Lukasə 6
6
Apítə Ńté Alěláʼə́sê
(Mat 12.1-8; Mag 2.23-28)
1A nə ńdáʼ ḿbə́ Alěláʼə́sê yətsə́, Yeso a tə ńnyinə̂ á mə́mə alíʼə ngəsáŋ yətsə́, ngaŋə́zoŋə́ndzəm əjí pó chúʼə á mə́ pyántə nə́ ətsoʼ ngəsáŋ ə́ kəblə̂ kɔ́lə ághóobə́. 2Pəfalasi pətsə́ pə́ pítə Yeso ńgə́, “Lə́ ghɛlə̂ akə̂ pɨ faʼə̂ anu páʼ noŋkə əwəgə́ á kě nə́ pí ńgə́ pə́ faʼ nə́ Alěláʼə́sê pô.”
3Yeso a kwěe ághɔ́b ńgə́, “Nə́ kě kə́ fóŋə anu ándó Debid pópə pɨ pí kə ghɛd nə́ á əghâ ándó nji ə́ kə tə́ nə́ ńdzáŋə ághɔ́b? 4A kə kwúnə á ndɛ̂sê ńtwáamə apéenə məkálə́ Əsê ńjîə yə́ ńkə́ fɛ̂ yətsə́ nə́ pɨ píə, páʼ noŋkə á pěʼ nə́ ńnɨd ńgə́ mbɔʼ lə̈ jîə tsɔʼə pəpépə́sê.” 5Yeso a pɨ ńkə́ ə́sóŋ ńgə́, “Mɔ́ Ŋwu lə́ mmaʼmbî pə alěláʼə́sê.”
Ŋwu Tsə̌ nə́ Akwûə Apô
(Mat 12.9-14; Mag 3.1-6)
6Alěláʼə́sê yətsə́ á nə ńkə́ ḿbɨ ńkoʼ, Yeso a ghɛnə̂ á Ndɛ̂sê Pəjusə ńtə́ ńdzéʼkə ə́wɨ́ ŋwu tsə̌ a chî ə́wɨ́ páʼ apô ají yə təənə á kwû nə́. 7Ngaŋə́zéʼkə pənoŋkə pópə Pəfalasi ə́ nə ńtə́g əmə́g ńtə́ ńnáŋə ńgə́ a lɛ yǐ tsóʼə ŋwu wə̂ á Alěláʼə́sê ńjî ńgə́ pó lɔg ə́lɨ́d ńgwaamə̂ yí ńgə́ a faʼə̂ anu páʼ noŋkə əghoobə́ á kǐ nə́. 8Lə́ Yeso a pə́ ńjîə akwaŋə azóobə́, ńtíʼ ə́sóŋ nə́ ŋwu wə̂ páʼ táʼə apô yə á nə ńkwú nə́ lə́ ńgə́, “Lǒo á əsê ńgyǐ ńtə́əmə á mbiə.” A lǒo ńgyǐ ńtɨ́ ə́wə́. 9Yeso á tíʼ ə́sóŋə á mbô pó ńgə́, “Maŋ pítə áwɨ́ ńgə́, noŋkə á nɨd ńgə́ mbɔʼ pə́ faʼ lə́ zə́ənə́ ndzaŋə anuə Alěláʼsê? Á mə́ ghɛd nə́ əshîʼnə kəənə təpɔŋə? Á mə́ chwádkə nə́ nchîmbî ŋwu kəənə á mə́ tsəŋkə̂ nə́ ázə́ələ́?” 10A náŋ ńdíblə ághɔ́b pətsəm ńtíʼ ə́sóŋə á mbô ŋwu wə̂ ńgə́, “Shǐəə apô azô.” A kə́ ə́shǐəə apô ají yə wə̂ á yáŋə ázə́ələ́. 11Lə́ ndě əghɔ́b ə́ záŋ, pó chúʼə á mə́m pó á mə́ kwaŋ nə́ anu mbɔʼ pó ghɛd nə́ Yeso.
Yeso a Tsɔ́ʼ Məntú Mí Ntsɔb Pɛ̌
(Mat 10.1-4; Mag 3.13-19)
12A nə ḿbə́ alě tsə́ Yeso a kɔ́ʼə á ndu nkwəənə á chaʼtə́sê, ńdɔgə̂ táʼ nətúʼ wɨ́d wə̂ ntsəm tsɔʼə á chaʼtə́sê. 13Mbî ə́ yǒ ə́fóg a fóŋ ngaŋə́zoŋə́ndzəm əjí ńtíʼ ńtsɔ́ʼ ntsɔb pɛ̌ á mə́m pó ə́fóŋə ághɔ́b nə́ məntúmə: 14Saamun (páʼ a nə ńkə́ nə̈ ə́fóŋə yí nə́ pita) nə́ ndim əyǐ Andəlu, Jɛmsə pó Jɔnə, Filibə pó Batolomiə, 15Matyo pó Tɔməsə, Jɛmsə mɔ́ Alfɔsə, Saamun páʼ pə́ nə̈ fóŋ nə́ yi nə́ Zilɔlə,#6.15 Zilɔlə lə́ nə́ ḿbə́ əlɛ́n nkyeetə yitsə̌ páʼ Saamun a kə chî nə́ ə́wə́. 16Ḿbɨ ḿbə́ nə́ Juda páʼə a nə ḿbə́ nə́ mɔ́ Jɛmsə, ńtíʼ ḿbɨ ḿbə́ nə́ Juda Iskaliɔt, páʼ a nə ńtíʼ nə́ finə̂ yə́.
Ndzaŋ Yeso a Zéʼkə nə́ Ńkə́ Ńtsóʼə Pəghoonə́
(Mat 4.23-25)
17Ndzaŋ pópə Yeso pó lǒo nə́ á ndu nkwəənə ńtsó lə́, Yeso a tə́əmə aliʼ yətsə́ páʼə á noŋnə̂ nə́. Ngaŋə́zoŋə́ndzəm əjí ə́ kə chîə aliʼ yi wɨ́ tə ńnə́ənə, ḿbá mboŋ pɨ páʼ ə́ kə fɛ́d nə́ aliʼə́ atsəmə á əlá aláʼə Judya, ḿbéenə Jɛlusalɛm, ḿbá pɨ páʼ pə́ nə ə́fɛ́d nə́ á Tayile pó Sidɔn páʼ lə́ nə ḿbə́ nə́ əláʼ pətsə́ ńchî ḿbáatə nkǎŋkǐə. 18Pó kə yí lə́ á mə́ zóʼ nə́ atséebə yə́, a kə́ ńtsóʼ məghɔ móobə́. Pɨ páʼ əjwi təpɔŋ ə́ nə̈ ńjwaʼ nə́ ághɔ́b pó nə ńgyǐəə a tsóʼə ághóobə́. 19Ŋwu ntsəmə a tíʼə ńnáŋ ndúmə á mə́ kwum nə́ yə́ ńté ńgə́ mətɨ mə́ nə ńtə́ ə́fɛ́lə á mbɨ yi ńtsóʼə ŋwu ntsəmə.
Akɔŋtə pópə Afɨnə
(Mat 5.1-12)
20Yeso a náŋ ngaŋə́zoŋə́ndzəm əjí ńtíʼ ə́sóŋ ńgə́, “Mbɔŋə́ azɨ́ pɨ póŋ nə́, ńté ńgə́ anuə nəfoonə Əsê lə́ azə́ənə́! 21Mbɔŋə́ yə pɨ páʼ nji ə̈ záŋ nə́ ághɔ́b əghâ nə́, ńté ńgə́ pó yǒ zɛ́lə. Mbɔŋə́ yə pɨ páʼ pö kyéŋ nə́ əghâ nə́, ńté ńgə́ pó yǒ weŋə̂! 22Mbɔŋə́ lə́ azô páʼ pɨ pə́ pa nə́ gho, ńkəmə̂ gho á mə́m pó, ńtûə ńdzoomə̂ gho ḿbɨ ḿmyaʼə̂ gho ńgə́ gho lə́ ngɛdtəpɔŋ ńté Mɔ́ Ŋwunə.” 23Mbɔʼ á pə́ ə́lɨ́d gho kɔŋtə̂ tə ḿbɛ́n ńté ńgə́ tə́kɔʼ ntsɔ́ʼəfaʼə a chîə á mbô gho á nəpóolə. Lə́ tsɔʼə ndzaŋ pətǎ pɔ́b pə nə̈ ə́faʼ nə́ nə́ məntúmə́sê. 24Gho əfoʼ, ndɔ ə́ chîə atû gho ńté ńgə́ gho pɛ́dtə ńdzóʼ əghô əshîʼnə əghâ nə́. 25Ndɔ ə́ chîə atû gho páʼ ghö jî nə́ ńdzɛ́lə gho əghâ nə́ ńté ńgə́ nji ə́ yǒ záŋə gho, ndɔ ə́ chîə atû gho páʼ ghö weŋ nə́ əghâ nə́, ńté ńgə́ gho yǒ fɨnə̂ ə́ kə́ kyéŋə. 26Ndɔ ə́ chîə atû gho páʼ ŋwu ntsəmə ä tsáb nə́ əshîʼnə ńté gho, ńté ńgə́ lə́ tsɔʼə ndzaŋ páʼ pətǎ pɔ́b pə́ nə ńtsáb nə́ ńté məntúmə́sê mə́ məfɨgə.
Kɔŋ Ngaŋkə́peenə́
(Mat 5.38-48; 7.12a)
27“Lə́ mäŋ fiʼtə̂ ŋwu ntsəm páʼ a tə́ nə́ ńjwə́ʼtə mə ńgə́: kɔŋ ngaŋkə́pa əzô, ńgɛd əshîʼnə á mbô ŋwu ntsəm ä pa nə́ gho. 28Néŋ mbwɔ́dnə atû ŋwu tsəm páʼ ä zɔ nə́ gho, ńchaʼtə́sê atû pɨ páʼ pó kě nə́ gho əshîʼnə túg pô. 29Mbɔʼ ŋwunə ləb nəghág zô, sɛdkə̂ nətsə́ ə́fɛ̂ nə́ yə́ a ləbə̂, mbɔʼ ŋwunə kwáalə atsəʼə́ azô, gho tsɔ́ʼə yə mə́m ḿbá ə́wɨ́ ə́fɛ̂ nə́ yə́. 30Fɛ̂ ajúmə atsəmə á mbô ŋwu páʼ a lɔ nə́, ŋwunə a kə́ ḿbyáanə ajúmə á pə́ nə́ azô kɔ gho pɨ ńkwáalə. 31Ghɛlə̂ anuə atsəm á mbô pɨ ndzaŋ gho pěʼ nə́ ńkə́ ndɔ ńgə́ mbɔʼ pə́ ghɛlə̂ á mbô gho. 32Mbɔʼ gho kɔŋ tsɔʼə pɨ pə́ kɔŋ nə́ gho zə́ pə́ ńtûə gho nə́ akə̂? Tsɔʼə ngaŋə́ghɛlə təpɔŋ ə́ kə́ ńkɔŋ pɨ pə́ kɔŋ nə́ ághóobə́. 33Mbɔʼ gho ghɛd əshîʼnə tsɔʼə nə́ pɨ pə̈ ghɛd nə́ əshîʼnə nə́ gho zə́ pə́ ńtûə gho nə́ akə̂? Tsɔʼə ngaŋə́ghɛlə təpɔŋ ə́ chî lə́ ə́lə́ələ́. 34Mbɔʼ gho tə́ ńtsɔ́ʼkə ajú, ńtsɔ́ʼkə tsɔʼə á mbô pɨ páʼ pó yǐ nə́ pɨ ə́ tûə á mbô gho, á kwáalə gho nə́ akə̂? Tsɔʼə ngaŋə́ghɛlə təpɔŋ ə́ tsɔ́ʼkə lə́ á mbô ngaŋə́ko əzɔ́b ḿbə́ ńtə́ ḿbyáabə ńgə́ ndɛn yi wɨ́ ətsəm ə́ pɨ ḿbəənə̂ á mbô pó. 35Lə́, kɔŋ ngaŋkə́pa əzô ńkə́ ńgɛd əshîʼnə á mbô pó. Tsɔ́ʼkə á mbô pó tsɔʼə tə akwaŋə á mə́ pɨ nə́ kwáalə, ńjî ńgə́ ntsɔ́ʼəfaʼ əzɨ ə́ yǒ ḿbə́ tə́kɔʼə, pɨ tíʼ ḿbə́ pɔ́ pə́ Əsê páʼ ə́ tsɛ nə́ ajúmə atsəmə. Lə̂, Əsê lə́ Əsê páʼ ə́ túg nə́ akóolə́mə́lə́ŋə á mbô pɨ pó kě nə́ əshîʼnə kwaŋə̂ pô, pópə ngǎŋsóomə. 36Túgə akóolə́mə́lə́ŋ ndzaŋ Tǎ gho a kə nə́ ńtúg lə̂.”
Mə Tsɔ́ʼtə nə́ Anuə Ŋwu Ndaʼə
(Mat 7.1-5)
37“Kɔ gho tsɔ́ʼtə əsáʼ pɨ pə́ ndaʼ ńjî ńgə́ kɔ əsê kə́ ńtsɔ́ʼtə əghô əsáʼə. Kɔ gho sóŋ ńgə́ ŋwu lə́ ŋwu təpɔŋ ńjî ńgə́ kɔ ŋwu tsə̌ a kə́ ə́sóŋ ńgə́ gho lə́ ŋwu təpɔŋə. Ləgnə̂ pəfankə pə́ pəənə ńjî ńgə́ pə́ kə́ ńdəgnə̂ pəpô. 38Fɛ̂ á mbô pɨ pə́ ndaʼə ńjî ńgə́ Əsê a pɨ ə́fɛ̂ á mbô gho. Pə́ yǐ ə́ kə́ʼ néŋə á mə́m nkɔʼ, ə́ chiʼə̂ zə́ələ́ á kwú əshîʼnə pə pɨ ńkə́ ḿbegə̂ á lwɛ́nkə tə ńjáʼ pə́ fɛ̂ nə́ gho. Ńté ńgə́ ndzaŋ ghö kə́ʼ nə́ ə́fɛ̂ nə́ pɨ pətsə́, lə́ ndzaŋə ándó pə́ yǐ nə́ kə́ kə́ʼ ə́fɛ̂ nə́ gho.”
39A kə ḿbɨ ńtséebə atséebə́nə́múʼ zəənə́ á mbô pó ńgə́: “Mbɔʼ əfəgə́ a kě əfəg nə́ ndú lɔg pô. Mbɔʼ pó pətsəm wǔəə á apɛ́lə. 40Mbɔʼ ndzoŋdzəmə a kě jî ńtsɛɛlə̂ ŋwunə ä zéʼkə nə́ yí pô, lə́ mbɔʼ a zéʼ tə ḿməg a jîə ándó yə́.”
41“Lə́ ghɛlə̂ akə̂ gho náŋə mɔ́ akəmə atítíə á chî nə́ á nələ́g mɔ́mɛ́ əgho, ḿbə́ ńkě mɛ́ akəmə nkwə́ŋə á chî nə́ nələ́g gho tə́ ńdzə́ənə pô? 42Mɛ́ akəmə nkwə́ŋə á chîə nələ́g gho, gho kě tə́ ńdzə́ənə pô, mbɔʼ gho pə́ ńtíʼ ə́sóŋ nə́ mɔ́mɛ́ əgho lə́ ə́lɛ́ ńgə́, ndim, tíʼ maŋ fógə mɔ́ atítíə á chî nə́ á nələ́g gho. Ngaŋməfɨg! peg ə́fógə mɛ́ akəmə nkwə́ŋ wə̂ a nələ́g gho ńjî ńgə́ əmə́g mô mə́ ŋwaʼ gho tíʼ ńdzə́ənə mɔ́ akəmə atítí páʼ á chî nə́ á nələ́g ndim əgho ə́fógə.”
Atǐ Pópə Mənta Míə
(Mat 7.16-20; 12.33-35)
43“Atǐ yə əshîʼnə yətsə́ á kě ə́wɨ́ chî páʼə ä zə́m nə́ mənta mə́ təpɔŋ pô, kɨ yə təpɔŋ yətsə́ á kě ə́wɨ́ kə́ ńchî páʼə ä zə́m nə́ mənta mimə əshîʼnə pô. 44Pə jîə atǐə atsəm lə́ nə́ mənta páʼə á zə́m nə́, mbɔʼ gho kě ghɛnə̂ akoobə́ mənkɨ́ŋkɨ́ ńdagə̂ pyâ ə́wɨ́ pô, kɨ ńgɛnə̂ akoobə́ kɨ́kɔb ńdagə̂ lámə́sə ə́wɨ́ pô. 45Ŋwu yi əshîʼnə ä yǐəə nə́ əshîʼnə páʼ wɨ́d fɛ́d nə́ á mə́m əshîʼnə a lɔʼkə̂ nə́ á ntɨ́ yə́, ŋwu təpɔŋ ä yǐəə nə́ təpɔŋ páʼə á fɛ́d nə́ á mə́m təpɔŋ páʼ lɔʼkə̂ nə́ á ntɨ́ yə́, Ńté ńgə́ ŋwunə ä sóŋə lə́ anu á lwɛ́nkə nə́ á ntɨ́ yə́.”
Ngaŋə́póomə Məláʼ Zɛ́n Pɛ̌
(Mat 7.24-27)
46“Lə ghɛlə̂ akə̂ gho fóŋə mə ńgə́, ‘Mmaʼmbî, Mmaʼmbî’ ḿbə́ ńkě chî mbɔʼ gho faʼə̂ anu mäŋ sóŋ nə́ ńgə́ gho faʼ pô? 47Maŋ yǐ nəələ̂ gho ndzaŋ páʼ ŋwu páʼə a yǐ nə́ á mbô maŋ ńdzóʼə atséebə mə, ńkə́ ə́faʼ a chî nə́. 48A chî lə́ ándó ŋwunə a tə́ nə́ ḿbɔ́ ndɛ̂, ńtóŋə achîəndɛ̂ ají á shǐəə, a noŋkə zə́ələ́ á ndu ngwúbə. Awɛ̌nkǐə á ghɛd ńdaŋ ńkɔnə̂ ázə́ələ́ ḿbə́ ńkě chî mbɔʼ á chiʼ pô ńté ńgə́ pə́ nə ńkwúlə ájɨ́d, ə́ tyantə̂ 49Lə́ ŋwu páʼə a zóʼ nə́ atséebə mə ńkě zɨ́d nə́ anu néŋ pô, a chî lə́ ándó ŋwu páʼə a kə pɔ́ nə́ ndɛ̂ tə achîə. Awɛ̌nkǐə á ghɛd ńdaŋ ńkɔn ndɛ̂ yi ə́wɨ́ ə́ tɔ́g ńkwɛdnə̂ yə́ á ndəsê anuə á měe yə́ aliʼ yəwə́.”
Currently Selected:
Lukasə 6: azo
Highlight
Share
Copy
Want to have your highlights saved across all your devices? Sign up or sign in
Lukasə 6
6
Apítə Ńté Alěláʼə́sê
(Mat 12.1-8; Mag 2.23-28)
1A nə ńdáʼ ḿbə́ Alěláʼə́sê yətsə́, Yeso a tə ńnyinə̂ á mə́mə alíʼə ngəsáŋ yətsə́, ngaŋə́zoŋə́ndzəm əjí pó chúʼə á mə́ pyántə nə́ ətsoʼ ngəsáŋ ə́ kəblə̂ kɔ́lə ághóobə́. 2Pəfalasi pətsə́ pə́ pítə Yeso ńgə́, “Lə́ ghɛlə̂ akə̂ pɨ faʼə̂ anu páʼ noŋkə əwəgə́ á kě nə́ pí ńgə́ pə́ faʼ nə́ Alěláʼə́sê pô.”
3Yeso a kwěe ághɔ́b ńgə́, “Nə́ kě kə́ fóŋə anu ándó Debid pópə pɨ pí kə ghɛd nə́ á əghâ ándó nji ə́ kə tə́ nə́ ńdzáŋə ághɔ́b? 4A kə kwúnə á ndɛ̂sê ńtwáamə apéenə məkálə́ Əsê ńjîə yə́ ńkə́ fɛ̂ yətsə́ nə́ pɨ píə, páʼ noŋkə á pěʼ nə́ ńnɨd ńgə́ mbɔʼ lə̈ jîə tsɔʼə pəpépə́sê.” 5Yeso a pɨ ńkə́ ə́sóŋ ńgə́, “Mɔ́ Ŋwu lə́ mmaʼmbî pə alěláʼə́sê.”
Ŋwu Tsə̌ nə́ Akwûə Apô
(Mat 12.9-14; Mag 3.1-6)
6Alěláʼə́sê yətsə́ á nə ńkə́ ḿbɨ ńkoʼ, Yeso a ghɛnə̂ á Ndɛ̂sê Pəjusə ńtə́ ńdzéʼkə ə́wɨ́ ŋwu tsə̌ a chî ə́wɨ́ páʼ apô ají yə təənə á kwû nə́. 7Ngaŋə́zéʼkə pənoŋkə pópə Pəfalasi ə́ nə ńtə́g əmə́g ńtə́ ńnáŋə ńgə́ a lɛ yǐ tsóʼə ŋwu wə̂ á Alěláʼə́sê ńjî ńgə́ pó lɔg ə́lɨ́d ńgwaamə̂ yí ńgə́ a faʼə̂ anu páʼ noŋkə əghoobə́ á kǐ nə́. 8Lə́ Yeso a pə́ ńjîə akwaŋə azóobə́, ńtíʼ ə́sóŋ nə́ ŋwu wə̂ páʼ táʼə apô yə á nə ńkwú nə́ lə́ ńgə́, “Lǒo á əsê ńgyǐ ńtə́əmə á mbiə.” A lǒo ńgyǐ ńtɨ́ ə́wə́. 9Yeso á tíʼ ə́sóŋə á mbô pó ńgə́, “Maŋ pítə áwɨ́ ńgə́, noŋkə á nɨd ńgə́ mbɔʼ pə́ faʼ lə́ zə́ənə́ ndzaŋə anuə Alěláʼsê? Á mə́ ghɛd nə́ əshîʼnə kəənə təpɔŋə? Á mə́ chwádkə nə́ nchîmbî ŋwu kəənə á mə́ tsəŋkə̂ nə́ ázə́ələ́?” 10A náŋ ńdíblə ághɔ́b pətsəm ńtíʼ ə́sóŋə á mbô ŋwu wə̂ ńgə́, “Shǐəə apô azô.” A kə́ ə́shǐəə apô ají yə wə̂ á yáŋə ázə́ələ́. 11Lə́ ndě əghɔ́b ə́ záŋ, pó chúʼə á mə́m pó á mə́ kwaŋ nə́ anu mbɔʼ pó ghɛd nə́ Yeso.
Yeso a Tsɔ́ʼ Məntú Mí Ntsɔb Pɛ̌
(Mat 10.1-4; Mag 3.13-19)
12A nə ḿbə́ alě tsə́ Yeso a kɔ́ʼə á ndu nkwəənə á chaʼtə́sê, ńdɔgə̂ táʼ nətúʼ wɨ́d wə̂ ntsəm tsɔʼə á chaʼtə́sê. 13Mbî ə́ yǒ ə́fóg a fóŋ ngaŋə́zoŋə́ndzəm əjí ńtíʼ ńtsɔ́ʼ ntsɔb pɛ̌ á mə́m pó ə́fóŋə ághɔ́b nə́ məntúmə: 14Saamun (páʼ a nə ńkə́ nə̈ ə́fóŋə yí nə́ pita) nə́ ndim əyǐ Andəlu, Jɛmsə pó Jɔnə, Filibə pó Batolomiə, 15Matyo pó Tɔməsə, Jɛmsə mɔ́ Alfɔsə, Saamun páʼ pə́ nə̈ fóŋ nə́ yi nə́ Zilɔlə,#6.15 Zilɔlə lə́ nə́ ḿbə́ əlɛ́n nkyeetə yitsə̌ páʼ Saamun a kə chî nə́ ə́wə́. 16Ḿbɨ ḿbə́ nə́ Juda páʼə a nə ḿbə́ nə́ mɔ́ Jɛmsə, ńtíʼ ḿbɨ ḿbə́ nə́ Juda Iskaliɔt, páʼ a nə ńtíʼ nə́ finə̂ yə́.
Ndzaŋ Yeso a Zéʼkə nə́ Ńkə́ Ńtsóʼə Pəghoonə́
(Mat 4.23-25)
17Ndzaŋ pópə Yeso pó lǒo nə́ á ndu nkwəənə ńtsó lə́, Yeso a tə́əmə aliʼ yətsə́ páʼə á noŋnə̂ nə́. Ngaŋə́zoŋə́ndzəm əjí ə́ kə chîə aliʼ yi wɨ́ tə ńnə́ənə, ḿbá mboŋ pɨ páʼ ə́ kə fɛ́d nə́ aliʼə́ atsəmə á əlá aláʼə Judya, ḿbéenə Jɛlusalɛm, ḿbá pɨ páʼ pə́ nə ə́fɛ́d nə́ á Tayile pó Sidɔn páʼ lə́ nə ḿbə́ nə́ əláʼ pətsə́ ńchî ḿbáatə nkǎŋkǐə. 18Pó kə yí lə́ á mə́ zóʼ nə́ atséebə yə́, a kə́ ńtsóʼ məghɔ móobə́. Pɨ páʼ əjwi təpɔŋ ə́ nə̈ ńjwaʼ nə́ ághɔ́b pó nə ńgyǐəə a tsóʼə ághóobə́. 19Ŋwu ntsəmə a tíʼə ńnáŋ ndúmə á mə́ kwum nə́ yə́ ńté ńgə́ mətɨ mə́ nə ńtə́ ə́fɛ́lə á mbɨ yi ńtsóʼə ŋwu ntsəmə.
Akɔŋtə pópə Afɨnə
(Mat 5.1-12)
20Yeso a náŋ ngaŋə́zoŋə́ndzəm əjí ńtíʼ ə́sóŋ ńgə́, “Mbɔŋə́ azɨ́ pɨ póŋ nə́, ńté ńgə́ anuə nəfoonə Əsê lə́ azə́ənə́! 21Mbɔŋə́ yə pɨ páʼ nji ə̈ záŋ nə́ ághɔ́b əghâ nə́, ńté ńgə́ pó yǒ zɛ́lə. Mbɔŋə́ yə pɨ páʼ pö kyéŋ nə́ əghâ nə́, ńté ńgə́ pó yǒ weŋə̂! 22Mbɔŋə́ lə́ azô páʼ pɨ pə́ pa nə́ gho, ńkəmə̂ gho á mə́m pó, ńtûə ńdzoomə̂ gho ḿbɨ ḿmyaʼə̂ gho ńgə́ gho lə́ ngɛdtəpɔŋ ńté Mɔ́ Ŋwunə.” 23Mbɔʼ á pə́ ə́lɨ́d gho kɔŋtə̂ tə ḿbɛ́n ńté ńgə́ tə́kɔʼ ntsɔ́ʼəfaʼə a chîə á mbô gho á nəpóolə. Lə́ tsɔʼə ndzaŋ pətǎ pɔ́b pə nə̈ ə́faʼ nə́ nə́ məntúmə́sê. 24Gho əfoʼ, ndɔ ə́ chîə atû gho ńté ńgə́ gho pɛ́dtə ńdzóʼ əghô əshîʼnə əghâ nə́. 25Ndɔ ə́ chîə atû gho páʼ ghö jî nə́ ńdzɛ́lə gho əghâ nə́ ńté ńgə́ nji ə́ yǒ záŋə gho, ndɔ ə́ chîə atû gho páʼ ghö weŋ nə́ əghâ nə́, ńté ńgə́ gho yǒ fɨnə̂ ə́ kə́ kyéŋə. 26Ndɔ ə́ chîə atû gho páʼ ŋwu ntsəmə ä tsáb nə́ əshîʼnə ńté gho, ńté ńgə́ lə́ tsɔʼə ndzaŋ páʼ pətǎ pɔ́b pə́ nə ńtsáb nə́ ńté məntúmə́sê mə́ məfɨgə.
Kɔŋ Ngaŋkə́peenə́
(Mat 5.38-48; 7.12a)
27“Lə́ mäŋ fiʼtə̂ ŋwu ntsəm páʼ a tə́ nə́ ńjwə́ʼtə mə ńgə́: kɔŋ ngaŋkə́pa əzô, ńgɛd əshîʼnə á mbô ŋwu ntsəm ä pa nə́ gho. 28Néŋ mbwɔ́dnə atû ŋwu tsəm páʼ ä zɔ nə́ gho, ńchaʼtə́sê atû pɨ páʼ pó kě nə́ gho əshîʼnə túg pô. 29Mbɔʼ ŋwunə ləb nəghág zô, sɛdkə̂ nətsə́ ə́fɛ̂ nə́ yə́ a ləbə̂, mbɔʼ ŋwunə kwáalə atsəʼə́ azô, gho tsɔ́ʼə yə mə́m ḿbá ə́wɨ́ ə́fɛ̂ nə́ yə́. 30Fɛ̂ ajúmə atsəmə á mbô ŋwu páʼ a lɔ nə́, ŋwunə a kə́ ḿbyáanə ajúmə á pə́ nə́ azô kɔ gho pɨ ńkwáalə. 31Ghɛlə̂ anuə atsəm á mbô pɨ ndzaŋ gho pěʼ nə́ ńkə́ ndɔ ńgə́ mbɔʼ pə́ ghɛlə̂ á mbô gho. 32Mbɔʼ gho kɔŋ tsɔʼə pɨ pə́ kɔŋ nə́ gho zə́ pə́ ńtûə gho nə́ akə̂? Tsɔʼə ngaŋə́ghɛlə təpɔŋ ə́ kə́ ńkɔŋ pɨ pə́ kɔŋ nə́ ághóobə́. 33Mbɔʼ gho ghɛd əshîʼnə tsɔʼə nə́ pɨ pə̈ ghɛd nə́ əshîʼnə nə́ gho zə́ pə́ ńtûə gho nə́ akə̂? Tsɔʼə ngaŋə́ghɛlə təpɔŋ ə́ chî lə́ ə́lə́ələ́. 34Mbɔʼ gho tə́ ńtsɔ́ʼkə ajú, ńtsɔ́ʼkə tsɔʼə á mbô pɨ páʼ pó yǐ nə́ pɨ ə́ tûə á mbô gho, á kwáalə gho nə́ akə̂? Tsɔʼə ngaŋə́ghɛlə təpɔŋ ə́ tsɔ́ʼkə lə́ á mbô ngaŋə́ko əzɔ́b ḿbə́ ńtə́ ḿbyáabə ńgə́ ndɛn yi wɨ́ ətsəm ə́ pɨ ḿbəənə̂ á mbô pó. 35Lə́, kɔŋ ngaŋkə́pa əzô ńkə́ ńgɛd əshîʼnə á mbô pó. Tsɔ́ʼkə á mbô pó tsɔʼə tə akwaŋə á mə́ pɨ nə́ kwáalə, ńjî ńgə́ ntsɔ́ʼəfaʼ əzɨ ə́ yǒ ḿbə́ tə́kɔʼə, pɨ tíʼ ḿbə́ pɔ́ pə́ Əsê páʼ ə́ tsɛ nə́ ajúmə atsəmə. Lə̂, Əsê lə́ Əsê páʼ ə́ túg nə́ akóolə́mə́lə́ŋə á mbô pɨ pó kě nə́ əshîʼnə kwaŋə̂ pô, pópə ngǎŋsóomə. 36Túgə akóolə́mə́lə́ŋ ndzaŋ Tǎ gho a kə nə́ ńtúg lə̂.”
Mə Tsɔ́ʼtə nə́ Anuə Ŋwu Ndaʼə
(Mat 7.1-5)
37“Kɔ gho tsɔ́ʼtə əsáʼ pɨ pə́ ndaʼ ńjî ńgə́ kɔ əsê kə́ ńtsɔ́ʼtə əghô əsáʼə. Kɔ gho sóŋ ńgə́ ŋwu lə́ ŋwu təpɔŋ ńjî ńgə́ kɔ ŋwu tsə̌ a kə́ ə́sóŋ ńgə́ gho lə́ ŋwu təpɔŋə. Ləgnə̂ pəfankə pə́ pəənə ńjî ńgə́ pə́ kə́ ńdəgnə̂ pəpô. 38Fɛ̂ á mbô pɨ pə́ ndaʼə ńjî ńgə́ Əsê a pɨ ə́fɛ̂ á mbô gho. Pə́ yǐ ə́ kə́ʼ néŋə á mə́m nkɔʼ, ə́ chiʼə̂ zə́ələ́ á kwú əshîʼnə pə pɨ ńkə́ ḿbegə̂ á lwɛ́nkə tə ńjáʼ pə́ fɛ̂ nə́ gho. Ńté ńgə́ ndzaŋ ghö kə́ʼ nə́ ə́fɛ̂ nə́ pɨ pətsə́, lə́ ndzaŋə ándó pə́ yǐ nə́ kə́ kə́ʼ ə́fɛ̂ nə́ gho.”
39A kə ḿbɨ ńtséebə atséebə́nə́múʼ zəənə́ á mbô pó ńgə́: “Mbɔʼ əfəgə́ a kě əfəg nə́ ndú lɔg pô. Mbɔʼ pó pətsəm wǔəə á apɛ́lə. 40Mbɔʼ ndzoŋdzəmə a kě jî ńtsɛɛlə̂ ŋwunə ä zéʼkə nə́ yí pô, lə́ mbɔʼ a zéʼ tə ḿməg a jîə ándó yə́.”
41“Lə́ ghɛlə̂ akə̂ gho náŋə mɔ́ akəmə atítíə á chî nə́ á nələ́g mɔ́mɛ́ əgho, ḿbə́ ńkě mɛ́ akəmə nkwə́ŋə á chî nə́ nələ́g gho tə́ ńdzə́ənə pô? 42Mɛ́ akəmə nkwə́ŋə á chîə nələ́g gho, gho kě tə́ ńdzə́ənə pô, mbɔʼ gho pə́ ńtíʼ ə́sóŋ nə́ mɔ́mɛ́ əgho lə́ ə́lɛ́ ńgə́, ndim, tíʼ maŋ fógə mɔ́ atítíə á chî nə́ á nələ́g gho. Ngaŋməfɨg! peg ə́fógə mɛ́ akəmə nkwə́ŋ wə̂ a nələ́g gho ńjî ńgə́ əmə́g mô mə́ ŋwaʼ gho tíʼ ńdzə́ənə mɔ́ akəmə atítí páʼ á chî nə́ á nələ́g ndim əgho ə́fógə.”
Atǐ Pópə Mənta Míə
(Mat 7.16-20; 12.33-35)
43“Atǐ yə əshîʼnə yətsə́ á kě ə́wɨ́ chî páʼə ä zə́m nə́ mənta mə́ təpɔŋ pô, kɨ yə təpɔŋ yətsə́ á kě ə́wɨ́ kə́ ńchî páʼə ä zə́m nə́ mənta mimə əshîʼnə pô. 44Pə jîə atǐə atsəm lə́ nə́ mənta páʼə á zə́m nə́, mbɔʼ gho kě ghɛnə̂ akoobə́ mənkɨ́ŋkɨ́ ńdagə̂ pyâ ə́wɨ́ pô, kɨ ńgɛnə̂ akoobə́ kɨ́kɔb ńdagə̂ lámə́sə ə́wɨ́ pô. 45Ŋwu yi əshîʼnə ä yǐəə nə́ əshîʼnə páʼ wɨ́d fɛ́d nə́ á mə́m əshîʼnə a lɔʼkə̂ nə́ á ntɨ́ yə́, ŋwu təpɔŋ ä yǐəə nə́ təpɔŋ páʼə á fɛ́d nə́ á mə́m təpɔŋ páʼ lɔʼkə̂ nə́ á ntɨ́ yə́, Ńté ńgə́ ŋwunə ä sóŋə lə́ anu á lwɛ́nkə nə́ á ntɨ́ yə́.”
Ngaŋə́póomə Məláʼ Zɛ́n Pɛ̌
(Mat 7.24-27)
46“Lə ghɛlə̂ akə̂ gho fóŋə mə ńgə́, ‘Mmaʼmbî, Mmaʼmbî’ ḿbə́ ńkě chî mbɔʼ gho faʼə̂ anu mäŋ sóŋ nə́ ńgə́ gho faʼ pô? 47Maŋ yǐ nəələ̂ gho ndzaŋ páʼ ŋwu páʼə a yǐ nə́ á mbô maŋ ńdzóʼə atséebə mə, ńkə́ ə́faʼ a chî nə́. 48A chî lə́ ándó ŋwunə a tə́ nə́ ḿbɔ́ ndɛ̂, ńtóŋə achîəndɛ̂ ají á shǐəə, a noŋkə zə́ələ́ á ndu ngwúbə. Awɛ̌nkǐə á ghɛd ńdaŋ ńkɔnə̂ ázə́ələ́ ḿbə́ ńkě chî mbɔʼ á chiʼ pô ńté ńgə́ pə́ nə ńkwúlə ájɨ́d, ə́ tyantə̂ 49Lə́ ŋwu páʼə a zóʼ nə́ atséebə mə ńkě zɨ́d nə́ anu néŋ pô, a chî lə́ ándó ŋwu páʼə a kə pɔ́ nə́ ndɛ̂ tə achîə. Awɛ̌nkǐə á ghɛd ńdaŋ ńkɔn ndɛ̂ yi ə́wɨ́ ə́ tɔ́g ńkwɛdnə̂ yə́ á ndəsê anuə á měe yə́ aliʼ yəwə́.”
Currently Selected:
:
Highlight
Share
Copy
Want to have your highlights saved across all your devices? Sign up or sign in