Matayo 26
26
Nkiguana naarieki Yeso metua
(Marko 14:1–2; Luka 22:1–2)
1Kore payie eidip Yeso kuna kurorot, nejoki looiteng'eni lenyena, 2#Nai 12:1–27<<Iyielolo aajo kebau Pasaka tee mperot are naapuonu, naa keichoori Nkerai e Ltung'ani metechei to lmusalaba.>>
3Kore te inia kata, neiturrurro lkutuaa la laitainok la lasar o lkutuaa loo ltung'ana ta nkaji nageluno namanya lkitok laa laitainok la lasar, oji apa Kayapas. 4Neiguana tenebo payie etum aaibung'a Yeso to loseg payie ear metua. 5Kake nejo, <<Mara ng'amata e latim kimbung, payie mepuku long'olng'oli taatua ltung'ana.>>
Eela ꞉ntomononi Yeso nkue ta lata
(Marko 14:3–9)
6Kore etii Yeso Betania, nkaji e Simon oata apa nkeeya ee lbolot, 7#Luka 7:37,38nelotu ntomononi inie enapita lkidong. Kore ilo kidong naa soit oji alabasta eitibirunyieki, netii lata narropili nagol nkinyiang'a. Kore enyeita Yeso ndaa, nebukoki nkue lata. 8Kore payie edol ꞉looiteng'eni lenyena inia, negoro, ejo, <<Aanyo payie eimie lata siu? 9Anata duo etimirieki ropiyiani kumo, neichori laisinak.>> 10Neyielou ꞉Yeso nejoito, nejoki, <<Aanyo payie intanyamalmal ana tomononi? Kaaitaasa nanu mbae supat. 11#Nkit 15:11Kore laisinak naa icheche ake aata tenebo o ntae, kake mikicheche aata nanu. 12Amu kore ebukoki sesen lai lata narropili, naa kaaitibirakita nukaroto ai. 13Kedede kajoki ntae, kore ng'oji pooki nelikorieki kulo Omon Supati to nkop nalulung'a, naa kelikori abaki ana bae nataasa ninye payie eparrunyieki.>>
Etachamayie Yudas aichooi Yeso
(Marko 14:10–11; Luka 22:3–6)
14Kore te inia kata, nelo lobo loo loochi tomon o oare oji Yudas Isikariot netii lkutuaa laa laitainok la lasar 15#Sak 11:12nejoki, <<Nyo iyieuu nikinchocho tanapik ninye nkaik inchi?>> Neichori ninye ropiyiani osom.#26:15 Kore ropiyiani osom naa kerisiere laata e lapatin oong'uan, naa kera sii ntoki nairirikino nainyieng'unyieki rrindik. Ng'ura Naidurra 21:32. 16Kore ang'asu inia kata, neyiaya mpaach napikie Yeso nkaik enche.
Nkitibirata o nyata e ntasim e Pasaka
(Marko 14:12–16; Luka 22:7–13)
17Kore mparri ekue e latim le mukate nemeisiichieki, nepuo looiteng'eni le Yeso netii ninye, ejoito, <<Aji iyieu nikintibir payie inyiayie ntasim e Pasaka?>> 18Nejoki ninche, <<Enchom lkerenket netii ltung'ani oje, nijokiki, <Kejo Laiteng'enani, ketinyikua nkata ai, kanya ntasim e Pasaka o looiteng'eni lainien ta nkaji ino.> >> 19Neas looiteng'eni ana naiparaka ꞉Yeso ninche, neitibiraki ntasim e Pasaka.
20Naaku kore payie eaku kuarie newuon te misa tenebo o looiteng'eni lenyena tomon o oare. 21Kore enyeita ꞉ninche ndaa, nejo, <<Kedede kajoki ntae, kaapik ꞉lobo linchi nkaik ee ltung'ana.>>
22Neiputukuny pooki, neng'asu aaipar ninye maaboobo, ejo, <<Laitoriani, mara mara nanu sa?>>
23 #
SNk 41:9
Newoliki ajoki, <<Kore loitodoka nkaina ncharaa tenebo o nanu, ilo taa laapik nkaik ee ltung'ana. 24Kelo Nkerai e Ltung'ani ana inia naigeroki naipirita ninye, kake oi siake ꞉ilo oichooyo Nkerai e Ltung'ani! Eikach te ilo tung'ani teneitu aikata eini.>> 25Nejo Yudas, ꞉ilo taa oichooyo ninye, <<Lokitok, mara mara nanu sa?>> Nejoki Yeso ninye, <<Iyie otejo.>>
Ndaa e Laitoriani
(Marko 14:22–26; Luka 22:19–20; 1 Lkorinto 11:23–25)
26Kore enyeita ninche ndaa, nerrapu Yeso mukate, nemayian, negil, neicho looiteng'eni lenyena nejoki, <<Entang'amai, entam. Sesen lai ele.>> 27Neitoki arrapu lkikompe, kore payie eidip aichoo Nkai nache, neicho ninche ejo, <<Entamatichiere ele pooki, 28#Nai 24:8, Yer 31:31–34amu ele lodo lai lo lning'o ng'ejuk oibukori tankaraki lkumo payie etum mpalikinoto ee ng'ok. 29Kajoki ntae, mamat aitoki katukul inia naing'uaa ele ng'anayioi lo lmusabibu, ana metabaki inia parri namat eteng'ejuko tenebo o ntae taatua nkitoria e Papa lai.>>
30Kore payie eidip aatarany sinkoliotin,#26:30 Kore apa teneidipi ndaa e Pasaka neranyi Sinkoliotin le Nkai 113 metabaki 118. neinyuototo aapuo Lowua loo Lng'erriyio.
Etilimua Yeso ajo kemiki ꞉Petero
(Marko 14:27–31; Luka 22:31–34; Yoana 13:36–38)
31 #
Sak 13:7
Nejoki ꞉Yeso ninche, <<Ikijurjur, nikindosokiki nanu ntae pooki ana kuarie, amu eigeroki aajo,
<Kaar lchekut,
nesachari nkerra e mboo.>
32 #
Mat 28:16
<<Kake kore payie aidip atipiu, naituruk tekue ntae alo Galilaya.>>
33Neitemioki ꞉Petero ajoki, <<Maaing'uaa hooyia abaki tinikitung'aitie lkulie.>>
34Nejoki ꞉Yeso, <<Kedede kaajoki iyie, kore ewuon eitu eiru lkoko ana kuarie naa ikimiki nkatitin uni.>>
35Newoliki Petero, <<Kore abaki tanaa kairiam o iyie, maamiki hooyia!>> Nejo sii lkulie ooiteng'eni pooki nejia.
Etoomono ꞉Yeso te ng'oji neji Getesemane
(Marko 14:32–42; Luka 22:39–46)
36Kore te inia kata, nelo Yeso tenebo o ninche ng'oji neji Getesemane. Nejoki looiteng'eni lenyena, <<Entewueni ntae tene, aomonito nanu tende.>> 37Nerik ꞉Yeso Petero o loochi ayiok oare le Sebedayo, neng'asu aisinanio nenyamalu. 38Neitoki ajoki ninche, <<Kaata sina kitok ta ltau lai, metaa kaye. Entewueni tene, naa entirripicho tenebo o nanu.>> 39Nelo nkini rioto neirrabalakino nkop neomon ejo, <<Papa lai, kore tanaa keidimai, tooruaaki ele sina,#26:39 Kore ele sina naa keji ele kikompe ta Matayo. kake mara ana nayieu nanu, kake ana niyieu iyie.>> 40Nelotu netii laaduo ooiteng'eni, neirrachu eilurate, nejoki Petero, <<Aaku, mindimdim aatirripicho tenebo o nanu te nkini kata? 41Entirripicho niomonmon payie mijing'jing atua ntemat, kore ltau naa keata yieuna, kake kechal sesen.>>
42Neitoki alo nkata e are aomon ejo, <<Papa lai, tanaa maarepaa ele sina eitu aatum,#26:42 Kore ele sina eitu aatum naa keji ele kikompe eitu amat ta Matayo. Ng'ura sii Isaya 51:22. nchoo etiu ana niyieu iyie.>>
43Neigil alotu netii ninche, neirrachu eilurate amu keinaurita too njuo ana metaa meidim hoo aatewueni. 44Neitoki aing'uaa ninche, nelo nkiti rrioto aomon nkata e uni neigil ajo ladei rerei. 45Nelotu netii looiteng'eni lenyena nejoki ninche, <<Ewuon ake ilurara, niyeng'iyeng'ang'a, eng'ura, etinyikua nkata napikieki Nkerai e Ltung'ani nkaik ee loopeny ng'ok. 46Enyuoto maapetin! Leilo laalikoo oatabawua!>>
Eibung'aki Yeso
(Marko 14:43–50; Luka 22:47–53; Yoana 18:3–11)
47Kore ewuon eirorita, nchoo lobo loo loochi tomon o oare, oji Yudas, nelotu tenebo o lturrur sapuk. Kore ilo turrur neata lalema o runkun, naa keing'uaa ninche netii lkutuaa laa laitainok la lasar o lkutuaa loo ltung'ana. 48Kore ꞉ilo otilikoyie naa keichoo apa ninche nkitodolunoto, ejo, <<Kore ilo lagus, naa ninye, embung'a.>> 49Nelo nabokata netii Yeso nejo, <<Serian Rrabi!#26:49 Kore Rrabi naa Laiteng'enani to nkutuk ee Lyiaudi.>> Negus ninye. 50Nedung ꞉Yeso ninye tooriong ajoki <<Lchore, nyo nikiyewua ene?>> Nepuonu, nepik Yeso nkaik, neibung. 51Nchoo lobo lo lolo ooboitiere Yeso, neitorioo nkaina aibung lalem, nechutu neoch laisiaayiani la laitainoni kitok la lasar, nedung'oo nkiok. 52Nejoki ꞉Yeso, <<Tirrinyoki lalem lino nchachur, amu kore pooki oibung lalem naa ta lalem eidakieki. 53Aa miyielo ajo kaidim atoomono Papa lai, naa kaarewaki nabokata njorin kutuaa#26:53 Kore njore natuwuana ana, naa kebaya sikarini nkalupuni ile too Rroma. ee lmalaikani naalang tomon o oare maatimitu? 54Kake amaa teneasai inia, aji naa eiko tenebaya Lkigerot oojo, meata nchere payie measai ana?>> 55#Luka 19:47, 21:37Kore te inia kata, nejoki ꞉Yeso lturrurri, <<Amaa, lapurroni oricho dei ara payie kiotuo aaibung iatata lalema o runkun? Kore chiaake, kawuon mperot pooki ta nkaji e Nkai aiteng'enicho, neitu kimbung'bung. 56Kake ketaasate kuna pooki payie ebaya Lkigerot loo loibonok le Nkai.>> Kore inia kata, neing'uaa ninye ꞉looiteng'eni pooki, nekuet aaisig.
Yeso tekue lkutuaa laa laitainok la lasar o lkiama laa lpayiani
(Marko 14:53–65; Luka 22:54–55,63–71; Yoana 18:13–14,19–24)
57Kore ꞉lolo ooibung'a Yeso, nerik ninye netii Kayapas, ilo kitok laa laitainok la lasar. Naa inie apa eiturrurrore laiteng'enak loo nkitanapat o lpayiani. 58Kore Petero, neirukurukore elakuaniki, ana metabaki nkaji nageluno namanya lkitok laa laitainok la lasar, nejing atua boo e inia aji, newuon o larripok adol naasai.
59Neyiaya lkutuaa laa laitainok la lasar o lkiama laa larikok pooki laa lpayiani, nkiteenakinoto e sapare payie etum nearie ninye metua. 60Kake kore abaki eipung'utua ltung'ana kumo ooitaitua nkiteenakinot e sapare, nelau rerei odung'okinyie ninye lkiye. Kore tesiedi, nepuku oare, 61#Yoa 2:19nejo, <<Ele tung'ani otejo, <Kaidim atara nkaji e Nkai, nachet taatua mperot uni.> >>
62Neinyuototo laitainoni kitok la lasar nejo, <<Amaa, miata wolet nimitunyie koon? Kakua baa kuna nikitipika ꞉kulo tung'ana?>> 63Kake nejo ake Yeso tau! Nejoki ꞉lkitok la laitainok la lasar ninye, <<Kaaitam lmumai tekue Nkai naichu, tiliki iyioo tanaa Kristo ira, inia Kerai e Nkai.>>
64 #
Dan 7:13
Newoliki Yeso ninye ajoki, <<Iyie otejo. Kake kaajoki nanu iyie, kore ang'asu taata, idoldol Nkerai e Ltung'ani ewuon ta mbata e tetene e Ilo openy ngolon, elotu tee nkidisin e loing'ang'e.>>
65 #
Lal 24:16
Nekij ꞉laitainoni kitok la lasar nkilani enyena, nejo, <<Etedia Nkai! Aanyo aitoki payie kiyiaya lkulie oolimu? Kore naa taata, itining'o ldeket lenye. 66Aa duata iatata ntae?>> Newoliki ninche ninye aajoki, <<Keichiaakino lkiye.>> 67#Isa 50:6Nenatakini ninye nkamlak nkomom, neochi, nedam lkulie ninye seder 68ejoito, <<Mbonoki iyioo, iyie Kristo! Ng'ae likitoocho?>>
Etimika ꞉Petero Yeso
(Marko 14:66–72; Luka 22:55–62; Yoana 18:15–18,25–27)
69Kore te inia kata newuon Petero to boo e nkaji. Nelotu nkaisiaayiani nabo neti nejoki, <<Iti abaki iyie tenebo o Yeso le nkop e Galilaya.>>
70Kake nemiki tekue ninche pooki ejo, <<Mayielo ntoki nijoito.>> 71Kore payie elo ltim aing'uaa inie, nedol ꞉nkae aisiaayiani ninye, nejoki ltung'ana otii inie, <<Ketii apa ele tung'ani tenebo o Yeso, lo lkerenket le Nasaret.>>
72Neitoki amiki inia, enya lmumai ajo, <<Mayielo ilo tung'ani.>>
73Kore te nkini kata, nepuonu lkulie tung'ana ooitachoo duo te inie nejoki Petero, <<Kedede ira abaki iyie lobo lenche amu ikilikoo abaki ꞉nkiroroto ino.>> 74Neng'asu aipotoki koon ldeketa nenya lmumai ajo, <<Mayielo ilo tung'ani.>> Kore inia kata neiru lkoko. 75Neparru Petero ilo rerei apa oiroro Yeso nchere, <<Kore ewuon eitu eiru lkoko ikimiki nkatitin uni.>> Neipung aulo, neichir te mion.
Currently Selected:
Matayo 26: saq
Highlight
Share
Copy
Want to have your highlights saved across all your devices? Sign up or sign in
© 2021, Bible Translation and Literacy
Matayo 26
26
Nkiguana naarieki Yeso metua
(Marko 14:1–2; Luka 22:1–2)
1Kore payie eidip Yeso kuna kurorot, nejoki looiteng'eni lenyena, 2#Nai 12:1–27<<Iyielolo aajo kebau Pasaka tee mperot are naapuonu, naa keichoori Nkerai e Ltung'ani metechei to lmusalaba.>>
3Kore te inia kata, neiturrurro lkutuaa la laitainok la lasar o lkutuaa loo ltung'ana ta nkaji nageluno namanya lkitok laa laitainok la lasar, oji apa Kayapas. 4Neiguana tenebo payie etum aaibung'a Yeso to loseg payie ear metua. 5Kake nejo, <<Mara ng'amata e latim kimbung, payie mepuku long'olng'oli taatua ltung'ana.>>
Eela ꞉ntomononi Yeso nkue ta lata
(Marko 14:3–9)
6Kore etii Yeso Betania, nkaji e Simon oata apa nkeeya ee lbolot, 7#Luka 7:37,38nelotu ntomononi inie enapita lkidong. Kore ilo kidong naa soit oji alabasta eitibirunyieki, netii lata narropili nagol nkinyiang'a. Kore enyeita Yeso ndaa, nebukoki nkue lata. 8Kore payie edol ꞉looiteng'eni lenyena inia, negoro, ejo, <<Aanyo payie eimie lata siu? 9Anata duo etimirieki ropiyiani kumo, neichori laisinak.>> 10Neyielou ꞉Yeso nejoito, nejoki, <<Aanyo payie intanyamalmal ana tomononi? Kaaitaasa nanu mbae supat. 11#Nkit 15:11Kore laisinak naa icheche ake aata tenebo o ntae, kake mikicheche aata nanu. 12Amu kore ebukoki sesen lai lata narropili, naa kaaitibirakita nukaroto ai. 13Kedede kajoki ntae, kore ng'oji pooki nelikorieki kulo Omon Supati to nkop nalulung'a, naa kelikori abaki ana bae nataasa ninye payie eparrunyieki.>>
Etachamayie Yudas aichooi Yeso
(Marko 14:10–11; Luka 22:3–6)
14Kore te inia kata, nelo lobo loo loochi tomon o oare oji Yudas Isikariot netii lkutuaa laa laitainok la lasar 15#Sak 11:12nejoki, <<Nyo iyieuu nikinchocho tanapik ninye nkaik inchi?>> Neichori ninye ropiyiani osom.#26:15 Kore ropiyiani osom naa kerisiere laata e lapatin oong'uan, naa kera sii ntoki nairirikino nainyieng'unyieki rrindik. Ng'ura Naidurra 21:32. 16Kore ang'asu inia kata, neyiaya mpaach napikie Yeso nkaik enche.
Nkitibirata o nyata e ntasim e Pasaka
(Marko 14:12–16; Luka 22:7–13)
17Kore mparri ekue e latim le mukate nemeisiichieki, nepuo looiteng'eni le Yeso netii ninye, ejoito, <<Aji iyieu nikintibir payie inyiayie ntasim e Pasaka?>> 18Nejoki ninche, <<Enchom lkerenket netii ltung'ani oje, nijokiki, <Kejo Laiteng'enani, ketinyikua nkata ai, kanya ntasim e Pasaka o looiteng'eni lainien ta nkaji ino.> >> 19Neas looiteng'eni ana naiparaka ꞉Yeso ninche, neitibiraki ntasim e Pasaka.
20Naaku kore payie eaku kuarie newuon te misa tenebo o looiteng'eni lenyena tomon o oare. 21Kore enyeita ꞉ninche ndaa, nejo, <<Kedede kajoki ntae, kaapik ꞉lobo linchi nkaik ee ltung'ana.>>
22Neiputukuny pooki, neng'asu aaipar ninye maaboobo, ejo, <<Laitoriani, mara mara nanu sa?>>
23 #
SNk 41:9
Newoliki ajoki, <<Kore loitodoka nkaina ncharaa tenebo o nanu, ilo taa laapik nkaik ee ltung'ana. 24Kelo Nkerai e Ltung'ani ana inia naigeroki naipirita ninye, kake oi siake ꞉ilo oichooyo Nkerai e Ltung'ani! Eikach te ilo tung'ani teneitu aikata eini.>> 25Nejo Yudas, ꞉ilo taa oichooyo ninye, <<Lokitok, mara mara nanu sa?>> Nejoki Yeso ninye, <<Iyie otejo.>>
Ndaa e Laitoriani
(Marko 14:22–26; Luka 22:19–20; 1 Lkorinto 11:23–25)
26Kore enyeita ninche ndaa, nerrapu Yeso mukate, nemayian, negil, neicho looiteng'eni lenyena nejoki, <<Entang'amai, entam. Sesen lai ele.>> 27Neitoki arrapu lkikompe, kore payie eidip aichoo Nkai nache, neicho ninche ejo, <<Entamatichiere ele pooki, 28#Nai 24:8, Yer 31:31–34amu ele lodo lai lo lning'o ng'ejuk oibukori tankaraki lkumo payie etum mpalikinoto ee ng'ok. 29Kajoki ntae, mamat aitoki katukul inia naing'uaa ele ng'anayioi lo lmusabibu, ana metabaki inia parri namat eteng'ejuko tenebo o ntae taatua nkitoria e Papa lai.>>
30Kore payie eidip aatarany sinkoliotin,#26:30 Kore apa teneidipi ndaa e Pasaka neranyi Sinkoliotin le Nkai 113 metabaki 118. neinyuototo aapuo Lowua loo Lng'erriyio.
Etilimua Yeso ajo kemiki ꞉Petero
(Marko 14:27–31; Luka 22:31–34; Yoana 13:36–38)
31 #
Sak 13:7
Nejoki ꞉Yeso ninche, <<Ikijurjur, nikindosokiki nanu ntae pooki ana kuarie, amu eigeroki aajo,
<Kaar lchekut,
nesachari nkerra e mboo.>
32 #
Mat 28:16
<<Kake kore payie aidip atipiu, naituruk tekue ntae alo Galilaya.>>
33Neitemioki ꞉Petero ajoki, <<Maaing'uaa hooyia abaki tinikitung'aitie lkulie.>>
34Nejoki ꞉Yeso, <<Kedede kaajoki iyie, kore ewuon eitu eiru lkoko ana kuarie naa ikimiki nkatitin uni.>>
35Newoliki Petero, <<Kore abaki tanaa kairiam o iyie, maamiki hooyia!>> Nejo sii lkulie ooiteng'eni pooki nejia.
Etoomono ꞉Yeso te ng'oji neji Getesemane
(Marko 14:32–42; Luka 22:39–46)
36Kore te inia kata, nelo Yeso tenebo o ninche ng'oji neji Getesemane. Nejoki looiteng'eni lenyena, <<Entewueni ntae tene, aomonito nanu tende.>> 37Nerik ꞉Yeso Petero o loochi ayiok oare le Sebedayo, neng'asu aisinanio nenyamalu. 38Neitoki ajoki ninche, <<Kaata sina kitok ta ltau lai, metaa kaye. Entewueni tene, naa entirripicho tenebo o nanu.>> 39Nelo nkini rioto neirrabalakino nkop neomon ejo, <<Papa lai, kore tanaa keidimai, tooruaaki ele sina,#26:39 Kore ele sina naa keji ele kikompe ta Matayo. kake mara ana nayieu nanu, kake ana niyieu iyie.>> 40Nelotu netii laaduo ooiteng'eni, neirrachu eilurate, nejoki Petero, <<Aaku, mindimdim aatirripicho tenebo o nanu te nkini kata? 41Entirripicho niomonmon payie mijing'jing atua ntemat, kore ltau naa keata yieuna, kake kechal sesen.>>
42Neitoki alo nkata e are aomon ejo, <<Papa lai, tanaa maarepaa ele sina eitu aatum,#26:42 Kore ele sina eitu aatum naa keji ele kikompe eitu amat ta Matayo. Ng'ura sii Isaya 51:22. nchoo etiu ana niyieu iyie.>>
43Neigil alotu netii ninche, neirrachu eilurate amu keinaurita too njuo ana metaa meidim hoo aatewueni. 44Neitoki aing'uaa ninche, nelo nkiti rrioto aomon nkata e uni neigil ajo ladei rerei. 45Nelotu netii looiteng'eni lenyena nejoki ninche, <<Ewuon ake ilurara, niyeng'iyeng'ang'a, eng'ura, etinyikua nkata napikieki Nkerai e Ltung'ani nkaik ee loopeny ng'ok. 46Enyuoto maapetin! Leilo laalikoo oatabawua!>>
Eibung'aki Yeso
(Marko 14:43–50; Luka 22:47–53; Yoana 18:3–11)
47Kore ewuon eirorita, nchoo lobo loo loochi tomon o oare, oji Yudas, nelotu tenebo o lturrur sapuk. Kore ilo turrur neata lalema o runkun, naa keing'uaa ninche netii lkutuaa laa laitainok la lasar o lkutuaa loo ltung'ana. 48Kore ꞉ilo otilikoyie naa keichoo apa ninche nkitodolunoto, ejo, <<Kore ilo lagus, naa ninye, embung'a.>> 49Nelo nabokata netii Yeso nejo, <<Serian Rrabi!#26:49 Kore Rrabi naa Laiteng'enani to nkutuk ee Lyiaudi.>> Negus ninye. 50Nedung ꞉Yeso ninye tooriong ajoki <<Lchore, nyo nikiyewua ene?>> Nepuonu, nepik Yeso nkaik, neibung. 51Nchoo lobo lo lolo ooboitiere Yeso, neitorioo nkaina aibung lalem, nechutu neoch laisiaayiani la laitainoni kitok la lasar, nedung'oo nkiok. 52Nejoki ꞉Yeso, <<Tirrinyoki lalem lino nchachur, amu kore pooki oibung lalem naa ta lalem eidakieki. 53Aa miyielo ajo kaidim atoomono Papa lai, naa kaarewaki nabokata njorin kutuaa#26:53 Kore njore natuwuana ana, naa kebaya sikarini nkalupuni ile too Rroma. ee lmalaikani naalang tomon o oare maatimitu? 54Kake amaa teneasai inia, aji naa eiko tenebaya Lkigerot oojo, meata nchere payie measai ana?>> 55#Luka 19:47, 21:37Kore te inia kata, nejoki ꞉Yeso lturrurri, <<Amaa, lapurroni oricho dei ara payie kiotuo aaibung iatata lalema o runkun? Kore chiaake, kawuon mperot pooki ta nkaji e Nkai aiteng'enicho, neitu kimbung'bung. 56Kake ketaasate kuna pooki payie ebaya Lkigerot loo loibonok le Nkai.>> Kore inia kata, neing'uaa ninye ꞉looiteng'eni pooki, nekuet aaisig.
Yeso tekue lkutuaa laa laitainok la lasar o lkiama laa lpayiani
(Marko 14:53–65; Luka 22:54–55,63–71; Yoana 18:13–14,19–24)
57Kore ꞉lolo ooibung'a Yeso, nerik ninye netii Kayapas, ilo kitok laa laitainok la lasar. Naa inie apa eiturrurrore laiteng'enak loo nkitanapat o lpayiani. 58Kore Petero, neirukurukore elakuaniki, ana metabaki nkaji nageluno namanya lkitok laa laitainok la lasar, nejing atua boo e inia aji, newuon o larripok adol naasai.
59Neyiaya lkutuaa laa laitainok la lasar o lkiama laa larikok pooki laa lpayiani, nkiteenakinoto e sapare payie etum nearie ninye metua. 60Kake kore abaki eipung'utua ltung'ana kumo ooitaitua nkiteenakinot e sapare, nelau rerei odung'okinyie ninye lkiye. Kore tesiedi, nepuku oare, 61#Yoa 2:19nejo, <<Ele tung'ani otejo, <Kaidim atara nkaji e Nkai, nachet taatua mperot uni.> >>
62Neinyuototo laitainoni kitok la lasar nejo, <<Amaa, miata wolet nimitunyie koon? Kakua baa kuna nikitipika ꞉kulo tung'ana?>> 63Kake nejo ake Yeso tau! Nejoki ꞉lkitok la laitainok la lasar ninye, <<Kaaitam lmumai tekue Nkai naichu, tiliki iyioo tanaa Kristo ira, inia Kerai e Nkai.>>
64 #
Dan 7:13
Newoliki Yeso ninye ajoki, <<Iyie otejo. Kake kaajoki nanu iyie, kore ang'asu taata, idoldol Nkerai e Ltung'ani ewuon ta mbata e tetene e Ilo openy ngolon, elotu tee nkidisin e loing'ang'e.>>
65 #
Lal 24:16
Nekij ꞉laitainoni kitok la lasar nkilani enyena, nejo, <<Etedia Nkai! Aanyo aitoki payie kiyiaya lkulie oolimu? Kore naa taata, itining'o ldeket lenye. 66Aa duata iatata ntae?>> Newoliki ninche ninye aajoki, <<Keichiaakino lkiye.>> 67#Isa 50:6Nenatakini ninye nkamlak nkomom, neochi, nedam lkulie ninye seder 68ejoito, <<Mbonoki iyioo, iyie Kristo! Ng'ae likitoocho?>>
Etimika ꞉Petero Yeso
(Marko 14:66–72; Luka 22:55–62; Yoana 18:15–18,25–27)
69Kore te inia kata newuon Petero to boo e nkaji. Nelotu nkaisiaayiani nabo neti nejoki, <<Iti abaki iyie tenebo o Yeso le nkop e Galilaya.>>
70Kake nemiki tekue ninche pooki ejo, <<Mayielo ntoki nijoito.>> 71Kore payie elo ltim aing'uaa inie, nedol ꞉nkae aisiaayiani ninye, nejoki ltung'ana otii inie, <<Ketii apa ele tung'ani tenebo o Yeso, lo lkerenket le Nasaret.>>
72Neitoki amiki inia, enya lmumai ajo, <<Mayielo ilo tung'ani.>>
73Kore te nkini kata, nepuonu lkulie tung'ana ooitachoo duo te inie nejoki Petero, <<Kedede ira abaki iyie lobo lenche amu ikilikoo abaki ꞉nkiroroto ino.>> 74Neng'asu aipotoki koon ldeketa nenya lmumai ajo, <<Mayielo ilo tung'ani.>> Kore inia kata neiru lkoko. 75Neparru Petero ilo rerei apa oiroro Yeso nchere, <<Kore ewuon eitu eiru lkoko ikimiki nkatitin uni.>> Neipung aulo, neichir te mion.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Bible Translation and Literacy