Matyê 16
16
Pəfalísia gháp pə Pəsadúsia pə̂ ntúŋu tâʼ nkəʼə-no
(Mks 8.11-13; Lks 12.54-56)
1Pəfalísia* gháp Pəsadúsia* tô nzʉ́ʼ ntsʉ Yěso, ə́ ntúŋú yé ńgó a nyarə́ gháp ləiʼi yi leʼtə ńgó Sê lə̂ tə̌u yé. 2Yěso pwôr lə́ páp ngô: «Ə́ pə̂ mpfu-ngwʉ̂ yi ləfaŋ shərə́ mbǎŋ pei lâʼ ngô: Nzʉ̂ wo fóghʼ, leʼé lâʼ jóghʼ mbôŋ.» 3Ə́ pə̂ mbaʼa-mbaʼ yi ləfaŋ ghə́p shʉ́ŋ pei lâʼ ngô: «Leʼé lâʼ wo jóghʼ shwǒr. Pei lei tə náŋ ləfaŋ, ə́ ntóghʼ njí ghíʼ leʼé lâʼ wo jóghʼ pə́, lə́ ə́ ngwǒ lə̂ məzə̂u mi Sê pə̌ ńnyárə́ mpfu wo káa pei jí zə̂u yi mêi məzə̂u laghʼ ndáʼ ńté hó? 4Pye pi ə́ pə́ cər nzʉ̂ mpfu wo, pêi ngaŋə-məfaa, ə́ mbóu nkə́ mə́ ntə̂i pə̂ tû mbó Sê tə̌i mə́ ntúŋu ngô: Məŋ nyarə́ wéi ləiʼi. Lə́ káa pə pə́ ngwô nyarə́ pei có zə̂u, tə ndyéʼ ndaʼ no yi lə ghʉ̌ Yənə́sʉ.» Yěso lâʼ yə́rə́, ə́ nyér gháp yʉʼ wó ə́ ndə̂r yé.
Mvuŋ pəfalísia gháp pə Pəsadúsia
(Mks 8.14-21)
5Ngaŋə-jyêʼ-no Yěso* ghʉ ntə́u lətʉŋ-nci záp, ə́ ngí tə́u, ə́ ndyə́ghʼə́ tə́ pyé mbələ̂ghʼ. 6Yěso ghʉ̂ mə́ ndâʼ lə́ páp ngô: «Pei laghʼə́ tû zéi, ə́ mbáa mvuŋ* pye Falísia* gháp pə pye Sadúsia*.» 7Ngaŋə ku* yé zûʼ, ə́ ncʉ́ʼ nkə́ mə́ ndâʼ təcər páp ńgó, ndeʼ có a lâʼ gháʼa, ńté no paghʼə yǎa ndyəghʼə́ tə́ pyé mbələ̂ghʼ#16.7 Gháp kwaŋ yə́rə́, ńté no pə́ wó lâʼ páp ndaghʼ mvuŋ* ńtsúŋu mbələ̂ghʼ.. 8Yěso jî ghíʼ gháp pə́ nkwaŋ yə́rə́, ə́ ndǎʼ lə́ páp ngô: «Káa pei tsúŋú ncóghʼ ntə̂ʉ lə́ məŋ shʉʼʉ. Pei kwaŋ pə̂ no mbələ̂ghʼ yi káa pei ghwô ńté hó? 9Pei kə̌ mbyér pə́ tə jîno péh? Ńjí ńgó káa pei kʉ́ʉtə́ mbələ̂ghʼ wə̂ ntâʼ ntaa, ghíʼ məŋ kə lǎghʼ ńzághʼə́ mbiŋə tóusʉ tâa lə́ péh? Pei lə pə́ leʼé wêi gháʼá ndǎghʼ məkəm, ə́ kwar pətyép pə́sə́ʼə́ ghíʼi, 10ńjí ńgó káa pei kʉ́ʉtə́ mbələ̂ghʼ wə̂ ntâʼ saambwô, ghíʼ məŋ kə lǎghʼ ńzághʼə́ mbiŋə tóusʉ ləkwo lə́ péh? Pei lə pə́ leʼé wêi gháʼá ndǎghʼ məkəm, ə́ kwar pətyép pə́sə́ʼə́ ghíʼi. 11Ə́ pou nděi gháʼá, káa pei zúʼ ńgó káa məŋ ndâʼ no lə̂ mbələ̂ghʼ? Məŋ kə̂ ncí ndáʼ ngô: Pei páa mvuŋ* pəfalísia* gháp pə Pəsadúsia*.»
12Ngaŋə-jyêʼ-no Yěso* cʉ̂ʼ nkə́ nzúʼ ńgó, kâa tə́i ndâʼ gháʼá ńgó gháp páa mvuŋ* yi pə́ laghʼ ńtsúŋu mbələ̂ghʼ. A tə̌i ndâʼ pə́ ńgó gháp páa zə̂u yi pə pəfalísia* gháp pə Pəsadúsia* jyêʼ pye zěi.
Pyêh keʼ ńgó Yěso Nzaʼ-nkʉ
(Mks 8.27-30; Lks 9.18-21)
13Yěso lə̂r tə nkə́u Sezarê yi Fílîp lə sáʼ, ə́ ntúŋú ngaŋə-jyêʼ-no* yé ngô: «Lâʼ gháʼa mə́ ndâʼ ngô: Môu Ŋuu* wǒ?» 14Gháp pwor ngô: pəcó pye pə́ ndâʼ ngô: «Ô Jâŋ Mbaptísʉ, pəcó pə̂ ndâʼ ngô: Ô Elyê*, pəcó pə̂ ndâʼ záp ngô: Ô Jərəmî, pəcó pə̂ ndâʼ záp ńgó ô cǒ tâʼ lə̂ pətsətə́-nkəʉ Sê*.» 15Yěso túŋu gháp ngô: «Kwaʼ pei zéi lâʼ ńgó məŋ wǒ?» 16Síməu Pyêh pwôr ngô: «Ô Nzaʼ-nkʉ*, Môu Sê yi a pə́ ntəʉ.» 17Yěso cʉ̂ʼ ńkə́ ndáʼ lə́ zʉ́ ngô: «Síməu môu Yənə́sʉ, ô ndʉʉ-mboŋ, ńté no káa ŋuu-məsoŋ lə̂ ghʉ́, o poŋə́ jí yo no lə́nə́ʉ. Tə́ ghâa yi a pə́ tʉ̌-lə́pû lə̂ nyarə́ ghô. 18N ngwo kə́ cí lǎʼ ghô, kwaʼ lə́nə́ʉ ńgó ô Pyêh, ə́ ndaghʼ ńdâʼ ńgó ləghǒ, n táa tághʼ cûʼtə pye pâa ndəu ləghǒ zêi. Tə mbaa pə̂ ləwʉ̂ láʼ nkûʼ yé lə̂ ncʉ̂ʼ zêi cûʼtə po. 19Məŋ ngʉ̌ ŋə́ pəkísʉ lə̂ ndághʼ ńtsóʼ ndə̂u Ləfou Sê* lə́ gho. Ə zə̂u yi o wo ghʉ̌ lə̌ʼ ndəu ndesé, pə́ ghʉ̌ lə̌ʼ tʉ̌-lə́pû. Ə zə̂u yi o wo pə́i ndəu ndesé, pə́ wo pə́i zěi tʉ̌-lə́pû.» 20Yěso lâʼ yə́rə́, ə́ ncʉ́ʼ ntôʼ ngaŋə-jyêʼ-no* yé ńgó, koo gháp kʉ̂ʉ tə ŋuu ndeʼe jî ńgó â Nzaʼ-nkʉ*.
Yěso pə̌ mbʉ̂ ghíʼ a ghʉ̌ kwʉ́ pǒu zʉ́ʉ lə̂ ləwʉ̂
(Mks 8.31–9.1; Lks 9.22-27)
21Ə́ fû mpfu wêi, Yěso Kəlísto sâa-sǎa ndâʼ mbó ngaŋə-jyêʼ-no* yé ngô: «Ə́ pə́ ntúŋu ńgó a wó Yelúsalêm. A wo kə́u wó jwó ngwôʼ gháʼate mbó pəkə̌m lâʼ, gháp pə pətə́-ndə̂ pənuŋú-poʼ*, mbaa pəkeʼtə́-lə́pə́ʉ Mə̌usə̂i*, gháp ghʉ́ pə́ jwí yé. Â póu nzʉ́ʉ lə̂ ləwʉ̂ lə̂ mbâatə leʼé tárə́.» 22Pyêh cʉ̂ʼ nkə́ nfúŋ yé ntsəm, ə́ njǐ lə̂ sâʼ yé, ə́ ndáʼ lə́ zʉ́ ngô: «Tsəpye, koo Sê pə̂i zêi mbə̂u no ghʉ̂ ghô! Mboʼ ə́ pə̂ yé yə́rə́ po.» 23Yěso shə́rə, ə́ ndǎʼ lə́ Pyêh ngô: «Fú nzəm məŋ ncʉ́ŋtə́ Sə́tə! O cʉ̌ʼ nkə́ʼtə ghâa kəʼtə́. Koo o pə́ kwâŋ ghô gháʼá, ghíʼ Sê pə̌ nkwǎŋ, zə́ pə́ pə̂ kwaŋtə pye-mə́soŋ.»
Ə́ pôŋ ńgó ngaŋə-jyêʼ-no Yěso pə́i lə̂ nkwʉ́ ghíʼ zʉ́
24Yěso pou ndâʼ mbó ngaŋə-jyêʼ-no* yé ngô: «Ŋuu lə̌i mə́ ngwô pə̂ ghâa ŋuu, a wáʼa tû-mbəʉ yé, ə́ nkhwǒr yé tʉ̌-mbʉ̂ŋtə ńdaghʼ ḿbə́i lə̂ nkwʉ́, mboŋə́ ńtsə́ʉ nzəm məŋ. 25Ŋuu yi a wo yǎa lǒu lə̂ mbáa ye ləcǐ-mbî, lə̂ pə̌ ŋuu yi a wo cwî ye ləcǐ-mbî wêi. Lə́ ŋuu kə́ ncwí ləcǐ-mbî ye ńté ghâa, mə́i wêi ŋuu wo táa ghwǒ wěi. 26Pə́ lə̌i nyáa fú khwór nzʉ̂ yo ntsəm ńŋə́ lə́ ŋuu, lə́ ə́ mbə́ yi ə́ wo loghʼó tû yé, mə́i ə́ wo pfútə́ yé lə̂ hó? Mboʼ ŋuu lâghʼ hó ńkə́pə́ tû yé? 27Pei jí ńgó Môu Ŋuu* gháp pə pəcwôʼ pé táa tó cər ləghûʼ Tə́ ye, â cʉ́ʼ nkə́ ntsóʼ faʼ wǒwó, pə́ lə̂ ngʉ̌ məno yé. 28Məŋ ndâʼ wéi, kwaʼ lə́nə́ʉ, pəcó pye lə́ pye pi gháp wə́ yaʼa mpfu wo láʼ kwʉ́tə gháp, tə́ ghó gháp jwó ghíʼ Môu Ŋuu* tô ghíʼ fou po.»
Currently Selected:
Matyê 16: NLA
Highlight
Share
Copy
Want to have your highlights saved across all your devices? Sign up or sign in
Matyê 16
16
Pəfalísia gháp pə Pəsadúsia pə̂ ntúŋu tâʼ nkəʼə-no
(Mks 8.11-13; Lks 12.54-56)
1Pəfalísia* gháp Pəsadúsia* tô nzʉ́ʼ ntsʉ Yěso, ə́ ntúŋú yé ńgó a nyarə́ gháp ləiʼi yi leʼtə ńgó Sê lə̂ tə̌u yé. 2Yěso pwôr lə́ páp ngô: «Ə́ pə̂ mpfu-ngwʉ̂ yi ləfaŋ shərə́ mbǎŋ pei lâʼ ngô: Nzʉ̂ wo fóghʼ, leʼé lâʼ jóghʼ mbôŋ.» 3Ə́ pə̂ mbaʼa-mbaʼ yi ləfaŋ ghə́p shʉ́ŋ pei lâʼ ngô: «Leʼé lâʼ wo jóghʼ shwǒr. Pei lei tə náŋ ləfaŋ, ə́ ntóghʼ njí ghíʼ leʼé lâʼ wo jóghʼ pə́, lə́ ə́ ngwǒ lə̂ məzə̂u mi Sê pə̌ ńnyárə́ mpfu wo káa pei jí zə̂u yi mêi məzə̂u laghʼ ndáʼ ńté hó? 4Pye pi ə́ pə́ cər nzʉ̂ mpfu wo, pêi ngaŋə-məfaa, ə́ mbóu nkə́ mə́ ntə̂i pə̂ tû mbó Sê tə̌i mə́ ntúŋu ngô: Məŋ nyarə́ wéi ləiʼi. Lə́ káa pə pə́ ngwô nyarə́ pei có zə̂u, tə ndyéʼ ndaʼ no yi lə ghʉ̌ Yənə́sʉ.» Yěso lâʼ yə́rə́, ə́ nyér gháp yʉʼ wó ə́ ndə̂r yé.
Mvuŋ pəfalísia gháp pə Pəsadúsia
(Mks 8.14-21)
5Ngaŋə-jyêʼ-no Yěso* ghʉ ntə́u lətʉŋ-nci záp, ə́ ngí tə́u, ə́ ndyə́ghʼə́ tə́ pyé mbələ̂ghʼ. 6Yěso ghʉ̂ mə́ ndâʼ lə́ páp ngô: «Pei laghʼə́ tû zéi, ə́ mbáa mvuŋ* pye Falísia* gháp pə pye Sadúsia*.» 7Ngaŋə ku* yé zûʼ, ə́ ncʉ́ʼ nkə́ mə́ ndâʼ təcər páp ńgó, ndeʼ có a lâʼ gháʼa, ńté no paghʼə yǎa ndyəghʼə́ tə́ pyé mbələ̂ghʼ#16.7 Gháp kwaŋ yə́rə́, ńté no pə́ wó lâʼ páp ndaghʼ mvuŋ* ńtsúŋu mbələ̂ghʼ.. 8Yěso jî ghíʼ gháp pə́ nkwaŋ yə́rə́, ə́ ndǎʼ lə́ páp ngô: «Káa pei tsúŋú ncóghʼ ntə̂ʉ lə́ məŋ shʉʼʉ. Pei kwaŋ pə̂ no mbələ̂ghʼ yi káa pei ghwô ńté hó? 9Pei kə̌ mbyér pə́ tə jîno péh? Ńjí ńgó káa pei kʉ́ʉtə́ mbələ̂ghʼ wə̂ ntâʼ ntaa, ghíʼ məŋ kə lǎghʼ ńzághʼə́ mbiŋə tóusʉ tâa lə́ péh? Pei lə pə́ leʼé wêi gháʼá ndǎghʼ məkəm, ə́ kwar pətyép pə́sə́ʼə́ ghíʼi, 10ńjí ńgó káa pei kʉ́ʉtə́ mbələ̂ghʼ wə̂ ntâʼ saambwô, ghíʼ məŋ kə lǎghʼ ńzághʼə́ mbiŋə tóusʉ ləkwo lə́ péh? Pei lə pə́ leʼé wêi gháʼá ndǎghʼ məkəm, ə́ kwar pətyép pə́sə́ʼə́ ghíʼi. 11Ə́ pou nděi gháʼá, káa pei zúʼ ńgó káa məŋ ndâʼ no lə̂ mbələ̂ghʼ? Məŋ kə̂ ncí ndáʼ ngô: Pei páa mvuŋ* pəfalísia* gháp pə Pəsadúsia*.»
12Ngaŋə-jyêʼ-no Yěso* cʉ̂ʼ nkə́ nzúʼ ńgó, kâa tə́i ndâʼ gháʼá ńgó gháp páa mvuŋ* yi pə́ laghʼ ńtsúŋu mbələ̂ghʼ. A tə̌i ndâʼ pə́ ńgó gháp páa zə̂u yi pə pəfalísia* gháp pə Pəsadúsia* jyêʼ pye zěi.
Pyêh keʼ ńgó Yěso Nzaʼ-nkʉ
(Mks 8.27-30; Lks 9.18-21)
13Yěso lə̂r tə nkə́u Sezarê yi Fílîp lə sáʼ, ə́ ntúŋú ngaŋə-jyêʼ-no* yé ngô: «Lâʼ gháʼa mə́ ndâʼ ngô: Môu Ŋuu* wǒ?» 14Gháp pwor ngô: pəcó pye pə́ ndâʼ ngô: «Ô Jâŋ Mbaptísʉ, pəcó pə̂ ndâʼ ngô: Ô Elyê*, pəcó pə̂ ndâʼ záp ngô: Ô Jərəmî, pəcó pə̂ ndâʼ záp ńgó ô cǒ tâʼ lə̂ pətsətə́-nkəʉ Sê*.» 15Yěso túŋu gháp ngô: «Kwaʼ pei zéi lâʼ ńgó məŋ wǒ?» 16Síməu Pyêh pwôr ngô: «Ô Nzaʼ-nkʉ*, Môu Sê yi a pə́ ntəʉ.» 17Yěso cʉ̂ʼ ńkə́ ndáʼ lə́ zʉ́ ngô: «Síməu môu Yənə́sʉ, ô ndʉʉ-mboŋ, ńté no káa ŋuu-məsoŋ lə̂ ghʉ́, o poŋə́ jí yo no lə́nə́ʉ. Tə́ ghâa yi a pə́ tʉ̌-lə́pû lə̂ nyarə́ ghô. 18N ngwo kə́ cí lǎʼ ghô, kwaʼ lə́nə́ʉ ńgó ô Pyêh, ə́ ndaghʼ ńdâʼ ńgó ləghǒ, n táa tághʼ cûʼtə pye pâa ndəu ləghǒ zêi. Tə mbaa pə̂ ləwʉ̂ láʼ nkûʼ yé lə̂ ncʉ̂ʼ zêi cûʼtə po. 19Məŋ ngʉ̌ ŋə́ pəkísʉ lə̂ ndághʼ ńtsóʼ ndə̂u Ləfou Sê* lə́ gho. Ə zə̂u yi o wo ghʉ̌ lə̌ʼ ndəu ndesé, pə́ ghʉ̌ lə̌ʼ tʉ̌-lə́pû. Ə zə̂u yi o wo pə́i ndəu ndesé, pə́ wo pə́i zěi tʉ̌-lə́pû.» 20Yěso lâʼ yə́rə́, ə́ ncʉ́ʼ ntôʼ ngaŋə-jyêʼ-no* yé ńgó, koo gháp kʉ̂ʉ tə ŋuu ndeʼe jî ńgó â Nzaʼ-nkʉ*.
Yěso pə̌ mbʉ̂ ghíʼ a ghʉ̌ kwʉ́ pǒu zʉ́ʉ lə̂ ləwʉ̂
(Mks 8.31–9.1; Lks 9.22-27)
21Ə́ fû mpfu wêi, Yěso Kəlísto sâa-sǎa ndâʼ mbó ngaŋə-jyêʼ-no* yé ngô: «Ə́ pə́ ntúŋu ńgó a wó Yelúsalêm. A wo kə́u wó jwó ngwôʼ gháʼate mbó pəkə̌m lâʼ, gháp pə pətə́-ndə̂ pənuŋú-poʼ*, mbaa pəkeʼtə́-lə́pə́ʉ Mə̌usə̂i*, gháp ghʉ́ pə́ jwí yé. Â póu nzʉ́ʉ lə̂ ləwʉ̂ lə̂ mbâatə leʼé tárə́.» 22Pyêh cʉ̂ʼ nkə́ nfúŋ yé ntsəm, ə́ njǐ lə̂ sâʼ yé, ə́ ndáʼ lə́ zʉ́ ngô: «Tsəpye, koo Sê pə̂i zêi mbə̂u no ghʉ̂ ghô! Mboʼ ə́ pə̂ yé yə́rə́ po.» 23Yěso shə́rə, ə́ ndǎʼ lə́ Pyêh ngô: «Fú nzəm məŋ ncʉ́ŋtə́ Sə́tə! O cʉ̌ʼ nkə́ʼtə ghâa kəʼtə́. Koo o pə́ kwâŋ ghô gháʼá, ghíʼ Sê pə̌ nkwǎŋ, zə́ pə́ pə̂ kwaŋtə pye-mə́soŋ.»
Ə́ pôŋ ńgó ngaŋə-jyêʼ-no Yěso pə́i lə̂ nkwʉ́ ghíʼ zʉ́
24Yěso pou ndâʼ mbó ngaŋə-jyêʼ-no* yé ngô: «Ŋuu lə̌i mə́ ngwô pə̂ ghâa ŋuu, a wáʼa tû-mbəʉ yé, ə́ nkhwǒr yé tʉ̌-mbʉ̂ŋtə ńdaghʼ ḿbə́i lə̂ nkwʉ́, mboŋə́ ńtsə́ʉ nzəm məŋ. 25Ŋuu yi a wo yǎa lǒu lə̂ mbáa ye ləcǐ-mbî, lə̂ pə̌ ŋuu yi a wo cwî ye ləcǐ-mbî wêi. Lə́ ŋuu kə́ ncwí ləcǐ-mbî ye ńté ghâa, mə́i wêi ŋuu wo táa ghwǒ wěi. 26Pə́ lə̌i nyáa fú khwór nzʉ̂ yo ntsəm ńŋə́ lə́ ŋuu, lə́ ə́ mbə́ yi ə́ wo loghʼó tû yé, mə́i ə́ wo pfútə́ yé lə̂ hó? Mboʼ ŋuu lâghʼ hó ńkə́pə́ tû yé? 27Pei jí ńgó Môu Ŋuu* gháp pə pəcwôʼ pé táa tó cər ləghûʼ Tə́ ye, â cʉ́ʼ nkə́ ntsóʼ faʼ wǒwó, pə́ lə̂ ngʉ̌ məno yé. 28Məŋ ndâʼ wéi, kwaʼ lə́nə́ʉ, pəcó pye lə́ pye pi gháp wə́ yaʼa mpfu wo láʼ kwʉ́tə gháp, tə́ ghó gháp jwó ghíʼ Môu Ŋuu* tô ghíʼ fou po.»
Currently Selected:
:
Highlight
Share
Copy
Want to have your highlights saved across all your devices? Sign up or sign in