Matayo 25
25
Nkitanyanyukoto ee ntoyie ng'eni o naamada
1<<Kore kenya nkitoria e chumata naa inji etuwuana ntoyie tomon naawaita lkilang'ilang'eta lenche, nepuo aanang'are ilo oyemicho. 2Kore tee nenia toyie tomon, kemada imiet, naa ng'eni imiet. 3Neya nenia naamada lkilang'ilang'eta lenche, menapita lata. 4Kake kore nenia ng'eni, nenap lkilang'ilang'eta neitoki aanap lata too lbolbol lenche. 5Kore eimalmalu loyemicho, neyiasai pooki, neilura.
6<<Kake kore payie eaku kiji kuarie, nening'oi lbuaa ojo, <Leilo loyemicho! Enyuoto entanang'are!> 7Neinyuototo nenia toyie pooki nabokata aaitibir lkilang'ilang'eta lenche. 8Nejoki ꞉naamada kunda ng'eni, <Enchoo iyioo nkini lata amu ketaa keye lkilang'ilang'eta lang.> 9Newoliki nenia ng'eni aajoki, <Mikinchoru hooyia, amu mikiata naitiemu iyioo o ntae. Enchom enyiang'u entoponiki ate too loomir.> 10Kore epuoito ninche aainyiang'u lata, nelotu loyemicho. Kore nenia naaterretenete, nejing atua nkaji tenebo o ninye aanya latim. Neikeni nkutuk e nkaji.
11 #
Luka 13:25
<<Kore tesiedi, nepuonu naadei toyie naamada ejo, <Laitoriani! Laitoriani! Tobolu iyioo.> 12Kake newoliki ajoki, <Kedede kajoki ntae, mayielo nanu ntae.> 13Entirripicho naa amu, miyielolo kenya inia parri anaa nkata nalotu Nkerai e Ltung'ani.
Taasichiere ntoki nikinchooki aitibiraki
(Luka 19:11–27)
14 #
Luka 19:11–27
<<Kore ana netiu ele tung'ani tana kitanyanyukoto naa nejia etiu nkitoria e chumata. Keatae apa ltung'ani oloito nkae kop, neipot laisiaayiak, neitaarriyianaki ntokitin enyena. 15Neicho lobo lbenia sapuki imiet oobore ropiyiani, neicho likae oare, neicho likae lobo. Meatae leitu eicho te nkiririkinoto e nkidimata enye, neidip, nelo.#25:15 Kore ta mpaach e lbenia sapuki oobore ropiyiani naa keasichere Matayo talanta. Kore apa inia kuarie naa kerisio talanta o kiloii tikitam le saabu. 16Kore ilo oichooki lbenia imiet, nelo nabokata aasichere payie etumie dikir. Kore laaduo imiet, neponikino lkulie imiet te keper. 17Kore sii lotumo oare neasichere, neponikino nkulie oare. 18Kake kore ilo otumo lobo, nelo atur nkop neisudoo nenia ropiyiani e lkitok lenye.
19<<Kore eidipari mperot kumo, nelotu ilo lkitok loo lolo aisiaayiak ayielou neikunari ilo siaai loo ropiyiani. 20Kore ilo otumo lbenia imiet, neyau lootoponikinete tekue lkitok lenye nejo, <Lkitok, ikinchoo apa lbenia imiet, naa ng'ura lkulie imiet latimirua.> 21Nejoki ꞉lkitok lenye, <Itaasa supat, laisiaayiani supat oisiligai. Itaa loisiligai too nkuni, naa kaaicho ntoria nkumo. Tijing'a tumo ng'ida nikincho lkitok lino.> 22Nelotu sii ilo apa oata oare tekue lkitok ejo, <Lokitok, ikinchoo apa lbenia oare loo ropiyiani, lekulo lkulie oare latimirua.> 23Nejoki ꞉lkitok lenye, <Itaasa supat, laisiaayiani supat oisiligai. Itaa loisiligai too nkuni, naa kaaicho ntoria nkumo. Tijing'a tumo ng'ida nikincho lkitok lino.>
24<<Nelotu sii ilo oichooki lbene obo loo ropiyiani tekue lkitok lenye ejo, <Lokitok ateyielo ajo ira ltung'ani ogol mpukunoto, idung to ng'oji neitu isuaaki lantarara aun, naa ibosu te ng'oji neitu isachaki lantarara. 25Naaku kore tankaraki natugureta, nalo aisudoo lbene loo ropiyiani inono taatua nkop. Ng'ura, nakuna nenia naara ninono.> 26Kake newoliki ꞉lkitok lenye ajoki, <Iyie laisiaayiani torno, nechal! Iteyielo ajo kadung neitu aisuaki lantarara aun, nabosu to ng'oji neitu asacharie? 27Keyiere apa nitipika ropiyiani ainien ng'oji neponarieki, paa kore payie arrinyunyie nalotu atum ropiyiani ainien tenebo o ntoki natoponunye. 28Naaku, entooru ninye ilo bene loo ropiyiani, ninchocho ilo oata lbenia tomon. 29#Mat 13:12; Mrk 4:25; Luka 8:18Amu kore loata, neponikini metaa kitok. Kore lemeata, neoruni abaki inia naata. 30#Mat 8:12, 22:13; Luka 13:28Naa kore ilo aisiaayiani lemeata dikir, empung'ie entanang'aki atua naimin e aulo, ng'oji neichirieki, neonyieki lala te mion.>
Nkiguana e siedi
31 #
Mat 16:27,
Mat 19:28
<<Kore tenelotu Nkerai e Ltung'ani te nkitoo enye o lmalaikani pooki tenebo o ninye, newuon to lorika lenye le nkitoo oipilpil te nkitoo enye. 32Naa keiturrurrokini lochon pooki tekue ninye, negel ꞉ninye ltung'ana aor, ana neiko lchekut tenegel nkerra o nkineji. 33Kore nkerra, nepik nkaina enye e tetene, nepik nkineji nkaina enye e kidienye.
34<<Naa kejoki ꞉lkinkii lolo otii nkaina enye e tetene, <Wootu lootamayiana Papa lai, entujung nkitoria naitibirakaki ntae te ng'asunoto e nkop. 35Amu kaata apa sumach, nikinchocho ndaa, naata apa nkure, nikinchocho nkare, nara apa lomoni leiching'a, nikintoomonmon, 36namaichopo apa, nikinchopchop, namuai apa nikisaayaya, naena apa, nipuonunu natii.> 37Newoliki ꞉lolo oopeny sipat aajoki, <Laitoriani anu kitodua iyie iata sumach nikincho iyie ndaa anaa iata nkure nikincho iyie nkare nimat? 38Anaa anu kitoduaa iyie ira lomoni leiching'a, nikintoomon iyie, anaa minchopo, nikinchop iyie? 39Anaa anu kitoduaa iyie imuai anaa iena, nikipuonu nitii?> 40Newoliki ꞉ilo kinkii ninche ajoki, <Kedede kajoki ntae, kore pooki apa nintaasita kulo alachera lainien kunini naa nanu intaasita.>
41<<Neitoki ajoki lolo ootii nkaina enye e kidienye, <Enchom entung'ayieeki, loaata ldeket le Nkai! Enchom nkima ee ntarasi naitibirakaki Chitani o lmalaikani lenyena! 42Amu kaata apa sumach, neitu kinchocho ndaa, naata apa nkure, neitu kinchocho nkare namat. 43Kara apa lomoni leiching'a, neitu kintoomonmon, namaichopo apa, neitu kinchopchop, namuai apa naena, neitu kisaayaya.> 44Neitoki sii lolo aawoliki ninye aajoki, <Laitoriani, anu ikitoduaa iyie iata sumach, anaa nkure, anaa ira lomoni leiching'a, anaa minchopo, anaa imuai, anaa iena, neitu kiret iyie?> 45Neitoki awoliki ninche ajoki, <Kedede kajoki ntae, kore pooki neitu intaasas apa lobo loo kulo kunini, eitu abaki kintaasaas nanu.> 46#Dan 12:2Naa kepuo ninche meitemei ntarasi, kake kore loosipat nepuo atua nkichon ee ntarasi.>>
Currently Selected:
Matayo 25: saq
Highlight
Share
Copy
Want to have your highlights saved across all your devices? Sign up or sign in
© 2021, Bible Translation and Literacy
Matayo 25
25
Nkitanyanyukoto ee ntoyie ng'eni o naamada
1<<Kore kenya nkitoria e chumata naa inji etuwuana ntoyie tomon naawaita lkilang'ilang'eta lenche, nepuo aanang'are ilo oyemicho. 2Kore tee nenia toyie tomon, kemada imiet, naa ng'eni imiet. 3Neya nenia naamada lkilang'ilang'eta lenche, menapita lata. 4Kake kore nenia ng'eni, nenap lkilang'ilang'eta neitoki aanap lata too lbolbol lenche. 5Kore eimalmalu loyemicho, neyiasai pooki, neilura.
6<<Kake kore payie eaku kiji kuarie, nening'oi lbuaa ojo, <Leilo loyemicho! Enyuoto entanang'are!> 7Neinyuototo nenia toyie pooki nabokata aaitibir lkilang'ilang'eta lenche. 8Nejoki ꞉naamada kunda ng'eni, <Enchoo iyioo nkini lata amu ketaa keye lkilang'ilang'eta lang.> 9Newoliki nenia ng'eni aajoki, <Mikinchoru hooyia, amu mikiata naitiemu iyioo o ntae. Enchom enyiang'u entoponiki ate too loomir.> 10Kore epuoito ninche aainyiang'u lata, nelotu loyemicho. Kore nenia naaterretenete, nejing atua nkaji tenebo o ninye aanya latim. Neikeni nkutuk e nkaji.
11 #
Luka 13:25
<<Kore tesiedi, nepuonu naadei toyie naamada ejo, <Laitoriani! Laitoriani! Tobolu iyioo.> 12Kake newoliki ajoki, <Kedede kajoki ntae, mayielo nanu ntae.> 13Entirripicho naa amu, miyielolo kenya inia parri anaa nkata nalotu Nkerai e Ltung'ani.
Taasichiere ntoki nikinchooki aitibiraki
(Luka 19:11–27)
14 #
Luka 19:11–27
<<Kore ana netiu ele tung'ani tana kitanyanyukoto naa nejia etiu nkitoria e chumata. Keatae apa ltung'ani oloito nkae kop, neipot laisiaayiak, neitaarriyianaki ntokitin enyena. 15Neicho lobo lbenia sapuki imiet oobore ropiyiani, neicho likae oare, neicho likae lobo. Meatae leitu eicho te nkiririkinoto e nkidimata enye, neidip, nelo.#25:15 Kore ta mpaach e lbenia sapuki oobore ropiyiani naa keasichere Matayo talanta. Kore apa inia kuarie naa kerisio talanta o kiloii tikitam le saabu. 16Kore ilo oichooki lbenia imiet, nelo nabokata aasichere payie etumie dikir. Kore laaduo imiet, neponikino lkulie imiet te keper. 17Kore sii lotumo oare neasichere, neponikino nkulie oare. 18Kake kore ilo otumo lobo, nelo atur nkop neisudoo nenia ropiyiani e lkitok lenye.
19<<Kore eidipari mperot kumo, nelotu ilo lkitok loo lolo aisiaayiak ayielou neikunari ilo siaai loo ropiyiani. 20Kore ilo otumo lbenia imiet, neyau lootoponikinete tekue lkitok lenye nejo, <Lkitok, ikinchoo apa lbenia imiet, naa ng'ura lkulie imiet latimirua.> 21Nejoki ꞉lkitok lenye, <Itaasa supat, laisiaayiani supat oisiligai. Itaa loisiligai too nkuni, naa kaaicho ntoria nkumo. Tijing'a tumo ng'ida nikincho lkitok lino.> 22Nelotu sii ilo apa oata oare tekue lkitok ejo, <Lokitok, ikinchoo apa lbenia oare loo ropiyiani, lekulo lkulie oare latimirua.> 23Nejoki ꞉lkitok lenye, <Itaasa supat, laisiaayiani supat oisiligai. Itaa loisiligai too nkuni, naa kaaicho ntoria nkumo. Tijing'a tumo ng'ida nikincho lkitok lino.>
24<<Nelotu sii ilo oichooki lbene obo loo ropiyiani tekue lkitok lenye ejo, <Lokitok ateyielo ajo ira ltung'ani ogol mpukunoto, idung to ng'oji neitu isuaaki lantarara aun, naa ibosu te ng'oji neitu isachaki lantarara. 25Naaku kore tankaraki natugureta, nalo aisudoo lbene loo ropiyiani inono taatua nkop. Ng'ura, nakuna nenia naara ninono.> 26Kake newoliki ꞉lkitok lenye ajoki, <Iyie laisiaayiani torno, nechal! Iteyielo ajo kadung neitu aisuaki lantarara aun, nabosu to ng'oji neitu asacharie? 27Keyiere apa nitipika ropiyiani ainien ng'oji neponarieki, paa kore payie arrinyunyie nalotu atum ropiyiani ainien tenebo o ntoki natoponunye. 28Naaku, entooru ninye ilo bene loo ropiyiani, ninchocho ilo oata lbenia tomon. 29#Mat 13:12; Mrk 4:25; Luka 8:18Amu kore loata, neponikini metaa kitok. Kore lemeata, neoruni abaki inia naata. 30#Mat 8:12, 22:13; Luka 13:28Naa kore ilo aisiaayiani lemeata dikir, empung'ie entanang'aki atua naimin e aulo, ng'oji neichirieki, neonyieki lala te mion.>
Nkiguana e siedi
31 #
Mat 16:27,
Mat 19:28
<<Kore tenelotu Nkerai e Ltung'ani te nkitoo enye o lmalaikani pooki tenebo o ninye, newuon to lorika lenye le nkitoo oipilpil te nkitoo enye. 32Naa keiturrurrokini lochon pooki tekue ninye, negel ꞉ninye ltung'ana aor, ana neiko lchekut tenegel nkerra o nkineji. 33Kore nkerra, nepik nkaina enye e tetene, nepik nkineji nkaina enye e kidienye.
34<<Naa kejoki ꞉lkinkii lolo otii nkaina enye e tetene, <Wootu lootamayiana Papa lai, entujung nkitoria naitibirakaki ntae te ng'asunoto e nkop. 35Amu kaata apa sumach, nikinchocho ndaa, naata apa nkure, nikinchocho nkare, nara apa lomoni leiching'a, nikintoomonmon, 36namaichopo apa, nikinchopchop, namuai apa nikisaayaya, naena apa, nipuonunu natii.> 37Newoliki ꞉lolo oopeny sipat aajoki, <Laitoriani anu kitodua iyie iata sumach nikincho iyie ndaa anaa iata nkure nikincho iyie nkare nimat? 38Anaa anu kitoduaa iyie ira lomoni leiching'a, nikintoomon iyie, anaa minchopo, nikinchop iyie? 39Anaa anu kitoduaa iyie imuai anaa iena, nikipuonu nitii?> 40Newoliki ꞉ilo kinkii ninche ajoki, <Kedede kajoki ntae, kore pooki apa nintaasita kulo alachera lainien kunini naa nanu intaasita.>
41<<Neitoki ajoki lolo ootii nkaina enye e kidienye, <Enchom entung'ayieeki, loaata ldeket le Nkai! Enchom nkima ee ntarasi naitibirakaki Chitani o lmalaikani lenyena! 42Amu kaata apa sumach, neitu kinchocho ndaa, naata apa nkure, neitu kinchocho nkare namat. 43Kara apa lomoni leiching'a, neitu kintoomonmon, namaichopo apa, neitu kinchopchop, namuai apa naena, neitu kisaayaya.> 44Neitoki sii lolo aawoliki ninye aajoki, <Laitoriani, anu ikitoduaa iyie iata sumach, anaa nkure, anaa ira lomoni leiching'a, anaa minchopo, anaa imuai, anaa iena, neitu kiret iyie?> 45Neitoki awoliki ninche ajoki, <Kedede kajoki ntae, kore pooki neitu intaasas apa lobo loo kulo kunini, eitu abaki kintaasaas nanu.> 46#Dan 12:2Naa kepuo ninche meitemei ntarasi, kake kore loosipat nepuo atua nkichon ee ntarasi.>>
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Bible Translation and Literacy