Lukasə 5
5
Ndzaŋ Yeso a nə Ə́fóŋ nə́ Ngaŋə́zoŋə́ndzəm Əjí yǐ Ntsɛɛmbiə
(Mat 4.18-22; Mag 1.16-20)
1Á nə ńdáʼ ḿbə́ alě tsə́ Yeso a tə́əmə á nkǎŋkǐə á Jɛnɛsɛlɛlə, pɨ pə́ kə tə́ ńjíʼnə á nəpɛnə́ yə́ á mə́ zóʼ nə́ atséebə Əsê. 2A jɨ́ əŋkənúʼə́ pɛ́n pɛ̌ páʼ ngaŋə́kóolə́shû ə́ tə́g nə́ á nkǎŋkǐ ńgɛn ńtə́ ə́sogə̂ məŋkɛd mə́ akóolə́shû móobə́. 3Yeso a kwúnə á mə́m táʼə aŋkənúʼə́ wə́ yitsə̌, á pə́ yə Saamunə, a sóŋ nə́ yí ńgə́ a nyáʼ ńkwádtə nə́ zɨ́d ńkwúnə á nkǐ mɔ́ aliʼə́, a kwádtə ńkwúnə a tíʼ ńnáanə á mə́m ə́wɨ́ ńtíʼə ńdzéʼkə pɨ pə̂. 4Ndzaŋ a kə məgtə̂ nə́ á mə́ tsáb nə́ lə́, ə́sóŋ nə́ Saamun ńgə́, “Kwádtə ńgɛnə̂ aliʼ yə shǐ nə́ ḿmaʼ məŋkɛlə́ á nkǐə, ńjî ńgə́ gho kó əshûə.” 5Saamunə a kwěe ńgə́, “Tǎ, pəg lê lə́ tsɔʼə apeŋə́ apeŋ ə́sɛ̂nə̌, ńtáŋnə á mə́ kó nə́ əshûə, ḿbə́ ńkě ajûtsə́ kó pô. Lə́ tə mbɔʼ gho sóŋ ə́lɨ́d tə ḿbə́ maŋ yǐ maʼə̂.”
6Ndzaŋ pó kə maʼ nə́ məŋkɛd móobə́ á nkǐ lə́, ńkóolə aláʼə əshû tə məŋkɛd mɔ́b mə́ tíʼə ńdə́kə. 7Pó tíʼ ńkɔ́mtə pəlim pɔ́b pó kə chî nə́ nə́ yətsə́ aŋkənúʼə́ ńgə́ pó yǐ ńkwáalə ághóobə́, po yǐ pó po lwɛ́nkə əŋkənúʼə́ pə́ pɛ́n pɛ̌ nə́ əshû tə əŋkənúʼə́ ə́ lɛd ńtíʼə ńdoonə̂ á mə́ mɛ́d nə́.
8Ndzaŋ páʼ Saamun Pita a kə jɨ́ nə́ mbô anu jɨ lə́ ńgwǔəə á məko Yeso, ə́sóŋ ńgə́, “Mmaʼmbî, lǒo gho á nəpɛnə́ maŋə, maŋ lə́ ngɛdtəpɔŋə!” 9Á nə ńkɨʼnə̂ ághɔ́b pə apuʼə pɨ pə́ nə ńchî nə́ aliʼ yi wɨ́ nə́ ndɛn əshû pó nə ńkó nə́. 10Ńkə́ ńkɨʼnə̂ Jɛmsə pó Jɔn pɔ́ pə́ Zebedi páʼ pópə Saamun faʼ nə́ lə̂. Yeso a tíʼ ə́sóŋə á mbô Saamun ńgə́, “Kɔ gho pɔ́gə, ə́fɛ́d nə́ pə əghâ nə́ gho yǐ tíʼə kóolə lə́ pəənə.” 11Pó tíʼ ə́fóg əŋkənúʼə́ əpɔ́b ńtə́gə á nkǎŋkǐə, ḿmɛdtə̂ ajúmə atsəm ńdzoŋə̂ Yeso.
Ndzaŋ Yeso a Tsóʼ nə Ngaŋkaʼə
(Mat 8.1-4; Mag 1.40-45)
12Yeso a kə chîə á aláʼ yitsə́ páʼ ngaŋnkaʼə a kə chî nə́ ə́wə́, ndzaŋ a kə jɨ́ nə́ Yeso lə́, ńgwǔəə á məko yí ḿbóʼmbô nə́ yí ńgə́, “Mmaʼmbî, mbɔʼ gho kɔŋə̂, gho ghɛd maŋ ŋwaʼə̂.” 13Yeso a tsɛɛkə̂ apô ají ńkwumə̂ yí ə́sóŋ ńgə́, “Maŋ kɔŋə̂, ŋwaʼə̂.” Tsɔʼə əghâ yi wɨ nkaʼ əjǐ zə̂ ə́ měe yə́. 14Yeso a pə́ ə́sóŋ nə́ yí ńgə́, “Kɔ gho fiʼtə̂ ŋwu tsə̌, lə́ ghɛn ńnɨd mbɨ əzo á mbô mbêsê ńkə́ ə́fɛ̂ akáŋə́sê ńdzoŋə̂ noŋkə páʼ Mosisə a kə fɛ̂ nə́. Zə́ələ́ á yǐ nəələ̂ á mbô ŋwu ntsəm ńgə́ gho ŋwaʼə̂.” 15Atsáb ńté Yeso á pəənə̂ ńgáʼə ńgɛnə̂ pə́ nə́ mbîə, ńdaŋ ə́lɨ́d ənɔ pɨ tíʼə ńgyǐəə á mə́ zóʼ nə́ atséebə ajíə, a kə̈ ńtû ńtsóʼə ághóobə́ 16Lə́ Yeso a pə̈ ńdzá ə́fɛ́lə á mə́m pɨ ńgɛnə̂ ńchîə kɔŋ məŋkwâʼlə̌ ńchaʼtə́sê.
Yeso a Tsóʼə Kɔ́ŋə́sê
(Mat 9.1-8; Mag 2.1-12)
17A kə láʼ ḿbə́ alě tsə́ Yeso á tə́ ńdzéʼkə, Pəfalasi pópə ngaŋə́zéʼkə pənoŋkə pó lǒo nə́ nə́ əláʼ ətsəm ə́ chî nə́ á Galili, nə́ Judya ḿbɨ ḿbə́ nə́ Jɛlusalɛm pó náanə ə́wə́. Mətɨ mə́ Mmaʼmbî mə́ kə chîə mbɨ yí á mə́ tsóʼ nə́ pəghoonə́. 18Pɨ pətsə́ pə́ peʼə̂ nkweglə yitsə̌ á ndumə apaʼ ńtə́ ńdoonə̂ á mə́ kwú nə́ nə́ yə́ á ndɛ̂ ńnoŋkə̂ á mbi Yeso. 19Ndzaŋ ŋwu məsɔŋə́ a kə kwéʼnə nə́ nɨ́ tə pó kě jɨ́ ndú mbɔʼ pó laŋ ə́wɨ́ ńkwú lə́, ńkɔ́ʼə atǐ ḿbub ngɔ́d nə́ nəgha ńtsóokə yí ndǎndǎ nə́ apaʼə á tətɨ ŋwuməsɔŋ wə̂ ńnoŋkə̂ á mbi Yeso. 20Ndzaŋ Yeso a kə jɨ́ nə́ mbimə́ əzɔb lə́, ə́sóŋ ńgə́, “Ngəənə mə, pə́ ləgnə̂ pətəpɔŋ pô.”
21Ngaŋə́zéʼkə pənoŋkə pópə Pəfalasi chúʼə á mə́ pítə nə́ məmbɨ mɔ́b ńgə́ “Lɛ̌ əwə ŋwu páʼ a zɔ nə́ Əsê lɛ̌? Mbɔʼ əwə a ləgnə̂ təpɔŋ tə ńdéʼtə Əsê?”
22Yeso a jîə akwaŋə azɔ́b ńtíʼ ḿbítə ághɔ́b ńgə́, “Lə́ ghɛlə̂ akə̂ pɨ túgə jɨ ndzaŋə akwaŋə á ntɨ́ pəənə́? 23Lə́ pwɔ́dnə zə́ənə? Mə́ sóŋ nə́ ńgə́, ‘Pə́ ləgnə̂ təpɔŋ əgho,’ kəənə á mə́ sóŋ nə́ ńgə́, ‘Lǒo á əsê ńnyinə̂?’ 24Lə́ maŋ yǐ ghɛd pɨ jî ńgə́ mɔ́ ŋwunə #5.24Yeso Kə̈ fóŋə lə́ mbɨ əjǐ nə́ mɔ́ ŋwunə. a túg mətəənə á ndu mbîə á mə́ ləgnə̂ nə́ təpɔŋə.” Ńtíʼ ə́sóŋə á mbô kɔ́ŋə́sê wə́ ńgə́, “Maŋ sóŋə á mbô gho ńgə́ lǒo á əsê ḿbyáanə mə́ta əgho ńkwə̂ gho á nchîndɛ̂!” 25Tsɔʼə əghâ yi ə́wɨ́ ŋwu yi wə̂ a lǒo á əsê á mbi pó pətsəmə, ḿbyá əpú páʼə a pěʼ nə́ ńnoŋnə̂ á ndu wɨ́ lə́ ńtíʼə ńkwə̂ ńnyinə̂ ńgóʼkə Əsê. 26Á nə ńkɨʼnə̂ ŋwu ntsəmə! apɔ́gə á chîə məntɨ́ pó, pó tíʼə ńgóʼkə Əsê ə́sóŋə ńgə́, “Pəg jɨ́ əkɨʼnəmə́nu ə́sɛ̂nə̌!”
Ndzaŋ Yeso a Fóŋ nə Lebiə
(Mat 9.9-13; Mag 2.13-17)
27Yeso a fɛ́lə aliʼ wɨ́d wə̂ ńgɛn ńdzə́ənə ŋwu tsə̌ páʼə a nə ḿbə́ nə́ nkwânchubə aláʼ pə̈ fóŋə yí nə́ Lebiə, a náanə aliʼə́kwáalə́ nchubə aláʼ yə́. Yeso a sóŋə á mbô yí ńgə́, “Zoŋə̂ mə.” 28Lebiə a mɛdtə̂ ajúmə atsəm ńdǒo á əsê ńdzoŋə̂ yə́. 29Lebiə a tíʼ ńgɛlə̂ mɛ́ akɔŋtə á ndɛ̂ yí ńté Yeso. Pó kə jî məjî lə́ pópə ngaŋə́kwáalə́ nchubə aláʼ yitsə̌ tə ńnə́ənə, ḿbɨ ḿbə́ nə́ pətsə́ pəənə. 30Pəfalasi pətsə́ pópə ngaŋə́zéʼkə pənoŋkə pó kə tə́ ŋ́ŋwuntə̂ ńté ngaŋə́zoŋə́ndzəm Yeso ḿbítə ńgə́, “Lə́ ghɛlə̂ akə̂, nə́ jîə məjî ńkə́ ńnô pɨ̌pə ngaŋə́kwáalə́ nchubə aláʼ ḿbá ngaŋə́ghɛlə təpɔŋə?”
31Yeso a kwěe ághɔ́b ńgə́, “Pɨ páʼ pó chî nə́ əshîʼnə pó kě ntsóʼ náŋə pô. Ntsóʼə a chî lə́ ńté pəghoonə́.” 32Maŋ kě yǐ lə́ mə́ fóŋ nə́ pɨ páʼ pó tɨ́ nə́ ndə̌ŋdəŋ pô. Maŋ yǐ lə́ mə́ fóŋ nə́ ngaŋə́ghɛlə təpɔŋ ńgə́ pó kwúblə.
Apítə Ńté Achaʼtə́sênjiə
(Mat 9.14-17; Mag 2.18-22)
33Pɨ pətsə́ pə́ kə sóŋə á mbô Yeso ńgə́, “Ngaŋə́zoŋə́ndzəm Jɔn ə́ zá ńchîə nə́ nji, ńchaʼtə́sê. Ngaŋə́zoŋə́ndzəm Pəfalasi ə́ kə́ ńgɛlə̂ ə́lə́ələ́; lə́ əzô ngaŋə́zoŋə́ndzəm ə́ pə́ ńjîə ńkə́ ńnô.”
34Yeso a kwěe ńgə́, “Nə kwaŋ ńgə́ təmbɔʼ nə ghɛd ngaŋnə́ghá tǎdndzɔʼə́ páʼ ə́ chî nə́ á ndzɔʼə́ yí ə́ ghɛlə̂ achaʼtə́sênji? 35Lə́ ndɛd ə́ yǒ koʼə̂ ándó pə́ yǒ nə́ ə́ kwáalə tǎdndzɔʼə́ á mbô pó. Nə́ əlě pɨ́d pə̂ pó ghɛlə̂ achaʼtə́sênjiə.”
36Yeso a kə tséebə atséebə́nə́múʼ zəənə́ á mbô pó ńgə́, “Mbɔʼ ŋwunə a kě atsəʼ yə fî sɛ ńdɔg ńtɛ̂ yə lɛn wɨ́ pô. Mbɔʼ a fiʼə̂, a tsəŋə̂ atsəʼ yə fî zə̂ kətaŋə, ńté ńgə́ apagə atsəʼ yə fî zə̂ á kě yǐ pímnə pó yə lɛn pô. 37Mbɔʼ ŋwunə a kě məloʼ mimə pwɔ́d kə́ ńtwá ńnéŋə á mə́m ndɛn ngwub páʼ pə̈ néŋ nə́ məloʼ ə́wɨ́ pô. Mbɔʼ a ghɛd ə́lɨ́d məloʼ mimə pwɔ́d mə̂ mə́ sá ngwub na yi wɨ́ ńkwɛdnə̂ mə́ələ́, ngwub pə́gə ázə́ələ́. 38Lə́ pə̈ néŋə məloʼ mimə pwɔ́d lə́ á mə́m ngwub yi fî pə́ néŋ nə́ məloʼ ə́wə́.#5.38 Pəjusə pə nə̈ ńgɛlə̂ pəkâʼlə̌ lə́ nə́ ngwub neemə. Ńdzá ńnéŋə məloʼ mimə pwɔ́d lə́ nə́ kâʼlə̌ ngwub na yi féŋə, ńté ńgə́ mə́ tə́ ńtyantə̂ lə́, mə́ ghɛd kâʼlə̌ á tog mbɨ əjǐ ḿbə́ ńkě sánə pô ńté ńgə́ ngwub ə́ pɛ́d yi féŋə. 39Ŋwu tsə̌ a kě ə́wɨ́ chî mbɔʼ a nô məloʼ mimə tyantə̂ nə́ ḿbɨ ńkɔŋ mimə pwɔ́d pô. A yǐ kə́ sóŋ lə́ tsɔʼə ńgə́ mimə tyantə̂ nə́ mə̂ mə́ pɔŋə̂.”
Currently Selected:
Lukasə 5: azo
Highlight
Share
Copy
Want to have your highlights saved across all your devices? Sign up or sign in
Lukasə 5
5
Ndzaŋ Yeso a nə Ə́fóŋ nə́ Ngaŋə́zoŋə́ndzəm Əjí yǐ Ntsɛɛmbiə
(Mat 4.18-22; Mag 1.16-20)
1Á nə ńdáʼ ḿbə́ alě tsə́ Yeso a tə́əmə á nkǎŋkǐə á Jɛnɛsɛlɛlə, pɨ pə́ kə tə́ ńjíʼnə á nəpɛnə́ yə́ á mə́ zóʼ nə́ atséebə Əsê. 2A jɨ́ əŋkənúʼə́ pɛ́n pɛ̌ páʼ ngaŋə́kóolə́shû ə́ tə́g nə́ á nkǎŋkǐ ńgɛn ńtə́ ə́sogə̂ məŋkɛd mə́ akóolə́shû móobə́. 3Yeso a kwúnə á mə́m táʼə aŋkənúʼə́ wə́ yitsə̌, á pə́ yə Saamunə, a sóŋ nə́ yí ńgə́ a nyáʼ ńkwádtə nə́ zɨ́d ńkwúnə á nkǐ mɔ́ aliʼə́, a kwádtə ńkwúnə a tíʼ ńnáanə á mə́m ə́wɨ́ ńtíʼə ńdzéʼkə pɨ pə̂. 4Ndzaŋ a kə məgtə̂ nə́ á mə́ tsáb nə́ lə́, ə́sóŋ nə́ Saamun ńgə́, “Kwádtə ńgɛnə̂ aliʼ yə shǐ nə́ ḿmaʼ məŋkɛlə́ á nkǐə, ńjî ńgə́ gho kó əshûə.” 5Saamunə a kwěe ńgə́, “Tǎ, pəg lê lə́ tsɔʼə apeŋə́ apeŋ ə́sɛ̂nə̌, ńtáŋnə á mə́ kó nə́ əshûə, ḿbə́ ńkě ajûtsə́ kó pô. Lə́ tə mbɔʼ gho sóŋ ə́lɨ́d tə ḿbə́ maŋ yǐ maʼə̂.”
6Ndzaŋ pó kə maʼ nə́ məŋkɛd móobə́ á nkǐ lə́, ńkóolə aláʼə əshû tə məŋkɛd mɔ́b mə́ tíʼə ńdə́kə. 7Pó tíʼ ńkɔ́mtə pəlim pɔ́b pó kə chî nə́ nə́ yətsə́ aŋkənúʼə́ ńgə́ pó yǐ ńkwáalə ághóobə́, po yǐ pó po lwɛ́nkə əŋkənúʼə́ pə́ pɛ́n pɛ̌ nə́ əshû tə əŋkənúʼə́ ə́ lɛd ńtíʼə ńdoonə̂ á mə́ mɛ́d nə́.
8Ndzaŋ páʼ Saamun Pita a kə jɨ́ nə́ mbô anu jɨ lə́ ńgwǔəə á məko Yeso, ə́sóŋ ńgə́, “Mmaʼmbî, lǒo gho á nəpɛnə́ maŋə, maŋ lə́ ngɛdtəpɔŋə!” 9Á nə ńkɨʼnə̂ ághɔ́b pə apuʼə pɨ pə́ nə ńchî nə́ aliʼ yi wɨ́ nə́ ndɛn əshû pó nə ńkó nə́. 10Ńkə́ ńkɨʼnə̂ Jɛmsə pó Jɔn pɔ́ pə́ Zebedi páʼ pópə Saamun faʼ nə́ lə̂. Yeso a tíʼ ə́sóŋə á mbô Saamun ńgə́, “Kɔ gho pɔ́gə, ə́fɛ́d nə́ pə əghâ nə́ gho yǐ tíʼə kóolə lə́ pəənə.” 11Pó tíʼ ə́fóg əŋkənúʼə́ əpɔ́b ńtə́gə á nkǎŋkǐə, ḿmɛdtə̂ ajúmə atsəm ńdzoŋə̂ Yeso.
Ndzaŋ Yeso a Tsóʼ nə Ngaŋkaʼə
(Mat 8.1-4; Mag 1.40-45)
12Yeso a kə chîə á aláʼ yitsə́ páʼ ngaŋnkaʼə a kə chî nə́ ə́wə́, ndzaŋ a kə jɨ́ nə́ Yeso lə́, ńgwǔəə á məko yí ḿbóʼmbô nə́ yí ńgə́, “Mmaʼmbî, mbɔʼ gho kɔŋə̂, gho ghɛd maŋ ŋwaʼə̂.” 13Yeso a tsɛɛkə̂ apô ají ńkwumə̂ yí ə́sóŋ ńgə́, “Maŋ kɔŋə̂, ŋwaʼə̂.” Tsɔʼə əghâ yi wɨ nkaʼ əjǐ zə̂ ə́ měe yə́. 14Yeso a pə́ ə́sóŋ nə́ yí ńgə́, “Kɔ gho fiʼtə̂ ŋwu tsə̌, lə́ ghɛn ńnɨd mbɨ əzo á mbô mbêsê ńkə́ ə́fɛ̂ akáŋə́sê ńdzoŋə̂ noŋkə páʼ Mosisə a kə fɛ̂ nə́. Zə́ələ́ á yǐ nəələ̂ á mbô ŋwu ntsəm ńgə́ gho ŋwaʼə̂.” 15Atsáb ńté Yeso á pəənə̂ ńgáʼə ńgɛnə̂ pə́ nə́ mbîə, ńdaŋ ə́lɨ́d ənɔ pɨ tíʼə ńgyǐəə á mə́ zóʼ nə́ atséebə ajíə, a kə̈ ńtû ńtsóʼə ághóobə́ 16Lə́ Yeso a pə̈ ńdzá ə́fɛ́lə á mə́m pɨ ńgɛnə̂ ńchîə kɔŋ məŋkwâʼlə̌ ńchaʼtə́sê.
Yeso a Tsóʼə Kɔ́ŋə́sê
(Mat 9.1-8; Mag 2.1-12)
17A kə láʼ ḿbə́ alě tsə́ Yeso á tə́ ńdzéʼkə, Pəfalasi pópə ngaŋə́zéʼkə pənoŋkə pó lǒo nə́ nə́ əláʼ ətsəm ə́ chî nə́ á Galili, nə́ Judya ḿbɨ ḿbə́ nə́ Jɛlusalɛm pó náanə ə́wə́. Mətɨ mə́ Mmaʼmbî mə́ kə chîə mbɨ yí á mə́ tsóʼ nə́ pəghoonə́. 18Pɨ pətsə́ pə́ peʼə̂ nkweglə yitsə̌ á ndumə apaʼ ńtə́ ńdoonə̂ á mə́ kwú nə́ nə́ yə́ á ndɛ̂ ńnoŋkə̂ á mbi Yeso. 19Ndzaŋ ŋwu məsɔŋə́ a kə kwéʼnə nə́ nɨ́ tə pó kě jɨ́ ndú mbɔʼ pó laŋ ə́wɨ́ ńkwú lə́, ńkɔ́ʼə atǐ ḿbub ngɔ́d nə́ nəgha ńtsóokə yí ndǎndǎ nə́ apaʼə á tətɨ ŋwuməsɔŋ wə̂ ńnoŋkə̂ á mbi Yeso. 20Ndzaŋ Yeso a kə jɨ́ nə́ mbimə́ əzɔb lə́, ə́sóŋ ńgə́, “Ngəənə mə, pə́ ləgnə̂ pətəpɔŋ pô.”
21Ngaŋə́zéʼkə pənoŋkə pópə Pəfalasi chúʼə á mə́ pítə nə́ məmbɨ mɔ́b ńgə́ “Lɛ̌ əwə ŋwu páʼ a zɔ nə́ Əsê lɛ̌? Mbɔʼ əwə a ləgnə̂ təpɔŋ tə ńdéʼtə Əsê?”
22Yeso a jîə akwaŋə azɔ́b ńtíʼ ḿbítə ághɔ́b ńgə́, “Lə́ ghɛlə̂ akə̂ pɨ túgə jɨ ndzaŋə akwaŋə á ntɨ́ pəənə́? 23Lə́ pwɔ́dnə zə́ənə? Mə́ sóŋ nə́ ńgə́, ‘Pə́ ləgnə̂ təpɔŋ əgho,’ kəənə á mə́ sóŋ nə́ ńgə́, ‘Lǒo á əsê ńnyinə̂?’ 24Lə́ maŋ yǐ ghɛd pɨ jî ńgə́ mɔ́ ŋwunə #5.24Yeso Kə̈ fóŋə lə́ mbɨ əjǐ nə́ mɔ́ ŋwunə. a túg mətəənə á ndu mbîə á mə́ ləgnə̂ nə́ təpɔŋə.” Ńtíʼ ə́sóŋə á mbô kɔ́ŋə́sê wə́ ńgə́, “Maŋ sóŋə á mbô gho ńgə́ lǒo á əsê ḿbyáanə mə́ta əgho ńkwə̂ gho á nchîndɛ̂!” 25Tsɔʼə əghâ yi ə́wɨ́ ŋwu yi wə̂ a lǒo á əsê á mbi pó pətsəmə, ḿbyá əpú páʼə a pěʼ nə́ ńnoŋnə̂ á ndu wɨ́ lə́ ńtíʼə ńkwə̂ ńnyinə̂ ńgóʼkə Əsê. 26Á nə ńkɨʼnə̂ ŋwu ntsəmə! apɔ́gə á chîə məntɨ́ pó, pó tíʼə ńgóʼkə Əsê ə́sóŋə ńgə́, “Pəg jɨ́ əkɨʼnəmə́nu ə́sɛ̂nə̌!”
Ndzaŋ Yeso a Fóŋ nə Lebiə
(Mat 9.9-13; Mag 2.13-17)
27Yeso a fɛ́lə aliʼ wɨ́d wə̂ ńgɛn ńdzə́ənə ŋwu tsə̌ páʼə a nə ḿbə́ nə́ nkwânchubə aláʼ pə̈ fóŋə yí nə́ Lebiə, a náanə aliʼə́kwáalə́ nchubə aláʼ yə́. Yeso a sóŋə á mbô yí ńgə́, “Zoŋə̂ mə.” 28Lebiə a mɛdtə̂ ajúmə atsəm ńdǒo á əsê ńdzoŋə̂ yə́. 29Lebiə a tíʼ ńgɛlə̂ mɛ́ akɔŋtə á ndɛ̂ yí ńté Yeso. Pó kə jî məjî lə́ pópə ngaŋə́kwáalə́ nchubə aláʼ yitsə̌ tə ńnə́ənə, ḿbɨ ḿbə́ nə́ pətsə́ pəənə. 30Pəfalasi pətsə́ pópə ngaŋə́zéʼkə pənoŋkə pó kə tə́ ŋ́ŋwuntə̂ ńté ngaŋə́zoŋə́ndzəm Yeso ḿbítə ńgə́, “Lə́ ghɛlə̂ akə̂, nə́ jîə məjî ńkə́ ńnô pɨ̌pə ngaŋə́kwáalə́ nchubə aláʼ ḿbá ngaŋə́ghɛlə təpɔŋə?”
31Yeso a kwěe ághɔ́b ńgə́, “Pɨ páʼ pó chî nə́ əshîʼnə pó kě ntsóʼ náŋə pô. Ntsóʼə a chî lə́ ńté pəghoonə́.” 32Maŋ kě yǐ lə́ mə́ fóŋ nə́ pɨ páʼ pó tɨ́ nə́ ndə̌ŋdəŋ pô. Maŋ yǐ lə́ mə́ fóŋ nə́ ngaŋə́ghɛlə təpɔŋ ńgə́ pó kwúblə.
Apítə Ńté Achaʼtə́sênjiə
(Mat 9.14-17; Mag 2.18-22)
33Pɨ pətsə́ pə́ kə sóŋə á mbô Yeso ńgə́, “Ngaŋə́zoŋə́ndzəm Jɔn ə́ zá ńchîə nə́ nji, ńchaʼtə́sê. Ngaŋə́zoŋə́ndzəm Pəfalasi ə́ kə́ ńgɛlə̂ ə́lə́ələ́; lə́ əzô ngaŋə́zoŋə́ndzəm ə́ pə́ ńjîə ńkə́ ńnô.”
34Yeso a kwěe ńgə́, “Nə kwaŋ ńgə́ təmbɔʼ nə ghɛd ngaŋnə́ghá tǎdndzɔʼə́ páʼ ə́ chî nə́ á ndzɔʼə́ yí ə́ ghɛlə̂ achaʼtə́sênji? 35Lə́ ndɛd ə́ yǒ koʼə̂ ándó pə́ yǒ nə́ ə́ kwáalə tǎdndzɔʼə́ á mbô pó. Nə́ əlě pɨ́d pə̂ pó ghɛlə̂ achaʼtə́sênjiə.”
36Yeso a kə tséebə atséebə́nə́múʼ zəənə́ á mbô pó ńgə́, “Mbɔʼ ŋwunə a kě atsəʼ yə fî sɛ ńdɔg ńtɛ̂ yə lɛn wɨ́ pô. Mbɔʼ a fiʼə̂, a tsəŋə̂ atsəʼ yə fî zə̂ kətaŋə, ńté ńgə́ apagə atsəʼ yə fî zə̂ á kě yǐ pímnə pó yə lɛn pô. 37Mbɔʼ ŋwunə a kě məloʼ mimə pwɔ́d kə́ ńtwá ńnéŋə á mə́m ndɛn ngwub páʼ pə̈ néŋ nə́ məloʼ ə́wɨ́ pô. Mbɔʼ a ghɛd ə́lɨ́d məloʼ mimə pwɔ́d mə̂ mə́ sá ngwub na yi wɨ́ ńkwɛdnə̂ mə́ələ́, ngwub pə́gə ázə́ələ́. 38Lə́ pə̈ néŋə məloʼ mimə pwɔ́d lə́ á mə́m ngwub yi fî pə́ néŋ nə́ məloʼ ə́wə́.#5.38 Pəjusə pə nə̈ ńgɛlə̂ pəkâʼlə̌ lə́ nə́ ngwub neemə. Ńdzá ńnéŋə məloʼ mimə pwɔ́d lə́ nə́ kâʼlə̌ ngwub na yi féŋə, ńté ńgə́ mə́ tə́ ńtyantə̂ lə́, mə́ ghɛd kâʼlə̌ á tog mbɨ əjǐ ḿbə́ ńkě sánə pô ńté ńgə́ ngwub ə́ pɛ́d yi féŋə. 39Ŋwu tsə̌ a kě ə́wɨ́ chî mbɔʼ a nô məloʼ mimə tyantə̂ nə́ ḿbɨ ńkɔŋ mimə pwɔ́d pô. A yǐ kə́ sóŋ lə́ tsɔʼə ńgə́ mimə tyantə̂ nə́ mə̂ mə́ pɔŋə̂.”
Currently Selected:
:
Highlight
Share
Copy
Want to have your highlights saved across all your devices? Sign up or sign in