lasar o lpayiani pooki nkiguana aajo kear Yeso metua. 2Neen ninye, nepuo aarik, nepik nkaik e lkitok loo Rroman oitoreicho to nkop e Yudea, oji Pilato.
Lkiye le Yudas
(Asat 1:18–19)
3 #
Asat 1:18,19 Kore payie edol ꞉Yudas, ilo otilikoyie ninye, ajo ketudung'okaki Yeso nkiguana e lkiye, nenyau inia nataasa. Nerrinyoki lkutuaa laa laitainok la lasar o lpayiani ropiyiani osom,#27:3 Kore ropiyiani osom naa ng'ura 26:15. 4ejoito, <<Kataasa ng'oki alikoo ltung'ani lemeata ntioto.#27:4 Kore ltung'ani lemeata ntioto naa lodo lemeata ntioto ta Matayo. Kore lodo naa ninye eti nkichui e ltung'ani ana nejo Bibilia. Ng'ura Ng'asunoto 4:10–11.>> Nejo ninche, <<Nyo taa inia tee iyioo? Todua iyie makoon.>> 5Nenang'aki nenia ropiyiani nkaji e Nkai, neipung, nelo ailili koon agor to lgiita.
6Kore lkutuaa laa laitainok la lasar, nerrapu nejo, <<Meichiaakino nepiki ng'oji neisudorieki ropiyiani te nkaji e Nkai, amu ne lodo kuna ropiyiani.>> 7Kore payie eiguana ninche, neinyiang'u tee nenia ropiyiani ng'oji neji <<Lchampa la laitibirani loo ntokitin e mparpar>> payie enukarie ltung'ana leiching'a. 8Tankaraki inia payie etejoki inie ng'oji, <<Lchampa lo lodo>> ana o taata. 9#Sak 11:12,13Kore te inia kata, nebaya nairoro apa Nkai aimu loiboni lenye Yeremia ejoito, <<Neya ninche nenia ropiyiani osom, naairirikino naaitami ilo otipikakita apa ꞉ltung'ana le Isirael naairirikino te nkinyiang'a. 10Neinyiang'unyie nenia ropiyiani <Lchampa la laitibirani loo ntokitin e mparpar> ana naaiparaka nanu Laitoriani.>>
Eiparichiere ꞉Pilato Yeso
(Marko 15:2–5; Luka 23:3–5; Yoana 18:33–38)
11Kore inia kata eitache Yeso tekue ilo kitok loo Rroman oitoreicho te Yudea, neipar ꞉ilo kitok ajoki, <<Amaa, iyie dei lkinkii loo Lyiaudi?>> Newoliki Yeso ajoki, <<Iyie ojoito.>>
12Kake kore payie eitar kusaka ꞉lkutuaa laa laitainok la lasar o lpayiani, neitu ewoliki ninche hoo toki. 13Nejoki inia kata ꞉Pilato ninye, <<Mining'ito newua mbaa nikipikitae?>> 14Kake eitu eicho wolet, abaki e mbae nabo naiteenikaki. Kore tankaraki inia neing'asia ilo kitok oitoreicho oleng.
Etudung'okaki Yeso nkiguana e lkiye
(Marko 15:6–15; Luka 23:13–25; Yoana 18:39—19:16)
15Kore nkata pooki e ntasim e Pasaka, naa keata ilo kitok lkerreti olakunyie ltung'ani obo oena, ogelu ꞉lturrur. 16Kore apa te inia kata neatae ltung'ani yieloti oena oji Barabas. 17Nchoo Pilato, eidipa ltung'ana aaiturrurroto, nejoki ninche, <<Ng'ae iyieuu nalaaki ntae, Barabas tana Yeso, ilo oipoti aajo Kristo?>> 18Amu keteyielo ajo keyeutua ꞉ninche Yeso netii ninye tankaraki lom. 19Kore ewuon Pilato to lorika le nkiguana, nerewaki ꞉ntomononi enye lkilikuai ajoki, <<Meatae hooyia niatayie ilo tung'ani loosipat, amu katumo duo sina oleng te nkidetidetata tankaraki ninye.>>
20Kake kore lkutuaa laa laitainok la lasar o lpayiani, nelej ltung'ana metoomonu metalakuni Barabas neichooyo Yeso metari.
21Neitoki taa loitoreicho aipar ltung'ana ajoki, <<Amaa, alo too kulo pukura oare iyieuu nalaaki ntae?>> Nejo ninche, <<Talaaki iyioo Barabas.>>
22Nejoki ꞉Pilato ninche, <<Naaku kaa iyieuu naitaas Yeso, ilo oipoti aajo Kristo?>> Nejo pooki, <<Nchoo echei to lmusalaba!>>
23Nejoki Pilato ninche, <<Aa, kaa torno etaasa?>> Kake nebuak ninche oleng nalang duo ejo, <<Nchoo echei!>>
24 #
Nkit 21:6–9
Kore payie edol ꞉Pilato ajo meatae neidim ataasa, neng'asuta ltung'ana aaing'olng'ola, nerrapu nkare neituk nkaik enyena tekue lturrur, nejo, <<Maata nanu ntioto to lodo le ele tung'ani loosipat. Entodol ntae inia maate!>>
25Newolu ltung'ana pooki ejo, <<Nchoo lodo lenye eaku te keper iyioo o nkera ang!>>
26Nelaaki ninche ꞉Pilato Barabas, naa kore payie eidipi aaidong'o Yeso te liche naenikino loik oopi, neichooyo ninye metechei to lmusalaba.
Eikordodita ꞉sikarini Yeso
(Marko 15:16–21; Yoana 19:2–3)
27Nerik sikarini lo loitoreicho Yeso atua lgilata le nkaji oji Praitoria, neiturrur lturrur pooki loo sikarini tekue ninye. 28Neitai nankan, neichopoki lkila onyiekie#27:28 Kore lkila onyiekie naa lkila ogol nkinyiang'a ooichop apa lkinkii. , 29neitibir nkopiyia ee lkuku, neichopoki nkue enye, nepik sobua nkaina enye e tetene, negilaki kung neikordodoo ninye ejo, <<Supa lkinkii loo Lyiaudi!>>#27:29 Kore nkopiyia netuwuana apa noo laitoriak, neitodolu aitoki sobua nkitoo e lkinkii. 30Nenataki ninye nkamlak, neoru sobua neidong'ie nkue enye. 31Kore payie eidip aaikordodo ninye, neitai naduo anka, neichopoki nankan enyena, nerik aapuo aache to lmusalaba.
Etechoki Yeso to lmusalaba
(Marko 15:21–32; Luka 23:26–43; Yoana 19:17–27)
32Kore eipung'uto aapuo aache ninye nenang'are ltung'ani le Kirene oji Simon, neisimaki ninye metanapa lmusalaba le Yeso. 33Kore payie ebaya ng'oji neji Golgota, aa keji <<Ng'oji e mborbor e nkue,>> 34#SNk 69:21neicho ꞉ninche Yeso naichuo e lmusabibu nachulakino lodua metamata, kake kore payie eichamcham naaku meyieu nemat. 35#SNk 22:18Kore payie eidip aateche, neor nankan enyena enuk nkuko. 36Nejo siap aarrip ninye te inie. 37Nepik te keper nkue enye lkigerot oaatarieki oojo, <<ele yeso, lkinkii loo lyiaudi .>> 38Nechei sii te inia kata lapurrok ooricho oare tenebo o ninye, lobo te tetene enye o lobo te kidienye. 39#SNk 22:7, 109:25Kore lolo ooimita nkoitiei nedek ninye, eipirpir nkuechi enche 40#Mat 26:61; Yoa 2:19ejoito, <<Iuroo nkaji e Nkai nichet too mperot uni! Kore tanaa Nkerai e Nkai ira, ntejeu koon, nidou to lmusalaba.>> 41Nejia sii aitoki etaasa lkutuaa laa laitainok la lasar o laiteng'enak loo nkitanapat o lpayiani aaikordodoo ejoito, 42<<Keitejewua lkulie, kake meidim aitejeu koon. Mara lkinkii le Isirael dei ninye? Nchoo naa taata edou to lmusalaba, payie kiruk ninye. 43#SNk 22:8Keisilig Nkai, nchoo naa taata meitejeu ninye tanaa keyieu, amu ketejo ninye, <Kara Nkerai e Nkai.> >> 44Kore abaki laaduo apurrok ootechoki o ninye nedek ninye ana duo neikuna ꞉lkulie.
Lkiye le Yeso
(Marko 15:33–41; Luka 23:44–49; Yoana 19:28–30)
45Kore payie eaku saai ile, neaku naimin to nkop pooki ana metabaki saai saal. 46#SNk 22:1Kore nochi naaku saai saal, neichir Yeso abuak to ltoilo sapuk ejo, <<Eli, Eli, lema sabaktani.>> Kore nautu inia naa ana, <<Nkai ai, Nkai ai, aanyo payie kitung'ayie?>>
47Kore lkuti tung'ana ooitachoo te inie, nening inia nejokino maate, <<Elija eipotu ele tung'ani.>>
48 #
SNk 69:21
Nejo kar lobo lenche neyau mputaput. Neiput naichuo naisiicho, neremoki inia putaput loperriai neicho metamata. 49Kake nejo lolo lkulie, <<Tung'ai! Mataanyu aadol tanaa kelotu Elija aitejeu ninye.>> 50Neitoki Yeso abuak to ltoilo sapuk, nedung'o tau. 51#Nai 26:31–33Kore inia kata, nekija nochi anka naisiapaa nkutuk e Ng'oji Sinyati naaisul pooki ta nkaji e Nkai nkatitin are, ang'asu te keper ana meipung'o, neikirikiro nkop, nebaa ndadapo. 52Nebolo sii nkurare, neitipiuni seseni kumo loo lolo sinyat apa ooteperio. 53Naa kore eidipa Yeso atipiu, neipung ninche too nkuraren, nepuo lochi kerenket sinyati, neipung'oki lkumo.
54Kore payie ening ꞉lkitok loo sikarini o lolo otii tenebo o ninye aarripito Yeso nkikirikiroto e nkop, nedol mbaa naataasate, neiputukuny oleng nejo, <<Kedede, Nkerai e Nkai ana.>> 55#Luka 8:2,3Keti sii apa ntomonok kumo inie naaing'oricho elakua, ꞉nenia naairukurukore apa Yeso ang'asu te Galilaya payie eisiai ninye. 56Kore taatua ninche netii Maria Magadalena o Maria ng'otonye Yakobo o Yosep, o ng'otonye layiok le Sebedayo.
Nukaroto e Yeso
(Marko 15:42–47; Luka 23:50–56; Yoana 19:38–42)
57Kore payie emutu nelotu ltung'ani garsis oing'uaa Arimataya, oji Yosep, oataa apa loiteng'eni le Yeso. 58Nelo ninye neti Pilato, neomon sesen le Yeso, neitanapicho Pilato meichori. 59Neya Yosep sesen neirin ta nanka supat napuyiapui, 60neiteper to nkurarei enye ng'ejuk, natuturo ninye to soit. Kore payie eidip aibeleleng'oki soit sapuk nkutuk e nkurarei, nelo aing'uaa. 61Netii inie Maria Magadalena o nochi Maria nkae, ewueni aaitalang'akinere inia kurarei.
Neikunaki tenerripi nkurarei
62Kore teisiere ta mparri e Sabato, neiturrurro lkutuaa la laitainok la lasar o Lparisayo tekue Pilato 63#Mat 16:21, 17:23, 20:19; Mrk 8:31, 9:31, 10:33,34; Luka 9:22, 18:31–33nejo, <<Lokitok, ikitaparrutua aajo ketejo ele asapani ewuon apa eichu, nchere, <Kore eicha mperot uni naa kapiu aitoki.> 64Naaku naa, ntanapicho metirripi nkurarei ana metabaki mparri e uni, payie mepuonu looiteng'eni lenyena aapurroo, nejoki ltung'ana nchere ketipiwua aing'uaa lootuata, naa kerepaa sapare e siedi inia apa ekue.>> 65Nejoki Pilato ninche, <<Iatata sikarini, enchom entirrip aitibiraki ana nindimdim.>> 66Nepuo ninche aaing'uaa inie, nerrip nkurarei aitirrichaki aapik soit ntoki naitodolu teneigutugutieki, nepik sii sikarini oorrip.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Bible Translation and Literacy