Matyê 17
17
Yěso pə̌ nyárə ləghûʼ ye mbó có ngaŋə-jyêʼ-no yé
(Mks 9.2-9; Lks 9.28-36)
1Ə́ lei leʼé ntoghʼó, Yěso faghʼ Pyêh, ə́ ngʉ̌ Jâghʼ, ə́ ngʉ̌ Jâŋ fə̌r Jâghʼ wêi, ə́ ndághʼ gháp ńkóʼ ndəu có tə́koʼ ləkôr. Gháp pə pǎp pə̂ yʉʼ wó páp lə́ páp. 2Gháp jwô nkáŋ-mbəʉ Yěso fû shə́rə́ mbi páp, kwâŋ-sʉ̂ ye cʉ̂ʼ ŋwáŋə pə́ ghíʼ mə́nəu lə̂. Məndǐ mé fû fóghʼ tə ŋwáŋtə́. 3Gháp jwô, mə́i Mə̌usə̂i gháp Elyê* wóghʼə wóghʼə́ ńkwár, gháp pə Yěso pə̂ ntsâr. 4Pyêh cʉ́ʼ ńgwóghʼə́ wóghʼə́, ə́ ndǎʼ lə́ Yěso ngô: «Ə́ Nde, ə́ pôŋ ghíʼ paghʼə pə̌ yaʼa gháʼá lo. O lə̌i nkôŋ, n nkə̂r məjûŋ mə́ntárə́*, tâʼ pə̂ zô, tâʼ pə́ yi Mə̌usə̂i, có pə́ yi Elyê*.» 5A pyêr mə́ ndâʼ laʼá, məcó məlâm, mi ə́ ŋwaŋə ŋwaŋə́ shîʼ ńkə́ptə́ gháp, njî ŋuu fû cər wó ə́ ndǎʼ ngô: «Yo Môu ghâa, məŋ nkoŋ yé gháʼate, â ghâa lətsei, pei zúʼ ntsʉ yé.» 6Ngaŋə-jyêʼ-no Yěso* zûʼ yo no, ə́ nkə́ ntóghʼ shíʼ ńnûŋ sê, ə́ fú mbóghʼ gháʼate. 7Yěso cʉ́ŋə mbáatə́, ə́ nzápə́ mbô lə́ páp, ə́ ndǎʼ ngô: «Pei létə́ sê, koo pei kə̂ mbóghʼ.» 8Gháp pəʼə mətû máp ńnáŋtə́, ə́ ncʉ́ʼ njwó pə́ Yěso zə́ghʼə́-zʉ́.
9Gháp pə pǎp pou mə́ fû ndəu ləkôr shíʼ, a tôʼ gháp ńgó, koo gháp kʉ̂ʉ tə ŋuu ndeʼe jî zə̂u yi gháp jwó, tə Môu Ŋuu* zʉ̂ʉ lə̂ ləwʉ̂ záʼa-ndě.
10Gháp zûʼ yə́rə́, ə́ ntúŋú Yěso ngô: «Ńté hó pəkeʼtə́-lə́pə́ʉ Mə̌usə̂i* lâʼ ńgó Elyê* táa tsə̌mbi tó?» 11Yěso pwôr ngô: «Pei lâʼ no lə́nə́ʉ, Elyê* ntsətə-nkəʉ Sê* wo tsəmbi tó, lə̂ ntághʼ zə̂u tsəm lə̂ yé yʉʼ. 12Lə́ cʉ́ʼ məŋ ndáʼ wéi, Elyê* kə tô, káa pye pə̂i gháp no yé, ə́ ŋə́ yé ngwôʼ ghíʼ gháp kǒŋ, gháp ghʉ̌ kə́ ŋə́ Môu Ŋuu* ngwôʼ pə́ yə́rə́.» 13Ə́ ndǎʼ yə́rə́, ngaŋə-jyêʼ-no* yé cʉ̂ʼ nkə́ nzúʼ ńgó a lâʼ gháʼá pə́ Jâŋ Mbaptísʉ.
Yěso ghʉ cǒ môu yi a pfûŋ kəpfuʼ shwítə
(Mks 9.14-29; Lks 9.37-43)
14Gháp lər tə nkə́u yʉʼ yi lâʼ lə pə́ wó, cǒ ŋuu tô ńkʉ́ʼtə́ mbi Yěso, 15ə́ ndǎʼ lə́ zʉ́ ngô: «Ə́ Nde, tə́sə́u, tsáa mə́jʉ̂ŋ môu ghâa wo, a pə̌ pfûŋ kəpfuʼ. A jwô mə́ ngwôʼ gháʼate, a nyâŋ mpfûŋ cər mǒghʼ, tə mbaa cər nci. 16Məŋ nyǎa ńdaghʼ yé ńtó mbi ngaŋə-jyêʼ-no* zô, lə́ káa gháp kûʼ gháp lə̂ ngʉ́ a shwítə.» 17Yěso zûʼ yə́rə́, ə́ ndǎʼ ngô: «Yêe! Ngər pətəpə̌i-no Sê, káa pei cóghʼ ntə̂ʉ lə̂ Sê, pəghʉ̌ məno tə́poŋ, ə́ gháʼa paghʼə táa nyáŋ tə kə́u pə́ shʉ́ŋə́? Məŋ ngwo láʼ shə̌ghʼ məno méi tə kə́u pə́ shʉ́ŋə́? Pei lághʼ môu wêi ńtó lə̂ yaʼa, ə́ ŋə́ yé lə́ məŋ.» 18Gháp laghʼ yé ńtó, Yěso sâʼ zəghʼə tə́poŋ*, ə́ kwar lə́ môu wei, a kə̂ ntóghʼ shwítə́ pə̂ mpfu wêi.
19Gháp pə ngaŋə-jyêʼ-no* yé ghʉ mbə́ páp lə́ páp, gháp túŋu yé ngô: «Ə hó yǎa ngʉ̌, káa paghʼ kûʼ wághʼ lə̂ nzûŋ zəghʼə tə́poŋ* zêi?» 20A pwôr lə́ páp ngô: «Ə́ gháʼá, ńté no pə̂i-ntə̂ʉ zéi khwôghʼ. Pə̂i-ntə̂ʉ zéi lə̌i mbə́i nkhwóghʼ pə́ ghíʼ mbyəghʼ tə́shú, mə́i mboʼ pei lâʼ lə́ ləkôr zə̂ ngô: “Tsoʼó ngwo ńtə́ʉ yiʼi, ə́ wo ńtə́ʉ yʉʼ wó.” Mə́i mboʼ có no lâʼ ngʉ̂ yé wéi po. [21Ə́ wo lə́ zêi mbə̂u zəghʼə tə́poŋ*, mə́i ŋuu lə̌i ndə́iʼ kǒŋ koŋə́ ńnyáŋ nji, ə́ sʉ́ʉtə́ pə̂ Sê, ə́ poŋə́ zǔŋ zěi po, ə́ kwar yé po.»]
Yěso kə̌ ncí mbʉ́ ńgó a táa kwʉ́ ə́ pǒu zʉ́ʉ lə̂ ləwʉ̂
(Mks 9.30-32; Lks 9.43-45)
22Ə́ pə̂ có leʼé, ngaŋə-jyêʼ-no* Yěso naa nkə̂itə́ Galilêi, Yěso lâʼ lə́ páp ngô: «Pə́ wo fə̌i Môu Ŋuu* mbó pye-mə́soŋ. 23Gháp ghʉ́ a kwʉ́, ə́ póu mbə́ mbâatə leʼé tárə́ â zʉ́ʉ lə̂ ləwʉ̂.» Ngaŋə-jyêʼ-no* yé zûʼ yə́rə́, ə́ fú fʉ̂ gháʼate.
Ə no ntsəp ndə̂ Sê
24Yěso gháp pə ngaŋə-jyêʼ-no* yé lər tə nkə́u Kapérnawûm, pəpfǔ-ntsəp ndə̂ Sê* tô ntúŋú Pyêh ngô: «Káa Tə́ wêi pə́ ŋə̂ yé ye ntsəp ndə̂ Sê mo?» 25Pyêh pwôr ngô: «A pə̌ ŋə́, ə́ ndǎʼ yə́rə́, ə́ nkə́u ndə̂, ə́ mbyér pə́ tə ŋaʼá ntsʉ yé, Yěso lâʼ lə́ zʉ́ ngô: Síməu, o nkwaŋ zô ńgó hó. Ə́ pə́ cər nzʉ̂ yo ghíʼi, pə wǒ mâʼ ntsəp ntwoʼ gháp pə məcó məntsəp, ə́ ŋə́ lə́ pəfou? Pye lâʼ pé kəʉ pye lâʼ ntwoʼ?» 26Pyêh pwôr ngô: «Pye lâʼ ntwoʼ lə́ ŋə̂.» Yěso lâʼ lə́ zʉ́ ngô: «káa pye lâʼ ghwô gháp lə̂ ŋə̂ có zə̂u, káa pə́ yə́rə́ mô?» 27Lə́ koo poghʼo ghʉ̂ no záŋə pəpfǔ-ntsəp. Wǒ nci ḿmâʼ lənkʉ. O wo ghǒu nduŋ-mbi tâʼ shû, ə́ ŋáʼá ntsʉ ye, ə́ jwó paghʼə nkâp, ə́ kwarə́ lǎghʼ ḿmâʼ zoghʼo ntsəp.
Currently Selected:
Matyê 17: NLA
Highlight
Share
Copy
Want to have your highlights saved across all your devices? Sign up or sign in
Matyê 17
17
Yěso pə̌ nyárə ləghûʼ ye mbó có ngaŋə-jyêʼ-no yé
(Mks 9.2-9; Lks 9.28-36)
1Ə́ lei leʼé ntoghʼó, Yěso faghʼ Pyêh, ə́ ngʉ̌ Jâghʼ, ə́ ngʉ̌ Jâŋ fə̌r Jâghʼ wêi, ə́ ndághʼ gháp ńkóʼ ndəu có tə́koʼ ləkôr. Gháp pə pǎp pə̂ yʉʼ wó páp lə́ páp. 2Gháp jwô nkáŋ-mbəʉ Yěso fû shə́rə́ mbi páp, kwâŋ-sʉ̂ ye cʉ̂ʼ ŋwáŋə pə́ ghíʼ mə́nəu lə̂. Məndǐ mé fû fóghʼ tə ŋwáŋtə́. 3Gháp jwô, mə́i Mə̌usə̂i gháp Elyê* wóghʼə wóghʼə́ ńkwár, gháp pə Yěso pə̂ ntsâr. 4Pyêh cʉ́ʼ ńgwóghʼə́ wóghʼə́, ə́ ndǎʼ lə́ Yěso ngô: «Ə́ Nde, ə́ pôŋ ghíʼ paghʼə pə̌ yaʼa gháʼá lo. O lə̌i nkôŋ, n nkə̂r məjûŋ mə́ntárə́*, tâʼ pə̂ zô, tâʼ pə́ yi Mə̌usə̂i, có pə́ yi Elyê*.» 5A pyêr mə́ ndâʼ laʼá, məcó məlâm, mi ə́ ŋwaŋə ŋwaŋə́ shîʼ ńkə́ptə́ gháp, njî ŋuu fû cər wó ə́ ndǎʼ ngô: «Yo Môu ghâa, məŋ nkoŋ yé gháʼate, â ghâa lətsei, pei zúʼ ntsʉ yé.» 6Ngaŋə-jyêʼ-no Yěso* zûʼ yo no, ə́ nkə́ ntóghʼ shíʼ ńnûŋ sê, ə́ fú mbóghʼ gháʼate. 7Yěso cʉ́ŋə mbáatə́, ə́ nzápə́ mbô lə́ páp, ə́ ndǎʼ ngô: «Pei létə́ sê, koo pei kə̂ mbóghʼ.» 8Gháp pəʼə mətû máp ńnáŋtə́, ə́ ncʉ́ʼ njwó pə́ Yěso zə́ghʼə́-zʉ́.
9Gháp pə pǎp pou mə́ fû ndəu ləkôr shíʼ, a tôʼ gháp ńgó, koo gháp kʉ̂ʉ tə ŋuu ndeʼe jî zə̂u yi gháp jwó, tə Môu Ŋuu* zʉ̂ʉ lə̂ ləwʉ̂ záʼa-ndě.
10Gháp zûʼ yə́rə́, ə́ ntúŋú Yěso ngô: «Ńté hó pəkeʼtə́-lə́pə́ʉ Mə̌usə̂i* lâʼ ńgó Elyê* táa tsə̌mbi tó?» 11Yěso pwôr ngô: «Pei lâʼ no lə́nə́ʉ, Elyê* ntsətə-nkəʉ Sê* wo tsəmbi tó, lə̂ ntághʼ zə̂u tsəm lə̂ yé yʉʼ. 12Lə́ cʉ́ʼ məŋ ndáʼ wéi, Elyê* kə tô, káa pye pə̂i gháp no yé, ə́ ŋə́ yé ngwôʼ ghíʼ gháp kǒŋ, gháp ghʉ̌ kə́ ŋə́ Môu Ŋuu* ngwôʼ pə́ yə́rə́.» 13Ə́ ndǎʼ yə́rə́, ngaŋə-jyêʼ-no* yé cʉ̂ʼ nkə́ nzúʼ ńgó a lâʼ gháʼá pə́ Jâŋ Mbaptísʉ.
Yěso ghʉ cǒ môu yi a pfûŋ kəpfuʼ shwítə
(Mks 9.14-29; Lks 9.37-43)
14Gháp lər tə nkə́u yʉʼ yi lâʼ lə pə́ wó, cǒ ŋuu tô ńkʉ́ʼtə́ mbi Yěso, 15ə́ ndǎʼ lə́ zʉ́ ngô: «Ə́ Nde, tə́sə́u, tsáa mə́jʉ̂ŋ môu ghâa wo, a pə̌ pfûŋ kəpfuʼ. A jwô mə́ ngwôʼ gháʼate, a nyâŋ mpfûŋ cər mǒghʼ, tə mbaa cər nci. 16Məŋ nyǎa ńdaghʼ yé ńtó mbi ngaŋə-jyêʼ-no* zô, lə́ káa gháp kûʼ gháp lə̂ ngʉ́ a shwítə.» 17Yěso zûʼ yə́rə́, ə́ ndǎʼ ngô: «Yêe! Ngər pətəpə̌i-no Sê, káa pei cóghʼ ntə̂ʉ lə̂ Sê, pəghʉ̌ məno tə́poŋ, ə́ gháʼa paghʼə táa nyáŋ tə kə́u pə́ shʉ́ŋə́? Məŋ ngwo láʼ shə̌ghʼ məno méi tə kə́u pə́ shʉ́ŋə́? Pei lághʼ môu wêi ńtó lə̂ yaʼa, ə́ ŋə́ yé lə́ məŋ.» 18Gháp laghʼ yé ńtó, Yěso sâʼ zəghʼə tə́poŋ*, ə́ kwar lə́ môu wei, a kə̂ ntóghʼ shwítə́ pə̂ mpfu wêi.
19Gháp pə ngaŋə-jyêʼ-no* yé ghʉ mbə́ páp lə́ páp, gháp túŋu yé ngô: «Ə hó yǎa ngʉ̌, káa paghʼ kûʼ wághʼ lə̂ nzûŋ zəghʼə tə́poŋ* zêi?» 20A pwôr lə́ páp ngô: «Ə́ gháʼá, ńté no pə̂i-ntə̂ʉ zéi khwôghʼ. Pə̂i-ntə̂ʉ zéi lə̌i mbə́i nkhwóghʼ pə́ ghíʼ mbyəghʼ tə́shú, mə́i mboʼ pei lâʼ lə́ ləkôr zə̂ ngô: “Tsoʼó ngwo ńtə́ʉ yiʼi, ə́ wo ńtə́ʉ yʉʼ wó.” Mə́i mboʼ có no lâʼ ngʉ̂ yé wéi po. [21Ə́ wo lə́ zêi mbə̂u zəghʼə tə́poŋ*, mə́i ŋuu lə̌i ndə́iʼ kǒŋ koŋə́ ńnyáŋ nji, ə́ sʉ́ʉtə́ pə̂ Sê, ə́ poŋə́ zǔŋ zěi po, ə́ kwar yé po.»]
Yěso kə̌ ncí mbʉ́ ńgó a táa kwʉ́ ə́ pǒu zʉ́ʉ lə̂ ləwʉ̂
(Mks 9.30-32; Lks 9.43-45)
22Ə́ pə̂ có leʼé, ngaŋə-jyêʼ-no* Yěso naa nkə̂itə́ Galilêi, Yěso lâʼ lə́ páp ngô: «Pə́ wo fə̌i Môu Ŋuu* mbó pye-mə́soŋ. 23Gháp ghʉ́ a kwʉ́, ə́ póu mbə́ mbâatə leʼé tárə́ â zʉ́ʉ lə̂ ləwʉ̂.» Ngaŋə-jyêʼ-no* yé zûʼ yə́rə́, ə́ fú fʉ̂ gháʼate.
Ə no ntsəp ndə̂ Sê
24Yěso gháp pə ngaŋə-jyêʼ-no* yé lər tə nkə́u Kapérnawûm, pəpfǔ-ntsəp ndə̂ Sê* tô ntúŋú Pyêh ngô: «Káa Tə́ wêi pə́ ŋə̂ yé ye ntsəp ndə̂ Sê mo?» 25Pyêh pwôr ngô: «A pə̌ ŋə́, ə́ ndǎʼ yə́rə́, ə́ nkə́u ndə̂, ə́ mbyér pə́ tə ŋaʼá ntsʉ yé, Yěso lâʼ lə́ zʉ́ ngô: Síməu, o nkwaŋ zô ńgó hó. Ə́ pə́ cər nzʉ̂ yo ghíʼi, pə wǒ mâʼ ntsəp ntwoʼ gháp pə məcó məntsəp, ə́ ŋə́ lə́ pəfou? Pye lâʼ pé kəʉ pye lâʼ ntwoʼ?» 26Pyêh pwôr ngô: «Pye lâʼ ntwoʼ lə́ ŋə̂.» Yěso lâʼ lə́ zʉ́ ngô: «káa pye lâʼ ghwô gháp lə̂ ŋə̂ có zə̂u, káa pə́ yə́rə́ mô?» 27Lə́ koo poghʼo ghʉ̂ no záŋə pəpfǔ-ntsəp. Wǒ nci ḿmâʼ lənkʉ. O wo ghǒu nduŋ-mbi tâʼ shû, ə́ ŋáʼá ntsʉ ye, ə́ jwó paghʼə nkâp, ə́ kwarə́ lǎghʼ ḿmâʼ zoghʼo ntsəp.
Currently Selected:
:
Highlight
Share
Copy
Want to have your highlights saved across all your devices? Sign up or sign in