Marqus Dí Injíl 14

1DO dináṉ pichchhoṉ Fasah te Patírí Roṭí dí ʼÍd sí; te sardár káhin te faqíh khoj vichch lagge hoe sán, paí uh núṉ kíkur dáu nál phaṛke jánoṉ márie; 2Uhnáṉ ákhiá, ʼÍd de din nahíṉ, kite lokáṉ vichch balwa na howe. 3Te jad uh Baitʼaniá vichch Shamaʼún koṛhí de ghar khán baiṭhá sí, ikk ʼaurat bare mullwálá jaṭámásí dá khará ʼitr shíshí vichch liándá, te shíshí núṉ toṛke uh de sir utte ḍuhuliá. 4Tad kaí apne man vichch khijḍe sán, paí ʼItr dá is tarah káhnúṉ nuqsán hoiá? 5Kyúṉ jo ih ʼitr tínn sau dínár thoṉ wadh vikke garíbáṉ núṉ dittá já sakdá sí. Te uh uhnúṉ jhiṛkan lagge. 6Par Yisúʼ ákhiá, Uh núṉ chhaḍḍ deo; kyúṉ uh núṉ dukh deṉde ho? Us mere nál achchhá wartáwá kítá; 7Kyúṉ jo garíb lok hamesh tuháḍe nál ne; te jad cháho, táṉ uhnáṉ dá bhalá kar sakkde ho; par maiṉ hamesh tuháḍe nál nahíṉ háṉ. 8Jo kujh uh de thoṉ ban piá, us kítá; us pahláṉ hí mere badan utte mere kafnán dafnán laí ʼitr lá dittá. 9Par maiṉ tuhánúṉ sach ákhná háṉ, paí Sárí dunyá vichch, jitthe kitthe Injíl dí manádí kítí jáegí, utthe ih dá bhí, jo us kítá hai, us dí yádgárí de laí zikr hoegá. 10Te Yahúdá Iskaríútí, jihṛá báráṉ vichchoṉ ikk sí, sardár káhináṉ de kol ṭur gayá, táṉ jo uh núṉ uhnáṉ de hawále kare. 11Uh ih sunke ḳhush hoe, te uh núṉ rupaye den dá iqrár kítá. Te uh khoj vichch laggá, paí kise tarah dá lage, te uh núṉ phaṛwá dewe. 12Te Patírí Roṭí di ʼÍd de pahle din, jadoṉ fash zabh karde sán, uh de shágirdáṉ uh núṉ ákhiá, Túṉ kitthe cháhná haiṉ, pai asíṉ jáke tere fasah khán laí taiyárí karie. 13Te us apne shágirdáṉ vichchoṉ doṉh núṉ ghalliá, te uhnáṉ núṉ ákhiá, pai Shahr vichch jáo, te ikk banda pání dá ghará chukkiá hoiá tuhánúṉ milegá; uh de magar ṭur pao; 14Te jis ghar vichch uh jáe, us ghar de málik núṉ ákho, Ustád ákhdá hai, Mere utaran dá tháṉ kitthe hai, jitthe maiṉ apne shágirdáṉ de nál Fasah kháṉwáṉ? 15Te uh ikk moklá chubára farsh vichchháyá te saṉwáriá hoiá tuhánúṉ vikháegá; utthe sáḍe laí tiyár karo. 16Te shágird ṭur gaye, te shahr vichch áe; te jis tarah us dassiá sí, use tarah vekhiá, te Fasah tiyár kítá. 17Jad shám hoí, uh báráṉ de nál áyá. 18Te jad uh bahke khán lagge, táṉ Yisúʼ ákhiá, Maiṉ tuhánúṉ sach ákhná háṉ, paí tuháḍe vichchoṉ ikk, jihṛá mere nál kháṉdá hai, mainúṉ phaṛwáegá. 19Uh udás hon, te ikk ikk karke uh núṉ ákhan lagge, Maiṉ háṉ? 20Us uhnáṉ núṉ ákhiá. Báráṉ vichchoṉ ikk janá, jihṛá mere nál thál vichch hath páṉdá hai, soí hai 21Kyúṉ jo Ibn i Ádam táṉ jándá hai, jis tarah uh de haqq vichch likhiá hai; par afsos us ádmí utte, jih de ráhín Ibn i Ádam phaṛwáyá jáṉdá hai! Us ádmí laí chaṉgá huṉdá, je uh na jammdá. 22Te jad uh pae kháṉde sán, us roṭí laí, te barakat mangke toṛí, te uhnáṉ núṉ deke ákhiá, Lao, ih merá badan hai. 23Te us piyála laike shukr kítá, te uhnáṉ núṉ dittá; te sabhnáṉ uh de vichchoṉ pítá. 24Te us uhnáṉ núṉ ákhiá, Ih merá ʼabd dá lahú hai, jihṛá bahuteáṉ laí waháyá jáṉdá hai. 25Maiṉ tuhánúṉ sach ákhná háṉ, pai maiṉ pher angúr dí ras kade ná píáṉgá, jis din tíkur Ḳhudá dí bádsháhí vichch uh nawán ná píwán. 26Pher uh Ḳhudá dí taʼríf gáunde Zaitún de Paháṛ núṉ gaye. 27Te Yisúʼ uhnáṉ núṉ ákhiá, paí Tusíṉ sáre ṭhokar kháoge, kyúṉ jo likhiá hai, paí Maiṉ ayálí núṉ máráṉgá, te bheḍáṉ khillar jángíáṉ. 28Par maiṉ apne jí uṭṭhan de pichchhoṉ tuháthoṉ agge Galíl núṉ jáṉgá. 29Tad Patras uh núṉ ákhiá, Bháṉweṉ sáre hí ṭhokar khán, par maiṉ nahíṉ kháṉgá. 30Te Yisúʼ uh núṉ ákhiá, Maiṉ tainúṉ sach ákhná háṉ, paí Ajj ise rát kukkaṛ de do wár báṉg den thoṉ pahláṉ túṉ trai wár merá inkár kareṉgá. 31Tad us baṛe josh nál ákhiá, Je tere nál mainúṉ marná pawe, táṉ bhí kade teṛá inkár ná karáṉgá. Te sáre ise tarah ákhan lagge. 32Pher uh Gatsamane nán ikk tháṉ áe, te us apne shágirdáṉ núṉ ákhiá, Jad tíkar maiṉ duʼá mangáṉ, tusíṉ itthe baiṭhe raho. 33Te Patras te Yaʼqúb te Yúhanná núṉ apne nál líá, te hairán pareshán te bahut dilgír hon laggá 34Te us uhnáṉ núṉ ákhiá, Merá jí bahut udás hai, sagoṉ maran wángar hál hai; tusíṉ itthe ṭhahro, te jágde raho. 35Te uh thorá agge wadhke zamín utte ḍigg piá, te duʼá mangí, paí Je ho sakke, ih ghaṛi maithoṉ ṭal jáe. 36Te us ákhiá, Abbá, yaʼne ai Báp, sab kujh taithoṉ ho sakkdá hai; is piyále núṉ mere koloṉ haṭá de; par uh na howe, jo maiṉ cháhná háṉ, sagoṉ uh jo túṉ cháhná haiṉ. 37Pher uh áyá, te uhnáṉ núṉ sutte hoe vekhiá, te Patras núṉ ákhiá, Shámaʼún, túṉ sauná hain? Taithoṉ ikk ghaṛí bhí jágan nahíṉ hoiá? 38Jágo te duʼá mango, paí tisíṉ azmáish vichch ná pawo. Rúh te tiyár hai, par badan kamzor hai. 39Te uh pher gayá, te uho gall ákhke duʼá mangí. 40Te pher áke us uhnáṉ núṉ suttiaṉ vekhiá, kyúṉ jo uhnáṉ diáṉ akkhíáṉ nínd nál bharíáṉ hoíáṉ sán; te uh nahíṉ jánde sán, paí uh núṉ kí jawáb den. 41Te uh tijjí wár áyá, te uhnáṉ núṉ ákhiá, Hun sutte raho, te árám karo. Bas, hun welá á gayá; vekho, Ibn i Ádam gunahgáráṉ de hawále kítá jáṉdá hai. 42Uṭṭho, chalie; vekho, merá phaṛánwálá neṛe áyá hai. 43Te jadoṉ aje uh boldá hí sí, use wele Yahúdá, jihṛá báráṉ vichchoṉ ikk sí, á gayá, te sardár káhináṉ te faqíháṉ te buzurgáṉ walloṉ ikk bhíṛ talwáráṉ te láṭhíáṉ laí hoí uh de nál sí. 44Te uh de pharánwále ne uhnáṉ núṉ ih patá dittá sí, paí jih núṉ maiṉ chummáṉ, uho hai; uh núṉ phaṛke tagṛáí nál le jáo. 45So jad uh á gayá, uṉweṉ uh de kol áke ákhiá Ai Rabbí; te uh núṉ chumm liá. 46Tad uhnáṉ uh de utte hatth páe, te uh núṉ phaṛ líá. 47Te uhnáṉ vichchoṉ, jihṛe uthe khalote sán, ikk ne apní talwár khhich laí, te sardár káhin de naukar núṉ márí, te uh dá kann uḍá dittá. 48Te Yisúʼ uhnáṉ núṉ ákhiá, paí Talwáráṉ te láṭhíáṉ laike tusíṉ mainúṉ chor wáṉgúṉ pharan nikle ho? 49Maiṉ te roz haikal vichch tuháḍe kol sáṉ, te taʼlím deṉdá sáṉ, te tusáṉ mainúṉ ná phaṛiá; par ih is laí hoiá, paí nawishte púre ho ján. 50Te sáre uh núṉ chhaḍḍke bhajj gaye. 51Te ikk jawán, jis malmal dá kapṛá apne naṉge badan utte liá hoiá sí, uh de magar ṭur piá; te lokaṉ uh núṉ phaṛiá. 52Par uh kapṛá chhaḍḍke nangá bhajj gayá. 53Te uh Yisúʼ núṉ sardár káhin de kol le gaye; te sardár káhin te buzurg te faqíh uh de kol ikaṭṭhe hoe. 54Te Patras dúroṉ uh de pichchhe pichche sardár káhin de díwánḳháne de aṉdar tíkur tur gayá, te piádeáṉ de nál bahke agg sekan laggá. 55Te sardár káhin te sárí majlis Yisúʼ utte uh núṉ máran laí gawáhí labbhde sán, par ná labbhí. 56Bahute uh de utte jhúṭhe gawáh bhugte, par uhuáṉ dí gawáhí ralldí nahíṉ sí. 57Te kaíáṉ uṭṭhke ih ákhke uh de utte gawáhí dittí, paí 58Asáṉ uh núṉ ih ákhdiáṉ suniáṉ, pai Maiṉ is haikal núṉ, jihṛí hatth nál banáí hoí hai, ḍhá diáṉgá, te tinnáṉ dináṉ de andar ikk hor núṉ bináṉ hattháṉ láe banáwáṉgá, hatthaṉ di banaí hoí na howe. 59Tad bhí uhnáṉ dí gawáhí ikko jihí ná sí. 60Te sardár káhin vichghár khalo gayá, te Yisúʼ núṉ ih puchchhiá, paí Túṉ kujh jawáb nahíṉ deṉdá? Ih tere utte kí gawáhí deṉde ne? 61Par uh chup hí kar rahiá, te kujh jawáb na dittá. Sardár káhin ne pher us núṉ puchchhiá te uh núṉ ákhiá, Túṉ Masíh haiṉ? us Mubárak dá Beṭá? 62Yisúʼ ákhiá, Maiṉ háṉ; te tusíṉ Ibn i Ádam núṉ qudrat de sajje hatth baiṭhiáṉ hoíáṉ, te baddaláṉ nál aundiáṉ vekhoge. 63Tad sardár káhiṉ apne kapṛe páṛke ákhiá, Bas hun sánúṉ hornáṉ gawáháṉ dí kí loṛ hai? 64Tusáṉ kufr suniá; tuhánúṉ kí maʼlúm huṉdá hai? Tad uhnáṉ sabhnáṉ uh núṉ maut de láiq hon dá fatwá dittá. 65Tad kaí uh de utte thukkan, te uh dá muṉh ḍhakkan, te us núṉ dhapphe máran, te uh núṉ ákhan lagge, Nabúwat nál dass; te piádeáṉ uh núṉ chapeṛáṉ márke phaṛ líá. 66Te jád Patras heṭháṉ díwánḳháne vichch sí, sardár káhin díáṉ gollíáṉ vichchoṉ ikk áí, 67Te Patras núṉ agg sekdiáṉ vekhke uh de wall nazar kítí, te ákhiá, Túṉ bhí Yisúʼ Násarí de nál sí. 68Par uh mukkarke boliá, Maiṉ ná jándá, ná samajhná háṉ, paí túṉ kí ákhní haiṉ? Te uh báhar wihṛe vichch ṭur gayá; te kukkaṛ báng dittí. 69Te gollí uh núṉ vekhke pher uhnáṉ núṉ, jihṛe kol khalote sán, ákhan laggí, Ih uhnáṉ vichchoṉ ikk hai. 70Par uh pher mukkar gayá. Te pher thoṛe chir pichchhoṉ, jihṛe kol khalote sán, uhnáṉ Patras núṉ ákhiá, Thík túṉ ihnáṉ vichchoṉ haiṉ, kyúṉ jo túṉ Galílí haiṉ. 71Par uh laʼnat karan, te sauṉh khán laggá, paí Maiṉ us bande núṉ, jih dí gall tusíṉ karde ho, nahín jándá. 72Te uṉweṉ kukkaṛ dujjí wárí báng dittí. Te Patras núṉ uh gall yád áí, jihṛí Yisúʼ uh núṉ ákhí sí, paí Kukkaṛ do wár báng den thoṉ pahláṉ túṉ trai wár merá inkár kareṉgá. Te uh us gall núṉ sochke ron laggá.

Currently Selected:

Marqus Dí Injíl 14: PNT1927R

Highlight

Copy