Lúqá Dí Injíl 8

1TE ih de thoṛe chir pichchhoṉ aiuṉ hoiá, paí uh manádí kardá, te Ḳhudá dí bádsháhí dí ḳhush-ḳhabarí sunáṉdá hoiá shahroṉ shahr te pinḍoṉ pinḍ phiran laggá, te uh báráṉ uh de nál sán; 2Te kai zanáníáṉ jihṛíáṉ buríáṉ rúháṉ te mándagíáṉ thoṉ changíáṉ kítíáṉ gayíáṉ sán, yaʼne Mariyam jihṛí Magdalini akuwáṉdí sí, jih de vichchoṉ satt bad rúháṉ nikal gayíáṉ sán. 3Te Yuanná Herodís de díwáṉ Ḳhúzá dí wahuṭí, te Súsanná, te hor batheríáṉ sán, jihṛíáṉ apne mál nál uhnáṉ dí ṭahl kardíáṉ sán. 4Te jad baṛí ḳhalqat ikaṭṭhí hoí, te shahr shahr de lok uh de kol lagge áuṉde sán, tad us tamsíl deke ákhiá, 5Ikk bíjanwálá apná bí bíjan núṉ nikliá, te bíjdiáṉ bíjdiáṉ kujh pahe de kanḍhe kiriá, te pairáṉ nál madheríá gayá, te hawá de panchhíáṉ uh núṉ chug liyá. 6Te hor kujh patthar utte ḍigg piá, te uggdiáṉ hí sukk gayá, kyúṉ jo uh núṉ wattar na miliá. 7Te hor kujh kanḍiálíáṉ vichch kiriá, te kanḍiálíáṉ ne nál hí nál wadhke uh núṉ dabb liyá. 8Te hor kujh changí zamín vichch kiriá, te uggke sau guná phaliá. Ih ákhke uh uchchí uchchí boliá, paí Jih de kann sunanwále hon, so sune. 9Te uh de shágirdáṉ uh núṉ puchchhiá, Ih kí tamsíl hai? 10Us ne ákhiá, Ḳhudá dí bádsháhí de bhetáṉ dí samajh tuhánúṉ dittí gayí hai, par hornáṉ núṉ tamsíláṉ vichch, paí uh vekhdiáṉ na vekhan, te sundiáṉ na samjhan. 11Tamsíl te aiuṉ hai, paí Bí Ḳhudá dá kalám hai. 12Pahe de kanḍhewále uh ne, jihnáṉ suniá; magaroṉ Shaitán áuṉdá te kalám núṉ uhnáṉ de manoṉ kaḍḍh le jáṉdá hai, táṉ na howe, paí ímán liáke uh naját pán. 13Te patthar utte de uh ne, jihṛe sunke ḳhushí nál kalám núṉ man laíṉde ne, par uh jaṛh nahíṉ rakkhde; kujh chir ímándár rakhke ázmáish de wele haṭ jáṉde ne. 14Te jihṛá kanḍiáṉ vichch kiriá, so uh ne, jihnáṉ sun liyá, te ráh turdián turdián zindagí de fikr te daulat te maujáṉ vichch phas jáṉde ne, te uhnáṉ dá phal pakkdá nahíṉ. 15Par changí zamínwále uh ne, jihṛe change te khare dil nál, jáṉ sun liyá, táṉ kalám núṉ sánbhí rakkhde ne, te sabr nál phal deṉde ne. 16Koí ádmí diwá bálke uh núṉ bhánḍe nál nahíṉ lukáṉdá, na manje heṭh rakkhdá hai, par deoṛí utte rakkhdá hai, táṉ jo andar waṛanwále chánan vekhan 17Kyúṉki kujh uhle nahíṉ, jihṛá záhir na kítá jáegá, te na kujh lukiá hoiá hai, jihṛá maʼlúm na hoegá, te záhir na kítá jáegá. 18Is laí ḳhabardár raho, paí tusíṉ kis tarah sunde ho, kyúṉ jo jih de kol hai, us núṉ dittá jáegá, te jih de kol nahíṉ, uh de thoṉ uh bhí kho liyá jáegá, jihṛá uh apná samajhdá hai. 19Tad us dí máṉ te bhará uh de kol áe, te bhír de sabab uh núṉ mil na sakke. 20Te uh núṉ ḳhabar milí, paí Terí máṉ te tere bhará báhar khalote hoe tainúṉ vekhná cháhuṉde ne. 21Us uhnáṉ núṉ jawáb dittá, Merí máṉ te mere bhará ih ne, jihṛe Ḳhudá de kalám núṉ sunde, te ʼamal karde ne. 22Te ikk din aiuṉ hoiá, paí uh áp te uh de shágird beṛí utte chaṛhe, te us uhnáṉ núṉ ákhiá, Jhíloṉ pár chalie; te beṛí núṉ chahḍḍ ditto ne. 23Te jad beṛí laggí jándí sí, uh sauṉ gayá. Te jhíl vichch baṛí hanerí áí, te beṛí pání nál bhar ján laggí, te uh ḳhatre vichch pae. 24Uhnáṉ kol jáke uh núṉ jagáyá, te ákhiá, Ai Málik, ai Málik, asíṉ mar chale háṉ. Tad os uṭṭhke wá te pání díáṉ ṭháṭháṉ núṉ dábá máríá; táṉ uh tham gayíáṉ te árám hoiá. 25Te os uhnáṉ núṉ kahíá, Tuháḍá ímán kitthe hai? Uh ḍar gaye, te hairán hoke ápo vichch ákhan lagge, Ih kaun hai, jihṛá wá te pání utte bhí hukm kardá hai, te uh uhdí mande ne? 26Te uh Garásíníáṉ de des vichch, jihṛá Galíl de sámne us pár hai, beṛí vichch appaṛe. 27Te jad uh kanḍhe utte utriá, táṉ nagaroṉ ikk banda ṭakkariá, jih de utte badrúháṉ chaṛhíáṉ hoíáṉ sán, te uh bahut chir dá kapṛe nahíṉ sí pándá, te ghar vichch nahíṉ, par qabráṉ vichch rahṉdá huṉdá sí. 28Jad os Yisúʼ núṉ vekhiá, tad chilláke uh dí pairíṉ ḍigg piá, te uchchí uchchí ákhiá, Ai Yisúʼ, Ḳhudá Taʼálá de Beṭe, merá terá kí wástá? Terí minnat karná háṉ, jo mainúṉ aukhiáṉ na kar. 29Uhnay paliṭ rúh núṉ hukm jo dittá sí, paí Is ádmí vichchoṉ nikal já; kyúṉ jo us baṛí wárí uh núṉ phaṛiá sí, te uh sanggaláṉ te beṛíáṉ nál jakaṛiá hoiá pahre vichch rahṉdá si, par sanggaláṉ núṉ toṛdá si; te uh badrúh uh núṉ jangaláṉ vichch bhajáí phirdí sí. 30Yisúʼ uh núṉ puchchhiá, Terá kí náṉ hai? Os ákhiá, Lashkar; kyúṉ jo bahut sáriáṉ badrúháṉ uh de vichch waṛíáṉ hoíáṉ sán. 31Uhnáṉ uh dí minnat kítí, paí Sánúṉ atháh gaṛhe vichch ján dá hukm na kar. 32Us tháṉ kinníáṉ súráṉ dá ijjaṛ paháṛ utte piá chugdá sí. Uhnáṉ uh dí minnat kítí, paí sánúṉ ijázat de, paí uhnáṉ de vichch já waṛie. Os uhnáṉ núṉ ijázut dittí. 33Te badrúháṉ us ádmí vichchoṉ nikalke súráṉ vichch já waṛíáṉ, te ijjaṛ uchche kanḍhioṉ jhíl vichch chháláṉ márke ḍubb gayá. 34Chugánwále ih hál vekhke bhajje, te shahr de pinḍáṉ vichch ḳhabar kítí. 35Tad uh uhdá hál vekhan núṉ nikle, te Yisúʼ kol áe, te us ádmí núṉ jih de vichchoṉ badrúháṉ niklíáṉ sán, kapṛe páe te surt sambhálí Yisúʼ de pairíṉ kol baiṭhiáṉ vekhiá, te uh ḍar gaye. 36Tad vekhanwáleáṉ uhnáṉ núṉ ḳhabar dittí, paí uh, jih de vichch badrúháṉ sán, kis tarah changá kítá gayá. 37Te Garásíníáṉ de ále duále des deáṉ sáreáṉ lokáṉ uh de agge ʼarz kítí, paí Sáḍe koloṉ ṭur já; kyúṉ jo uhnáṉ núṉ baṛá ḍar pai gayá sí. Te uh beṛí utte chaṛhke muṛ gayá 38Te us bande, jih de vichchoṉ badrúháṉ niklíáṉ sán, uh de agge ʼarz kíti, pai Mainúṉ apne nál rahan de. Par us ne uh núṉ widʼá karke ákhiá paí 39Apne ghar núṉ muṛjá, te jinne kamm Ḳhudá ne tere nál kite hain, uh dassíṉ. Uh manádí kardá kardá ṭur gayá, paí Yisúʼ mere nál kaiḍe kamm kíte. 40Te ajihá hoiá, pai jad Yisúʼ muṛ áuṉdá sí, tad lokáṉ uh núṉ ḳhushí nál qabúl kítá, kyúṉ jo sabbho uh dá ráh uḍíkde sán, 41Te vekho, Yáir náṉ ikk ádmí áyá, jihṛá ʼibádatḳháne dá sardár sí. Us Yisúʼ de pairíṉ paike uh dí minnat kítí, paí Mere ghar chal. 42Kyúṉ jo uh dí báráṉk warheán dí ikko kuṛí sí, te uh maran wálí sí. Jad ján laggá, tad bhíṛ uh núṉ dabáí jáṉdí sí. 43Te ikk zanáuí ne (jih dá báráṉ warheáṉ thoṉ lahú wagdá sí, te jis apní sárí púnjí hakímáṉ utte ḳharch kítí, par kise thoṉ wall na ho sakí), 44Uh de magar áke uh de kapṛe dá pallá chhúiá, te uṉweṉ uh dá lahú wagná band ho gayá. 45Tad Yisúʼ ákhiá, Kis mainúṉ chhúíá? Jad sáreáṉ náh kítí, Patras te uh de nál deáṉ ákhiá. Ai Málik, bhíṛ tainúṉ dabándí te tere utte ḍiggdí hai. 46Par Yisúʼ ákhiá, Kise mainúṉ chhúíá; maiṉ jo jánná háṉ, paí qudrat maitheṉ niklí hai. 47Tad us zanání ḍiṭṭhá, paí maiṉ luk nahíṉ sákdí, tad kambdí hoí áí, te uh de pairíṉ ḍiggke sáreáṉ lokaṉ de sámne dassiá, paí kis gal e uh núṉ chhúíá, te kíkur uṉweṉ wall ho gayí. 48Us uh núṉ kahiá, paí Tere ímán ne tainúṉ bacháyá; salámatí nál ṭur já. 49Te aje uh ih piá ákhdá hí sí, paí ʼibádatḳháne de sardár de gharoṉ ikk ne áke ákhiá, paí Terí dhí mar gayí; ustád núṉ aukhiáṉ ná kar. 50Yisúʼ sunke uh núṉ jawáb dittá, Dar ná, sirf ímán lia, táṉ uh bach jáegí. 51Te os uh de ghar appaṛke Patras te Yuhanná te Yaʼqúb te us laṛkí de máṉ piú de siwá kise núṉ apne nál andar áun na dittá. 52Te sáre uh de laí roṉde piṭṭde sán. Par os ákhiá, Na roo; uh mar nahíṉ gayí, par suttí paí hai. 53Uh uhde utte hassan lagge, kyúṉ jo jánde sán, pai uh mar gayí hai. 54Par os uh dá hatth phaṛke uchchí ákhiá, Kuṛie, uṭṭh. 55Te uh dí rúh pher áí, te unwen uṭṭh khalotí. Te Yisúʼ hukm dittá, paí uh núṉ khán laí kujh dittá jáwe. 56Te uh de máṉ piú hairán hoe; par os uhnáṉ núṉ tákíd kítí, paí jihṛá hál guzariá hai, kise núṉ ná dasso.

Currently Selected:

Lúqá Dí Injíl 8: PNT1927R

Highlight

Copy