Yúhanná Dí Injíl 6

1IHNÁN galláṉ de pichchoṉ Yesúʼ Galíl de samundaroṉ yáne Tibríás de samundroṉ pár gayá. 2Te baṛí bhíṛ uh de magar ho ṭurí, is laí paí uhnán uh muʼajize vekhe, jihṛe us bímáráṉ utte kíte sán. 3Tad Yesúʼ paháṛ utte chaṛhke apne shágirdáṉ nál utthe baih gayá. 4Te Fasah, jihṛí Yahúdíáṉ dí ʼÍd hai neṛe sí. 5Tad Yesúʼ apníáṉ akkhíáṉ chukkke vekhiá, pai baṛí bhíṛ mere kol paí áuṉdí hai; te Filippus núṉ ákhíá, paí Asín ihnáṉ de khán laí roṭíáṉ kitthoṉ mull laie? 6Te us ih gall uh núṉ ázmán laí ákhí sí; kyúṉ jo uh áp jándá sí, paí maiṉ kí karáṉgá. 7Filippus uh núṉ jawáb dittá, paí Do sau dínár díáṉ roṭíáṉ ihnáṉ laí púríáṉ nahíṉ hongíáṉ, paí har ikk núṉ thoṛí jihí bhí hatth lagge. 8Uh de shágirdáṉ vichchoṉ ikk, Shamaʼún Patras dá bhará Andriás, uh núṉ ákhan laggá, 9Itthe ikk chhokrá hai, jih de kol jauáṉ díáṉ paṉj roṭíáṉ te do machchhíáṉ ne; par inneáṉ baṉdeáṉ wáste ih kí ne? 10Yesúʼ ákhíá, paí Lokáṉ núṉ bahá deo. Te us tháṉ baṛá gháh sí. So gintí vichch paṉjk hazár ádmí baih gae. 11Te Yesúʼ roṭíáṉ laíáṉ, te shukr karke baithíáṉ hoíáṉ núṉ wanḍ dittíáṉ; te iweṉ machchhíáṉ vichchoṉ jinní jinní uh cháhuṉde sán. 12Te jad uh rajj gaye, uh apne shágirdáṉ núṉ ákhan laggá, paí Bacheáṉ hoeáṉ ṭukṛeáṉ núṉ ikaṭṭhe karo, paí kujh ḳharáb na ho jáe. 13So uhnáṉ ikaṭṭhe kar liye, te jauáṉ díáṉ panjáṉ roṭíáṉ de ṭukṛeáṉ nál, jihṛe khánwáleáṉ thoṉ wadh rahe sán, báráṉ ṭokríáṉ bharíáṉ. 14Tad uhnáṉ lokáṉ ih muʼajiza, jihṛá us kítá, vekhke ákhíá, Beshakk uh nabí, jihṛá dunyá vichch áunwálá hai, iho hai. 15So jad Yesúʼ núṉ maʼlúm hoíá paí uh áwange, paí mainúṉ bado-badí phaṛke bádsháh baná lain, tad áp ikallá paháṛ núṉ muṛ tur gayá. 16Te jadoṉ shám hoí, uh de shágird samundar wall uttar gaye. 17Te beṛí vichch chaṛhke samundar de parle páse Kafamáhum núṉ tur pae. Te hun hanerá ho piá sí, te Yesúʼ uhnáṉ kol aje nahíṉ sí áyá. 18Te baṛí haneri dá sadqa samundar ṭháṭháṉ máran laggá. 19Te jad uh do tinn koh tíkar nikkal gaye sán, tad uhnáṉ Yesúʼ núṉ samundar utte turdiáṉ, te beṛí de neṛe áuṉdíáṉ vekhíá, te dar gaye. 20Par uh uhnáṉ núṉ ákhan laggá, Maiṉ hí háṉ; ḍaro na. 21Tad uh nún berí vichch lain nún rází sán; te baṛí chhetí nál beṛí us tháṉ, jitthe jáná sí, appaṛ gayí. 22Dujje din jad us bhíṛ, jihṛí samundar de us pár khalotí sí, vekhiá, paí is jagah ikk chhoṭí jihí beṛí de bináṉ hor koí beṛí hai nahíṉ, te ih bhí paí Yesúʼ apne shágirdáṉ nál beṛí utte nahíṉ gayá, par uh de shágird ikalle gaye sán. 23(Par háṉ, hor chhoṭíán beṛíáṉ, Tibriásoṉ us tháṉ de neṛe áíáṉ, jitthe Ḳhudáwand de shukr karan pichchhoṉ uhnáṉ roṭíáṉ khádíáṉ sán). 24So jad lokáṉ vekhiá, paí itthe na Yesúʼ te na uh de shágird ne, tad uh bhí beṛíáṉ vichch chaṛhke Yesúʼ núṉ labbhan laí Kafarnáhum núṉ áe. 25Te uhnáṉ uh núṉ samundaroṉ pár labbhke ákhíá, Ai Rabbí, túṉ itthe kadoṉ áyá? 26Yesúʼ uhnáṉ núṉ ákhíá, Maiṉ tuhánúṉ sach sach ákhná háṉ, Tusíṉ mainúṉ is wáste nahíṉ labbhde, paí tusáṉ karámátáṉ vekhíáṉ, par is wáste paí uhnáṉ roṭíáṉ vichchoṉ kháke tusíṉ rajj gaye. 27Faná honwále kháne laí mihnat na karo, par us kháne laí, jihṛá sadá dí zindagí toṛí rahanwálá hai, jihṛá Ibn-i-Ádam tuhánúṉ dewegá; kyúṉ jo Ḳhudá jihṛá Báp hai, us uh de utte muhr kar dittí hai. 28Tad uhnáṉ uh núṉ ákhíá, Asíṉ kí karíe, paí Ḳhudá de kamm sáthoṉ hon. 29Yesúʼ uhnáṉ núṉ jawáb dittá, Ḳhudá dá kamm ih hai, paí tusíṉ uh de utte, jih núṉ us ghalliá hai, ímán liáo. 30Tad uhnáṉ uh núṉ ákhíá, Pher túṉ kihṛí karámát karná haiṉ, paí asíṉ vekhie, tainúṉ mannie? Túṉ kí karná haiṉ? 31Sáḍe waḍḍeáṉ jangal vichch mann khádá jis tarah ákhíá hoiá hai, paí “Us uhnáṉ núṉ ásmánoṉ roṭí khán núṉ dittí.” 32Tad Yesúʼ uhnáṉ núṉ ákhíá, Maiṉ tuhánúṉ sach sach ákhná háṉ, paí Músá tuhánúṉ ásmánoṉ roṭí nahíṉ dittí, par merá Báp tuhánúṉ ásmánoṉ sachchí roṭí deṉdá hai. 33Kyúṉ jo Ḳhudá dí roṭí uh hai, jihṛí ásmánoṉ uttardí, te dunyá núṉ zindagí deṉdí hai. 34Tad uhnáṉ uh núṉ ákhíá, Ih rotí sánúṉ sadá diyá kar. 35Yesúʼ uhnáṉ núṉ ákhíá, Zindagí dí rotí maiṉ háṉ. Jihṛá mere kol áuṉdá hai, bhukkhá na howegá; te jihṛá mere utte ímán liáuṉdá hai, kadí bhí tirháyá ná howegá. 36Par maiṉ tuhánúṉ ákh dittá hai, paí tusáṉ mainúṉ ḍiṭthá hai, tad bhí ímán nahíṉ liáuṉde. 37Sab kujh, jo Báp mainúṉ deṉdá hai, mere wall áwegá; te jihṛá mere kol áuṉdá hai, uh núṉ maiṉ kade bhí báhar na kaḍḍháṉgá. 38Kyúṉ jo maiṉ ásmánoṉ apní marzí púrí karan núṉ nahíṉ uttaríá háṉ, par uh dí marzí, jis mainúṉ ghalliá hai. 39Te jis mainúṉ ghalliá hai, uh dí ih marzí hai, paí jo kujh us mainúṉ dittá hai, uh de vichchoṉ maiṉ kujh na gawáwáṉ, par oṛak de diháṛe uh núṉ uṭháwáṉ. 40Kyúṉ jo mere Báp dí ih marzí hai, paí jihṛá Beṭe núṉ vekhdá hai, te uh de utte ímán li-áuṉdá hai, sadá dí zindagí uh núṉ mile, te oṛak de diháṛe maiṉ uh núṉ uṭháwáṉgá. 41Tad is laí paí us ákhíá, “Uh rotí, jihṛí ásmánoṉ uttarí maiṉ háṉ,” Yahúdí uh dí bábat kuṛkuṛán lagge. 42Te ákhan lagge, Ih Yesúʼ Yúsuf dá puttar nahíṉ hai, jih de máṉ piu núṉ asíṉ jánne háṉ? Uh hun kíkar ákhdá hai, pai Maiṉ ásmánoṉ uttariá háṉ? 43Yesúʼ uhnáṉ núṉ ákhíá, Ápo vichch na kuṛkuṛáo. 44Mere kol koí nahíṉ á sakkdá, je Báp, jis mainúṉ ghalliá hai, uh núṉ na khichche; te oṛak de diháṛe maiṉ uh núṉ utháwáṉgá. 45Nabíáṉ díáṉ kitábán vichch ih likhiá hoiá hai, paí “Uh sabh Ḳhudá de sikháe hoe honge”. Har ikk, jis Báp koloṉ suniá te sikkhiá, mere kol áuṉdá hai. 46Ih na samjho, paí kise Báp núṉ vhekhiá hai bináṉ uh de, jihṛá Ḳhudá walloṉ hai; us Báp núṉ vekhiá hai. 47Maiṉ tuhánúṉ sach sach ákhná háṉ, paí Jihṛá mere utte ímán li-áuṉdá hai, sadá dí zindagí uh dí hai. 48Zindagí dí roṭí maiṉ háṉ. 49Tuháḍe waḍḍeáṉ jangal vichch mann khádá, te mar gaye. 50Uh roṭí jihṛí ásmánoṉ uttarí hai, uh hai, paí ádmí uh de vichchoṉ kháe, te na mare. 51Jíuṉdí roṭí maiṉ háṉ, jihṛí ásmánoṉ uttarí hai. Je koí is rotí vichchon kháe, sadá tíkar jíegá; sagoṉ roṭí, jihṛí maiṉ dunyá dí zindagí laí diáṉgá, uh merá gosht hai. 52Is wáste Yahúdí ápo vichch jhagṛan lagge, paí ih apná gosht kíkar sánúṉ khán núṉ de sakkdá hai? 53Tad Yesúʼ uhnáṉ núṉ ákhíá, Maiṉ tuhánúṉ sach sach ákhná háṉ, Je tusíṉ Ibn-i-Ádam dá gosht na kháo, te uh dá lahú na pío, tuháḍe apne vichch zindagí hai nahíṉ 54Uh, jihṛá merá gosht kháṉdá, te merá lahú píṉdá hai, sadá dí zindagí uh dí hai; te oṛak de diháṛe maiṉ uh núṉ utháwáṉgá. 55Is laí, paí merá gosht asl khánwálí shai, te merá lahú asl pínwálí shai hai. 56Uh, jihṛá merá gosht kháṉdá, te merá lahú píṉdá hai, mere vichch rahṉdá hai, te maiṉ uh de vichch. 57Jis tarah Báp, jihṛá jíuṉdá hai, mainúṉ ghalliá, te maiṉ Báp de sababb jiuṉdá háṉ, uh bhí, jihṛá mainúṉ kháṉdá hai, mere sababb jíwegá. 58Roṭí, jihṛí ásmánoṉ uttarí, ih hai; ajihí nahíṉ jihṛí waḍḍeáṉ khádí, te mar gaye; jihṛá is roṭí núṉ kháe, sadá jíwegá. 59Us ih galláṉ Kafamáhum de ibádatḳháne vichch sikháṉdiáṉ hoiáṉ ákhíáṉ. 60Tad uh de shágirdáṉ vichchoṉ bahutereáṉ sunke ákhíá, Ih gall sakht hai; ih núṉ kaun sun sakhdá hai? 61Par Yesúʼ apne áp jánke, paí mere shágird is gall utte kuṛkuṛáṉde ne, uhnáṉ núṉ ákhíá, Ih de thoṉ tuhánúṉ thokar laggdí hai? 62Je tusíṉ Ibn-i-Ádam núṉ us tháṉ, jitthe pahláṉ sí, chaṛhdiáṉ vekho, tad kí hoegá? 63Jiwálanwálí te ruh hai; jism thoṉ kujh faida nahíṉ. Jihṛíáṉ galláṉ maiṉ tuhánúṉ akhíáṉ ne, uh Rúh ne, te uh zindagí bhí ne. 64Par tuháḍe vichch kaí ne, jihṛe ímán nahíṉ li-áuṉde. Kyúṉ jo Yesúʼ muḍḍhoṉ jándá sí, paí kihṛe ne, jihṛe ímán nahíṉ li-áuṉde te kaun hai, jihṛá mainúṉ phaṛáwegá. 65Te us ákhíá, Maiṉ is hí wáste tuhánúṉ ih gall ákhí hai, paí koí mere kol nahíṉ á sakkdá, je Báp thoṉ uh núṉ bakhshíá na gayá howe. 66Is gall thoṉ bahutere uh de shágirdáṉ vichchoṉ pichháṉ muṛ gaye, te pher uh de nál na chale. 67Tad Yesúʼ báraháṉ núṉ ákhíá, Tusíṉ bhí tur jáná cháhuṉde ho? 68Shamaʼún Patras uh núṉ jawáb dittá, Ai Ḳhudáwand, asíṉ kih de kol jáie? Sadá dí zindagí díáṉ galláṉ táṉ tere kol ne. 69Asíṉ ímán li-áe, te ján gaye háṉ, paí Ḳhudá dá Quddús Túṉ hí haiṉ. 70Yesúʼ uhnáṉ núṉ jawáb dittá, Maiṉ tuhánúṉ báraháṉ núṉ nahíṉ sí chuniá, te tuháḍe vichchoṉ ikk janá Shaitán hai? 71Us Shamaʼún Iskaríútí de puttar Yahúdá dí gall kítí, is laí, paí use uh núṉ paṛhwáná sí, te báraháṉ vichchoṉ ikk sí.

Currently Selected:

Yúhanná Dí Injíl 6: PNT1927R

Highlight

Copy