Deuteronomio 1
1
Ma myëtyaktsoonyën
1Ya'atë ojts yë Moisés tkäjpxy tmëtyä'äky ma ja Israel kajpnën ma ënety jam yajpaatën të'ëts'itjotm, a'oytsyow ma ja Jordán mëjnëëjën, jam Arabá ma mëët nyäwyinku'ixëtyën yë Suf, itkujk wyi'imy ma ja it naaxwiinyëtë txëëwatën Parán, Tofel, Labán, Hazerot ets Dizahab. 2Mëj ja it naaxwiinyëtë tyajwintujktë, tyimtsoony jam Horeb ets tyimja'ty jam Cades-barnea, majktu'uk xëëw yajtukye'eynyajxta'ay ko tëyë ja tu'u yajpanëjkxy mëti'ipë ja'ajtpën jam ma Seir kopkën. 3-4Ma tyu'uk'anyën ja majktu'uk po'opë, kom wëxtyikxy jyëmëjt ma ënety ja Moisés të tyajkutëkoyën ja Sihón, mëti'ipë ënä'ämpën jam ma Amor ja'ayëtyën, jampë ënety tsyëënën Hesbón ets ma ënety näjyëtu'un të tyajkutëkoyën ja Ok, jampë y'ëne'emyën Basán ets jam tsyëënë Astarot ma ja Edrei ja nyaaxjotmën. Ënet ja Moisés tuk'ëwa'anëy ja naax kajpn, jëtu'un tä ënety ja Dios të y'ënë'ëmxëtën ets tmooy ja aaw ayuk mëti'ipë mëpaat tpatuntën. 5Ko ënety jam yajpaatën a'oytsyow ma ja Jordán mëjnëëjën, ma ja Moab itjotmën. Ënet ja Moisés ojts ja naax kajpn t'ëëwtë'ëy tkajpxtë'ëy mëët ya'atë aaw ayuk:
6Y'ënäny: Yë nWintsën'ajtëm Dios, jëtu'un ojts xya'ënëma'ayëmë jam Horeb: Tëë miits yaa jeky m'ijtkojtë ma ya'atë kopkën. 7Pëjkmujkta'atë winë ets nëjkxtë jam ma kyopkjotëtyën yë Amor ja'ayëty ets xynyiwa'ktaayëtëty yë y'it nyaaxwiinyëtë jënu'un mëët nyämyëwinkon'atëtën: Tä yë Arabá itjotmën, ja tunjotm kopkjotmën, joyjyotmën, jampaat ma ja itjotm yajtijyën Négueb ets ma ja naax akujkmejyjyotypë ja pya'a nyuxën, ma ja Canaán ja'ay tsyëënëtën ets ma txëëwatyën Líbano, tyimja'tëty jam ma ja Éufrates mëjnëëjën. 8Tääpë it naaxwiinyëtë mijts të nmo'otë, nëjkxtë jam ets jä'ä'atë tääpë naax kam, ëjts maas nWintsën'atyën, yë'ë ojts ntukwinwanëtës yë m'ap m'okëty tä yë Abraham, Isaac ets Jacob ets näjyëtu'un yë y'u'unk y'okëty.
Ma yajnikajpxpätën mëti'ipë yajkutuktëpën
9Jä'ä xëëw jä'ä jëmëjt, ojts mijts n'ënëëmëtë, koos atu'uk ka'apës nmëta'akëty ets miits ntu'uwinwowtëty. 10May'äämpy yë Wintsën, mëti'ipë miits mTiosajtëpën yë u'unk ëna'k të mmo'ojëtë. Paaty ënät tyam janty nimay mkëxë'ëktë, jëtu'un tä mëtsa'a tsajpwinm myäykyëxë'ëktën. 11Yë Wintsën mëti'ipë yë m'ap m'ok Tyios'ajtëpën, yë'ë y'a'ixëp ets miitsëty jaakni'ik mnimayëtëty ets mkënu'kxëtëty jëtu'un tä yë'ë të tnikäjpxyën. 12Ëjts ka'apës xëmë nmëta'akëty atu'uk ets ja m'amay mjotmayëty mpaye'eyëtyës. 13E paaty yam miits n'ënëëmëtë ets xywyin'ixtëty tu'uk yë ja'ay winnaax winkajpn, ja'ayëty mëti'ipë ixpëkyëtyën, wijyëtyën ets nyija'awëtëp ja tuunk. Yë'ëts npëjkta'aktëp kutuunk ma miitsëtyën ets yë'ë mnikopk'atëtëty.
14E miitsëty oy ojts xymyëtowtë ja aaw ayuk.
15Paatyës ojts nikajpxpety ja ja'ayëty tu'ukjaty ma tu'kkajpnjatypë yajpaatën, mëti'ipë wijyëtyën ets nyijawëtëp ja tuunk ets ojts yë'ëjëty nkutujkënmo'oyës ma miitsëtyën. Tam mëti'ipës ntuknipëjkën twintänëty ja ja'ay nitu'kmilpë, nimëko'pxpë, niwëxytyikxymyajkpë, nimajkpë ets tam mëti'ipë tu'kkajpn ojts je'eyë pyäätyën. 16Ënätës näjyëtu'un ntuk'ëwa'anëtyë, tii mëpaat tuntën ets n'ënëmaaytyës: Miits mëtoow'itëp, tii y'amay'ajt jyotmay'ajtëp. Nipaye'eytyë ma amay jotmay tpaatën, wä'än yë'ëjëty yë kunaax kukajpn ets wä'än yë'ëjëty jaaypyaat jaaypyo'kxy. 17Ko tii poky xynyipaye'eyëty, këtii pën tu'uk xy'oyjyawëty ets tu'uk xy'ëxëëk'ixtëty. Tu'knax ja ja'ay xyjyawëtëty, wä'än yë'ëjëty mëti'ipë ëmaay amutsk yajpatpën ets wä'än yë'ëjëty jotkujkja'ayëty. Ni pën xykyatsë'ëkëty, jä'ä ko ja oypyë ets ja tëyajtënpë ja nipaye'eyën Dios yë jyä'ä. E pën jamts ja jotmay mëti'ipë m'ijxtëpën tsip xyaj'oyëtëty, yaa käjxnaxtë ma ëjtsën, ëjts yam nija'ap wi'ixës nyaj'oyë. 18Jä'ä xëëw wa'atsës ojts ntukni''ijxëtya'atë tii mëpaat tuntën.
Ma yajkäxtën nimajkmäjtsk ja ja'ayëty ets nëjkx y'ixtë tyuntë
19Ko ojts ntso'onëm jam Horeb, ënät ojts jam nja'ajtëmë ma ja kopkjotmën, mëti'ipë nyitënaaytyëpën yë Amor ja'ayëty, mpatu'unëmë jëtu'un ja nWintsën'ajtëmë Dios ja y'ënä'ämën. Ojts ntukye'eynyajxta'ayëmë tampë të'ëts'itjot ma kyutsë'ëkëtyën, miits wa'ats xy'ijxtë xynyija'awëtyë ets ojts nja'ajtëmë jam Cades-barnea. 20Jamts ojts n'ënëëmëtë: tëë ënät yaa nja'ajtëmë kopkjoty, ma Amor ja'ayëty tsyëënëtën, mëti'ipë yë Dios të xymyo'oyëmën. 21Yë Wintsën mëti'ipë miits mTiosajtëpën, yë'ë ya'atë naax kam mooyëtëp. Paaty jä'ä'atë jëtu'un ya'atë naax kajpn, nitsiptuntë. Jä'ä ko yë Wintsën mëti'ipë m'ap m'ok Tyios'ajtëpën tëë mmo'ojëtë jëtu'un tä të tukwinwanën ja aptëjk, këtii mtsë'ëkëtë ets këtii mkumay mkutajëtë. 22E miits ojts kë'ëm xynyimintës ets m'ënantë. Ko oy, ko yajkäxtëty yë mëku'ukëty ets nëjkx t'ixtë tuntë ja it naaxwiinyëtë ets yajnijawëty mëti'ipë tu'u yajpëkëpën ets mëti'ipë kajpn ëka'any yajnitëkëpën.
23Mëti'ipë miits mnikajpxtën, oyës nmëtooy, paatyës ojts nimajkmäjtsk nwin'ixy yë mëku'uktëjkëty, tu'ukjaty ma tu'ukpë ja kajpnën. 24Mëti'ipë ojts nyëjkxtën jam ma ja kopkjotmën ets jyajtë jam joyjyotm, ma txëëwatyën Escol ets ojts tukjëtijtëtya'atë ja itjot. 25Ojts wäänë tmëmintë yë aaytyëëm ujtstëëm, mëti'ipë ojts mëët yajtuknijawën, wi'ix ënety ja naax kam y'ixëtyën ets ja aaw ayuk tyajktë: Ja it naaxwiinyëtë mëti'ipë yë Dios xymyo'oyëmë mëj këjää yë y'oyëty. 26E miitsëty ka'ap mnëjkxantë, ojts xykyäjpxykyutëjtë ja Dios ja y'ënä'ämën, mëti'ipë ënety të mo'ojëtën. 27Ets ma ja mjëën mtëjkëtyën, ojts mtëkëtë ëëpë kajpxpë ets m'ënantë: Yë Wintsën ka'ap yowë xytsyojkëmë. Paaty të xyjyu'tëmë jap Egiptë ets yaa të xyajmi'inëmë, ma Canaán ja'ayëty yë nyaaxjotëtyën ets ënät yë Amor ja'ayëty xyaj'o'ktä'ämyëty. 28E tyam, ¿maa ënät nëjkxmëty? Yë nmëkukajpn'ajtëmë jëtu'un y'ëna'antë, ko ma tääpë itjotmën tam yë ja'ayëty mëti'ipë mëkëtyën ets këjxmëty tyänëtë. Ets nyaax kyajpnëty ta'tspëky oy nyapotsy'atë ets näjyëtu'un nikajpxtë, ko tëë t'ixtë yë y'u'unk y'ok yë ja'aypyajkyeny Anac. Tääpë aaw ayuk jëtu'unyë të xy'ëtsë'këtyä'äyëmë.
29Ënet ojts miitsëty n'ëtsowtë: Këtii nëkoo mkumay mkutajëtë, këtii tääpë ja'ayëty xytyimtsë'ëkëtë. 30Yë Wintsën mëti'ipë miits mTiosajtëpën yë'ë mwinye'eyëtëp ets yë'ë mnitsiptunanëtëp, jëtu'un tä ojts jyäty kyëpetyën jap Egiptë. 31Ets jam të'ëts'itjotm yë Wintsën mëti'ipë mTiosajtëpën jëtu'un të mtimjyawëtë, tä yë ja'ay yë y'u'unk muum tseeny kony tyajnëjkxyën ets jëtu'un yaa të myajja'tëtë. 32E miitsëty ka'ap tu'ukyë ja Wintsën mëti'ipë miits mTiosajtëpën tëë xytyuk'ijxpätë. 33Oy yë'ë mjatu'uwinwowëtë ets të t'ixta'ay ja it naaxwiinyëtë ma mtsënaaytyaknpëktëtyën. Ko ënety kyoots'aty, yë'ë mëët ja jëën tkutë'kxy ja në'ë tu'u, mëti'ipë mëpaat xypyanëjkxtën; e ko xyiiny'äty, yë'ë mëët ja yoots mtu'uwinye'eyëtë.
Ma ja Wintsën tukjoot'anpëkyën ja Israel ja'ayëty
34Ko yë Wintsën tmëtooy ko miitsëty je'eyë wiinkjaty xynyikajpx xynyimëtya'aktë, yë'ë mëk jyoot'anpëjky, paaty ojts yajxon timnyikäjpxy mëët ja kyutujkën. 35Nitu'uk yë ja'ay nëjkx kyaja'ty jam ma ja itjotmën ja oypyë, tyampë jyuuky'atën mëti'ipë je'eyë ja ëxëëk jot ëxëëk winma'any myëët'ajtëpën, mëti'ipës ntukwinwa'anëyën ja m'ap m'okëty. 36Yi'iyë Caleb, yë myaank yë Jefuné, nëjkxëp jam jyä'ty mëët yë y'u'unk tyo'oxytyëjk ets y'u'unk y'ok. Mëët ko yë'ë jëtu'un winë t'ëy tkäjpxy tääjës ntukjotkëtä'äkyën.
37Ets mëët miits mpokykyëjxmëty ojtsës yë Wintsën näjyëtu'un xytyukjoot'anpëky, etsës xy'ënëmaay: Mijts ka'ap nëjkx mtëkë ma tääpë naax kamën. 38Ma mijtsën yë'ë nëjkx mkutëkëty yë Josué, yë myaank yë Nun. Paaty mijts jotmëkmo'o, jä'ä ko yë'ë nëjkx tkë'ëmo'oy yë Israel ja'ayëty ja it naaxwiinyëtë. 39E oyëtën miitsëty të m'ëna'antë, ko ja mto'oxytyëjkëty ets ja m'u'unk m'ëna'këty ja mëtsip nëjkx tkë'ë'ampëjkta'ay. Tääpë pi'k'ëna'këty yë'ë nëjkx jam tyëkëtë ma tääpë itjotmën oy ënety ka'ap oy myäytyë tyajtënëm. Jä'ä ko yë'ëjës yam nmooytyëp ets yë'ë tjä'ä'atëty. 40E miitsëty, winpitë jatëkok jam të'ëts'itjotm. Nëjkxtë jam ma ja Tsaptsmejyën.
Ja tsyuuwinma'any mëti'ipë yajtëkooyëtën ja Israel ja'ayëty
41Ënet m'ëtsoowtë: Tëës mëj këjää ja Wintsën nmëtëkoytyë. E tyam jëjp'ixy ëëts nyajpaatë, oy nëjkxtëtyës tsiptuunpë, jëtu'un tä ja nWintsën'ajtëm Dios të tni'ënä'ämën. Ënet xypyëjkë'ktë ja mëti'ipë yajmëtsiptuunpën ets ojts mnëjkxtë, jä'ä jëtää ënety mjootwinmaytyë ko ka'ap nëkooyë tsyipëty ets mkopktëkëtëty. 42E yë Wintsën ojtsës xy'ënëëmë ets miits n'ëwaanëtëty: Ko ka'ap mnëjkxtëty tsiptuunpë, ko këtii ja mjuukyajtën nëkoo ëtsë'ëkëtum xypyëjkta'aktëty ma ja mëtsiptëjkëtyën ets myaj'ook myajtëkoyëtëty, jä'ä ko ka'apës nyajpaaty ma miitsëtyën.
43Ojts miits jëtu'un nja'ënëëmëtë, ka'apës ojts xytyuntë këwentë, ojts xykyäjpxy kumëtoownaxtë yë Wintsën ets ka'ap xykyuuytyuuntë ja y'ënä'ämën mëti'ipë ënety ja Wintsën të tjanikäjpxyën, ni'ikyë ojts jam mnëjkxtë tunkëjxm janty këtii pën myëjëty. 44E ja Amor ja'ayëty ko tnija'awëtyë, tääts mnipëtsëëmëtë tä xëmiinky kyääkwä'kxyën ets ka'ap myajmëtakëtë; jampaat mpaja'ajtëtë ma txëëwatyën Seir ets ma txëëwatyën Hormá. 45Ko ojts mwinpijtnëtë ojts mjajëëy mjayaxnëtë Wintsën wintum, e yë'ë ka'ap ojts mtunëtë këwentë. 46Paatykyëjxm jëtu'un ojts jekpyaat mwë'ëmtë tsënääpyë ma ja Cadés y'itjotmën.
Currently Selected:
Deuteronomio 1: QUETZMIXE
Highlight
Share
Copy
Want to have your highlights saved across all your devices? Sign up or sign in
Biblia Dc en Mixe de Quetzaltepec, Oaxaca México © Sociedad Bíblica de México, A.C.
Deuteronomio 1
1
Ma myëtyaktsoonyën
1Ya'atë ojts yë Moisés tkäjpxy tmëtyä'äky ma ja Israel kajpnën ma ënety jam yajpaatën të'ëts'itjotm, a'oytsyow ma ja Jordán mëjnëëjën, jam Arabá ma mëët nyäwyinku'ixëtyën yë Suf, itkujk wyi'imy ma ja it naaxwiinyëtë txëëwatën Parán, Tofel, Labán, Hazerot ets Dizahab. 2Mëj ja it naaxwiinyëtë tyajwintujktë, tyimtsoony jam Horeb ets tyimja'ty jam Cades-barnea, majktu'uk xëëw yajtukye'eynyajxta'ay ko tëyë ja tu'u yajpanëjkxy mëti'ipë ja'ajtpën jam ma Seir kopkën. 3-4Ma tyu'uk'anyën ja majktu'uk po'opë, kom wëxtyikxy jyëmëjt ma ënety ja Moisés të tyajkutëkoyën ja Sihón, mëti'ipë ënä'ämpën jam ma Amor ja'ayëtyën, jampë ënety tsyëënën Hesbón ets ma ënety näjyëtu'un të tyajkutëkoyën ja Ok, jampë y'ëne'emyën Basán ets jam tsyëënë Astarot ma ja Edrei ja nyaaxjotmën. Ënet ja Moisés tuk'ëwa'anëy ja naax kajpn, jëtu'un tä ënety ja Dios të y'ënë'ëmxëtën ets tmooy ja aaw ayuk mëti'ipë mëpaat tpatuntën. 5Ko ënety jam yajpaatën a'oytsyow ma ja Jordán mëjnëëjën, ma ja Moab itjotmën. Ënet ja Moisés ojts ja naax kajpn t'ëëwtë'ëy tkajpxtë'ëy mëët ya'atë aaw ayuk:
6Y'ënäny: Yë nWintsën'ajtëm Dios, jëtu'un ojts xya'ënëma'ayëmë jam Horeb: Tëë miits yaa jeky m'ijtkojtë ma ya'atë kopkën. 7Pëjkmujkta'atë winë ets nëjkxtë jam ma kyopkjotëtyën yë Amor ja'ayëty ets xynyiwa'ktaayëtëty yë y'it nyaaxwiinyëtë jënu'un mëët nyämyëwinkon'atëtën: Tä yë Arabá itjotmën, ja tunjotm kopkjotmën, joyjyotmën, jampaat ma ja itjotm yajtijyën Négueb ets ma ja naax akujkmejyjyotypë ja pya'a nyuxën, ma ja Canaán ja'ay tsyëënëtën ets ma txëëwatyën Líbano, tyimja'tëty jam ma ja Éufrates mëjnëëjën. 8Tääpë it naaxwiinyëtë mijts të nmo'otë, nëjkxtë jam ets jä'ä'atë tääpë naax kam, ëjts maas nWintsën'atyën, yë'ë ojts ntukwinwanëtës yë m'ap m'okëty tä yë Abraham, Isaac ets Jacob ets näjyëtu'un yë y'u'unk y'okëty.
Ma yajnikajpxpätën mëti'ipë yajkutuktëpën
9Jä'ä xëëw jä'ä jëmëjt, ojts mijts n'ënëëmëtë, koos atu'uk ka'apës nmëta'akëty ets miits ntu'uwinwowtëty. 10May'äämpy yë Wintsën, mëti'ipë miits mTiosajtëpën yë u'unk ëna'k të mmo'ojëtë. Paaty ënät tyam janty nimay mkëxë'ëktë, jëtu'un tä mëtsa'a tsajpwinm myäykyëxë'ëktën. 11Yë Wintsën mëti'ipë yë m'ap m'ok Tyios'ajtëpën, yë'ë y'a'ixëp ets miitsëty jaakni'ik mnimayëtëty ets mkënu'kxëtëty jëtu'un tä yë'ë të tnikäjpxyën. 12Ëjts ka'apës xëmë nmëta'akëty atu'uk ets ja m'amay mjotmayëty mpaye'eyëtyës. 13E paaty yam miits n'ënëëmëtë ets xywyin'ixtëty tu'uk yë ja'ay winnaax winkajpn, ja'ayëty mëti'ipë ixpëkyëtyën, wijyëtyën ets nyija'awëtëp ja tuunk. Yë'ëts npëjkta'aktëp kutuunk ma miitsëtyën ets yë'ë mnikopk'atëtëty.
14E miitsëty oy ojts xymyëtowtë ja aaw ayuk.
15Paatyës ojts nikajpxpety ja ja'ayëty tu'ukjaty ma tu'kkajpnjatypë yajpaatën, mëti'ipë wijyëtyën ets nyijawëtëp ja tuunk ets ojts yë'ëjëty nkutujkënmo'oyës ma miitsëtyën. Tam mëti'ipës ntuknipëjkën twintänëty ja ja'ay nitu'kmilpë, nimëko'pxpë, niwëxytyikxymyajkpë, nimajkpë ets tam mëti'ipë tu'kkajpn ojts je'eyë pyäätyën. 16Ënätës näjyëtu'un ntuk'ëwa'anëtyë, tii mëpaat tuntën ets n'ënëmaaytyës: Miits mëtoow'itëp, tii y'amay'ajt jyotmay'ajtëp. Nipaye'eytyë ma amay jotmay tpaatën, wä'än yë'ëjëty yë kunaax kukajpn ets wä'än yë'ëjëty jaaypyaat jaaypyo'kxy. 17Ko tii poky xynyipaye'eyëty, këtii pën tu'uk xy'oyjyawëty ets tu'uk xy'ëxëëk'ixtëty. Tu'knax ja ja'ay xyjyawëtëty, wä'än yë'ëjëty mëti'ipë ëmaay amutsk yajpatpën ets wä'än yë'ëjëty jotkujkja'ayëty. Ni pën xykyatsë'ëkëty, jä'ä ko ja oypyë ets ja tëyajtënpë ja nipaye'eyën Dios yë jyä'ä. E pën jamts ja jotmay mëti'ipë m'ijxtëpën tsip xyaj'oyëtëty, yaa käjxnaxtë ma ëjtsën, ëjts yam nija'ap wi'ixës nyaj'oyë. 18Jä'ä xëëw wa'atsës ojts ntukni''ijxëtya'atë tii mëpaat tuntën.
Ma yajkäxtën nimajkmäjtsk ja ja'ayëty ets nëjkx y'ixtë tyuntë
19Ko ojts ntso'onëm jam Horeb, ënät ojts jam nja'ajtëmë ma ja kopkjotmën, mëti'ipë nyitënaaytyëpën yë Amor ja'ayëty, mpatu'unëmë jëtu'un ja nWintsën'ajtëmë Dios ja y'ënä'ämën. Ojts ntukye'eynyajxta'ayëmë tampë të'ëts'itjot ma kyutsë'ëkëtyën, miits wa'ats xy'ijxtë xynyija'awëtyë ets ojts nja'ajtëmë jam Cades-barnea. 20Jamts ojts n'ënëëmëtë: tëë ënät yaa nja'ajtëmë kopkjoty, ma Amor ja'ayëty tsyëënëtën, mëti'ipë yë Dios të xymyo'oyëmën. 21Yë Wintsën mëti'ipë miits mTiosajtëpën, yë'ë ya'atë naax kam mooyëtëp. Paaty jä'ä'atë jëtu'un ya'atë naax kajpn, nitsiptuntë. Jä'ä ko yë Wintsën mëti'ipë m'ap m'ok Tyios'ajtëpën tëë mmo'ojëtë jëtu'un tä të tukwinwanën ja aptëjk, këtii mtsë'ëkëtë ets këtii mkumay mkutajëtë. 22E miits ojts kë'ëm xynyimintës ets m'ënantë. Ko oy, ko yajkäxtëty yë mëku'ukëty ets nëjkx t'ixtë tuntë ja it naaxwiinyëtë ets yajnijawëty mëti'ipë tu'u yajpëkëpën ets mëti'ipë kajpn ëka'any yajnitëkëpën.
23Mëti'ipë miits mnikajpxtën, oyës nmëtooy, paatyës ojts nimajkmäjtsk nwin'ixy yë mëku'uktëjkëty, tu'ukjaty ma tu'ukpë ja kajpnën. 24Mëti'ipë ojts nyëjkxtën jam ma ja kopkjotmën ets jyajtë jam joyjyotm, ma txëëwatyën Escol ets ojts tukjëtijtëtya'atë ja itjot. 25Ojts wäänë tmëmintë yë aaytyëëm ujtstëëm, mëti'ipë ojts mëët yajtuknijawën, wi'ix ënety ja naax kam y'ixëtyën ets ja aaw ayuk tyajktë: Ja it naaxwiinyëtë mëti'ipë yë Dios xymyo'oyëmë mëj këjää yë y'oyëty. 26E miitsëty ka'ap mnëjkxantë, ojts xykyäjpxykyutëjtë ja Dios ja y'ënä'ämën, mëti'ipë ënety të mo'ojëtën. 27Ets ma ja mjëën mtëjkëtyën, ojts mtëkëtë ëëpë kajpxpë ets m'ënantë: Yë Wintsën ka'ap yowë xytsyojkëmë. Paaty të xyjyu'tëmë jap Egiptë ets yaa të xyajmi'inëmë, ma Canaán ja'ayëty yë nyaaxjotëtyën ets ënät yë Amor ja'ayëty xyaj'o'ktä'ämyëty. 28E tyam, ¿maa ënät nëjkxmëty? Yë nmëkukajpn'ajtëmë jëtu'un y'ëna'antë, ko ma tääpë itjotmën tam yë ja'ayëty mëti'ipë mëkëtyën ets këjxmëty tyänëtë. Ets nyaax kyajpnëty ta'tspëky oy nyapotsy'atë ets näjyëtu'un nikajpxtë, ko tëë t'ixtë yë y'u'unk y'ok yë ja'aypyajkyeny Anac. Tääpë aaw ayuk jëtu'unyë të xy'ëtsë'këtyä'äyëmë.
29Ënet ojts miitsëty n'ëtsowtë: Këtii nëkoo mkumay mkutajëtë, këtii tääpë ja'ayëty xytyimtsë'ëkëtë. 30Yë Wintsën mëti'ipë miits mTiosajtëpën yë'ë mwinye'eyëtëp ets yë'ë mnitsiptunanëtëp, jëtu'un tä ojts jyäty kyëpetyën jap Egiptë. 31Ets jam të'ëts'itjotm yë Wintsën mëti'ipë mTiosajtëpën jëtu'un të mtimjyawëtë, tä yë ja'ay yë y'u'unk muum tseeny kony tyajnëjkxyën ets jëtu'un yaa të myajja'tëtë. 32E miitsëty ka'ap tu'ukyë ja Wintsën mëti'ipë miits mTiosajtëpën tëë xytyuk'ijxpätë. 33Oy yë'ë mjatu'uwinwowëtë ets të t'ixta'ay ja it naaxwiinyëtë ma mtsënaaytyaknpëktëtyën. Ko ënety kyoots'aty, yë'ë mëët ja jëën tkutë'kxy ja në'ë tu'u, mëti'ipë mëpaat xypyanëjkxtën; e ko xyiiny'äty, yë'ë mëët ja yoots mtu'uwinye'eyëtë.
Ma ja Wintsën tukjoot'anpëkyën ja Israel ja'ayëty
34Ko yë Wintsën tmëtooy ko miitsëty je'eyë wiinkjaty xynyikajpx xynyimëtya'aktë, yë'ë mëk jyoot'anpëjky, paaty ojts yajxon timnyikäjpxy mëët ja kyutujkën. 35Nitu'uk yë ja'ay nëjkx kyaja'ty jam ma ja itjotmën ja oypyë, tyampë jyuuky'atën mëti'ipë je'eyë ja ëxëëk jot ëxëëk winma'any myëët'ajtëpën, mëti'ipës ntukwinwa'anëyën ja m'ap m'okëty. 36Yi'iyë Caleb, yë myaank yë Jefuné, nëjkxëp jam jyä'ty mëët yë y'u'unk tyo'oxytyëjk ets y'u'unk y'ok. Mëët ko yë'ë jëtu'un winë t'ëy tkäjpxy tääjës ntukjotkëtä'äkyën.
37Ets mëët miits mpokykyëjxmëty ojtsës yë Wintsën näjyëtu'un xytyukjoot'anpëky, etsës xy'ënëmaay: Mijts ka'ap nëjkx mtëkë ma tääpë naax kamën. 38Ma mijtsën yë'ë nëjkx mkutëkëty yë Josué, yë myaank yë Nun. Paaty mijts jotmëkmo'o, jä'ä ko yë'ë nëjkx tkë'ëmo'oy yë Israel ja'ayëty ja it naaxwiinyëtë. 39E oyëtën miitsëty të m'ëna'antë, ko ja mto'oxytyëjkëty ets ja m'u'unk m'ëna'këty ja mëtsip nëjkx tkë'ë'ampëjkta'ay. Tääpë pi'k'ëna'këty yë'ë nëjkx jam tyëkëtë ma tääpë itjotmën oy ënety ka'ap oy myäytyë tyajtënëm. Jä'ä ko yë'ëjës yam nmooytyëp ets yë'ë tjä'ä'atëty. 40E miitsëty, winpitë jatëkok jam të'ëts'itjotm. Nëjkxtë jam ma ja Tsaptsmejyën.
Ja tsyuuwinma'any mëti'ipë yajtëkooyëtën ja Israel ja'ayëty
41Ënet m'ëtsoowtë: Tëës mëj këjää ja Wintsën nmëtëkoytyë. E tyam jëjp'ixy ëëts nyajpaatë, oy nëjkxtëtyës tsiptuunpë, jëtu'un tä ja nWintsën'ajtëm Dios të tni'ënä'ämën. Ënet xypyëjkë'ktë ja mëti'ipë yajmëtsiptuunpën ets ojts mnëjkxtë, jä'ä jëtää ënety mjootwinmaytyë ko ka'ap nëkooyë tsyipëty ets mkopktëkëtëty. 42E yë Wintsën ojtsës xy'ënëëmë ets miits n'ëwaanëtëty: Ko ka'ap mnëjkxtëty tsiptuunpë, ko këtii ja mjuukyajtën nëkoo ëtsë'ëkëtum xypyëjkta'aktëty ma ja mëtsiptëjkëtyën ets myaj'ook myajtëkoyëtëty, jä'ä ko ka'apës nyajpaaty ma miitsëtyën.
43Ojts miits jëtu'un nja'ënëëmëtë, ka'apës ojts xytyuntë këwentë, ojts xykyäjpxy kumëtoownaxtë yë Wintsën ets ka'ap xykyuuytyuuntë ja y'ënä'ämën mëti'ipë ënety ja Wintsën të tjanikäjpxyën, ni'ikyë ojts jam mnëjkxtë tunkëjxm janty këtii pën myëjëty. 44E ja Amor ja'ayëty ko tnija'awëtyë, tääts mnipëtsëëmëtë tä xëmiinky kyääkwä'kxyën ets ka'ap myajmëtakëtë; jampaat mpaja'ajtëtë ma txëëwatyën Seir ets ma txëëwatyën Hormá. 45Ko ojts mwinpijtnëtë ojts mjajëëy mjayaxnëtë Wintsën wintum, e yë'ë ka'ap ojts mtunëtë këwentë. 46Paatykyëjxm jëtu'un ojts jekpyaat mwë'ëmtë tsënääpyë ma ja Cadés y'itjotmën.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Dc en Mixe de Quetzaltepec, Oaxaca México © Sociedad Bíblica de México, A.C.